عاوز اعمل مشروع

[joo]

ياريت لو حد عندة فكرة لمشروع صغير يعنى محل توكيل

ياريت لو حد عندة خبرة فى مجال التجارة او التوكيلات يفيدنا

[joo]

اية يا جماعة محدش عندة فكرة حلوة كدة دماغ الناس الحلوة فين

[novocaine]

اتقل شوية....زان شاء الله هتلاقي اللي يفيدك.المنتدي هنا في ناس كتير ممكن تفيدك

[se_ Elsyed]

شوفت بقى يا جو مين بيُأجج نار الفتنه

هههههههههههه

في كذا موضوع في باب التعليم والعمل عن أفكار لمشاريع ... دعبس كده وهاتلاقي حاجات خلاصة يا معلم ...

وكمان في الباب من فوق جنب الأُكره هاتلاقيني مثبت موقع كنانه اون لاين

زوره ... وأبقى شوفني بحاجه لما البليه تلعب معاك

[joo]

شوفت بقى يا جو مين بيُأجج نار الفتنه

هههههههههههه

في كذا موضوع في باب التعليم والعمل عن أفكار لمشاريع ... دعبس كده وهاتلاقي حاجات خلاصة يا معلم ...

وكمان في الباب من فوق جنب الأُكره هاتلاقيني مثبت موقع كنانه اون لاين

زوره ... وأبقى شوفني بحاجه لما البليه تلعب معاك

انت تأمر يا با شا

[joo]

:closedeyes: :blush2: :unsure:

:sad: :lol: :lol:

[Ahmed Anwer]

طب ممكن تقول لنا راس المال المتوفر أد أيه

و خبراتك السابقة و مجالك دراستك أو شغلك أو اللي بتحبه أيه

[joo]

انا بكالوريوس تجارة وبشتغل مدير تسويق

وزهقت من حوادث الطرق اللى على الدائرى ونفسيتى تعبت كل يوم بشوف اموات وبنعمل 50 حادث فى اليوم زهقت

[ssmaly]

شوف ياسيدى

اسالك شوية أسئلة

اولا امكنياتك ايه؟(ماتخفش مش حألبك)

يعنى عندك محل مثلا

بالنسبة لرأس المال اللى انت راصده للمشروع تقريبا كام (كدة تبقى فيها نصبة)

هل عندك موهبة معينة او حرفة تجيدها او مهنه متخصص فيها؟

المشروع ناوى تعمله فين فى مصر ولا بره مصر؟

وبعدين ممكن نتكلم

[joo]

شوف ياسيدى

اسالك شوية أسئلة

اولا امكنياتك ايه؟(ماتخفش مش حألبك)

يعنى عندك محل مثلا

بالنسبة لرأس المال اللى انت راصده للمشروع تقريبا كام (كدة تبقى فيها نصبة)

هل عندك موهبة معينة او حرفة تجيدها او مهنه متخصص فيها؟

المشروع ناوى تعمله فين فى مصر ولا بره مصر؟

وبعدين ممكن نتكلم

معنديش محل معايا حاليا 20 الف عندى موهبة الرسم والنحت على الخشب بس مينفعش اعمل بيهم حاجة

تم تعديل 20 يناير 2010 بواسطة joo

[الباشمهندس ياسر]

معنديش محل معايا حاليا 20 الف عندى موهبة الرسم والنحت على الخشب بس مينفعش اعمل بيهم حاجة

مين قال

انت ممكن تستخدم موهبتك الفنية علي الخبرات بتاعتك ف المبيعات و الجو ده

و تعمل منتجات كويسة تباع بالقطعة للسياح

انا اعرف ان فيه قطاعات من الخواجات بيهتموا اوي بالاعمال اليدوية

منحوته خشبية او نحاسية و الجو بتاع خان الخليلي

ربنا يوفقك

[joo]

كلامك معقول يا ياسر بس المشكلة فى التسويق لان فى ناس متخصصة فى الحاجات دى ومسيطرة على السوق وممكن لو رحت اسوق الحاجات دى مثلا فى خان الخليلى محدش هيهتم لانهم بيتعاملو مع بتوع جملة ولو حتى فكرو يخدو منى هيخسفو بتمنها الارض لان شغلى هيبأ هاند ميد والحاجات دى لو متأ درتش كويس هحس انى مجهودى راح على الارض

اية رايك ؟

هو الموضوع دخل دماغى بس متردد

[الباشمهندس ياسر]

انت كده بدات تفكر ف الحوار و تطرح اسئلة ... يبقي نحكي بقي

بس يا جو

انت ببساطة تامة شغال شغلانة انتاجها بالقطعه ... مش شغال ف حاجة نتكلم فيها عن الbatches او mass productio

يعني حوارك كله يعتمد علي مدي جودة المنتوجة

لازم تطلع حتة حكاية

كل ملي فيها بيقول بيت شعر

هو ده مربط الفرس بتاعها

انك تنتج حتة تنافس بيها الاسطوات التقال اوي بتوع الصنعة

و عشان كده انا انصحك انك تنزل تتمشي كتير اوي ف الانتكخانة و تبص ع الشعل ده

و مفيش مانع انك تحاول تزور الورش دي و تشوف الناس دي بتعمل ايه

خلي بالك

لو عرفت تجمع بين الموهبة و التفكير العلمي

صدقني هتعمل حاجة حلوة اوي

[joo]

كلامك خلانى متفائل وهفكر فية بجدية

تم تعديل 20 يناير 2010 بواسطة joo

[الباشمهندس ياسر]

كلامك خلانى متفائل وهفكر فية بجدية

شد حيلك و بالتوفيق

[ssmaly]

كلام جميل انت معاك موهبة تساوى ملايين

انت ممكن تقوم بعمل مجموعة من الاعمال وبعد ذلك تؤجر مكان صغير فى اى مول محترم وتبيع اعمالك مباشرة وليس خلال تاجر جملة

[joo]

خلى بالك الموضوع مرهق جدا جدا

وكمان عارف ايجار محل فى مول يساوى كام ؟؟؟؟؟؟؟؟

لو حد عندة فكرة جديدة يقول؟

]لانى لما سألت عرفت انهم بيسترخصو الصينى وانتم عارفين ان الصين مخلتش حاجة للمصريين

علية العوض ومنة العوض

تم تعديل 21 يناير 2010 بواسطة joo

[الباشمهندس ياسر]

طب ايه رايك

نعمل شركة تعبئة مواد غذائية

و نبعت نجيب سكر و ارز و عدس و كل الخامات دي و نشتغل سوا يا نجم

و نبقي شركا

[joo]

انا فكرت فى الموضوع دة زمان بس وجدت انك لازم يكون عندك مكان مناسب يوافق علية بتوع التموين ولازم تجيب رخصة ومعدات ولازم موافقة الصحة

وموال كبير احنا مش ادة

[الباشمهندس ياسر]

طب زود راس المال شوية و انا اضبطك علي كار زي الفل