متابعة كأس الأمم الأفريقية - انجولا 2010

[سكر]

مصر ماشيه بقاعدة ثابته

لما تخاف تكسب

ولما تفرح تخسر

عايزين ناجل الفرح الى يوم الاحد

[أبو محمد]

وفازت مصر 7 - صفر

أربعة أهداف كروية كل هدف فيها أجمل من الآخر :rolleyes:

وثلاثة أهداف أخلاقية كل هدف فيها يلقم حجرا لمن كان يشكك فى الظروف - غير العادية - التى أحاطت بالفريق "المصرى" فى أم درمان ويسخر منها :rolleyes:

هذا الفريق "المصرى" .. يستحق التحية واستقباله بفخر .. وذلك للدرس الذى ألقاه فى أنجولا عن الروح الرياضية .. وأخلاق الرياضة :rolleyes:

هذا الفريق "المصرى" يستحق التحية ، والفخر به .. سواء فاز بالبطولة أو لم يفز :rolleyes:

[ابو حودة]

بنجيلا (أ ف ب):

اكد مدرب المنتخب الجزائري رابح سعدان ان الحكم البنيني كوفي كودجا "أفسد" المباراة بين فريقه والمنتخب المصري ضمن الدور نصف النهائي للكأس القارية مشيرا الى ان طرد المدافع رفيق حليش كان "مخططا له من قبل".

من عندي انا

دي بقى حجة البليد

[msayed]

الحمد لله الحمد لله

المرة دى رجالتنا كانوا على مستوى الحدث

وإعلاميينا ومذيعينا كانوا على قد الحدث أيضاً، ألقموا جريدة الشروق وأتباعها حجر مولع بأدبهم وصبرهم على الإفتراء وعدم الفجور فى الخصومة.

الآن اكتشف كل المحترمين مين هو المحترم.

وفريقنا كان مثال للأدب والتسامح المعروف عننا المصريين.

والحكم كان عادل، كشف همجية وغل الفريق الجزائرى.

تم تعديل 29 يناير 2010 بواسطة msayed

[الغريب]

والله ياجماعة أنا كنت متوقع الآداء الرائع ده في ماتش السودان بس للأسف لأن المنتخب كان تحت تهديد السلاح مقدرش يأدي أداءه الجميل اللي تعودنا عليه وبصراحة العيب مش عليهم العيب على الاتحاد اللي أختار السودان ، كان المفروض يختار دولة بعيدة علشان نلعب معاهم فيها كوورة وبس ، هنقول أيه قدّر الله وما شاء فعل

[engmido]

بفضل الله وحوله وقوته

تم النصر .وهذا هو النصر الكامل ...النصر العزيز المؤزر

النصر كامل من عدة اوجه

لعبا ونتيجة .واداء وذل وكل حاجة...ورد على المشككين فى احداث السودان ...وان اللاعبين لم يكونوا مهددين ولا غيره

الحمد لله ربنا ميرضاش بالظلم

ده احنا المفروض نصعد كاس العالم بالتزكية

[سكر]

مينفعش اى فرقه تعتذر عن كاس العالم

ومصر تدخل بدلها

كل شى ممكن

[engmido]

الله اكبر الله اكبر ولله الحمد...............نصر عبده

الحمد لله على نعمة النصر

الحمد لله على نعمة رد الاعتبار واظهار الحقيقة

ربنا اسمه العدل

الحمد لله على نعمة الاسلام وكفى بها نعمة

قولوا جميعا الحمد لله ( لعبا ونتيجة واداء وذل وبهدلة وتقسيم ورد اعتبار وكلــــــــــــــــــــــــــــــــه)

احنالمفروض نصعد كاس العالم بالتزكية ....والله

[engmido]

ا/زهيرى ياريت تتشائم الماتش الجاى عشان نكسب

ههههههههههههههه

[msayed]

آخر تعليق سمعته

نحيط علم سيادتكم

بأنه تم تغيير اسم مدرب المنتخب الجزائرى

من رابح سعدان الى خاسر حزنان

ايه راْيك طيب في

خاسر وكساااان

لأ كده بقى مش كويس، الراجل ده ماصدرش منه فى حقنا أى عيبة على قد علمى.

وأذكركم بحديث رسول الله صلى الله عليه وسلم الذى قال فيه أن من علامات المنافق -أعاذنا الله كلنا- "إذا خاصم فجر".

فلنفرح إلى أقصى مدى ولكن لا نجعلها مباراة فى التطاول على غيرنا مهما كان فما فعله اللاعبون المصريون انهم كانوا مؤدبين فى الملعب فكشفوا قلة أدب بعض المنافسين ولو قلوا أدبهم لتساوينا معهم.

وقد نلنا إحترام العالم بأدبنا وإلتزامنا الروح الرياضية أثناء المباراة فلا نخسرها بعد المباراة.

ومن المروءة أن نقدر منافسنا طالما المنافس كان محترماً معه، أما عديم الإحترام فله تعامل آخر.

وإللى مش مقتنع بكلامى يجيب أى تصريح للرجل يستحق عليه الإهانة.

تم تعديل 29 يناير 2010 بواسطة msayed

[msayed]

مينفعش اى فرقه تعتذر عن كاس العالم

ومصر تدخل بدلها

كل شى ممكن :)

تعتذر إيه يا عم

المفروض قرار من الفيفا إن نيجيريا والكاميرون والجزائر -وإن شاء الله غانا- ما يروحوش كاس العالم

ومصر هى إللى تروح بدالهم :sad:

ده أقل فريق فيهم واخذ ثلاثة

ده لمصلحة كاس العالم

تم تعديل 29 يناير 2010 بواسطة msayed

[سهران]

الحمد لله ... فضل من الله و نعمة .

الواحد كان يقرا المقالة من دول في جرايدهم كأنه أخد طعنه في قلبه .

عمري ما شفت بشر كدة ... قدرة خيالية على الكذب و البهتان .

في النهاية لا يصح الا الصحيح ... فضيحتهم بجلاجل كورة و أخلاق ... قصدي لا كورة و لا أخلاق .

كل ما الواحد يقرب يفقد الأمل يلاقي حاجة بسرعة تخلينا نفتخر أننا مصريين و ان شاء الله الخير فينا بس ناخد الفرصة .

ألف مبروك لكل اللي فرحولنا و لكل المصريين . [/ :closedeyes: :sad: wst:: bv:-

تم تعديل 29 يناير 2010 بواسطة سهران

[د هشام ابراهيم]

مقدر و مكتوب .....الجزاير ما كنتش حتطلع من الأدوار الأولانية إلا بالحسبة الغريبة بتاع اللجنة المنظمة و ما كانش متوقع يعدو كوت دفوار و مفروض داخلين ماتش مصر و معنوياتهم مرتفعة .....إيه اللي يخليهم يتصرفوا بكل البلطجة و العنف ده ......زي ما قال القدير الخطير أبو محمد .....٤ أهداف كروية و ٣ أهداف أخلاقية ......هزيمة مذلة بكل المقاييس

دروس مستفادة يا رب حد يتعلم منها

[الأقصرى]

والله ياجماعة أنا كنت متوقع الآداء الرائع ده في ماتش السودان بس للأسف لأن المنتخب كان تحت تهديد السلاح مقدرش يأدي أداءه الجميل اللي تعودنا عليه وبصراحة العيب مش عليهم العيب على الاتحاد اللي أختار السودان ، كان المفروض يختار دولة بعيدة علشان نلعب معاهم فيها كوورة وبس ، هنقول أيه قدّر الله وما شاء فعل

معك حق كنت بشوف الماتش فى حضور 6 مهندسين سودانين كان منهم خمسه بيشجعوا الجزائر ولما النتيجه بقت 2 صفر اربعه منهم مشيوا من غير كلمة مبروك

لازم نعيد النظر فى قصة العروبه دى اللى محملانا فوق طاقتنا وفى الاخر مكروهيين من اللى يسوى ومن اللى يسواش ولا عمره حيسوى اساسا

[سهران]

مبرووووووووووووووووووووووووووووووووووووووووووك

[عنبو]

عدنا

اولاً انا اتفرجت على الماتش فى قهوه شعبى زى قهاوى مصر عاملين شاشة عرض كبيره فى الساحه اللى قدام القهوه والكل قاعد فيها بالظبط كأنك فى الاستاد

كنت قاعد جنب واحد سعودى لقيته بيقولى ان شاء الله هتكسبوا والله هيجيب الاجوال بركات وعمرو ذكى وابوتريكه وميدو

اول جول قلى بص ده عمرو ذكى قولته تمام وهكذا بس طبعاً ضحك وفرحه مافيش بعد كده

الغريب بقى كان فيه قله من السعودين معانا بيشجعوا الجزائر بس الاغلبيه العظمى كانوا بيشجعوا مصر الله الوكيل وكانوا فرحانين زينا

بس القله دى كان فيه منهم عيال راسمين علم الجزائر على وشهم وبعدين احنا طبعاً بعد الجول الاول والتانى قعدنا نقول قاعدين ليه متقوموا تروحوا

العيال خافت وسبحان الله بدأت تشجع مصر وخصوصاً مع جول عبدالشافى لقيت العيال طاروا فى الهوا من الفرحه

اخوانا المصريين بقى طبعاً العيال قلعوا بالفلانين والشورتيات وشالوا كرسى وعليه واحد وكان فيه واحد معاه طبله وهات يرقص

وطول المباراه المصريين اهم اهم اهم

عاوز تهدوا هاتلواا جدو عاوز تغيظوا هاتلوا زيزو

ويلى على الترعه حود على الشارع

اغرب حاجه فى اول الماتش لما الاعب الجزائرى اخد انذار احمر ففيه واحد سعودى بيشتمه لقيت واحد بيقوله اسكت اسكت وكانوا هيمسكوا فى بعض قولت يمكن جزائرى بس الغريبه انه طلع مصرى ويظهر انه كان فاكره بيشتم مصر بس الاعصاب كان مشدوده قووى

يعنى لو واحد قال الله اكبر جزائرى عميل هتلاقى الناس كلها عليه بدون تفكير بجد

خلص المباراه وطلعنا على الكورنيش طبعاً حاجه تانيه خالص كأنك فى مصر بالضبط العربيات بقى والاعلام

انا بجد فرحت قوى فى الناس اللى كانت بتشجع الجزائر مش حب فى الجزائر ولكن كره فى مصر

على العموم واحد سعودى بيقولى انتوا شعب بيتعملوا للحياه طعم فعلاً مافيش حد يفرح ولا يحزن زينا

[president]

والله الواحد اول ماشاف المشجعين الرجاله بتوعنا الواحد انشكح جامد ...

وأول ماشفت الوحش اللى كان لابس أصفر وبيضرب على الطبله الواحد قلبه رفرف والله ...

وياسلام بقى لما شفت الأسدين اللى طلعوا مع ابراهيم حجازى بعد الماتش ....

اهم دول بقى الرجاله بتوع مصر اللى يفرحوا بجد ... مش شوية العيال السيس اللى ملهموش فيها ...

ربنا يديم عليكى رجالتك يامصر ...

باقى على الحلو خطوه ان شاء الله ..

[ابوهنا]

احنا بقى ياريس فى مدينه صغيره حوالى 350 كيلوا جنوب جده

عندنا شاشه كبيره فى المستوصف اللى انا شغال فيه

اجتمعنا المصريون العاملون فى المستوصف وكنا حوالى 20 واحد وجالنا حوالى 20 واحد من بره

وبعد المباراه ياريس خرجنا بالسيارات وسهرنا للساعه 3

والله فرحنا

انا شفت الماتش لحد دوالوقتى 3 مرات ودالوقتى قاعد باشوف الرابعه

ربنا يديم علينا الفرحه

[ozoozo]

احنا بقى ياريس فى مدينه صغيره حوالى 350 كيلوا جنوب جده

عندنا شاشه كبيره فى المستوصف اللى انا شغال فيه

اجتمعنا المصريون العاملون فى المستوصف وكنا حوالى 20 واحد وجالنا حوالى 20 واحد من بره

وبعد المباراه ياريس خرجنا بالسيارات وسهرنا للساعه 3

والله فرحنا

انا شفت الماتش لحد دوالوقتى 3 مرات ودالوقتى قاعد باشوف الرابعه

ربنا يديم علينا الفرحه

انت في اي بلد

في القنفذه؟؟

[mandoo]

عدنا

اولاً انا اتفرجت على الماتش فى قهوه شعبى زى قهاوى مصر عاملين شاشة عرض كبيره فى الساحه اللى قدام القهوه والكل قاعد فيها بالظبط كأنك فى الاستاد

كنت قاعد جنب واحد سعودى لقيته بيقولى ان شاء الله هتكسبوا والله هيجيب الاجوال بركات وعمرو ذكى وابوتريكه وميدو

اول جول قلى بص ده عمرو ذكى قولته تمام وهكذا بس طبعاً ضحك وفرحه مافيش بعد كده

الغريب بقى كان فيه قله من السعودين معانا بيشجعوا الجزائر بس الاغلبيه العظمى كانوا بيشجعوا مصر الله الوكيل وكانوا فرحانين زينا

بس القله دى كان فيه منهم عيال راسمين علم الجزائر على وشهم وبعدين احنا طبعاً بعد الجول الاول والتانى قعدنا نقول قاعدين ليه متقوموا تروحوا

العيال خافت وسبحان الله بدأت تشجع مصر وخصوصاً مع جول عبدالشافى لقيت العيال طاروا فى الهوا من الفرحه

اخوانا المصريين بقى طبعاً العيال قلعوا بالفلانين والشورتيات وشالوا كرسى وعليه واحد وكان فيه واحد معاه طبله وهات يرقص

وطول المباراه المصريين اهم اهم اهم

عاوز تهدوا هاتلواا جدو عاوز تغيظوا هاتلوا زيزو

ويلى على الترعه حود على الشارع

اغرب حاجه فى اول الماتش لما الاعب الجزائرى اخد انذار احمر ففيه واحد سعودى بيشتمه لقيت واحد بيقوله اسكت اسكت وكانوا هيمسكوا فى بعض قولت يمكن جزائرى بس الغريبه انه طلع مصرى ويظهر انه كان فاكره بيشتم مصر بس الاعصاب كان مشدوده قووى

يعنى لو واحد قال الله اكبر جزائرى عميل هتلاقى الناس كلها عليه بدون تفكير بجد

خلص المباراه وطلعنا على الكورنيش طبعاً حاجه تانيه خالص كأنك فى مصر بالضبط العربيات بقى والاعلام

انا بجد فرحت قوى فى الناس اللى كانت بتشجع الجزائر مش حب فى الجزائر ولكن كره فى مصر

على العموم واحد سعودى بيقولى انتوا شعب بيتعملوا للحياه طعم فعلاً مافيش حد يفرح ولا يحزن زينا

يابختك ياباشا .... فعلا جده غير .... تخيل ياعنبوا وصلنى كمية رسائل رهيبة .... الشعب المصرى ده مش ممكن ... أى حاجة تحصل تلاقى النكت نازله ترف ...وآخر نكته

عملوا تحليل منشطات لحليش ... لقوا عنده ((( زييييداااااان ))))

رايحة فين ياخضرا رايحة أتعلم كورة

جايه منين ياخضرا جاية من أنجولا

تخيل ياعنبوا بعد مابهدلناهم وعقدناهم .... يقولوا إننا إشترينا الحكم ... بالله عليك مش خيبة .... هو إحنا لاقيييين ناكل علشان ندفع رشوه .... وياسلام بقى لو لعيبة مصر سجلوا دستة أهداف ... ولا هى الرشوة كانت لأربعة أهداف ...

مبروووك لمصر وعقبال النهائى .... مش عارف ليه مش متفائل بعد الفرحة الكبيرة دى .... ربنا يستر ...

ولما نشوف يوم السبت الخضرا حتعمل إيه مع نيجيريا .... وسمعت إن روراوه حيحكم المباراة ....هههههه