عاوز اعمل مشروع

[ahmos1]

انت كده بدات تفكر ف الحوار و تطرح اسئلة ... يبقي نحكي بقي

بس يا جو

انت ببساطة تامة شغال شغلانة انتاجها بالقطعه ... مش شغال ف حاجة نتكلم فيها عن الbatches او mass productio

يعني حوارك كله يعتمد علي مدي جودة المنتوجة

لازم تطلع حتة حكاية

كل ملي فيها بيقول بيت شعر

هو ده مربط الفرس بتاعها

انك تنتج حتة تنافس بيها الاسطوات التقال اوي بتوع الصنعة

و عشان كده انا انصحك انك تنزل تتمشي كتير اوي ف الانتكخانة و تبص ع الشعل ده

و مفيش مانع انك تحاول تزور الورش دي و تشوف الناس دي بتعمل ايه

خلي بالك

لو عرفت تجمع بين الموهبة و التفكير العلمي

صدقني هتعمل حاجة حلوة اوي

هو صحيح فين الانتكخانة دى - شكرا

[الباشمهندس ياسر]

الانتكخانة .. مصطلح مقصود بيه محلات الانتيكا

و تلاقيها ف اماكن تواجد السياح

و تلاقيها ف الجاليري

تمام

[الباشمهندس ياسر]

ها يا جو

لسه مرستش علي حاجة ...؟؟؟

طب اقولك

اشتغل ف السيارات

هات السيارات اللي طالع عنيها و شدها و بيعها هتلاقي نفسك بتصرف وقت كتير ف متابعة الصنايعية و اللف ع التراخيص و الورق

و بعد كده هتخسر فيها برده

بص يا جو

م الاخر

انت تهاجر و لما تطلع هناك ابقي ابعتلي عقد عمل و اعمل عليا كفيل يا عم

[rewsha]

ممكن اشور عليك بمشروع بس من غير ضرب؟؟؟؟

وفي حدود امكانياتك wst::

بص ....

الحاجه الوحيده اللي تمشي وتكسب في مصر وماتخسرش .....هيه الاكل ....لاْن الناس لازم تاْكل ومش هاتبطل اكل

انت ممكن تعمل محل فول وطعميه .والله باتكلم جد

انت تاْجر محل في مكان فيه مدارس اومنطقه سكنيه شبه شعبيه

انت هاتتعب شويه مع الصنايعيه اللي هايمشوا لك المحل في الاول .لكن صدقني هاتكسب منه دهب

بس خلي بالك هاتتعب في ادارة المشروع لاْنه بيحتاج صحيان بدري واشراف على تسوية الفول وكده .كمان علشان الصنايعيه هايلعبوا بيك في الاول لاْنك ماعندكش خبره بالمشروع

لكن اصبر واشتري منهم وسايسهم لحد ما تعرف كل حاجه عن المهنه

وربنا يوفقك

وبعد كده ممكن المحل اللي انت ماْجره يبقى مللكك وتشتريه ويبقى ملكك مش ايجار

انا عارفه ان معاك بكالريوس تجاره قد الدنيا ....بس الدنيا عاوزه كده

مش لازم تشتغل بمؤهلك

[jasmin hamed]

انا عندى فكره مش عارفه محلها من الاعراب

انا فاكره انو فبه قريب لحضرتك فى الامارات . فيه محالات فى المارات بتبيع حاجات رخيصه يعنى علب مكياج ب 5درهم و مجات و شنط حريمى برفانات دباديب بتهايئلى فى من الحاجات ديه حاجات لو نزلت مصر تتباع باسعار معقوله يعنى الى ب5 درهم ممكن يتباع ب15 جنيه مثلا فى مكاتب التصوير المهم تتفق مع كام مكتب تصوير ولا محلات اكسسورات على توريد الحاجات ديه ليهم

فكره ممكن تكون غير قابله للتنفيذ

[sarmar]

تسمح لى ان ادلى بدلوى ربما يفيد

المبلغ الذى تملكة فى عالم التجارة ولايجيب لب بس اعتقد انك ممكن تضيف لة امكانيات خاصة بك انت

انت رجل متعلم ولبق ومن خلال المحاورات تبين انك محبوب من الجميع تقريبا

لك خبرة كمدير تسويق ومعنى ذلك انك كنت مندوب تسويق وبيلفها من شمالها لجنوبها مما يتيح لك مساحة اكبر من التعارف بنوعيات كثيرة من الناس وعلاقاتك جيدة

استغل خبرتك فى المنتج او المنتجات التى تقوم بتسويقها وابدأ بنشاطك من خلال حتى على اضيق الحدود او من خلالها او مساندة او مساعدة على المنتج نفسة كصيانة او توريد قطع غيار او تعتبر نفسك ديلر ( موزع ) طبعا كلامى عام جدا لانى لااعرف اى منتج كنت حضرتك تسوق لة يعنى ؟؟ اختار مايناسبك والافكار للمشاريع كثيرة جدا ومختلفة المستويات وشخصية من يعمل بالتسويق بيكون عندة استعداد نفسى لقبول اى وضع جديد

وارجو من جميع الاخوة ان يستمر التواصل نحو هذا الموضوع حتى تتم الافادة الكاملة لمن يرغب فى ذلك واعتقد بصفة شخصية ان هذا الموضوع من اهم المواضيع التى يجب ان تستمر

( ياباشمهندس ياسر انت ناسى انك على كفالتى ههههههههه )

[الباشمهندس ياسر]

طب بمناسبة اللب

قاعد مع واحد من تجار اللب ... و قالي ان الطن بتاع اللب الابيض وصل ف موسم مرة لغاية 28000 جنيه ف الجملة

يعني صباح اللب الابيض يا معلم

***********************************

طب ما تعملي فيزا حرة يا عم سارمر و اعملك شهرية تمام ... ولا تحب تخش معايا بالنسبة wst::

[الباشمهندس ياسر]

لقيتلك مشروع تمام و هينفع بالعشرين باكو بتوعك

تدفع كام و اقولك عليه

و ربنا المعبود لسه عارفه من ساعتين تلاتة بالكتير

[joo]

لقيتلك مشروع تمام و هينفع بالعشرين باكو بتوعك

تدفع كام و اقولك عليه

و ربنا المعبود لسه عارفه من ساعتين تلاتة بالكتير

هو كل حاجة لازم ادفع فيها كدة 000 واللة لئول لأمى00 مش لاعب مش لاعب معاكو تانى

[الباشمهندس ياسر]

كل ده عشان متعزمناش علي سينابونيه في سيتي ستارز

و الله هجيب عنبو و فخراني ( ربنا يرده بالسلامة ) و كل شباب المنتدي و ادفعك انت

[joo]

طيب خد دول 00 ومتأولش لحد

تم تعديل 1 مارس 2010 بواسطة joo

[se_ Elsyed]

على فكرة يا جو

أنت لازق أعلان بيع الشقة بتاعتك اللي في شارع العشرين على سور القطر بتاع السويس اللي بيعدي من جنبكم ؟

والله باتكلم جد .. أنا لسه شايفه من 3 ايام ولا دي شقة تانيه في زهراء عين شمس برضوا ؟

------------------

خد بقى حتة المشروع المحندق ده واللي في الجون وربحه معقول قوي ...

بغاشه يا معلم

إنت تجيب عربية van ... وتعرف عناوين المصانع والحركات بتاعت الشيبسي والبسكوتات ... وتأجر لك أي شقة دور أرضي او اي محل إيجار جديد في أي منطقة وتعمله مخزن

وتشتري من الشركات دي بالجُملة وتوزع على البقالات والسوبر ماركت .. وانا أضمن لك من دلوقت مكسب لا يقل عى 300 ج يومياً يا ريس وممكن كمان تشغل معاك واحد في البداية

الفان بتديلك حرية تحرك اكتر وهاتزور اماكن اكتر

وكمان مصر مبدورة بقالات دلوقت وكتير من اصحاب البقالات ما بيلاقيش وقت أو فرصة يروح محل الجملة يشتري أحتياجاته وبالتالي أنت هاتوصل له بنفسك

واهم نقطة في الليلة دي كلها أن البيع كاش وتوتو على كبوته ... ما فيش فيها تهريج

حصل موقف ظريف قوي ...

انا راكن العربية بقى لي ييجي 3 شهور ... جيت ادورها .. كل سنة وأنت طيب ما بتدورش .. كنت راكنها قدام بيت اختي في حي السفارات بمدينة نصر ... المهم دورت على كهربائي يديني وصله وده في العماير اللي قبل عمارات الشرطة اللي هناك ..

أنا صُعقت يا جماعه .... مثلاً حوالي 30 عمارة جنب بعض ... بدون مبالغة لا يقل عن 40 سوبر ماركت جنب بعض

أول مره في حياتي أشوف عمارة أو مبنى فيه 3 محلات جنب بعض بنفس النشاط

نفسي حد يكون قريب من هناك ويروح يعدهم بنفسه

بيتهيألي أن دي اكتر منطقة في العالم فيها بقالات

يعني بإذن الله السبوبة دي هاتبقى نضيفه وأتوكل على الله

[الباشمهندس ياسر]

كلامك حلو و متنقي

بس السيولة اللي موجوده كلها 20 باكو

حلها بقي يا معلمي

[الباشمهندس ياسر]

تصدق بالله

لسه واخد بالي م الصورة

و ربنا فالك فال الخير يا جو

هتفرج عن قريب ان شاء الله

[من بعيد]

ايه رأيك انك تأجر مكان وتجيب بنتين او تلاته بيعرفوا يطبخوا كويس وتعمل وجبات توصيل للمنازل واعتقد ان المبلغ اللى معاك ممكن يوفى بالغرض وعمليه التصاريح والكلام ده ممكن تمشى فيها وهتخلصها منها مداريه عن العيون ومنها انها فى مكسب عالى وعليك وعلى الاعلانات توزعها على الموظفات فى اماكن تواجدهن

وتبدأ الاول باسعار فيها هامش ربح صغير وبعدين بعد كده هتشوف

بس الحاجات دى عايزه صبر واصرار

[ابو محمود]

بص ياجو ال20 باكو دول 100 % ينفعوك فى التجارة عايزهم يضيعو صنع او اشتغل بيهم فى صناعة ؟

فى تجارة منتعشة دلوقتى ادوات التجميل ممكن يا باشا يربط على محلات التجميل والحلاقة وتوزع لهم كريمات وأدوات تجميل

هتقولى منين اقولك بس انت فكر وخلى الباقى على الله وانا ان شاء الله هعرفك سوق كبير زى مغارة على بابا تشترى منة وكام شهر ويبقى معاك 30 باكو وتلعب البلية وانا يا عم مش عايز منك حاجة غير انك تدعيلى كل يوم الصبح وانت نازل تقبض الفلوس ههههههههههههههههههه

[حسام يوسف]

بص يا عم جو

ان شاء الله ربنا هيكرمك قريب بالسي اس كو

استني عليهم أو زودهم شوية اللى معاك لما تروح كندا

يمكن هناك الرقم ده مش هيكمل 4000دولار

لكن هناك جو الاستثمار أأمن

وممكن كمان تاخد عليه مساعدات وجهات تديلك مشورة كويسة

وربنا يوفقك :lol:

[محمد الششتاوي]

انت لو بترسم كويس

كويس كويس يعني,, ممكن تعمل لوحات وتبيعها

ومش محتاج راس مال تقريبا

وعلى حسب رسمك ممكن تكسب كويس قوي

ولو بترسم نص نص فيه مجال برده بس ضعيف

تم تعديل 2 مارس 2010 بواسطة محمد الششتاوي

[se_ Elsyed]

أهو ده اللي بأخاف منه

جو من ساعة ما لعبت معاه لا بقى يدخل المنتدى ولا عاوز يعرفنا حتى ...

ماشي يا زمن

عالعموم لو عاوز تبقى زي طلعت مصطفى يا جو أدخل عاللنك ده

http://www.egyptiantalks.org/invb/?showtopic=96993

لأ ما تفهمنيش غلط

تبقى زيه في غناه يعني مش في الحاجات التانية والدم

[joo]

يا عم س س لا لعبت ولا حاجة انا بس بسمع منكم وبفكر هعمل اية

علشان كدة مش لاقى كلا م اقولة بس انا فرحان جدا انكم بتشاركونى افكارى

متحرمش منكم ابدااااااااااااا