عودة الطربوش

[عيون الصقر]

هههههههههههههههههه

طربوش ايه بس

كفايه خنقة الكرافاته لو اضطريت البسها فى الشغل

هيبقى خنقه فى الرقبه وفى الراس

ولو حصل الزام للبس طربوش مين هيتحمل مسؤليه الاثار النفسيه السيئه للشعب بعد ما يتطربش

يجب ان نبحث هن جوهر الماضي وليس مظهره

[se_ Elsyed]

الاخوه المحترمين فى المنتدى تحياتى للجميع بدون استثناء انا طرحت الموضوع لكم جميعا من يرى فيه انه ماده للضحك انا فعلا احترم رأيه وصدقونى انا كمان ضحكت على التعليقات المصريه المحببه الى قلبى وكذلك الهدف من طرح الموضوع الى كل من يرى انه ماده للعوده بنا الى الزمن الذى كان كل انسان فيه يرى ان مصر كانت فى تللك الفتره تعيش بأمن وامان على اختك او زوجتك او والدتك اذا مشيت فى الشارع لاتجد من يتحرش بها اخوانى هذا شىء بسيط جعلنى اتذكر مصر زمان أيام الطربوش الذى اصبح الآن ماده للضحك لوعرف جدى وجدك وزعماء مصر الوطنيين مثل سعد زغلول ومصطفى كامل واحمد عرابى جزاهم الله عن شعبنا المصرى كل الخير ماذا كان سيكون موقفهم واخيرا اقول للاخ الذى ذكر اليشمك لنسائنا اذا كان فيه صون وحمايه لاعراضنا فى الشوارع فأهلا بعودته ايضا وبالنسبه للعمه والجلابيه فكل الاحترام لكل مصرى محافظ على لبسهما فى هذا الزمن الردىء وبالنسبه للجيبه الاسكتلنديه فكما ترى امراء وملوك متمسكون بهذا التراث الذى نحن نقلل من قيمته ونتريق عليه وكل الشكر لكل من قام بالرد على هذا الموضوع ولعن الله العولمه وشكرا

ده أنت بتتكلم جد بقى ؟

طب يا سيدي

والله العظيم لو نضمن إن هناك علاقة وثيقة بين الزي وبين الاخلاق

فأنا أول واح سيتطربش او يتعمم

[حمدي العسال]

ايوه ياسى السيد بتكلم جد مع ان اسمك يليق عليه الطربوش انا طرحت موضوع ممكن ترد عليه باحترام بنعم او لا وابداء رأيك فيه مفيش داع كل واحد يطرح موضوع ينتظر منك عدم الموضوعيه فى الرد لان ده مجرد موضوع مفيش داعى من تقليل من قيمة الشخص اللى طرحه للمناقشه ارجوا الرد بموضوعيه اكترعلى اى موضوع وهو ا ايه سلبياته وايه ايجابياته وانا ذكرت الزعماء سعد زغلول، مصطفى كامل ، احمد عرابى وجدك وجدى واجدادنا جميعا لكى احدمن نغمة التريقه فى المنتدى على اى موضوع انا بتكلم عن شىء كانوا المصريين مميزين فيه والا لماذا فى اى مباراه كرة قدم للمنتخب خارج مصر يتميز المشجع المصرى بأرتداءه الطربوش ويجيلك احساس انه فعلا مصرى اصيل ومميز ويجيلك شعور بالانتماء وتتمنى انك تكون فى نفس موقفه ده اذا كنت بتشجع كوره اصل انا خايف لاترد عليه وتقوللى انا ماليش فى الكوره والسؤال لماذا هذا المشجع يرتدى الطربوش دائما، و لك منى كل الاحترام

[se_ Elsyed]

انا طرحت موضوع ممكن ترد عليه باحترام بنعم او لا وابداء رأيك فيه

ما يكون موضوع ويُمكن أن يُطلق عليه إسم موضوع .. إذن سأفعل ...

أما وصفك للرد بإنه غير محترم .... فأعقتد لو كان ردي كده .. يبقى هو مناسب لنوعية البعكوكة - مش هاقول موضوع - التي طرحتها .

وإذا كنت معجب بالطربوش .. خلاص إلبسه يا سيدي وأمشي به في الشارع وتمسك أنت بتراثك .

مفيش داعى من تقليل من قيمة الشخص اللى طرحه للمناقشه

هات لي من جميع المداخلات ما يشير إلى ذلك

أرجو أن يكون ردك أفضل من هذا يا زميلنا الفاضل

لأن المسألة لا تحتمل كل هذا ..

وأخشى إن كنا كإدارة تركنا مثل هذا الكلام في باب الموضوعات الجادة - آه بالمناسبة إنت كنت حاطط الموضوع ليه في باب الموضوعات الإقتصادية ؟ -- أخشى أن نرى مستقبلاً موضوعات من عينة " عودة إلى ركوب الحمير ووداعاً للنوم عالسرير " ... " محلاها عيشة الظلام بدون كهربا وترام "

فكر إنت بس شويه هاتلاقي مليون فكره تستحق المناقشة أفضل من الطربوش والعمه ..

[عاشق الترحال]

يا إخوانا وحدوا الله وصلوا عالنبي كده إحنا هنزعل من بعض علشان الطرابيش كمان .

اللي عاوز يتطربش يتطربش واللي عاوز ميتطربش ميتطربش .

ألا مقلتليش ؟ أنت مش لابس الطربوش ليه ؟

[حمدي العسال]

ياسيدى الفاضل انا لم انعتك بغير المحترم انما طلبت منك الرد بأحترام وليس التريقه والتقليل من قيمه اى موضوع ثانيا الموضوع طرح فى الاقتصاديه بالسهو واعتقد انك انسان مثقف لاداعى للتركيز على هذه النقطه وسيادتك لما تنتقص من طرح اى موضوع للمناقشه وتعتبره من وجة نظرك بأنه بعكوكه وليس موضوع وبلاش من لغة الحمير والسرير اللى حضرتك بتتكلم عنهم ياحضرة المشرف العام وارجوا ان يكون فيه احترام باكررها مره تانيه لعقول الاخرين و تذكر ايضا اننى لم انعتك بغير المحترم