الزوجة المغتربة ...كائن منتج أم مستهلك أم ماذا ؟

[بركة]

السلام عليكم

الغربة لها فوائد زي الدخل الاحسن والبعد عن وجع دماغ تعليم الولاد في المدارس المصري

بمشاكلها التي لاتخفى على أحد , البعد عن المشاحنات بين أهل الزوج والزوجة ..

ممكن يكون لكل واحدة فينا مميزات شايفاها في الغربة

بس اللي مافيش فيه شك ان كلنا بنعاني من سلبيات..

منها وده اللي أنا عاوزه نتبادل فيه التجارب

بتعملوا ايه كل يوم علشان تحسوا انكم راضيين عن نفسكم

هتقولوا شغل البيت ومزاكرة الولاد واخدين كل الوقت

بس الصراحة انا ده بالذات اللي بيجيبلي إكتئاب

الروتين ..اللي أنا فيه ترس داير عشان كل اللي حواليه فقط

طيب ممكن نفيد بعض ونقول ممكن نعمل ايه في البيت او حتى نشاط برا البيت

عشان الواحدة مننا تحس بإنها بتغير الروتين وراضية عن ذاتها وبتحقق مكسب معنوي يخليها

تنسى إنها في غربة..

[بركة]

رأيت في الغربة نماذج كثيرة لنشاط الزوجات المغتربات

منهن : المرأة الموظفة المنهكة العصبية , ومنهن المرأة الموظفة المنظمة الحكيمة المنهكة

ومنهن : المرأة ( سيدة الشوبنج ) التي تضع كل مجهودها ونشاطها في التسوق و شراء الضروري والزائد

ومنهن المرأة البيتوتية , ومنهن العاملة من المنزل ( دروس خصوصية ) وما شابه ذلك..

ومنهن المرأة المعذبة مابين التلفزيون و النت والبيت والأكل ( عذرا ) ...

وبصراحة كلهن لم تسعد بما هي فيه !!!!!!!!!

بصراحة معظم الازواج ليس لديه الحل السحري لهذه المعاناة ولا أنا عارفة النساء في الغربة

ليه مش ليهم نشاط هادف أو أي حاجة تديهم إحساس بالرضا عن ذاتهم..

آسفه طولت بس ياريت لو في آراء في الموضوع ده يبقى لكم الشكر. :knight:

تم تعديل 16 يناير 2010 بواسطة بركة

[عاشق الترحال]

عندي زملاء كتير فى الشغل هنا في جده وزوجاتهم بيشتغلوا .

وممكن آخر الأسبوع زوجك ياخدكم أنتى والأولاد وتغيروا جو تطلعوا عالكورنيش أو أبحر أو خليج سليمان أو الملاهي الشلال أو تروحوا تعملوا عمره يعني ممكن تتقضى بحيث أنه يبقى فيها تغيير علشان الروتين ده هو اللي بخنق الحياه .

وربنا يوفقك .

[بركة]

شكرا أخي الفاضل على ردك

والله بقالي 6 سنوات في الغربة لم أرى فيهم سيدة تعمل موظفة وتتمنى أن تستمر

كلهن يرغبن في البقاء في البيت خصوصا عشان مزاكرة الاولاد

اللي بتحب الشغل ومتفانيه فيه يا إما لسه مافيش أولاد

ياإما هم مش في دماغها

و ده كان سبب تساؤلي طب ايه النشاط اللي ممكن نعمله ونفيد نفسنا وغيرنا

ومايأثرش على الاسرة..

وبالنسبة للفسح .....الله المستعان مافيش أحلى من لمة الاهل

وشكرا مرة أخرى

[president]

أعتقد أستكمال المرأة للدراسات العليا سوف يحقق لها هدفين ... اولا هتحس انها بتعمل حاجه مفيده لنفسها .... وهتحس بتحقيق ذاتها ..

وهتدخلى دوامه لذيذه انك مش ملاحقه على البيت ولا على المذاكره ولا على جوزك ولا على حاجات كتير ... بس لذتها انك هتحسى انك بتحققى حاجه لذاتك

فى وسط متاعبك وانشغالك ... يعنى باختصار هتسترجعى روح التحدى اللى انتى مفتقداها .

بالتوفيق

[بركة]

شكرا جزيلا اقتراح رائع

وياسلام لو في مجال جديد عليا .. :unsure:

[ذهبية]

و الله يا بركة انا موافقة كل كلامك بس باعترض بس على فكرة الغربة هو يعنى الست المصرية اللى مش فى الغربة مش بتحس زى ما انتى بتقولى

عموما سواء برة مصر او جواها احساس الدوامة و انك ترس داير لغيرك دة موجود فينا كلنا

علشان كدة انا ليا بعض الاراء انا عملتها قبل كدة و صحت معايا ان كل واحدة تسال نفسها هى بتحب اية

يعنى هوياتها اية وممكن تنميها و هى فى البيت بداية من هوايات الرسم او الخياطة الى تعليم اللغات والنت فتح مجال كبيرررر

للمواضيع دى و بجد هوياات هتعود عليكى لا ام فى بيتك بالمسات فنية رائعة لا ام انك تتخصى اكتر و تبداى تبيعى لغيرك

يعنى لو بتعرفى فى التطريز ممكن جدااا انك تعملى تطريز فى البيت و تبداى تروجية برة عيايات او طرح او غيرة

لو ليكى فى الترجمة و اللغات تبداى تعرضى خدماتك انك ممكن تترجمى لاى حد وانتى فى بيتك و بدة تحسى باهميتك

لو انتى مثلا لك فى التجويد و حفظ القران تبداى تدى دروس لاصحابك و حفظ قران لاولادهم

لو ليكى الاكل و ست بيت شطرة جدااا فكرى فى مشروع خاص بالاكل

يعنى اقعدى مع نفسك شوفى انتى شاطرة فى اية و بتحبى اية لو نقصك حاجة ابداى خدى كورسات و اسالى و شوفى ازاى اقدر اكبر الهواية دى لدرجة الاحتراف

دة من خبرتى المتواضعة و يارب اكون فيدتك يا بركةةةة

لك تحياتى

ذهبية

[doha]

موضوعك ده ياما فكرت فيه ودائما بوصل لنتيجة واحده .. احنا يابركه كمصريين .. اتربينا غلط ..

الوحده فينا مهما وصلت في تعليمها وثقافتها متربية على ان ملهاش غير بيت جوزها .. وتعمل ايه في بيت جوزها ؟ ( تحاجي عليه ) وتلم عيالها ( تحت جناحها )

موظفة بقى ولا ست بيت .. برا ولا جوا .. راضيه ولا مش راضيه .. هي دي الوظيفة الي اتربينا على اننا انخلقنا ليها .. وغصب عننا لازم نقوم بيها مهما كانت مشغولياتنا الاخرى والا هنكون .. مقصرين ..

نيجي بقى للراجل اتربى على ايه ؟

ابوك عمره ماشال عيل ..

مذاكرة الاولاد مسؤولية الهانم الي نايمه في البيت ..

تطلع البلكونه تنشر الغسيل ؟ يافضيحتي

وهلم جرا ..

والمشكلة اننا كسيدات وكرجال متربيين على ان الراجل هو الي المفروض يصرف على البيت وان الست تقعد كده حاطة رجل على رجل .. وللاسف الواقع ده نادرا مابيحصل وان حصل فالغالب ان الزوج مش هيسكت واي حاجه هتطلبها منه زوجته هيكون رده الواضح ( احمدي ربنا ) غيرك ( طافحه الدم ) وساكته انا لا بقولك هاتي ابيض ولا اسود ..

احلى حاجه وحده في مصر اعرفها ظروفهم الماديه سيئة جدا وبتشتكي لي من كثرة الابناء وقلة الدخل وازاي ان المذاكرة والتنظيف وتدبير ميزانية البيت كله على دماغها ( والبيه مروق ) يرمي لها المصروف اول كل شهر ويسيب الباقي عليها .. هي ست بيت طبعا ..

والثانية هنا في السعوديه في وظيفة مرموقه وماشاءا لله ( عملتهم ) دائما ماتندب حظها وتشتكي انها ليه ( مش متستته ) زي فلانه وعلانه الي على حد تعبيرها ( الدهب في ايديهم من هنا لهنا ) وباصين لنا في الراتب ..

تفتكروا مين من النموذجين هو الصح ؟ وتفتكروا برضه المشكلة عندهم جايه منين ؟

تفتكروا ان الراجل هو المسؤول عن الصرف والانفاق لوحده على البيت كله هو ده الصح ؟

وتفتكروا برضه شغل البيت وتربية الابناء والدروس ووو هي دي مسؤولية المرأه وبرضه لوحدها ؟

عن نفسي شايفه ان كل ده غلط وكل الي ( انزرع ) جوانا من واحنا صغيرين عن مسؤوليات كل زوج تجاه الآخر محتاج اعاده نظر ..

يتمسح من قاموسنا ويتحط الوضع الصحيح مكانه ... وايه هو الوضع الصحيح ؟ للاسف ده الي مش عرفاه لغايه دلوقت .. منا زيي زيكم للاسف كلنا .. اتربينا على كده فمنعرفش غير نفكر كده ..

تم تعديل 17 يناير 2010 بواسطة doha

[بركة]

و الله يا بركة انا موافقة كل كلامك بس باعترض بس على فكرة الغربة هو يعنى الست المصرية اللى مش فى الغربة مش بتحس زى ما انتى بتقولى

شوفي يا قمر معاكي في ان الاحاسيس دي موجودة عندنا برة مصر أو جواها

بس مش عارفة ليه هنا الاحساس مختلف بردة !!!!!!!!

عموما سواء برة مصر او جواها احساس الدوامة و انك ترس داير لغيرك دة موجود فينا كلنا

علشان كدة انا ليا بعض الاراء انا عملتها قبل كدة و صحت معايا ان كل واحدة تسال نفسها هى بتحب اية

يعنى هوياتها اية وممكن تنميها و هى فى البيت بداية من هوايات الرسم او الخياطة الى تعليم اللغات والنت فتح مجال كبيرررر

للمواضيع دى و بجد هوياات هتعود عليكى لا ام فى بيتك بالمسات فنية رائعة لا ام انك تتخصى اكتر و تبداى تبيعى لغيرك

يعنى لو بتعرفى فى التطريز ممكن جدااا انك تعملى تطريز فى البيت و تبداى تروجية برة عيايات او طرح او غيرة

لو ليكى فى الترجمة و اللغات تبداى تعرضى خدماتك انك ممكن تترجمى لاى حد وانتى فى بيتك و بدة تحسى باهميتك

اتعلمت الخياطة فعلا من عشر سنوات و كنت بعمل حاجات حلوة لصديقاتي .....بس هنا :blink: الموضوع أبعاده مش لطيفة

لو انتى مثلا لك فى التجويد و حفظ القران تبداى تدى دروس لاصحابك و حفظ قران لاولادهم

روحت من 3 سنين اتعلمت التجويد والحمد لله وكان معايا كل أصحابي :blink:

لو ليكى الاكل و ست بيت شطرة جدااا فكرى فى مشروع خاص بالاكل

لا والله الناس هنا مش بياكلوا الحاجات اللي بنفهمها وماتسألينيش يعني ايه !!!!!!

يعنى اقعدى مع نفسك شوفى انتى شاطرة فى اية و بتحبى اية لو نقصك حاجة ابداى خدى كورسات و اسالى و شوفى ازاى اقدر اكبر الهواية دى لدرجة الاحتراف

ماهو هو ده اللي مش عارفة أعمله وغيري على الحال ده كتير

طب والله انا كنت بعمل اكسسوارات حريمي من 11 سنة كده وكنت بتعامل مع محلات في مصر (الزمالك و المهندسين)

وكانت متعة كبيرة ..بس هنا الله المستعان السوق مليان حاجات تهبل و ببلاش من الصين....دة من خبرتى المتواضعة و يارب اكون فيدتك يا بركةةةة

لك تحياتى

ذهبية

شكرا يا دهوبة حيرتك معايا :sad:

تم تعديل 17 يناير 2010 بواسطة بركة

[rewsha]

طب والله انا كنت بعمل اكسسوارات حريمي من 11 سنة كده وكنت بتعامل مع محلات في مصر (الزمالك و المهندسين)

وكانت متعة كبيرة ..بس هنا الله المستعان السوق مليان حاجات تهبل و ببلاش من الصين....دة من خبرتى المتواضعة

طيب ما اللي يعرف حاجه يعلمها لغيره هنا؟وشرح بالصور و كده

واللي عنده فكره لاي حاجه في البيت يكتبها

يعني طريقه سهله لعمل ستاره مثلا .او تجميل اي ركن في البيت .او اعادة استخدام اي حاجه قديمه في البيت بتجديدها ...كده يعني

تعرفي يا بركه ...انا فكرت اربي حمام هنا ...منها هوايه ومنها استفاده برضو .......لكن للاسف المشكله في المكان

في مصر كنت باربيه فوق السطوح لكن هنا :rolleyes:

فكرت اقفل البلكونه هنا بالسلك واربيه فيها .....بس خوفوني وقالوا لي اي حد هايشوفه هاتلاقي مش عارف هيئة ايه كده جايين لك ....فصرفت نظر عن الموضوع ده

كنت عاوزه اربيه واعمل منه اكتفاء ذاتي للبيت يعني .زي ما عملت الفسيخ كده :rolleyes:

بس للاسف الفسيخ طلع اسهل من تريبة الحمام

عموما مستنيه اشوف اقتراحاتكم ايه .يمكن فعلا انفذ حاجه منها .

تم تعديل 17 يناير 2010 بواسطة rewsha

[DIA ELDIN]

الزوجة المغتربة ...كائن منتج أم مستهلك أم ماذا ؟

كائن مستهلك!

[بركة]

موضوعك ده ياما فكرت فيه ودائما بوصل لنتيجة واحده .. احنا يابركه كمصريين .. اتربينا غلط ..

الوحده فينا مهما وصلت في تعليمها وثقافتها متربية على ان ملهاش غير بيت جوزها .. وتعمل ايه في بيت جوزها ؟ ( تحاجي عليه ) وتلم عيالها ( تحت جناحها )

موظفة بقى ولا ست بيت .. برا ولا جوا .. راضيه ولا مش راضيه .. هي دي الوظيفة الي اتربينا على اننا انخلقنا ليها .. وغصب عننا لازم نقوم بيها مهما كانت مشغولياتنا الاخرى والا هنكون .. مقصرين ..

نيجي بقى للراجل اتربى على ايه ؟

ابوك عمره ماشال عيل ..

مذاكرة الاولاد مسؤولية الهانم الي نايمه في البيت ..

تطلع البلكونه تنشر الغسيل ؟ يافضيحتي

وهلم جرا ..

والمشكلة اننا كسيدات وكرجال متربيين على ان الراجل هو الي المفروض يصرف على البيت وان الست تقعد كده حاطة رجل على رجل .. وللاسف الواقع ده نادرا مابيحصل وان حصل فالغالب ان الزوج مش هيسكت واي حاجه هتطلبها منه زوجته هيكون رده الواضح ( احمدي ربنا ) غيرك ( طافحه الدم ) وساكته انا لا بقولك هاتي ابيض ولا اسود ..

احلى حاجه وحده في مصر اعرفها ظروفهم الماديه سيئة جدا وبتشتكي لي من كثرة الابناء وقلة الدخل وازاي ان المذاكرة والتنظيف وتدبير ميزانية البيت كله على دماغها ( والبيه مروق ) يرمي لها المصروف اول كل شهر ويسيب الباقي عليها .. هي ست بيت طبعا ..

والثانية هنا في السعوديه في وظيفة مرموقه وماشاءا لله ( عملتهم ) دائما ماتندب حظها وتشتكي انها ليه ( مش متستته ) زي فلانه وعلانه الي على حد تعبيرها ( الدهب في ايديهم من هنا لهنا ) وباصين لنا في الراتب ..

تفتكروا مين من النموذجين هو الصح ؟ وتفتكروا برضه المشكلة عندهم جايه منين ؟

تفتكروا ان الراجل هو المسؤول عن الصرف والانفاق لوحده على البيت كله هو ده الصح ؟

وتفتكروا برضه شغل البيت وتربية الابناء والدروس ووو هي دي مسؤولية المرأه وبرضه لوحدها ؟

عن نفسي شايفه ان كل ده غلط وكل الي ( انزرع ) جوانا من واحنا صغيرين عن مسؤوليات كل زوج تجاه الآخر محتاج اعاده نظر ..

يتمسح من قاموسنا ويتحط الوضع الصحيح مكانه ... وايه هو الوضع الصحيح ؟ للاسف ده الي مش عرفاه لغايه دلوقت .. منا زيي زيكم للاسف كلنا .. اتربينا على كده فمنعرفش غير نفكر كده ..

بصراحة أنت قلتي الحكاية اللي كان نفسي أحكيها بس اكتفيت باني بدل ما أفنطها كده

أقول هنا اللي وصلت له بعد تفكير وتفكر في أحوال الستات اللي حواليا

والنتيجة اللي حبيت الكل يشاركني فيها طيب لا اللي اشتغلت مرتاحة

ولا اللي قعدت في البيت تشوف الترس بتاعها يلف يلف لما يتنحل وبره

بصراحة وجدت أن المرأة لابد لها من مزاولة نشاط بتحبه ويدر عليها دخل مهما كان صغير بس

بيبقى بجد له تأثير إيجابي عليها وعلى بيتها و زوجها وأولادها

وبيخليها تحس بتعب زوجها و أد إيه الفلوس مش بتيجي بالساهل

و بتبقى ( معذرة ) مخها كبير ومش فاضية للمشاكل الصغيرة ولا لأحلام اليقظة اللي المفروض على زوجها أنه يحققها لها لوحده !!

معلش...بس اللي جربت اللي بقولو ده هتقدر كلامي ..

هنا للاسف مافيش خيار أدامنا غير خيار التدريس في مدرسة أو دروس خصوصية جوا البيت

وده مش أي واحدة تقدر تعمله لو معاها أطفال محتاجين طولة بالها عشان يتعلموا كويس

الحقيقة السبب اللي خلاني أفتح الموضوع :

إني سمعت الدكتورة غادة الخولي في برنامج كلام من القلب الاربعاء الماضي بتقول

ان حل مشكلتنا يا مغتربات في السعودية ودول خليج في النشاطات الاجتماعية والندوات

والتجمعات النسائية اللي بيكون فيها مجال خصب للتعلم ومزاولة نشاطات حلوة ...

فحبيت نفيد بعض بتجاربنا لو حد كان له نشاط نافع زي كده .. :rolleyes:

[بركة]

طب والله انا كنت بعمل اكسسوارات حريمي من 11 سنة كده وكنت بتعامل مع محلات في مصر (الزمالك و المهندسين)

وكانت متعة كبيرة ..بس هنا الله المستعان السوق مليان حاجات تهبل و ببلاش من الصين....دة من خبرتى المتواضعة

طيب ما اللي يعرف حاجه يعلمها لغيره هنا؟وشرح بالصور و كده

واللي عنده فكره لاي حاجه في البيت يكتبها

يعني طريقه سهله لعمل ستاره مثلا .او تجميل اي ركن في البيت .او اعادة استخدام اي حاجه قديمه في البيت بتجديدها ...كده يعني

تعرفي يا بركه ...انا فكرت اربي حمام هنا ...منها هوايه ومنها استفاده برضو .......لكن للاسف المشكله في المكان

في مصر كنت باربيه فوق السطوح لكن هنا :rolleyes:

فكرت اقفل البلكونه هنا بالسلك واربيه فيها .....بس خوفوني وقالوا لي اي حد هايشوفه هاتلاقي مش عارف هيئة ايه كده جايين لك ....فصرفت نظر عن الموضوع ده

كنت عاوزه اربيه واعمل منه اكتفاء ذاتي للبيت يعني .زي ما عملت الفسيخ كده :unsure:

بس للاسف الفسيخ طلع اسهل من تريبة الحمام

عموما مستنيه اشوف اقتراحاتكم ايه .يمكن فعلا انفذ حاجه منها .

طب والله فكرتيني دا انت تعملي مشروع فسيخ في الخباثة وتكسبي دهب وكلنا نجيبلك زباين في الرياض

اما الحمام ده فده فضايح يعني هيبان هيبان ..

طب والله انت جبت التايهه اتوكلي على الله يا روشه يا ضنايا ( فسخاني الروشه ) أو ( فسيخ روش ) أو ( فسيخ ولا أروش ) :rolleyes:

[بركة]

الزوجة المغتربة ...كائن منتج أم مستهلك أم ماذا ؟

كائن مستهلك!

ماهو ده اللي عاوزة أقوله بردو

عايزينها تبقى منتجة و متفتحة و دماغها حلوة ..

[rewsha]

طب والله انت جبت التايهه اتوكلي على الله يا روشه يا ضنايا ( فسخاني الروشه ) أو ( فسيخ روش ) أو ( فسيخ ولا أروش )

بتتريقي يا بركه :lol:

طب بكره لما يقفوا على المحل بتاعي (قصدي على باب الشقه) بتاعتي بالطوابير علشان كيلو فسيخ واحد بس

ابقي شوفي مين هاينقذك من الطابور ده wst::

ده انا كنت ناويه كمان اعمل( Discount ) لاعضاء المحاورات

بس انت اللي جبتيه لنفسك :sad:

[fatfouta]

المهم ان كلنا متفقين على نفس الاحساس وهو انى عاوزة احس اننا بعمل حاجة او احس انى منتجة ذى مانتى بتقولى يا بركة

من اول ماجيت هنا وانا كنت دايما بحاول انى الاقى نفسى بمعنى انى اعمل حاجة بحبها واحس ان فيها عطاء منى للى حواليا لبيتى او لجوزى وولادى وحاولت كام مرة اشتغل وللاسف دايما ماينفعش لاسباب كتيرة الولاد والبيت والمواعيد

عارفة يا بركة كلنا عندنا احساس كده فى الغربة اننا مكتفين وكل ماتيجى تعملى اى حاجة لنفسك( ذى الشغل مثلا) انتى تلاقى نفسك تقولى طب والولاد والبيت هما ليهم حد هنا غيرى ....تقومى تتكتفى اكتر

امبارح كنت بتكلم مع واحدة عايشة فى مصر هى ست عندها بنت واحدة وبنتها عروسة دلوقتى وبتجهز عشان تتجوز .....الست دى طول عمرها وهى بتمارس هواية ليها (يدويا) وفى نفس الوقت بتكسب منها وقعدت تشجعنى لان انا وهى مشتركين فى نفس الهواية وقلتلى طب ماتعملى كده هناك عندك واكسبى من هوايتك...والله شجعتنى جدااا وقعدت افكر فى كلامها كتير بس المهم انك تلاقى التشجيع ده هنا (فى الغربة يعنى) لانك بتبقى لوحدك وممكن اللى حواليكى يحبطوكى او تخافى من المخاطرة وعوامل كتير اوى بتخلينا ذى ما قلتلك نرجع ونقول لا خلاص خلينا على اد الولاد والبيت وبس

فاكرة من حوالى سنة لما حضرتك عرفتى انى هشتغل رديتى عليا وقلتى ايه؟ حرام عليكى ولادك وبيتك وكل حاجة تهون عشانهم وكمان خايفة اقولك ان موضوع الدراسات العليا هنا مش هينفع اوى معاكى لاسباب كتير

انا معاكى انه احساس متعب جدا انك ديما تحسى انك مستهلكة بس هل فيه حل ؟

كلام ذهبية عجبنى جدا وكله صح لانك ممكن من هوايتك تستفيدى من كل النواحى حتى المادية بس المشكلة انى واحدة ذيك وذيى عايشين فى مجتمع مقفول شويتين يعنى الموضوع عاوز شجاعة منك وتشجيع من اللى حواليكى

وربنا معاكى ومعانا ولو لقيتى حل قوليلى عليه.........

ربنا يسعدك ويرضيكى يارب

[بركة]

روشة الغالية

والله مابتريق ياقمر دا أنابقولك هجيبلك زباين

طب والله بتكلم جد ويارب الموضوع بتاعك ده يبقى في دماغك فعلا :sad:

دا أنا هبقى سعيدة جدا جدا

[بركة]

فاكرة من حوالى سنة لما حضرتك عرفتى انى هشتغل رديتى عليا وقلتى ايه؟ حرام عليكى ولادك وبيتك وكل حاجة تهون عشانهم وكمان خايفة اقولك ان موضوع الدراسات العليا هنا مش هينفع اوى معاكى لاسباب كتير

انا معاكى انه احساس متعب جدا انك ديما تحسى انك مستهلكة بس هل فيه حل ؟

طب ما أنا بقول كده بردو اهو والله

عاوزين نعمل حاجة جنب الواجبات اللي عندنا عشان نبقى مرتاحين ومش حاسين بالذنب

" كلكم راع وكلكم مسؤل عن رعيته " صدق رسول الله صلى الله عليه وسلم

مسؤل : تعني سوف يسأل من الله عن رعايته لمن يرعاهم

" كفى بالمرء إثما أن يضيع من يعول " صدق رسول الله صلى الله عليه وسلم

والحل والله أعلم إننا ندور فعلا على إيه اللي ممكن نعمله

لي صديقة بتعمل كروشية وبتسوق لنفسها عن طريق منتدى متخصص وربنا كرمها الحمد لله

يللا كل اللي ناوية تعمل حاجة تقول واحنا نفطمها على اللي نعرفه .. :sad:

[عنبو]

هو ياجماعه شغل المرأه فى بيتها مش يعتبر شغل برده ولا ايه ؟؟

هو تربية المرأه لاودها ورعايتها ليهم مش يعتبر تحقيق ذات برده

هو نجاح الراجل فى عمله لان بيته مستقر مش يعتبر نجاح ليها برده ولا ايه ؟؟

ياجماعه مافيش احسن من توزيع المهام واذا كنتوا فاكرين ان الرجاله مرتاحه ورياقه بجد ممكن حضرتكم تتفضلوا تزرونا فى المواقع وتشوفوا قد ايه الشغل مقرف ومتعب مابين شغل وضغط وناس بتدى اسفينات فى بعضها وناس بتكره بعضها ..................الخ

اما عن الاحساس بالملل فده شىء موجود فى الغربه عموماً بدليل ان الناس الى شغاله حاسه بالملل ده برده

دمتم بخير

سلام

[rewsha]

روشة الغالية

والله مابتريق ياقمر دا أنابقولك هجيبلك زباين

طب والله بتكلم جد ويارب الموضوع بتاعك ده يبقى في دماغك فعلا :sad:

دا أنا هبقى سعيدة جدا جدا

مانا عارفه يا حبيبة قلبي انك بتهزري طبعا :lol:

وطلعتيها في دماغي بجد wst::

بس عاوزين ندرس الموضوع سوى ونشوف تكاليفه علشان نقدر نحدد سعر البيع للجمهور wst::

ونتفاوض على النسبه بتاعتك :wub:

هاديكي على كل زبون عدد واحد فسيخايه من الحجم الكبير

لحد المشروع ما يمشي كويس وهازود لك النسبه mfb: