الكل ناجح بأذن الله

[Morial]

السلام عليكم ورحمة الله وبركاته في هذا الموضوع الجديد يبدأ ميشن جديد للطامحين في الهجرة الي كيبيك الحبيبة والذي نتمني جميعا ان يكون عاما موفقا للجميع يجني فيه من بذل الجهد ثمرة جهده فلندعوا الله عز وجل ان يوفقنا جميعا لما يحب ويرضي

[محمد كيبيك]

الف مبروك على التوبيك الجديد باذن اللة يكون وش السعد وقدم الخير على كل اللى هيمتحنوا السنة دية عايزين نشوف ازاى دفعة 2010 بتسال على شى ودفعة 2009 بترد ونبارك لبعض ونقرا ان دفعة 2009 بيجلهم الميديكال والناجحين من دفعة 2010 بيقدموا للفيدرال اما بالنسبة للامتحان ايهم افضل مصر ولا سوريا فياريت الكل يدعى ويقول اللهم خيرلى واختارلى وباذن اللة اللى فية الصالح هو اللى هيكون

[Morial]

الف مبروك على التوبيك الجديد باذن اللة يكون وش السعد وقدم الخير على كل اللى هيمتحنوا السنة دية عايزين نشوف ازاى دفعة 2010 بتسال على شى ودفعة 2009 بترد ونبارك لبعض ونقرا ان دفعة 2009 بيجلهم الميديكال والناجحين من دفعة 2010 بيقدموا للفيدرال اما بالنسبة للامتحان ايهم افضل مصر ولا سوريا فياريت الكل يدعى ويقول اللهم خيرلى واختارلى وباذن اللة اللى فية الصالح هو اللى هيكون

اشكرك كثيرا اخي الفاضل محمد كيبيك علي فكرتك الجميلة والضرورية لأننا فعلا كنا بدئنا نتوه في توبيك 2009 لتشعب موضوعاته وكثرة صفحاته كما ان الجديد دائما مدعاه للتفائل وان شاء الله الكل ناجح فلن يبخل احدنا بمعلومة او مساعدة علي الاخر لأن كل منا يشعر بقلق الاخر وتعبه فنحن في مركب واحد وبأذن الله ستصل بنا هذه المركب الي بر الامان كما تفضلت وقلت :waf:

[myusername]

السلام عيكم,

شكرا للاخت منال على الموضوع الجميل ده, و يا رب يجى اليوم اللى اكتب فيه..

انا بفكر استعبط عليهم و ابعت لهم بيان درجات و خلاص, و اقدم على كده... بس يا ترى الفلوس هتضيع عليه لو رفضوا الملف؟

[الرحالة باشا]

الف مبروك علينا جميعاً التوبيك الجديد والإسم الجديد وإن شاء الله النجاحات الجديدة لكل من ستكون لهم سنة 2010 هي بوابة الأمل نحو حياة أفضل لنا جميعاً

جعلها الله بإذنه وبفضله ومنه علينا هجرة خير لدنيانا و أخرتنا

أعتقد لازم نبدأ بلستة أول ميشن لسنة 2010 واللي تفضل الزميل الكريم ميدو منصور بإحضارها لنا في توبيك كيبك 2009

http://www.immigration-quebec.gouv.qc.ca/publications/en/divers/Programmation-missions-travailleurs-date-en.pdf

خالص تحياتي

تم تعديل 19 يناير 2010 بواسطة الرحالة باشا

[harveyhanna]

الف مبروك على التوبيك الجديد و انشالله كلنا نحكى المقابلة بتاعتنا بعد لما ننجح

[صيدلى كندى]

مبروووووووووك عالتوبيك الجديد اللى هيجمع اللى مقدمين 2010 وانا منهم اصلى بعت الملف ووصل بتاريخ 12/1 بالتوفيق لينا جميعا وربنا يصبرنا على طول الطريق

[alaafrench m]

مليون مبروك على التوبيك الجديد

ويارب يكون وش الخير عالجميع

وتدوم المحبة والتعاون الخالص لوجه الله

[moheltohamy]

مبدأ إن كل شوية يتفتح موضوع لمتابعة المقدمين للهجرة ، سواء لكيبيك أو لغيرها مرفوض تماماً.

والملاحظ إن مواضيع كيبيك عبارة عن قعدة شات ، وده مرفوض في المنتدى.

ممكن حد يفهمني إيه المطلوب بالظبط؟

[myusername]

مبدأ إن كل شوية يتفتح موضوع لمتابعة المقدمين للهجرة ، سواء لكيبيك أو لغيرها مرفوض تماماً.

والملاحظ إن مواضيع كيبيك عبارة عن قعدة شات ، وده مرفوض في المنتدى.

ممكن حد يفهمني إيه المطلوب بالظبط؟

السلام عليكم,

المطلوب - و الله اعلم - ان الناس اللى مقدمين فى كيبيك, و مواعيدهم فى 2010... يبدأوا يقولوا مواعيدهم امتى, و كمان يقولوا ايه اللى حصل معاهم فى المقابلة.

و الفكرة كلها ان الكلام ده يحصل على نضيف, عشان الناس ماتتوهش.

مشكلة الشات دى مشكلة أزلية, بس ممكن يتحط تحذير كده بالاحمر - او بالاخضر - ان ممنوع الكلام فى اى حاجة ملهاش علاقة بالتقديم فى كيبيك.

و ان اى حد هيخرج عن الموضوع, هتتحذف مشاركته.

اتمنى بقى ان الناس تبطل تكتب تهانى و مبروك و الكلام ده... و يا ريت التوبيك ده فعلا يبقى على نضافة, و يتكتب فيه البهاريز و بس.

يعنى انا مع حضرتك فعلا ان ممنوع الشات منعا باتا, و أى مشاركات ملهاش لازمة يا ريت ماتتكتبش, لان فيه مشاركات مهمة بتضيع فى النص.

و أقترح ان يتعمل جدول, زى الجدول اللى بتنظمه الاخت الفاضلة أم آدم فى الفيدرال, و يبدأ يحصل عملية متابعة للناس.

شكرا جزيلا.

تم تعديل 19 يناير 2010 بواسطة myusername

[myusername]

السلام عليكم,

يا ريت يا جماعة اللى يعرف مواعيده امتى فى 2010, يقول على معاده, و هنعمل جدول زى اللى معمول فى الفيدرال.

الفكرة هى اننا نقيس المدة اللى الموضوع بياخده.

ايه رأيكم؟

شكرا جزيلا مقدما.

[joo]

- جو - استلام الملف 10 / 11

2 - جورج بطرس - استلام الملف 16 / 11

3 - صموئيل عدلي - استلام الملف 1 / 10 و رقم الملف في 16 / 11

4 - روك - استلام الملف 2 / 9 و رقم الملف في 14 / 10

5 - دون كاملو - استلام الملف 22 / 11

[Morial]

- جو - استلام الملف 10 / 11

2 - جورج بطرس - استلام الملف 16 / 11

3 - صموئيل عدلي - استلام الملف 1 / 10 و رقم الملف في 16 / 11

4 - روك - استلام الملف 2 / 9 و رقم الملف في 14 / 10

5 - دون كاملو - استلام الملف 22 / 11

6-منال شوقي -استلام الملف 8/11 استلام خطاب السفارة24/11 المقابلة1/2 اجلت الي مارس

[محمد كيبيك]

افرض ان فى حد امتحانة كان فى سوريا وحصلتلة مشكلة فى مطار دمشق هل من الممكن طلب تحديد ميعاد جديد للمقابلة ولا خلاص كدة ضاعت فرصتة وحاجة زى دى ازاى يمكن اثباتها

[joo]

افرض ان فى حد امتحانة كان فى سوريا وحصلتلة مشكلة فى مطار دمشق هل من الممكن طلب تحديد ميعاد جديد للمقابلة ولا خلاص كدة ضاعت فرصتة وحاجة زى دى ازاى يمكن اثباتها

الشخص اللى عندة مقابلة فى سوريا وحاسس انة ممكن يحصل حاجة فى المطار يجيب جواب من ضابط الاتصالات قبل السفر

ثانيا لازم تسافر قبل الميعاد بيوم او اثنين

ثالثا اللى بتحصلهم مشاكل فى المطار ممكن العازب او اللى مش بيشتغل بوظيفة مهمة يعنى حرفى

[الرحالة باشا]

- جو - استلام الملف 10 / 11

2 - جورج بطرس - استلام الملف 16 / 11

3 - صموئيل عدلي - استلام الملف 1 / 10 و رقم الملف في 16 / 11

4 - روك - استلام الملف 2 / 9 و رقم الملف في 14 / 10

5 - دون كاملو - استلام الملف 22 / 11

6-منال شوقي -استلام الملف 8/11 استلام خطاب السفارة24/11 المقابلة1/2 اجلت الي مارس

7- الرحالة باشا : إستلام ملف يوم 10/7/2009 ورقم الملف21/7/2009 جاءت المقابلة 29/9/2009 وأجلت وقيل لي من مكتب كيبك بسوريا إن المقابلة لن تكون قبل شهر 5/2010

[myusername]

جو .......... استلام الملف 10 / 11

جورج بطرس ................. استلام الملف 16 / 11

صموئيل عدلي ................. استلام الملف 1 / 10 ................. رقم الملف في 16 / 11

روك ................. استلام الملف 2 / 9 ................. رقم الملف في 14 / 10

دون كاملو ................. استلام الملف 22 / 11

منال شوقي ................. استلام الملف 8/11 ............... استلام خطاب السفارة 24/11 .............. المقابلة1/2 اجلت الي مارس

الرحالة باشا ................. إستلام ملف يوم 10/7/2009 ................. ورقم الملف21/7/2009 ................. جاءت المقابلة 29/9/2009 ................. وأجلت وقيل لي من مكتب كيبك بسوريا إن المقابلة لن تكون قبل شهر 5/2010

تم تعديل 21 يناير 2010 بواسطة myusername

[Pharm]

اولا الف مبروك على توبيك الجديد وانا كمان من دفعه 2010 بس لسه مقدمتش ملفى بس مجهز الورق بتاعى ومنتظر حتى وصول للمستوى كويس فى اللغه عشان اخد شهادة بيه من سنتر وبعدها ابعت

بالنسبة للمطار يا اخوى جو بيقوالك جواب ظابط الاتصال بتاع التحرير بينفعك هنا فى مصر فقط لكن فى مطار سوريا لا شفيعك هناك ربنا وانت وحظك لان دا حصل مع واحد صاحبى وعلقوه فى مطار سوريا 22 ساعه

وهو كان فعلا عازب ووظيفته مطلوبة جدااااا فى للستة (كيميائى ) كانوا خايفين ليكون رايح يصنع متفجرات هههههههههههههه

[Pharm]

يا جماعه كل اللى هيبعت ورقة فى 2010 يقول عشان نتابع مع بعض ربنا يخليكم انا هقولكم على الورق وانتوا تقولى ايه اللى ناقص اتفقنا يالا نبداء

1- شهادة التخرج الموقت + بيان الدرجات

2- شهادة الجيش مترجمة وهبعت منها صورة وعليها ختم طبق الاصل

3- شهادة الخبرة مختومة وعليها للوجو شركة وامظاء المدير (دى شركتى القديمة) + شهادة من الاتش ار فى شركة انى بشتغل عندهم حتى تاريخ واللوجو بتاع الشركة والعنوان وكارت المدير

4- شهادة الميلاد مترجمة من لاظوغلى (كان يوم صعب روحت هناك اخدت دور برد محترم وقالولى دا اشتباه فى انفلونزا خنزير بس الحمد لله جات سليمة)

5-شهادة من النقابة تثبت انى انا متسجل فيها وهتترجم وهبعت صورة من الترجمة

6- شهادة من تامينات ا(نا عملتها متامن على من سنة كذا حتى الان وكتبت الشركات اللى انا اشتغلت فيها ومحددتش كل شركة كام سنة ومكتوب المسمى الوظيفى وخلاص ) طلعو عينى عشان يطلعوها 3 شهور وحياتكم

7-ترجمة البطاقة شخصية وفيها المسمى الوظيفى

8- ترجمة كارنية النقابة

9- شهادة كورسات بقا وشوية شهادت تدريب من شغل تحبيشة يعنى

10- شهادة من البنك انى انا راجل غنى ( لسه هاعملها لما استلف الفلوس هههههههه بس اقوله عاوز شهادة حساب ولا اقولهم ايه )

11-قيد عائلى

12-باعت كمان شهادة لغة فرنسية بس مش من سنتر بتاع النبى دانيال انا عارف انه مش معترف بيها بس انا فعلا كنت دراستها سنة اللى فاتت ايه رايكم ابعتها ولا اخليها هى بالمستوى السادس . وان شاء الله اول شهر هروح امتحن فى سنتر واشوف انا المستوى الكام بعد المذاكرة : لو حد عنده نصيحة يقول فاهمين

13- الباسبور دا بقا هغيره عشان اكتب مهنتى لان مكتوب فيه حاصل على لانى انا سمعت انى فى مطار سوريا بيمسكوا الناس اللى زاى مهنتى ويعلقوهم فى المطار معاى واحد صاحبى حجزوه 22 ساعه فى مطار . وانتوا مترضوش ليا البهدلة . ثانيا الباسبور فيه فيزا مهمه وانا عاوز اصورها وابعتها. مش عارف هيعملوا تعديل الوظيفى فى الباسبور القديم ولا هيعملولى واحد جديد انا مش عارف صراحة ايه الافضل بس متنسوش الباسبور القديم فيه فيزا مهمه وكمان صورة الباسبور حلوة وانا مصدقت ليا صورة حلوة

دا كل الورق اللى هقدمه شوفوا انتوا بقا لو فيه ورق ناقص هقدمه تانى قبل ما ابعت تكسبوا فيا ثواب

معلش انا كررت سؤالى هنا لان فى ابشروا كانت هناك خناقة وانا بسال ومحدش رد على وبما ان هنا دفعتى 2010 يبقا اكيد هتردوا على وتقولولى كدا صح وايه الغلط وايه اللى ممكن اعمل يحسن من وضع الملف

تم تعديل 21 يناير 2010 بواسطة Pharm

[Morial]

مسيو فارم انا هقولك علي الورق اللي انا ارسلته في ملفي واكيد الاوراق المطلوبة بتكون هي نفسها للكل

1- صورة شهادة الميلاد

2-صورة المؤهل الجامعي وبيان الدرجات

3-صورة شهادة الثانوية العامة وبيان الدرجات

4-صورة الباسبور

5-شهادات الخبرة

6- شهادة التأمينات

7-شيك من البنك بسداد رسوم الفيزا

وبالنسبة لك طبعا سوف تضيف شهادة الخدمة العسكرية واي ورقة تانية زيادة مش مطلوبة اللهم لو عندك شهادة بنكية

ارفقها ولو مفيش مش مهم فهي ليست ضرورية صورة البطاقة وكارنية النقابة مش مطلوبين اصلا ولوعايز تحط شهادات الكورسات اللي اخدتها مفيش مشكلة بس أ نت بتقول انها من اماكن غير معتمدة يعني وجودها كعدمها والمهم هو مستواك الفعلي وقت المقابلة اما بالنسبة للباسبور انك بتقول مكتوب فيه حاصل علي كذا فدي مفيهاش مشكلة انا كمان باسبوري نفس الحكاية ومغيرتوش يبقي ليه تتعب نفسك علي الفاضي واخير ماتنساش ترفق عدد خمس صور فوتغرافية نفس مقاس صور الباسبور وتكون بخلفية بيضاء وانصحك بلاش التحابيش جهز ملفك علي اد الورق المطلوب منك بس علشان متلخمش نفسك بدون فايدة وطبعا الورق دة كله هيكون مترجم انجليش او فرنش من مكتب معتمد