رجاء التصويت لمنع النقاب في المدارس البريطانية

[msayed]

وعندي نفس القناعه أن النقاب عاده بدويه متوارثه لا علاقه لها بالإسلام

اسمحوا لى أن تكون هذه المداخلة الوحيدة لى فى الموضوع لأننا ناقشنا الموضوع من قبل ولا أظن ان هناك ما أضيفه.

أولاً: أنا صوتت بلا، لأننى اعتقد أن هذه المدارس ليست المدارس الإبتدائية.

الموضوع عن مدارس ولكن مش عارف ليه انتم فسرتوها إنها مدارس إبتدائى؟ مع إن كل الصور إللى فى المواضيع بمقالات البى بى سى لبنات كبار. مش مفترض أن نستدعى صورة ظالمة نادرة جداً جداً جداً لنستعدى الناس على النقاب كله من أوله لآخره.

أنا عمرى ماشفت بنت إبتدائى ("غير بالغة") أهلها لبسينها النقاب؟

ثانياً: أنا قناعتى -بالأدلة مش بإنى بحب ده واكره ده- إن الحجاب فرض وتغطية الوجه والكفين سنة تثاب فاعلتها ولا تأثم تاركها.

"لمعرفة هذه الأدلة ممكن مراجعة كتاب -حجاب المرأة المسلمة للشيخ ناصر الدين الألبانى فقد ناقشها كلها بمنطقية عالية- فلامجال لسردها هنا فى المنتدى"

ووصفها بأنها عادة بدوية متوارثة وصف يوحى بالدونية حتى لو لم تقصد هذا يا إيهاب، ولكن كم من عادات قديمة أتى الإسلام فأقرها وأحياناً امر بها فأصبح لها حكم شرعى وثواب على فعلها وعادات أتى الإسلام بذمها فأصبحت حراماً أو مكروهاً.

فأسألك يا أستاذ إيهاب، هل هى عادة بدوية لم يتناولها الإسلام بأى شكل من الأشكال وتجاهلها تماما؟!!!

تم تعديل 15 يناير 2010 بواسطة msayed

[لولا]

ولكن مش عارف ليه انتم فسرتوها إنها مدارس إبتدائى؟

انا لم افسرها على انها مدارس ابتدائيه فقط .. قمت بالتصويت على منع النقاب فى المدارس وليس منع النقاب فى المدرسة الإبتدائية .

للتوضيح فقط .

تحياتى

لولا

[تامر السعدني]

طبعا المفتي بتاعنا

قبل طبعا تولي المنصب

قال كلام خطير

قال ان اللي بيقول ان النقاب عادة يبقى

مخرف

طبعا انا مش مع الشيخ علي جمعة مفتي مصر في اسلوب الحوار ده

بس حبيت بس الفت النظر

واكيد طبعا الشيخ علي جمعة قال الكلام ده ومكنش عارف ان وزير الاوقاف هيقول الكلام ده ويطبع كتاب فيه الكلام ده

عامة انا ادعو كل من قال النقاب عادة انه يراجع اقوال علماء الدين

مش علشان الزمه برأيهم

بس يعني بقول الناس اللي اتخصصت في الدين

ممكن يكون عندهم علم نستفيد منه

ده طبعا مش انكار لان بعضنا فهمان ودماغه انضف من كل علماء الدين

بس يعني

دعوة للعلم

بوركتم

[MZohairy]

ارى ان حرية ارتداء النقاب في المجتمعات الاسلامية شيئ لا يحتاج لنقاش

فأنت حر طالما لم تضر

و اذا اعتقدت ان ارتداؤه قد يرفع من حسناتك بدون فرضه على الناس و عدم التقليل من شأن من يرفضه....فلا بأس ابدا

الموقف مختلف تماما في الدول الغير اسلاميه و التي اصابتها فوبيا الارهاب الاسلامي نتيجة حوادث الارهاب و تركيز الميديا العالميه عليها

فأي مشهد لمرتدي الجلباب أو النقاب أو مطلق اللحيه هناك هو مشهد مرتبط بالإرهاب (هذا ما وصل الى اذهانهم و رسخ فيها)

و تبدأ ردود الفعل منهم ضد المسلمين ككل

و اعتقد مفيش داعي ان واحده تريد ان ترتدي النقاب فيتأذى بسببها باقي المسلمون في هذه البلد نتيجة ردو الأفعال الغير مميزه

و لو مرتبطه بالنقاب الى هذه الدرجه فبلادها الاسلاميه اولى بها و ليسعك بيتك

فلا لوم عليهم اذا ارادوا إقصاء الخطر عن بلادهم بكل الوسائل

هذا الكلام بعيدا عن من الظالم و من المظلوم و لكنه الواقع

شكرا

[Scorpion]

عفوآ يا جماعة .. أستسمحكم في ابداء رأي ....

احنا مالنا من اساسه ؟؟

الأستفتاء في انجلترا .. و حول المدارس البريطانية ...

انا قعدت افكر ايه اللي احنا بنعمله ده ...

يعني هما مستنيين موافقتنا او رفضنا ....

نفس فكرة سواقة المرأة في السعودية ؟؟

و احنا مالنا ....

يعني هما مستنيين موافقتنا او رفضنا ....

يعني لو جم السعوديين و قالوا اننا ناقصين دين و لازم نعمل زيهم و نؤسس هيئة .... حنقول آه عندكم حق

لو جات انجلترا و قالت انتم مدخلين الدين في كل حاجة و لازم نعمل زيهم و نبقي علمانيين صرف ... حنقول آه عندكم حق ,,,,

ما نفكر في المشاكل اللي عندنا الأول ... و نغضب منها و نعمل لها تصويتات و استفتاءات ... بدل المعارك الدون كيشوتية اللي عايشين فيها ليل و نهار دي .... و يا ريتها بفايدة .

[myusername]

ما نفكر في المشاكل اللي عندنا الأول ... و نغضب منها و نعمل لها تصويتات و استفتاءات ... بدل المعارك الدون كيشوتية اللي عايشين فيها ليل و نهار دي .... و يا ريتها بفايدة .

على فكرة انتا جبت المفيد!!!

الناس تلاقيهم يدخلوا على المواضيع اللى فيها جدل, لكن بص على اى موضوع خاص بالاصلاح و تغيير المجتمع فعليا, هتلاقيه بيهش و بينش و البارودة اكلته :)

[znaty]

اخي وحبيبي م ايهاب

:sad: :110: ..الضحكة دي بجد ..اول ما شفت الموضوع

ااقولك رايي بأة

اولا متفق معاك طبعا ومع الاعضاء المقتنعين بان النقاب موش فرض

فعلا لم اقتنع بدليل دامغ على فرضية النقاب

بس في نفس الوقت ..يجب احترام اراء العلماء اللي قالوا انه واجب ..هما ليهم ادلتهم ..واللي قالوا انه موش فرض ليهم ادلتهم ..واختلافهم رحمة

وطالما العلماء اختلفت ..يبقي انت تاخد بالايسر ..او بالاقرب الى قلبك

لكن موش ده المهم الان

المهم

هل تعتقد ان البي بي سي عاملة الاستطلاع دة ..علشان هما اطلعوا على القران والسنة وصحيح الحديث ..وايقنوا ان النقاب موش فرض ..فقرروا يعملوا الاستفتاء دة علشان ياخدوا راي المسلمين ؟؟؟؟ :blink:

والا الهدف هو محاربة مظاهر الاسلام بصفة عامة ..زي ما سويسرا عملت في الماذن ..وفرنسا عملت في الحجاب؟؟

هو ليه الحرية بيتشدقوا بيها في كل مكان الا علينا ؟؟؟

اكيد انتشار مظاهر الاسلام في بلاد غير اسلامية عامل قلق وغايظهم جدا

وبعدين يا صديقي ..اذا كان النقاب موش فرض ..فايه الضرر اللي فيه علشان اخاف على الاسلام منه موش فاهم ؟؟

واحدة عايزة تخبي وشها ..مقتنعة انها هاتاخد ثواب اكبر لانها منعت مسلم انه يبص في وشها فيفتن بجمالها مثلا او تقع منه نظرة فيها رغبة في وشها فياخد ذنب فبتقي نفسها وتقيه من الفتنة ..طب ايه المشكلة ؟؟ربنا يبارك فيها ويثبتها

اب علم بنته النقاب وهيا في ابتدائي ؟؟طب وانتوا مالكم ؟؟زعلانين ليه ؟؟ هو علمها التسول والا الرقص الشرقي ؟؟ ولو علمها الرقص الشرقي ورقصت هاتسقفوا وتقولو ياااي تجنن ..عقبال ما تكبري كدة وترقصيهم كلهم :blink:

طب مانعمل استفتاء ان اللي يصلي اكتر من الصلوات الخمس والسنن الرواتب بيضر الاسلام وليست من الاسلام في شيئ ؟؟

يعني الستوماك والستريتش والحمالات والبنطلون الساقط مازعلكمش وما ضرش الاسلام والنقاب اللي وقف في زور الناس والحكومة ؟؟

طب مايجبروا السيخ على قلع العمامة لو يقدروا ..موش دي فيها تمييز ودة ضد العلمانية الحديثة اللي متبعاها الدول دي ..طالما ناديتم بالحرية لما المهاجرين دول نزلوا بارضكم يبقوا تطبقوها كاملة

وماحدش يقوولي الامن والخزعبلات دي ..الاماكن اللي بتحتاج حماية والا النقاب والا غيره اللي هايمنعهم من التشيك ؟؟في اجهزة سكانر وخلافه ..وسهل التحقق من وشها في الحالات اللي محتاجة فيها اي دي.. ومحدش منهم بيمتنع ..وان امتنعت يبقي خلاص ذنبها على جنبها ..بره

لكن اقرار قانون بمنع حرية شخصية او قناعة دبينية فدة موش من حق حد

اما كوني ليه دخلت وصوت بكل قوة ودعيت زمايلي كمان للتصويت لعدم منع النقاب في الدول دي ..هو قناعتي الكاملة بان الموضوع الغرض منه هو سحب ( على الاقل ) المظاهر الخارجية للزحف الاسلامي من اوروبا ..وخصوصا بعد التقارير اللي قالت ان مع 2050 ممكن تكون نص اوروبا مسلمين

موش عن قناعتي بان النقاب فرض ..لا ..في وجهة نظري ونظر كثير من المسلمين و علماء المسلمين الثقات انه موش فرض ..دة فضل ..احب من يفعلة ..وادعوا له بالثبات والهداية

اللحية يا اخوانا فرض موش شكل اسلامي ..الحجاب يا اخوانا فرض موش شكل اسلامي ..اوامر استسلمنا لله عز وجل لما اسلمنا له ..وسمعا و طاعة يا رب العالمين

وليست اختزال للاسلام في مظهر وملبس

اخ سكوربيون ..المسلمين في اوروبا يهمونا زي المصريين بالظبط ...لان درجات الولاء والقومية عندنا دوائر ..اقرب دائرة فيهم الاسلام ..بعدها الوطن

حتى في الجيش ..بتقول ..الله ..الوطن ..بالامر

تحياتي

[تامر السعدني]

على فكرة يا جماعة

نسيت أقولكم

المفتي في بداية الفيديو قال كلام خطير تاني

قال النقاب قال بفرضيته الامام الشافعي وابو حنيفة وابن حنبل ومالك بس اللي قال انه مش فرض وقال انه في وقت خوف الفتنة يكون فرض

ده طبعا برضو قبل ما يبقى سيادته مفتي

ومع احترامي لكل اللي بيقول انه عادة

هو كده بيخالف الاجماع لان الاجماع على كونه دائرا بين الفرض والمستحب

فاللي بيقول غير كده هو رأيه يعتبر رأيا شاذا

فطبعا لما الواحد يكون رأيه شاذ محتاج إنه يراجع نفسه وسشوف الآلاف المؤلفة دي من البشر ازاي هما قالوا الكلام ده وازاي هو ماشي ضدهم

ومش بس كده

ده لسان حاله بيقول

انتو كلكم غلط

كلكم غلط

كلكم غلط

غلط

غلط

متهيأل الموضوع محتاج مراجعة للنفس وبهدوء وبعقل وبشويش كده

وهتيجي إن شاء الله

[dr/alfa]

السلام عليكم ورحمة الله

أقول وبالله التوفيق

أليس خطرا على تلاميذ المدارس وطلبة الجامعات أن يروا مدرساتهم او زملائهم فى الجامعة وهن سافرات وبعضهن شبه عاريات

أليس هذا الوضع أكثر ريبة وأكثر فتنة لنا من أولئك اللاتي اخترن الحجاب الشرعي ولباس أمهات المؤمنين شعارا لهن ودليلا على عفتهن وطهارة قلوبهن ؟؟ !!

والله انا اتعجب ممن يصف الحجاب الشرعي بالتعنت والتزمت وغير ذلك من الالفاظ العدائية مع أن امهات المؤمنين وزوجات النبي عليه الصلاة والسلام كن يلبسن ذلك الحجاب ورضيه لهن الله عز وجل حتي لا يعرفن فيؤذين فى شورارع المدينة .

اتعجب ممن يهاجم العفة والحشمة والطهارة الظاهرة ويترك-بكل خسة- العري والتهتك والسفور فى شوراع وجامعات المسلمين

[Alshiekh]

السلام عليكم ورحمة الله

أقول وبالله التوفيق

أليس خطرا على تلاميذ المدارس وطلبة الجامعات أن يروا مدرساتهم او زملائهم فى الجامعة وهن سافرات وبعضهن شبه عاريات

أليس هذا الوضع أكثر ريبة وأكثر فتنة لنا من أولئك اللاتي اخترن الحجاب الشرعي ولباس أمهات المؤمنين شعارا لهن ودليلا على عفتهن وطهارة قلوبهن ؟؟ !!

والله انا اتعجب ممن يصف الحجاب الشرعي بالتعنت والتزمت وغير ذلك من الالفاظ العدائية مع أن امهات المؤمنين وزوجات النبي عليه الصلاة والسلام كن يلبسن ذلك الحجاب ورضيه لهن الله عز وجل حتي لا يعرفن فيؤذين فى شورارع المدينة .

اتعجب ممن يهاجم العفة والحشمة والطهارة الظاهرة ويترك-بكل خسة- العري والتهتك والسفور فى شوراع وجامعات المسلمين

'dr/alfa'

برجاء مراعاة اختيار الفاظك ، لاتوجد خسة بين اعضاء المنتدى

الادارة

شكرا

[khaleds]

صوتت بنعم

انا مش ضد النقاب وفى نفس الوقت مش بشجعه وخصوصا فى الوقت الحالى

[عصام]

ييييييييييييييييييه ..

النقاب؟

تاااااااااااااااااانى؟

أوفففففففففففففف

[عصام]

يا ترى الموضوع بتاع الزميل أحمد سيف اللى كان اسمه كيف نصبح دولة صناعية أخباره إيه؟

[MZohairy]

هل النقاب فرض ؟ :closedeyes:

[znaty]

صوتت بنعم

انا مش ضد النقاب وفى نفس الوقت مش بشجعه وخصوصا فى الوقت الحالى

ولا انا باشجعه بردة مع اني باحترمه ..

بس انا شايف كدة اننا بنتدخل في حرية شخصية للمسلمين ..وخصوصا انها لا تضر أحدا...بل على العكس ..ممكن نكون بنساعد على اصدار تشريع للتخلي عن مظهر من مظاهر الاسلام اقره بعض العلماء واستحبه البعض الاخر ..ولكن لا يجرؤ انسان على تحريمه

ماهو النهاردة ..نفاب... وامبارح الماذن ..وبعد بكره الحجاب زي فرنسا ..يعني متهبيالي الصورة واحده ؟؟

موش معقوله كمان تبقي بايدينا احنا المسلمين بدعوي التحرر والاندماج في الغرب ؟؟

ودة اللي اكدته بفضل الله تعالي ..قرار المحكمة الادارية العليا في مصر امبارح ..وبفضل الله وحده ..الغت القرار الظالم بمنع المنتقبات من دخول الجامعه والامتحانات

الف الف الف مبروك لاخواتنا المنتقبات ..ما ضاع حق وراءه مطالب :closedeyes:

[znaty]

هل النقاب فرض ؟ wst::

لا موش فرض

والله اعلم

لم يجمع كل العلماء على كونه فرض ..بس اجمعوا على انه فضل

يعني ممكن نسميها حرية شخصية

ليه بقي نمنعها ..هما واقفين في زورنا مثلا ؟؟ :closedeyes:

ما اللي عاوز يخبي وشه يخبيه زي ما اللي عايزة تلبس جينز والا ستوماك بتلبسه ؟؟

عادي يعني

زي مانكون خلاص ..ماشين ورا حدود الله كلها ..اللي فرض هانطبقه واللي موش فرض حانحاربه ...

اللهم قوي ايمانا :happy: wst::

[ايهاب سالم]

canadian muslim congress يطالب الحكومه الكنديه بمنع أي غطاء للوجه في الأماكن العامه بعد أن إستخدم لص النقاب (الإسلامي) للسطو على بنك

http://www.muslimcanadiancongress.org/20091008.html

http://www.youtube.com/watch?v=gcprEub5J-s

[أحمد سيف]

canadian muslim congress يطالب الحكومه الكنديه بمنع أي غطاء للوجه في الأماكن العامه بعد أن إستخدم لص النقاب (الإسلامي) للسطو على بنك

http://www.muslimcanadiancongress.org/20091008.html

http://www.youtube.com/watch?v=gcprEub5J-s

والله يا باشمهندس كل ما تيجي سيرة كندا قلبي بيهفهف عليها .... أوعدنا بأه يا ربّ

[نورسين]

لا حول ولا قوه الا بالله

مع احترامى لصاحب الموضوع حضرتك من حقك تطرح الموضوع

بس ميش مفروض تقول صوتوا ب اه او لا

كل واحد له راى

كده ولا ايه

وشكرا

تم تعديل 12 مارس 2010 بواسطة نورسين

[الصاوى]

قبل ان يفتى أحدكم فى النقاب

هذا رأى مفتى مصر