نداء إلى لايت هاوس !!!

[عصام]

إسمحوا لى أن أقول رأييى

أولا:

أنا شايف إن مسألة الطبيخ والسلطات والحاجات دى زادت بشكل غريب، فالهدف هنا هو أن نثرى معلومات بعضنا من خلال معلومات بعضنا....فى كل المجالات "من خلال المناقشات والمحاورات" فهذا المكان إسمه "محاورات المصريين" محاورات يعنى كلام وكلام ورد ورد....لكن لما تنقلب المسألة فجأة لوصفات طبيخ وتونة وسلطة!! طيب ماهو فيه مئات ومئات من الكتب ومواقع النت وغيرها من مصادر الوصفات دى...وما أسهل أن أقع على كتاب منهم وافتح موضوع وافضل انقل!!! (لا أقصد أى معانى غير ظاهرة أو إهانة لأحد)..لكن المسألة تكمن فى "الحوااااار" وبهذه الطريقة الموضوع عمال يخرج من طبيخ إلى مسالة مبدأ إلى كلام يفتقد إلى اللباقة!!! وبعدين إلى أين؟؟؟؟؟

ما أريد تلخيصه أننا هنا لنتحاور ونتبادل المعرفة فى حدود الاحترام المتبادل والالتزام بالقواعد المنظمة للمكان....

ثانيا:

أنا شخصيا تم نقل وتعديل موضوعات خاصة بى...ولكنى فعلا وبدون أى مجاملة أجدنى ملتزما بالموافقة على قرارات الإدارة طالما كانت فى النطاق المقبول وما يتفق مع حقوقها كإدارة للمنتدى...فأنا أعلم ذلك مسبقا قبل أن أبدأ بالمشاركة...

ثالثا:

فتحت ذات مرة موضوع عن "ماذا تنتظر من باب الكمبيوتر والانترنت" (دى دعاية على فكرة) فلم أجد أحدا مهتما به...تذكرت هنا جملة قلتها من خلال إحدى مشاركاتى فى موضوع الموسيقى الخاص بلأستاذ هشام "يجب أن يكون موضوعك له عنوان إكسايتنج مثل عبد الناصر والثورة وخلافه حتى تجد من يشارك" ولكن ثبت لى أننى على خطأ......فأنا لم أكن ادرك أن الاهتمام بالطبيخ والسلطة كبير إلى هذا الحد..لدرجة أن أجد ذات مرة ان آخر أنشط عشرة مواضيع كلها فى الطبيخ والسلطة وغيره..

عموما اتمنى من الله أن تكون مداخلتى هذه:

- آخر مداخلة فى هذا الموضوع (غريب أوى الطلب ده..عمرى ما اتمنيته!!!)

- لن تسبب مضايقة أو إحراجا لأى شخص (وإن كان قد حدث فأنا أعتذر)

- أول وآخر مداخلة فى مجال الطبيخ والسلطة (عمرى ما تصورت إنى أشارك فى التخصص ده!!)

[فــيــروز]

يا اخ اسو ليس بالضروره ان يكون للجميع نفس الاهتمامات

فليس من المفترض ان يهتم الجميع بالسياسه !! او الرياضه

قد يهتم البعض بالطبخ و شئون الاسره و تنوع الاهتمامات امر عادى جدا و طبيعى

البعض قد لا يرى مشكله فىنقل او تعديل موضوعاته و البعض الآخر يرى عكس ذلك .. زى الاخ بايت النهارده مثلا !! فمن لا يرى غضاضه فى الموضوع يبقى اراح و استراح ولكن ليس معنى هذا ان من يعترض يحرم من حقه فى الاعتراض لان غيره يوافق !!

اما بخصوص موضوعك يا اخى العزيز اتذكر انى قمت بالرد فيه !! واعتقد لانس ولايتهاوس كمان.. ومش عارفه ايه المشكله لو قمت بالرد على من شارك فى الموضوع حتى يلفت نظر الاعضاء اكثر و يشاركوا اكتر .. كتير من الموضوعات الجيده لا تاخذ حقها من الاهتمام و المشاركه ولو واحد زى محبط مثلا اعتبر الرد على موضوعاته مقياس لاهتمام الآخرين كان زمانه انتحر ..

[linux]

هوا انا صحيح مش فاهمة فيه ايه بالظبط

ولا فاهما الزعل عشان ايه بس حسب ما استوعبت كدا انه عشان تقسيم مواضيع خاصة ب لايت هاوس

أخوكي برضه ما كنش عنده أي فكرة!!

لكن لايت هاووس من الشخصيات الذوق و الحساسة و أتمني أن تظل معنا هنا.

و بعدين لو مشيت يبقى مافيش فنار!! يبقي تمشي ازاى بقه؟؟

[هشام عبد الوهاب]

تم تجميع وصفات السلطات ل:(لايت هاوس) فى موضوع واحد بعنوان ركن السلطات وتجميع وصفات المربات فى موضوع ركن المربات .

وللمرة المليار ،،، لايوجد مايسمى استقصاد او تحكم رأى او عند ،، الى اخر تلك القائمة السخيفة .

وللمرة الألف ... اكره كلمة موضوعى وموضوعاتى .

اتمنى تكون المشكلة انتهت ،،،، فعلا لا يوجد صبر ابداااااا .

شكر خاص جدا للفاضلة مدام سيدة على مجودها الرائع والمميز جدا فى باب المطبخ . :o

[Mohammad Abouzied]

على فكرة يا أستاذ هشام مدام سيدة سبق لاعضاء في المنتدى كلوا من ايدها وهما الي يشهدوا عليها

يعني مش كتابه وبس وخبرة عملية اسئلني انا

عموما الي عنده اي مهمة في الدمام او الظهران بالسعودية يتفضل يجي ويشوف

[حشيش]

أضم صوتى للأستاذ هشام فى الثناء على المجهود الرائع لمدام سيدة أبو زيد فى ركن المطبخ وشكلى كده حتهور وأجي أتعزم عندكم على الغدا ذات يوم إن شاء الله بس خايف الأستاذ محمد أبو زيد يستقبلنى بضربة مقص طائر من بتوع الكاراتيه يكومنى قبل ما ألحق أتغدى mfb: :blink: :blink:

ياعم هشام ممكن أقول لك حاجة ومتزعلش منى mfb: mfb: mfb:...إنته ساعات بتنسى إنك بتتكلم مع بنت mf( mf( mf(...الأعضاء وخلاص إتعودوا على طريقتك فى الكلام...لكن مع البنات كلامك صريح زيادة عن اللزوم (دبش يعنى) ;) ;) ;)...البنات يحبوا الكلام الحنيين rs: rs: rs:...يعنى كلمتين حلوين فى الأول تاكل بيها دماغها (يعرف هذا عندنا نحن المتخصصون بالتليين s-:) وبعدين إديهم على دماغهم :blink: ....مش ممكن ياهشام...سوفاج جداً :blink: :blink: :blink:....ودلوقتى بقه أقعد أستنى موضوع (إيقاف حشيش) فى شئون المحاورات

[se_ Elsyed]

إسمح لي أختلف معاك يا إسو ...

فطالما الموضوع في صميم إختصاصات الباب الموجود فيه .. يبقى ما المانع من ذلك ؟

يعني مثلاً كنت ممكن تزعل أو تتضايق على مستوى الحوار لو فتحت باب السياسة الداخلية ولقيت فيه وصفة للمسقعة مثلاً - الله والله نفسي فيها من زمان mfb: - .....

وشكراً

[فــيــروز]

شكرا للاستاذ هشام ولادارة المنتدى على مجهودها

على فكرة يا أستاذ هشام مدام سيدة سبق لاعضاء في المنتدى كلوا من ايدها وهما الي يشهدوا عليها

وفين نايبنا بقىىىى mfb: :blink:

بس خايف الأستاذ محمد أبو زيد يستقبلنى بضربة مقص طائر من بتوع الكاراتيه يكومنى قبل ما ألحق أتغدى

هو يخدمك لو اداهولك بعد الغدا :blink: منها تهضم ومنها تطير على البحرين بدل الطيران ووجع الدماغ :blink:

[out el koloub]

بسم الله الرحمن الرحيم

السلام عليكم ورحمة الله وبركاته

انا عضوة جديدة فى المنتدى واسمى قوت القلوب انا كنت عاوزة اعرفكم بنفسى من فترة لكن كنت خايفة وبعدين قررت تكون أول كتابة ليا فى الموضوع ده لما احسست به من مشاعر جميلة ناحية عضوة قد ايه محبوبة بين الأعضاء وقد ايه هما حريصين على بقاءها فى المنتدى وانا بضم صوتى ليهم فى بقاءك فى المنتدى

[MuslimaEgyptian]

نداء خاص:

يا لايييتتتت...يا لاييييتتتتتتت...

*مرحبا بكى يا اخت اوت mfb:

[هشام عبد الوهاب]

إنته ساعات بتنسى إنك بتتكلم مع بنت

وبعدين إديهم على دماغهم

لم اقصد ان اوجه كلامى لأحد بنفسه نهائيا ... كلامى عام ولا اقصد به اى اهانة ..

اما انت ياحشيش فهابعت لك هدية حلوة قوى mfb:

[White heart]

يالله بقى يا لايت ....

نفسي أدخل المطبخ ...

يمكن ربنا يكرمني و أترقى و أبقى مساعد "صغنن" للشيف Light

[Mohammad Abouzied]

أضم صوتى للأستاذ هشام فى الثناء على المجهود الرائع لمدام سيدة أبو زيد فى ركن المطبخ وشكلى كده حتهور وأجي أتعزم عندكم على الغدا ذات يوم إن شاء الله بس خايف الأستاذ محمد أبو زيد يستقبلنى بضربة مقص طائر من بتوع الكاراتيه يكومنى قبل ما ألحق أتغدى  :D  :D  :blink:

ياعم هشام ممكن أقول لك حاجة ومتزعلش منى  mfb:  mfb:  mfb:...إنته ساعات بتنسى إنك بتتكلم مع بنت  mf(  mf(  mf(...الأعضاء وخلاص إتعودوا على طريقتك فى الكلام...لكن مع البنات كلامك صريح زيادة عن اللزوم (دبش يعنى) ;)  ;)  ;)...البنات يحبوا الكلام الحنيين  rs:  rs:  rs:...يعنى كلمتين حلوين فى الأول تاكل بيها دماغها (يعرف هذا عندنا نحن المتخصصون بالتليين  s-:) وبعدين إديهم على دماغهم  :blink: ....مش ممكن ياهشام...سوفاج جداً :blink:  :blink:  :blink:....ودلوقتى بقه أقعد أستنى موضوع (إيقاف حشيش) فى شئون المحاورات           

أنت تشرف يا حشيش المحشي الي كنا عملينه السنة الي فاتت لما كان سي السيد ناوي يجي لسه موجود في التلاجه وصحيح هي كانت عطلانه في الصيف الي فات ولكن احنا مفتحناهاش لغاية دلوقتي خوفا من الريحه الي طلعها منها ولكن انشاء الله لما تيجي هنفتحها على طول

[أسامة الكباريتي]

أضم صوتى للأستاذ هشام فى الثناء على المجهود الرائع لمدام سيدة أبو زيد فى ركن المطبخ وشكلى كده حتهور وأجي أتعزم عندكم على الغدا ذات يوم إن شاء الله بس خايف الأستاذ محمد أبو زيد يستقبلنى بضربة مقص طائر من بتوع الكاراتيه يكومنى قبل ما ألحق أتغدى  :blink:  :blink:  :blink:

     

أنت تشرف يا حشيش المحشي الي كنا عملينه السنة الي فاتت لما كان سي السيد ناوي يجي لسه موجود في التلاجه وصحيح هي كانت عطلانه في الصيف الي فات ولكن احنا مفتحناهاش لغاية دلوقتي خوفا من الريحه الي طلعها منها ولكن انشاء الله لما تيجي هنفتحها على طول

الحمد لله اني عديت من الدمام ونفدت بجلدي fsh::

كان زماني في الإنعاش .. إن عاش trch:

قبل العيد كنت رايح الأردن ..

وانا رايح تعشيت فتة حمص .. من عند الطرابلسي (أبو لطفي .. يضوي ويطفي) ..

وانا راجع تغديت ملوخية .. اي والله ملوخية ..

والحق يقال نسيت اتصل بيك يامحمد يا ابوزيد يا بيت الكرم .. ملحوقة في الصيف ان شاء الله ..

حضر الكوارع والنيفة ..

لايتهاوس ..

لك نكهة خاصة ..

فلا تحرمينا من ذلك الذوق الرفيع ..

[Mohammad Abouzied]

ليه كدا يا أسامة ضعيت علينا فرصة تانية ليه هو انت سي السيد بتوع فرقعه كدا طيب ايه رئيك كنا عملين مقلوبة نظام عمايل ابو ايمن صاحبنا من يطه ابو مخ صعيدي

بصراحة ضاعت فعلا منك فرصه كويسه كنت اتعرفت هنا على جماعة اللجنة الشعبية وأتعرفت على نشاطهم عندنا

اما لايت هوس هي زعلانه الظاهر منا مع اننا بنحبها كلنا وزعلانين من موقفها دا كتير وربنا يهديها

[Lighthouse]

شكرا للاساتذة

وايت هارت

واسامة الكباريتي

لسؤالهم عني

وشكرا لكل الاخوة والاخوات اصحاب المشاعر النبيلة التي ظهرت من سؤالهم عني

وشكرا لاخي العزيز حشيش صاحب الموضوع الذي اختفي لااعرف لماذا

وربنا يهدي الجميع الذين يحتاجون بالفعل للهداية

[مصرى]

وربنا يهدي الجميع الذين يحتاجون بالفعل للهداية

حمدا لله على سلامتك ..

كلنا فعلا نحتاج الى الهداية ..

وعن الحسن بن علي بن أبي طالب قال: علمني رسول الله كلمات في القنوت أقولهن: (اللهم اهدني فيمن هديت، وعافني فيمن عافيت، وتولني فيمن توليت، وبارك لي فيما أعطيت وقني شر ما قضيت إنك تقضي ولا يقضى عليك إنه لا يذل من واليت تباركت ربنا وتعاليت)

اللهم آمين يارب العالمين

[Mohammad Abouzied]

شكرا للاساتذة

وايت هارت

واسامة الكباريتي

لسؤالهم عني

وشكرا لكل الاخوة والاخوات  اصحاب المشاعر النبيلة التي ظهرت من سؤالهم عني

وشكرا لاخي العزيز حشيش صاحب الموضوع الذي اختفي لااعرف لماذا

وربنا يهدي الجميع الذين يحتاجون بالفعل للهداية

وانا اقدم ليكي اعتذاري لو صدر مني ما يزعلك ونرجو السماح وترجعي تنوري المنتدا الي كان من غيرك ضلمه

[Lighthouse]

وربنا يهدي الجميع الذين يحتاجون بالفعل للهداية

حمدا لله على سلامتك ..

كلنا فعلا نحتاج الى الهداية ..

وعن الحسن بن علي بن أبي طالب قال: علمني رسول الله كلمات في القنوت أقولهن: (اللهم اهدني فيمن هديت، وعافني فيمن عافيت، وتولني فيمن توليت، وبارك لي فيما أعطيت وقني شر ما قضيت إنك تقضي ولا يقضى عليك إنه لا يذل من واليت تباركت ربنا وتعاليت)

اللهم آمين يارب العالمين

مرحبا اخي مصري

شكرا على ترحيبك

وشكرا على الدعاء

جعله الله في ميزان حسناتك

:blink: :blink:

[Lighthouse]

شكرا للاساتذة

وايت هارت

واسامة الكباريتي

لسؤالهم عني

وشكرا لكل الاخوة والاخوات  اصحاب المشاعر النبيلة التي ظهرت من سؤالهم عني

وشكرا لاخي العزيز حشيش صاحب الموضوع الذي اختفي لااعرف لماذا

وربنا يهدي الجميع الذين يحتاجون بالفعل للهداية

وانا اقدم ليكي اعتذاري لو صدر مني ما يزعلك ونرجو السماح وترجعي تنوري المنتدا الي كان من غيرك ضلمه

مرحبا استاذ محمد

حصل خير

وشكرا على ردك والمنتدى منور باعضاءه الافاضل والمحترمين

تم تعديل 22 فبراير 2004 بواسطة Lighthouse