بتحب مديرك و لا بتكرهه

[أكسيلانس]

:sofa: أخواني الحقيقه أنا من زمان نفسي أسأل السؤال ده لناس كتير ,, أنا بطبعي عمري ما كرهت أي شخص ,, لكن كان دائما المدير العام الذي أعمل معاه علي مقدره مزهله لتوصيل الفولت عندي الي الدرجه الحمراء ,, حتي من كانت تربطني به علاقة صداقه عندما وصل للكرسي و أستريح كده ,, بدأ يقلب علي مدير عام ,, أستغلال منصبه بقلة أدب ,, شغل لحسابه من تحت التربيزه ,, طول لسان ,, و أهم حاجه لحظتها أن كل ما الواحد منهم أنحدر أخلاقيا كلما زاد تمثيله ألآحترام و الألتزام بالأدب و ممكن يتكلم ساعه في محاضره مع الموظفين و هما جميعا بكونوا نفسهم يضربوه بالكراسي من الغيظ ,, تخيلوا لما يكون مدير شركه مرتبه 45000 جنيه في الشهر يرفض بدل سفر 30 جنيه لعامل من بنس سويف و يجبره يروح بني سويف من البحر الأحمر عن طريق القاهره ,, و يرفد 3 سائقين علشان أتأخروا علي المدام و هي وقفت في الشارع 15 دقيقه يا عيني لأ و رفتهم أمتي يوم وقفة العيد فعلا الرئيس المؤمن عايز أسمع أرائكم في مدرائكم بصراحه و كيف تفسروا تصرفتهم هل هما علي حق و ألآ أحنا ألي مجانين و لا هما المصرين فعلا فراعنه لما حد فيهم يجلس علي الكرسي يتفرعن علي شعبه

هل تحبهم تكرههم ,و تتجنب التعامل معهم

و لماذا ,, هل هي أزمة أخلاق ,, قلة تعليم و لا ,,,,,,,,, قلة أدب

مستني أسمع رأيكم

تم تعديل 13 يناير 2010 بواسطة أكسيلانس

[myusername]

الله يسامحك... قلبت علينا المواجع..

بص يا سيدى..

انا معنديش مدير... :sofa: عشان كده الحياة معايا بيس عالاخر :)

الحمدلله ان الواحد حر نفسه... و شغال كده على باب الله.

تم تعديل 13 يناير 2010 بواسطة myusername

[ميرا]

انت عارف ياستاذ اكسيلانس انا بقالى اكتر من سنة مش بشارك هنا عشان ظروف الولاد وبصراحة مفيش جديد اقوله بس بصراحة موضوعك دة جه عى الجرح

انت عارف كانك بتكلم على مدير جوزى ف الشغل او الى كان شغله لانه بصراحة عمرى مادعيت على اى انسان مهما كان كرهى ليه الا الانسان دة ولحد دلوقتى بقولها حسبى الله ونعم الوكيل

هوفعلا كدة شغل من تحت الترابيزة

اول ما اتعين فى الشركة قلل المرتبات وكل مايتكلم انا اعرف فلان الفلانى انا اقدر اعمل كذا وكذا وارهاب للموظفين

غير بقى يا تعمل الى يقولك عليه وتنقله اخبار الموظفين والا يهددك بكارثة وغير وغير ممكن احكى لحد بكرة

والله لو حكيت الى حصل لتفتكره فيلم عربى لكن هنقول ايه الحمد لله

وفعلا مفيش موظف بيمشى من الشركة الا بكارثة او فضيحة وساعات تلفيق تهم وتوصل لحد الجرايد والله ذى مابقولك كدة لدرجة ان جوزى خلاص كره الشغل فى مصر كلها وفعلا احنا قدمنا على هجرة عشان نهج من الاشكال دى الى معظم الشركات مليانة من العينة دى حتى لو هنشحت هناك

والحمد لله نجحنا فى المقابلة وفى انتظار المديكال

اتمنى انه يكون القرار السليم ويكون ربنا كاتب لنا الخير لاننا فعلا على اخرنا

اعتقد ان دى عقد نفسية على قلة اخلاق على قلة تربية على فرعنة على قلة ضمير و عدم رضا واهم شى انهم مبيخافوش ربنا

يارب اجعلنا مظلومين ومتجعلناش ظالمين امين

[أكسيلانس]

:sofa:

ألأخت ميرا

أهلا بيك ,, واضح أن كندا ستكون بلد المظليم ,, فقد كانت تصرفات مديري المهينه بل و المخجله هي السبب الرئيسي لقرار الهجره ,, لكن أنا مازلت في أنتظار الفيل نمبر ,, و تعرفي حتي مديرة المدرسه الحكوميه الي بتشتغل فيها زوجتي نفس الشكل القذر ,,, تخيلوا يا أخواني الست أجرة معمل الكمبيوتر لشوية عيال ,, سيبر كافيه يعني و الغفير هو ألي بيلم السبوبه

عليه العوض و منه العوض يا رب

[أكسيلانس]

;)

يا بختك يا أستاذ,, يوسرنام يارتنا كلنا زيك و اتمني أن تسعد في عالم القطاغ الخاص

:waf:

[عنبو]

انا فى مصر اشتغلت فى مكانين بس وبعدين سافرت

وطبعاً المكانين الى انا اشتغلت فيهم كان عندى مشاكل مع المدير بس كانت بسبب حاجه تانيه خالص

كان السبب الوحيد صاحب الشركه صاحب الشركه يضغط على المدير علشان يضغط على المهندسين المهندسين يضغطوا على العمال

طبعاً موضوع العصافير ده شىء اساسى بجد مافيش شركه فى مصر مفيهاش نظام لعصافير

وطبعاًَ انا فيا عيب خطير انى مبحبش ابقى خايف من حد لو نفسى فى كلمه هقولها ولو قدام مين وبعدين نفكر فى ايه الى ممكن يحصل

احنا المدير بتاعنا كان هو الوحيد اللى فى الشركه راتبه متظبط

طبعاً لو فيه عامل مثلاً عمل انجاز فى الشغل وبعدين عملت له نص يوم مكفأه طبعاً تلاقى الدنيا هاجت وماجت والمدير يقولك يابنى هو مششغله يابنى فيها ايه لما يؤديه على اكمل وجه

غير بقى لما مبتديش خصومات هتلاقى المدير زعلان يقولك هو فيه مهندس مبديش خصومات

مع انا عارف المدير مش مقتنع بالكلام ده بس صاحب الشركه وفى نفس الوقت مديرها بيضغط عليه علشان يعمل كده

لدرجة انى مره عملت له حاجه كده علشان نزود الانتاجيه بس الشرط ان هنغنغ العمال شويه رفضها قال لا مش عاوز هى كده كويسه

هو عموماً لما واحد جعان وابن ستين فى سبعين يمسك منصب بيقرف الكل لاما يبيع الكل علشان يرضى المدير لاما يكره الناس فى عيشيتها

ده خد بقى عندك الى اصخم من كده سياسة فرق تسد لما كان يحب يسخن المدير علينا شويه كان يعمل ايه يتصل بيا يقولى فيه اجتماع ويجمتع بالمهندسين كلهم تمام ونلاحظ ان المدير اساساً ميعرفش احنا فين ولا هو اساساً قله ان فيه اجتماع طبعاً نطلع فوق تلاقى المدير شايط ويلعب بقى فى الحوافز انا كانت بالنسبه ليا ش فارقه بس كان فيه ناس فاتحه بيوت والمشكله ان الحوافز كانت تقريباً بمثل نص الراتب

بجد انا اخر يوم ليا فى الشركه تخيل بقى كان ازاى

كان يوم سبت والمفروض ان الجمعه اجازه اتصلوا بيا قالوا معلش هتشتغل ورديه تالته يعنى من الساعه 11 بالليل ل 8 الصبح قولت مش مشكله حتى مشفش وش الناس دول فى الصيام وبعدين اشتغلت ورديه تالته واصبح بقى هم جم والمفروض بقى الكل صايم قولت انزل قبض واروح بقى نزلت علشان القبض قلى مرتبك موقوف له ياجماعه قلى علشان انت مش عاوز تمضى على عقد بينا وبين بعض قولتهم ياجماعه وانا امضى ليه مهو انا شغال معاكم

طبعاً مش عاوز قولك على شروط العقد والله لو كافر يمحط الشروط دى

قولت لا قالوا خلاص مافيش مرتب طبعاً انا اساساً كنت جايب اخر منهم طلعت قولت كلمتني حلوين عند المدير وعند صاحب الشركه وسبت الشركه ومشيت وقولته حسبى الله ونعم الوكيل اتصل بيا تانى قلى تعالى قولته انا اقعد فى البيت احسنلى ولحد دلوقتى مجبش المرتب مع انه بيعمل مائدة رحمن فى رمضان وعامل مستشفى خيرى وبياكل على الناس حقوقهم متعرفش ازاى وليه ؟؟

بجد القطاع الخاص فى مصر نظام استعبااااااااااد وده بسبب غياب دور الرقيب عليه وعاوز واحد يكون صايع بمعنى الكلمه علشان يقدر يسلك مع العالم ....................ربنا يخلصنا منهم

[جيمي]

ربنا مايحكم عليكم ظالم .............. امين

[لماضة مصرية جدا]

السلام عليكم و رحمة الله وبركاته

الحمد لله... الحمد لله... كل المديرين اللي اشتغلت معاهم.....كان عندنا مشكلة عالية جدا في التواصل

أنا بحب الامور تتاخد بشكل مهني جدا (و الأمور الشخصية تكون بتصرف شخصي)......

و بعدين الاقي قرارات و ترقيات.... متاخدة بشكل شخصي جدا بس ملفوفة انها قال لمصلحة العمل.... طب ايه ده بقي؟؟؟؟

المشكلة الحقيقة ان احنا لما المدير يتحط قدامه موقف انساني جدا.... يعني يتطلب تصرف شخصي فعلا.... تلاقيه... قالك احنا مالناش دعوة بقي بعواطف (مين عواطف دي اصلا)

بمناسبة بقي اللون الغامق و الذكريات....

انا فاكره اني كنت مرة مريضة جدا جدا......و كان عندي تقرير بنقفله عشان هيئة اجنبية....

هو التقرير مهم ماشي....بس ميخلهوش ينزلني من بيتي و يجبني و انابموت اصلا (هو انا اللي كنت واخدة الموضوع بجد)...

و بعدين اكتشف انه كان عايز يتاكد اني فعلا كنت تعبانة.... مع انه لو رفع سماعة التلفون و سال عني كان ممكن يكسبني كطاقة انتاجية بأقل تكلفة ممكنة.... هي دي الارباح و لا مش هي؟؟؟

انا حاسة ان الإدارة بشكل عام...... في بيتك .... في غيطك.... (ارجعوا للفيلم الرائع الحرام)..... في كليتك.... ان شاله ع القمر اللي مافيهوش بني آدمين

هي قدرتك انك تشوف

ال Human في ال Resources

مش تركز ع الResources و تعجن الHuman

بالمناسبة السعيدة دي

احب انقلكم حصريا......و ده للمحاورات

انا لسه واخدة خصم حالا.... طااااااااااااااااااااااازة

بس هتروق و تحلي..... و لو كانت وحلة (شفتها مرة مكتوبة علي حنطور)

فوتكم بعافية

[أكسيلانس]

أ- محمد العنبي

شكرا علي المداخله الدقيقه ,, الحقيقه بدأت أتأكد أن فعلا مصر فيها حاجه غلط علي مستوي القطاع الخاص بالكامل ,, رغم أن كتير من الناس فاكره أنه جنه مقارنة بالحكومه ,, أنا أشتغلت في الخليج مع 3 مديرين كلهم كانوا مصرين ,, و الحقيقه مش عايز حتي أفتكرهم لان الكلام عنهم حاجه تكسف من كتر التخلف الي كانوا فيه

,,, لكن التجربه ألأكثر أيلاما لي ,, هي عند عودتي الي مصر فكانت البدايه هي العمل مع مدير ألماني الحقيقه الراجل كان طيب جدا ,, و ديه مصيبه للعمل في قطاع الفنادق خصوصا و أنت حولاك 10 الي 12 مدير أداره الواحد فيهم يستحق لقب ( مدير خطر ) زي المسجل خطر كده بالضبط ,, المهم السيد ألبرت ده كان أول مره يشتغل في مصر _ و كان يا عيني فهمنا غلط خالص -

الراجل كان فاكر أننا بنعرف نتعامل بالديمقراطيه - و الحقيقه أنا كنت بحبه ,, يمكن لأني كنت ليسه راجع من أنجلترا و محتاج أتعامل مع ناس محترمه شويه

فكان يسأل المديرين في ألاجتماع الصباحي كل يوم - بيسألهم رأيهم في القرارات ألي هيأخده في بعض ألأمور و خصوصا ما يتعلق فيها بأمور الموظفين - لأن مكنش فاهم عادات الناس ,, و كان بيصرح بكده -

و بعدين لازم يوميا يجتمع مع 5 موظفين من أدراة ما وو هكذا كل يوم للاستماع لمشاكلهم و كمان يسمع مقترحتهم ,, وطبعا العيال كانت بتطلع عنده تعري مديرين ألأدارات و عمايلهم السوده - الي هو مكنش يتخيلها

أنا كنت مدير الموارد البشريه مع الراجل ده

ألأخوه المديرين كانوا بدئوا يعملوه نكتة القاعده ,, و هاتك يا مسخره علي الراجل ثم تطور الموضوع الي قلة أدب -الي يقله أت مش فاهم ,, وسط ألأجتماع و ألي كان أهبل و فهم الديمقراطيه غلط -

تخيلوا مره مدير مكاتب أماميه طلع الصبح و قعد مالي مركزه - و بعدين راح مسلم طلب شراء لسكرتيرة المدير العام ,, البنت قرأته و بعديت سألته حضرتك متأكد من الكلام ده -فرد - طبعا و بعدين سلمته للمدير العام - ألأستاز كاتب طلب شراء بعربيه - عايز عربيه -

الراجل سأله حضرتك عايزها ليه - رد أصل الفندق كبير جدا و أنا محتاج العربيه علشان أقدر أساعد الزبائن لو أحتاجوا أني أوصلهم في حته جوه الفندق أو بره - الراجل بأحترام شديد - رد أنا هفكر في الموضوع مع الميزاننيه الجديده

بس ألأخوه ألأعداء طيران علي ألمدير ألأقليمي - الحق يا خواجه يا كبير - الخواجه الصغير هيشتري عربيات للمديرين يلعبو بيها جوه الفندق -

و هب كرسي في الكلوب الراجل كان أسوي من كتر الزن علي ودانه

ووصلني جواب بأنهاء خدمة الخواجه ألبرت بعد ست شهور من عمله -- لأنه كان راجل محترم

لكن كانت المفاجئه الكبيره - مين هو المدير الجديد الي وصل مكانه

أخلص بأه ألاجتماع بتاع الصبح ده و أكمل

:wub:

[عنبو]

أ- محمد العنبي

شكرا علي المداخله الدقيقه ,, الحقيقه بدأت أتأكد أن فعلا مصر فيها حاجه غلط علي مستوي القطاع الخاص بالكامل ,, رغم أن كتير من الناس فاكره أنه جنه مقارنة بالحكومه ,, أنا أشتغلت في الخليج مع 3 مديرين كلهم كانوا مصرين ,, و الحقيقه مش عايز حتي أفتكرهم لان الكلام عنهم حاجه تكسف من كتر التخلف الي كانوا فيه

,,, لكن التجربه ألأكثر أيلاما لي ,, هي عند عودتي الي مصر فكانت البدايه هي العمل مع مدير ألماني الحقيقه الراجل كان طيب جدا ,, و ديه مصيبه للعمل في قطاع الفنادق خصوصا و أنت حولاك 10 الي 12 مدير أداره الواحد فيهم يستحق لقب ( مدير خطر ) زي المسجل خطر كده بالضبط ,, المهم السيد ألبرت ده كان أول مره يشتغل في مصر _ و كان يا عيني فهمنا غلط خالص -

الراجل كان فاكر أننا بنعرف نتعامل بالديمقراطيه - و الحقيقه أنا كنت بحبه ,, يمكن لأني كنت ليسه راجع من أنجلترا و محتاج أتعامل مع ناس محترمه شويه

فكان يسأل المديرين في ألاجتماع الصباحي كل يوم - بيسألهم رأيهم في القرارات ألي هيأخده في بعض ألأمور و خصوصا ما يتعلق فيها بأمور الموظفين - لأن مكنش فاهم عادات الناس ,, و كان بيصرح بكده -

و بعدين لازم يوميا يجتمع مع 5 موظفين من أدراة ما وو هكذا كل يوم للاستماع لمشاكلهم و كمان يسمع مقترحتهم ,, وطبعا العيال كانت بتطلع عنده تعري مديرين ألأدارات و عمايلهم السوده - الي هو مكنش يتخيلها

أنا كنت مدير الموارد البشريه مع الراجل ده

ألأخوه المديرين كانوا بدئوا يعملوه نكتة القاعده ,, و هاتك يا مسخره علي الراجل ثم تطور الموضوع الي قلة أدب -الي يقله أت مش فاهم ,, وسط ألأجتماع و ألي كان أهبل و فهم الديمقراطيه غلط -

تخيلوا مره مدير مكاتب أماميه طلع الصبح و قعد مالي مركزه - و بعدين راح مسلم طلب شراء لسكرتيرة المدير العام ,, البنت قرأته و بعديت سألته حضرتك متأكد من الكلام ده -فرد - طبعا و بعدين سلمته للمدير العام - ألأستاز كاتب طلب شراء بعربيه - عايز عربيه -

الراجل سأله حضرتك عايزها ليه - رد أصل الفندق كبير جدا و أنا محتاج العربيه علشان أقدر أساعد الزبائن لو أحتاجوا أني أوصلهم في حته جوه الفندق أو بره - الراجل بأحترام شديد - رد أنا هفكر في الموضوع مع الميزاننيه الجديده

بس ألأخوه ألأعداء طيران علي ألمدير ألأقليمي - الحق يا خواجه يا كبير - الخواجه الصغير هيشتري عربيات للمديرين يلعبو بيها جوه الفندق -

و هب كرسي في الكلوب الراجل كان أسوي من كتر الزن علي ودانه

ووصلني جواب بأنهاء خدمة الخواجه ألبرت بعد ست شهور من عمله -- لأنه كان راجل محترم

لكن كانت المفاجئه الكبيره - مين هو المدير الجديد الي وصل مكانه

أخلص بأه ألاجتماع بتاع الصبح ده و أكمل

:wub:

انت عارف فى مصر علشان تبقى مدير ناجح بالنسله للشغل لازم تبقى عامل ايه ؟؟

اولاً تبقى فنياً مش قووى يعنى على قدك خالص علشان متبقاش ليك عين تتكلم مع الى اكبر منك وتقرف الناس الى تحتك

ثانياً لما تاخد قرار متخدوش علشان انت مقتنع به لا تاخده علشان الى فوقك مقتنع به

ثالثاً لازم تيجى فى الهايفه وتتصدر يعنى لما عامل يعوز مثلاً خمسين جينه تقعد تقطم فيه ولو واحد معرفه عاز خمسين الف مافيش مشاكل

رابعاً لازم تكون حلجنى وتتكلم كتير

انا الحمد لله دلوقتى المدير بتاعى عربى بس تقفيل امريكانى ميه بالميه ورااجل محترم وفاهم يعنى ايه مدير

بس بجد العرب عندهم مشكله فى موضوع الاداره بجد لانه بيخلط المسائل الشخصيه فى الشغل وبكده بتتحول من شركه الى قهوه بلدى قعدين نخلص من بعض

[عاشق الترحال]

في مصر معظم الشغل اللي اشتغلته محبتش فيه مدرائي أو إحترمتهم لأن بصراحه كان الحال لا يسر عدو ولا حبيب .

إشتغلت مندوب مبيعات في أكتر من شركه وعلشان تبقى مقرب من المدير بتاعك تبقى لازم من المنافقين اللي بيحبوا شغل الأونطه والتودد للمدير بالطرق المختلفه حسب دماغ البيه المدير ومزاجه وكل شيخ وله طريقه بقى .

أو أنك تعمل شغل مش مظبوط وتروح تحرق البضاعه اللي معاك عند أي تاجر جمله المهم أنك تحقق التارجت بتاعك بأي طريقه بقى ناهيك عن قصايد التوبيخ اللي كنا بناخدها عالصبح يوميا علشان المبيعات والكلام ده كان في شركات كبيره لها إسمها .

غير مصاريفك ومواصلاتك وبهدلتك طول اليوم وتيجي آخر الشهر بقى تشوف الراتب تلاقيه ملاليم وطبعا لا تأمين صحي ولا تأمين إجتماعي ولا عقد ولا مكافأة نهاية خدمه ولا المواويل دي بالعكس أنت بتمضي شيكات على بياض لهم وإيصالات أمانه علشان تشتغل في الشركه وأكيد اللي إشتغل في المجال ده يعرف ده كويس.

لحد ما الواحد كره الأمثال والعينات دي من المديرين والشركات دي والمهنه دي اصلا والكل كليله ومش عارف ممكن رد فعلي يبقى أيه لو إتقابلت مع حد منهم في يوم من الأيام ولما جيت السعوديه محاولتش أدور على وظيفه مندوب مبيعات مع انها هنا مختلفه بس خلاص قفلت معايا .

أما في الشغل في السعوديه فالحمد لله عندي مدير مصري راجل محترم وخدوم وعندي مدير سعودي في نفس عمري والحمد لله ربنا محببنا في بعض والعلاقه كويسه بفضل الله إحترام وأدب وشغل

فعلا لما الواحد سافر خارج مصر بدأ يعرف حقوقه اللي كانت مسروقه منه في مصر مع الشركات والمديرين اللي هناك منهم لله بقى .

تم تعديل 14 يناير 2010 بواسطة عاشق الترحال

[أكسيلانس]

السلام عليكم و رحمة الله وبركاته

الحمد لله... الحمد لله... كل المديرين اللي اشتغلت معاهم.....كان عندنا مشكلة عالية جدا في التواصل

أنا بحب الامور تتاخد بشكل مهني جدا (و الأمور الشخصية تكون بتصرف شخصي)......

و بعدين الاقي قرارات و ترقيات.... متاخدة بشكل شخصي جدا بس ملفوفة انها قال لمصلحة العمل.... طب ايه ده بقي؟؟؟؟

المشكلة الحقيقة ان احنا لما المدير يتحط قدامه موقف انساني جدا.... يعني يتطلب تصرف شخصي فعلا.... تلاقيه... قالك احنا مالناش دعوة بقي بعواطف (مين عواطف دي اصلا)

بمناسبة بقي اللون الغامق و الذكريات....

انا فاكره اني كنت مرة مريضة جدا جدا......و كان عندي تقرير بنقفله عشان هيئة اجنبية....

هو التقرير مهم ماشي....بس ميخلهوش ينزلني من بيتي و يجبني و انابموت اصلا (هو انا اللي كنت واخدة الموضوع بجد)...

و بعدين اكتشف انه كان عايز يتاكد اني فعلا كنت تعبانة.... مع انه لو رفع سماعة التلفون و سال عني كان ممكن يكسبني كطاقة انتاجية بأقل تكلفة ممكنة.... هي دي الارباح و لا مش هي؟؟؟

انا حاسة ان الإدارة بشكل عام...... في بيتك .... في غيطك.... (ارجعوا للفيلم الرائع الحرام)..... في كليتك.... ان شاله ع القمر اللي مافيهوش بني آدمين

هي قدرتك انك تشوف

ال Human في ال Resources

مش تركز ع الResources و تعجن الHuman

بالمناسبة السعيدة دي

احب انقلكم حصريا......و ده للمحاورات

انا لسه واخدة خصم حالا.... طااااااااااااااااااااااازة

بس هتروق و تحلي..... و لو كانت وحلة (شفتها مرة مكتوبة علي حنطور)

فوتكم بعافية

أهلا و سهلا بألأخت لماضه

واضح ان أنت عندك أصطباحه جامده جدا ,,,, جزي كده علي غير الريق ,,

شد حالك

أما مسألة ال Human resource فده موضوع يطول شرحه جدا

الحيقيه لم أقابل أي مدير مصري بيفهم أو حتي عايز يفهم دور الموراد البشريه في ألأداره و كلهم معتقدين أنها أدارة المستخدمين - تعين و رفت و جزاءات فقط

و هي ده أكبر مشاكلهم

و لينا هنا وقفه تانيه أنشاء الله

و نهارك سعيد

[أكسيلانس]

ما في الشغل في السعوديه فالحمد لله عندي مدير مصري راجل محترم وخدوم وعندي مدير سعودي في نفس عمري والحمد لله ربنا محببنا في بعض والعلاقه كويسه بفضل الله إحترام وأدب وشغل

فعلا لما الواحد سافر خارج مصر بدأ يعرف حقوقه اللي كانت مسروقه منه في مصر مع الشركات والمديرين اللي هناك منهم لله بقى .

عزيزي عاشق الترحال

أتمني من الله أن يديم عليك هذه النعمه .. الحقيقه أحيانا كثيره لا يقدر ألأنسان قيمة أن يكون وسط أشخاص يبادله ألأحترام و يحافظون علي معيار العمل المحترف ,, ده نعمه كبيره جدا ,, لا يقدرها غير من يفتقدها ,, لذلك ادعة الله أن يديم عليك نعمه

الحقيقه أنا كان ليه كام تجربه كده مع بعض المديرين بالنوعيه ديه ,, لكن برده ألظروف و المغريات غيرة سلوكهم للاسف

و هحكي عنهم أنشاء الله

أهلا بيك مره تانيه ,, و في أنتظار المزيد من ألأنطباعات عن علاقات العمل

:amb:

[لماضة مصرية جدا]

السلام عليكم و رحمة الله و بركاته

استاذ اكسيلانس....

حبايبي الحلوين....

أنا قولت بقي هتعرفوا موضوع الجزا علي غيار الريق.... هتلموا من بعضيكم كده في منديل و آخر اليوم هتدوني اللي فيه النصيب .....

الحقيقة احب أطمنكم......اه هو فيه طبعا خصم.... (انسوا بقي ان احنا نروح الملاهي خالص الجمعة دي).....

بس هو انا اللي سعيت ليه

لاني مسئولة عن فريق..... و عملت خطأ...... المفروض ميحصلش طبعا.....

محدش اخد باله...

بس انا اخدت بالي....

و الصراحة أنا معجبتنيش خالص....

قوم ايه بقي

كلمت سيادة كبير القعدة......

و بلغت فيا

الراجل مشكور طبعا ضحك لما كرشه نقص حوالي 2 كيلو.... من الرجة

و أصدر فرمان..... الخصومات...

بس انا ليه حاسه انه ترقية من نوع خاص.....

ع الاقل جوايا مبسوط

و دي كانت بداية اليوم......يا تري منديل التبرعات وصل لفين

ع العموم خلصوا كده و هتلاقوني بعد الشغل ع القهوة اللي فاتحة ع البحر......

فوتكم بعافية

[myusername]

السلام عليكم و رحمة الله و بركاته

استاذ اكسيلانس....

حبايبي الحلوين....

أنا قولت بقي هتعرفوا موضوع الجزا علي غيار الريق.... هتلموا من بعضيكم كده في منديل و آخر اليوم هتدوني اللي فيه النصيب .....

و دي كانت بداية اليوم......يا تري منديل التبرعات وصل لفين

ع العموم خلصوا كده و هتلاقوني بعد الشغل ع القهوة اللي فاتحة ع البحر......

فوتكم بعافية

انا هجمع التبرعات... و هاخد المنديل و أجرى باذن الله.. :amb:

[أكسيلانس]

ألاخت لماضه

واضح أن الصوره كده أختلفت ,, ده كده حضرتك بتضرب مثل عن ألأحتراف في العمل ,, أن يقر مسئول بخطأه دي لوحدها محتاجه تمثال في مجتمعنا ده ,, رغم أنها قد تكون الشئ العادي و الطبيعي جدا في أي حته في الدنيا ,,,و و خصوصا في المهن العمليه و العمليه

و زي ما يقول المثل - النجاح له صاحب واحد و الفشل أصحابه كتير

يعني لما حد يعمل حاجه ناجحه ,, يقول للدنيا كلها أن هو لوحده ألي وصل لكذا و عمل كذا و ينكر علي كل من حوله أي دور لهم معها ,,, أما اذا فشل ,, فحدث و لاحرج أصل فلان مسمعش كلامي و علان ملتزمش ,,

و هو ده بقه أحد مفردات عزابي اليومي مع القرد ألي أنا شغال معاه ,, حاجه كده زي الطفل المعجزه

ده عايز قعده لوحده

شويه كده و أكل أنشاء الله

:amb:

[أكسيلانس]

ألمدير الثاني الي وصل بعد الخواجه ألبرت ما أترفت ,,,وصل خواجه جديد أسمه صخر ,, علي متركة كمبيوتر صخر الراجل ده كان في حجم بودسبنسر جد فاكره _ جاجه كده تنتسب لحجم العمالقخ بلا مبالفه ,, طوله حوالي 190 سم و ووزنه كان تقريبا 160 كيلو :blink: ,, المعلم ده كان في أًلاصل شيف عمومي في النمسا كبير طبخين يعني - ثم أنتقل لفنادق القاهره لمده 15 سنه و عاش في مصر لحد ما حفظهم سم,, عارف كل حركتهم و شغل الفهلوه ,,,الحقيقه الخواجه صخر كان قلب علي بيئه جدا

راجل صايع صايع

الراجل ده كان أي حد يدخل مكتبه ,, يطلع منه بيجري علي أربع ,, كان أستاذ في شغلة النرفزه و شغل المجانين ,,, و الحقيقه الراجل كان بيفهم موارد بشريه الي حد بعيد ,, لكن لم يكن الامر يخلي من خطط و مؤامرات للتخلص من أي حد يشعر أن مش في جانبه ,,

أول ما بدأ شغله ,, أجتمع معاي و مع المدير المالي وسئل سؤال واحد مين الي تسبب في رفت المدير السابق ,, طبعا كلنا كنا زي تلامذه الفصل ( منعرفش يا بيه ) قال شكرا و طبعا قعد قعده كبيره مع المدير الي أتفصل و الراجل الحقيقه فضح الرجاله كلهم عنده

خلال 6 شهور كان كل المديرين الي تسببوا في فصل الخواجه ألبرت من الخدمه أستقالوا أو أتنقلوا لمكان أخر

و من أهم ألأشياء التي تعلمتها من هذا الرجل - رغم ما أنتهي به علاقتنا بخلاف - كنت في مره قاعد معاه في مكتبه و طلب مدير المشتريات - كان راجل قضيه الحقيقه - و كل ما يطلب منه ماركه معينه يقولوا غير متاحه - طيب عايز الصنف الفلاني - معتقدش أنه موجود

و فجئها لقيته ماسك جرس عامل زي بتوع المزادات كده - و راح حادف الجرس في زجاج باب المكتب دغدغه ,, و صرخ في الراجل - لو الحاجه دي مجتش بكره الصبح - تجيني استقالتك - أتفضل بره

أنا أتسمرت في الكرسي

بعد ما ألأخ بتاع المشتريات مشي - سئلته -

عملت كده ليه - الموضوع ممكن يتعمل بالراحه

قلي ,, أنت بتقرأ كتب في ألأدارة قلت أيوه ليه - قلي فيه كتاب أسمه- ساعه مع القرد ( One hour with the monkey

- مهم جدا أقرأه سئلت فيه أه الكتاب يعني

قلي شوف يا سيدي ,, أنت شفت لما تقعد تلعب مع قرد -- كل ما تحدفه بأي حاجه يحدفهالك تاني و بعدين تحدفه بحاجه تانيه يرد بنفس الطريقه ,,, هو طبعا كده بيلعب معاك ,,, لكن لو رحت حادفله الحاجه دي جامد في دماغه ووجعته هنا هيعرف أنك بتشكل خطوره عليه و يبدأ يأخد باله كوبيس قبل ما يلعب معاك تاني

هي ديه ألأداره مع ألساده المصرين في البلد ديه

فهمت حاجه

عملت عبيط و قلت لأ

لكن ألحقيقه كان درس لم أنساه في حياتي و مر عليه 14 سنه

و بكره هكمل أيه الي حصل

:blink:

[alex fox]

يانهار مقندل...

هى الدنيا صعبة قوى قوى كده...

الحمد لله الحمد لله الحمد لله ...مدير الشركة اللى باشتغل فيها راجل محترم جدا...

زى السكر...أنا باحترمه وأقدره وباعتبره أخ أكبر ...مش مدير...

على فكرة ده مش رأيى لوحدى ده رأى كل الناس اللى فى الشركة ...

حتى العملاء كمان...

ربنا يخفف عنكم..

وربنا ما يحكم علينا بمدير من اياهم...

[أكسيلانس]

يانهار مقندل...

هى الدنيا صعبة قوى قوى كده...

الحمد لله الحمد لله الحمد لله ...مدير الشركة اللى باشتغل فيها راجل محترم جدا...

زى السكر...أنا باحترمه وأقدره وباعتبره أخ أكبر ...مش مدير...

على فكرة ده مش رأيى لوحدى ده رأى كل الناس اللى فى الشركة ...

حتى العملاء كمان...

ربنا يخفف عنكم..

وربنا ما يحكم علينا بمدير من اياهم...

هذه نعمة تستحق الحمد ,,, و لكن للاسف ,, ليس هذا ما ينطبق علي ألاغلبيه ,, بل العكس ,, لو كان في مصر أغلبيه تعرف معني الاداره الصحيحه و كيف يمكن أن تعظم من الطاقه الانتاجيه للعاملين معه ,, ما كان هذا هو حال البلد ,, خصوصا عندما تعلم أن الطاقه الانتاجيه للعامل المصري هي ألاقل علي مستوي العالم

[رضوي]

السلام عليكم ورحمة الله وبركاته

ياااااااااااه دة كدة بقي الناس اللي اشتغلت معاهم كلهم طيبين wst::

بجد والله كدة يبقوا ملايكة

اول مدير اشتغلت معاه ( في الواقع كانت مديرة )

كانت تفتقر الي ابسط قواعد الذوق واللياقة ...............دة بجد مديرة اه بس ماتعرفش تتعامل مع الناس باحترام ...... والمصيبة الكبيرة في الحاشية اللي كانت حواليها .......... يانهار الوان ........ مش عايزة افتكر ..... ماقدرتش اقعد في المكان دة اكتر من شهر ..... علي شرط انها كانت تحترمني اه والله كانت بتعاملني باسلوب مختلف بس برضه مش قد كدة ........ واختكم بقي مابتسكتش لما الدماغ بتقفل يالاالسلامة ... خاصة اني ماكنتش اعرف موضوع العصافير دة ( اول مرة اشتغل بقي ) وكمان بيوصلوا كلام غلط يعني مش بس بيفتنوا لا وكمان بيكدبوا ويوقعوا ..... يادي المصيبة ....... ايه الشغل المقرف دة ؟

وايه اللي يجبرني علي كدة طبعاً خلعت .........

المديرة التانية

بصراحة كانت محترمة بس برضه مشكلة الحاشية ........ ماعلينا

كانت تتدخل في شغلي وتقولي اعملي كذا وماتعمليش كذا مع العلم ان دة مش من حقها قانوناً

ماينفعش تتدخل الا لما اغلط .......بس برضه مااتسحملتش كتير هما شهرين والتاني ماكملش وخلعت بس لازلت احمل لها ذكري طيبة لحسن خلقها

البيه المدير ( الحالي )

وطبعاً دايما بسميه البيه ............ وبقولهاله بس مش كتير بناديه دايما ياريس

وبصراحة هو طيب ........... بس عايز عصافير ......... وانا مش عصفورة

ولا ييأس في تجنيدي ابداً ........... علي الرغم انه منفضه ..... كل مايسأل سؤال اهرب منه

يضغط ....... ولا الهوا

هو دة اللي بيضايقني غير بقي ان الزملاء الافاضل كانوا بيفتكروني عصفورة وكنت بتضايق جدا لما بحس بكدة وكنت بقول مسير الحقيقة تبان ...... واهي بانت والحمد لله

لكن حقاً مايؤلمني الآن لما بيتكلموا عليه بطريقة مش قد كدة ............ بضطر اسيب المكان وابعد

واحلي حاجة انه ساعات يحاول يعمل فتنة كدة علي خفيف علشان يفتنوا علي بعض ...... وانا اقعد اضحك واقوله كفاية حرام ........ يقولي انتي مش فاهمة حاجة

ماشي ياريس انا قلتلك واجري علي الله

وبرضه ابعد علشان ماحبش اشترك في حاجات زي دي

ماعلينا اهي خبرات والسلام

تحياتي وتمنياتي للجميع بالتوفيق