علمني الفساد يابا

[إيزيس]

عندي كلام كتير جدا عن فساد التعليم في مصر كلام يوجع القلب هاجمعه و ارجع و لحد ما ارجع عايزة اسمع منكم ظواهر الفساد اللي شفتوها و اللي مخوفاني جدا على جيل جديد إما متربي ع الفساد أو عانى من المفسدين اللي لعبوا بمستقبله

[التونسى]

ياه يا ولاد .. جمد لله على سلامتك الاول يا قرتفله :blink:

[التونسى]

ثانيا الكلام حول فساد التعليم فى مصر له جوانب عده .. تقدرى تقولى بشكل عام ان المنظومه التعليميه بكل عناصرها تقريبا فاسده

انا عملت فتره فى التدريس فى مصر بعد التخرج .. وليا اقارب واصدقاء مقربين يعملون بالحقل التعليمى ..يعنى ليا مشاهدات عن كثب

مش عارف اتكلم عن ايه تحديدا .. فساد الادارات .. فساد الكوادر .. فساد حتى المواد والوسائل التعليميه

موضوع حقيقى يطول شرحه ومش عارف الاقى خيط ابدا منه حديثى..

[إيزيس]

الله يسلمك و أشكرك جدا

حضرتك ابدأ من أي فساد اتفضل.....

[إيزيس]

[ المواضيع متداخلة جدا في دماغي لكن قلت خلينا نبدأ بنماذج غير فاسدة كنوع من التقدير و لكي ندرك الفرق

بين الصلاح و الفساد.

بالنسبة لي و رغم ضعف الذاكرة لا يمكن أنسى أساتذتي رجاء تادرس ميخائيل

بليغ المسلمي

سعاد سلام

أتذكر أسماءهم و أذكرهم بكل الحب و الاحترام كانت الأستاذة رجاء أول من تلقاني في المدرسة و كان ابنها زميل لنا بنفس الصف

و كان أول من يعاقب و أشد من أي تلميذ آخر إذا صدر منه أي تقصير فضربت لنا مثالاً للعدل ناهيك عن تميزها و حبها الشديد

لمهنتها السامية.

أما الأستاذ بليغ مدرس الرياضيات الفاضل فكان يعلمنا الأخلاق و المنافسة الشريفة و يهتم حتى بشؤوننا الخاصة بكل ود و أبوة

أما أستاذة اللغة الإنجليزية سعاد سلام فكانت نادرة من النوادر في المرحلة الثانوية لا دروس و لا إهمال و عشق لما تؤديه و كانت

تدعونا إلى بيتها و تخلق روحا من الود و الصداقة لم أره بعدها أبدا

كنا مع الأمثلة المشرفة التي لا تنسى

الجزء المظلم بكل أسف كبييييير جدا

[إيزيس]

أصل الموضوع شاب زي الفل خريج آثار من العشرة الأوائل على دفعته بيقول ندمت على 16 سنة تعليم

بيشتغل في المجاري في منظر فريد في برنامج واحد من الناس ينفطر قلبك و الشاب بيخرج

من المجاري و تشم ريحة الفساد و العفن في البلد و التعليم و تشعر بالغثيان مش من العمل لأ أبدا العمل شرف

و الشاب نفسه مشرف لكن من الوضع كله لما واحد زي ده اتمرمط

في ليبيا في إجازات الجامعة علشان يصرف على نفسه

ذاكر و اجتهد و بيحب تخصصه و في الآخر ما يلزمناش لأن بنعين خريجي آداب و المعاهد الفنية

لأن عندهم واسطة و المشكلة مش في الشاب ده فقط لأنه فعلا اتعين بواسطة البرنامج

عن طريق زاهي حواس لكن لو ماظهرش في البرنامج

و غيره الآلاف محتاجين كام برنامج؟؟؟؟

للدرجة دي احنا بلد عشوائي يعني انت و حظك..... و للأسف حظوظنا مش و لابد

تم تعديل 16 يناير 2010 بواسطة إيزيس

[عاشق الترحال]

أصل الموضوع شاب زي الفل خريج آثار من العشرة الأوائل على دفعته بيقول ندمت على 16 سنة تعليم

بيشتغل في المجاري في منظر فريد في برنامج واحد من الناس ينفطر قلبك و الشاب بيخرج

من المجاري و تشم ريحة الفساد و العفن في البلد و التعليم و تشعر بالغثيان مش من العمل لأ أبدا العمل شرف

و الشاب نفسه مشرف لكن من الوضع كله لما واحد زي ده اتمرمط

في ليبيا في إجازات الجامعة علشان يصرف على نفسه

ذاكر و اجتهد و بيحب تخصصه و في الآخر ما يلزمناش لأن بنعين خريجي آداب و المعاهد الفنية

لأن عندهم واسطة و المشكلة مش في الشاب ده فقط لأنه فعلا اتعين بواسطة البرنامج

عن طريق زاهي حواس لكن لو ماظهرش في البرنامج

و غيره الآلاف محتاجين كام برنامج؟؟؟؟

للدرجة دي احنا بلد عشوائي يعني انت و حظك..... و للأسف حظوظنا مش و لابد

إتفرجت عالحلقه دي في برنامج واحد من الناس وفعلا تم تعيينه بعد ما اتصل مقدم البرنامج بزاهي حواس .

بس السؤال بقى فيه كام ألف شاب بقى زي النموذج ده ومش لاقين اللي يتوسط لهم في أى مكان علشان يتعينوا ؟

فيه دكاتره متخرجه من طب وبتشتغل في المعمار عمال وصنايعيه !!! غير خريجي تجاره وحقوق وآداب وعلوم وغيرها من المؤهلات الجامعيه المحترمه الكتيـــــــر .

تعبوا وذاكروا وإجتهدوا ونجحوا وأهاليهم صرفت دم قلبها عليهم وبعدين ؟ قاعدين في الشارع وعالقهاوي .

ممكن حد يقول هما مدوروش على شغل لأ دوروا وتعبوا بدون فائده

ليا زميل مهندس كهرباء كان بيبيع زبادي عالمحلات والعيب مش في الشغل اللي اشتغله العيب في الحكومه اللي مفيهاش مكان محترم غير للي عنده واسطه وعنده محسوبيه أو بيدفع رشوه.

[rewsha]

ياااااه يا ازيس ..بحكايتك دي عن الشاب اللي متخرج من اثار فكرتيني بزمايلي في اثار برضو

كنت انا في سنه تانيه وهمه في رابعه وقسم ترميم كمان والمفروض ان القسم ده عدد الطلبه فيه قليل جدا والمفروض انهم بيتنقوا على الفرازه يعني لو القسم المصري 300 والاسلامي 400 يبقى ترميم 70 طالب بس

المهم

اتخرجوا وجم يزوروا اصدقائهم في الكليه بعدها بسنتين

ولما شوفناهم طبعا فرحنا جدا (همه القدوره بتاعتنا )وقلنا لهم ....ها ....انتم فين دلوقتي؟

وياريتنا ما ساْلنا

واحد اشتفل في بنزينه بالبقشيش بس ...يعني بدون مرتب

والاتنين التانيين مندوبين مبيعات

والرابع سواق على تاكسي

شوفتي بقه بعد 4 سنوات دراسه في كليه من كليات القمه اتخرجوا مالقوش مكان عمل ليهم في مجال دراستهم رغم ان العدد بتاعهم قليل جدا

وده برضو علشان الواسطه في الشغل

وناس تانيه متخرجه من القسم المصري(الفرعوني) اشتغلت في الترميم (علشان الواسطه برضوا )

وعجبي

تم تعديل 17 يناير 2010 بواسطة rewsha

[se_ Elsyed]

أصل الموضوع شاب زي الفل خريج آثار من العشرة الأوائل على دفعته بيقول ندمت على 16 سنة تعليم

بيشتغل في المجاري في منظر فريد في برنامج واحد من الناس ينفطر قلبك و الشاب بيخرج

فيه دكاتره متخرجه من طب وبتشتغل في المعمار عمال وصنايعيه !!!

مش عارف ليه مش بالع إسم إيزيس يا قرنفله

شوفتي فيلم وش إجرام ؟

طه

برضوا طه

طه طه اووه اووه

خليني أقول لك يا إيزنفله ... او قرنسيز

--------------------

شوفي

الموضوع لا هو فساد ولا شاي بلبن ..

لكن خلينا نتكلم عن حاجه في موضوع جديد ممكن حضرتك تفتحيه في باب التعليم والعمل والاجتهاد

ونسميه

المؤهل الدراسي ... لوحده مش كافي

هاقول لحضرتك ملخص

وأنا في أول جامعه سنة 90

يا نهار ابيض

عدت 20 سنه بحالهم .؟

لأ لأ خليها كنت في 2008 ههههههه

كان بيدرس لنا مبادي أقتصاد واحد عملاق أسمه .. عبد المنعم راضي ... وواحد بيدرس مبادي محاسبة اسمه عباس حجازي

طبعاً بتوع تجارة عين شمس وكافيتريا الكلية وساندوتشات الكبده هايفتكروا كلامي ده

المهم

كنا وراور صغيرين وتقريباً 18 او 19 سنه .. وبالشورتات كمان

وإذ باول محاضرة يصدمونا بالحقيقة هما الاتنين قالوا نفس الكلام مش عارف كانوا متفقين علينا ولا ايه

في اول محاضرة خصوصاً الدكتور عباس حجازي وده راجل واصل وشركات ومكاتب محاسبه وبتاع

عارفه أول حاجه كانت في المحاضرة قالها لنا ايه ؟

قال :

إنتو عارفين إن الدفعة بتاعتكم دلوقت 5000 نفر في عين العدو ... طب لما تخلص إنت وهو .. إيه اللي يخليني أعين عيل معفن زيك أنت وهو عندي في شركتي لما اعمل اعلان وأطلب فيه محاسبين ؟

أنا بصيت الناحية التانية لاني مش مقصود بالكلام طبعاً ..... وكمان عشان أول يوم دراسة ماما كانت قايله لي أستحمى والبس القميص الابيض والشورت الارزق والشوز البني

المهم كلمونا على إن المؤهل لوحده مش كفايه ... هاتقولي بكابوريوس تجارة ؟

في مليون غيرك معاهم نفس المؤهل

يبقى لازم يا حلو تكون مؤهل لسوق العمل

يعني من البديهيات يا حبيبي

اللغة الانجليزية

الكتابة على الالة الكاتبة - آه والله كانت أيامها أمله -

الكمبيوتر .. وكان لسه الـ 286 عمل شغل نارررررر

وكمان ياريت تعرف تشتغل على برنامج محاسبة

انا ما أثرش فيه غير حاجه واحده

وهو إن كان معانا بنات كتيره ... ليه ما كلمهمش وشتمهم بتاء التأنيث ؟

فهمتي كلامي يا قرنفله عن الفرق بين المؤهل والمؤهلات ؟؟؟؟؟؟؟؟؟؟؟

روحي أفتحي الموضوع باللتي هي أحسن بقى

[إيزيس]

روشة و عاشق الترحال شكرا للإضافة القيمة :lol:

سي السيد منور القعدة

مش عارف ليه مش بالع إسم إيزيس يا قرنفله

قول إيزيس 10 مرات بعد الغدا و بالشفا إن شاء الله

الموضوع لا هو فساد ولا شاي بلبن ..

لكن خلينا نتكلم عن حاجه في موضوع جديد ممكن حضرتك تفتحيه في باب التعليم والعمل والاجتهاد

الموضوع فساد و كوسة باللبن بس اصبر معايا شوية أنا لسة في التليين

كلامك عن المؤهلات و المؤهل يعني الشهادة و الكفاءة كلام جميل و كلام معقول ماقدرش أقول حاجة عنه :lol:

و لكن أنا باقصد الفساد اللي يخللي اتنين خريجين جامعة واحد خريج تجارة و بعد 4 سنين مذاكرة و تمام التمام

يشتغل في محطة بنزين وواحد تاني خريج آداب مايعرفش حاجة عن الأرقام أصلا يشتغل محاسب

في شركة كبيرة ليه يا بشر ؟ أبوه مدير الشركة

تم تعديل 17 يناير 2010 بواسطة إيزيس

[إيزيس]

أما الفساد الي شغال في الجامعات لصالح ابن الدكتور و بنت العميد و ابن رئيس الجامعة

و بنت أخت مدير شئون الطلبة و ابن عم محمد أبو سليمان ساعي العميد و بنت مدام شويكار رئيسة شؤون الطلبة

فهو باب وااااااسع جدا للفساد و المصيبة إنه أصبح من المسلمات يعني عادي يعني إيه الجديد

المشكلة في نتايج الكوسة دي و اللي تقدر تشعر بيها جدا في موضوع نشر في المصري اليوم عن كلية طب الزقازيق

و اللي كتب فيه تعليقات تخللي الدنيا في عنينا إسود غامق داكن و منيل بنيلة

حتى شوفوا

http://www.almasry-alyoum.com/article2.asp...mp;IssueID=1644

[Alshiekh]

أصل الموضوع شاب زي الفل خريج آثار من العشرة الأوائل على دفعته بيقول ندمت على 16 سنة تعليم

اربع سنين بس

ايه رأيكوا فى واحد أشتغل لمدة شهر وقبض مرتبه 75 جنيه بحالهم ، اصل كان عنده خصم خمسة وعشرين جنيه علشان غاب كام يوم عن الشغل.

صاحبنا وهو مروح البيت كان المفروض يشترى تموين الشهر ، ارز وسكر والحاجات المطلوبة للبيت يعنى ،

قام البياع قال الحساب 98 جنيه ،

قام الافندى وقال له كل اللى معى 75 جنيه بس

البياع : ممكن تاخد بيهم كل اللى انت عايزه ، مع فارق بسيط ، واهو كله محصل بعضه

الافندى: مش فاهم

البياع : منتجات منتهية الصلاحية تنفع علف للحيوان والانسان برضه

الافندى : تقضى الغرض يعنى؟

البياع: طبعا ، بص كده على الطابور ده؟

الافندى : ايوه شايف الطابور ، مالهم الناس دى؟

البياع: فلوسهم مش مكملة الـ 98 جنيه ، وزى مانت شايف ، كله مستنى يشترى ، اتوكل على الله كله محصل بعضه

الافندى: على رأيك

================

التعليم ليس مجرد شهادة جامعية والسلام

الدراسة الجامعية التى تخطط للمستقبل المهنى والوظيفى هى خطة يجب ان توضع لها المعطيات المطلوبة واهمها واولها سوق العمل واحتياجاته ، والا فالنتيجة ستكون التسول على ابواب " واحد من الناس " وماشابهه من برامج " الشحاتة ".

ولست اعتقد ان جميع الخريجين يمثلهم هذا الشاب ، فهناك نماذج ناجحة كثيرة لم تعتمد على مكتب التنسيق فى تحديد مسار حياتهم ، بل حددوه هم بانفسهم.

واعتقد ان النقطة دى لاعلاقة لها بالفساد بقدر ماهى متعلقة بثقافة المجتمع التى يجب ان يتم تصحيحها.

[إيزيس]

التعليم ليس مجرد شهادة جامعية والسلام

تحياتي يا أستاذ محمد

ماعنديش أي اعتراض على الفكرة دي لكن مش هو ده الموضوع

يعني خريج آداب اللي ماعندوش فكرة عن الآثار و لا أي مؤهلات لما يتعين

و نرمي التاني في المجاري .ده اسمه إيه ؟؟ مش فساد برده

ندمت على 16 سنة تعليم

اربع سنين بس

لا يا فندم الولد ندم على كل التعليم اللي تلقاه من أول كى جي وان

تم تعديل 17 يناير 2010 بواسطة إيزيس