بتحب مديرك و لا بتكرهه

[أكسيلانس]

wst::

أخت رضوي

شكرا للمشاركه ,, موضوع العصافير ده ,, واضح أنه من مصوغات التعين في مصر و العالم العربي ,, ياريت حد من أخوانا الي مهاجرين في دول غير عربيه يكون عنده مداخله أفرنجي كده يمكن يكون في منتج حديث للمديرين

مع الوضع في ألأعتبار - أن ألاداره علم و ليس أقدميه فقط

و ديه مشكله تانيه عندنا ,,, طالما وصلت لسن الدرجه الاولي تبقي مدير -- و ربنا يعين الغلابه الي هتتحكم فيهم و توديهم في ستين سلامه

:waf:

[أكسيلانس]

يا تري فين أخوانا المهاجرين و خصوصا فرع كندا ,, ياريت نسمع رأيهم

[أكسيلانس]

النهارده الجمعه و شكلنا هنقفل نص يوم

نهاركم سعيد

[أكسيلانس]

:blink:

أستكمالا لموضع الخواجه النمساوي ,, العملاق ده ,, أنا أشتغلت مع هذا الرجل لمده عامين ,, و قد تعلمت منه الكثير في الحقيقه ,, و هذا هو الفرق فأحيانا تعمل مع مدير صعب أو سئ الطبع و لكنه محترف في مهنته ,, و يمكنك أن تتعلم منه أشياء كثيره ,, و العكس كل العكس عندما تجد نفسك تحت أمرة من لا يعرف شيئا و لا يريدك حتي أن تتعلم أو تعرف أي شئ ,, لان طبعا هذا لن يكون في صالحه ,, و زد علي هذا أن هذا الشخص الضعيف العلم و المعرفه سيفعل كل شئ لمحاولة السيطره و أولها أن يكون قليل الادب

المهم أن هذا العملاق كان مفيد الي حد بعيد خصوصا في طريقه التعامل مع معارضيه , كذلك جرأته في أتخاذ القرار

كما أنه كان محترف في تخفيض التكليف ,, كما كان يتميع بقدره عليه جدا في الاعمال الورقيه و الكتابيه

أما عن السبب الذي أنها علاتنا بمشكله

فهو أنانيته الشديده

كان هناك أفتتاح لفندق جديد للشركه ,, و أنا كنت من المديرين المتميزين هذا العام ,, فقدم لي مدير الفندق الجديد عرض لا يمكن أن يرفض ,, فما كان من الخواجه بتعاي ألا أن أخترع قرار و قدمه الي المدير الاقليمي ,, بأن لا ينقل أي مدير من داخل الشركه ألا بنفس الراتب الذي يتقاضاه

طبعا القرار كان متفصل علي,,

أم أنا عملت أيه

ذهبت للمدير الجديد و عرضت عليه ما حدث و كان علي علم بفسيه الخواجه المريضه ,, فهو لا يعرف ألأخلاق في المنافسه

فطلبت منه أن يخفض من عرضه لي الي أقل مما أتقاضاه في مكاني الحالي بقيمة 25 % فتعجب الراجل ,,

فقلت له أني علي أستعداد أن أعمل معه مجانا أو بنصف راتبي ,, لاني لا أطيق أن أتواجد بجوار شخص أراد أن يضع تسعيره جبريه علي جبيني

فوافق الرجل و أتجنن الخواجه بتعنا , , عرض عليه ضعف المرتب

فأخرحت له القرار الذي أصدره االمدير الاقليمي ( الي هو الي كاتبه )

و قلتله ماينفعش

و كانت ديه نهاية العلاقه بيننا

:lol:

[أكسيلانس]

صباح الخير عليكم جميعا

[أكسيلانس]

:aslam:

أخار أخبار المديرين المحترمين

مديره مصريه جدا ,, لاحد الفنادق المجاوره لنا ,, خصصت أحد عاملين بقسم الزراعه بالفندق ,, لتمشيه الكلب اللولو بتاع المدام 3 مرات يوميا -- براتب 600 شهريا ( طبعا علي حساب الفندق ) يعني المدام الي مرتبها 40000 مش عايزه تدفع لتمشية الكلب

و علي الحانب ألاخر وزراء تستقيل من الحكومه البريطانيه لانهم لم يتعاملو بأمانه في بعض مصروفاتهم الشخصيه

,, أيه رأيكم

هخلص الريبورت الي معايا و أرجعلكم

:blush2:

تم تعديل 16 يناير 2010 بواسطة أكسيلانس

[د هشام ابراهيم]

الادارة المصرية و ما ادراك ما الأدارة المصرية ...واحدة من أهم أسباب الحالة المتردية اللي وصلنا لها

الصراحة ما ليش نفس أتكلم عن الرؤساء و المديرين المصريين ....... ما لهاش لازمة خالص

انما ممكن نتكلم عن اليابان و كندا ...دول الدولتين اللي اشتغلت فيهم جنب مصر ....خصوصا اني واخد تصريح من الأكسلانس نفسه .....إيه رأيكم :)

[أكسيلانس]

الادارة المصرية و ما ادراك ما الأدارة المصرية ...واحدة من أهم أسباب الحالة المتردية اللي وصلنا لها الصراحة ما ليش نفس أتكلم عن الرؤساء و المديرين المصريين ....... ما لهاش لازمة خالص انما ممكن نتكلم عن اليابان و كندا ...دول الدولتين اللي اشتغلت فيهم جنب مصر ....خصوصا اني واخد تصريح من الأكسلانس نفسه .....إيه رأيكم :)

يا فندم تنور و تئانس --

أحنا فعلا عايزين نعرف أيه أهم الفروق - خصوصا أمر أستغلال الوظيفه - و أسوء ما نعاني منه في مصر - و هو تميز أهل الثقه عن أهل المعرفه

رأيك يهمنا يا دكتور

متابعين

تم تعديل 16 يناير 2010 بواسطة أكسيلانس

[MaYousof]

تسجيل متابعة :)

[د هشام ابراهيم]

أول فرق لاحظته و يمكن في اليابان كان أكتر من كندا ...المدير أو الرئيس هو آخر واحد بيمشي من الشغل ....يعني كل ما زادت مكانتك كل ما متطلبات الوظيفة زادت و محاولات اثبات الذات تبقى أكتر ....المرؤوس اعبائه أقل و بالتالي يحق ليه إنه يخلص شغله و خلاص انما الرئيس شغله ما بيخلصش مع انتهاء ساعات العمل الرسمية ...... كتير منهم كانوا بياخدوا شغلهم للبيت كمان يخلصوه ..... و ده كان بيفسر وجود دورات و محاضرات و وسائل دعم أسري و نفسي للرؤساء علشان حياتهم الأسرية بتتأثر من ضغط الشغل

في الأول كنت باحرج اني أمشي و أسيب رئيسي شغال لحد ما مرة نايب تخدير كندي قالي حكمة ...هو إنت بتقبض قده ؟ دورك حايجي ما تخافش .... استمتع باللحظة بتاعة قلة المسئوليات دلوقتي ......كلام مقنع الصراحة

[Diab]

انا بحاول اني لا أحبه ولا أكره

عشان يكون الواحد profissional يحاول يخلي العواطف علي جنب

عشان لا يؤثر علي الأداء الوظيفي

[أكسيلانس]

أول فرق لاحظته و يمكن في اليابان كان أكتر من كندا ...المدير أو الرئيس هو آخر واحد بيمشي من الشغل ....يعني كل ما زادت مكانتك كل ما متطلبات الوظيفة زادت و محاولات اثبات الذات تبقى أكتر ....المرؤوس اعبائه أقل و بالتالي يحق ليه إنه يخلص شغله و خلاص انما الرئيس شغله ما بيخلصش مع انتهاء ساعات العمل الرسمية ...... كتير منهم كانوا بياخدوا شغلهم للبيت كمان يخلصوه ..... و ده كان بيفسر وجود دورات و محاضرات و وسائل دعم أسري و نفسي للرؤساء علشان حياتهم الأسرية بتتأثر من ضغط الشغل

في الأول كنت باحرج اني أمشي و أسيب رئيسي شغال لحد ما مرة نايب تخدير كندي قالي حكمة ...هو إنت بتقبض قده ؟ دورك حايجي ما تخافش .... استمتع باللحظة بتاعة قلة المسئوليات دلوقتي ......كلام مقنع الصراحة

متابع ,, و نرجوا مزيد من التفصيل ,, كيف يتعامل الرئيس مع المرؤوس - هل يسعي لتدريبه ,, أناني ,, محب للظهور,, ينكر عليه أنجازاته و ينسبها اليه ,,, ألخ ألخ

و نهارك سعيد من الحروسه

[shiko]

انا ارفض كلمة مدير ....لاننا نفتقد مفهوم ومعنى الادارة من اصوله ....والكلمة دى مالهاش اى مدلول فى مصر من اساسه ...مصر تعرف العمودية بس ودى كلمة هيروغلوفية أصلها مشتق من كلمة عمود ...والعمادة عندنة مدة لا تدرس ولكن تستشف ...

انا هنا بقى ليه وقفة ....هل حد من اللى هنا بقى جرب واحدة ست تبقى هى العمدة بتاعة الدوار اللى بيشتغل فيه ..؟؟؟

حد جرب يبقى مديره واحد ست ؟؟؟ :closedeyes:

اللى جرب يخبر اللى مجربشى احكوا خبراتكم .....بس متحكولييش علشان انا مجرررررررررربة وعاررررفة كويس :)

[عاشق الترحال]

انا ارفض كلمة مدير ....لاننا نفتقد مفهوم ومعنى الادارة من اصوله ....والكلمة دى مالهاش اى مدلول فى مصر من اساسه ...مصر تعرف العمودية بس ودى كلمة هيروغلوفية أصلها مشتق من كلمة عمود ...والعمادة عندنة مدة لا تدرس ولكن تستشف ...

انا هنا بقى ليه وقفة ....هل حد من اللى هنا بقى جرب واحدة ست تبقى هى العمدة بتاعة الدوار اللى بيشتغل فيه ..؟؟؟

حد جرب يبقى مديره واحد ست ؟؟؟ :closedeyes:

اللى جرب يخبر اللى مجربشى احكوا خبراتكم .....بس متحكولييش علشان انا مجرررررررررربة وعاررررفة كويس :blush2:

جربت مره واحده بس كانت صاحبة التوكيل مش مديره ولأنها كانت تملك التوكيل وشخصية المدير ضعيفه أوي فكانت هي الكل في الكل وآخر المتمه خربت الشركه بسبب هبالاتها وتصرفاتها الحمقاء والتوكيل إتسحب منها بس يمكن بسبب أنها ظلمت ناس كتير بأفعالها وكانوا بصراحه بيدعوا عليها من المنقي خيار زي مبيقولوا .

[أكسيلانس]

أيه أخبار الشللاليه في الشغل ,, فريق ضد فريق

و قصص و حواديت عن فضائح المديرين ,, عالم الفنادق زي صندوق الدنيا ,,, كل حواديت

و أكثر المدرين غباء

عندي حواديت كتيييييييييييييييير

أنا جاي علي طول

:sad:

[pink rose]

الكره دي كلمة بسيطة بصراحة

لو في اكتر من الكره يبقى هو دا شعوري ناحية المدير بتاعي الله لا يرحمه لانه اكيد اتنيل مات

اول ما رحت اشتغلت في المدرسة كانت العلاقه عادية لحد ما يوم حصلت مشكلة و كانوا عاوزني اشهد زور معاهم

و لما رفضت يا عيني على اللي جرالي اخر واحدة تمشي من المدرسة هي ريم و دا امر صريح كده

حتى لو ما عنديش شغل خلاص

هو كده و ان كان عاجبني بقى

لو عاوزة اخد اذن عشان تعبانة مثلا ريم بالذات ممنوع

لو اخدت يوم عرضى و دا حقي اتحول لتحقيق و اخد جزا و ينزل من تقريري السنوي

الانيل من كده لما جيت اقدم اجازة مرافقة زوج عشان اسافر هنا كان بسلامته رافض يوقع على الاجازة دي

كنت على وشك اني اروح اعمل فيه محضر في القسم لولا ان في ناس تدخلوا و حلوا الموقف و البيه مضى الاجازة

كرهني في عيشتي منه لله

تم تعديل 20 يناير 2010 بواسطة remo

[أكسيلانس]

أخت ريم ,,, واضح أن التربيه و التعليم كلها منيله بنيله ,, نفس القصه بتاعت حضرتك بالكربون مع مراتي ,,, بس المدير عندها واحده ست ,,, شئ لا يوصف ,, الاهتم عينت بنتها بعقد مؤقت في المدرسه ,, و طبعا محدش بشوف وشها نهائي ,, مين يشيل شغلها ,, المدام ,, و يا ولها لو قالت بم ,, تقريبا كده ممكن تخش عليه في يوم المكتب و تفجئها بحركه من بتوع بروسلي و لا جاكي شان و تجبها لمس أكتاف ,, لانها طول الليل عمال تخترف و هي نايمه و ماسكه المخده و هاتك يا ضرب و عض و حاجات كده ,, المدام فربت تلسع تماما ,, و ياريت كل ده جايب همه ,, و الله أمها بتأخد من مصروف البيت علشان تكمل علي البنزين بتاع العربيه ,, و الهدوم و الواجبات الي في الشغل ,, واحده زملتي أتجوزت لازم أباركلها :sad: ,, بعد شهر ولدت لازم أنقطاها

و بعدين أطلقت :sad: و التانيه حجت , التلته و هكذا

ربنا المستعان

[جميلة الكون]

السلام عليكم اولا

انا عضوة جديده وبصراحه ده اول موضوع ادخل اضيف رد فيه

فعلا شدنى احييى صاحبه عليه

انا بقى كنت هسيب شغلى الاسبوع اللى فات بسبب المدير :D

كل مااتاخر اكتبى تاخير وبصراحه باسلوب حقير بيعاملنى معامله تقرف اقوله مواصلات مش بايدى يقارنى بمدرسين يبعدوا عن المدرسة ب7دقايق بس انما انا ساعتين الا ربع حرام بجد اخر مابزهق بنكتب تاخير ومش برد الموضوع ده ضايقه لانى استسلمت وكمان انا بعقد مؤقت , جملتى المشهورة(اللى شايفه حضرتك صح اعمله) بيتعفرت منها انا ولا بحب اطبطب ولا ادلع زى غيرى من لحظة مابدخل المدرسة لحد مابطلع بركب الوش الخشب كمان انا معلمة اطفال والاطفال لوحدهم يخنقوا يعنى عاوزين مزاج رايق عشان اتعامل معاهم حلو باقى اليوم الله يسامحه هو والوكيل منهم الاتنين لله كتب فيا حته مذكرة اينعم معملتش حاجه بس الموقف نفسه اول مرة ادخل مدرسة وميراعوش ظروفى كده حتى اجازات العرضه غيبت يومين المدير قلب عليا الدنيا كأنى معايا مفاتيح المدرسة ووقفت الحركة التعليميه انا ماسكه رياض اطفال هاجى اعمل ايه فى ايام الامتحانات هحكيلكم ايه ولا ايه

بس فى الاخر المعامل الطيبه حسنه ولا نشوف معامله حلوة منهم ولا انا مصيبتى انى مش بعرف اطبطب برغم احتياجى للشغل كنت هسيبه بسبب الاكتئاب اللى سببهولى ربنا يستر كان عاوزنى اروح اول الاسبوع برغم من لحنة اخذت المدرسة عشان امتحان الشهاده ال ايه عاوزنى انا فقط اروح امضى وامشى الا هيعملى انقطاع من العمل مروحتش طبعا واللى يعمله يعمله ازاى انا بس اروح وكل المدرسين الباقيين ميروحوش حكايه عند واذا كان هو عندى فانا اعند منه ربنا يستر الاسبوع الجاى :rolleyes:

[ابو محمود]

أخواني الحقيقه أنا من زمان نفسي أسأل السؤال ده لناس كتير ,, أنا بطبعي عمري ما كرهت أي شخص ,, لكن كان دائما المدير العام الذي أعمل معاه علي مقدره مزهله لتوصيل الفولت عندي الي الدرجه الحمراء ,, حتي من كانت تربطني به علاقة صداقه عندما وصل للكرسي و أستريح كده ,, بدأ يقلب علي مدير عام ,, أستغلال منصبه بقلة أدب ,, شغل لحسابه من تحت التربيزه ,, طول لسان ,, و أهم حاجه لحظتها أن كل ما الواحد منهم أنحدر أخلاقيا كلما زاد تمثيله ألآحترام و الألتزام بالأدب و ممكن يتكلم ساعه في محاضره مع الموظفين و هما جميعا بكونوا نفسهم يضربوه بالكراسي من الغيظ ,, تخيلوا لما يكون مدير شركه مرتبه 45000 جنيه في الشهر يرفض بدل سفر 30 جنيه لعامل من بنس سويف و يجبره يروح بني سويف من البحر الأحمر عن طريق القاهره ,, و يرفد 3 سائقين علشان أتأخروا علي المدام و هي وقفت في الشارع 15 دقيقه يا عيني لأ و رفتهم أمتي يوم وقفة العيد فعلا الرئيس المؤمن عايز أسمع أرائكم في مدرائكم بصراحه و كيف تفسروا تصرفتهم هل هما علي حق و ألآ أحنا ألي مجانين و لا هما المصرين فعلا فراعنه لما حد فيهم يجلس علي الكرسي يتفرعن علي شعبه

هل تحبهم تكرههم ,و تتجنب التعامل معهم

و لماذا ,, هل هي أزمة أخلاق ,, قلة تعليم و لا ,,,,,,,,, قلة أدب

مستني أسمع رأيكم

واللة يا أكسلانس زعلتنى

شوف يا زميلى الفاضل ربنا يقويك علية بس بصراحة انا اجهل حاليآ معاملة المدراء لى علشان انا مدير

بس ما بسمحش لنفسى اعمل كدة مع اى مستخدم او موظف لدى عارف لية لانى اخشى ان يكتب فى صحيفتى هذة السيأت

وأصبر فأن اللة مع الصابرين

[OReX]

السلام عليكم

ولله الحمد ممرتش بمدراء بالشكل دا قبل كدا يمكن عشان شغل الاي تى فى مصر-اللى شفتة- ملوش فى الحوارات دى ولا عصافير ولا غربان وكل تعاملك مع مدير المشروعات اللى معاك وخلاص

كانت بتحصل طبعا مشاكل وخصوصا فى ضغط الشغل بس اخيرها لفت نظر ومتعملش كدا تانى يا حمادة وخلاص

بس فى المنظر العام احنا بعيد جدا عن فكر الادارة اللى هوا المدير ما هوا الا موظف يحمل صلاحيات ومهام زيادة

وكان فية فرق كبير جدا ما بين الادارة المصرية والسعودية والانجليزية

انا بتمنى بجد ان الناس كلها تجرب العمل مع مدير بريطانى على قد الالتزام المبالغ فيه وزرار القميص والكرفات اللى مبيتفكوش بعد ما كنا هايصين وبروح بالجلباب السعودى المرحرح دا ولا كأنى رايح اتمشى على شط الترعة

بس يتشاف معاه حاجات جديدة دعت للاندهاش النظام الادارة كله متغير مبدأ انا اللى بفكر بس مش موجود نهائيا وفية حاجة كويسة جدا فى التقارير الشهرية بتاعة الموظفين من اكبر موظف لاخر موظف كان بياخد تقرير عن شغلة مع الراتب ومفيش حد اسمه موظف مبيغلطتش ومحدش بيعمل حاجة كاملة معليهاش ملاحظات وعلى اساس التقرير دا كان بيتم العلاوات المادية والترقيات الوظيفية

هقول اية ولا اية انا لو هاجرت هيبقى عشان اشتغل فى جو عمل زى اللى كان عمله فى الشغل

ربنا يوفق الكل لما يحبه ويرضاه

....هل حد من اللى هنا بقى جرب واحدة ست تبقى هى العمدة بتاعة الدوار اللى بيشتغل فيه ..؟؟؟

حد جرب يبقى مديره واحد ست ؟؟؟

اللى جرب يخبر اللى مجربشى احكوا خبراتكم .....بس متحكولييش علشان انا مجرررررررررربة وعاررررفة كويس

كل مرة بفتح القوس واحط كلمة جديدة

(سواقت العربيات - الادارة - تطوير البرامج (البرمجة))

لائما تلاقى واحدة مستواها رائع يزهل اللى قدامها واما زفت مشوفتش مستوى متوسط ابدا

كان فية مديرة احدى فروع شركات التدريب متعرفش اى حاجة فى اى حاجة

واخرى على النقيض تماما فى كل حاجة فكر واحترام وعمل وخبرة

تم تعديل 26 يناير 2010 بواسطة OReX