مواقف ف حياتنا

[myusername]

سبدتى الفاضلة سلوى,

قصتك مؤثرة جدا.. و مضمون القصة (فكرة الشفقة بشكل متهور) يذكرنى بحدث قد عايشته فى الفترة الاخيرة.. و لكنى لا استطيع ان اسرد ما حدث معى.

لن اتحدث عن التفاصيل.. و لكن أحيانا نصادف أمراة لعوب.. تعيش فى دور "المسكينة".. و يبدأ الرجل بكل سذاجة بأخذ رد فعل "انفعالى متهور"... و كأنه بطل لم تلد مثله النساء!!!

و يا لسوء الحظ الرجل ان كان يصدق كل شىء بسهولة.. و يحكم على الامور بعاطفته.. فيسىء الفعل و يكتشف فى النهاية أنها كانت حتما خدعة كبرى!

[الباشمهندس ياسر]

تصبحوا على خير..

قصدى صباح الخير ...

سلوي هانم

صباح سعيد مشرق بالأمل علي معاليكي

علم و ينفذ سيدتي الفاضلة

[shiko]

الحمد لله الذى هدانا لهذا وماكنا نهتدى لهذا لولا ان هدانا الله

قصة الاستاذة سلوى ...واقعية جداً من الحياة ...

سيدتى الفاضلة ...

احسنت الحديث ..وتفضلت...بوضع رسالة مهمة وعميقة ...لكل شاب وضعه القدر صدفة فى هذا الاختبار ...مع اعتبار ان هذا ليس حكم نهائى لكل ارملة شابة ...ان تبقى دون انيس او شريك ...ولكن لايحمل الله نفس الا وسعها ...ولندع السفينة تسيير حسبما قدر الله لها ..والله خير معين

>>>

[ذهبية]

الفاضلة و الاستاذة سلوى كلامك حلو جدااا زى العادة و قصتك اللى بجد بجد ربنا بيحب بطلتها جدااااا انها متجوزتوش

اللى يجى لة قلب يروح يتزوج واحدة قبل فرحة على التانية بايام دة بجد بلا قلب

بس جة على بالى سؤال

ياترى الشخص اللى يعمل كدة او يفكر كدة حتى لو ما اتجوز الارملة دى مش هيجى فى فترة من فترات حياتة يتحجج باى حجة و يتزوج تانى

انا شايفة بصراحة ان حجة انة يعطف على الايتام و يصون الارملة دى قناع شرعى انة يظهر بة رغباتة فى التعدد

او انة ينظر الى امراءة غيرة لو واحد بالفكر دةةةةة بصراحة مش مضمون فى اى مرحلة من العمر او اى موقف او اى واحدة

دى وجهة نظرى هل حضرتك لك راى تانى ؟؟؟

[مغتربة]

توضيح صغير

عندما كتبت مشاركتى كنت اناقش فيها الفكره بشكل عام

لكن هذا لا يعنى موافقتى على ان تتزوج شخص متزوج

هذا امر بالنسبه لى مفروغ منه

لكن انا كنت اتكلم عن المبدأ نفسه

[الباشمهندس ياسر]

هيييييييي

ولا دايم الا وجه الله

سنه و شهرين و التوبيك المسكيم ده متفتحش

اه يا توبيكي ياني

[الباشمهندس ياسر]

السلام عليكم

وحشتوني جدا

افتقدتكم جدا

و الحمد لله انه افتقاد مؤقت لانه كاد ان يتحول الي افتقاد ابدي

يوم 3 /6/2011

الساعة 9:30 مساءا

الو

ازيك يا ابوعمو يا وحش ... محدش سامع صوتك ليه

عرفت اللي حصل ف البلد

خير ايه اللي حصل..؟؟

ٍ.... ابن عمك عمك حادثة و مات

انا لله و انا اليه راجعون

و الكلام ده حصل من امتي

من نص ساعة بس ... هتروح يا هندسة

اساسي .. فضي نفسك و تعالي نروح سوا

بدأت اظبط الدنيا وارتب شغلي لاني كنت لسه ف المكتب و اتصلت اجيب عربية لان عربيتي في العمرة و فعلا جاتلي العربية في خلال ساعة

كنت رتبتب اموري و اخدت اربع شباب م العائلة و روحت بيتنا غيرت هدومي و اتعشينا و اتوكلنا علي الله

و اتخركنا ع الساعة 3 الصبح ربنا كرمنا و كتب السلامة ووصلنا ع الساعة 11 كده لان العربية جات مننا وش الردياتير ف الطريق الجديد اللي معلهوش اي خدمات اطلاااااااااااااااااقا

دخلنا المندرة و ريحنا شوية و بدأ الواجب و استمرينا فيه لمدة 3 ايام لغاية ما عملنا الفكة و ربنا كرمنا و خلصت علي خير

ع الساعة 11:30 نوينا نتحرك و فوجئت ان الاربعة اللي سافروا معايا كلهم اتبخروا

واحد طلع ع الغردقة و التاني سافر قبلها بيوم ع القاهرة و واحد هيفضل ف الصعيد عشان عمنا ابو المتوفي لسه مسمكش نفسه و هيفضل معاه

الرابع بس اللي قالي هرجع معاك وواحد كان جه الواجب بعدها بيوم هيسافر معانا

قلت كويس بقينا تلاتة و اذا فجأتن يشبط فينا ولد صغير من ابناء العمومة ( اخوه معايا ف العربية )متجاوزش ال 11 ربيعا و يصر اصرارا رهيبا ع السفر

قعدت اهزر مع الولد و اقوله هتدفع كام و اخدك معانا و كده مش كفاية .. طب قول لماما الاول .. طب اتحايل عليا شوية و هكذا من امور المزاح

المهم شاء الله اننا نسافر و اتحركنا ع الساعة 12 بالليل

من عادتي اني امشي بطي اذا كان معايا نساء او اطفال و لكن الله غالب علي امره

و رغم اني عامل ششن كامل ع العربية .. لكن الله غالب علي امره

في الطريق الصحراوي الشرقي عند الكيلو 320 .. ينفجر اطار السيارة فتتموج و تعوم كانها طير يسيح ف الفضاء ..فأخطأ الخطأ الاكبر و أضغط ع الفرامل لتخرج السيارة عن الكنترول تماما

و تتحرك ف اتجاه الطبان و منها الي الوادي

لتنقلب 6 مرات كاملة غير منقوصة

يتبع في وقت لاحق ان قدر الله ذلك

[arkan]

الحمد لله قدر ولطف

ان شاء الجميع بخير

[aimen]

الف الف حمد الله على سلامتك يا ياسر باشا

انا حاسس ان الموضوع فيه جهات اجنبية اجنبيه

وخصوصا الحركة اللى اسمها 6 ابريل دى :closedeyes:

[لونا]

ألف حمدًا لله على السلامة يا باشمهندس

قدر و لطف ..يا رب تكون بخير

[mustafagamiel]

الفين سلامة عليك ياكبير انت والا معاك

حمدا لله على سلامتك

حصل معايا موقف زي موقف ده لكن الله سلم

[ابو محمد بن مصطفي]

حمدا لله علي سلامتك يا باشمهندس

طمنا علي اللي كانوا معاك وخصوصا الطفل حصله ايه

[الباشمهندس ياسر]

الله يسلم اعماركم جميعا

قدر الله ان الولد يتوفي و سبحان من له الدوام

و لعلنا نتناقش في وقت لاحق في الامور التي يخرج بها احدنا من هكذا تجربة

[الغريب]

الله يسلم اعماركم جميعا

قدر الله ان الولد يتوفي و سبحان من له الدوام

و لعلنا نتناقش في وقت لاحق في الامور التي يخرج بها احدنا من هكذا تجربة

لله ما أخذ وله ما أعطى وكل شئ عنده بمقدار فلتصبر ولتحتسب

البقاء لله يا بشمهندس

نسأل الله أن يتقبله برحمته

[Om Zayd]

البقاء لله

ربنا يصبر أهله و يكون سابقهم على الجنة

و الحمد لله على سلامتكم

[طارق مصرى]

الحمد لله على السلامة يا بشمهندس و عود أحمد

[لماضة مصرية جدا]

السلام عليكم و رحمة الله و بركاته

بنت موت

دي كلمة سمعتها كتير

و مكنتش بفهم معناها لغاية سنة تانية كلية

كنا قاعدين في المدرج...و في اول اسبوع للدراسة دخلت علينا بنت ماش شاء الله تبارك الله في الجمال....سبحانك يا الهي كانت جميلة بشكل محدش يختلف عليه

اول ما دخلت المدرج...كلنا نظرنا اتوجه ليه بنات و اولاد

كنا في سنة تانية و مكناش شفناها معانا في اولي....فبالاضافة لجمالها الرباني كنامستغربين هي مكنتش معانا في سنة اولي ليه

في وسط كل تساؤلتنا ديت

هي اخدت جنب و قعدت لوحدها

متكلمتشي مع اي حد فينا لا بنات و لا اولاد

جينا تاني يوم

برضه نفس حالة الانبهار اللي احنا فيهاو نفس حالة الانزواء اللي كانت فيها

مر اسبوع

و اول يوم في الاسبوع الجديد

لقينا حد من زمايلنا بيقولنا...ان فولانة ماتت

و في وقت الدهشة....و استحضار رهبة الموت...لقيت حد من زمايلي بيقولي دي كانت بنت موت

مفهمتش يعني ايه بنت موت

في وقتها موقفتش اني افهم الكلمة دي كتير...بس علقت معايا و حسيتها لما مريت بحادثتين عربية و ربنا سلم و طلعت من كل واحدة منهم بطريقة الهية تخليني اسجد لربنا شكر في كل لحظة

دلوقتي

بقول لحضرتك يا باشمهندس

فيه ناس...."ولاد موت"

يعني تبقي قريب اوي من الموت

او الموت بيناديهم

او مش بيكونوا خايفين منه

او حاسين ان مكانهم مش هنا

هم مش بيختاروا انهم يموتوا

بس هو قدرهم....خلاهم...."بنت موت"...."ابن موت"

ربنا استرد وديعته.....و الطفل دلوقتي في مكان احلي بكتير

ربنا يربط علي قلب اهله بالصبر زي ما ربط علي فؤاد ام موسي

....و عزاؤونا ليهم...ان مكانه مكنشي هنا

و في الجنة هيستناهم.....بعد حين

[الباشمهندس ياسر]

و حلم شفته في عيونك ... ليه في حضنك ما اتحكاش

الكلام عن مصر

و الشأن شأنين

الاول خاص و ينفع يقال عليه عام

و التاني عام و ينفع يتقال عليه خاص

[عنبو]

البقاء لله يا ياسر وربنا يلهمكم الصبر والسلوان

[عنبو]

واحد صاحبى كان خاطب واحده وكانت الامور تمام قوى وبعدين فى يوم من الايام واحد قريبته تقريبا اخته من الرضاعه حلمت حلم غريب قوى ان الشخص ده خاطب واحده تانيه غير اليى خاطبها وتمر الايام ويفركش صاحبى الخطوبه ويخطب اليى كانت فى الحلم

والغريب بقى ان صاحبى ده ميعرفش موضوع الحلم ده الا اخر واحد يعنى كلهم فى البيت كانوا عارفين الموضوع من اوله ومافيش حد قاله الا لما الموضوع اتفركش وخطب تانى

سبحان الله احيانا بتبقى فيه احلام غريبه