بتحب مديرك و لا بتكرهه

[shiko]

الحمد لله الذى بنعمته تتم الصالحات

اقولكم سر وانا عارف السر فى بيرررررر .......

انا بيقولوا انى مديرة ....والله هما اللى قالولى ....

بس بجد انا بخاف موووت من الموضوع ده يمكن لانى موش متخيلة انى اقف ادام ربنا ويسألنى عن حد ..ظلمته

المهم جالى تقرير لاول مرة بتاعة واحدة مهندسة معايا ومطلوب منى احط تقرير عنها وده عبارة عن درجات فى المهام الموكل لها عملها انا سيبته على المكتب من يوم الخميس اللى فات وانا خايفة منه ...اكنه صرصار مسعود فى المتزوجون ولينا قالبة الصرصار على وشه ومتجاهلاه تماما

المهم انهاردة ربنا هدانى لفكرة علشان اخلص من الصرصار ...قصدى التقرير

اديته للمهندسة دى وقلتلها انا عاوزاكى تقييمى نفسك بشىء من العدالة ...ولا تظلمى نفسك ولا تديلها اكتر من حقها ...ورحت سيباها هى تدى لنسها الدرجات

والحقيقة انها كانت هى ادرى بشغلها ومواضع التقصير اللى كان عندها

والحمد لله لاقيته معقول واقرب للواقع

ووقعت وانا بحمد ربنا انى عديت اول اختبار فى كونى مدير.....ولاحظوا انا مقلتش مديررررة

[ميرامار]

[بجد موضوع جامد يا اكسيلانس ..............

الحقيقة انا مابقيتش عارفه لية الانسان لما يكون ليه سلطات بحكم مركزه بيتغير 180 درجة والتغير طبعا للاسوء واللى ممكن يوصلنا لمرحلة الكره ... وبالنسبة ليا انا فى وضع لا احسد عليه اولا مديري هو صديق العائلة وهو السبب في انى حصلت على الوظيفة الحكومية دى...... بصراحة كان مثلى الاعلى وكان دى فعل ماضى

في الاول كان كويس جدا وبحس انه انسان عظيم بس اكتشفت ان الانسان كل ما اتكلم عن صفاته ويمدح في نفسه وان الكل ظلمه ده يبقى فيها إن

بإختصار كان عايزنى اولا اكون وكالة انباء ليه انقل اى كلمة لا قصدى اى حرف ممكن يقوله اى حد

ُثانيا :مافيش مانع انى اعمله مشاوير شخصية اثناء اوقات العمل الرسمية ومحدش هيقدر يأذينى طبعا لانى تبع البيه المدير

ثالثا :اكتشفت على اد ما بيكون راضى عنى بيحدد نسب الحوافز بتاعتى ويدينى حقى فى الاستمارات والاستمارات دى هى بدل انتقالات لو كان في شغل خارج هذة الهيئة الحكومية وللآسف على طول مش راضى عنى وبيحرمنى من حقوقى

رابعاً: اكتشفت انه بيصرف استمارات بأسمى على انتقالاتى واضاف ليها استمارات overtime وكانت بمبالغ كبيرة انا مابخدش منها الهوا او ساعات بيدينى عشر المبلغ مبلغ لايذكر وده طبعا فاكرنى لسه قطة مغمضة مش فاهمة حاجة

خامساً: التقييم مش بمدى الاهتمام بالعمل لا بمدى الاهتمام بمديرنا المبجل وعشان المدير يرضى عنك لازم تكون منافق وتتعلم النفاق وتبدع فيه يعنى من الآخر هتكتسب اجمل الصفات

تفتكروا بعد كل ده اكره المدير ولا احبه ؟؟؟!!!

تم تعديل 8 فبراير 2010 بواسطة ميرامار