المصريون بالسعودية يبعثون برقية شكر إلى الرئيس مبارك لاهتمامه بحل مشاكلهم

[ابو حودة]

الرياض - محرر مصراوي - بعث أبناء الجالية المصرية بالسعودية والتى يزيد عددها عن مليون مصرى

برقية شكر وتقدير إلى الرئيس حسنى مبارك على إهتمامه بقضايا المصريين بالخارج

ومتابعته لكل ما يتعلق بهم وتدخله الشخصى لدى خادم الحرمين الشريفين الملك عبد الله بن عبد العزيز

خلال زيارته الاخيرة للسعودية للافراج عن الطبيبين المصريين وعودتهما الى القاهرة بعفو ملكى .

احلى تعليق في موقع مصراوي على الخبر ده هو

تعليق :HISHAMOOVE<LI>بتاريخ : 15/01/2010 11:29:00 م

مبعتناش حاجة ...

والله ما بعت حاجة .. سألت حسين زميلى فى الغرفة لقيته مابعتش حاجة .. سألت اللى قاعدين فى الصالة برة برضه محدش بعت حاجة .. نزلت فى نص الشارع وسألت بأعلى صوتى مين اللى بعت فيكم برقية شكر ؟ المصريين قالوا مبعتناش حاجة .. البنغالة والباكستانيين والهنود قالوا : مافى معلوم .. السعوديين قالوا : يرحم الله والديك استحى على وجهك .. تعبت .. طلعت السكن .. قعدت افكر انا وزمايلى وفى الاخر عرفنا مين اللى بعت .. زميلنا اللى كان برة وقتها هو الوحيد اللى ممكن يكون بعت .. ماهو هايف ومضيع فلوسوا عالبرقيات والكلام الفاضى .. انا هاقول لأبوه ..

[doha]

هيكون مين يعني الي بعت يشكر مبارك على وضع المصريين في السعوديه ؟

اكيد .. واحد سعودي

[msayed]

bsh:)

إحمد ربنا إن قال برقية واحدة مش مليون برقية كنا شكينا فى نفسنا

على العموم عقبال الجالية المصرية فى مصر ما يبعثوا برقيات شكر لما تتحل مشاكلهم.

[Diab]

هيكون مين يعني الي بعت يشكر مبارك على وضع المصريين في السعوديه ؟

اكيد .. واحد سعودي

:knight: ههههه لا حلوة منك يا ضحي

[mamdowh]

وانا والله مابعتش حاجه حتى فتشنى فتشنى فااتش على رأى اسماعيل يس

:knight: :wub:

[Mercedes]

الرياض - محرر مصراوي - بعث أبناء الجالية المصرية بالسعودية والتى يزيد عددها عن مليون مصرى

برقية شكر وتقدير إلى الرئيس حسنى مبارك على إهتمامه بقضايا المصريين بالخارج

ومتابعته لكل ما يتعلق بهم وتدخله الشخصى لدى خادم الحرمين الشريفين الملك عبد الله بن عبد العزيز

خلال زيارته الاخيرة للسعودية للافراج عن الطبيبين المصريين وعودتهما الى القاهرة بعفو ملكى .

احلى تعليق في موقع مصراوي على الخبر ده هو

تعليق :HISHAMOOVE<LI>بتاريخ : 15/01/2010 11:29:00 م

مبعتناش حاجة ...

والله ما بعت حاجة .. سألت حسين زميلى فى الغرفة لقيته مابعتش حاجة .. سألت اللى قاعدين فى الصالة برة برضه محدش بعت حاجة .. نزلت فى نص الشارع وسألت بأعلى صوتى مين اللى بعت فيكم برقية شكر ؟ المصريين قالوا مبعتناش حاجة .. البنغالة والباكستانيين والهنود قالوا : مافى معلوم .. السعوديين قالوا : يرحم الله والديك استحى على وجهك .. تعبت .. طلعت السكن .. قعدت افكر انا وزمايلى وفى الاخر عرفنا مين اللى بعت .. زميلنا اللى كان برة وقتها هو الوحيد اللى ممكن يكون بعت .. ماهو هايف ومضيع فلوسوا عالبرقيات والكلام الفاضى .. انا هاقول لأبوه ..

السلام عليكم و رحمة الله و بركاته :knight:

أكيد اللى بعت البرقية دى واحد مصرى من مسؤولى العلاقات العامة :wub: فى السفارة المصرية فى الرياض أو فى القنصلية المصرية اللى فى جدة , المهم أكيد المصرى ده رغم أنه من البعثة الدبلوماسية المتنغنغة فى خير بلدنا - على قفانا يعنى - :wub: الا أنه أكيد برضه عنده مشاكل فى السعودية و الريس مبارك - الله ................... بيته - مطنشه ذى ما هو مطنش ال80 مليون التانيين , يبقى يبعت برقية ازاااااااااااااااااااااى ؟؟؟؟؟؟؟؟؟؟؟؟؟؟؟؟؟ md2:

يالله , ربنا يقدم ما فيه الخير

MERCEDES S430

[عنبو]

انا ياجماعه مبعتش غير موبيلى لواحد صاحبى علشان اكلمه بس لكن غير كده والله مبعت حاجه

وبعديم احما هنشك فى بعض ليه الى بعت يقول انا بعت وميعملهاش تانى مره وخلاص

يلا الى عملها يقول بقى و هنسامحه

[joo]

يا اجماعةانا بقول ان حسنى هو اللى بعتها لنفسة

تم تعديل 16 يناير 2010 بواسطة joo

[عادل أبوضيف]

الاخوة الافاضل المشاركين في الموضوع

أمس الجمعة كان هناك لقاء في السفارة المصرية بالرياض

مع السيدة / عائشة عبدالهادي وزيرة القوي العاملة

وبعض من نشطاء الجالية المصرية في الرياض وصندوق رعاية المصريين العامليين في الرياض

تحت رعاية سعادة السفير/ محمود عوف

ومن خلال هذا الاجتماع وحيث أن مجلس الجالية منتخب من الجالية

من هنا كانت البرقية تحمل إسم الجالية

وللمعلومية هناك نشاط رائع لصندوق رعاية المصريين بالرياض

وهناك منتدي خاص لنا علي الشبكة العنكبوتية

ياريت نزوره ونشوف بعض هناك

http://www.egybox.org/vb/index.php

[se_ Elsyed]

الاخوة الافاضل المشاركين في الموضوع

أمس الجمعة كان هناك لقاء في السفارة المصرية بالرياض

مع السيدة / عائشة عبدالهادي وزيرة القوي العاملة

وبعض من نشطاء الجالية المصرية في الرياض وصندوق رعاية المصريين العامليين في الرياض

تحت رعاية سعادة السفير/ محمود عوف

ومن خلال هذا الاجتماع وحيث أن مجلس الجالية منتخب من الجالية

من هنا كانت البرقية تحمل إسم الجالية

وللمعلومية هناك نشاط رائع لصندوق رعاية المصريين بالرياض

وهناك منتدي خاص لنا علي الشبكة العنكبوتية

ياريت نزوره ونشوف بعض هناك

http://www.egybox.org/vb/index.php

منتخب إيه بس يا أستاذ عادل ؟؟؟؟؟؟؟

بأي حق تتكلموا بإسم مليون مصري ؟

لو بتحبوا مبارك ودايبين في دباديبه ما كنتوا تقولوا : منتخب الجاليه بيحيي مبارك

أو على رأي عيوشه التي أطلقت شعار " مش هانفرط فيك "

أستاذ عادل ... بجد والله ... إنت بتحب الراجل ده وشايف له إنجازات ؟

[doha]

الاخوة الافاضل المشاركين في الموضوع

أمس الجمعة كان هناك لقاء في السفارة المصرية بالرياض

مع السيدة / عائشة عبدالهادي وزيرة القوي العاملة

وبعض من نشطاء الجالية المصرية في الرياض وصندوق رعاية المصريين العامليين في الرياض

تحت رعاية سعادة السفير/ محمود عوف

ومن خلال هذا الاجتماع وحيث أن مجلس الجالية منتخب من الجالية

من هنا كانت البرقية تحمل إسم الجالية

وللمعلومية هناك نشاط رائع لصندوق رعاية المصريين بالرياض

وهناك منتدي خاص لنا علي الشبكة العنكبوتية

ياريت نزوره ونشوف بعض هناك

http://www.egybox.org/vb/index.php

وازاي اجتماع بالاهمية دي وميتمش الاعلان عنه ولا نعرف نحن كمصريين مغتربين حاجه بخصوصه غير بعد مايشطب ؟؟؟؟

انا بشكر حضرتك بجد على التوضيح وده يدل انك معانا من بدري .. بس معليش لما هو الامر كده محدش مقلتلناش على الاجتماع من ساعتها ليه ؟

[هيشو]

اية مجلس الجالية ده؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

عملتوا اية طيب

بصوا يا جماعة بقي بصراحة انا عاوز اعترف

و مش قادر اخبي اكثر من كدة

انا مبعتش الرسالة دي

[herohero]

شيئ جميل لكن محدش سمع عن الاجتماع ده ولا احنا مصريين درجه تالتة ومادام ماسمعناش عنه محدش يتكلم بالنيابة عننا ياريت بجد تقوله برقية شكر من فلان وفلان

الواحد نفسه يحس انه بينتمي لكيان قوي كان فيها ايه لو كنا عرفنا من بدري وكل الاخوة المصريين يبعتوا مقترحاتهم وبتوعم السفاره اللي قاعدين ف الميغة يفحصوها ويوصلوا لطلبات معظم المصريين عاوزينها ساعتها هنبعت كل يوم برقيه شكر وعرفان

حسسونا اننا لنا بلد ان فيه حد بيعبر فنا ولا هي بس فلوس تجديد جواز خلونا نحب نروح سفارتنا خلونا نحس انها بيت العيلة بدل ماحنا مابنخاف نعدي ناحيتها

مش عارف حاسس ان ده حلم بعيد من زمان وانا طفل وانا بحتك مع والدي بالسفارة المصرية ولم يتغير دورها ف الكويت او السعوديه او الامارات ياترى ممكن احفادنا يعيشوا اللحظة ده

على فكرة المصريين اللي ف السعودية بيشربوا كوكاكولا .... كوكا كولا بتشجع مصر

[عادل أبوضيف]

الاخوة الافاضل المشاركين في الموضوع

أمس الجمعة كان هناك لقاء في السفارة المصرية بالرياض

مع السيدة / عائشة عبدالهادي وزيرة القوي العاملة

وبعض من نشطاء الجالية المصرية في الرياض وصندوق رعاية المصريين العامليين في الرياض

تحت رعاية سعادة السفير/ محمود عوف

ومن خلال هذا الاجتماع وحيث أن مجلس الجالية منتخب من الجالية

من هنا كانت البرقية تحمل إسم الجالية

وللمعلومية هناك نشاط رائع لصندوق رعاية المصريين بالرياض

وهناك منتدي خاص لنا علي الشبكة العنكبوتية

ياريت نزوره ونشوف بعض هناك

http://www.egybox.org/vb/index.php

منتخب إيه بس يا أستاذ عادل ؟؟؟؟؟؟؟

بأي حق تتكلموا بإسم مليون مصري ؟

لو بتحبوا مبارك ودايبين في دباديبه ما كنتوا تقولوا : منتخب الجاليه بيحيي مبارك

أو على رأي عيوشه التي أطلقت شعار " مش هانفرط فيك "

أستاذ عادل ... بجد والله ... إنت بتحب الراجل ده وشايف له إنجازات ؟

الاخ الفاضل/ السيد

ماذكرته في مداخلتي هو ما رأيته علي الواقع والاختلاف في الرأي لايفسد للود قضية

نعم هنا في الرياض صندوق إسمه صندوق رعاية المصريين

عدد أعضائه يفوق ال 7000 ألاف عضو وله جمعية عمومية تعقد كل عام

ويقوم برعاية المصريين علي أكمل وجه وتم إنشائه بفضل أساتذة عظماء هنا في الرياض

منذ أيام الشيخ الراوي

وأنا لست من مجلس الجالية ولكن عضو من أعضاء الصندوق البالغ عددهم 7000 عضو

أناقش وأحضر المؤتمرات وأوافق وأرفض وليس مع أحد ضد أحد ونحلم أن يأتي يوما يكون

المليون مصري المتواجدين في الرياض يكونوا أعضاء في صندوق رعاية المصريين

أما عن كلمة منتخب هذه كان القصد بها أن مجلس الادارة تم إنتخابه من الجمعية العمومية

وهناك أيضا جمعية المهندسين وجمعية الاطباء وجمعية التجارين وإتحاد المعلمين

وجمعية النادي وجميعة لمحافظات كثيرة من محافظات مصر تعالي بس حضرتك واكيد هتتعرف علي الواقع

تحياتي لحضرتك

[عادل أبوضيف]

الاخوة الافاضل المشاركين في الموضوع

أمس الجمعة كان هناك لقاء في السفارة المصرية بالرياض

مع السيدة / عائشة عبدالهادي وزيرة القوي العاملة

وبعض من نشطاء الجالية المصرية في الرياض وصندوق رعاية المصريين العامليين في الرياض

تحت رعاية سعادة السفير/ محمود عوف

ومن خلال هذا الاجتماع وحيث أن مجلس الجالية منتخب من الجالية

من هنا كانت البرقية تحمل إسم الجالية

وللمعلومية هناك نشاط رائع لصندوق رعاية المصريين بالرياض

وهناك منتدي خاص لنا علي الشبكة العنكبوتية

ياريت نزوره ونشوف بعض هناك

http://www.egybox.org/vb/index.php

وازاي اجتماع بالاهمية دي وميتمش الاعلان عنه ولا نعرف نحن كمصريين مغتربين حاجه بخصوصه غير بعد مايشطب ؟؟؟؟

انا بشكر حضرتك بجد على التوضيح وده يدل انك معانا من بدري .. بس معليش لما هو الامر كده محدش مقلتلناش على الاجتماع من ساعتها ليه ؟

الاجتماع معلن عنه في موقع صندوق رعاية المصريين العاملين في السعودية

والرابط بتاع الموقع مرفق في مشاركتي أعلاها

تعالوا نزوره ونتطلع عليه ونحاول يمكن تعجبنا الفكرة

وهو صندوق لايتبع السفارة يعني أهلي لكن فقط تحت إشراف السفارة

تعالوا نشوفه يمكن نفيد ونستفيد

[عادل أبوضيف]

اية مجلس الجالية ده؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

عملتوا اية طيب

بصوا يا جماعة بقي بصراحة انا عاوز اعترف

و مش قادر اخبي اكثر من كدة

انا مبعتش الرسالة دي

الاخ الفاضل

أدعوك أن تشارك في في منتدي صندوق رعاية المصريين

زور الرابط ده وشوف المواضيع

http://www.egybox.org/vb/

وعلي فكرة أنا عضو فقط من 7000 عضو يعني ليس في الادارة

ولا أطمع أن أكون في الادارة كل مافي الحكاية عاوز كل المصريين يبقوا ايد وحدة في الغربة

تعالي وناقش واعترض وأعرض فكرتك قد تكون صحيحة ونرتقي بها سويا

[msayed]

**** برقية شكر وتقدير إلى الرئيس حسنى مبارك على إهتمامه بقضايا المصريين بالخارج ****!!!!!!!!

أى قضايا تقصدون يا سادة يمكن إحنا جاهلين ومش حاسين فعرفونا

ممكن نقبل إن ده روتين والرسالة دى لازم تتبعث لتجديد الولاء وما شابه، لكن تقنعونا إن دى حقيقة!!!

[م طارق القرم]

الاخوة الافاضل المشاركين في الموضوع

أمس الجمعة كان هناك لقاء في السفارة المصرية بالرياض

..............................

ياريت نزوره ونشوف بعض هناك

http://www.egybox.org/vb/index.php

وازاي اجتماع بالاهمية دي وميتمش الاعلان عنه ولا نعرف نحن كمصريين مغتربين حاجه بخصوصه غير بعد مايشطب ؟؟؟؟

انا بشكر حضرتك بجد على التوضيح وده يدل انك معانا من بدري .. بس معليش لما هو الامر كده محدش مقلتلناش على الاجتماع من ساعتها ليه ؟

أساتذتي الأفاضل

أولاً أحيي الجميع

وكل الأخوة الكرام الذين شاركوا هنا

وأحيي الأستاذ الفاضل عادل أبو ضيف

على محاولته لتقريب أواصر الجالية المصرية

وأحيي كل مصري ف المملكة العربية السعودية

يا جماعة الخير

صندوق رعاية المصريين ليس له أي علاقة بما قيل

عن الرسايل والبرقيات والتهاني التي أرسلت للريس

ماتخلطوش بين موضوعين أرجوكم

حتى لاتظلموا صرحاً عظيماً

ماصدقنا قام على أكتاف ناس

ابتغت وجه الله ف شغلها

و بدأت من 10 سنوات

و يكفي أقول لكم

ان ثمرة العمل ده

صندوق فاتح مئات البيوت اللي مش لاقية قوت يومها

صندوق كافل ألاف اليتامى و لامم ألاف الأرامل

صندوق رعاية المصريين يا أحبائي

عمل عام بتبتغوا فيه وجه الله

صدقة جارية حاتنفعنا ف قبرنا بعد عمر طويل

كل ما في الموضوع

ان الناس ماعادش عندها ثقة في أي تجمع مصري

بسبب تاريخ قديم أسود

تكلم واحد تقول له المصريين والتآلف

يقول لك ارحمني الله يسترك

خليني بعيد

الأوربيين اللي بيكرهوا بعض عمى

و قتلوا ف بعض ف الحروب العالمية

وبينهم ثأر لن يندمل

وحدوا العملة و البروتوكولات

علشان يتجمعوا ويقووا

صدقوني

الدنيا الآن اتغيرت

و قربنا كمصريين نوصل لجنسيات تانية مترابطة

صحيح مش الفلبيني ولا السوداني

لأن دول لهم السبق و الريادة ف الحب والتآلف

ولسة بدري علينا لما نحصلهم

لكن على الأقل

أخيراً وجدنا من يجمع الجالية

على قلب واحد وكلمة واحدة

على فكرة

الصندوق تحت مظلة السفارة فقط

انما مش هو السفارة خالص

ولا بيعبر عن رسالتها

يعني السفارة بتحميه رسمياً ف الغربة

انما لم ينشأ ليعبر عن أفكارها

ومهم أوي أوي ان السفارة تحميه

لأنك ببساطة لو فكرت ف أي دولة عربية

تطلع تلم فلوس للغلابة

تأكد اننا حانزورك في طرة بعيش وحلاوة تاني يوم

رسالة الصندوق يا جماعة

ألفة و حب وتعارف مع تجميع جالية

ضاعت زمان و ساءت سمعنها

لكنها بفضل الله راجعة بقوة

تكافل و ترابط و خير و حالات انسانية

خدمات وعروض ف منتدى الصندوق

برضه زي منتداكم الجميل ده

وأياً كنت في أي منتدى

حاولوا تقربوا من منتدى الصندوق وتشاركوا

و يكفي انك حايكون حواليك ما يقرب من نصف مليون شخص

رسالتهم ان المصري ما يمكن انه يجوع ف الغربة

سيبكم من الدولة و الحكومة و الوزيرة والسفيرة

الموضوع انساني بحت

تحت مظلة رسمية

وبتعطوا من خيركم لغيركم

و بتعود ليكم ف الآخر

احضروا مرة شوفوا أسرة بيتها اتحرق ف الرياض

أو عائلها يعد الشر عليكم توفي

ومالهمش أي حد يشيل عنهم

ولا ينفع ينزلوا مصر لأنهم على باب الله

صدقوني الصندوق مشروع ولا أروع

ومحتاج لكم كلكم

وهو الصبغة الرسمية الوحيدة

والتجمع الحقيقي الوحيد

اللي أتمنى الكل يقرب منه

وجربوا مش حاتخسروا حاجة

وعلى فكرة

كل اللي اتقال ده

أنا اتكلمت فيه عن الشق الأخلاقي فقط

لكن فيه شقوق كثيرة تعود بفوائد كبيرة عليكم

وعلى أسركم

دنيوية برضه

فيه الخصومات و المستوصفات و المدارس

وشحن الشركات من الباب للباب

مجرد قربوا بس

و ربنا حايكرمكم جميعاً

و بالتجمع ده

مش حاتلاقي مصري محتاج

أعداد كبيرة بعيد عنكم

وافتها المنية

و ال 25 ألف اندفعت لأهاليها ف الحال

يا رب ما تشوفوا أي شر ولا تتحوجوا لمخلوق

لكن الواقع ما أحدج يهرب منه

وكل منا معرض لأي شيء

و فيه 15 ألف في حالات العجز الكلي لا قدر الله

و 10 جزئي

كل ده ب 100 بترميها ف السنة

يعني أقل من 10 ف الشهر

وبتحتسب فيها أجر كفالة يتيم

والله العظيم دي كفاية

و خصوصاُ انك ضامن انها رايحة لناس تستحق بقوة

و اللي يحب يشارك وييجي يتفرج

احنا تحت أمره

============================

التوقيع

طارق القرم

مهندس لا له ف السفارة و لا ف العمارة

و متطوع ومنتظر غيري يشارك

وفقكم الله لكل خير يا أحلى جالية ف الدنيا

تم تعديل 19 يناير 2010 بواسطة م طارق القرم

[عماد حمدي]

أحييك بشدة باشمهندس طارق ومبادرة طيبة منك ... وياريت الأخوه الموجودين في الرياض .... يلموا بقا شملهم ونبقي أسرة واحده بجد كلام باشمهندس طارق جميل جدا جدا وبعدين مش هتخسروا حاجة روحوا وشوفوا الوضع اية ويارب يارب يارب تتجمعوا علي فعل الخير ويصلح حالنا احنا كمصريين

[ابو حودة]

شكرا للمهندس طارق وممكن يكون فتح الموضوع

ده سبب في تعرفنا على

هلى هذا المشروع الجيد