فضيحة الدبلوماسية المصرية فى نيويورك

[herohero]

سجلت الدبلوماسية المصرية عن جدارة المركز الأول على مستوى العالم فى مخالفات المرور للدبلوماسيين المصريين فى نيويورك، بعدما حقق الدبلوماسيون المصريون رقما قياسيا جديدا فاق كل دول العالم فى الركن فى الممنوع فى الشوارع، ولم يدفعوا تلك المخالفات حتى وصلت قيمتها 1.9 مليون دولار، وتلتها الشقيقة الصغرى الكويت والتى جاءت فى المركز الثانى ووصلت مخالفات بعثتها الدبلوماسية إلى 1.3 مليون دولار، وتلتهما فى المركز الثالث نيجيريا التى بلغ حجم مخالفات بعثتها الدبلوماسية مليون دولار.

بتلك الحقيقة المخزية كانت افتتاحية مجلة (Daily News ) الأمريكية بنيويورك،

وتقدم السيناتور تشك شومر العضو الديمقراطى عن نيويورك بمقترح للكونجرس الأمريكى بواشنطن بخصم قيمة تلك المخالفات من المعونة الأمريكية لمصر كرهن حتى يقوم أعضاء البعثة المصرية المخالفين بدفعها لبلدية نيويورك

وضع يبعث على الخجل من دبلوماسيين من المفترض أنهم يمثلون بلادهم فى أعين الآخرين،

بقى بذمتكم ده ينفع يا اخوانا يخالفوا وكمان مش عاوزين يدفعوا فلوس وف الاخر تتخصم من قوت الشعب الغلبان

[ذهبية]

عادى يا هيرووو هما بس مستنين لما الوزير الهمام بتاع المالية يطلع قانون جديد يلم بية فلوس ويدفعوا الغرامة

[عاشق الترحال]

هما الدبلوماسيين الأمريكين بيدفعوا غرامات عن المخالفات اللي بيعملوها في مصر ؟

متهيألي الأمريكيين عموما مش الدبلوماسيين بس معفيين من الغرامات حتى لو عملوا أي مخالفات وأى سياره عليها لوحه خضراء مكتوب عليها هيئه دبلوماسيه لا يجرؤ لواء شرطه في المرور أنه يعطيها مخالفه مش هقولك عسكري ولا ضابط .

بس إحنا علشان إتعودنا ناخد على أفانا ونسكت وكمان الساده الدبلوماسيين قاعدين يبعزقوا يمين وشمال ماهي عزبة أبوهم وهما مش خسرانين حاجه لما يكون غرمات المخافات لوحدها 1.9 مليون دولار يبقى باقي مصاريفهم هناك كام .

وكله من دم الغلابه وعماااااااااااااااااار يا مصر

[raouf]

يا ترى ايه تسم الضريبة او الجباية الجديدة الللى هيتفننوا فيها لتجميع المبلغ ؟

و الله المفروض تتخصم من اللى عملوا المخالفات

تم تعديل 16 يناير 2010 بواسطة raouf

[أكسيلانس]

:unsure:

يا جماعه ,, يا جماعه بلاش ظلم ,, هما أكيد مش ساكتين

كلها كام يوم و هيوصل محامي المرور بتاع الخارجيه

من موقف عبود + خبير الكارته المعلم حكوره أبو شفه ,, و هيعرفوا من الواد أمين الشرطه الي ماسك المنطقه بتعاتنا هناك ,, و يظبطوله شهريه و يمكن يجيبلوا مكروباس بأسمه علي خط منهاتن - ألامم المتحده و و كل مشاكلنا تتحل ,,

لو كل وزاره أستعاناة بالخبرا بتوعنا في الداخل مش الخارج البيظين دول

يبقي أنشاء الله

كل مواطن مصري هيحمل جواز سفر ---- مسجل خطر ( يا ريتهم عملوا كده في مطش الجزائر )

و دمتم

تم تعديل 16 يناير 2010 بواسطة أكسيلانس