مشاهدات اثناء قيادة السيارة في طرقات مصر المحروسة

[Amr Radwan]

السلام عليكم .. اخيرا .. عدت الي مصر الحبيبة و انا في غاية الشوق و الحنين لها و هوائها و مائها و ناسها .. و لا يمنع ابدا ان نذكر المشاكل و نتكلم عنها حتي نجد حلها بدلا من ان نتبع سياسة "الانامالية" او بالمعني المعروف "السلبية".. و ساسرد لكم بعض مشاهداتي اثناء القيادة في شوارع مصر المحروسة بداية من الحارات و الازقة الي الطرق السريعة و الهاي واي .. طبعا المشاهدات مش عشان احكيلكم عن حاجة انتو مش شايفينها مثلا .. بس عشان نتكلم فيها و الله اعلم ممكن نوصل لحل ليها و ايضا احد طرق حل المشكلة بايجابية ..

اولا .. المكروباسات

حاجة كده عاملة زي العربة الشقية و اللي بيسوقها عادة شباب صغير في السن بداية من 20 سنة و اقل كمان .

طبعا الميكروباسات لها فائدة عظيمة و هي التكلفة الاقتصادية علي المواطنين بالاضافة الي تقليل عدد السيارات في الشارع و بالتالي حل مؤقت لمشكلة الاختناق المروري في مصر المحروسة .

و لكن فيه كام مشكلة اساسية في الميكروباسات :

الاولي .. التسعيرة المتغيرة و التي ترجع لهوي و مزاج السائق و خاصة في ساعات الذروة و الاوقات التي لا يتواجد بها مواصلات لان البيه السواق بياخدها علي ان التجارة شطارة و انت و شطارتك مع الزبون .. يعني مثلا التعريفة من اول عباس في مدينة نصر لحد رمسيس ب 1.25 جنية قام السواق قال قبل ما الناس تركب " النفر ب 1.5 جنية يا جدعان" تتوقعوا اية اللي هيحصل و الناس مش لاقيه مواصلات و ما صدقت شافت الميكروباس ؟؟

الثانية .. السواقين فاكرين نفسهم في لعبة "Need for Speed" و التزنيق علي خلق الله و الكسر عليهم و خاصة لو كانت ست سايقة عربية و ياسلام بقا كمان لو كانت بنت صغيرة و لكن فعلا ما شاء الله عليهم فعلا محترفين و اساتذة بس انا عن نفسي لما بكون سايق عربيتي ببعد عنهم خالص و لو شوفت ميكروباص جمبي بروح في الناحية التانية من الشارع لاني مش ضامن ان السائق ده محترف و لا متهور و لو حصلت مشكلة مش هعرف اخد منه حق و لا باطل .

الثالثة .. "الكراسي اربعات يا بشوات" دي الجملة المشهورة عند الاذدحام و تعني ان الكرسي اللي بياخد 3 افراد بالعافية لازم ياخد 4 افراد !!! ازاي محد ش يعرف و الغريب ان الناس بتوسع لبعضها و فعلا بيركبوا 4 افراد في الكرسي و الغريب برده ان ممكن تكون فيه انسة او ست كبيرة في وسط الرجالة .. عادي جدا .. ازاي مش عارف و لو ما حصلش كده ممكن السواق يقول مش طالع او انزلوا من العربية و مش شغال و هجرش العربية .

طبعا حل الموضوع ده بسيط للغاية بس محتاج ان الكل يكون واقف وقفة واحدة و هو مش نازلين و هتطلع و لو مش عاجبك اطلع بينا علي القسم .. و هو عمره ما هيطلع علي القسم و لا هيتخانق مع 15 راكب و كل اللي هيعمله انه هيطلع و يمشي بمدأ الكثرة تغلب الشجاعة و خاصة ان القانون مش معاه ده اذا كان معاه رخصة اساسا .

برده فيه ملحوظة مهمة و غريبة شوية ان معظم سائقي المكروباسات اللي شغالين بين المدن بيكون طباعهم و سلوكهم و تعاملهم افضل بكتير من اللي شغالين داخل المدن .. اية السبب مش عارف !!!

و كمان تلاقيهم بيحترموا الستات جدا و لو حد حاول يعمل دور رومانسي علي واحدة في الميكروباس تحس انه بيرد عليه و بيتعامل مع الموقف علي انه جوزها او اخوها او ابوها .

برده ايام الجامعة كان فيه بعض الشباب البايظ شباب و بنات بيتجمعوا دايما في الكرسي الخلفي للميكروباس و كان السواق دايما عينه عليهم و متابعهم و لو تطور الامر بيتكلم و يزعق و يقيد نور الميكروباس الداخلي .

هذا لا يمنع اني شخصيا لا اثق فيهم كفئة لان كما ذكرت ان فيهم الوحش و حتي لو النسبة صغيرة فما تضمنش الفاس تقع في الراس .

يتبع ...

[herohero]

سيدي عمر الناس ماهتتكلم السلبية بقت متغلغله فيهم وانا جربت كتير وكنت بتكلم لكن للاسف الركاب كانوا بيقول ياسيدي خليها علينا لو مش معاك مش فارقة وشوية حاجات كده تزهق الواحد بجد

والسواق ساكت ومش بيكلف نفسه يتكلم احنا كشعب نستاهل اكتر من كده "لاتسالن الظالم لماذا ظلم بل اسالن المظلوم لماذا سكت"

اما عن السواقة ف مصر فهي لها قواعد تانيه لازم تطلع ايدك من الشباك وتستخدم اشارات اليد بكل معانيها ويكون الكاسيت عالي وتنسى خالص اي ذوق واي منطق وتسوق وانت مش بتفكر الا ازاي تمشي ومالكش دعوة بغيرك

[أحمد سيف]

تسجيل متابعه

[Amr Radwan]

سيدي عمر الناس ماهتتكلم السلبية بقت متغلغله فيهم وانا جربت كتير وكنت بتكلم لكن للاسف الركاب كانوا بيقول ياسيدي خليها علينا لو مش معاك مش فارقة وشوية حاجات كده تزهق الواحد بجد

والسواق ساكت ومش بيكلف نفسه يتكلم احنا كشعب نستاهل اكتر من كده "لاتسالن الظالم لماذا ظلم بل اسالن المظلوم لماذا سكت"

اما عن السواقة ف مصر فهي لها قواعد تانيه لازم تطلع ايدك من الشباك وتستخدم اشارات اليد بكل معانيها ويكون الكاسيت عالي وتنسى خالص اي ذوق واي منطق وتسوق وانت مش بتفكر الا ازاي تمشي ومالكش دعوة بغيرك

عذرا اخي الكريم .. مش كل الناس بتتعامل بسلبية ..

كان زمان ..

دلوقتي فيه ناس كتيرة بتتعامل بايجابية و بتظهر في حياتنا اليومية كمان ..

عموما .. لو كل واحد فكر يبدأ و ما يفكرش انه ينتظر اللي جمبه يبدأ اكيد هنبقا احسن ..

و حتي لو بدأت و تصرفت بايجابية و الكل خايف يعمل زيي اكيد هيجي يوم و واحد تاني برده يتصرف بايجابية و بكده بقينا 2 مش واحد و ده هيخلي اللي سلبي يعمل زينا ..

اما موضوع ان السواقة ليها وضع تاني في مصر فاقدر اقول ان فعلا لها شكل تاني و مميزات تانية بس مش لازم كله للاسوأ .. برا في الخليج فيه الاسوأ علي الاقل عمرك ما تلاقي واحد في مصر يكسر عليك متعمد عشان يموتك لانك "اجنبي"

تحياتي لك و شاكر لك متابعة حضرتك و الرد ..

عزيزي احمد سيف شاكر لك متابعتك :rolleyes:

[herohero]

تلاقي واحد في مصر يكسر عليك متعمد عشان يموتك لانك "اجنبي"

لا والله بيكسروا مادم مش حاطط حديد ع كتفك لو حاطط حديد ع كتافك محدش هيهوب ناحيتك هنا ف الخليج اهم ميزة ان لو فيه حادثة الموقف بينتهي بامان وبهدوء اما ف مصر فله حسابات تانية

[HDarwish]

السلام عليكم .. اخيرا .. عدت الي مصر الحبيبة و انا في غاية الشوق و الحنين لها و هوائها و مائها و ناسها .. و لا يمنع ابدا ان نذكر المشاكل و نتكلم عنها حتي نجد حلها بدلا من ان نتبع سياسة "الانامالية" او بالمعني المعروف "السلبية".. و ساسرد لكم بعض مشاهداتي اثناء القيادة في شوارع مصر المحروسة بداية من الحارات و الازقة الي الطرق السريعة و الهاي واي .. طبعا المشاهدات مش عشان احكيلكم عن حاجة انتو مش شايفينها مثلا .. بس عشان نتكلم فيها و الله اعلم ممكن نوصل لحل ليها و ايضا احد طرق حل المشكلة بايجابية ..

اولا .. المكروباسات

حاجة كده عاملة زي العربة الشقية و اللي بيسوقها عادة شباب صغير في السن بداية من 20 سنة و اقل كمان .

طبعا الميكروباسات لها فائدة عظيمة و هي التكلفة الاقتصادية علي المواطنين بالاضافة الي تقليل عدد السيارات في الشارع و بالتالي حل مؤقت لمشكلة الاختناق المروري في مصر المحروسة .

و لكن فيه كام مشكلة اساسية في الميكروباسات :

الاولي .. التسعيرة المتغيرة و التي ترجع لهوي و مزاج السائق و خاصة في ساعات الذروة و الاوقات التي لا يتواجد بها مواصلات لان البيه السواق بياخدها علي ان التجارة شطارة و انت و شطارتك مع الزبون .. يعني مثلا التعريفة من اول عباس في مدينة نصر لحد رمسيس ب 1.25 جنية قام السواق قال قبل ما الناس تركب " النفر ب 1.5 جنية يا جدعان" تتوقعوا اية اللي هيحصل و الناس مش لاقيه مواصلات و ما صدقت شافت الميكروباس ؟؟

الثانية .. السواقين فاكرين نفسهم في لعبة "Need for Speed" و التزنيق علي خلق الله و الكسر عليهم و خاصة لو كانت ست سايقة عربية و ياسلام بقا كمان لو كانت بنت صغيرة و لكن فعلا ما شاء الله عليهم فعلا محترفين و اساتذة بس انا عن نفسي لما بكون سايق عربيتي ببعد عنهم خالص و لو شوفت ميكروباص جمبي بروح في الناحية التانية من الشارع لاني مش ضامن ان السائق ده محترف و لا متهور و لو حصلت مشكلة مش هعرف اخد منه حق و لا باطل .

الثالثة .. "الكراسي اربعات يا بشوات" دي الجملة المشهورة عند الاذدحام و تعني ان الكرسي اللي بياخد 3 افراد بالعافية لازم ياخد 4 افراد !!! ازاي محد ش يعرف و الغريب ان الناس بتوسع لبعضها و فعلا بيركبوا 4 افراد في الكرسي و الغريب برده ان ممكن تكون فيه انسة او ست كبيرة في وسط الرجالة .. عادي جدا .. ازاي مش عارف و لو ما حصلش كده ممكن السواق يقول مش طالع او انزلوا من العربية و مش شغال و هجرش العربية .

طبعا حل الموضوع ده بسيط للغاية بس محتاج ان الكل يكون واقف وقفة واحدة و هو مش نازلين و هتطلع و لو مش عاجبك اطلع بينا علي القسم .. و هو عمره ما هيطلع علي القسم و لا هيتخانق مع 15 راكب و كل اللي هيعمله انه هيطلع و يمشي بمدأ الكثرة تغلب الشجاعة و خاصة ان القانون مش معاه ده اذا كان معاه رخصة اساسا .

برده فيه ملحوظة مهمة و غريبة شوية ان معظم سائقي المكروباسات اللي شغالين بين المدن بيكون طباعهم و سلوكهم و تعاملهم افضل بكتير من اللي شغالين داخل المدن .. اية السبب مش عارف !!!

و كمان تلاقيهم بيحترموا الستات جدا و لو حد حاول يعمل دور رومانسي علي واحدة في الميكروباس تحس انه بيرد عليه و بيتعامل مع الموقف علي انه جوزها او اخوها او ابوها .

برده ايام الجامعة كان فيه بعض الشباب البايظ شباب و بنات بيتجمعوا دايما في الكرسي الخلفي للميكروباس و كان السواق دايما عينه عليهم و متابعهم و لو تطور الامر بيتكلم و يزعق و يقيد نور الميكروباس الداخلي .

هذا لا يمنع اني شخصيا لا اثق فيهم كفئة لان كما ذكرت ان فيهم الوحش و حتي لو النسبة صغيرة فما تضمنش الفاس تقع في الراس .

يتبع ...

لو أنا كنت موجود في مصر كنت هارد برد تاني غير اللي أنا هاقوله الوقتي ..

لكن علشان أنا في الخليج هاقولك لأ دي حاجه بشعة ومقرفة جداً وشيء لا يطاق بالمرة .. إختلاف المكان

إحنا فعلاً عندنا سلبيات كثيرة في أخلاقيات القيادة، لكن الناس في مصر خلاص اتعودت على كده وأصبح ده العادي بالنسبة لهم والأمر طبيعي جداً .. وكله لازم يطبق أهم مبدأ في القيادة واللي هو إحذر خطأ الغير لكن في نفس الوقت لازم تكون جريء .. في أجازتي الأخيرة كنت بفضل إني أركب التاكسي عن إني أركب عربيتي علشان أريح نفسي خاصة لو رايح بلد أرياف جنب المنصورة ..

عمرو ،،

خد بالك علشان الناس لو حست بحالة نفورك من كل شيء ونقد السلبيات دائماً .. هتلاقي أول حاجه بتتئالك "ياعم إنت جاي من بره تتنطط علينا!"

على فكرة برغم السلبيات دي .. لكن أحلى وأحسن برده .. كفاية إحساسك إنك من الناس دي . وإنك مهما إتغربت في الخليج ولا في أوروبا عمرك ما حتكون خليجي ولا أوروبي .. فأنت مهما اتغربت لن تكون غير مصري حتى لو أخدت جنسية تانية برضه حيتئال كندي من أصل مصري ..

تحياتي

[msayed]

فيه سلبيات بتبقى ناتجة من إننا بلد فقيرة أو حد عاوزها تبقى فقيرة "أقصد عن ضعف الإمكانيات المادية" وهذه السلبيات لاينبغى إنتقادها بل التجمع لدراسة أنسب الحلول لها.

لكن هناك مشاكل بتبقى ريحتها فايحة قوى، زى موضوع الميكروباس ده، إزاى ولد مسجل سوابق ومستهتر يترك له العنان أنه يسيطر على سلوك الشارع، وفيه منهم لما تهدده إنه يروح القسم تلاقيه مستعد وماعندوش أى مشاكل، والسبب معروف.

[ذهبية]

و الله انا شايفة المووضع من وجهة نظر تانية

ان المبكروباسات مش كتيرة ودة اللى بيسبب مشكلة بيتهايلى لو عددهم كبير كان هيكون فية جلوس محترم وكل واحد برضة منهم يحترم نفسة فى التعامل

لكن انا شايفة ان العدد الاكبر التاكسيات لسبب ان كتير من المهمين مشاركين فى تاكسيات لبيزنس علشان كدة عدد قليل جدا الميكروباسات لحساب التاكسى

طبعا كتير هيردوا يقولوا زيادة ايةةةةةةة مش كفاية الىل هما عاملينة فى الشوراع و المرور

ايوة بس لاحظوا حضراتكم انها بجد الوسيلة الوحيدة للناس متوسطى الحال وانها بتحل مشكلة كبيرةةة جدااا

[HDarwish]

طب إيه رأي حضرتك في إن هيئة النقل تعمل هي أو تخصص شركة أو شركتين لعمل أتوبيسات ليها تعريفة محددة وبكده هتنقل أكبر عدد من الناس وأكيد هيبئا ليها ضوابط محددة وخطوط معينة

الفكرة كانت مطبقة زمان بس الأتوبيسات دي جار عليها الزمن يمكن لسه موجود من الاتوبيسات دي واحد أو اثنين في المنصورة تحديداً وبتنقل موظفين الهيئة وبس ..

العملية عايزة شوية تنظيم مش أكثر ..

تحياتي

[moheltohamy]

على فكرة برغم السلبيات دي .. لكن أحلى وأحسن برده .. كفاية إحساسك إنك من الناس دي . وإنك مهما إتغربت في الخليج ولا في أوروبا عمرك ما حتكون خليجي ولا أوروبي .. فأنت مهما اتغربت لن تكون غير مصري حتى لو أخدت جنسية تانية برضه حيتئال كندي من أصل مصري ..

تحياتي

تحيّات مين بقى يابو علي... آهو إنتا كده غلطت ، وبتخبّط في الحلل! :blush2:

عاوز تتكلّم على أوروبي براحتك... لكن تخبّط في ماما كندا ، والأشقاء الكنديين؟!

وأحب أفكّرك بحاجة مهمة جداً... تشبيه كندا بأوروبا أو أمريكا فيه ظلم لكندا. أولاّ مفيش حد إسمه كندي كندي اللهم إلاّ الناس الأبوريجينالز (الهنود الحمر يعني). يعني م الآخر ، وبالنظر لتاريخ كندا الحديث نسبياً (أحدث من أمريكا نفسها ، من 200 سنة تقريباً) يبقى محدّش يقول لك أنا كندي أصلي!

والنقطة التانية إن طبيعة كندا مختلفة عن أي دولة في العالم. مبدأ قيام كندا قائم أساساً على التنوّع! وبالتالي كلنا كنديين ، وكل واحد من أصل شكل ، هندي كندي ، صيني كندي ، فنلندي كندي ، برازيلي كندي ، فرنسي كندي (خارج كيبيك) ، ... إلخ. كلنا كنديين وبنحب كندا ، وبنحترم بعض على اختلاف طباعنا وثقافاتنا.

شوف لك مثال تاني تخبّط فيه يعني م الآخر :closedeyes:

وعلى الله بقى أشوفك جوّه باب كندا

[عاشق الترحال]

المشكله مش الميكروباصات أو التاكسيات بس لأن ببساطه سواق الميكروباص أو التاكسي مهما كان رذل فهو غلبان وطالع يسترزق وآخره أوي يوم ما يتنطط على أي شخص هيروح القسم ولا المرور يعمله محضر هناك وبعد كده السواق هيجي يبوس إيده علشان يتنازل عن المحضر

وبرضه المشكله مش بس في البشوات أكابر البلد وهتلاقي نماذج كتير تلاقي عربيه مفيمه أسود في أسود متشفش منها غير الزجاج ومتعلق عالنمره بتاعتها نسر يبقى خلاص ( عربيه باشا ) محدش يقدر يقوله تلت التلاته كام.

وأوقات تلاقي بادج بتاع النيابه العامه وفاميه وستاير برضه ( عربيه باشا ) محدش يقدر يهوب ناحيتها.

والعجيب بقى أنك تلاقي العربيه مفيمه وعلي اللوحه أرقام مكتوبه بخط صغير متشوفهاش بالعين المجرده محتاجه نظاره معظمه .

والأعجب تلاقي سياره مفيمه وماشيه من غير نمر خالص بس الباشا حاطط الباريه بتاع البدله عالتابلوه .

وهل يجرؤ عسكري ولا أمين أنه يوقف الباشا ويكلمه زي مابيكلم المواطنين العاديين ؟ هتبقى وقعته سوده.

ناهيك بقى عن بادج هيئه قضائيه ومجلس الشعب وهيصه . زي مايكون مارثون لإستعراض العضلات وإثبات مين فوق القانون .

وطبعا بقى فيه ناس كتير تحب تقلد وتعمل فيها بشوات فيقوم ضارب البادج التمام عالنمره ويفيم العربيه ويدخل بقلب جامد عالكمين اللي بيبقى متهيأ من شكل العربيه أنها بتاع حد مسنود .

المشكله في ثقافة شعب بيفكر أنها شطاره أنه يضحك عالعسكري بتاع المرور ولا يقطع إشاره مرور علشان محدش واقف بيراقب ولا بيشوف واسطه علشان ياخد الرخص اللي اتسحبت منه أو بيشوف واسطه علشان يستخرج رخصه وهو لا يجيد القياده .

ومهما طبقوا قوانين مرور جديده المشكله هتبقى في إحترام الناس للقوانين دي وعدم التحايل عليها بالأساليب الملتويه .

وأن المواطن يحس ان القانون فعلا بيطبق عالكبير قبل الصغير علشان يحترم القانون ده

تحياتي . :closedeyes:

تم تعديل 18 يناير 2010 بواسطة عاشق الترحال

[عاشق الترحال]

طب إيه رأي حضرتك في إن هيئة النقل تعمل هي أو تخصص شركة أو شركتين لعمل أتوبيسات ليها تعريفة محددة وبكده هتنقل أكبر عدد من الناس وأكيد هيبئا ليها ضوابط محددة وخطوط معينة

الفكرة كانت مطبقة زمان بس الأتوبيسات دي جار عليها الزمن يمكن لسه موجود من الاتوبيسات دي واحد أو اثنين في المنصورة تحديداً وبتنقل موظفين الهيئة وبس ..

العملية عايزة شوية تنظيم مش أكثر ..

تحياتي

من رأيي أنها فكره كويسه وأنا عن نفسي فكرت فيها زمان وكنت بعت مره أيام الجامعه لجريدة الجمهوريه شكوى عن الموضوع ده وطرحت الفكره اللي حضرتك ذكرتها كأحد الحلول للمشكله بتاع الميكروباصات ووسائل النقل عندنا في المنصوره وخصوصا عند منطقة الجامعه لأنها بتضم موظفين في الجامعه وطلبه بالإضافه للمستشفيات والمحلات اللي عالمشايه فالضغط عليها كتير بس ولا الدموع ولا كأني قلت حاجه ولا حتى عرضوها فى الجريده . :closedeyes: تنفيض عيني عينك :blush2:

تم تعديل 18 يناير 2010 بواسطة عاشق الترحال

[HDarwish]

على فكرة برغم السلبيات دي .. لكن أحلى وأحسن برده .. كفاية إحساسك إنك من الناس دي . وإنك مهما إتغربت في الخليج ولا في أوروبا عمرك ما حتكون خليجي ولا أوروبي .. فأنت مهما اتغربت لن تكون غير مصري حتى لو أخدت جنسية تانية برضه حيتئال كندي من أصل مصري ..

تحياتي

تحيّات مين بقى يابو علي... آهو إنتا كده غلطت ، وبتخبّط في الحلل! :lol:

عاوز تتكلّم على أوروبي براحتك... لكن تخبّط في ماما كندا ، والأشقاء الكنديين؟!

وأحب أفكّرك بحاجة مهمة جداً... تشبيه كندا بأوروبا أو أمريكا فيه ظلم لكندا. أولاّ مفيش حد إسمه كندي كندي اللهم إلاّ الناس الأبوريجينالز (الهنود الحمر يعني). يعني م الآخر ، وبالنظر لتاريخ كندا الحديث نسبياً (أحدث من أمريكا نفسها ، من 200 سنة تقريباً) يبقى محدّش يقول لك أنا كندي أصلي!

والنقطة التانية إن طبيعة كندا مختلفة عن أي دولة في العالم. مبدأ قيام كندا قائم أساساً على التنوّع! وبالتالي كلنا كنديين ، وكل واحد من أصل شكل ، هندي كندي ، صيني كندي ، فنلندي كندي ، برازيلي كندي ، فرنسي كندي (خارج كيبيك) ، ... إلخ. كلنا كنديين وبنحب كندا ، وبنحترم بعض على اختلاف طباعنا وثقافاتنا.

شوف لك مثال تاني تخبّط فيه يعني م الآخر :lol:

وعلى الله بقى أشوفك جوّه باب كندا

:closedeyes: :sad: الظاهر إني دخلت في حارة سد .. أنا إيه اللي جابني هنا؟؟! .. هو النيل فين؟.!! النيل فين؟؟!!

:unsure: إنت كشفتني إزاي يا عم برغم إني متنكر؟؟!! ولا مش باين عليا؟ .. إنت مش كنت هناك في باب كندا؟؟!! .. إيه اللي جابك هنا؟؟

يا دكتور أنا كنت أقصد بس إن الإحساس بالدفء المصري والحنان والأمان الأصلي مش هتلاقيه غير بين أهلك وناسك وعلشان كده لو مضطر ومش قادر تغير اللي ما يتغيرش يبئا هتستحمل وتحاول تصلح الخطأ أو هتعمل نفسك مش واخد بالك وساعتها لما هتشوف حد جاي من بره وعمال يطلعلك القطط الفطسانة ويقلب عليك المواجع هتبئا حاقد عليك وأقل حاجه هيقولهالك "ياعم سبنا في حالنا وخلينا في اللي إحنا فيه" ..

معليشي يا باشا سماح المرة دي واسمحلي أبئا أبص كده من الشباك شوية على باب كندا ..

أصل إنتوا بصراحه كده بتعقدونا .. عمالين تحكولنا على النظافة والنظام والحاجات اللي ما بنشوفهاش غير في الأفلام وبس .. نولع في نفسنا إحنا بئا؟؟!! ولا نرمي نفسنا في النيل قصدي في الخليج؟؟ .. براحه علينا مش كده الله يخليك .. :lol: :lol:

الموضوع ده ياعمرو إظاهر إنه هيتقلب وهنغير إسمه ونسميه "قهوة أهل المنصورة" أو "مشاهدات أثناء قيادة السيارة في طرقات المنصورة" .. :blush2:

وتحياتي برضه ..

"بجد بئا إوعى تزعل مني يا تهامي أنا بهزر معاك ومن قلبي بتمنى لك ولكل الكنادوة التوفيق والخير دايماً"

[HDarwish]

طب إيه رأي حضرتك في إن هيئة النقل تعمل هي أو تخصص شركة أو شركتين لعمل أتوبيسات ليها تعريفة محددة وبكده هتنقل أكبر عدد من الناس وأكيد هيبئا ليها ضوابط محددة وخطوط معينة

الفكرة كانت مطبقة زمان بس الأتوبيسات دي جار عليها الزمن يمكن لسه موجود من الاتوبيسات دي واحد أو اثنين في المنصورة تحديداً وبتنقل موظفين الهيئة وبس ..

العملية عايزة شوية تنظيم مش أكثر ..

تحياتي

من رأيي أنها فكره كويسه وأنا عن نفسي فكرت فيها زمان وكنت بعت مره أيام الجامعه لجريدة الجمهوريه شكوى عن الموضوع ده وطرحت الفكره اللي حضرتك ذكرتها كأحد الحلول للمشكله بتاع الميكروباصات ووسائل النقل عندنا في المنصوره وخصوصا عند منطقة الجامعه لأنها بتضم موظفين في الجامعه وطلبه بالإضافه للمستشفيات والمحلات اللي عالمشايه فالضغط عليها كتير بس ولا الدموع ولا كأني قلت حاجه ولا حتى عرضوها فى الجريده . :closedeyes: تنفيض عيني عينك :blush2:

طب ما تيجي نبئا عمليين ونحاول تاني .. ونعرض الفكرة

أنا بحاول أوصل للموقع الرسمي للمحافظة .. هنا http://www.dakahliya.gov.eg لكن للأسف الموقع مش راضي يفتح .. شوف كده إنت وأنا معاك وأدينا نحاول نكون إيجابيين ..

تحياتي

[عاشق الترحال]

طب ما تيجي نبئا عمليين ونحاول تاني .. ونعرض الفكرة

أنا بحاول أوصل للموقع الرسمي للمحافظة .. هنا http://www.dakahliya.gov.eg لكن للأسف الموقع مش راضي يفتح .. شوف كده إنت وأنا معاك وأدينا نحاول نكون إيجابيين ..

تحياتي

خد يا باشا موقع الراس الكبيره في الحكومه أهوه وأي وزير مش محافظ بس هتلاقيه هنا وانت ابعت وانا ابعت

http://www.egypt.gov.eg/arabic/guide/directory.aspx

ولو عاوز يبقى إيجابيه بجد لو انت في مصر اتصل علي برنامج من التوك شو ( 90دقيقه او العاشره مساء أو غيره ) واعرض المشكله وربنا ييسر الحال ونلاقي تغيير.

تحياتي :closedeyes:

[HDarwish]

طب ما تيجي نبئا عمليين ونحاول تاني .. ونعرض الفكرة

أنا بحاول أوصل للموقع الرسمي للمحافظة .. هنا http://www.dakahliya.gov.eg لكن للأسف الموقع مش راضي يفتح .. شوف كده إنت وأنا معاك وأدينا نحاول نكون إيجابيين ..

تحياتي

خد يا باشا موقع الراس الكبيره في الحكومه أهوه وأي وزير مش محافظ بس هتلاقيه هنا وانت ابعت وانا ابعت

http://www.egypt.gov.eg/arabic/guide/directory.aspx

ولو عاوز يبقى إيجابيه بجد لو انت في مصر اتصل علي برنامج من التوك شو ( 90دقيقه او العاشره مساء أو غيره ) واعرض المشكله وربنا ييسر الحال ونلاقي تغيير.

تحياتي :closedeyes:

أكثر تحديداً ..

دي الصفحة الخاصة بالشكاوى والاستفسارات بوزارة النقل

http://www.mot.gov.eg/in/Complaints.aspx

كل واحد مؤيد للفكرة يدخل ويقدم الفكرة .. بس خلونا الأول نتفق على مضمون الفكرة والصيغة اللي هنقدمها بيها..

كل التحية والتقدير

[SoSo R]

تلاقي واحد في مصر يكسر عليك متعمد عشان يموتك لانك "اجنبي"

لا والله بيكسروا مادم مش حاطط حديد ع كتفك لو حاطط حديد ع كتافك محدش هيهوب ناحيتك هنا ف الخليج اهم ميزة ان لو فيه حادثة الموقف بينتهي بامان وبهدوء اما ف مصر فله حسابات تانية

صباح الخير ..

بس أحب أعلق على النقطة اللى حضرتك بتقولها بعد إذن صاحب الموضوع...

فى الخليج بتخلص فى أمان وهدوء لو ماك انتش الحادثة مع مواطن أو وافد مسنود ومعاه واسطة محترمة...فى الحالة دى تخلص فى هدوء

لكن حضرتك كدة جرب تسمع حكايات عن حد عمل حادثة مع مواطن أو وافد مسنود قوى...وهتسحب كلمتك دى علطول

وأنا ممكن أحكيلك قصص للصبح..

تسجيل متابعة يا أستاذ عمرو

تحياتى

[أحمد سيف]

إحنا فعلاً عندنا سلبيات كثيرة في أخلاقيات القيادة، لكن الناس في مصر خلاص اتعودت على كده وأصبح ده العادي بالنسبة لهم والأمر طبيعي جداً .. وكله لازم يطبق أهم مبدأ في القيادة واللي هو إحذر خطأ الغير لكن في نفس الوقت لازم تكون جريء .. في أجازتي الأخيرة كنت بفضل إني أركب التاكسي عن إني أركب عربيتي علشان أريح نفسي خاصة لو رايح بلد أرياف جنب المنصورة ..

فعلا المبدأ ده بالذات بيضايقني ... المره اللي نزلت فيها بعربيتي على مصر ما فيش واحد قابلته إلا وقاللي "إحذر خطأ الغير" والعباره نفسها مكتوبة على لافتات المرور ... مع إن ده حسب اللي اتعلمته غلط 100% ... انت كده بتقول للناس سوقوا غلط مش مشكله لإن الناس الثانيه هياخذوا بالهم ... الصح هو إنك تمشي مظبوط حسب القواعد وتسيب اللي يغلط يغلط لإنه هيتحمل نتيجه خطأه ... ده اللي الناس ماشيه بيه في كل مكان

فى الخليج بتخلص فى أمان وهدوء لو ماك انتش الحادثة مع مواطن أو وافد مسنود ومعاه واسطة محترمة...فى الحالة دى تخلص فى هدوء

لكن حضرتك كدة جرب تسمع حكايات عن حد عمل حادثة مع مواطن أو وافد مسنود قوى...وهتسحب كلمتك دى علطول

وأنا ممكن أحكيلك قصص للصبح..

الكلام ده ممكن يكون مظبوط في الكويت ودول أخرى ... لكن بكلّ أمانه أنا عشت في البحرين فترة طويلة وعمري ما سمعت عن حاجه زي دي ... أنا في حياتي حصل معايا 7 حوادث كلهم في الخليج والحمد لله كلهم كان فيهم الطرف الثاني هو اللي غلطان ... خمسه منهم كانوا مع مواطنين ورغم كده ظباط المرور عمرهم ما استقصدوني لإني أجنبي ... غير إن حته إن واحد يزنّق عليك لإنك أجنبي عمرها ما حصلت معايا ... أنا ساعات كثير ايام الشباب والشقاوه اللي كنت بأرخّم على سواقين تانيين من أهل البلد (مصري بأه) ومعظمهم كانوا بيستحملوني ويعدوها.

ناس محترمه جدا بصراحه :)

[moheltohamy]

أنا ساعات كثير ايام الشباب والشقاوه اللي كنت بأرخّم على سواقين تانيين من أهل البلد (مصري بأه) ومعظمهم كانوا بيستحملوني ويعدوها.

ناس محترمه جدا بصراحه :)

بيستحملوك؟ وبيعدّوها؟! :lol:

ما بلاش انتا يابو حميد... ولاّ نسيت دبي والسواقة فيها؟!

وان كنت ناسي أفكّرك :lol:

[MZohairy]

يا عم عمرو

حد يجيب سيرة الميكروباسات و ينسى التوكتوك؟؟؟؟؟؟!!!!!!!!!!!!!!!!!!!!!!!!!!

والله ركوبه متعه يا جماعه

ركبته مره بتلاته جنيه ولا تقولي دريم بارك ولا كوكي بارك و لا كريزي ووتر

حاجه خيال يا جماعه