مواقف ف حياتنا

[الباشمهندس ياسر]

بتحصلنا مواقف و احنا ماشيين ف ساقية الحياة

مش حاسيين ولا واعين

و كأننا نايمين

قول موقف حصلك و فكرت بعد منه ف ايه

[الباشمهندس ياسر]

النهارده عقب صلاة الجمعه كان فيه موعد بيني و بين احد اصدقائي عشان نتلاقي و نروح نعمل مشوار مهم جدا ف الشغل بتاعنا

و فعلا اتقابلنا ع الساعة 3 تقريبا و اتحركنا سوا و فضلنا مع بعض لغاية ما وصلته البيت عنده حوالي 08:10 مساءا بالتحديد

و الله العظيم جالي تليفون ع الساعة 08:50 ..قالولي الحق صاحبك وقع من طوله

وصلتله ف اقل من 5 دقائق و لقيته توفي

و الله الذي لا اله الا هو ما قادر افهم اللي احنا بنعمله ف نفسنا ده ايه

تعلق رهيب بالدنيا و كأنها دائمة و لن تزول ... رغم اليقين التام بداخلنا انها الي زوال

[اميره]

لا إله إلا الله

الدوام والبقاء لله ياأستاذ ياسر

بجد أهو موقف انت حكيته بس ربنا يعلم ضايقنى وأثر فيه قد ايه

وخلانى أعيد حساباتى وأفكر فى حاجات كتير

ربنا يرحمه ويغفر له

[عاشق الترحال]

النهارده عقب صلاة الجمعه كان فيه موعد بيني و بين احد اصدقائي عشان نتلاقي و نروح نعمل مشوار مهم جدا ف الشغل بتاعنا

و فعلا اتقابلنا ع الساعة 3 تقريبا و اتحركنا سوا و فضلنا مع بعض لغاية ما وصلته البيت عنده حوالي 08:10 مساءا بالتحديد

و الله العظيم جالي تليفون ع الساعة 08:50 ..قالولي الحق صاحبك وقع من طوله

وصلتله ف اقل من 5 دقائق و لقيته توفي

و الله الذي لا اله الا هو ما قادر افهم اللي احنا بنعمله ف نفسنا ده ايه

تعلق رهيب بالدنيا و كأنها دائمة و لن تزول ... رغم اليقين التام بداخلنا انها الي زوال

البقاء لله يا بشمهندس ياسر وربنا يرحمه ويلهم أهله وزويه الصبر والسلوان

بس تعرف الموضوع ده بقى بيتكرر كتير وكل فتره تسمع عن صديق أو جار توفى فجأه وفعلا لما الواحد يقعد يفكر في اللي بيحصل ده ألاقيني بقول لنفسي مش ممكن يكون الدور عليا والواحد يتظبط يومين ويرجع تاني يتعوج ربنا يهدينا .

نسأل الله السلامه وحسن الخاتمه ونعوذ بالله من فجأة الموت

[عنبو]

البقاء لله وانا لله وانا ليه لراجعون

من كان يريد واعظاً فالموت يكفيه

[رضوي]

السلام عليكم ورحمة الله وبركاته

البقاء لله ياباشمهندس وربنا يكتبله الجنه ويغفر له ذنوبه

في الصدد دة افتكرت حكاية حصلت معايا من سنتين .......... اول لما اتخرجت التحقت بدار لتحفيظ القرآن الكريم واتعرفت هناك علي ناس من افضل الناس اللي عرفتهم في حياتي ............. وكان من بينهم بنت سمرا وهادية كنت ارتاح لها علي الرغم ان صداقتنا لم تتوطد لكني كنت ولازلت احبها

وفجأة اختفت البنت ومش بشوفها فطبعاً سألت عنها فين فلانة ؟

وجاء الجواب

في ثاني يوم من ايام شهر رمضان المبارك خرجت البنت لصلاه التراويح في الجامع ........... ورجعت البيت ودخلت غرفة نومها وحتي انها لم تجلس مع باقي افراد اسرتها ............. شعرت برغبة في النوم فتوجهت لسريرها لتنعم بالراحة الأبدية ............. اجل توفيت

جاءت والدتها لتوقظها قبل صلاه الفجر لتناول وجبة السحور فلن تستيقظ

البنت كان عندها حولي 23 سنة ولم تكن تعاني من اي امراض

ولكنها ارداة خالق الأكوان ...................... لم يؤثر فيه خبر وفاتها بقدر مااثرت طريقة الوفاه.......

اللهم اغفر لنا ذنوبنا وارحمنا ياارحم الراحمين

اللهم ادخلنا الجنة برحمتك وعفوك وكرمك ........ لابعدلك ياارحم الراحمين

[عاشق الترحال]

آخر مره حصل فيها موقف من المواقف دي كان من حوال شهرين وكان لواحد صاحبي عمره حوالي 25 سنه كان بيشتغل هنا في السعوديه لمدة عامين ونصف وبعدين نزل مصر نهائي علشان مشكله حصلت بينه وبين الشركه وقال لما أنزل أبقى أشتري فيزا حره وأرجع نزل وقضى أجازه لمدة 6 شهور وعمل خطوبته في الأجازه ورجع قبل الحج بشهر وكنت بكلمه عالتليفون ومحصلش نصيب أني أشوفه غير في يوم ما كان نازل الأجازه بس وبعد حوالي 3 أسابيع من وصوله كان رايح علشان يجيب الإقامه بتاعته من الكفيل بتاعه من تبوك ومشى يوم الخميس بعد المغرب .

والتليفون يرن الفجر علينا علشان نعرف أنه مات في حادث سياره صحيت من النوم قعدت عالسرير أخبط كف على كف ولا حول ولا قوة إلا بالله العلى العظيم .

فضلت مش مستوعب الموقف شويه وخصوصا أني كنت نايم وصحيت عالخبر ده .

وانا لله وانا إليه راجعون ولا حول ولا قوة إلا بالله العلى العظيم

[president]

بتفكرنا ياباشمهندس بمواقف حزينه كان الواحد بيحاول ينساها ... واحد صاحبنا كان متعود يلعب معانا كوره كل اسبوع ... وفى أخر مره كان معانا سلم علينا ...

عشان كان نازل مصر لمراته اللى كانت حامل فى التامن عشان يحضر معاها الولاده ويشوف بنته اللى كان اختارلها الأسم ...

فوجئنا فى نص الأسبوع بخبر انه عمل حادثه وربنا توفاه ... طبعا الموت علينا حق ... بس الأحساس بأهله ومراته وبنته لما تتولد وهما مستنينه بلهفه وشوق ...

وبعدين يجيلهم فى تابوت ... ياه احساس صعب أوى أوى ...

ادعوله ربنا يرحمه وربنا يصبر أهله

[الباشمهندس ياسر]

[الباشمهندس ياسر]

الموت علينا حق ... مفيش خلاف

اللي صعب عليا اوي اني اول مرة اعيش معني موت البغتة ده

و التانية اني لغاية دلوقتي مش فاهم ايه اللي حصل ولا ازاي حصل

حاجة كده شبه التعبير الشعبي ... السكينة سارقاني

و انا شاكر عزائكم جميعا ولا اراكم الله مكروها في عزيز لديكم

و اسال الله لنا جميعا حسن الختام ... امين

[shiko]

النهارده عقب صلاة الجمعه كان فيه موعد بيني و بين احد اصدقائي عشان نتلاقي و نروح نعمل مشوار مهم جدا ف الشغل بتاعنا

و فعلا اتقابلنا ع الساعة 3 تقريبا و اتحركنا سوا و فضلنا مع بعض لغاية ما وصلته البيت عنده حوالي 08:10 مساءا بالتحديد

و الله العظيم جالي تليفون ع الساعة 08:50 ..قالولي الحق صاحبك وقع من طوله

وصلتله ف اقل من 5 دقائق و لقيته توفي

و الله الذي لا اله الا هو ما قادر افهم اللي احنا بنعمله ف نفسنا ده ايه

تعلق رهيب بالدنيا و كأنها دائمة و لن تزول ... رغم اليقين التام بداخلنا انها الي زوال

إنا لله وإنا إليه راجعون ....

موش عارفة ليه وانا بقرأ قصة صديقك افتكرت الاية دى( إِنَّكَ لَن تَخْرِقَ الأَرْضَ وَلَن تَبْلُغَ الْجِبَالَ طُولاً ) ..

الايه دى بترجم كل اللى حضرتك بتقوله عندك حق موش هانخد ولا هانقدر ناخد ثانية واحدة اكتر من اجلنا ...

ومساعى الناس فى الارض موش هاتخليهم مهما تجبروا لايطولوا ارض ولا جبال .....

الله اغفر لامواتنا واموات المسلمين

استبشر خير ان شاء الله لصديقك نحسبه على خير ولا نذكى على الله احد ...فقد مات على طاعة مصلى متم لطاعاته والله اعلم لعل مشواركم معاً كن سعياً لحاجة شخص اخر ...

اللهم احسن خاتمتنا فى الامور كلها

[shiko]

تعقيباً..على كلام حضراتكم ...وفى سياق الاحداث مؤخراً ...

انا حالياً فى موقف مشابه تقريباً...يمكن محتاجة اقولهولكم علشان محتاجة منكم الدعاء ..وده لانى متأكدة ان الدعاء بظهر الغيب مستجاب ان شاء الله

خلال الايام اللى فاتت ...مرض اخى الذى يصغرنى باعوام قليلة بجلطة مفاجئة بالرئة ,,,,,,,,وبدون ادنى مقدمات انتقل للعناية المركزة ...

مهالنى بمرضه ..انى لازلت اصدق ماحدث خلال لحظات قليلة كنا فيها معا ليسقط مغشياً عليه ...

داخل الرعاية وبعد حدوث الازمة ومرور 24 ساعة على استقرار الحالة ...جلست بجواره احدثه لأتأكد من صوته ...وفجأة وبدون ادنى مقدمات وجدت جميع الاجهزة الرقميه الموصله به من كل جانب ...تصدر صفيراً مزعجاً ...وتدنت الارقام .وعرفت اننا نقف على مشارف الامر ...وبالرغم من فزعى ...لقنته الشهادة لم ينطق صرخت فيه اتشاهد ...هرول الجميع من حولى لانقاذ الموقف ,,,وعاد كل شىء تدريجيا فى طريقه إلى الاستقرار... ...

وهنا ...شفت ادام عينى خط فاصل ما بين الموت والحياة لحظات ....عصيبة بس موقف خلانى اقف مكانى شوية وافكر ياترى انا واقفة منين فى الخط ده ؟؟قريبة ولا بعيدة ؟؟ رجل على الخط ولا قابله موش عارفة ولا يمكن اعرف ...

أسألكم الدعاء ...

[noureymo]

ربنا يشفيه يا شيكو ان شاء الله ويقوموا بالسلامة

[الباشمهندس ياسر]

نسأل الله ان يتم شفاءه علي خير و سائر مرضانا

اللهم عافي كل مبتلي

امين

[التونسى]

أصل الإنسان ... مغرور :closedeyes:

طماع .. وطموحه بحور :unsure:

مع إنه ..ف يوم محتوم :blush2:

راح يجــى عليه الــدور :sad:

البقاء لله .. وله فى خلقه شئون ..

تم تعديل 18 يناير 2010 بواسطة التونسى

[عنبو]

اسأل الله العظيم رب العرش العظيم ان يشفيه

اللهم انى اسألك باسمك الاعظم الذى اذا سؤلت به اعطيت واذا دعيت به اجبت ان تشفيه

[مغتربة]

تعقيباً..على كلام حضراتكم ...وفى سياق الاحداث مؤخراً ...

انا حالياً فى موقف مشابه تقريباً...يمكن محتاجة اقولهولكم علشان محتاجة منكم الدعاء ..وده لانى متأكدة ان الدعاء بظهر الغيب مستجاب ان شاء الله

خلال الايام اللى فاتت ...مرض اخى الذى يصغرنى باعوام قليلة بجلطة مفاجئة بالرئة ,,,,,,,,وبدون ادنى مقدمات انتقل للعناية المركزة ...

مهالنى بمرضه ..انى لازلت اصدق ماحدث خلال لحظات قليلة كنا فيها معا ليسقط مغشياً عليه ...

داخل الرعاية وبعد حدوث الازمة ومرور 24 ساعة على استقرار الحالة ...جلست بجواره احدثه لأتأكد من صوته ...وفجأة وبدون ادنى مقدمات وجدت جميع الاجهزة الرقميه الموصله به من كل جانب ...تصدر صفيراً مزعجاً ...وتدنت الارقام .وعرفت اننا نقف على مشارف الامر ...وبالرغم من فزعى ...لقنته الشهادة لم ينطق صرخت فيه اتشاهد ...هرول الجميع من حولى لانقاذ الموقف ,,,وعاد كل شىء تدريجيا فى طريقه إلى الاستقرار... ...

وهنا ...شفت ادام عينى خط فاصل ما بين الموت والحياة لحظات ....عصيبة بس موقف خلانى اقف مكانى شوية وافكر ياترى انا واقفة منين فى الخط ده ؟؟قريبة ولا بعيدة ؟؟ رجل على الخط ولا قابله موش عارفة ولا يمكن اعرف ...

أسألكم الدعاء ...

ادعو الله ان يشفى اخاك و يرده لكم مشافا و معافا باذن الله تعالى

[أختكم المصرية]

لاحول ولا قوة الا بالله

ادعو الله ان يشفى ويعافى اخوكى ومرضى المسلمين ان شاء الله

[عاشق الترحال]

قال رسول الله صلى الله عليه وسلم

( داوو مرضاكم بالصدقات )

صدق رسول الله صلى الله عليه وسلم

لا تنسى الدعاء وخصوصا في الأوقات التي يرجى فيها القبول .

وأسأل الله العظيم رب العرش العظيم أن يشفي أخوكي ومرضانا ومرضى المسلمين .

[لماضة مصرية جدا]

تعقيباً..على كلام حضراتكم ...وفى سياق الاحداث مؤخراً ...

انا حالياً فى موقف مشابه تقريباً...يمكن محتاجة اقولهولكم علشان محتاجة منكم الدعاء ..وده لانى متأكدة ان الدعاء بظهر الغيب مستجاب ان شاء الله

خلال الايام اللى فاتت ...مرض اخى الذى يصغرنى باعوام قليلة بجلطة مفاجئة بالرئة ,,,,,,,,وبدون ادنى مقدمات انتقل للعناية المركزة ...

مهالنى بمرضه ..انى لازلت اصدق ماحدث خلال لحظات قليلة كنا فيها معا ليسقط مغشياً عليه ...

داخل الرعاية وبعد حدوث الازمة ومرور 24 ساعة على استقرار الحالة ...جلست بجواره احدثه لأتأكد من صوته ...وفجأة وبدون ادنى مقدمات وجدت جميع الاجهزة الرقميه الموصله به من كل جانب ...تصدر صفيراً مزعجاً ...وتدنت الارقام .وعرفت اننا نقف على مشارف الامر ...وبالرغم من فزعى ...لقنته الشهادة لم ينطق صرخت فيه اتشاهد ...هرول الجميع من حولى لانقاذ الموقف ,,,وعاد كل شىء تدريجيا فى طريقه إلى الاستقرار... ...

وهنا ...شفت ادام عينى خط فاصل ما بين الموت والحياة لحظات ....عصيبة بس موقف خلانى اقف مكانى شوية وافكر ياترى انا واقفة منين فى الخط ده ؟؟قريبة ولا بعيدة ؟؟ رجل على الخط ولا قابله موش عارفة ولا يمكن اعرف ...

أسألكم الدعاء ...

السلام عليكم و رحمة الله و بركاته

شيكو... هكلمك....بس هكلم نفسي اكتر

لما قولتي الحد الفاصل بين الحياة و الموت......تقافزت لذهني صور متتالية من الحد الفاصل بين كل ما هو حقيقي و كل ما هو زيف

بين دنيا عمالين نجري وراها و تجري ورانا.....و بين عالم تاني كلنا عارفين ان هناك الراحة اكيد...بس مش بنسعي ليه

الحد الفاصل بين الصخب....بكل معطيات الحياة فرحها و ترحها...... و بين الهدوء و السكينة

الحد الفاصل بين الغث و السمين

الحد الفاصل بين الاصلي و التقليد

و لما سالتي نفسك......و نفسي......انا رجلي فين.....خليني اقولك

انا قلبي فين

لان رجلنا هنا اكيد.....

ع الارض دي اكيد.....

في المساحة دي من المفردات اكيد

بس عقلنا بقي فين....قلبنا متعلق فين

عارفة يا شيكو....كل حد فينا عنده لحظة بسميها لحظة انخلع فيها قلبه.....ايوة انخلع..... لأنه اتخطف منه و ممكن يرجع و في اوقات كتير مبيرجعش

بس في اللحظة دي....علي اد قسوتها.... علي اد عصرتها للنفس.... علي اد ما بتتولد فيها حاجة اهم.....

و اللي بيتهيالي انها الحكمة اللي ربنا بيبعتهالنا في الوقت ده تحديدا

ده وقتك لاكتشاف حقيقة الاشياء

ده وقتك لليقين

ده وقتك للترقي......... في عبادة مش هتبان غير في لحظة انخلاع القلب دي

انتي في لحظة فارقة..... خديها صلاة صامتة..... و عبادة صامتة

فيه اية بتقول "لن تنالو البر حتي تنفقوا مما تحبون" كنت دايما اقراها و اقول....

ايوة يعني الواحد يطلع صدقة من اول مرتب جديد

و بعدين اقراها و اقف عندها و اقول....لا لسه فيه حاجة

اقول طب الواحد يعمل خير.... ممكن كان يبقي لنفسه مثلا

و بعدين برضه فضلت محيراني

و في احدي لحظات انخلاع القلب..... لقيتها بتهل عليا......

لان اللحظة دي فسرتلي معني "مما تحبون"

يعني اللي تقدري تقربي بيه اكتر....... بيجيلك دايما في اقرب حد بتحبيه....

عشان كده....

مطلوب منك دلوقتي الانفاق.....مش بمعناه فلوس و لا وقت.....

مطلوب منك عبادة اليقين....اللي هي انفاق في روحك و ترقي بيها

و نسال الله ان ننال البر

طولت عليكي..... بس انا بكلمك و بكلمني

كوني دوما علي يقين ان هناك من يدعو لكي و اخيكي بظهر الغيب

في امان الله