مواقف ف حياتنا

[shiko]

اميـــــــــن .........أميــــــــــــــــن ...

لماضة ....لاتعقيييييييم (ده علشان العدوى برضه .......)

حقيقى لمضاتك مالهاش اى كلام ممكن ارد بيه

اسطر كلماتى ...مستوحاة من سمو ردودك .....هاكلم نفسى وهاكلمك لوتسمحى

قصة الحد الفاصل دى بتفكرنى بماهية الحياة لدى البشر

المسلم اول ما يولد ....يؤذن له فى اذنه ....وعند مماته يصلى عليه ...الحياة مابين اذان واقامة صلاة

فلنجعلها صلاة كما ذكرتى سالفاً ...عبادة يقين وايمان (مستعيرة كلماتك الراقية )

جزاكى الله خيراً عنى (فلقد داويتى جرحى بكلماتك ) وعن اخى بدعائك ..عل الله جامعنا على خير ان شاء الله

عاشق الترحال ...اختى المصرية ...حبيبتى المغتربة..

أحمد الله الذى انعم على بجماعتكم الجميلة

جزاكم الله عنا كل الخير ومن عليكم باجابة الدعاء ان شاء الله

[إيزيس]

تسجيل إعجاب بالجميع

[رضوي]

يارب الناس اذهب الباس اشف انت الشافي لاشفاء الا شفاؤك شفاء لايغادر سقما

ربنا يشفي كل المسلمين والمسلمات والمؤمنين والمؤمنات

ربنا اغفر لنا ذنوبنا واكتبنا مع الابرار

اللهم نقنا من خطايانا كما ينقي الثوب الأبيض من الدنس

اللهم اغسلنا من ذنوبنا بالماء والثلج والبرد

اللهم باعد بيننا وبين خطايانا كما باعدت بين المشرق والمغرب

آمين

[pocy]

امبارح حصل موقف صعب جدا والحمد لله انى مكنتش شايفاه بعينى بس حسيته حلم وهو بيتحكيلي

جوزى امبارح بتصل بيه لانه اتاخر جدا وجى من الطريق السابع يعنى كله عربيات نقل وانا دايما بقلق لما بيروح الهيد اوف بسبب الموضوع ده المهم لما اتصلت بيه بيقلي انا قريب من البيت بس الطريق وقف علشان فى حادثه عند الدوار لى قريب من البيت وفيه ناس بيطلعوا من العربيه قدامى ومغطين وشوشهم وفى ناس فى العربيه التانيه بيقصوا الازاز علشان يطلعوا الناس بجد والله حسيت انى بعيط جواى ومنهاره بس جواى وخفت جدا وقلقت اكتر ياه الواحد ممكن يموت كده بس ياترى هتكون اخرتى ايه هل ده حسن خاتمه ياترى كنت بستغفر ولا بسبح وانا قاعده فى العربيه وقتها ولا كنت بسمع اغانى مع ان اذاعه القران شغاله على طول فى العربيه بس ربنا يرحمنا جميعا ويحسن خاتمتنا يارب اللهم امين

[الباشمهندس ياسر]

ربنا يعين كل الناس و يرحم كل الموتي و يعافي كل مبتلي

بصوا بقي

مش عاوزين الموضوع ياخد طريق صفحة الحوادث و الوفيات

و عشان كده انا عملت اول مداخلة في صورة عامة

ايون

صورة عامة

و هحكيلكم حاجة تطري علي قلبكم شوية

رايح اقابل واحد زميلي ف مساكن شيراتون ... عند النساجون كده

ولاني معرفش اكتر من لابوار و البنزينة اللي علي اول الاوتوستراد الصغير

وقفت و سالت راجل كبير ماشي علي رجله

عمي .. من فضلك اوصل النساجون الشرقيون ازاي

قالي انا رايح هناك .. تاخدني معاك

هلا و مرحبا .. اتفضل

اول ما ركب جنبي ... لقيته راح قايلي قصيده شعرية عامية

وشوش ... وجوه ..وشوش

و اللي يعيش ياما يشوف

ضحكت و قلتله صح لسانك ... ندخل ازاي بقي

راح مكمل القصيدة عاااااادي جدا و ابتدي يشاورلي بايده

و مرة واحدة قالي انت اسمك ايه

قلتله ياسر

و بتشتغل ايه .. قلتله كنت بشتغل مهندس لغاية الكام الاسبوع اللي فاتوا و دلوقتي خالي شغل

طب و متجوز

ابتسمت و قلتله ...لسه النصيب ماجاش

راح مفأجاني ...طب انا عندي ليك عروسة

ضحكت بكل ما فيا و قلت استر يارب الراجل شكله مش طبيعي

يا سيدي ناخدوها من وشك

بس انت تعرفني عشان تقولي حاجة زي كده

راح قايل بداية القصيدة بتاعته تاني

قلتله ده من كرم اصلك بس

و اصريت اني اوصله لبيتهم و رجعت رحت مشواري

[joo]

انا عندى موقف محزن وموقف مضحك 00000000000 علشان منقلبهاش غم

انا كنت راكب التيوتا على الزفت الدائرى وفى واحد كان نايم تحت عربيتة علشان بيصلحها فجئهة جاءت نقل وداست علية قسمتة نصين نص تحت العربية والنص التانى فى وسط الطريق

كفاية غم

الموقف التانى هو انى كنت ماشى فى وسط البلد وواحد عجوز اعمى قال لى عدينى ياابنى الشارع وبعد ما عديتة الشارع فجئة فتح عينة وقال لى مش انا فتحت واخذ يضحك عليا :rolleyes: wst:: :sad:

[shiko]

ربنا يعين كل الناس و يرحم كل الموتي و يعافي كل مبتلي

بصوا بقي

مش عاوزين الموضوع ياخد طريق صفحة الحوادث و الوفيات

و عشان كده انا عملت اول مداخلة في صورة عامة

ايون

صورة عامة

و هحكيلكم حاجة تطري علي قلبكم شوية

رايح اقابل واحد زميلي ف مساكن شيراتون ... عند النساجون كده

ولاني معرفش اكتر من لابوار و البنزينة اللي علي اول الاوتوستراد الصغير

وقفت و سالت راجل كبير ماشي علي رجله

عمي .. من فضلك اوصل النساجون الشرقيون ازاي

قالي انا رايح هناك .. تاخدني معاك

هلا و مرحبا .. اتفضل

اول ما ركب جنبي ... لقيته راح قايلي قصيده شعرية عامية

وشوش ... وجوه ..وشوش

و اللي يعيش ياما يشوف

ضحكت و قلتله صح لسانك ... ندخل ازاي بقي

راح مكمل القصيدة عاااااادي جدا و ابتدي يشاورلي بايده

و مرة واحدة قالي انت اسمك ايه

قلتله ياسر

و بتشتغل ايه .. قلتله كنت بشتغل مهندس لغاية الكام الاسبوع اللي فاتوا و دلوقتي خالي شغل

طب و متجوز

ابتسمت و قلتله ...لسه النصيب ماجاش

راح مفأجاني ...طب انا عندي ليك عروسة

ضحكت بكل ما فيا و قلت استر يارب الراجل شكله مش طبيعي

يا سيدي ناخدوها من وشك

بس انت تعرفني عشان تقولي حاجة زي كده

راح قايل بداية القصيدة بتاعته تاني

قلتله ده من كرم اصلك بس

و اصريت اني اوصله لبيتهم و رجعت رحت مشواري

اقولك ايه ...أقولك ياعريس ...ههههههههه

حقيقى ضحكتنى ......انا بس كنت مستنياك تقول انه اختفى فجأة من العربية ومن غير مايفتح الباب ولا يرمى نفسه تحت العجل...

المهم هنا بقى اللى كنت عاوزة اسمعه انك وصلته للبيت ودخلت علشان تشوف العروسة طبعاً .....يــــــــــالئيم...

وبعدين موضوع انا رايح هناك تاخدنى معاك دى بقت سمة فى الشعب المصرى ولا أيه (الشعب كله ماشى فى اتجاه واحد .....)

[الباشمهندس ياسر]

اقولك ايه ...أقولك ياعريس ...ههههههههه

حقيقى ضحكتنى ......انا بس كنت مستنياك تقول انه اختفى فجأة من العربية ومن غير مايفتح الباب ولا يرمى نفسه تحت العجل...

المهم هنا بقى اللى كنت عاوزة اسمعه انك وصلته للبيت ودخلت علشان تشوف العروسة طبعاً .....يــــــــــالئيم...

وبعدين موضوع انا رايح هناك تاخدنى معاك دى بقت سمة فى الشعب المصرى ولا أيه (الشعب كله ماشى فى اتجاه واحد .....)

لا طبعا

انا مبرحش بيت حد مبعرفوش

هو العمر بعزقه :rolleyes:

بصي الناس غلابة و المواصلات بهدلة اوي بصراحة...الله لا يرجعها ايام...

عشان كده اللي يقدر يساعد .. المفروض ميتأخرش

و بعدين انا خلاص

الهوي شبكني

[رضوي]

السلام عليكم ورحمة الله وبركاته

انا اخر مرة دخلت الموضوع دة كان حاجة تانية خاااالص

ايه ياجماعة هو العنوان غلط ولا ايييييييييييييه؟

مبرووووك ياباشمهندس ................... العروسة wst::

طيب احكيلكم موقف حصل من حوالي شهر ونص........... او شهرين مش فاكرة

اولا انا مش من النوع اللي بيتشائم .............. بس بحب اتفائل بحاجات بسيطة

المهم في يوم كنت في طريقي للشغل في الصباح الباكر ........ وكنت مستعجلة جداً علشان عندي شغل كتييير وعندي مقابلة مهمة جداً في الجامعة يتعلق عليها موضوع رسالتي ........ المهم

وانا ماشية بسرعة لفت انتباهي شخص عجوز كفيف بيحاول يعدي الشارع وطبعاً كل الناس مسرعة لعملها وماحدش واخد باله منه خالص ......... فرحت مسكت ايده وقلتله تعالي ياوالدي نعدي سوا وبالفعل عدينا الشارع وكنت راجعة اكمل طريقي

بس هو قالي طيب انا عايز اروح المكان الفلاني اركب منه ... ( طبعاً المكان دة مش طريقي ) قلتله مافيش مشاكل يالا نروح ..... في الوقت دة ظهر شاب وقاله طيب تعالي انا اوصلك ياوالدي وسيب الانسة تمشي ........ بس العجيب ان الرجل رفض ..... وقاله لا انا عايزها هي اللي توصلني ........ طبعاً احرجت وقلتله مافيش مشاكل اوصلك من عيوني

المهم

واحنا ماشين طبعاً انا قلت خلاص بقي اتاخرت ع الشغل يعني اتأخرت

المهم لقيته فجأة بيدعي ( ربنا يكرمك يارضوي يابنتي ربنا يبعد عنك ولاد الحرام ربنا .........) طبعاً انا مش اندهشت بس دة انا اتخضيت وسألته

مين رضوي دي ياوالدي ؟

قالي رضوي دي بنت ابني وحنونة جداً عليا ................. طبعاً اطمنت وقلت الحمد لله

بعدها سألني اسمك ايه ؟ قلتله رضوي

الراجل فرح جداً وقعد يدعيلي انا و حفيدته ........

المهم وصلنا المكان ولقيت الميني باص اللي يوديه المكان اللي هو عايزه ........

وذهبت لطريقي اروح شغلي اللي اكييييييييد اتأخرت عليه ومش هلحق ........ بس لما وصلت الشغل لقيتني واصلة بدري جداً ( دة انا لو راكبة صاروخ مش هلحق ) لدرجة اني شكيت في ساعتي

وانجزت شغلي بسرعة ورحت كليتي ............. وقابلت الناس اللي كنت عايزاهم

وسبحان الله مع ان المقابلة دي كنت مرعوبة منها الا ان الحمد لله تمت علي اكمل وجه

لدرجة أثارت فضول معيد في القسم يعرفني كويس وقالي ايه اللي حصل ؟؟؟؟؟؟؟؟؟

حتي اليوم لا ادري ماذا حدث !

ولما قلت لماما قالتلي علشان انتي بس قلبك طيب ........ ونصحتني ماقلش لحد

وانا طبعاً سمعت النصيحة وماقلتش لحد ................. حد عرف حاجة ؟؟؟؟؟

[الباشمهندس ياسر]

حتي اليوم لا ادري ماذا حدث !

ولما قلت لماما قالتلي علشان انتي بس قلبك طيب ........ ونصحتني ماقلش لحد

وانا طبعاً سمعت النصيحة وماقلتش لحد ................. حد عرف حاجة ؟؟؟؟؟

ههههههههههههههه

اصيلة يا رضوي و بتسمعي الكلام

بس انا لو شفت الاستاذ حد .. هقوله

اعتبري ده وعد

clp::

[shiko]

السلام عليكم ورحمة الله وبركاته

انا اخر مرة دخلت الموضوع دة كان حاجة تانية خاااالص

ايه ياجماعة هو العنوان غلط ولا ايييييييييييييه؟

مبرووووك ياباشمهندس ................... العروسة :closedeyes:

طيب احكيلكم موقف حصل من حوالي شهر ونص........... او شهرين مش فاكرة

اولا انا مش من النوع اللي بيتشائم .............. بس بحب اتفائل بحاجات بسيطة

المهم في يوم كنت في طريقي للشغل في الصباح الباكر ........ وكنت مستعجلة جداً علشان عندي شغل كتييير وعندي مقابلة مهمة جداً في الجامعة يتعلق عليها موضوع رسالتي ........ المهم

وانا ماشية بسرعة لفت انتباهي شخص عجوز كفيف بيحاول يعدي الشارع وطبعاً كل الناس مسرعة لعملها وماحدش واخد باله منه خالص ......... فرحت مسكت ايده وقلتله تعالي ياوالدي نعدي سوا وبالفعل عدينا الشارع وكنت راجعة اكمل طريقي

بس هو قالي طيب انا عايز اروح المكان الفلاني اركب منه ... ( طبعاً المكان دة مش طريقي ) قلتله مافيش مشاكل يالا نروح ..... في الوقت دة ظهر شاب وقاله طيب تعالي انا اوصلك ياوالدي وسيب الانسة تمشي ........ بس العجيب ان الرجل رفض ..... وقاله لا انا عايزها هي اللي توصلني ........ طبعاً احرجت وقلتله مافيش مشاكل اوصلك من عيوني

المهم

واحنا ماشين طبعاً انا قلت خلاص بقي اتاخرت ع الشغل يعني اتأخرت

المهم لقيته فجأة بيدعي ( ربنا يكرمك يارضوي يابنتي ربنا يبعد عنك ولاد الحرام ربنا .........) طبعاً انا مش اندهشت بس دة انا اتخضيت وسألته

مين رضوي دي ياوالدي ؟

قالي رضوي دي بنت ابني وحنونة جداً عليا ................. طبعاً اطمنت وقلت الحمد لله

بعدها سألني اسمك ايه ؟ قلتله رضوي

الراجل فرح جداً وقعد يدعيلي انا و حفيدته ........

المهم وصلنا المكان ولقيت الميني باص اللي يوديه المكان اللي هو عايزه ........

وذهبت لطريقي اروح شغلي اللي اكييييييييد اتأخرت عليه ومش هلحق ........ بس لما وصلت الشغل لقيتني واصلة بدري جداً ( دة انا لو راكبة صاروخ مش هلحق ) لدرجة اني شكيت في ساعتي

وانجزت شغلي بسرعة ورحت كليتي ............. وقابلت الناس اللي كنت عايزاهم

وسبحان الله مع ان المقابلة دي كنت مرعوبة منها الا ان الحمد لله تمت علي اكمل وجه

لدرجة أثارت فضول معيد في القسم يعرفني كويس وقالي ايه اللي حصل ؟؟؟؟؟؟؟؟؟

حتي اليوم لا ادري ماذا حدث !

ولما قلت لماما قالتلي علشان انتي بس قلبك طيب ........ ونصحتني ماقلش لحد

وانا طبعاً سمعت النصيحة وماقلتش لحد ................. حد عرف حاجة ؟؟؟؟؟

ماشاء الله ......واستبقوا الخيرات يا رضوى

سبقتى بالخير ...فالخير سبق اليكى

وعلى العموم اطمنى وطمنى مامتك مافيش غير2 فى شبرا ماسمعوش بالموضوع...فى طى الكتمان

[shiko]

انا عندى موقف محزن وموقف مضحك 00000000000 علشان منقلبهاش غم

انا كنت راكب التيوتا على الزفت الدائرى وفى واحد كان نايم تحت عربيتة علشان بيصلحها فجئهة جاءت نقل وداست علية قسمتة نصين نص تحت العربية والنص التانى فى وسط الطريق

كفاية غم

الموقف التانى هو انى كنت ماشى فى وسط البلد وواحد عجوز اعمى قال لى عدينى ياابنى الشارع وبعد ما عديتة الشارع فجئة فتح عينة وقال لى مش انا فتحت واخذ يضحك عليا :closedeyes: :happy: wst::

هههههههههه.........بجد ماقلكش....نذيع ولا مانذيعش ..وقلت ذيع ؟؟

بجد ياعنى هو موش الكاميرا الخفية......

[shiko]

اقولك ايه ...أقولك ياعريس ...ههههههههه

حقيقى ضحكتنى ......انا بس كنت مستنياك تقول انه اختفى فجأة من العربية ومن غير مايفتح الباب ولا يرمى نفسه تحت العجل...

المهم هنا بقى اللى كنت عاوزة اسمعه انك وصلته للبيت ودخلت علشان تشوف العروسة طبعاً .....يــــــــــالئيم...

وبعدين موضوع انا رايح هناك تاخدنى معاك دى بقت سمة فى الشعب المصرى ولا أيه (الشعب كله ماشى فى اتجاه واحد .....)

لا طبعا

انا مبرحش بيت حد مبعرفوش

هو العمر بعزقه :happy:

بصي الناس غلابة و المواصلات بهدلة اوي بصراحة...الله لا يرجعها ايام...

عشان كده اللي يقدر يساعد .. المفروض ميتأخرش

و بعدين انا خلاص

الهوي شبكني

ايه ايه ايه :closedeyes:

حد .........خد باله ياجدعان ؟؟ ولا ايه

حد سمع هندسة بيقول ايه ؟؟؟

بيقول خلاص الهوى شبكه ...أه ....

طب نفهم من كده ايه بالتحديد ...

حصرياً... اخر الاخبار على راديو المصريين ..

هندسة ركب الهوى

[الباشمهندس ياسر]

عدت بالامس الي الوطن و كان اول مشوار ليا اني اقعد مع اصدقائي و طبعا اطمن علي احوال اسرة صديقي الذي توفي الي رحمه الله

و دار بنيا الحوار لغاية الجملة اللي هستغربوها جدا

واحد منهم بيقولي ان مراته بدأت تعمل معاه مشاكل وصلت بيه لدرجة الصداع بعد وفاة صاحبنا ...

لييييييييييييه بقي

المدام بتقوله انت طيب اوي و قلبك نضيف و انا خايفة منك ان تتجوز مراته مش عشان الجواز انما عشان تربي عيال صاحبك

لدرجة انه من كتر الصداع بتاعها مبقاش يسأل عن اليتامي خاااااالص

س

مدام صديقي صح ولا غلط...؟؟؟

 

الحل ايه ف مشكلة الارملة و هي بالمناسبة شابة صغيرة..؟

ياريت اخواتنا الفضليات يحطوا نفسهم مكانها قبل اي رد..؟؟

و فيه نقطة كمان

ان اولاد صديقنا المتوفي 3 اطفال اكبرهم 10 سنين و اصغرهم سنتين..؟؟؟

مستوي نفقاتهم عالي عن الطبيعي بتاع الشريحة المتوسطة..؟

حاولوا تاخدوا الامور دي كلها ف الحسابات و شاركونا برأيكم

[shiko]

البقاء والدوام لله سبحانه وتعالى

بس هو الموضوع حساس شوية ...ويمكن صعب الحكم عليه بصورة عادلة

يعنى الموضوع يعتمد على شخصية ..الاخت زوجة صديقك

ولكن ...انا شايفة أنها اى كان عمرها "ورأيى ده يحتمل الخطأ"

تصتبر وتحتسب لله سبحانه وتعالى وتحاول تربية اطفالها .....واكيد هاتلاقى اللى يعينها ..اختها ..اخوها ...والدها ...خالها

والله المستعان ..كان الله لها عوناً ومعيناً

دعائى لها بكل الخير والتوفيق

[الباشمهندس ياسر]

ولكن ...انا شايفة أنها اى كان عمرها "ورأيى ده يحتمل الخطأ"

مهما كانت درجة انشغالها بأطفالها و انشغالهم بيها

لكن بتفضل نقطة معينة ف الانسان

و هي احتياجه للطرف التاني ف حياتي .. و حتي ان مكنش عشان الاحتياجات الفسيولوجية

بس اكيد اكيد عشان الاحتياج الروحي

حاجة كده شبه الونس

و لازم كلنا نعرف ان التقاليد القديمة كانت بمنع وجود بنت ف العائلة بعد ترملها او طلاقها

و لغاية وقت قريب جدا كانت العادة دي موجوده

البنت بعد الطلاق او وفاة زوجها بيتقدم لها معظم المناسبين ليها ف العائلة و هي تختار

و طبعا العادة دي قربت تموت ف المجتمع اللي بينهار بتاعنا

فهماني..؟؟

في نقطة تانية و مهمة برده

ان الاطفال في حاجة الي مقوم

لازم وجود راجل ف حياة الطفل ... و ان كنا مؤمنين ان محدش هيقوم بدور الاب ابدا بنفس الكيفية؟

[لماضة مصرية جدا]

عدت بالامس الي الوطن و كان اول مشوار ليا اني اقعد مع اصدقائي و طبعا اطمن علي احوال اسرة صديقي الذي توفي الي رحمه الله

و دار بنيا الحوار لغاية الجملة اللي هستغربوها جدا

واحد منهم بيقولي ان مراته بدأت تعمل معاه مشاكل وصلت بيه لدرجة الصداع بعد وفاة صاحبنا ...

لييييييييييييه بقي

المدام بتقوله انت طيب اوي و قلبك نضيف و انا خايفة منك ان تتجوز مراته مش عشان الجواز انما عشان تربي عيال صاحبك

لدرجة انه من كتر الصداع بتاعها مبقاش يسأل عن اليتامي خاااااالص

س

مدام صديقي صح ولا غلط...؟؟؟

 

الحل ايه ف مشكلة الارملة و هي بالمناسبة شابة صغيرة..؟

ياريت اخواتنا الفضليات يحطوا نفسهم مكانها قبل اي رد..؟؟

و فيه نقطة كمان

ان اولاد صديقنا المتوفي 3 اطفال اكبرهم 10 سنين و اصغرهم سنتين..؟؟؟

مستوي نفقاتهم عالي عن الطبيعي بتاع الشريحة المتوسطة..؟

حاولوا تاخدوا الامور دي كلها ف الحسابات و شاركونا برأيكم

السلام عليكم و رحمة الله و بركاته

المشكلة دي.....فيه مثل بيقولك " منجيش نعمر ساقية نخرب طاحون"

هي ال3 كلمات اللي انا كبرتهم فوق دول.... حسيت انهم فيهم المشكلة..... فيهم السؤال و كمان الاجابة

بالنسبة لزوجة الصديق اللي عاملة مشاكل..... لانها ببساطة خايفة.....و ده خوف مبرر جدا و منطقي جدا.....بس المشكلة انها حست بيه بدري و خلت عقل جوزها يروح لحتة هو مكنشي متوقعها......ع الاقل دلوقتي

و طالما هي ابتدت مشاكل كده مع زوجها (معناها انها فقدت السيطرة علي مشاعرها.... و عقلها مبقاش مركز)..... يبقي اي تصرف من الزوج ناحية الاسرة دي هيبقي فتيل لمشكلة تانية... و إذا حاول الزوج عرفانا بجميل الصداقة انه يعمل حاجة من ورا مراته..... هتتعرف هتتعرف.... و ساعتها نسبة الفهم الخطأ هتبقي اكبر من المنطق بكتير

أنا رايي المتواضع.....

الرسول صلي الله عليه و سلم قال: اجتنبوا مواقع الشبهات

و في نفس الوقت كلنا عارفين ثواب كافل اليتيم

و عليه... ممكن نفكر مع بعض في:

1- بدل ما يسال الصديق عن زوحة صديقه...... ليه ميخليش الزوجة هي بنفسها اللي تسال عليهم.....يكون التعامل بين ست و ست.

2- كل ما نبتعد عن التفاصيل.... كل ما ده يجنبنا المشاكل...... يعني ممكن كفالة الاطفال دول من بعيد.... نتعاون و ندفع مصاريف المدارس مثلا.... و نخليها بالدور بين مجموعة الاصدقاء.... عشان ميبقاش فيه تمييز لحد عن الاخر.... و كلنا نتشارك في الثواب.

3- بلاش التباسط اوي في العلاقات.....يعني بلاش الصديق مثلا يتصل بالارملة.....الفعل واضح انه حسن النوايا.... لكن محدش يضمن مداخل الشيطان

مش عارفة اللي عايز يعمل خير بيعملوه من غير ما يحط نفسه في اي شبهة و ربنا بيدله.

و برضه خلينا نفكر

و ربنا هيدلنا

فوتكم بعافية

[مغتربة]

زواج السيده التى ترملت او طلقت

و زواج الرجل الذى ترمل او طلق

اراه ابسط حقوق الانسان

و ليس عندى اى تحفظ عليه اطلاقا

مهما كان العمر ( مهما كان العمر )

التواصل مع شريك هو اهم الاحتياجات الانسانيه فى وجهه نظرى

و زمان قالوا ( جنه من غير ناس ما تنداس )

هذا بالنسبه للناس بصفه عامه

فما بالك ان يكون ليس الناس فحسب و لكن اقرب الناس اليك

[ذهبية]

انا مش ضد ان الرجل او المراءة الارمل تتروج بس بالشخص المناسب اللى يحتفظ عليها و على اولادها لو الشخص دة مش موجود

يبقى الاحسن تاجل الجواز لحد ما تلاقية

لان اللى هيتظلم اولادها معاها

طبعا دة بيكون صعب و صعب جدااا بالذات لو السيدة ضغيرة فى السن علشان كدة فى اسر كتيرةةةةةةة بيخلوا الاخ للزوج يتحمل المسئولية دى بحكم انة عم الاولاد و يخاف عليهم

وبرضة تفضل الزوجة فى العيلة و برضة ليها راجل و دة بيحصل كتير على فكرةةة بالذات لو الزوج سايب ورث او مال يتخاف علية

بس للاسف الشديد مجتمعنا بيدى للزوج الحق للزوج فورا بعد زوجتة و بيعتبرة انة عادى جداااا

لكن الزوجة بتحسى فى نظراتهم بالاتهام وانة عيب عليها تعمل كدة بالرغم انة حلال ربنا

بس هنعمل اية فى المجتمع الذكورى

[Salwa]

الحكاية اللى حانحكيها لكم دى حكاية حقيقية .............((.كلمة شرف.)).

من حوالى ستة وعشرين سنة تقريبااا او اقل شوية ..

لى صديقة ...كانت مكتوب كتابها على شاب من اسرة تعتبر من ارقى الاسر فى الاسكندرية ..هو كان ظابط مهندس ..

كل ما يتمناه الشاب ...كان موجود فى هذه الفتاة.

وكل ما تتمناه الفتاة ....كان موجود فى هذا الشاب .

كان الحب يجمعهما والتفاهم والاخلاص وكل شئ جميل ....

تحدد موعد الزفاف..وتم تحضير كل شئ ...الشقة والحفل وكل صغيرة قبل كبيرة ...وتم توزيع كروت الفرح ...

قبل الزفاف بثلاثة اسابيع ...........توفى صديق الشاب العريس....كان زميله ...ترك طفلة صغيرة وطفل ....ثلاث سنوات وسنتين ...

رغم انها ذهبت معه ...وواست الارملة التى كانت تهيم حباااا بزوجها (( المتوفى ))....ولم تتركها ...كانت تتصل بها تليفونيا...ثم..اعتذرت لها لأنها ستحتفل بزواجها بعد ايام وحتى قالت لها ان كان هذا يؤلمها (( مش وقته يعنى )) ...نأجل الفرح ؟؟

الا انها قالت لها ...ربنا يفرحكم ببعض ..

بعد ايام..

كان (( العريس ))...كل يوم يعتذر بمشغولياته ...وتعرف بالصدفة انه راح...يطمئن على الاولاد ..اليتامى ...!!!!

باقى على حفل الزفاف...اقل من اسبوع..

كنت معها ...كنت بالاسكندرية وبالصدفة البحتة كنا فى شارع ابو قير...وفوجئت بها تصرخ ...محمد آهوه ..

واقفين فى الاشارة ..

كنا نعدى الشارع ....هى وانا فقط ....وهو فى السيارة .......و...الارملة بجانبه ...والطفلان ...على الكرسى الخلفى ..

لم يقف...!!!!!

جرت هى ..

نادت عليه .....ورغم انه رآها ....لم يقف.

لست ادرى كيف ........ولماذا ؟؟؟؟؟؟؟؟؟ للآن حقيقة لا ادرى .......فوجئت بها تتعلق بزجاج السيارة وتصرخ ...فيهما ...!!!!

لم يرد...وذهب.

المهم...

اتى فى اليوم الثانى وكأنه يستفهم ...لماذا تعلقت بالباب بهذا الشكل ؟؟؟

صممت هى على الانفصال ...صممت على انها (( مش معتوهة ...ومعندهاش وهم ))..

انفصلا..

انفصلا ....رغم كل الحب ورغم كل شئ ...

المفاجأة....

تزوج هو من هذه الأرملة ...

مرت سنوات كثيرة على هذه القصة ..

كنت فى مصر الشهر الماضى ...سافرت لظروف طارئة لمدة ايام ....ومع التجمع العائلى قابلتها ...لازالت جميلة وعاقلة وراقية ومتدينة كما كانت دائما ..(( هى تعمل فى منصب مرموق ))....

تحدثنا كثيرااا...تذكرنا ايام ماضية ...تحدثنا بكل صراحة فى كل شئ ...تحدثنا وانا اقول لابنتها التى اتمت الثانية والعشرين ..(( كان ممكن يكون ابوكى واحد تانى ...وسبحان الله ))..

قالت لى صديقتى ...تصدقى ؟؟

الصدفة جمعتنا ..زوجى وانا ...مع محمد...وزوجته الثانية .. :rolleyes: ...ايضا ..فى مناسبة عائلية .....هذه الزوجة غير الارملة التى حطمت حياتى ...(( مع انى مدينة لها بالشكر ...لولا ما حدث ..ماكنت رزقت بابنتى هذه هى صورة مصغرة من اباها العاقل التقى ))..

قالت...

تحدثنا كثيرا...ضحك زوجى وسأله؟؟...اوعى تكون لسا بتحبها ؟؟ الا صحيح انتوا سبتوا بعض ليه ؟؟

قال...

هى اللى سابتنى ........وانا انهاردة مدين لها باعتراف ...هى كان عندها حق ....لانى كنت ناوى اتجوز ارملة صاحبى مهما حصل وكنت حاسس ان ده دين فوق رقبتى ..

قالت..

يعنى كنت حاتتجوز عليا وانا عروسة ؟؟

قال...

واحتمال ....اكون ....لو كنت اقدر ....كنت اتجوزتها قبل ..زفافنا ...!!!!!!!!!!

لاداعى لحكاية تفاصيل اكثر...

لكنها اقسمت لى ...انه لازال يحبها وعرفت القصة الحقيقية من اخته..

ترك الارملة بعد اقل من سنة ...!!!!!!!!.........اعترف لأخته...ان خيال الصديق كان دائما عائق بينه وبين زوجته....!!!!!!!

بدأ يراعى الابناء على البعد...فترة .........ثم....عندما استطاع ترك الجيش....سافر .

سافر لمدة سنوات ....ثم تزوج مرة اخرى ..............ولم ينجب ..

قالت لى صديقتى ......بعد سؤالى لها و..على وجهى ابتسامة (( ساذجة جدا جداااااا ))...لكن انتى ليه؟؟ وازاى ؟؟ اتعلقتى بباب السيارة ؟؟؟؟؟

قالت لى ....رأيتها تداعبه ....وتضع ظهر يدها ...على خده.

جريت بسرعة ....صرخت...ورغم ذلك عمل انه مش سامعنى ومرضيش يقف...ساعتها اتأكدت انه خاننى ...مفيش ارملة تقعد فى السيارة بجانب صديق زوجها ؟؟ ولا تداعبه ؟؟ وهكذا علنى ؟؟..الا اذا كان ناوى يتزوجها......كنت حاسا انه عنده طوفان حنان عليها هى وولادها ...

الولاد كانوا الطعم ...وهى ماسكة السنارة ...امسك الفرع توصل للأصل ...

انا مش ندمانة ..

بس فعلا ...ده جرح...ولحد دلوقت ورغم كل تفسيره ...الا انه جرح غائر فعلا ..

اظن بببساطة بعد معايشتى لابطال هذه القصة ....وبعد مرور السنين ....ورؤيتى (( بالصدفة ))...لخط سير الاحداث ...اقول .

مفيش حاجة اسمها ....احطم بيت بنيته طوبة طوبة ...علشان احمى بيت ...اتكسرت شبابيكه ؟؟

لو صعبان عليك البيت واصحابه....اعمل لهم شبابيك جديدة ..

دى حتى الارملة (( ياعينى )) ...ملحقتش تحزن ؟؟؟

اللى بيفكر يحطم حياته على اساس ان ده......تكافل اجتماعى ؟؟ .........نقول له......لاياسيدنا ....انت طمعان فى الارملة .

ولو انت بتحب الولاد دول فعلا .....بلاش تبقى زوج ام لهم .

كلمة كدة بينى وبينكم .. :rolleyes: :rolleyes:

مش عارفة ليه ؟؟ بعد ما رجعت من السفرية دى ..الشهر اللى فات يعنى ..

فكرت بهدوء..

حسيت ف كلام صديقتى ...كأنها بتقول ...يعنى هو استفاد ايه؟؟ لما ضيع عمره؟؟ وضيع اجمل قصة حب ؟؟ ...وكمان كان عاوز يتجوزها عليا ؟؟..وكل دى شفقة ؟؟

طيب خليك بقى لوحدك ؟؟وبلاش تتحجج بالشفقة والحنية اللى محتاجينها الولاد ...امال فين باقى عيلتهم ؟؟ ...طيب احسن وحلال عليك انك اتعقدت فى حياتك ..

آهو خيال صاحبك كان بيطلع يقولك ...ياخاين ...وعامل صاحبى ؟؟ بقى تتجوز مراتى ؟؟ ..مايصعبش عليك غالى ...ياصديقى ...!!!!

مش فاكرة بجد...قرأت مرة شئ جميل عجبنى جدا جدااا ف كتب التفسير...بس اكذب لو قلت مين الكاتب ؟؟ مش فاكرة .....بجد مش فاكرة ..

قرأت ما معناه...

ان حكمة ربنا سبحانه...انه جعلنا نقدر نتحمل مشاكلنا مهما فكرنا انها كبيرة وملهاش حل ..وانه سبحانه جل شأنه وتعالى ..بيساعدنا نشوف الطريق الصحيح ..

كل واحد بيشيل حمولته...يادوب .

وفيه ناس ربنا بيختارها عندها مقدرة ...تشيل اكثر مم تتحمل ..بس دول بيكونوا قلة ومختارة .

فيه ناس بقى ...بتحاول تشيل حمولة هى مش قدها ...يعنى مشاكلها ...ومش قادرة عليها .!!!!...تقوم تاخد مشاكل تانية ..وتقول انا ممكن اشيل الحمولتين ببساطة ..

دول بقى اللى مكتوب عليهم الغلب والتعاسة اللى بيختاروها بايديهم ..

يعنى فيه حاجات ...بتسبب الأذى ...مفروض نبعد عنها ...صح؟؟

احنا ف غنى عنها ..

لكن؟؟

مش لازم كل واحد يعمل جدع ويقول ...انا بقى الشجيع اللى حاحطم اسطورة الرجل الانانى ..ولابد اضحى بنفسى فى سبيل اسعاد الغير ..

ده غلط....رغم انه ظاهر انه صح..

لو انت مأسعدتش نفسك واللى حواليك ...من دمك يعنى ...او ..من الاقربون ..

مش ممكن حاتسعد الغريب...اللى مش من دمك ...!!...او ...اللى بعيد عنك.

بتبقى ساعتها بقى ...مغامرات دون كيشوتية ...بس....يعنى غير واقعية .

هى فعلا كلها نبل واخلاق ...لكن؟؟...غير واقعية ...وتسبب...آلآم...فقط.

ساعد الارملة ..بالكلمة الطيبة ...بالهدايا للاولاد ...لاتكثر من الزيارات لها ...ولاتزورها وحدك ابدااااااااااا....منعا للقيل والقال ....ومنعا للفتنة ..

حضرتك بتقول ..

س

مدام صديقي صح ولا غلط...؟؟؟

الحل ايه ف مشكلة الارملة و هي بالمناسبة شابة صغيرة..؟

ياريت اخواتنا الفضليات يحطوا نفسهم مكانها قبل اي رد..؟؟

مدام صديقك...صح.

ثم..

يعنى ايه؟؟ وهى بالمناسبة شابة صغيرة ؟؟

هو مفيش غيركم يعنى يحل مشاكل الارامل ؟؟؟؟؟؟؟؟؟؟؟؟؟؟؟؟

مالكم انتم ومالها ؟؟؟؟؟؟؟؟؟؟

خليكم ف اليتامى ....

وخللى ذكرى صديقكم دائما ف بالكم...انه صديقكم ...

على فكرة ..

لو لها نصيب تتزوج ...يبقى تتزوج بعيد عن اصدقاء زوجها ....المفروض .

وياسيدى الفاضل...

صدقنى انا..

الولاد بيكبروا ...وبيتربوا احسن الف مرة ....لو امهم لم تتزوج....ثم ان ابنها عنده عشر سنين ....يعنى مش صغيرة قوى زى ما بتقولوا ؟؟

امال لو كان ابنها عنده...ست سنوات ؟؟ والا اقل ؟؟

ثم..

هى لحقت تفكر والا تفكروا لها ف زواج؟؟

تصبحوا على خير..

قصدى صباح الخير ...