در اسات عليا فى القانون

[الباحث عن الرزق]

[[color="#4B0082"]size="3"]السلام عليكم

اخوانى اعضاء المنتدى الاكثر من رائع

انا مصرى اعمل بالسعوديه عمرى 25 عام انا عايز اكمل دراسات عليا فى القانون وانا خريج قانون والسبب الاول لانى عايز اكمل دراسه هو رغبتى الشديده ان يبقالى مكانه فى المجتمع لانى مش حتغرب طول عمرى انا اكيد حرجع مصر ولو رجعت مصر بدون شهاده عليا ((( الدكتوراه ))) اكيد مش حبقى راضى عن نفسى لان يومها ما حيكون ليا وظيفه ولا مكان فى مصر وانا لو اشاء ربنا انى اكمل اكيد حتعب لانى اعمل فى السعوديه يعنى جنزل كتير مصر وربنا يسهل لكن انا عندى بعض الاشياء اريد منكم مشاركتى فيها وانا اريد الحصول على دكتوراه فى احدى التخصاصات الاتيه القانون التجارى او القانون الدولى العام

1- هل الدراسه العيا مهمه فى مصر ييعنى حيبقى ليها لازمه فى مصر

2- اى التخصاصات افضل

3- كيف انظم وقتى بين عملى فى السعوديه والدراسه حتى الحصول على اعلى درجه علميه بالقانون

4- هل فى وسائل من السفاره المصريه بالسعوديه لتسهيل الدراسه

5- عند حصولى على الدرجه العلميه ما هى الوظائف المتاحه فى مصر لهذه الدرجه

[الباحث عن الرزق]

يا جماعه انا خايف يبقى موضوعى سخيف بعض الشئ ولكن انا حالى حال كل المصريين بحلم بمكانه اجتماعيه ووظيفيه فى مصر لما يشاء الله واستقر فى مصر لانى مش عايز اخسر عمرى فى الغربه بدون فائده

[عاشق الترحال]

عزيزي الباحث عن الرزق تقدر حضرتك تتقدم لعمل دراسات عليا وتذاكر وأنت في السعوديه وتكون على إتصال بزملاء لك هناك يقولولك على النقاط والمواضيع المهمه علشان تركز عليها وتبقى تنزل أيام الإمتحانات علشان تمتحن وعلى فكره قانون العمل بينص أنه لك الحق أنك تاخد أجازه مدفوعة الراتب عن كل يوم إمتحان بتقضيه وتقدر تجيب من الكليه ما يثبت أنك قضيت إمتحاناتك في الفتره دي وتبقى أنت تكلفت تذاكر السفر والخروج والعوده

بس إتأكد من الكليه اللي هتقدم فيها عن نسبة الحضور إن كان مطلوبه وبيشددوا عليها ولا لأ .

أما بالنسبه للدكتوراه فأعتقد أنك لازم تبقى هناك في مصر أو في المكان اللي أنت حابب تاخد منه الدكتوراه لأنها على حد علمي بتحتاج مجهود ودراسه وأبحاث بتعمق وتفرغ .

عالعموم أنت تقدر تبدأ الأول في موضوع الدراسات العليا والماجستير بتاعك الأول وبعد كده ربنا يسهلها.

على فكره أنا كمان زي حالاتك بس الفرق بقى أني كبرت دماغي خالص من المجال بتاع القانون ده وكنت قدمت دراسات عليا السنه اللي فاتت بس أنا بصراحه لا حابب القانون ولا الشغل في المجال ده أصلا علشان كده ريحت دماغي .

ومديري في العمل ذاكر الماجيستير بتاعه من هنا وخلصه وبعد كام شهر هينزل نهائي علشان يتفرغ للدكتوراه في مصر .

ده اللي أنا أقدر أقولهولك على حد علمي وأكيد هتلاقي ناس أفاضل يفيدوك أكتر في الموضوع ده وربنا يوفقك.

[الباحث عن الرزق]

شكرا جزيلا اخى العاشق على ردك الممتاز بالنسبه للحضور فى مجال الدبولمات القانونيه غير مشروط بحضور اما الدكتوراه فربنا يسهلها زى ما حضرتك قلت لكن اصرارى على اكمال دراستى هل هو قرار صائب رغم المتاعب الى حوجها اكيد بس دى رغبه شديده منى

وانا يا اخى العاشق لماذا لا تحب المجال القانونى هو مجال جميل وفرصه كتير ولكن الحاله فى مصر هل تعطى لكل ذو حق حقه لان انا اخشى ان يكون هذا الاصرار ليس له قيمه اجتماعيه اوا وظيفيه بعد ذلك

[عاشق الترحال]

جميل أنك تكمل دراستك وخصوصا في مجال أنت بتحبه .

لكن أنت وتبعا لظروفك وأولوياتك تقدر تحدد قرار إستكمال دراستك من عدمه ؟

والظروف بتختلف من شخص لآخر .

أنا مثلا كان نفسي أدرس طيران بس لما سألت عن مصاريفه ملقيتهاش مناسبه ليا فقررت أني أأجل الفكره دي .

وكمان أحب أني أتعلم وأدرس ميكانيكا المحركات بس عندي أولويات تخليني أصبر شويه لحد ما أقدر أنفذ الخطوه دي .

أرجوا أن أكون قدرت أوصلك وجهة نظري في النقطه دي

تحياتي . :closedeyes: