نظام المائدة

[Sayyeda Abouzied]

اولا نشكر ادارة المنتدى لتخصيص هذا الباب مما يتيح لنا نحن سيدات البيوت التلاقي واعطاء كل ما عنده من معلومات في ادارة مطبخه من واقع ان الغذاء من العوامل الرئيسية للحفاظ على نظام الاسرة وتقويته وهذا ما يميز مجتمعنا المصري ولنبدأ :

نظام المائدة

الكفاءة في ترتيب المائدة تحددها اربع امور وهي

السرعة - الحذر - قلة الضوضاء - التنظيم

وعند التنظيم تراعي الاتي

1 تقطيع اللحوم الى قطع صغيرة تسهل على الضيوف

2 التأكد من نظافة ادوات المائدة وغطائها

3 يستعان بمنضدة صغيرة جانبيه بجوار المائدة توضع عليها الاطباق والاكواب الاحتياطية

4 توضع ملعقة كبيرة وسكين كبيرة نصلها الى الداخل عند كل ركن من المائدة وكذلك الملح والفلف والمسترده

5 توضع الشوكة الى يسار الطبق وتكون اسنانها الى الداخل والملاعق الى يمين الطبق

6 يوضع طبق الخبز والذبده (في حالة استعماله) الى يسار الطبق فوق الشوكه وتوضع سكينة الذبدة على يمين طبقها وتكون حافتها الحادة في اتجاه وسط الطبق ثم يوضع كوب الماء الي اليمين امام السكين اما الفوط الصغيرة فأمام كل ضيف بجوار الطبق الاساسي الي اليسار ويمكن وضع ذهرة عليه

7 تبدأ المائدة بتوزيع الحساء بداية بالاكبر سنا من الضيوف بالجالس عن يمين صاحب المنزل : وبعد رفع اطباق الحساء تقدم اطباق السمك او اللحم المقطع وعند تقديم الاطعمة يقف موزع الطعام عن يسار الضيف مقدما باليد اليمنه ورافعا الطبق الفارغ في اليسرة

تم تعديل 5 فبراير 2004 بواسطة Sayyeda Abouzied

[impossible]

تبدأ المائدة بتوزيع الحساء بداية بالاكبر سنا من الضيوف بالجالس عن يمين صاحب المنزل

ايوة انا كدة فهمت

يعنى النظام دة لما يكون فى ضيوف طبعاااا rs: :)

انما العادى كل واحد ياخد طبقة فى ايدة ويروح ياكل قدام التلفزيون

ولا ياخد الشندوتش بتاعه ويصرف نفسة :o :D

تم تعديل 5 فبراير 2004 بواسطة impossible

[الأفوكاتو]

بعض أفراد الأسرة يعتبرون أنفسهم ضيوف مستديمين taz:: taz:: taz::

[Sayyeda Abouzied]

المفروض طبعا تطبق نظام المائدة سواء فيه ضيوف ام لا ولكن في حالة وجود الضيوف يجب تطبيقه

[MuslimaEgyptian]

جزاكى الله خيرا مدام سيده على مجهودك وخلق من نظام المائده بهجه تسر أنظار افراد العائله وضيوفها...ولكن دائما تستوقفنى هذه النقطه..

توضع الشوكة الى يسار الطبق وتكون اسنانها الى الداخل

لأن بشوف ناس بتستسهل وتروح اكله بإيديها بالشمال طبقا لموضع الشوكه..وحاول ان تتابع اى فيلم او تمثيليه وقت الأكل، أؤكدلك انك ستجد نفس الفعل..ولكن طبعا نعلم كما حدثنا الرسول عليه الصلاه والسلام ان "لا يأكل الرجل بشماله ولا يشرب بها ولا يتناول بها إلا من علّة"

فإيتيكيت الاسلام يغلب ولكن لو كان بها، فالواحد بيضطر بعد ما يقطع الاكل انه ينقل الشوكه للإيد اليمين..

بالمناسبه...هو مين اخترع الاتيكيت؟

فالإسلام سبحان الله به اتيكيت كامل عن الاكل كما جاء بأحاديث الرسول عليه الصلاه والسلام...بل انه نظام كامل خرافى قد يأخذ صفحات لعرضه هنا..منه على سبيل المثال :

*غسل اليدين قبل الطعام وبعده، روي عن أمير المؤمنين عليه السلام، أنه قال: من غسل يديه قبل الطعام وبعده بورك له في أول الطعام وآخره.

*ويكره أن يضع رجلاً على رجل عند الطعام، روي عن أبي عبد الله عن آبائه، عن أمير المؤمنين عليهم السلام، آنه قال: إذا جلس أحدكم على الطعام فليجلس جلسة العبد، ولا يضعن أحدكم إحدى رجليه على الاُخرى، ولا يتربع فانها جلسة يبغضها الله عز وجل،

وعذرا للإطاله ولكن عندى سؤال أخير...

عمركم كنتم فى مطعم او فرح ولقيتم مليون شوكه ومليون معلقه ومليون سكينه كلهم أحجام مختلفه وفضلت تبصلهم ومكسوف تستخدم انى واحده فيهم لإيه؟ mfb:

انا عارفه ان الحجم الاصغر خالص للحلويات، والاكبر للاكل العادى..

الباقى بقى ايه لزمتهم؟ mfb:

[فــيــروز]

فإيتيكيت الاسلام يغلب ولكن لو كان بها، فالواحد بيضطر بعد ما يقطع الاكل انه ينقل الشوكه للإيد اليمين..

ايه ده !! B)

انا باعمل كده فعلا بس .. الحقيقه يعنى مش بدافع اسلامى :lol: يادى الكسوف

قصدى يعنى بامسك السكينه فى اليمين و الشوكه فى الشمال و اقطع الاكل

وبعدين احط السكينه و امسك الشوكه فى اليمين و آكل

"كل ده بره البيت طبعا فى البيت الحقيقه باستخدم معلقه و شوكه بس"

بس الحقيقه كنت بارتاح للطريقه دى لانى كده باكل بايدى اليمين وكمان مريحه عن امساك الشوكه بالشمال عشان حاجه غلسه و سخيفه

[إبن مصر]

الاخت الفاضله مسلمه

بارك الله فيك وفى مدام سيده

بخصوص سؤالك..

فهذا يعنى انك كنت فى مطعم فرنسى اذا ان من اكبر السرفيسات واكثرها تنوعا فى الاستعمال هو السرفيس الفرنسى.

اذ تجدى على اليمين ( على الاقل) 3 انواع مختلفه من السكاكين وامام الطبق الرئيسى( اذ يحوى هذا السرفيس اكثر من طبق) 3 انواع من المعالق وعلى اليسار 3 انواع من الشوك هذا غير سكين وشوكه الزبد وسكين الفاكهه الى جانب طبق الماء والمفترض ان تغسلى فيه اطلااف الانامل ....

اه والله..

المهم انه لا يوضع هذا السرفيس كاملا الا اذا كان المينمنيو يحتوى على طبقين مختلفين ولابد ان يكون احدهما اسماك..

والله اعلم

انا ايه الى جابنى الباب ده ..

حاسس انى مكسووووووف .. الراجل الوحيد الى فيه..

ابن مصر

تخصص شوك وسكاكين وسرفيس فرنساوى

[abofasad]

استكمالا لحديث للأخت سيدة ابوزيد، أقول:

إن العزومات يفضل ان تكون ستة أشخاص (3 رجال وثلاث سيدات) وإذا كان العدد اكتر فيفضل دائما إضافة أربعة أشخاص أي 10 أو 14 أو 18 وذلك حتى يسهل توزيع المقاعد

فإذا كان العدد 6 فيجلس الداعي على رأس المائدة وتجلس وزوجته على الطرف الآخر، ثم على يمينه زوجة أهم المدعويين وعلى يساره زوجة الرجل الذي يليه في الأهمية، وعلى يمين زوجة الداعي يجلس أهم شخصية وعلى يسارها الرجل الذي يليه، وبهذه الطريقة يتم توزيع المقاعد، ثم باقي المدعوين من اليمين ثم اليسار.

وفي المرة القادمة سوف أكتب عن طريقة توزيع الزهور على المائدة

[MuslimaEgyptian]

انا ايه الى جابنى الباب ده ..

حاسس انى مكسووووووف .. الراجل الوحيد الى فيه..

ابن مصر

تخصص شوك وسكاكين وسرفيس فرنساوى

ليه بس كده يا أخ ابن مصر..ده أنتوا حتى مكتسحين هذا المجال ومسيبتولناش غير أبله نظيره كآخر ما قدمناه فى عالم المطبخ lmo:

أشكرك على ردك..

~*~*~*

فيروز كتبت:

قصدى يعنى بامسك السكينه فى اليمين و الشوكه فى الشمال و اقطع الاكل

وبعدين احط السكينه و امسك الشوكه فى اليمين و آكل

طب ما انت حلو أهه، زعلان ليه بس lmo:

تم تعديل 18 فبراير 2004 بواسطة MuslimaEgyptian

[فــيــروز]

فيروز كتبت:

قصدى يعنى بامسك السكينه فى اليمين و الشوكه فى الشمال و اقطع الاكل

وبعدين احط السكينه و امسك الشوكه فى اليمين و آكل

طب ما انت حلو أهه، زعلان ليه بس lmo:

mf( lmo: lmo: htr::

[se_ Elsyed]

أنا بقى الكلام ده ماياكلش معايا ، ده انا مجرد مابشوف الأكل بانسى نفسي وماليش دعوة بقى الشوكة عاليمين السكاكين حطينها سمبوكسات ... اهم حاجة الهوبر والحلويات ...

وبعيدن يا مدام سيده حضرتك قولتي نوزع الشوربة على حسب السن الأكبر فالأصغر ، يعني عايزة توقعينا في مشاكل !!!... طب فرضنا كان في العزومة ستات وجه الغلبان س س بحسن نية وروحت منقى أكبر واحده سناً ومباصي لها طبق شوربه في الاول ولسؤ حظي طلعت بتفهم في الأتيكيت وراحت خبطاني بطبق الشوربة الملهلب وقايله لي " بقى انا أكبر واحده في السن يا روح خالتك ..... ناس معندهاش دم "

يبقى إزي الحال دلوقت بقى يا مدام سيده وانا راقد في عنبر الحروق ؟

يا ستي خلينا نوزع الشوربة بشكل عشوائي ونخلص الليلة ...

وبعدين انا مابلاقيش الترتيبات دي إلا في الفنادق والمطاعم الكبيرة بصراحة .. اما العزومات اللي في البيوت فكويس لو لاقينا أطباق ومعالق نأكل بهم ...

[Mohammad Abouzied]

ما يهمكشي يا سي السيد لما تيجي عندنا الدمام هنعزمك على طبلية lmo: lmo:

اوع تقول مش عارفها lmo:

[Sayyeda Abouzied]

وطبعا العزومة ها يكون فيها الاكل بالخمس صوابع وماقصرت ولا كلفت وحياك الله