مشاهدات اثناء قيادة السيارة في طرقات مصر المحروسة

[لولا]

يا عم عمرو

حد يجيب سيرة الميكروباسات و ينسى التوكتوك؟؟؟؟؟؟!!!!!!!!!!!!!!!!!!!!!!!!!!

والله ركوبه متعه يا جماعه

ركبته مره بتلاته جنيه ولا تقولي دريم بارك ولا كوكي بارك و لا كريزي ووتر

حاجه خيال يا جماعه

فعلا التوكتوك خيااااااااااال فعلا :lol:

آخر مره كنت فى مصر جربته الحمدالله ,, تجربه فريده وتستحق بجد :D

بس طبعا كان فى اختلاف فظيع عن توكتوك القاهرة لأنه كان فى "الجونه " حاجه كده اوريجنال ,, شيك قوى والوانها تحفه جدا والسواقين لا بسين

يونيفورم حلو كمان . التنقل هناك اصلا كله بالتوكتوك فقط .

هو انا بتكلم فى الموضوع يا استاذ عمرو ولا خرجت .. مش الكلام عن التوكتوك برضو فى طرقات مصر المحروسه :sad:

مساءك فل يا مظيهرى يا خويا :)

-------

نظريه خلى بالك من اللى بيسوق غلط اعتقد مكانها الوحيد فى العالم عندنا ..

للأسف نظريه صح .. لو مخلتش بالك عربيتك ممكن تضيع منك فى غمضه عين !! بالتالى غصب عنك بتلاقى نفسك بتسوق بشكل بهلوانى غريب

عشان تتفادى الناس اللى بتسوق وهى نايمة دى والناس اللى واخده السواقه بلطجة :lol: .

تحياتى

لولا

[أحمد سيف]

أنا ساعات كثير ايام الشباب والشقاوه اللي كنت بأرخّم على سواقين تانيين من أهل البلد (مصري بأه) ومعظمهم كانوا بيستحملوني ويعدوها.

ناس محترمه جدا بصراحه :)

بيستحملوك؟ وبيعدّوها؟! :lol:

ما بلاش انتا يابو حميد... ولاّ نسيت دبي والسواقة فيها؟!

وان كنت ناسي أفكّرك :lol:

مين بس اللي جاب سيرة دبي يا ريس ... أنا بتكلم على الناس الطيبين اللي في البحرين

وبعدين دبي ايه يا عمي اللي تعقدك من السواقه ... إيش حال لو ما كنتش سقت 14 سنه في مصر ... الظاهر كندا غيرتك يا دكتور :sad:

المهم ... البضاعه مش وصلت ؟؟؟ انزل بيها بأه علشان الناس تعبانه.

[Amr Radwan]

يا عم عمرو

حد يجيب سيرة الميكروباسات و ينسى التوكتوك؟؟؟؟؟؟!!!!!!!!!!!!!!!!!!!!!!!!!!

والله ركوبه متعه يا جماعه

ركبته مره بتلاته جنيه ولا تقولي دريم بارك ولا كوكي بارك و لا كريزي ووتر

حاجه خيال يا جماعه

3 جنيه !!!!!!!!!

طبعا هتلاقيك كنت رايح تركبه و انت لابس البدلة و حاطط نضارة سوداء و معاك اللابتوب و نازل من عربية مرسيدس عليها علم كندا

هههههههههه

عموما الموضوع مفتوح لاي اضافات و اي تعليقات خدووووا راحتكم الركوب مجاني

[Amr Radwan]

يا جماعة الصور السلبية في كل حتة و في اي دولة و ماحدش يفتكر انها بس في مصر ..

اخويا كان لسه مطلع عربية زيرو .. و واقفة في الشارع و متغطية و جت عربية نصف نقل باب الصندوق بتاعها مفتوح و الباشا السواق اخد العربية من اولها لاخرها بالباب طبعا اخويا كان هيتجنن و لكن في النهاية !! سلبية من السواق

و برده في السعودية كان جمب العماير اللي كنت ساكن فيها جراج مجمع للسيارات و كان بليل بيسهر فيه مجموعة شباب سعودي (شكلهم شمامين) و بيقعدوا علي كبوت اي عربية و يفطسوه و يا سلام لو عربية غاليه و جديدة و كلمت الحارس قالي ما اقدرش اكلمهم يبهدلوني و محدش هيحميني

يعني من الاخر .. السلبية في اي دولة و لكن المهم ازي نتعامل بايجابية و خاصة مع سواقين التوكتوك و بالذات التكاتك الاوريجينال خالص :sad: