متابعة كأس الأمم الأفريقية - انجولا 2010

[حمدي العسال]

ياجماعه مش كل واحد عمل انجاز نتفاجأ بيه عاوز يرشح نفسه رئيس لمصر زى الدكتور البرادعى الناس اللى معاه عاملين هليله على مواقع النت علشان يرشحوه رئيس وانا واصحابى هنعمل هليله علشان عاوزين المعلم والاب والقائد حسن شحاته يرشح نفسه لرئاسة الجمهوريه مع انى عارف انه هيرفض لانه معندوش استعداد يخسر 80 مليون مصرى انا متأكد انهم بيعشقوه لانه الوحيد اللى جاب الفرح والسعاده والحب ووزعهم على ال 80 مليون مصرى بالتساوى ربنا يزيد افراحنا كمان وكمان

[طبيبة مصرية]

احلى كاريكاتير شوفته عن البطولة

انتهى الدرس يا غبى

[طبيبة مصرية]

اجمل صور البطولة

[الأقصرى]

مقاين ممتازين بجريدة الشرق الاوسط

http://www.aawsat.com/leader.asp?section=7...p;issueno=11389

http://www.aawsat.com/leader.asp?section=7...p;issueno=11389

[engmido]

ياسلام الفرحة حلوة

[أبو محمد]

ومقال جميل من الكويت ..

وافرحوا يا حبايب لفرحنا

2 فبراير 2010:

عبدالله الفضلي

--------------------------------------------------------------------------------

استطاع عبقري منتخب أحفاد الفراعنة، المعلم حسن شحاتة، أن يصنع ما يشبه المعجزة في كأس أمم إفريقيا في أنغولا، إذ أنجب هذا الشيخ المسن، مواليد 19 يونيو 1947 «موهبة جدو».

فلماذا هم يفرحون ونحن نحزن؟

لا أتمنى أن يفهم أحد كلامي على أنه حسد، فلقد شاطرنا إخواننا المصريين فرحتهم لمنتخبهم كما فرحوا هم، ولكن السؤال الذي لا يبرح عقلي هو: هل عجزت ملاعبنا عن أن تنجب أمثال حسن شحاتة وحفيده «جدو» أم إن الحزن مكتوب علينا إلى الأبد؟

كلمات نودعها خزينة أعضاء مجلس الأمة والقائمين على الرياضة الكويتية، فلعلها تحرك فيهم مشاعر الغيرة ليعملوا على تغيير الوجه القاتم الذي تعودنا على رؤيته هذه الأيام في رياضتنا.

مصر والوطن العربي يفتخرون بابن البحيرة المعلم حسن شحاتة الذي حقق الرقم القياسي في قيادته للمنتخب المصري بالفوز باللقب الإفريقي للمرة الثالثة على التوالي، وقيادته الرائعة لمنتخب بلاده وتحقيقه 6 انتصارات على نيجيريا وموزامبيق وبنين والكاميرون والجزائر وغانا.

كلمة السر في نجاح «المعلم» هي وجود كادر طبي، ومدرب لياقة جيد، ومدرب حراس مرمى مبدع، ومساعد رائع «شوقي غريب»، وكوكبة من النجوم بدءا من الحارس الأمين عصام الحضري وصولا إلى الموهوب «جدو» الذي كان عند حسن ظن مدربه به وأحرز خماسية مكّنته من إحراز لقب هداف البطولة، والمفارقة في الأهداف الخمسة لجدو أنه سجلها بعد دخوله احتياطيا في كل المباريات، بمعدل هدف في كل مباراة، وهو انجاز غير مسبوق لوجه جديد في الملاعب، إذ لعب 169 دقيقة في العرس الإفريقي، وجدو خطف البساط من تحت زملائه الكبار، والجماهير المصرية احبته وهتفت له «اللي عاوز تهده جيبله جدو».

وتدفق آلاف المصريين في الشوارع فور انطلاق صفارة النهائي والجميع رقص على دقات الطبول وهتفوا للمدرب شحاتة وجدو، وكانت السيدات قد أطلقن الزغاريد على الطريقة المصرية من حي الهرم جنوبا إلى ضاحية مدينة نصر شمالاً.

الفرحة عمت القاهرة وجميع العواصم العربية وهم يرددون «بلادي.. بلادي.. لك حبي وفؤادي» و«المصريين أهمه حيوية وعزم وهمه».. و«جدو.. جدو أوعى يجيلك جدو».

بالفعل نجح حسن شحاتة في تشكيل مجموعة متجانسه ولقن الخصوم دروسا كروية وفي الاخلاق الرياضية، ليؤكد أنهم أسياد القارة السمراء بلا منازع والاجدر بالتأهل لمونديال 2010، «وعسى أن تكرهوا شيئا وهو خير لكم» وبالفعل جنوب إفريقيا خسرت منتخب «الساجدين» كونه الأفضل والأقوى والأمتع في تمثيل إفريقيا والعرب في المونديال.

ومع كل تلك الإنجازات، وتحقيق الأرقام القياسية التي أصبحت خاتما بيد شحاتة والجدعان، فقد دخل حسن شحاتة والحارس عصام الحضري والكابتن أحمد حسن التاريخ من أوسع أبوابه، بعد تتويج الفراعنة بكأس إفريقيا، وسجِّل يا تاريخ..

ولا عزاء للحساد وتبقى الرياضة مفهومها أكبر من أي فوز أو تسجيل هدف، وعلى الجميع أن يتعلم من شحاتة والجدعان ويستخلص العبر، وبالفعل مصر هي: أم الدنيا

والأب.. وجدو!

" رئيس القسم الرياضي بصحيفة أوان الكويتية "

الله يرحم محرم فؤاد

كـدنا الـعوازل يـاما يـامـا

كـدنا الـعوازل لا مـلامــة

كـدنا الـعوازل يا لـمونــة

واتـجرحوا اللى جرحونـا

كـدنا الـعوازل يـا قـمـرنـا

والفرح زارنا وجه ف دارنا

كـدنا العوازل يـا حبايبى

والليلة بردت نـاره قلبى

[د هشام ابراهيم]

مش معقول يادكتور هشام ننساه

الأب والقائد والمعلم حسن شحاتة

دايما سباقة بالخير يا سيدتي الفاضلة ...

الحقيقة أنا كان فاضل ليا ٣ صور بس انشغلت وقتها .....ملحوقة

[د هشام ابراهيم]

المعلم

[د هشام ابراهيم]

السوبر ستار

[د هشام ابراهيم]

حبيب الملايين

[د هشام ابراهيم]

الله يرحم محرم فؤاد

كـدنا الـعوازل يـاما يـامـا

كـدنا الـعوازل لا مـلامــة

كـدنا الـعوازل يا لـمونــة

واتـجرحوا اللى جرحونـا

كـدنا الـعوازل يـا قـمـرنـا

والفرح زارنا وجه ف دارنا

كـدنا العوازل يـا حبايبى

والليلة بردت نـاره قلبى

ملعوبة

[غريب في وطني]

لن أعلق علي المباريات

بس أحب أعلق علي التشجيع و الهتافات و التهاني التي كانت تنهال علينا بعد كل مبارة و قلق الناس و دعائهم للاعبين المصرين

و آه يوم إنطلقت صافرة الحكم تعلن إنتهاء المبارة الأخيرة ............................تخيلوا شبكة الإتصالات تهنج من الرسايل و الإتصالات

خروج الناس بالسارات في مسيرات إحتفالا بالفوز الكبير للمنتخب المصري

هذا ليس في أحد أحياء بلدي الإسكندرية و لا في أي مكان من أرض مصر المحروسة بل من سلطنة الخير سلطنة عمان

آه لو شفتوا الناس و كيف فرحانين

اللهم لك الحمد أن فرحتنا و جمعتنا علي الخير و المحبة

[مصري أصيل]

و مقال جميل آخر من جريدة الوطن الكويتيه

مقالات

يا سامعين الصوت

«سووها».. جدعان شحاتة!!

كتب عدنان السيد

2010/02/01 09:18 م

- بطولة كأس أمم افريقيا السابعة والعشرون حفظت وجه مصر الرياضي بعد أحداث أم درمان في تصفيات كأس العالم!! وأكد المصريون ان لديهم كرة قدم واعية تعرف الفرق بين الحماس والروح.. والانفلات بين الرغبة والانقلاب!! وأظهرت المباراة الختامية امس الأول ان في مصر مدرباً من العيار الثقيل وان احفاد الفراعنة قد سجلوا أسماءهم مجدداً في موسوعة البطولات الافريقية وغيرها وان هؤلاء الأحفاد قدموا ملحمة جديدة في الأدغال الافريقية وقهروا الأسود والنمور ونجوم الكرة السمر!! وأكد «جدعان شحاتة» تفوقهم على فرسان القارة الافريقية المتأهلين لكأس العالم 2010 وأصبح هؤلاء ضحايا رجال شحاتة في انغولا.. وأكد «البديل الناجح» جدو أنه الورقة الرابحة في كل مباراة وهي شهادة الفيفا أيضاً حين اشارت في نشرتها الأخيرة إلى أن اللاعب المصري جدو هو افضل بديل في كل مباريات العالم!! ناهيك بأنه حصد لقب هداف البطولة عن جدارة واستحقاق رغم مشاركاته القليلة.. وإذا تحدثنا عن المعلم الكبير حسن شحاتة المدير الفني للفراعنة والذي يواجه تحديات كبيرة من «بعض» الأعداء.. فقد سجل هذا الرجل الصعب إنجازاً تاريخياً بعد أن أصبح اول مدرب يفوز بلقب البطولة ثلاث مرات متتالية ولا يتساوى معه في العدد سوى المدرب الغاني تشارلز الذي توج باللقب في أعوام 63 و65 و82 ولكن شحاتة يتفوق عليه في إحراز اللقب ثلاث مرات متتالية دون اي «فاصل»!! وقناعتي الشخصية أن المباراة النهائية كانت حماسية لكنها كانت أيضاً منضبطة داخل المستطيل الأخضر وخارجه!! والمباراة تستحق الإشادة والتقدير ليس لمستواها الفني لكن للمستوى الأخلاقي والانضباطي. وبالطبع الإخوة المصريون الأعزاء على قلبي وقلب كل عربي ليسوا من هواة الإثارة والتهييج والخروج عن النص كما هو عند باقي الفرق الأخرى وبالتحديد عند الجزائريين!! أتمنى أن يتعلموا الدرس جيداً من إخوانهم المصريين الذين هم الأحق بالمونديال وليس لمن راح يفشلنا كعرب!!.

انتهي مقال الكاتب و فقط لي تعليق علي الجمله المظلله بالأحمر

فإذا كانت الجماهير الجزائرية قد خرجت بعد مباراة مصر و الجزائر و ذلك للإحتفال بآداء فريقهم بالرغم من الأربعة أهداف التي أحرزها المنتخب المصري فيها و بالرغم من آداء لاعبيهم السيء و أخلاقهم السيئة التي ظهروا بها طوال المباراه .... فلا أعتقد أننا ننتظر شيء من هذه الجماهير فهم راضون عن آداء لاعبيهم سواء كانوا في القمه أو كانوا في القاع ... راضون عن أخلاق لاعبيهم التي ظهروا بها في المباراة لأنها لا تختلف عن أخلاقهم ..... بالفعل ربنا يستر علي مظهرنا كعرب في المونديال

تم تعديل 3 فبراير 2010 بواسطة مصري أصيل

[مصري أصيل]

مازالت الجماهير الجزائرية المسكينه تعيش حتي الأن في و هم أن حكم مباراة مصر و الجزائر قد ظلمهم و وصلوا بمخيلتهم المريضه أن حكم المباراة قد أخذ رشوه من مصر بالرغم من أن الإتحاد الافريقي قد أوقف حكم المباراة لأنه لم يطرد حارس المرمي فوزي شاوشي عندما ضربه بالرأس بعد تنفيذ ضربة الجزاء و بالرغم من أن الإتحاد الافريقي يجهز عقوبه رادعه لحارس المرمي و للاعب نذير بلحاج و بالرغم من أن مدرب الجزائر قد أخرج شاوشي من تشكيلة منتخبه لكأس العالم و ذلك بإعتراف منه أن السبب هو خروج الحارس عن السيطره في مباراة مصر و بالرغم من أن الحكم الدولي جمال الشريف في تحليل المبارة قد قال أن الحكم لم يخطيء في أي قرار في المبارة سوي بإنذار اللاعب رفيق حليش عندما إحتك بعصام الحضري و مع ذلك فاللاعب كان سيتم طرده بالطرد المباشر إن لم يكن يحمل إنذار في واقعة ضربة الجزاء يعني مطرود مطرود. و بالرغم من تأكيد كل وسائل الإعلام و كل الجرائد العالميه بأن التحكيم كان عادلاً و أن لاعبي الجزائر الثلاثه كانوا جميعاً يستحقون الطرد و أجمعوا أيضاً علي أن الحكم قد تغاضي عن مخالفات كثيره للاعبي الجزائر حتي يضمن إستمرار المبارة و منها الضرب المتعمد للاعب أحمد المحمدي علي يد كريم زياني... بالرغم من كل هذه الحقائق مازالت الجماهير الجزائرية مقتنعه أن الحكم مرتشي . أو أضعف الإيمان مقتنعه أن الأتحاد الأفريقي يجامل مصر لأن مقره فيها .

الصحافه الجزائرية سابت موضوع الحكم و الرشوه و دخلت في إتهام لاعبي مصر بإخذهم المنشطات و قالت أن سر فوز مصر بالبطولات السابقه و سر تفوق مصر و بأن المنتخب المصري يلعب بنفس القوه طوال مباريات البطوله و لا تؤثر عليه العوامل الجويه كما أثرت عليهم في مباراة ملاوي و خلتهم يفيصوا إن لاعبي المنتخب المصري بيتناولوا المنشطات و كأن المنتخب ده بيلعب كوره شراب في الحاره ... مش بعد كل مباره بياخدوا أتنين لعيبه و يعمللهم تحليل للكشف عن المنشطات .... و لكن بما أن الأتحاد الأفريقي بيجامل مصر فبيداروا علينا كل ما نفوز بمباره .

اللي صعبان عليا و الله في الموضوع هيه الجماهير الجزائرية اللي بتصدق كل اللي بيتقال لها عن طريق الإعلام و مش بس بتصدقه لأ دي بتؤمن بيه و الله فعلاً بدئوا يصعبوا عليا .... ربنا معاهم .

تم تعديل 3 فبراير 2010 بواسطة مصري أصيل

[nizza la bella]

الف مبروك لمصر

وليخسأ الحاقدون ... :D

تم تعديل 3 فبراير 2010 بواسطة Salwa

[محمد عبدالعزيز]

مصر تقفز 14 مركز مرة واحدة وتحصل على المركز العاشر لأول مرة فى تاريخها فى ترتيب المنتخبات الخاص بالفيفا بعد حصولها على بطولة الأمم الأفريقية.

اضغط لمشاهدة الجدول ومصر فى المركز العاشر على مستوى العالم

وطبقاً لهذا الجدول فإن ترتيب المنتخبات الأفريقية بعد نهاية بطولة الأمم كالتالى:

1- مصر

2- نيجيريا

3- الكاميرون

4- كوت ديفوار

5- غانا

6- الجزائر

والترتيب ده بيوضح بصورة لا تحتاج لمزيد من التوضيح من هى الدول التى تستحق التأهل لنهائيات كأس العالم, ومين بالظبط اللى بلطج وسرق مكان وحق غيره.

حسبنا الله ونعم الوكيل.

[يوتوبيا]

مازالت الجماهير الجزائرية المسكينه تعيش حتي الأن في و هم أن حكم مباراة مصر و الجزائر قد ظلمهم و وصلوا بمخيلتهم المريضه أن حكم المباراة قد أخذ رشوه من مصر بالرغم من أن الإتحاد الافريقي قد أوقف حكم المباراة لأنه لم يطرد حارس المرمي فوزي شاوشي عندما ضربه بالرأس بعد تنفيذ ضربة الجزاء و بالرغم من أن الإتحاد الافريقي يجهز عقوبه رادعه لحارس المرمي و للاعب نذير بلحاج و بالرغم من أن مدرب الجزائر قد أخرج شاوشي من تشكيلة منتخبه لكأس العالم و ذلك بإعتراف منه أن السبب هو خروج الحارس عن السيطره في مباراة مصر و بالرغم من أن الحكم الدولي جمال الشريف في تحليل المبارة قد قال أن الحكم لم يخطيء في أي قرار في المبارة سوي بإنذار اللاعب رفيق حليش عندما إحتك بعصام الحضري و مع ذلك فاللاعب كان سيتم طرده بالطرد المباشر إن لم يكن يحمل إنذار في واقعة ضربة الجزاء يعني مطرود مطرود. و بالرغم من تأكيد كل وسائل الإعلام و كل الجرائد العالميه بأن التحكيم كان عادلاً و أن لاعبي الجزائر الثلاثه كانوا جميعاً يستحقون الطرد و أجمعوا أيضاً علي أن الحكم قد تغاضي عن مخالفات كثيره للاعبي الجزائر حتي يضمن إستمرار المبارة و منها الضرب المتعمد للاعب أحمد المحمدي علي يد كريم زياني... بالرغم من كل هذه الحقائق مازالت الجماهير الجزائرية مقتنعه أن الحكم مرتشي . أو أضعف الإيمان مقتنعه أن الأتحاد الأفريقي يجامل مصر لأن مقره فيها .

الصحافه الجزائرية سابت موضوع الحكم و الرشوه و دخلت في إتهام لاعبي مصر بإخذهم المنشطات و قالت أن سر فوز مصر بالبطولات السابقه و سر تفوق مصر و بأن المنتخب المصري يلعب بنفس القوه طوال مباريات البطوله و لا تؤثر عليه العوامل الجويه كما أثرت عليهم في مباراة ملاوي و خلتهم يفيصوا إن لاعبي المنتخب المصري بيتناولوا المنشطات و كأن المنتخب ده بيلعب كوره شراب في الحاره ... مش بعد كل مباره بياخدوا أتنين لعيبه و يعمللهم تحليل للكشف عن المنشطات .... و لكن بما أن الأتحاد الأفريقي بيجامل مصر فبيداروا علينا كل ما نفوز بمباره .

اللي صعبان عليا و الله في الموضوع هيه الجماهير الجزائرية اللي بتصدق كل اللي بيتقال لها عن طريق الإعلام و مش بس بتصدقه لأ دي بتؤمن بيه و الله فعلاً بدئوا يصعبوا عليا .... ربنا معاهم .

تصدق يامصري ان ده نفس احساسي الشعب الجزائري صعب علي فعلا حسيت انه مغيب تماما اي كلمة يقولها سعدان تبقى صح مع انه مدرب فاشل وبيداري فشله بالاتهامات دي عشان الجزائريون ما ينتقدوهوش

يعني بجد هو عرف يلعب على الوتر الحساس عند الشعب وهو اكتفاؤهم ومنتهى امالهم انهم صعدوا للمونديال

يعني هو كده المفروض يتعمل له تمثال

وفي نفس الوقت يعلن انه ما كان هدفه كأس افريقيا وانه مركز في المونديال

طيب ماهو اللي مركز في المونديال يبقى المفروض انه بيقدم اعلى تدريب واعداد نفسي وبدني واخلااااااااااااااااااااااااااااااااقي للعيبته بم ان باقي شهور على المونديال يبقى دي كانت افضل فرصة لمنافسة فريقه على ارض الواقع

مع اقوى وافضل اللاعبين في افريقيا ومع ذلك بمنتهى العنجهية يقول اصلي مركز في المونديال ....طيب بالمنطق كده ...ازاي مركز فيي المونديال وانت ستة مباريات في افريقيا ما تفوقت الا في مباراة واحدة

الادهى والامر انه بيقول احنا لعبنا ستة مباريات وكانت تجربة واخدنا خبره هتفيدنا في المونديال ان شاء الله

وبيصدقووووووووووووووووووووووووووووووووووووووووووووووووه

مش عارف يداري فضيحته وفشله ازاي

حتى لعيبة مصر يا عيني اللي كان باين عليهم الارهاق جدا قالوا انهم كانوا بياخدوا منشطات ...طيب بأمارة ايه .. دول كانوا بيجروا مع وحوش ...نعم اللاعبين الافريقين كانو اقوياء جدا

حتى الجزائريين اللي يشوف المباراة مرة ثانيه هيلاحظ ان ما شاء الله صحتهم ولياقتهم جيده وواضح عليهم فرق السن لان لاعيبتنا معظمهم كبار

لكنهم كدبوا الكدبة وصدقوها او بمعنى ادق سعدان كدب عليهم وصدقوه بس هو رمى الناس بالباطل وربنا هيحاسبه على الافتراء ده

لكن بم ان لعيبتنا رجااااااااااله اولاد رجالة كانوا بيتحاملوا على نفسهم عشان يحققوا النصر لهم ولنا

مش عارفة ليه هم متكبرين كده

طيب ما يشوفو ا التونسيين المحترمين ازاي المحلل بتاعهم كان في منتهى الادب وما خجل انه يقول عن الثغرات والاخطاء اللي حصلت لفريقه

والاحلى منه مدرب الفريق التونسي لما اتصلوا به على الجزيرة وضح الظروف اللي مر بها المنتخب وبرغم انه مدرب لاكبر نادي تونسي لكنه ما استحى انه يقول اخطاء تونس ايه لانه بكده بيقدم لنفسه ولباقي الفرق الخبرة والنصيحة

يعني مثلا انا رايح العب في افريقيا بدرجات الحرارة والرطوبة العاليه يبقى ازاي اروح اعمل معسكري في بلد برد درجاتها تقارب الصفر

وهكذا عشان الكل يستفيد ده مش هيقلل منه شئ بالعكس هيخللي الناس تحترمه

لكن على العكس شوف محلل الجزائر على الجزيرة

اولا هو رافض تماما الاعتراف بإن هم عندهم اخطاء ....مش انهم غلطوا في حد ... لا هم اساسا ماغلطوش خالص

ولما ياعيني جه جمال الشريف عشان يتكلم عن اخطاء الحكام وكحكم وعربي حب يدي نصيحة لوجه الله ما يقصدش منها اي اهانه قدم النصيحة عشان الفريق اللي هيمثل العرب في كأس العالم يكون على افضل شكل

بس لسه بيقول ان له تعليق بسيط ان الجزائريين شويه متحفزين اومتعصبين والمفروض على ارض الملعب يكونوا اهدا ....وياســـــــــــــــــــــــــــــــــــــــــــــــــاتر .... التاني ما بقوش عارفين يسكتوه

يقول اسمحلي الجزائري متعصب في الحق ..الجزائري ما يحب الضرب ابدا....الجزائري في نشيده الوطني يقول عزمنا على .........

ماحدش بقى عرف يسكته

متعصب في الحق على ايه هو احنا بناقش قضيه ده لاعب في ملعب وبيشوط الكوره ياتيجي جول يامتجيش حق ايه بس

ما يحب الضرب !!!!!!!!!!!!!!!!!!!!!!!!!!!!! طيب مين اللي بيحب الضرب لو الجزائري ما بيحبه

نشيده بيقول عزمنا ... طيب احنا مالنا طيب ماحنا كلنا بنقول عزمنا

ايه علاقة ده كله بنصيحة حكم محترم بيقدمها لكم

يعني شوفوا للدرجه دي عاملين لهم غسيل مخ مع ان يوم مباراة مصر والجزائر المحللين الجزائريين ما كانوا عارفين يردوا من ادراكهم لاهمال لاعبيهم وعدم التزامهم

حتى لما سعدان علق وقال كنا نباركلهم لو كنا 11 لاعب انكسفوا لما المذيع قال مصر فازت باقتدار كيف هو يقول هذا قالوا معلش يمكن عشان متعصب دلوقتي اكيد لو اللقاء ده بعدين كان هيبقى اهدى واحس

لكن اول ما خرجوا من الاستوديو وبعد يومين مصر اخدت الكاس نفس المعلق بقى مش طايق حد وكرر نفس كلام سعدان

حاجه غريبه

طيب سعدان لو احنا رشينا الحكم في مبارتهم

ليه هو ما ثبت جدارته واخد حتى المركز الثالث

مش عارفه الجزائريين ليه واخدين الموضوع بالحده دي

الله يعينهم

بيقولوا ان المصريين عندهم بارانويا واحساسهم بإنهم لابد يكونوا الافضل دايما واذا ما كانوا الاوائل بيتعبوا

طيب احنا ليه بنشجع السعودية ونبقى كأننا احنا اللي بنلعب لما يكونوا في كاس العالم

وبيوتنا بتتهز من الفرحه لو في هجمة سعودية ننتظر منها جول او نبقى في حزن لو دخل فيها جول وأن مصر هي اللي بتلعب بالضبط

حتى المباريات الفردية ليه كنا بفرح بأي لاعب عربي يجيب ميداليا في الاولمبياد او اي بطولة عالمية ونقعد نقول ده عربي ده عربي

ياريتهم يدركوا الحقيقة قبل فوات الاوان

لان في تربص غريب جدا وخاصة من جريدة الشؤم جريدتهم اللي تقريبا مش بيقرأوا غيرها عشان كده بتتلاعب بعقولهم كيفما شاءت

تصدقوا انها عاملة استطلاع رأي انا في رأيي انه مأساه

حقيقي مأساه لما تبقى مباريات كرة توصل تفكيرهم لهذا الحد تبقى فعلا مصيبة وكارثة لازم ناخدها بعين الاعتبار

الاستطلاع ده بيسأل هل تثقوا في محاولات او قرارات التهدئه التي يصدرها المصريون

تخيلوا

الكلام ده معناه كبير جدا

كأننا اسرائيل ومتفقين معاهم على هدنة لكن نيتنا غير كده

طيب ممكن واحد حكيم يرد ويقول طيب اذا فعلا مش واثقين في محاولات التهدئة دي متخيلين ان مصر ممكن تعملكم ايه

هتبعت دبابات وصواريخ مثلا ولا ايه ... مش عارفة

المصيبه اللي تبكي اكتر ان الاستطلاع ده النسبه الاعلى فيه لغاية دلوقتي هي لا

يعني انهم مش مصدقينا وانهم بينتظروا الغدر مننا

لو حد بس يقوللي الغدر اللي في دماغهم ده ممكن يبقى ازاي

شئ محزن جدا

بس بصرف النظر عن الاخبار والافتراءات والقنابل التي تقذفنا بها هذه الجريدة بالكدب

كان في كلام عن ان الجريدة دي انتمائها مشكوك فيه وله جوانب واصول اسرائيليه لانها دايما تشعل فتيل الفتنه وسط الجزائريين ضد مصر

انا بقى في رأيي ان موضوع الاستطلاع ده اخطر لانه بينقل الاحساس السلبي للجميع عشان يكون اثبات لجميع الجزائريين بشرفاؤهم ومحترمينهم ومثقفينهم

ان فعلا مصر عدوة لهم والديلل الارقام اللي هتنتج من الاستطلاع

يبقى كده اسرائيل كسبت بونط كبييييير جدا ما كانتش تحلم بيه ولو باستخدام السلاح النووي انها فرقت بين بلدين عربيتين تفرقه واضحة وصريحة لا يشوبها اي شائبه وليس فيها رجعه

يعني مش هيكون مجرد اختلاف في الاراء او القرارات اللي معظمها سياسيه يعني بالتالي الشعوب ما لهم علاقه بها وبالتالي الشعوب يبقى بينها الود مهما اختلف زعماؤه

اما في هذه الحاله العداء والكره والاختلاف قادم من القاااااااااااااااااع من داخل الشعب الجزائري وده كان يعتبر حلم لاسرائيل بس قرب يبقى واقع مرير للعرب

انا بس نفسي كل العرب اللي هيقروا تعليقي ده

اعطوني امارة واحدة او سبب واحد حقيقي غير الكرة والسطحية دي يعطي الجزائريون الحق انهم يكنوا كل هذا الحقد والكره لمصر والمصريون

يمكن يكون فعلا في اخطاء احنا مش عارفينها وساعتها نقدر نصلح خطأنا قبل ما يبتدي السيناريو الاسرائيلي في التنفيذ

ودعوة لكل من يقرأموضوعي وفي اقرب وقت ارجوكم تدخلو لموقع الجريده الخبيثة وتصوتوا بالايجاب عن تصويتهم يمكن نقدر نمنع فتنه شديدة جدا ممكن تحصل بين شعبين عربيين وبصرف النظر عن الكوره واللي بيحصل فيها

هنكون كلنا خاسرين مصر والجزائر والعرب جميعا

دعواتي بأن يهدي الله كل ظالم[/size][color="#FF0000"]

تم تعديل 3 فبراير 2010 بواسطة نهر النيل

[nizza la bella]

واحد جزائرى ( متعب ) قوى طلع عنده ( زيدان ) فى بطنه .. امه عرفت قالت يا (حسنى) وجريت قالت ل ( جدو ) قالها وديه للدكتور يوم ال ( جمعه ) وربنا هو ال ( شافى ) وقال هو السبب ماهو مقضيها ( شحاته ) اصله واد ( غريب ) من صغره وكان فاكر انه حيلاقى :D :happy:

[engmido]

ا/مصرى

اختلف معك ..لان بصراحة كده جمهور الجزائر ده لا هو اهبل ولا اعمى

لا هو شاف الماتش كويس قوى وشاف الضرب وشاف قلة الادب وشاف حرفنتنا ولعبنا وشاف ان الحكم كويس جدا

بس تعمل ايه فى اللى بيكابر او فى اللى بيكدب الكدبة وبعدين يصدقها

من الصدمة مش مصدقين نفسهم.....حتى الحكم اللى متحاملين عليه اتعاقب عشان سكت ع الجون بتاعهم

نفوس مريضة بجد

فعايز اقولك ...لا هما مش هبل وعارفين وشايفين بعنيهم.....مكانوش قاعدين بيشوفوا ماتش تانى

[مصري أصيل]

نتائج البطولة الأخيرة

استطاعت مصر أن تحصد كل القاب البطوله عن جداره و إستحقاق

فقد حقق الفريق المصري لقبه السابع منذ انطلاق بطولة كأس الأمم و حقق البطوله الثالثه علي التوالي في انجاز لم يتحقق من قبل و أظن أنه لن يكون من السهوله تحقيق أي فريق في العالم انجاز مماثل .

و بهذا الإنجاز و بالترتيب الذي أعلنه الفيفا بأن مصر في المركز العاشر في ترتيب الفيفا و بما أن مصر قد فازت علي أربعة من الفرق المؤهله لكأس العالم . و بما أن الفريق قد حقق ثمانية عشر فوزاً متتالياً محطماً الرقم القياسي السابق .

فأستطيع أن أقول أن الفريق المصري أحسن فريق في أفريقيا بالنتائج و بالترتيب و بشهادة خبراء كرة القدم العالميه.

استطاع حسن شحاته بفضل نتائج المنتخب أن يصبح أحسن مدرب في أفريقيا بشهادة خبراء كرة القدم.

لقب أحسن لاعب في البطوله و هو للاعب أحمد حسن .

لقب أحسن هداف حصل عليه اللاعب المتميز محمدناجي (جدو)

أحسن حارس مرمي للسد العالي عصام الحضري

أحسن لاعب بديل و حصل عليه اللاعب محمد ناجي (جدو) فقد أستطاع أن يحرز هدفاً في كل المباريات التي شارك فيها كبديل

أحسن أخلاق رياضية و حصل عليه اللاعب أحمد فتحي

أحسن هجوم فلقد أحرزت مصر 15 هدفاً في البطوله متفوقه علي جميع الفرق

أحسن دفاع فمنتخب مصر لم يدخل مرماه سوي هدفين طيلة الستة مباريات

و كفايه كده أحسن فيه ناس هتموت من الغيظ لو قرأت المداخله دي

تم تعديل 3 فبراير 2010 بواسطة مصري أصيل