إمتحان الرسم لمحافظة شمال سيناء - أولى ثانوى

[عصام]

سامحونى .. ولو إن الموضوع درامى شوية .. لكنى فضلت يكون مكانه باب الابتسام عشان ما تقلبش غم ..

آه .. نسيت أنوه ان دا كان امتحان 2004/2005 يعنى قبل انتخابات (وسامحونى يعنى لو حد بيتضايق من الكلمة دى :sad: ) الرئاسة الأخيرة

[عنبو]

هو الشعب المصرى مش عاجبه حاجه خالص

يعنى الريس هيعمل لينا ايه ياجماعه

ياجماعه احنا شعب متعب قووووووى ومافيش حد يقدر علينا

المقصود من الامتحان ان الطلاب تتخيل النقله الحضاريه فى السياسه والعلوم والزراعه والاقتصاد والتعليم

ده المفروض الى الناس تتخيله بس نقول ايه بقى احنا دائماً نؤل ونجيب العيب على الحااااااااااااااااااااااااكومه

حقك علينا يا حااكومه

وبعدين هو فيها ايه لما نعمل شعار تأيد للريس طيب هقولكم على حاجه

زمان كان فيه نت دلوقتى فيه نت ياجماعه والشعب المصرى كله بيعمل تشات والناس مبسوطه وزى العسل

طيب زمان كان فيه دش ولا الجزيره الى بتذيع الخبر قبل وقوعه بساعه و 35 دقيقه لا طبعاً دلوقتى فيه دش وفيه ميلودى الى عرفت الرجاله انهم مظلومين

طيب زمان كان فيه محمول دلوقتى فيه محمول والناس كلها معها محمول وبتتكلم فيه وعايشين وطول الليل كل واحد بيكلم الحته بتاعته ومافيش اى مشاكل

يعنى الحاكومه هتقطع نفسها علشانا هتعمل ايه الحاكومه المسكينه الغلبانه دانا لما بشوف عاملين حوار مع وزير فى التليفزيون الراجل بيصعب عليا وكل شويه تلاقيه بيبص فى الساعه وتلاقى العرق نازل منه وده كله ليه علشان وراه مشاغل كتير قوى ومع ذلك ساب الى وراه وجه علشان نتصل به ونزعق له شويه

طيب ليه مافيش حد بيتشرح قصاد الرئيس اكيد طبعاً علشان المسؤليه الكبيره الى سيادة الرئيس شايلها الله يكون فى عونه

طيب اتحدى اى واحد فيكوا يقدر يشيل المسؤليه دى ويرشح نفسه للانتخابات

يلا انا مستنى واحد يقول انا هرشح نفسى للانتخابات

[عصام]

عايز بس أوضح كمان انى مش متأكد من الموضوع دا ..

لكنه مش مستبعد ... خااااااااااااااااااالص

(أنا قلت اهوه يا باشا انى مش متأكد ... أروح بقى؟ :sad: )

[myusername]

متهيق لى ان اللى عمل الامتحان ده لاما متراقب, لاما متراقب wst::

اصل اكيد ان اللى كتب الكلام الاهبل ده ليه غرض ما :sad:

الغريبة انهم طالبين فى الامتحان ان الطالب يعمل رسم كدعاية لمبارك, و يكتب جواه "نعم"

بصراحة الامتحان ده مسخرة.... و ملهوش اى معنى!!

[Folana]

السلام عليكم ورحمة الله...

ماهو ياعصام الناس اللى ممكن تكتب فى موضوع زى ده....الحكومة كتر خيرها لاهياهم ( من إلهاء يعنى ) فى قضايا عقائدية....احنا فاضيين يابنى لانتخابات اللهم احفظنا ولا فينا نَفَس حتى نناقش اى قضية مصيرية وطنية مصرية مشتركة؟

ده احنا يادوب تلاحق على موضوعات الطائفية والتجلى وتكفير الاخر...واياكش تولع...

ثم ماتنساش ان هم دول جيل المستقبل واللى حيكملوا المسيرة المباركة ان شاء الله..واحنا خلالالاص بنقضى اللحظات الاخيرة فى ربيع العمر....حنتعالج بقى من امراض الشيخوخة ولا حننتخب ؟

روح ياعصام خلاص ..انا دفعت لك الكفالة...

:unsure:

[لماضة مصرية جدا]

السلام عليكم و رحمة الله و بركاته

حبايبي الحلوين

انا بعد ما قريت الامتحان كنت لسه بقي هلوي بوزي (أجاركم الله منه بقي....منقااااااااااااااااااااااار... :unsure: )... لاني مبحبش حد يجي ناحية الفن ده خالص...

مش عشان اني الوحيدة اللي في الاعدادية اللي جبت ف الرسم 20 من 20..... و لا عشان انا بحب الفن... و انا و انت و الناس اللي منورينا هنا و اللي بيحبنا ميضربشي نار

أنا بحب الفن ..... لانه حالة ابداع و تفرد.... و تمرد...... لانه حالة و بس

بس انا مستغربة منكو جدا ليه فسرتوا الموضوع بالشكل ده.....

طب هو ايه المطلوب....

نعمل شعار نقول فيه نعم...... و تتحقق المشاركة الشعبية

طب خدوا عندكو شوية الافكار دي:

1- نعم ل؟؟؟؟؟؟؟..........و الجماهير الغفيرة (هل لان معظمنا بقي غفر و لا ايه)...... شايلاه علي الأعناق و رايحة بيه دار المسنين..... :D

2- نعم ل ؟؟؟؟؟؟........و هو جايب كل الوزرا.... و موقفهم كده أورنيت ذنب..... و بيخلي كل واحد منهم يعترف و يقر.... من أين لك هذا

3- نعم ل؟؟؟؟؟؟........و هو لافح الجلابية و رايح يدور علي كل العلماء المصريين اللي هجوا م البلد.... و قاعد يبعتلهم في مكاتيب عشان يرجعوا تاني (و سلامي الخاص لفلاح كفر الهنادوة)

4- نعم ا ؟؟؟؟؟.........و هو قاعد كده بياكل من طبق سلطة من الخضار الورور اللي مرشوش بالمبيدات المسرطنة... عشان يجيب اجابة للسؤال... ليه مرض السرطان بينتشر في مصر و خصوصا في الاطفال

5- نعم برضه للمذكور أعلاه ...... و هو بيطبطب علي ابنه اللي يا حرام النهاردة اترفض في المقابلة الشخصية.... يجوز جدا.....

ينفع و لا مينفعشي

انا مش قلقانة.... م السؤال..... و مش قلقانة من حالة الابداع..... انا قلقانة م الغيبوبة...اللي المصحح عايش فيها بمزاجه بعد ما ضرب حجرين ع الشيشة عشان مبقاش فيه امل

للابتكار......و لا اللعب بالافكار

بس خلاص

فوتكم بعافية

مساااااااااااااااااكم ورقة.... بيضا.....ألوان........و فكرة مش قالب طوب

[جيمي]

ده ايه سياسة لوي الدراع دي :D يعني اللى مش هيقول نعم لمبارك اكيد هيسقط .. يرسب يعني وهيسقط كمان من نظر مدرسينه اللى علموه وربوه على حب مبارك والعصايه فى ايد المدرس وعصاية مقشة الشرطه على رقبته وحب الوطن بيرفف علينا .. وعمار يا مصر

لفت نظري بس ان ده امتحان رسم يعني ابداع .... يقوم الطالب لما يحاول يبدع يقول مبارك برده ...

على العموم ..

اخترناه اخترناه .... واحنا معاه الى مشاء الله :unsure:

[justme]

ضاقت فلما استحكمت حلقاتها فرجت

هي الدنيا ضلمت ليه في مصر (اصل الحكومة مدفعتش الفاتورة) :lol:

نكتة بايخة من تأليفي دلوقت حالا وانا بقرأ الموضوع ده

بصوا يا جماعة الخير

والله الحل ليس فقط بالنقد

لازم موقف ايجابي

نقف مع نفسنا لمدة نص ساعة في اليوم ونسأل السؤال ده

ايه ممكن اعمله اساعد بيه شخص حواليا بكره

لو جاوبنا سؤال لحد او ساعدت واحد بفكرة

لو شفت واحد بيعمل غلط نصحته

لو لقيت ورقة مرمية على الارض في وسط الشارع شيلتها ومقولتش في عقلك ايه القرف ده ممكن غيرك يشوفك ويفكر يعمل زيك

لو لقيت واحد جنبك مدي اشارة يعديك وعديته وانت بتبتسم

لو علمنا اولادنا الصدق وان الغلط مينفعش

لو كل واحد حاسب نفسه على كل قرش بيكسبه

ممكن نلاقي الصورة بقت بيضا جدا

واخر حاجة

طالما انا مؤمن بربنا ومتأكد ان يوم القيامة جاي ومفيش حاجة تستاهل نزعل عليها غير المعصية

تحياتي

[عنبو]

عصام مشاركة بتاريخ أمس, 03:35 PM

عايز بس أوضح كمان انى مش متأكد من الموضوع دا ..

لكنه مش مستبعد ... خااااااااااااااااااالص

(أنا قلت اهوه يا باشا انى مش متأكد ... أروح بقى؟ )

مهو مش متأكد دى متنفعش خلينا نقول ان ده كان امتحان رسم اقترحه الطلاب على المدرسين

علشان فيه ديمقراطيه فى البلد فاحنا وافقنا على الامتحان ده

ويلا بقى يابطل روح ادفع الكفاله وروًح لان مافيش حد دفع كفاله ولا حاجه

[myusername]

السلام عليكم و رحمة الله و بركاته

انا مش قلقانة.... م السؤال..... و مش قلقانة من حالة الابداع..... انا قلقانة م الغيبوبة...اللي المصحح عايش فيها بمزاجه بعد ما ضرب حجرين ع الشيشة عشان مبقاش فيه امل

للابتكار......و لا اللعب بالافكار

بس خلاص

فوتكم بعافية

مساااااااااااااااااكم ورقة.... بيضا.....ألوان........و فكرة مش قالب طوب

كلمتك دى لمست الواقع... لاما ناس عايشة فى غيبوبة و مش فاهمة, لاما ناس مدخلين نفسهم فى غيبوبة... عشان ينسوا :rolleyes:

[Morial]

أنا نفسي افهم ليه النكران والجحود بتاع الشعب المصريي دة ه :blush2: راجل افني حياته عليكم :) وضحي بكل ما يملك لرفاهيتكم وأعزازكم واصبحتم في عهده شعب يضرب به المثل والاهم انه ليس هناك من ينام بلا عشاء في مصر فمن اين لكم هذه النعم التي ترفلون فيها :rolleyes: ؟اليست بتوجيهات سيادة الرئيس وفي النهايةماذا كان جزاء المعروف ؟

مستكترين عليه حتة ورقة بيضا وشوية الوان ونسيتوا ان الطلبة كلهم هينجحوا في الامتحان ويمكن المدرسة يجيلها تبرعات من حبايب الحزب الوطني كمان طيب يا ريت كل الامتحانات حلوة كدة

بلد ما بيعجبهاش العجب صحيح

[khaleds]

ده رسم على تقيل

[msayed]

افتكرت موضوع مشهور جداً فى كلية حقوق عين شمس

فى إمتحان مادة "منظمات دولية" بتاع آخر السنة جه سؤال زى كده :"أذكر رأيك فى منظمة الأمم المتحدة وقيم أداءها" حاجة شبه كده يعنى.

فواحد من الطلبة خذ راحته جداً وقال وعاد وإن دى منظمة أمريكا بتتحكم فيها وقراراتها ضد العرب وحاجات زى دى.

طبعاً أخينا شال المادة وفى العام التالى الدكتور قال إنه فى الإمتحان لما أسألك عن رأيك فسيادتك تكتب رأييى إللى فى الكتاب مش كل واحد يلف من عنده.

[الباشمهندس ياسر]

بدون اي تعليق

[مغتربة]

بلاش تلوم الموجهه الغلبان حط الامتحان

لان الحاجات دى بتيجى بيها تعليمات من الوزارة مباشره

و غالبا بيكون سؤال التعبير فى ماده اللغه العربيه و امتحان الرسم

بيواكبوا الاحداث الجاريه ( من وجهه نظرهم طبعا )

و منساش ان كلنا فى الاعداديه كنا شبه ضامنين سؤال التعبير قبل ما ندخل الامتحان بمده كبيره ( لانها السنه الى استضافت فيها مصر مؤتمر الاسره و السكان )

و طبعا حبايبنا مخيبوش ظننا و جابولنا السؤال اياه

[shiko]

برجاء التصحيح

تشهد الايام القتيلة مرتدية ...معطف خطير...فى مصر القديمة, ورؤية مستقبلية للشعب المرجانية لتحديد الاهداف والاولويات لتحسين مجموع الفرد بالثانوية المعمية والرئيس مبارك فائد ..التاريخ استطاع ان ينقل مصر بقلاب حضارى من القارة الفريقية للقارة الهندوسية ...محملاً نقلات من الاقتصاد المخروم (مثال الربع جنيه) ...السياسة والزراعة المروية بمياه الصرف والاستفزاز وجـرص على عدم المساس بأصحاب الحبل المشدود ....وسعى لخراب العيشة واللى عيشينها ...وحرص على اقامة سجون جديدة وقصور فخمة مثل قصر مارينا ... قصر شارم – قصر بورتو السخنة -) لرفع الضغط على ابناء الوطن فلا يحتاج إلى ادوية مسكنة والكل سيقول اااااااه

عبر بقلمك والوانك الطبيعية (يلاحظ هنا استخدام اكياس الدم الفاسدة هايدلينا للتعبير عن المشاهد الدموية )

مشهد من مشاهد مسرحية شاهد ماشفش حاجة

مشهد من مشاهد الخراب والدمار التى اعقبت الغزو الرئاسى للبلاد

التصميم الابتكارى

صمم شعار للتجبيس الانسانى داخل سجون مصر مستخدما الرموز المناسبة على ان تكتب عبارة أأأأأأأأأأأأأأه داخل الشعار مع استخدام مشتقات السماد المسرطنة

[myusername]

برجاء التصحيح

تشهد الايام القتيلة مرتدية ...معطف خطير...فى مصر القديمة, ورؤية مستقبلية للشعب المرجانية لتحديد الاهداف والاولويات لتحسين مجموع الفرد بالثانوية المعمية والرئيس مبارك فائد ..التاريخ استطاع ان ينقل مصر بقلاب حضارى من القارة الفريقية للقارة الهندوسية ...محملاً نقلات من الاقتصاد المخروم (مثال الربع جنيه) ...السياسة والزراعة المروية بمياه الصرف والاستفزاز وجـرص على عدم المساس بأصحاب الحبل المشدود ....وسعى لخراب العيشة واللى عيشينها ...وحرص على اقامة سجون جديدة وقصور فخمة مثل قصر مارينا ... قصر شارم – قصر بورتو السخنة -) لرفع الضغط على ابناء الوطن فلا يحتاج إلى ادوية مسكنة والكل سيقول اااااااه

عبر بقلمك والوانك الطبيعية (يلاحظ هنا استخدام اكياس الدم الفاسدة هايدلينا للتعبير عن المشاهد الدموية )

مشهد من مشاهد مسرحية شاهد ماشفش حاجة

مشهد من مشاهد الخراب والدمار التى اعقبت الغزو الرئاسى للبلاد

التصميم الابتكارى

صمم شعار للتجبيس الانسانى داخل سجون مصر مستخدما الرموز المناسبة على ان تكتب عبارة أأأأأأأأأأأأأأه داخل الشعار مع استخدام مشتقات السماد المسرطنة

الاخت الفاضلة شيكو...

كل ما أقرا اى مداخلة ليكى متعلقة بأحوال مصر, ينفجر قلبى من البكاء..

ربنا يصبرنا و يصبرك... اللهم اخرجنا من القرية الظالم اهلها... قولى آمين.

[shiko]

برجاء التصحيح

تشهد الايام القتيلة مرتدية ...معطف خطير...فى مصر القديمة, ورؤية مستقبلية للشعب المرجانية لتحديد الاهداف والاولويات لتحسين مجموع الفرد بالثانوية المعمية والرئيس مبارك فائد ..التاريخ استطاع ان ينقل مصر بقلاب حضارى من القارة الفريقية للقارة الهندوسية ...محملاً نقلات من الاقتصاد المخروم (مثال الربع جنيه) ...السياسة والزراعة المروية بمياه الصرف والاستفزاز وجـرص على عدم المساس بأصحاب الحبل المشدود ....وسعى لخراب العيشة واللى عيشينها ...وحرص على اقامة سجون جديدة وقصور فخمة مثل قصر مارينا ... قصر شارم – قصر بورتو السخنة -) لرفع الضغط على ابناء الوطن فلا يحتاج إلى ادوية مسكنة والكل سيقول اااااااه

عبر بقلمك والوانك الطبيعية (يلاحظ هنا استخدام اكياس الدم الفاسدة هايدلينا للتعبير عن المشاهد الدموية )

مشهد من مشاهد مسرحية شاهد ماشفش حاجة

مشهد من مشاهد الخراب والدمار التى اعقبت الغزو الرئاسى للبلاد

التصميم الابتكارى

صمم شعار للتجبيس الانسانى داخل سجون مصر مستخدما الرموز المناسبة على ان تكتب عبارة أأأأأأأأأأأأأأه داخل الشعار مع استخدام مشتقات السماد المسرطنة

الاخت الفاضلة شيكو...

كل ما أقرا اى مداخلة ليكى متعلقة بأحوال مصر, ينفجر قلبى من البكاء..

ربنا يصبرنا و يصبرك... اللهم اخرجنا من القرية الظالم اهلها... قولى آمين.

أمين .....أمين ....بس بجد انا مقصدش بجد انا ازعلك انا بجد حاولت اضحك بس يمكن الموضوع جه ميلوتراجدى شوية

اسفة مرة تانية على الازعاج

[إيزيس]

قائد له تاريخ مستمر

إيه رأيكوا في مستمر؟؟؟؟

[جيمي]

بدون اي تعليق

اسمحلي يا بشمهندس ياسر اعدد افتراءات الدجاله المشعوزه النصابه ال.... ال.... ال.... ال...... ال..... ال......

ااولا بتدعي العلاج بالقراان ..

وخد بالك من الكلام بقه اللى ماينفعش يتقال الا وهي ماسكه المبخره وبتبخر اعضاء الحزب الوطني

ياللي تايدك من الله رب العالمين وسيدنا محمد صلي الله عليه وسلم .... حاشي لله

يابن اطهر نسب جدك علي ابن ابي طالب وجدتك فاطمه الزهراء البتول وجدك مولانا الحسين .... هي حصلت

والست شافت فى المنام ان تايده مش بمزاجه ده تاييد من رب العالمين ونبينا المبارك ...... تااااني

والست استشهدت بايه من القران ( ان ينصركم الله فلا غالب لكم )

انا بصراحه حاسس باحتقان فى الجيوب الانفيه وتجمع هائل من اقذر انواع السباب والسفاله ... لدرجة اني لو عطست هطرد من المحاورات ... بسبب الناس اللى بيحشرو الدين عمال على بطال وبيستخدمو اقدس حاجه للحصول على اخس حاجه ... لما هيطلعولنا بدين جديد غير اللى انزل الينا من عند الله ....

وللاسف فى صور كتير للريس حسني مبارك متعلقه فى اماكن كتير ... ومكتوب عليها بالبنط العريض ..

اختارك الله لمصر فكيف لا نختارك نحن

ونفسي بس اعرف اسم الريس جاء فى اي كتاب سماوي .. القرآن ولا الانجيل ولا التوراه .. استغفر الله العظيم