نداء إلى لايت هاوس !!!

[Lighthouse]

سبق اني اتفقت مع الاستاذ هشام على ان نجمع مواضيعها من جديد مع النقل على السوفت وير الجديد بعد اسبوعين خاصة انه فيه شغل كتير حاليا مع الاستاذ هشام والاستاذ عادل لنقل الموضوعات في السوفت وير وتجربته

شكرا يامدام سيدة على تعبك

وليس لي تعليق على موقف الادارة بصراحة لان تناولها للموضوع هو من اوصل الامور لهذه الدرجة

عموما حصل خير واهو الواحد بيتعلم

ومرحبا لعودتك بعد طول غياب

[sos]

الاخت/لايت هوس

ممكن تأخذى فترة اعتكاف ...بعيدا عن المنتدى....ولكن ان تتركيه

هذا لا نقبله....طبعا هذا عشم ليس اكثر....

مربة...وطرشى....يسبب خلاف

اعتقد ما يجمعنا فى هذا المنتدى ...اكبر من هذا بكثير

ممكن ان يكون هناك اختلاف او خلاف....ولكن تركنا ليس هو الحل

انت بتعقبينا...والا بتعقبى نفسك

عودى يا لايت...ولا تتركى المنتدى بدون لايت

[Lighthouse]

يا منارة المنتدى

آمل أن تلبى هذا النداء .. وبعدين .. باب هنا باب هناك .. مفيش أحسن من كشاف المنار

مع خالص تقديرى

استاذي العزيز اخناتون :)

اشكرك كثيرا على كل شيئ

بالفعل انت جوهرة وكلامك كالبلسم الشافي

كل يوم اتعلم منك الكثير

ربنا يكرمك وينور لك الطريق <_<

وكما قلت بابهنا باب هناك

وانا بالفعل ومنذ فترة حددت الابواب التي اشارك بها ولا مانع من تزويد القائمة بباب كل موقف

[Lighthouse]

لايت هاوس العزيزة ...

مش ممكن اى مشكلة تقابلنا ...نديها ظهرنا .

آخر شئ ..هو الانسحاب.

رغم ان الانسحاب معناه ..يأس من امكانية التغيير ........ولا يجب ان نيأس ابدا ..

ارجعى لموضوع اخونا محبط ....وانت تكتشفى حاجات كتير ممكن تكون ..كانت غامضة عليكى .

عموما .........انتظرى ..وسوف تثمر الاشجار..

المزارع الجيد لايقتلع نباتاته من الأرض لرغبته فى التدمير .......ولكن لكى يغرسها فى بيئة افضل ........هكذا يقول لنفسه وعلينا ان نصدق ونثق ...مبدئيا..

فلننتظر.........ونرى ما تثمر عنه .

تفائلى خيرا ........تجنى خيرا كثيرا ان شاء الله ..

انسحابك ..معناه ...بالنسبة لى على الأقل ........تغيير لمفاهيم كثيرة ..

تحياتى.

اشكرك جدا يامدام سلوى

وانت تعلمين انني لم اعطي ظهري للمشكلة

ولم اهرب

ولكن المعركة غير متكافئة

فعندما يقال لك ان الموضوعات بمجرد وضعها اصبحت ملك المنتدى ولايحق لك الاعتراض على اي تعديل يجري فيها فهذا كلام يجب الوقوف عنده كثيرا

ويمكن للاستاذ محمد ابوزيد قائل العبارة السابقة ان يرد اذا شاء فهو من ابلغني بهذا الكلام في الرسالة الخاصة

ومن غير المعقول ان يكون التعامل على هذا النحو وبهذه الكيفية وتطلبي مني الا اعترض او اقول وجهة نظري

التغيير لاياتي بالتمني ولكن اولا بابراز المواقف وليس بالوقوف والتفرج لعل الله يغير الامور

" ان الله لايغير مابقوم حتى يغيروا مابأنفسهم " صدق الله العظيم

يعني لازم يغيروا هم ولا يقفوا متفرجين حتى يأتيهم التغيير

وانا مثلك انتظر هذا المزارع الجيد

ربما ياتي يوم ونراه موجودا بالفعل

ونرجو من الله الا يستخدم نوع من المبيدات المنتشرة في السوق

[Lighthouse]

انا كمان عايزاكى ترجعى علشان المواضيع الحلوة بتاعتك و على فكره الأستاذ هشام وجد ان الأغلبيه بترجح ضم المواضيع تانى و هو وعد و خلاص يا بنتى ..... انت بتدلعى علينا و لا ايه ؟؟؟

شكرا يافريدة

والحكاية ليست دلع ولا غيره

المسالة مسألة مبدأ

وبدلا من هذا الموقف من ادارة المنتدى واضاعة وقت في جدل عقيم لاطائل من وراءه

والحكاية ابسط من البساطة ولكن نقول ايه

مافيش فايدة

عموما الموضوعات كانت حلوة قبل ماتتفك وشكلها يبقى مفركش وكل مداخلة في حتة

وباب الاسرة والطبخ لن ادخله الا بعد عودة موضوعاتي كما كانت

وهذا رايي ولن اتنازل عنه ابدا

وشكرا لك على ابداء وجهة نظرك في الموضوع منذ البداية فلم اعهدك متفرج صامت بل دائما مشارك ايجابي :)

[sos]

فعندما يقال لك ان الموضوعات بمجرد وضعها اصبحت ملك المنتدى ولايحق لك الاعتراض على اي تعديل يجري فيها فهذا كلام يجب الوقوف عنده كثيرا

ويمكن للاستاذ محمد ابوزيد قائل العبارة السابقة ان يرد اذا شاء فهو من ابلغني بهذا الكلام في الرسالة الخاصة

هناك كلام قبل هذا الكلام

وهناك ايضا كلام بعده :)

[Mohammad Abouzied]

؟؟؟؟؟؟؟؟؟؟؟

لايت هاوس

وزعلالالالالالالالالالانة

لالالالالالالالالالالالالالا

ما ينفعش

يا شعب الشعانيييييييييييين اتحدواااااااااااااا

انها الحرب مرة اخرىىىىىىىىىى

مين اللي مزعلك قوليلي بس fsh::  fsh::      :)  <_<

والله العظيم انا معملتشي حاجة يا شانا وحتى سي السيد كان مصاب وفي المستشفى وانا معاه كل يوم حتى اسئلوه mfb:

هو مفيش غير هشام عبد الوهاب روحو انتقموا منه وبعدين هو متعود على كدا fsh::

[Lighthouse]

أنا

ضمن من سيتأثروا من غياب الأخت الفاضلة لايت هوس صاحبة القلب والبيت الأبيض

وسأحرم من مرباتها الجميلة التى اقتبستها منها الحاجة أم حمادة وأشبعتنى منها

لذا

نحتج على انساحبها ونطلب منها العودة باسرع وقت رحمة بزملائها واخوانها فى المحاورات

تحياتى وتقديرى لها

شكرا لك يادكتور رجب

ولست انا من حرمك من الوصفات

وشكرا على الاحتجاج والتنديد وكل حاجة :)

وسلامي للحاجة ويارب تكون الوصفات عجبتها <_<

[Mohammad Abouzied]

من حقك تعترضي على تعديل مضمون الكلام داخل مواضيعك لكن لما ينقل الى باب اخر او يفكك لايضاح شئ معين فيه من حق المنتدى طبعا وان كانت تفكيك الموضوعات وان كانت سوف تكتر عدد مواضيعك في السوفت وير ويجعلك تنافسي الاستاذ رجب في عدد المواضيع كما انها دليل على انها دسمه وقوية بحيث كل مداخلة تستحق تكون موضوع بذاته فان كان دا هيزعلك انا معاكي لازم نرجع المواضيع كما كانت في موضوع واحد بس اعطينا فترة اسبوع كمان ولو حتى متنقلناش الى السوفت وير الجديد انشاء الله يوم السبت الجاى هتلاقيهم موضوع واحد

[Lighthouse]

و انا أيضا أطالب بعودة لايت هاوس للمنتدى رغم أننى غير ملمّ بالخلاف  وليس لدى فكرة واضحة عن تفاصيل الموضوع أو الإشكاليّة التى أدّت إلى إعلان لايت هاوس لتوقفها عن الكتابة نظرا لعدم دخولى للمنتدى إلا فيما ندر خلال الأسبوعين الماضيين مما جعلنى غير متابع لتطوّرات الأحداث فيه (الحقيقه أنا أساسا ما كنتش أعرف إن لايت هاوس أعلنت توقفها عن الكتابة إلا الآن من هذا الموضوع لحشيش , و لم أجد إلى الآن أى موضوع للايت هاوس فى باب شئون المحاورات به شيئ يخص تفاصيل الخلاف , وإن كنت أرى - حسب ما فهمت من الكلام فى هذا الموضوع- أنه خلاف حول دمج أو فصل مواضيع , وهو خلاف أرى أنه يمكن تجاوزه بسهولة طالما صفت النوايا و كانت المودة و المعزّة المتبادلة موجودة بين الجميع)

أشجب و أحتج و أعترض (يانهاااااار...كل دووووول <_< ) على توقف لايت هاوس عن الكتابة , فلكتاباتها مذاق خاص يضفى نكهة مميزة على المنتدى

لايت هاوس....

عودى إلى منزلك.... الجميع فى إنتظارك

اخي واستاذي العزيز محبط

اشكرك على اهتمامك

وانا لم اكن يوما على خلاف مع اي عضو ولله الحمد ولكن تأتي الرياح بما لاتشتهي السفن

مسألة تغيير العناوين ودمج او فك الموضوعات من الامور التي تحتاج لتوضيح من الادارة

ومسألة اخرى عرفتها مؤخرا وهي ان اي موضوع يوضع في المنتدى لم يعد من حق صاحبه الاعتراض على اي تعديل يحدث فيه هو ماضايقني جدا

والاستاذ محمد ابوزيد صاحب الرسالة التي فيها هذه القاعدة موجود وقد ابلغته بوجهة نظري بخصوص اعتراضي على مبدأ عدم احقيتي في الاعتراض على مايحدث لموضوعاتي

فلو لم يكن لي حق في التحدث او الاعتراض اذا حدث تعديل لموضوع يخصني وخاصة اذا كان التعديل من وجهة نظري ليس في محله فأعتقد ان عدم المشاركة افضل من تضييع الوقت في طرح موضوعات تضيع وقت الادارة في دمجها مع موضوعات اخرى او فكها وكل هذا يستغرق منهم وقت طويل

فقررت ان اريحهم واوفر عليهم وقت الفك والدمج

وشكرا لك اخي الكريم على شجبك واستنكارك وتنديدك

وياريت كل مشاكلنا بتتحل بالشجب والاستنكار

كنا ح نرتاح كتير

المهم كماقلت صفو النوايا

واشكرك لاعتبارك ان موضوعاتي ذات نكهة

هو حد جابنا ورا الا حكاية النكهة والمذاق دي mfb:

الحق بقى اشوف الاكل قبل مايشيط :)

[Lighthouse]

الأخت العزيزه لايت هاوس ..

واضح جدا معزتك و غلاوتك في قلوب كل أعضاء المنتدي ..

يلا .. نبطل دلع بقي ..

و بأنتظار رؤيه مواضيعك الجديده عشان اشارك فيها ..

و تقبلي تحياتي ..

اخي الكريم كودر

لقد اشععت السرور على بردك هذا :)

والحكاية كما سبق وقلت ليست دلع

ولا مقياس لوضعي وعزتي عند الاعضاء

فأناصراحة لست من هواة هذه النوعية من الموضوعات التي يستجدي فيها العضو تعاطف الآخرين

حتى لم اعلن في المنتدى اني لن اشارك مرة اخرى

وسبق وتوقفت عن المشاركة ولم اعلن ايضا

اما المواضيع الجديدة بقى فدي محددة بعوامل يجب ان تتوفر اولا حتى لايتكرر ماحدث من قبل

وشكرا لك وربنا يديم الود وتشع علينا دايما <_<

[Lighthouse]

 

الاستاذ العزيز ابو القلب الابيض

مش عارفة اشكرك ازاي على الصورة الجميلة دي

مش باقول لك فنان <_<

ربنا يخليك ومتشكرة جدا جدا على الصورة الرائعة دي :)

[Lighthouse]

يا جماعة هي حلفت انها مش هاتكتب الا لما نجمع لها موضوعاتها والان الكل مشغول في السوفت وير الجديد وتجربته ويمكن تقريبا اتنقل موضعها مجمع من جديد في السوفت وير الجديد علشان كدا مش لازم يرجعو يجمعوه من تاني هنا وهما خلاص هاسيبو السوفت وير القديم وننتقل في الجديد

شكرا ياأستاذ محمد لردك

غريبة قوي موضوع تجميع الموضوعات في البرنامج الجديد

طيب ليه حضرتك ماقلتش الكلام ده لمارديت على في الرسايل الخاصة

اعتقد كم الرسايل المتبادلة والقواعد المتعلقة بالتعديل وغيرها اللى حضرتك قلتهالي كان اولي منها حكاية النقل للبرنامج الجديد

بدل الكلام عن عدم احقيتي في الاعتراض على اي تعديل يحدث لموضوعاتي <_<

وطالما كنتم تتنوون نقل المنتدى بالكامل

كان لزمته ايه تضييع الوقتفي فك الموضوعات ولخبطتها بالشكل ده وخاصة زي ماحضرتك بتقول ماحدش من الادارة عنده وقت يجمعهم تاني :)

وياتري حضرتك متأكد فعلا انه سيتم تجميع الموضوعات ولا لأ ؟؟

عموما حضرتك من قال هذه التصريحات

وانت الملتزم امامي بتحقيقها

وحتى يحدث هذا لن اشارك في باب الاسرة

وشكرا لتعبك بالرد

[Lighthouse]

الله يخرب بيت اللي يزعلك يا كوتش...

يا جدعان الطلاينة لحسوا مخي.. ما بقتش افهم عربي... cbyb:

مرحبا اخي العزيز

اعتقد الموضوع كده اصبح مفهوم

شكرا لك وربنا يخليك :)

[Lighthouse]

شوفى بقى يا لايت:

أنا مش حاكل ترمس لغاية ما ترجعى  cbyb:

اخي العزيز مكسوف <_<

شكرا لك على هذا التضامن الترمسي اللذيذ

اخبار مشروع المشابك ايه :)

اوعي تدي التوكيل لحد غيري

حتى لو بطلنا مشروع الترمس

فممكن نعمل مشاريع تانية

[Lighthouse]

هنزعل قوى لو الأخت لايت هاوس بجد تركت المنتدى...

لها إسلوب كتابة مميز وموضوعات هادفة أثرت المنتدى مثل موضوع اللغة العربية والمعلقات.....

وواضح جدا غلاوتك فى قلوب الجميع....ياللا بقى...

هو موضوع اللغة العربية دا بالذات معقدني جدا وانا كنت ناوي اخد عندها درس خصوصي الحصه بألف دولار لكن اهو يظهر ملهاش نصيب

ممممم

عرض مغري وغير قابل للنقاش

ماهو كله غير قابل للنقاش <_<

انا شخصيا ماعنديش مانع اديك درس خصوصي

بس انا ح اقبض باليورو

ولا اقول لك

خليها دولار دولار

مش مشكلة

عايزة شيك بعدد الردود الموجود في موضوع اللغة العربية علشان اكمل باقي الدروس

ايوة كده ولا ايه :)

[Lighthouse]

كل سنه وانتم جميعا طيبين والاخت العزيزه لايت هاوس بخير وتكون معانا دائما وانشاء الله تكون معانا حيث اننا لا نستغني عن خفة دمها وتعليقاتها الظريفة ولا انسي انا شخصيا انا اول من رحب بي في هذا المنتدي كانت هي ولا انسي تعليقاتها الاخوية الظريفة وربنا يرجعها لنا علي خير

اخي المهندس

اشكرك على ردك الكريم

ولو كنت اعرف ان اعتذاري عن المشاركة ح يخلي حضرتك تيجي ترد

كنت اختفيت من زمان <_<

وكل سنة وانت طيب وعيد سعيد :)

[Lighthouse]

يمكن مش عاوزاننا نكتب معاها في باب المطبخ انا مستعدة انسحب اذا كان دا هيرجعها

:) <_<

مش عارفة حضرتك جبتي الكلام ده منين

اولا انا ممتنعة عن المشاركة قبل حضرتك ماترجعي

واعتقد الاستاذ محمد عارف كده كويس

ثانيا انا موضوعاتي كانت في باب الاسرة ولم يكن هناك باب للطبخ اصلا

واعتراضي كان على تفكيك الموضوعات وفصل المداخلات وفركشتها وكنت اريدها مرتبة كملفات تسهل التصفح

ولست انا من لايحب مشاركة الآخرين

فالمنتدى حتى لو كان ملكي فليس لي الحق في الانفراد بباب فيه اشارك فيه بمفردي

بالعكس بقى

انا شايفة ان امتناعي عن المشاركة كان له فوايد كثيرة

اهمها ان حضرتك بتشاركي في الباب الجديد

واكيد فيه فوايد تانية ح تظهر

حمد الله على السلامة

[Mohammad Abouzied]

يا لايت ممكن اكون نسيت اقولك لان ردك كان شديد قوي وصعب كمان علي وانا راجل عجوز سني كبير ومش معقول ها رد على كل كلمة وانا قلت ليكي انا سوف احل ليكي المشكلة بس متخليش الموضوع يدخل في شكل تحدي لاننا احنا كلنا اتجمعنا على المحبه والمودة بغض النظر عن دور كل واحد فينا

وانا عارف ان ليكي حق طبعا بس لازم تقدري كان هايعمل ايه الاستاذ هشام عند تجربته في فتح الباب كان ها يبعت لكل واحد رسالة يطلب اذن منه لتفكيك الموضوع بتاعة لعمل الباب والوقت قصير جدا ومفيش وقت لعمل السوفوير الجديد

عموما لازم تعرفي اننا نحترم كل عضو عندنا ونحترم ابداعاته وهي له تماما ولما اقول انها ملك المنتدى معناها انك مش من حقك انك تحرمينا منها بعد ما اتعودنا عليها ثم احنا معملناش غير نقلها في باب كويس وفككناها علشان نقدر نهضمها كويس ولا انتي عوزانا نزور

[Lighthouse]

هنزعل قوى لو الأخت لايت هاوس بجد تركت المنتدى...

لها إسلوب كتابة مميز وموضوعات هادفة أثرت المنتدى مثل موضوع اللغة العربية والمعلقات.....

وواضح جدا غلاوتك فى قلوب الجميع....ياللا بقى...

اخي العزيز افيونة

شكرا لمشاعرك النبيلة

ومدحك الذي اعتقد اني لااستحقه

فكل منا يشارك رغبة منه في الافادة والاستفادة

وربنا يهدي الجميع