ماذا حدث لنا ؟

[رضوي]

السلام عليكم ورحمة الله وبركاته

اعزائي سؤال يحيرني ..... يؤلمني كلما تذكرته

بل انه ليس بسؤال انه وصف لحالتنا اليوم

حالة امة علي هاوية الضلال ........... علي وشك الضياع

ولكني أري السؤال بطريقة اخري ( ماذا لم يحدث لنا بعد ؟)

لقد قال سبحانه وتعالي ( تمسكوا بحبل الله جميعاً ولاتفرقوا )

فمن منا اليوم يتمسك بحبل الله .............. من منا يسعي الي رضا الله ...... من منا لايعصي اوامر الله

اسئلة مؤلمة ......... اجل اعرف ذلك !

ولكن دعونا اليوم نتقمص دور المشاهد والمتفرج علي مايحدث في الشارع المصري

لقد غابت الاخلاق ليس عن الكل ولكن عن المعظم ........... غابت بنا النخوة والشهامة ........ غابت بنا الرجولة رجالا ونساء

انحن نسل العرب ؟

كلا لانمت لهم بصلة .........

استوقفني اليوم مشهد لايريد أن يغيب عن عيني

في الصباح بينما انا ذاهبة لعملي واذ بي التفت علي صوت فتاه تستغيث من .............( لااعرف بما اصفه فلا استطيع أن أقول رجل فلا توجد صله بينه وبين الرجولة ولكني سأطلق علية - شيء - مع اعتذاري لكل الاشياء )..... هذا الشيء الذي كانت تظهر عليه علامات السُكر والثمالة بوضوح ربما كان لايزال ممسكاً بزجاجة الخمر في يده لااتذكر جيداً .......... لكن مالفت نظري واستفذني كثيراً أن احداً لم يتحرك

ما من شخص ما من رجل أو امرأة حاول التدخل .......... وما وجدت الفتاه مهرباً الا انها جرت واستوفقت تاكسي كوسيلة للهروب من هذا المتخلف القذر .........

ااصبح الناس في بلدنا يجاهرون بالمعصية الي هذا الحد ........ أاصبح شرب الخمر والتعرض للفتيات والسيدات في الشارع المصري بالامر العادي والهين

ولكن اهم من هذا فهناك عدة تساؤلات تدور في ذهني تدفعني للجنون

- اين ذهبت الرجولة في مجتمعنا العربي الاسلامي ؟

- أين الشرطة ورجال الامن ؟ أم ان أمن الشارع المصري لم يعد ضمن أولوياتهم اليوم ؟

- ماذا يفعل الانسان المحترم حتي لايتعرض لمثل هذه الافعال المشينة ؟

لاادري ماذا حدث ؟ واتعجب كثيراً مما حدث !!!!

كنا فيما مضي امة يحترم صغيرها كبيرها ............. ولكننا اليوم لانبالي بتلك القيمة

اتذكر جيدا وانا في طفولتي عندما رأيت عمي يدخن خلسة فصرخت وذهبت لجدي اشكو له ان عمي فولان يدخن .......... يالها من مصيبة ......ذهب جدي ليري عمي وهو يدخن ........... فما ان راه عمي حتي رمي مابيده وظل واقفاً والعرق يتصبب من جبينه كمن ضبط وهو يسرق أو وهو يرتكب جريمة ........ ولم يكن من جدي الا ان رمقه بنظرة لائمة لاانساها أبداً ............ وحتي يومنا هذا لم يجرؤ عمي أن يدخن في وجود أحد من اخوته لايستطيع ..............فاذا حضر احدهم وهو يدخن رمي فوراً مابيده

علي الرغم من أن عمي هذا مثال للرجولة والشهامة وكل المعاني الجميلة التي نفتقدها اليوم

وعلي صعيد آخر نجد اليوم الابن ينهر أباه ويترك له البيت ويذهب وكأنه يعاقبه

اين ذهبت تلك القيم والمعاني التي تعبر عن هويتنا ........ أم انهم قد نجحوا في تدمير هويتنا وقيمنا التي نسمي بها وتسمو بنا ؟

ثم نأتي ونلقي بكل اللوم علي رجال الدولة والحكومة ..........انا لا اقف في صفوفهم ........... ولكن من الاجدر بنا أن نجرد انفسنا من الفسق والضلال والانحلال حتي نستطيع الدفاع عن وحماية أوطاننا .

أكرر سؤااااالي

ماذا حدث لنا ؟

[skyed]

العالم الغربي امتلك التكنولوجيا و التقدم العلمي و الاقتصادي .......و فقد جزء كبير من الاخلاق و التدين ...فهكذا كانت لهم نصف الدنيا !

نحن لا نملك التقدم السابق ذكره و لكن كنا نفخر اننا نملك الاخلاق و الشهامة ...وكنا نملك النصف الاخر الاخلاقي ......لكن المرعب اننا في طريقنا لنفقد هذا النصف ايضا !!!!

ماذا سوف يكون مصيرنا .....نخسرها دنيا و أخره كما يقال !!! و نصبح مسوخ ..لا نحن بشر متقدمين ...ولا نحن خير امه اخرجت للناس ...!!

سوف يكون الحساب لنا عسير جدا يوم القيامة !!![/font]

[رضوي]

العالم الغربي امتلك التكنولوجيا و التقدم العلمي و الاقتصادي .......و فقد جزء كبير من الاخلاق و التدين ...فهكذا كانت لهم نصف الدنيا !

نحن لا نملك التقدم السابق ذكره و لكن كنا نفخر اننا نملك الاخلاق و الشهامة ...وكنا نملك النصف الاخر الاخلاقي ......لكن المرعب اننا في طريقنا لنفقد هذا النصف ايضا !!!!

ماذا سوف يكون مصيرنا .....نخسرها دنيا و أخره كما يقال !!! و نصبح مسوخ ..لا نحن بشر متقدمين ...ولا نحن خير امه اخرجت للناس ...!!

سوف يكون الحساب لنا عسير جدا يوم القيامة !!![/font]

صدقت ياأخي

فإن لم نصحو من غفوتنا ضعنا للابد ................ ولاجدوي من كل عمليات الانعاش لافاقتنا

ولكن

دعونا نبحث عن حل جذري ........... حل ايجابي لمواجهة تلك الكارثة .......حل نواجه به شبح الاندثار بين طيات التاريخ

فلس كل الامة المصرية بهذا السوء ........... ولكن نسبة هؤلاء في زيادة مضطردة !

ماذا نفعل نحن لمواجهة ماحدث ؟

وحتي نستطيع وصف الدواء لابد من تشخيص الداء ومعرفة الاسباب

فهل للاوضاع الاقتصادية يد فيما يحدث ؟

لقد مر مجتمعنا بأوضاع أكثر صعوبة وأشد قسوة ولم ينحرف بمثل هذا الاسلوب

أم نلقي باللوم علي الاوضاع الاجتماعية والثقافية في مجتمعنا ؟

أم ماحدث جراء العولمة وآثارها ؟

أم انه مخطط من قبل الاعداء بدأت فعالياته تظهر لنا علي الساحة ؟

أم انه مزيج من العوامل التي جرفت بنا الي هذا الوضع ؟

إن مايحدث في مجتمعنا ماهو الا تحذير وانذار لوضع أسوأ بكثير مما نحن عليه الأن .

وما يراه كل منا يومياً في رحلته اليومية ماهو الا مؤشرات لحدوث الكارثة .

علينا الآن ان نفيق أنفسنا من تأثير المخدر ....................... حتي نري مايحدث بوضوح

ماذا حدث لنا ؟

ولماذا حدث ؟

وماهي عواقبه ؟ ونتائجه ؟

وعلي من تقع ؟

وكيف نواجهه ؟

وعلي من تقع مسئولية مواجهته؟

مااااذا حدث لنا ؟

[ذهبية]

و الله يا رضوى انا مش عايزكى تعممى نظرتك التشاؤمية فى المجمتع من مجرد موقف

فعل احنا اتغيرنا دة لا جدال فية لكن اعتقد ان امة الاسلام سوف يظل فيها الخير ليوم الدين

فية امثلة اخرى ان الخير موجود وان فية ناس محترمة بجد و رجالة برضة محترمة بجد

بس زى ما بقولوا دايماالنقطة السودااا هى الى بتظهره على الثوب الابيض

اية الى غير بعض افكارنا

من وجهة نظرى الاعلام

هذا السكين الذى يقتل كل القيم و الاخلاق بسكين بااااااااااااااارد

عدم العدالة

اصبح من السهل انك تقوم بجريمة اخلاقية او مخلة الشرف و تهرب او لا تنال العقاب بالعكس دة انت بتعلى

وكمان بيكون لك كلمة

لما الاسلام عمل لحد السرقة و حد الزنا كل جريمة لها حد ليةةةة علشان تكون عبرة لغيرة او اى احد تسول لة نفسة لاتباع اهواء الشيطان

تفتكرى لما المجرم يعدى بلا عقاب دة مش رخصة مجانية لمعاودة هذاالفعل مرة اخرى وكمان مثل يحتذى لة لاصحاب النوايا السيئة

مع انى فى اعتقادى تدنى الاخلاق تفسيرة هو البعد عن الدين و اين الدين من حياتنا و تعاملتنا ؟؟؟؟

[الباشمهندس ياسر]

قسما بالله العظيم

لو انا واقف او واحد من اشقائي اوو ابناء عمومتي او احد اصدقائي

كان اخد ازازة الخمر و كسرها علي دماغه

ايه يا بنتي

انتي كنتي ف انهي حتة بالظبط

البلد لسه فيها رجاله

و اما عن بقية الحوار

مصر بالذات و من دون كل الدول تمتاز بميزة ... الناس علي دين ملوكهم

و بالاوي كمان

[الباشمهندس ياسر]

اصبح من السهل انك تقوم بجريمة اخلاقية او مخلة الشرف و تهرب او لا تنال العقاب بالعكس دة انت بتعلى

وكمان بيكون لك كلمة

طب ازاي يا اختي

باستثناء ان النفاق السياسي او النفاق لاي كرسي .. حاجة واضحة و منطقية

ازاي يبقي كل ما ترتكب جريمة تعلي

؟؟؟؟؟؟

[skyed]

كنت اتصفح اخبار مصر اليوم علي المواقع الاخبارية ..... تكاد مصر تنفرد بكم حوادث غريب و عنيف و من الممكن ان أذكر بعضها :

وأقسم بالله هذه الاخبار هي حتي تاريخ السبت 16 يناير 2010 يعني تقريبا حصيلة 4 ايام ....هذا غير حوادث أخري انا أذكر 50% مما قراءت :

فراش مدرسة يغتصب تلميذة بالابتدائى فى الشرقية

تجمهر أهالى بلبيس للمطالبة بتسليم مغتصب الفتاة

ميكانيكى يقتل صاحب مقهى لخلاف على ثمن المشروبات

عامل يلقى بجثة رضيع وسط القمامة عقب ولادته بشبرا الخيمة

السجن 10 سنوات لطالبتين فضتا غشاء بكارة تلميذة بالإعدادى

العثور على طفلة مقتولة ببحر سنورس بالفيوم

مصرع اثنين وإصابة 5 آخرين فى مشاجرة بالأسلحة النارية بأكتوبر

طبيب أسنان يمارس الرذيلة مع مريضاته بعد تصويرهن

سائق يرتكب مذبحة بالغربية ويقتل شقيقه وطفليه

معركة بالأسلحة الآلية بين تجار مخدرات بالمحلة الكبرى

تلميذ بالإعدادى يمزق جسد نجل خطيبة والده

مصرع عامل بالفيوم بسبب هاتف محمول

القبض على عامل اغتصب طفلة بمرسى علم

العثور على جثة طفل "منتزع الأعضاء" بحلوان

ضبط مسجل خطر اغتصب طفلة بـ"6 أكتوبر

إحالة 5 ذئاب بشرية للجنايات بعد اغتصاب قاصر

عصابة مسلحة تسطو على محطة السكة الحديد بـ"رمانة"

بائع يقتل عاملا بشبرا الخيمة بسبب معاكسة شقيقته

خلافات فى العمل دفعته لقتل إبن عمه

تشيع جنازة الطفلة "دينا" ضحية الاغتصاب

لن أذكر تفاصيل هذه الحوادث لبشاعتها !

ولكن ان نخدر انفسنا اننا خير امة و الخير فينا !!! فيمن ؟؟؟؟ و أين هي الامة ؟؟؟ هل الانتساب الي الامة لكل من قال لا اله الا الله ثم يغتصب طفله و يقتلها و ينتزع احشائها !!!!!!!

ام ان اصلي و اصوم واذهب في مشاجرة ابقر عين هذا و اقطع طرف هذا !! و ربما قتل شخص عندما تاخذه الفروسية في الخناقة !!!

قال عليه الصلاة والسلام ( إنما بعثت لأتمم مكارم الأخلاق ) و الاسلام أخلاق ...لا أخلاق....... لا أسلام لا أمان

مصير مرعب ينتظر مصر أذا لم يفيق الناس من سكرة الظلم هذه و الفتونه والبلطجة .......لا تستهون بكثافة 80 مليون في مساحة 5% من مساحة البلد الاصلي ...سوف يكون مشهد مؤثر .....أدعو الله ان يكون تشأؤمي هذا غلط و غير صحيح

[ابو محمود]

موضوع الاخت الكريمة ليس بجديد لكننا نعيشة ويكبر يومآ بعد يوم وكأنة فقاعة تستمد كبرها ونمائها كلما انحدرت اخلاق الشارع المصرى ...

اعزائى تكلمنا هنا كثيرآ عن السلبية التى بلي بها المجتمع المصرى ولا نستطيع ان نتحدث عن الاسلام فقط كدين لكنى اتكلم عن الشريحة العظمى وهى للطرفين =نسيج الوطن الواحد

حتى لا نكون منحازين الى اتجاة فيشعر الاخر بأنة مهمش ودى فى حد ذاتها مسؤلية لان بيننا شركاء واخوة ... التدين بشكل عام هو ما كان يميز تلك البلد العظيم مصر ومن مئات السنيين ورغم ان الامية كانت هى السائدة والانغلاق هو سيد الموقف لكننا كنا جميعآ نخشى ان نكون فى موقع المتقاعس عن خدمة الاخر ايآ كان ؟؟

زمان يا سيدتى كنا ودة مش من 100سنة لأ والله دة من ييجى 30سنة بس كنا اطفال او فى مقتبل الشباب وكانت تعيش معنا اسر لها بنات واولاد وعندما كانت بنت تخرج عند المغرب او العشاء يتم الاستعانة بولد من البيت او الحارة ليوصلها الى غايتها التى تنشدها بكل ادب وأخوة

وكان الولد منا عندما يذهب لشراء بعض لوازم البيت من عيش او متطلبات بيسأل جيرانة انا نازل حد عايز حاجة ؟

دى كانت حياتنا اللى ربونا عليها وأنشأوها بكل حكمة اما اليوم فلا يوجد الا الطمع فى العيون فلا تجدى اخلاق ولا احترام الولد عندما يريد ان يتعرف او يغلس على بنت يبدأ بجارتة الاقرب بدون خشى او وازع من الادب وبكل سفاقة وعدم احترام فيؤذى مشاعرها ناهيكى عن المضايقات او النظرات وتتساوى هنا من هى محتشمة الهندام او مادون ذلك ..

اما موضوع احترام الكبير فهو من المحال

الحقيقة ان الانهيار الاخلاقى بدآ مع كثرة المال فى يد الناس بدون ان يكون هناك تساوى للتعليم والمعرفة بتعاليم الدين مما جعل الناس تنظر الى الحياة نظرة مادية بحتة ونسو وتناسو ان المادة (المال ) وسيلة وليس غاية مما انعكس على تصرفاتهم فأصبحو لا يشبعون من مال او بمعنى يسابقون الزمن للوصل الى غايتهم من دون التوقف او محاسبة النفس وتضائلت وهبطت بل وانحدر الوازع الدينى

وفى بداية الثمانينيات ظهرت على سطح المجتمع طبقة غنية جاهلة اتخذت من الانفتاح باب للثراء الفاحش فنتج من جهلها اجيال ورثت الجهل والأسراف وعدم الاكتراث واهمال العلم والصناعة

ومما لاشك فية اننا اى المجتمع ترك نفسة لحفنة من تلك الفئة لكنها سيرت معاشة وحركت حياتة فى كل شيء بدءآ من الثقافة ومن التعليم والصناعة والتجارة والبناء فبدأ عصر المليون وكيفية التحصل على الثروة التى تؤمن الحياة وشاهدناها على صفحات الجرائد وفى التلفاز وانعكست على المدارس الخاصة وانتهت بالدروس الخصوصية وانهار التعليم بعدها وتم تهميش الجودة فى الصناعات الى ان وصلنا الى انهيار الصناعة واقفال وهروب الحرفيين والعمالة المحترمة الى الخارج ومن ثم انهيار الانتاج الصناعى وهكذا التجارة تم دخول مفاهيم جديدة كالاحتكار والغش وتغيير المنتج من الداخل وضرب الماركات الى ان انتهينا الى الاستيراد لكل ماهو سيء وغير أمن ومسرطن والبناء ظهرت فى الافق انهيار العمارات والمشاريع الفاشلة التى كلفت الدولة مليارات وتم ازلاتها او التخلص منها او تعديلها بميزانيات ارهقت الدولة بل وافلستها واغرتها فى بحر الفسادالادارى

ومن هنا نجد ان الانهيار كان يأتى الينا بمحض ارادتنا ولم نستوردة او يهبط علينا عنوة انما نحن من سلكنا لة الطرق واصبح بحر كبير يعوم فية مجتمع يصل الان الى زروة العمق ويكاد يغرق

ومن الغريب اننا نعرف بل نثق فى ان ما يخرجنا من كبوتنا الرجوع الى الفضيلة والامر بالمعروف

لكننا لا نستطيع ان نخرج او معظمنا لاننا دخلنا فى المفرمة وهى التى تتحكم فى سرعة حياتنا

صدقينى لن نفيق الى على كارثة كبيرة كما نشاهدها بدم بارد على شاشات التلفاز ولن اقول انها زلزال مدمر او اعتداء من جيش علينا او او بل سختار لنا قدرنا الذى نسينا او تناسينا انة موجود طريقة رجوعنا عن السلوك الغير سوى الذى اصابنا جميعآ واتمنى الا اعيش تلك الفترة لانها ستكون قاسية كما نشاهد فى اقوام سلكت نفس الطريق

[ابو محمود]

قسما بالله العظيم

لو انا واقف او واحد من اشقائي اوو ابناء عمومتي او احد اصدقائي

كان اخد ازازة الخمر و كسرها علي دماغه

ايه يا بنتي

انتي كنتي ف انهي حتة بالظبط

البلد لسه فيها رجاله

ازيك يا باش مهندس

انا عارف انك شهم بس ياريت تقولى الموضوع دة يتحل ازاى ؟؟؟

حدث اما عينى ان رجل وجد مقتول على رصيف شارع وكانت هناك جهتين بمعنى ان حضرتك تقف على يمين الشارع بتكون تابع لقسم كذا وعندما تعدى الرصيف للجهة المقابلة تكون تابع لقسم اخر يعنى انت فى الصف اليمين بتكون تابع لحى 2 والصف الشمال بتكون لحى اخر وجائت التحقيقات ونفى القسم ال2 انة مسؤل عنة والأخر نفي مسؤليتة عنة يعنى لا تبع دة ولا دة يعنى الراجل اتقتل على الحدود وتركوة حتى ان الناس مش عارفة تعمل اية الا ان تم استدعاء المديرية لحسم الموقف

هههههههههههههههه اليس هذا من المضحك يا سيدى

ايوجد حقوق ضائعة بين الناس اكثر من ذلك

و اما عن بقية الحوار

مصر بالذات و من دون كل الدول تمتاز بميزة ... الناس علي دين ملوكهم

و بالاوي كمان

[Amr Radwan]

استاذه رضوي ..

سأعرض رأيي علي هيئة سرد موقف حصل فعلا امامي ..

ايام جيشي كنت خارج المنزل و في انتظار ميكروباس حتي اذهب الي بيت خطيبتي .. اصلي كنت معزوم عند حمايا و حماتي و لابس الحتة اللي علي الحبل و فجأة اضرب نظري الاقي سيارة نصف نقل و محملة بحمولة ثقيلة بترجع الي الخلف و دهست شخص كان يقف خلفها و ما ان شاهد السائق الرجل تحت عجلات سيارته فقام بتغيير اتجاة السير الي الامام و دهسه بحمولته للمرة الثانية و فر هاربا .

الموقف حصل في ثواني و فيه ناس شافت الموقف بالصدفة و ناس مش فاهمة حاجة و بتقول اية اللي منيم الراجل ده علي الارض كده .. اللي قدرنا نعمله اننا ناخد نمرة السيارة و قمنا بالاتصال بالشرطة و الاسعاف

اين المشكلة هنا .. المشكلة في ان الناس اللي شافت الحادث لو مشيت و ركبت الميكروباس الراجل حقة هيروح لان محدش هيبلغ عن رقم السيارة للشرطة و لو حد راح القسم الناس ممكن تخاف و تقولك "و انا مالي" و كمان اللي مستعجل و اللي وراه مشوار و اللي رايح لخطيبته زي :lol: بالاضافة اني كنت مجند في الجيش

ذهبت مع من بقي من الشهود الي القسم للادلاء بالشهادة و بالصدفة كان من المتواجدين بالحادثة عقيد شرطة و انا و وواحد كمان .. عقيد الشرطة حضر فقط للحضور و ليس للادلاء بالشهادة لانه علي حد قوله ان ظابط الشرطة لا يدلي بشهادة في حادث !! و لكن تبقي اثنان انا واحد منهم .. و تم عمل المحضر و الادلاء بالشهادة و حفظ حق المسكين اللي اندهس مرتين امامنا .

الخلاصة .. يوجد الكثير من السلبية في مجتمعنا بس علي الاقل احنا بنفكر ازي نتصرف فيها و ما بتعديش علينا مر الكرام يعني كفانا ايجابية بطرحها علي المنتدي و طلب حل قد ينفع الجميع في مرات قادمة ..

اما كيفيه التصرف في المواقف اللي زي دي ..

لو راجل .. هو عارف هيعمل اية .. و كفاية رد الباشمهندي ياسر

لو ست او بنت .. لو شافت الموقف ده قدامها و الناس واقفة تتفرج .. ممكن تعمل حاجة بسيطة تصرخ و تجري ناحية البنت اللي عندها المشكلة .. و الله الواد لو شاف المنظر ده هيجري و الناس هتجري وراه و ياخد العقلة التمام ..

افضل وسيلة للدفاع هي .. الهجوم ..

سلمكم الله جميعا من كل شر و حفظ الله مصر و شعبها

تم تعديل 20 يناير 2010 بواسطة Amr Radwan

[skyed]

قال رسول الله صلى الله عليه وسلم " يأتى زمان على أمتى يحبون خمس وينسون خمس 00 يحبون الدنيا وينسون الاخرة ،يحبون المال وينسون الحساب ، يحبون المخلوق وينسون الخالق ، يحبون القصور وينسون القبور ، يحبون المعصيه وينسون التوبه فإن كان الأمر كذلك ابتلاهم الله بالغلاء والوباء وموت الفجأة وجور الحكام

[رضوي]

و الله يا رضوى انا مش عايزكى تعممى نظرتك التشاؤمية فى المجمتع من مجرد موقف

فعل احنا اتغيرنا دة لا جدال فية لكن اعتقد ان امة الاسلام سوف يظل فيها الخير ليوم الدين

فية امثلة اخرى ان الخير موجود وان فية ناس محترمة بجد و رجالة برضة محترمة بجد

بس زى ما بقولوا دايماالنقطة السودااا هى الى بتظهره على الثوب الابيض

اية الى غير بعض افكارنا

من وجهة نظرى الاعلام

هذا السكين الذى يقتل كل القيم و الاخلاق بسكين بااااااااااااااارد

عدم العدالة

اصبح من السهل انك تقوم بجريمة اخلاقية او مخلة الشرف و تهرب او لا تنال العقاب بالعكس دة انت بتعلى

وكمان بيكون لك كلمة

لما الاسلام عمل لحد السرقة و حد الزنا كل جريمة لها حد ليةةةة علشان تكون عبرة لغيرة او اى احد تسول لة نفسة لاتباع اهواء الشيطان

تفتكرى لما المجرم يعدى بلا عقاب دة مش رخصة مجانية لمعاودة هذاالفعل مرة اخرى وكمان مثل يحتذى لة لاصحاب النوايا السيئة

مع انى فى اعتقادى تدنى الاخلاق تفسيرة هو البعد عن الدين و اين الدين من حياتنا و تعاملتنا ؟؟؟؟

عزيزتي ذهبية

اتفق معك ........... فالمحترمين واصحاب الدين والاخلاق لاشك في وجودهم في مجتمعنا المصري

ولكن ...... الاخرين في تذايد مستمر ........ انهم يشوهون عالمنا ........ يقبحون صورتنا ....... يسيئون لديننا

قديماً كانت الاخلاق شعار أمتنا ............. ولكن الآن هل لها من وجود يذكر ؟

ان هؤلاء اشبه بالوباء المعدي ......... ينتشر بيننا ويستعمر عالمنا

يسيطر علي جيل النشئ ........... يقتل بهم اي معني جميل

[رضوي]

قسما بالله العظيم

لو انا واقف او واحد من اشقائي اوو ابناء عمومتي او احد اصدقائي

كان اخد ازازة الخمر و كسرها علي دماغه

ايه يا بنتي

انتي كنتي ف انهي حتة بالظبط

البلد لسه فيها رجاله

و اما عن بقية الحوار

مصر بالذات و من دون كل الدول تمتاز بميزة ... الناس علي دين ملوكهم

و بالاوي كمان

الحمد لله ان لسة في البلد حد زي حضرتك واخواتك واصحابك

انا بنفسي كنت هتدخل واضرب الشيء دة ( مابهزرش علي فكرة )

بس السلبية في بلدنا هي السبب في جرئة الاوغاد دول

مش عايزة اقولك انا كنت فين بالظبط علشان ماتتخضش ............ لأني كنت في شارع حيوي جداً ومليان سفارات ووزارات وبنوك ومجلس الشعب والشوري كمان

طبعاً عرفت المكان ............... فمن الطبيعي والمنطقي جداً ان مكان زي دة يكون آمن بالدرجة الاولي

فمابالك ان مكان زي دة يحصل فيه اللي حصل .............. طيب لو مشيت في شارع هادي ولا مش قد كدة تفتكر ايه اللي حيحصل ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[رضوي]

كنت اتصفح اخبار مصر اليوم علي المواقع الاخبارية ..... تكاد مصر تنفرد بكم حوادث غريب و عنيف و من الممكن ان أذكر بعضها :

وأقسم بالله هذه الاخبار هي حتي تاريخ السبت 16 يناير 2010 يعني تقريبا حصيلة 4 ايام ....هذا غير حوادث أخري انا أذكر 50% مما قراءت :

فراش مدرسة يغتصب تلميذة بالابتدائى فى الشرقية

تجمهر أهالى بلبيس للمطالبة بتسليم مغتصب الفتاة

ميكانيكى يقتل صاحب مقهى لخلاف على ثمن المشروبات

عامل يلقى بجثة رضيع وسط القمامة عقب ولادته بشبرا الخيمة

السجن 10 سنوات لطالبتين فضتا غشاء بكارة تلميذة بالإعدادى

العثور على طفلة مقتولة ببحر سنورس بالفيوم

مصرع اثنين وإصابة 5 آخرين فى مشاجرة بالأسلحة النارية بأكتوبر

طبيب أسنان يمارس الرذيلة مع مريضاته بعد تصويرهن

سائق يرتكب مذبحة بالغربية ويقتل شقيقه وطفليه

معركة بالأسلحة الآلية بين تجار مخدرات بالمحلة الكبرى

تلميذ بالإعدادى يمزق جسد نجل خطيبة والده

مصرع عامل بالفيوم بسبب هاتف محمول

القبض على عامل اغتصب طفلة بمرسى علم

العثور على جثة طفل "منتزع الأعضاء" بحلوان

ضبط مسجل خطر اغتصب طفلة بـ"6 أكتوبر

إحالة 5 ذئاب بشرية للجنايات بعد اغتصاب قاصر

عصابة مسلحة تسطو على محطة السكة الحديد بـ"رمانة"

بائع يقتل عاملا بشبرا الخيمة بسبب معاكسة شقيقته

خلافات فى العمل دفعته لقتل إبن عمه

تشيع جنازة الطفلة "دينا" ضحية الاغتصاب

لن أذكر تفاصيل هذه الحوادث لبشاعتها !

ولكن ان نخدر انفسنا اننا خير امة و الخير فينا !!! فيمن ؟؟؟؟ و أين هي الامة ؟؟؟ هل الانتساب الي الامة لكل من قال لا اله الا الله ثم يغتصب طفله و يقتلها و ينتزع احشائها !!!!!!!

ام ان اصلي و اصوم واذهب في مشاجرة ابقر عين هذا و اقطع طرف هذا !! و ربما قتل شخص عندما تاخذه الفروسية في الخناقة !!!

قال عليه الصلاة والسلام ( إنما بعثت لأتمم مكارم الأخلاق ) و الاسلام أخلاق ...لا أخلاق....... لا أسلام لا أمان

مصير مرعب ينتظر مصر أذا لم يفيق الناس من سكرة الظلم هذه و الفتونه والبلطجة .......لا تستهون بكثافة 80 مليون في مساحة 5% من مساحة البلد الاصلي ...سوف يكون مشهد مؤثر .....أدعو الله ان يكون تشأؤمي هذا غلط و غير صحيح

طيب وهنروح بعيد ليه ....... اقرا صفحة الحوادث في اي جريدة معارضة او حكومة

وفي مجال الجرايد فيه بقي جرايد مش عارفة بقي صفرا ولا سودة ,,,,,,,, كلها حوادث بشعة جرايم قتل واغتصاب وبغاء وسرقة .................. الخ ماعرفش بيجيبوا الكلام دة منين ؟ بيألفوا شوية جرايم ويكتبوا

تيجي تبص علي اسم الجريدة ماتلاقيش ......... او يكون اسمها مش مشهور

جرايد بتعتمد تمام الاعتماد علي تأليف الاخبار الزبالة .......... طيب لما الناس تقرا الكلام دة والشباب والمراهقين يقرو .......... عايزينهم يتمسكوا بالاخلاق ازاي ؟؟؟؟؟؟؟؟؟

بلاها جرايد

امشي في الشارع شوية .............. شوف سلوكيات الناس عاملة ازاي

مش هقولك زمان ......... لان سني مايسمحش اني اشوف زمان الا من خلال التليفزيون وحكايات والدي ووالدتي وجدي الله يرحمه

بس هقولك ياتري هو دة المفروض في مجتمع اسلامي ؟

بلاش

اللي بيفرسني كل يوم والتاني

والله العظيم كل دة بيحصل بالظبط ......... اكون ماشة في الشارع في امان الله .......... والاقي واحد عجوز مش قادر يتنفس حتي ........ لو نفخت فيه ممكن يجيله ذبحة قلبية ...... والاقيه بيعاكس ......... الله اكبر ياراجل دة انت اكبر من جدي ....... دة بدل لما تمنع الشباب من معاكسة البنات

لدرجة اني مرة فعلاً اتنرفزت ورديت علي واحد قلتله : انت تروح تدورلك علي تربة تتدفن فيها احسن انت مش حاسس انك علي وشك اتقي الله

وبكل بجاحة بيرد عليا وبيكمل معاكسة وكلام مستفز ......... بصيتله بمنتهي الاشمئزاز وسيبته ومشيت مع اني والله كنت هموت واجره علي قسم الشرطة اعلمه الادب هناك

طيب نعمل ايه ؟ محتاجين صرخة قوية ترج المجتمع

[رضوي]

موضوع الاخت الكريمة ليس بجديد لكننا نعيشة ويكبر يومآ بعد يوم وكأنة فقاعة تستمد كبرها ونمائها كلما انحدرت اخلاق الشارع المصرى ...

اعزائى تكلمنا هنا كثيرآ عن السلبية التى بلي بها المجتمع المصرى ولا نستطيع ان نتحدث عن الاسلام فقط كدين لكنى اتكلم عن الشريحة العظمى وهى للطرفين =نسيج الوطن الواحد

حتى لا نكون منحازين الى اتجاة فيشعر الاخر بأنة مهمش ودى فى حد ذاتها مسؤلية لان بيننا شركاء واخوة ... التدين بشكل عام هو ما كان يميز تلك البلد العظيم مصر ومن مئات السنيين ورغم ان الامية كانت هى السائدة والانغلاق هو سيد الموقف لكننا كنا جميعآ نخشى ان نكون فى موقع المتقاعس عن خدمة الاخر ايآ كان ؟؟

زمان يا سيدتى كنا ودة مش من 100سنة لأ والله دة من ييجى 30سنة بس كنا اطفال او فى مقتبل الشباب وكانت تعيش معنا اسر لها بنات واولاد وعندما كانت بنت تخرج عند المغرب او العشاء يتم الاستعانة بولد من البيت او الحارة ليوصلها الى غايتها التى تنشدها بكل ادب وأخوة

وكان الولد منا عندما يذهب لشراء بعض لوازم البيت من عيش او متطلبات بيسأل جيرانة انا نازل حد عايز حاجة ؟

دى كانت حياتنا اللى ربونا عليها وأنشأوها بكل حكمة اما اليوم فلا يوجد الا الطمع فى العيون فلا تجدى اخلاق ولا احترام الولد عندما يريد ان يتعرف او يغلس على بنت يبدأ بجارتة الاقرب بدون خشى او وازع من الادب وبكل سفاقة وعدم احترام فيؤذى مشاعرها ناهيكى عن المضايقات او النظرات وتتساوى هنا من هى محتشمة الهندام او مادون ذلك ..

اما موضوع احترام الكبير فهو من المحال

الحقيقة ان الانهيار الاخلاقى بدآ مع كثرة المال فى يد الناس بدون ان يكون هناك تساوى للتعليم والمعرفة بتعاليم الدين مما جعل الناس تنظر الى الحياة نظرة مادية بحتة ونسو وتناسو ان المادة (المال ) وسيلة وليس غاية مما انعكس على تصرفاتهم فأصبحو لا يشبعون من مال او بمعنى يسابقون الزمن للوصل الى غايتهم من دون التوقف او محاسبة النفس وتضائلت وهبطت بل وانحدر الوازع الدينى

وفى بداية الثمانينيات ظهرت على سطح المجتمع طبقة غنية جاهلة اتخذت من الانفتاح باب للثراء الفاحش فنتج من جهلها اجيال ورثت الجهل والأسراف وعدم الاكتراث واهمال العلم والصناعة

ومما لاشك فية اننا اى المجتمع ترك نفسة لحفنة من تلك الفئة لكنها سيرت معاشة وحركت حياتة فى كل شيء بدءآ من الثقافة ومن التعليم والصناعة والتجارة والبناء فبدأ عصر المليون وكيفية التحصل على الثروة التى تؤمن الحياة وشاهدناها على صفحات الجرائد وفى التلفاز وانعكست على المدارس الخاصة وانتهت بالدروس الخصوصية وانهار التعليم بعدها وتم تهميش الجودة فى الصناعات الى ان وصلنا الى انهيار الصناعة واقفال وهروب الحرفيين والعمالة المحترمة الى الخارج ومن ثم انهيار الانتاج الصناعى وهكذا التجارة تم دخول مفاهيم جديدة كالاحتكار والغش وتغيير المنتج من الداخل وضرب الماركات الى ان انتهينا الى الاستيراد لكل ماهو سيء وغير أمن ومسرطن والبناء ظهرت فى الافق انهيار العمارات والمشاريع الفاشلة التى كلفت الدولة مليارات وتم ازلاتها او التخلص منها او تعديلها بميزانيات ارهقت الدولة بل وافلستها واغرتها فى بحر الفسادالادارى

ومن هنا نجد ان الانهيار كان يأتى الينا بمحض ارادتنا ولم نستوردة او يهبط علينا عنوة انما نحن من سلكنا لة الطرق واصبح بحر كبير يعوم فية مجتمع يصل الان الى زروة العمق ويكاد يغرق

ومن الغريب اننا نعرف بل نثق فى ان ما يخرجنا من كبوتنا الرجوع الى الفضيلة والامر بالمعروف

لكننا لا نستطيع ان نخرج او معظمنا لاننا دخلنا فى المفرمة وهى التى تتحكم فى سرعة حياتنا

صدقينى لن نفيق الى على كارثة كبيرة كما نشاهدها بدم بارد على شاشات التلفاز ولن اقول انها زلزال مدمر او اعتداء من جيش علينا او او بل سختار لنا قدرنا الذى نسينا او تناسينا انة موجود طريقة رجوعنا عن السلوك الغير سوى الذى اصابنا جميعآ واتمنى الا اعيش تلك الفترة لانها ستكون قاسية كما نشاهد فى اقوام سلكت نفس الطريق

اخي العزيز

اتفق معك كل الاتفاق ........ ولكن اليس هناك امل ان نصحو بدون تلك الكارثة

اي الا يوجد طريقة أخري غير الكارثة لنفيق

فلنقل صرخة قوية من اناس غيورين علي دينهم ومجتمعهم مثلاً

ربنا يستر

[رضوي]

استاذه رضوي ..

سأعرض رأيي علي هيئة سرد موقف حصل فعلا امامي ..

ايام جيشي كنت خارج المنزل و في انتظار ميكروباس حتي اذهب الي بيت خطيبتي .. اصلي كنت معزوم عند حمايا و حماتي و لابس الحتة اللي علي الحبل و فجأة اضرب نظري الاقي سيارة نصف نقل و محملة بحمولة ثقيلة بترجع الي الخلف و دهست شخص كان يقف خلفها و ما ان شاهد السائق الرجل تحت عجلات سيارته فقام بتغيير اتجاة السير الي الامام و دهسه بحمولته للمرة الثانية و فر هاربا .

الموقف حصل في ثواني و فيه ناس شافت الموقف بالصدفة و ناس مش فاهمة حاجة و بتقول اية اللي منيم الراجل ده علي الارض كده .. اللي قدرنا نعمله اننا ناخد نمرة السيارة و قمنا بالاتصال بالشرطة و الاسعاف

اين المشكلة هنا .. المشكلة في ان الناس اللي شافت الحادث لو مشيت و ركبت الميكروباس الراجل حقة هيروح لان محدش هيبلغ عن رقم السيارة للشرطة و لو حد راح القسم الناس ممكن تخاف و تقولك "و انا مالي" و كمان اللي مستعجل و اللي وراه مشوار و اللي رايح لخطيبته زي wst:: بالاضافة اني كنت مجند في الجيش

ذهبت مع من بقي من الشهود الي القسم للادلاء بالشهادة و بالصدفة كان من المتواجدين بالحادثة عقيد شرطة و انا و وواحد كمان .. عقيد الشرطة حضر فقط للحضور و ليس للادلاء بالشهادة لانه علي حد قوله ان ظابط الشرطة لا يدلي بشهادة في حادث !! و لكن تبقي اثنان انا واحد منهم .. و تم عمل المحضر و الادلاء بالشهادة و حفظ حق المسكين اللي اندهس مرتين امامنا .

الخلاصة .. يوجد الكثير من السلبية في مجتمعنا بس علي الاقل احنا بنفكر ازي نتصرف فيها و ما بتعديش علينا مر الكرام يعني كفانا ايجابية بطرحها علي المنتدي و طلب حل قد ينفع الجميع في مرات قادمة ..

اما كيفيه التصرف في المواقف اللي زي دي ..

لو راجل .. هو عارف هيعمل اية .. و كفاية رد الباشمهندي ياسر

لو ست او بنت .. لو شافت الموقف ده قدامها و الناس واقفة تتفرج .. ممكن تعمل حاجة بسيطة تصرخ و تجري ناحية البنت اللي عندها المشكلة .. و الله الواد لو شاف المنظر ده هيجري و الناس هتجري وراه و ياخد العقلة التمام ..

افضل وسيلة للدفاع هي .. الهجوم ..

سلمكم الله جميعا من كل شر و حفظ الله مصر و شعبها

يعني ايه ؟

الناس محتاجة زقة علشان يتدخلوا ........... محتاجين حد يبدأ وبعدين يهجموا .......... ولا مستنيين قائد يديهم الاشارة ؟

مش فاهمة بجد احنا ليه بقينا كدة ؟

ليه بنسكت علي الغلط ......... وبنشوف اشكال غريبة ومابنتكلمش ؟

زمان في البلد حصلت حكاية غريبة كنت مستغرباها بجد

واحد عمل شغب وكسر شوية حاجات في البلد علشان حد عاكس قربيته او حاجة زي كدة مش فاكرة قوي

بس اللي فاكراه كويس ان لما جه ظابط الشرطة عامل فيها عبده الشجاع علشان يقبض علي الراجل المشاغب دة البلد كلها وقفت في وش الظابط والقوة اللي جاية معاه .......... وقالتله لا مش حتقبض عليه دة كان بيدافع عن عرضه ................ والظابط كبرت في دماغه واستدعي قوة زيادة ......... وماقدرش برضه يقف ادام البلد ............ استغربت وسألت بابا ليه هما واقفين كدة دة كسر حاجات وغلطان

بابا قالي دة ثائر لعرضه

وسألته يعني ايه عرضه اللي عامل عليه دوشة كدة ؟

ضحك بابا وقالي لما تكبري هتعرفي ازاي العرض غالي اوي

موقف ماقدرش انساه ......... ازاي الناس كلها وقفت في وش رجال الامن علشان بيدافعوا عن واحد بيغير علي عرضه

نفسي أشوف الغيره دي في عيون كل مسلم النهاردة .................

[skyed]

تغير ؟؟؟؟؟؟؟؟مش حينفع مع صنف كبير جدا اي واعظ ديني او أخلاقي او كلام من ده ...اللي ينفع معهم واحد زي الحجاج بن يوسف الثقفي!!

وهو فعلا وباء معدي ....شوفي دلوقتي حتي الناس المحترمة بتتحول تدريجا زي الوباء ده ...سواء في تحويل طريقة كلامهم التي هي اشبه بطريقة كلام المدمنين زي

طريقة عوج الفم و تطويل الكلام و تعبيرات الوش ....حتي الشتائم و السباب .... و سب الدين !!! احنا بنسب الدين لدرجة انا بندهش ازاي احنا عايشين لغاية دلوقتي من

غير ما نسحق من غضب الله سبحانة و تعالي !!

والله ربنا يكون في عون الناس المحترمة في مصر ازاي بتعيش يوميا في مواجهة الوباء ده يوميا ........والاسر الطيبة اللي قفلت علي نفسها بابها !!

بصراحه الواحد زهق من كم الغباء اللي الناس بتهد بيه البلد بنفسها ده اااااووف .... ناس عايزة تولع فتن بالعافيه و ناس مصممة ان يكون عصر البلطجة هو السائد الآن و

تحرش جنسي علي اي شيء أنثي في الشارع بغض النظر عن السن او وجود زوج او اخ !!!

أاااااااااااااااااااااااااوف لهم

[رضوي]

تغير ؟؟؟؟؟؟؟؟مش حينفع مع صنف كبير جدا اي واعظ ديني او أخلاقي او كلام من ده ...اللي ينفع معهم واحد زي الحجاج بن يوسف الثقفي!!

وهو فعلا وباء معدي ....شوفي دلوقتي حتي الناس المحترمة بتتحول تدريجا زي الوباء ده ...سواء في تحويل طريقة كلامهم التي هي اشبه بطريقة كلام المدمنين زي

طريقة عوج الفم و تطويل الكلام و تعبيرات الوش ....حتي الشتائم و السباب .... و سب الدين !!! احنا بنسب الدين لدرجة انا بندهش ازاي احنا عايشين لغاية دلوقتي من

غير ما نسحق من غضب الله سبحانة و تعالي !!

والله ربنا يكون في عون الناس المحترمة في مصر ازاي بتعيش يوميا في مواجهة الوباء ده يوميا ........والاسر الطيبة اللي قفلت علي نفسها بابها !!

بصراحه الواحد زهق من كم الغباء اللي الناس بتهد بيه البلد بنفسها ده اااااووف .... ناس عايزة تولع فتن بالعافيه و ناس مصممة ان يكون عصر البلطجة هو السائد الآن و

تحرش جنسي علي اي شيء أنثي في الشارع بغض النظر عن السن او وجود زوج او اخ !!!

أاااااااااااااااااااااااااوف لهم

فعلاً هو دة اللي اقصد اقوله ................. المرض الخطير اللي تفشي في مجتمعنا ........... وتقليد شخصيات تافهة من غير اي معني

بقت السب كلام عادي دارج ضمن كلامنا العادي ............... ولما بنحب نهزر شويتين مع بعض بنشتم بعض

وباء سيهدم مجتمعنا

لا أتحدث عن اغلبية مطلقة ................ ولكن عن نسبة ليست بالهينة

نسبة قادرة علي تدمير هذا المجتمع وهدمه

لابد من وقفة لنوقف نزيف الاستهتار

لابد من البعد عن السلبية والانامالية وان نتخذ موقف أكثر وعياً وايجابية

اناشد الاخوة المحترمين المتدينين في مجتمعنا المصري ........... وعددهم ليس بالقليل

اناشدهم للوقوف وقفة رجل واحد والتحرك بإيجابية نحو مايحدث

[إيزيس]

الأهم من اللي حصل إيه اللي هيحصل؟؟

التدهور أسرع من إدراكنا و طبعاً أسرع من قراراتنا اللي لسه هنفكر فيها

ربنا يستر

[skyed]

الأهم من اللي حصل إيه اللي هيحصل؟؟

التدهور أسرع من إدراكنا و طبعاً أسرع من قراراتنا اللي لسه هنفكر فيها

ربنا يستر

يا ايزيس هو حاصل فعلا ......اصبح عند كل زوية في اليل من يمكن يقتل للظفر بموبيل !! اصبح في كل زوية من الشوارع اللي من غير قانون بيحكمها من يمكن ان يحطم

رأسك بشومة تحت كرسي سيارته لمجرد انك دخلت شارع الاتجاه فيه صح ليك و هو جاي غلط و كمان لازم انت ترجع عشان هو يعدي و تصبح مسألة مبداء و كرامه ....

اصبح من العادي و المسلم بيه ان تنتهك اعراض النساء بكلام قذر او تلميحات قذرة و ممكن بأستخدام اليد كمان و ده اصبح منتشر جدا ....حتي اذا كانت مع زوجها او اخوها

( رأيت هذا بعيني من سنة في شارع قريب من شارع طلعت حرب في وسط البلد رجل مضروب بمطوة و جمع غفير من الناس يتفرج و البعض يساعد بماء للرجل في أنتظار

الاسعاف و زوجت الرجل تصرخ و تبكي و هذا بسبب ان رجل بلطجي اطلق كلمه قذرة جدا علي زوجة الرجل و هي معه و لما الزوج كبر دماغه و مشي و مرضيش يتكلم

عشان زوجته معه لم يتركه البلطجي وتمادي الي ان صبر الزوج نفذ ....وطبعا كان جزاء الدفاع عن عرضه مطوة في بطنه !! )

اصبح الوضع في مصر ان اي شخص يملك اي نوع من القوة يستعرضها علي اول شخص ضعيف سيء الحظ يقابله .....و يتم هذا بمساعدة جزء كبير من رجال الشرطة و

القانون من استغلال سلطتهم او توكيل أخ او قريب او صديق باستخدام هذه السلطة علي من لا يعجبه و يشتهي من الضعفاء!!!

واذا كان الفقر كما نقول السبب !! من يفسر لنا انتشار نوع اخر من البلطجة بين ميسورين الحال و الاغنياء !!!

معادلة صعبه جدا و معقدة و اصبح النزول الي الشارع في مصر يجب ان تتسلح له بأظهار انك بلطجي او واصل ولك نفوذ او انك شخص هام و خطير جدا !

غير كده ......يبقي حتكون وجبه دسمة لي اي من هؤلاء الاوبئه !