ماذا حدث لنا ؟

[إيزيس]

الفقر أحد الأسباب و الظلم أهمها و الجهل أكثرها انتشاراً أقصد جهل المتعلمين و غباء المثقفين الذين يعتقدون أنهم الأذكى و الأفضل

و أصبحوا فاترينات براقة لبضاعة تدرك كم هي مقلدة بفجاجة عندما تقترب منها

نحن نؤدي كل شيء في حياتنا و كأننا نؤديه

نذهب للمدارس و الجامعات و كأننا نتعلم

و نذهب إلى أعمالنا و كأننا نعمل

و نضحك و كأننا فرحين

ونجهل حقيقتنا

أصبح كل ماحولنا ظلام

فأصبحنا جميعا عميان نتخبط نؤذي أنفسنا و نؤذي من حولنا

تم تعديل 20 يناير 2010 بواسطة إيزيس

[عنبو]

مافيش احسن من الايجابيه فى كل حاجه وياريت بلاش نسميها تهور اصل فيه ناس بتسمهيا تهور علشان يدارى سلبيته يعنى

الواحد المفروض يحاول يساعد الناس كلها على قد لما يقدر وعمره ما يكون سلبى لان السلبيه دى هى اللى بتضيع حق الناس

وبجد الناس فى مصر بقوا سلبينى قووووووى بشكل مستفز كل واحد يقول انا عاوز اربى عيالى طيب هتربى عيالك ليه مهو هيطلعوا فى محتمع مينفعش يعيش فيه الا قليل الادب يبقى خليهم بطلجيه وخلاص

[عاشق الترحال]

السلبيه والتبلد وكلمة ( وأنا مالي يا عم ) أحد عناصر المشكله أنت تعرف لو مسكت حرامي وضربته الشرطه تيجي تقبض عليه وعليك علشان تعملك محضر تعدى عالحرامي , ولو لقيت واحد عربيه خبطته وبيموت وحبيت تساعده وتوديه المستشفى مش هتمشي إلا لما ياخدوا بياناتك والشرطه تعمل المحضر وحظك الأسود بقى لو مات ومكنش فيه شهود غيرك تبقى لبست الليله أوضاع كتير بتخلي المواطن يفكر قبل مايتدخل ألف مره وطبعا مش في كل مكان ولا كل الناس .

يعني عندنا في المنطقه مثلا لو واحد حب يعمل فيها كازانوفا زي الأفندي ده ويعاكس بنت من المنطقه بتبقى وقعته سوده وممكن تضيع فيها رقاب بجد , فمابالك لو فكر في تحرش ولا إغتصاب . يمكن بتحصل جرائم قتل بين الحين والآخر بس بتبقى بسبب منازعات شخصيه بين الأفراد ويمكن إنتشار المخدرات بين الشباب بشكل كبير بس بيحاولوا يتداروا وهما مساطيل علشان محدش يعمل لهم مشاكل إنما مش مثلا أبقى ماشي بالليل وحد يطلع علي في المنطقه مثلا يثبتني وياخد اللي معايا والناس تقف تتفرج clp:: .

بس تعالى نشوف أيه اللي خلى الحال بقى كده مش ألفه الأوضاع دي .يعني تكرار وقوعها أمام أعين الناس بدون تصدي لها من البدايه وهو لو واحد فكر يعمل كده ووجد رادع له من البدايه كان حد هيقلده .

ألا تتفقوا معي أن أحد الأسباب المؤديه للوضع الحالي هي الأفلام الرخيصه والكليبات المسخره والمشاهد الملايانه أباحه وعنف وبلطجه وألفاظ مش لا بد جعلت فئه من الشباب بيشوف إبراهيم الأبيض وأمثاله من البلطجيه بطل مغوار ويألف البعض الآخر من الشباب على تعاطي الخمور والمخدرات وأيــــــــــــه عامل دماغ جامده ويينزل الشارع مش داري هو بيعمل أيه وفئه أخري تلاقي في الدعاره والزنا المتعه التى تبحث عنها من خلال تحرش بفتاه أو خطفها وإغتصابها لتفريغ الكبت والشهوه العارمه التي قد تحدث له من جراء مشاهدته لهذه الأباحه والبعض الآخر يعتاد لعب القمار ومش شرط يروح صاله قمار لأن القمار بيتلعب في كل مكان وعلى أي حاجه وده زي الإدمان بالضبط يعني ممكن يخلي شاب يخرج يفتح مطواه عليك أو عليا علشان يسرقك وياخد فلوس يروح يلعب بيها أو يعمل بيها دماغ وكله عادي بقى .

الوضع محتاج إيجابيه من المواطن والشرطه والمجتمع كله علشان كلمة وانا مالي دي بتاعة الخواجات متنفعش معانا في مصر.

بصراحه الواحد كل ما يبص في حال البلد بيزعل لكن الخير موجود وفيه رجاله ولاد بلد وناس زي الفل بس الخوف من النماذج السيئه دي ولو كانت قليله أنها تتفشى كالطاعون وتصيب المجتمع كله حاله البلاده دي .

[رضوي]

السلام عليكم ورحمة الله وبركاته

واضح فعلاً ان كلنا تعبانين من اللي بيحصل في البلد وبنشوفه كل يوم والتاني بيتكرر قدام عيوننا واحنا مش عارفين نعمل حاجة.

من ضمن الحاجات المستفزة في البلد التسول ................ ياخبر .......... ايه اللي بيحصل دة ؟؟؟؟؟

دة مافيش شارع الا ومليان بالمتسولين والشحاذين ..........

ومابقاش الشحات زي زمان ...... حسنة قليلة تمنع بلاوي كتيرة ....... زي افلام الابيض واسود

لالالالا دة الموضوع تطور وأخد أشكال حديثة ........ وكل واحد ماسكله شوية روشتات وبيدعي المرض

ايوة يدعي المرض ......... ولو قلت لواحد منهم تعالي وانا اجيبلك معاش من التضامن وتقعد في بيتكم يقولك لا ........ طيب تعالي اشغلك يقولك مافيش شغلانة احسن من دي

حاجة تجنن

وياسلام بقي لما نركب المترو ............ اوووووووووووووف

متسولين علي كل لون ..... لا وايه ناصحين تيجي واحدة تقول للتانية : خلي بالك في المحطة الجاية شرطة همسكوكي ... وكلهم بيبيعوا مناديل ويقولولك انا بجري علي يتامي وابني عيان و مش عارف ايه ....... وتبص للواحد منهم تلاقيه ممكن يشتغل اي حاجة ...... ياراجل دة لو راح اشتغل مع عمال التراحيل ولا عمال البناء اكرمله .... بس لية اذا كان بيكسب مكاسب خرافية من التسول ؟

طيب احكيلكم علي موقف بجد ............ مرة واحدة في المترو بتتسول وعمالة تقول اصل انا بجري علي يتامي وعيالي وساعدوني اجيبلهم الاكل وكلام من دة

تاني يوم نفس البني آدمة نفسها جاية تشحت وتقول : ساعدوني أصل جوزي عنده شلل ومش بيتحرك وانا اللي بصرف علي العيال ......

مش كنتي امبارح ارملة بتجري علي يتامي النهاردة جوزك مشلول............. يعني هو مات وبعدين اتشل ؟

مرة بنعمل دراسة عن الاسر الأولي بالرعاية ..... الدراسة دي بتاعت واحد زميلنا أخد بيها درجة الماجستير بالتداول .......... كان بيناقش فيها مين الاسر الأولي بالرعاية في مصر ...... وتطرق لموضوع التسول ..... ومن ضمن نتائج دراسته ان فيه عينة ذات ذلالة احصائية تؤكد ان المتسولين أو محترفي التسول كما أطلق عليهم يملكون ممتلكات مادية تكفيهم مدي الحياه .......... وبيقول ان فيه متسول واسرته كاملة بيستولوا بالنهار ويملكون عمارة سكنية كاملة بأرقي احياء المقطم ...... وطبعاً عايش في شقة دوبلكس في العمارة دي وبايع الباقي ..... أو مأجره

الواحد يروح يتسول افضل بقي

اما بقي الاطفال المتسولين ................. ماحدش يقولي انهم اطفال اصلاً ........... حقيقي اني اتعاطف معهم بس لو دخلوا دور لرعاية الاطفال بلا مأوي وعوملوا كبني آدمين ......... بيهربو ويرجعوا للتسول

طبعاً دول معاهم كورسات عالية جداً في كيفية تطليع الفلوس من جيب المواطن

مرة اختي كانت في الجامعة وماشة هي وصاحباتها ...... وجت بنت صغيرة عمرها لايتجاوز العاشرة تتسول من اختي وصاحباتها ......... وواضح انها زودتها معاهم شوية .......... فاختي زعقتلها وقالتلها خلاص بقي مش هديكي حاجة ....... راحت البنت شاتمة اختي وصاحباتها وندهت علي شوية ناس متسولين برضه علشان يضربوهم ....... واختي واصحابها هربوا منهم وركبوا تاكسي وقفوه بالعافية وربنا سترها ...... ورجعت البيت وهي مصممة تاخد حقها من العيال دي وترميهم في الاصلاحية .............. وبابا قالها هترمي شوية قد ايه ؟ والباقي هتعملي فيهم ايه ؟

الحكاية بقت تقرف بجد

بقيت بكره امشي في الشارع من القرف اللي بشوفه والمصيبة انه في شوارع المفروض انها محترمة ...... مابقيناش نخرج بعد المغرب من الحاجات الغريبة اللي بتحصل

والصبح برضه مافيش فايدة .......... زهقنا

عايزين نعمل حاجة نحسن بيها البلد شوية .......... ماهو لو ماحدش ساعد المتسولين دول ولا اداهم فلوس هيدوروا علي شغل تاني ......... وماحدش يقولي انهم غلبانين او فقرا الفقرا بجد الذين نراهم ونحسبهم أغنياء من التعفف ................. مش محترفي التسول

[skyed]

الغرور و البلطجة والاستهانة بالقانون الاسباب الرئيسية اصبح الكل فوق القانون و شعارهم الرئيسي :ما دمنا نحن من يرتكب الأخطاء ونؤذي فكل شيء على ما يرام

والحياة حلوة. الجرم كل الجرم أن تُؤذى بفتح الذال!!!!

عبث في عبث .

[masraweya]

تغير ؟؟؟؟؟؟؟؟مش حينفع مع صنف كبير جدا اي واعظ ديني او أخلاقي او كلام من ده ...اللي ينفع معهم واحد زي الحجاج بن يوسف الثقفي!!

أو أبو مسلم الخراساني !!!

الناس المتربية بقت أقلية و مغتربة و مضطهدة في مجتمعنا السعيد.

على الأقل نحاول نربي الجيل الجديد

If there's a will, There's a way

[رضوي]

تغير ؟؟؟؟؟؟؟؟مش حينفع مع صنف كبير جدا اي واعظ ديني او أخلاقي او كلام من ده ...اللي ينفع معهم واحد زي الحجاج بن يوسف الثقفي!!

أو أبو مسلم الخراساني !!!

الناس المتربية بقت أقلية و مغتربة و مضطهدة في مجتمعنا السعيد.

على الأقل نحاول نربي الجيل الجديد

If there's a will, There's a way

السلام عليكم ورحمة الله وبركاته

المشكلة الكبرى تكمن في تربية الاجيال الجديدة

طيب ازاي يتربوا كويس في الجو دة ؟؟؟؟؟؟؟

ازاي تعلم إبنك الصواب و الخطأ وييجي يتفرج شوية علي فيلم هابط في التليفزيون يلخبطله الدنيا في دماغه ؟

بلاش التليفزيون ............... لما يروح المدرسة ........ ويختلط بزملائه ........ ويشوف طريقتهم ويتعلم منهم ...... علي طول يحصله تذبذب ومايبقاش عارف الصح من الغلط

طيب تعالوا نفكر شوية ................ اطفال زمان زي اطفال النهاردة؟

اكيد فيه فرق في التربية......... الخوف كل الخوف علي الجيل القادم

ربنا يستر

[ابو محمود]

عايزين نعمل حاجة نحسن بيها البلد شوية .......... ماهو لو ماحدش ساعد المتسولين دول ولا اداهم فلوس هيدوروا علي شغل تاني ......... وماحدش يقولي انهم غلبانين او فقرا الفقرا بجد الذين نراهم ونحسبهم أغنياء من التعفف ................. مش محترفي التسول

الشغل التانى هو السرقة او البلطجة او الغش انها ثقافة وعادة من يكسب قوتة بسؤال الناس لا يمكن ان يعمل صالحآ لنفسة

[رضوي]

السلام عليكم ورحمة الله وبركاته

قديماً كنا عندما نقراً صفحة الحوادث في الصحف اليومية نقرأ عن جرائم سرقة بالاكراه....... جرائم قتل من اجل السرقة ...... جرائم قتل للانتقام .......

بينما نقرأ اليوم عن نوع مختلف من الجرائم ......... منها علي سبيل المثال وليس الحصر

جرائم من نوع جديد ومختلف

مثل جرائم سرقة الاعضاء البشرية

اتسائل كثيراً عن هؤلاء الاطباء المجرمون الذين يستحلون الاموال التي يكسبونها من سرقتهم لاعضاء بني البشر وبيعيها ......... ماابشع تلك الجرائم وما احقرها

وكيف يفكر هؤلاء ......... وماذا يظنون انهم فاعلون

وخاصاً اعضاء الاطفال ................... يخطفونهم ويقتلونهم ويسرقون أعضائهم ..........ثم يرمون بهم جثثاً في القمامة ........

ماذا حدث لنا .................... أوصل بنا الحال الي تلك الدرجة ........... ومن هؤلاء وكيف يفكرون ...... وعن أي شيء يبحثون ؟؟؟؟؟؟؟؟؟

تساؤلات كثيرة تدور في ذهني ......... فهل من جواب !

[رضوي]

السلام عليكم ورحمة الله وبركاته

انما الامم الاخلاق مابقيت فإن هم ذهبت أخلاقهم ذهبوا

هل ضاعت كل القيم الاخلاقية والمعايير الدينية من بني البشر ؟؟؟

أم ان من نصادفه من هؤلاء يجعلنا نعمم النظرة علي الجميع ......... هل مازال يوجد من يراعي وجود الله سبحانه وتعالي

هل هناك من يوجد لديه ضمير يحاسبه علي أفعاله ؟

وأين يختبئ هؤلاء ........... أين دورهم كقدوة في المجتمع ............. في مجتمع علي وشك الانهيار ؟

في كل مهنة نجد السيء كما نجد المتقن لمهنته ............... ولكن عندما يزيد عدد معدومي الضمير عن عدد من يملكون الضمير تظهر الكارثة الكبري

اتسائل اذا كانت الصورة فعلاً بهذا السوء ............... أم انني ابالغ في تقديري .......... واتمني ان اكون مخطئة ...... وكلما ارتقت المهنة كلما كان الخطأ بشع لايمكن تخيله

كيف نكون امة اسلامية ونتناسي تعاليم اسلامنا .............. نتناسي تعاليم ديننا الحنيف ؟

أهو جهل ؟....

لا والله انه تجاهل شديد

كيف الآن نثق في بني البشر ؟

كيف اذهب لطبيب اشكو له علتي عله يصف لي الدواء ......... واثق به .......... حتي اقع فريسة لجشعه وطمعه.........

وكيف نفرق الآن بين اصحاب الضمائر وبين مفتقدوها

سوف نظلم الاقلية الشريفة

هل ابالغ ........ ام ان مايحدث الآن قد تجاوز كل الحدود .................. فهل من مرشد للصواب ؟

ماذا حدث لنا ؟؟؟؟؟؟؟؟