أهرامات عـــــــــــز ( الجبزة سابقاً )

[se_ Elsyed]

السادة أعضاء المنتدى الكرام

معروض عليه شقة تمليك ممتازه ... في منطقة العمرانية ... المتفرعة مش شارع اهرامات عز ...

أيوه ما هم غيروا إسمها ما بقتش أهرامات الجيزة ..

انا بأتكلم جد

أحمد عز يقدم مشروع قانون للسماح بتجارة الآثار «داخلياً» وفاروق حسنى و«حواس» يرفضان ويهددان بالاستقالة

ومن ساعتها غيروا أسامي الاهرامات لــ

عز ( خوفو )

أبو العنين ( خفرع )

كراره ( منقرع )

وبوبوس ( أبو الهول ) بوبوس ده أبن واحد صاحب احمد عز الروح بالروح ..

الولا بوبوس كان مقرب الى قلب عز قوي ... وكل ما يشوف عمو عز يقعد يقول .. عمو اهو عمو أهو .. العبيط اهو .. المهم كان عيد ميلاد الولا في تشرين الماضي .. راح عمو عز جايبه له هديه ما حدش توقعها ... وهي صك تأجير أبو الهول إيجار جديد لمدة 5 سنين

وفي كلام دلوقت إن امانة تنظيم الحزب الوطني بصدد تقسم الأثار ...

بحيث

من عند المنيا وأنت نازل لتحت ... دي لأل مبارك ...

من المنيا لبني سويف ... لأعضاء الهيئة البرلمانية للحزب الوطني ...

من الجيزة وانت طالع لحد حجر رشيد دي لاعضاء لجنة السياسات

في حاجات فرط بقى هاتبقى للي معاه ويشيل كاش على طول ...

يعني التحف والمساخيط والحاجات المعروضة في المتحف المصري بالتحرير ... دي هاتبقى بنظام المزاد ... والا أونا الا دوي الا تري حلال عليك يا معلم

قريت أمبارح أعلان في جريدة الوسيط عن معبد فرعوني في الفيوم معروض للأيجار مفروش .. معبد ببلكونة وعفشة ميه .... ... مطلوب فيه 1500 ج شهرياً .. بأفكر اخده للأولاد مع الشالية بتاع بورتو مارينا

كمان في مزاد هايتعمل بكره جنب بوبوس ( قلنا إيه ؟ ابو الهول سابقاً ) وهايتباع فيه تمثال لأله النصب عند الفراعنه .. بيقولوا أن رجالة الحزب الوطني داخلين بتقلهم في المزاد ده

بس أنا عندي فكره جهنمية

عاوز اتنين من المحاورات قلبهم ميت واحد بيعرف يتكلم أنجليزي لبلب والتاني بيتكلم فرنساوي لبلب برضوا ... وأروح انا معاهم كمرشد - سياحي مش مباحث - وندخل المزاد على أنهم تجار أثار جامدين قوي ... وبالتالي أحمد عز هايعرقنا براني ويدينا حسنه جامده قوي عشان نسيب له المزاد

انا بجد هاعيط

علمت «المصرى اليوم» أن المهندس أحمد عز، أمين التنظيم بالحزب الوطنى، قدم إلى مجلس الشعب مشروع قانون يطالب فيه الدولة بالموافقة على السماح بحرية تداول الآثار والتجارة فيها داخل مصر،

وانتقد خبراء الآثار مشروع عز، محذرين من أن تنفيذه «سيزيد السرقات وتهريب الآثار للخارج». وقالت مصادر مطلعة لـ«المصرى اليوم» إن فاروق حسنى، وزير الثقافة، والدكتور زاهى حواس، أمين عام المجلس الأعلى للآثار، هددا بالاستقالة من منصبيهما لو تمت الموافقة عليه، مشيرة إلى أن الوزير أجل زيارة له إلى الأقصر كان مقرراً القيام بها اليوم، لحضور جلسة البرلمان لمناقشة القانون.

وعرض عز على المجلس، فى جلسته أمس الأول، دراسة مقارنة للتشريعات التى تنظم حماية الآثار فى بعض دول العالم، أعدتها أمانة التنظيم بالحزب الوطنى، وحصلت «المصرى اليوم» على نسخة منها تقول: إن الاتجار فى الآثار «نشاط مسموح وفقاً لقوانين دول العالم المختلفة، مع اشتمال تلك القوانين على القواعد والإجراءات المنظمة لهذا النشاط».

وأضافت المصادر أن حواس قال خلال جلسة مجلس الشعب، أمس الأول، إن تنفيذ مقترح عز «يعد تخلفاً قانونياً»، ويؤدى إلى خروج تراثنا الحضارى للخارج بحجة الملكية الخاصة.

وقال الدكتور عبدالحليم نور الدين، الأمين العام الأسبق للمجلس الأعلى للآثار، إنه «لا يمكن الموافقة على مشروع عز، لأنه يعنى تخريب آثار مصر»، مطالباً عز بالتركيز على الحديث فى الحديد والصلب.

وأضاف «الأصل فى الآثار أنها ملك الأمة، وليس من حق أحد أن يتصرف فيما تملك الأمة»، وهناك جهة واحدة معنية بآثار مصر فى إطار القانون ١١٧. وقالت الدكتورة تحفة حندوسة، أستاذ الآثار: «هذا الاقتراح خاطئ، وسيؤدى إلى تهريب الآثار المصرية إلى الخارج».

ووصف الدكتور رمضان عبده، أستاذ الآثار، المشروع بـ«الخطير جداً، ويشجع السرقات، لأن التجارة فى الآثار مربحة».

ولنا عودة عشان هاحيكي لكو على بلاوي شوفتها بعيني والله عن الموضوع ده

[engmido]

السادة أعضاء المنتدى الكرام

معروض عليه شقة تمليك ممتازه ... في منطقة العمرانية ... المتفرعة مش شارع اهرامات عز ...

أيوه ما هم غيروا إسمها ما بقتش أهرامات الجيزة ..

انا بأتكلم جد

أحمد عز يقدم مشروع قانون للسماح بتجارة الآثار «داخلياً» وفاروق حسنى و«حواس» يرفضان ويهددان بالاستقالة

ومن ساعتها غيروا أسامي الاهرامات لــ

عز ( خوفو )

أبو العنين ( خفرع )

كراره ( منقرع )

وبوبوس ( أبو الهول ) بوبوس ده أبن واحد صاحب احمد عز الروح بالروح ..

الولا بوبوس كان مقرب الى قلب عز قوي ... وكل ما يشوف عمو عز يقعد يقول .. عمو اهو عمو أهو .. العبيط اهو .. المهم كان عيد ميلاد الولا في تشرين الماضي .. راح عمو عز جايبه له هديه ما حدش توقعها ... وهي صك تأجير أبو الهول إيجار جديد لمدة 5 سنين

وفي كلام دلوقت إن امانة تنظيم الحزب الوطني بصدد تقسم الأثار ...

بحيث

من عند المنيا وأنت نازل لتحت ... دي لأل مبارك ...

من المنيا لبني سويف ... لأعضاء الهيئة البرلمانية للحزب الوطني ...

من الجيزة وانت طالع لحد حجر رشيد دي لاعضاء لجنة السياسات

في حاجات فرط بقى هاتبقى للي معاه ويشيل كاش على طول ...

يعني التحف والمساخيط والحاجات المعروضة في المتحف المصري بالتحرير ... دي هاتبقى بنظام المزاد ... والا أونا الا دوي الا تري حلال عليك يا معلم

قريت أمبارح أعلان في جريدة الوسيط عن معبد فرعوني في الفيوم معروض للأيجار مفروش .. معبد ببلكونة وعفشة ميه .... ... مطلوب فيه 1500 ج شهرياً .. بأفكر اخده للأولاد مع الشالية بتاع بورتو مارينا

كمان في مزاد هايتعمل بكره جنب بوبوس ( قلنا إيه ؟ ابو الهول سابقاً ) وهايتباع فيه تمثال لأله النصب عند الفراعنه .. بيقولوا أن رجالة الحزب الوطني داخلين بتقلهم في المزاد ده

بس أنا عندي فكره جهنمية

عاوز اتنين من المحاورات قلبهم ميت واحد بيعرف يتكلم أنجليزي لبلب والتاني بيتكلم فرنساوي لبلب برضوا ... وأروح انا معاهم كمرشد - سياحي مش مباحث - وندخل المزاد على أنهم تجار أثار جامدين قوي ... وبالتالي أحمد عز هايعرقنا براني ويدينا حسنه جامده قوي عشان نسيب له المزاد

انا بجد هاعيط

علمت «المصرى اليوم» أن المهندس أحمد عز، أمين التنظيم بالحزب الوطنى، قدم إلى مجلس الشعب مشروع قانون يطالب فيه الدولة بالموافقة على السماح بحرية تداول الآثار والتجارة فيها داخل مصر،

وانتقد خبراء الآثار مشروع عز، محذرين من أن تنفيذه «سيزيد السرقات وتهريب الآثار للخارج». وقالت مصادر مطلعة لـ«المصرى اليوم» إن فاروق حسنى، وزير الثقافة، والدكتور زاهى حواس، أمين عام المجلس الأعلى للآثار، هددا بالاستقالة من منصبيهما لو تمت الموافقة عليه، مشيرة إلى أن الوزير أجل زيارة له إلى الأقصر كان مقرراً القيام بها اليوم، لحضور جلسة البرلمان لمناقشة القانون.

وعرض عز على المجلس، فى جلسته أمس الأول، دراسة مقارنة للتشريعات التى تنظم حماية الآثار فى بعض دول العالم، أعدتها أمانة التنظيم بالحزب الوطنى، وحصلت «المصرى اليوم» على نسخة منها تقول: إن الاتجار فى الآثار «نشاط مسموح وفقاً لقوانين دول العالم المختلفة، مع اشتمال تلك القوانين على القواعد والإجراءات المنظمة لهذا النشاط».

وأضافت المصادر أن حواس قال خلال جلسة مجلس الشعب، أمس الأول، إن تنفيذ مقترح عز «يعد تخلفاً قانونياً»، ويؤدى إلى خروج تراثنا الحضارى للخارج بحجة الملكية الخاصة.

وقال الدكتور عبدالحليم نور الدين، الأمين العام الأسبق للمجلس الأعلى للآثار، إنه «لا يمكن الموافقة على مشروع عز، لأنه يعنى تخريب آثار مصر»، مطالباً عز بالتركيز على الحديث فى الحديد والصلب.

وأضاف «الأصل فى الآثار أنها ملك الأمة، وليس من حق أحد أن يتصرف فيما تملك الأمة»، وهناك جهة واحدة معنية بآثار مصر فى إطار القانون ١١٧. وقالت الدكتورة تحفة حندوسة، أستاذ الآثار: «هذا الاقتراح خاطئ، وسيؤدى إلى تهريب الآثار المصرية إلى الخارج».

ووصف الدكتور رمضان عبده، أستاذ الآثار، المشروع بـ«الخطير جداً، ويشجع السرقات، لأن التجارة فى الآثار مربحة».

ولنا عودة عشان هاحيكي لكو على بلاوي شوفتها بعيني والله عن الموضوع ده

معاك ياريس انا لبلب فى الانجليزى والامانى والفيومى لوحبيت هههههه

بس المشكلة فيك انت ...انت دورك مرشد يعنى لو انت مش كويس فى اللغات هانتفقس بدرى بدرى

وبدل ما هايعرقنا......هناكل علقة موت.....وقليل اما نفونا فى سكة اللى يروح ما يرجعش :waf: :lol: :lol:

[raouf]

حرام عليك يا ابو السيد ارحم رجالة المنتدى شوية من الاخبار اللذبذة دى

شوف انا مش هافكر فى نفسى لكن هافكر فى الجيل اللى بيتولد دلوقتى احنا هنخش النار بسببهم من كتر الدعاء اللى هيدعوه علينا لاننا فرطنا فى حقهم ومدافعناش عنه .

نفسى احس بس ان فيه 1%من الناس بتخاف على البلد بس انا فقدت الامل خلاص

لا عزاء فى رجالة مصر

تم تعديل 19 يناير 2010 بواسطة raouf

[جيمي]

هوه ليه رؤساء مصر مابيدفنوش فى الاهرامات زي الفراعنه ....... مع ان الفرق مش كبير

يمكن علشان الفراعنه كانو بيدفنو مع ثروتهم جوه الهرم ... انما دول هنلم الثروه بتاعتهم ازاي ونحطها جوه الهرم ... يااااه دي اكيد كتير اوي

[ابو حودة]

كنت اعمل زمان في احد المؤسسات ذات الفروع التي عددها حوالي 150 فرع

بعد ثلاثة ايام من وفاة رئيس مجلس الادارة وصاحب النسبة الاكبر في الملكية

قال احد الزملاء تلاقيه لسة بيتحاسب عن الفرع بتاعنا

ربنا يرحمنا

[msayed]

هوه ليه رؤساء مصر مابيدفنوش فى الاهرامات زي الفراعنه ....... مع ان الفرق مش كبير

يمكن علشان الفراعنه كانو بيدفنو مع ثروتهم جوه الهرم ... انما دول هنلم الثروه بتاعتهم ازاي ونحطها جوه الهرم ... يااااه دي اكيد كتير اوي

مين قالك إن ماعندهمش أهرامات، كل واحد منهم بانيله هرم كبييييييييييير فى سويسرا جنب كنوزه

[عاشق الترحال]

الخبر صحيح ميه بالميه بس تقريبا فاروق حسني وحواس كانوا معترضين علشان ميفتحوش عنين الناس عليهم

وكأنهم بيقولوله عيب ياعز خلي الحسنه متداريه وبلاش نفتح عنين الهليبه علينا أحسن كل واحد لو أخد قطمه هتخلص بدري بدري.

على فكره أنا أسمع من زمان من ناس ليها في السكه دي أن تجارة الآثار أكثر تجارها التقال من كبارات الحكومه وبتتفتح مقابر وبيخرج منها المساخيط وتتباع لحساب كبارات البلد تحت حراسه الداخليه .

وعمار يا مصر .

وبعدين يا سين سين أنت نسيت أن الراجل ده لوحده هرم من أهرام نهضة مصر الحديثه في عصر أبو الهول باشا ( طويل العمر يطول عمره ويزهزه عصره وينصره على مين يعاديه ) هاي هي

يا عم سين سين ألاقيش معاك موميه فرعوني بس متكونش رشه دواخل عاوز أعلقها بدل النجفه اللي في الصاله عندنا ؟

بالمناسبه فرح سي رئيس الوزراء أحمد بيه نظيف الشهر الجاي

وكنت عاوزكم تتمنوا له من كل قلبكم أن الزوجه الجديده تطلع عليه القديم والجديد اللي عمله فينا

( قولوا آآآآآآآآآآآمين )

تفتكروا دي بقى هيبقى مهرها أيه زوسر المدرج ولا هتاخد إيجار جديد في أبو سمبل ؟؟

[عنبو]

هو الاثار بتهرب من زمان قووى

بس طالما هتبقى مقننه يعنى يبقى انا هاخد اجازه واخاد شوية رجاله من البلد واحتل اى حاجه وقول نصيبى من جدى الفرعوووووونى

عنبوحوتب الله يرحمك جدووووووو

[مصري أصيل]

طيب الواحد كان ناوي يشتريله حتة أرض علي الصيف ان شاء الله كإستثمار يعني ... طيب تفتكر يا س س لو الواحد غير تفكيره و اشتراله كام موميا و سقعهم سنتين تلاته تفتكر يكسبوا معاه بصفتك راجل خبره بالمشاريع التجاريه.

بس المشكله دلوقتي هسقعهم فين ؟؟؟؟؟؟؟؟؟

[mamdowh]

للبيع لدواعى السفر

1- هرم ماركة عز (خوفو سابقا) حجارة اسواني أصلى

2- مومياء ماركه رمسيس أصلى بدون الدهب وناقصة رجل وإيد

(هام : الوسطاء يمتنعون)

[om marawan]

هو الاثار بتهرب من زمان قووى

بس طالما هتبقى مقننه يعنى يبقى انا هاخد اجازه واخاد شوية رجاله من البلد واحتل اى حاجه وقول نصيبى من جدى الفرعوووووونى

عنبوحوتب الله يرحمك جدووووووو

تؤمم الشركة العامة لاثار "تل بسطة " شركة مساهمة شرقاوية عنباااوية حوتبية

هو الموضوع فى باب الابتسام ليه ده انا هاموت م الغيظ لو قلب غم واتنفذ

( يارب يكون سين سين بيهزر )

[se_ Elsyed]

فرصة لعظيم لدواعي السفر ....

المعلم محبوس وعاوز فلوس ...

خد فكرة وأشتري بكره

واللي ما يتشري يتفرج

- يوجد في حوزتي أثر من اثار مصر الخالده

وهو

المنطلون اللي كان لبسه أحمس وهو بيطرد الهكسوس .. وواحد هكسوسي جزمة ضربة بالسنجه قطع له المنطلون من عند الجيب اللي ورا .. فستر ربنا كان حاطط المحفظة في الجيب فالضربة ما وصلتش لبُعد أعمق والا كانت هاتبوظ البنية الأساسية عند أحمس

أنا طالب 1000 أسترليني فيه والعرض ساري لمده محدودة والتوصيل مجاناً

وعندي هديه كمان

اللي هايشيل المنطلون هاياخد معاه الحزام فري

الموضوع كده واقف عليه بخسارة صدقوني

بس قدامي سبوبة حلوه عاوز أدخل فيها

وهي إني هاشتري التايير اللي كانت لابساه حتشبسوت يوم تتويجها

يارب يرسى عليه بقى عشان حاسس إن هاتبقى فيه لقمه عيش حلوه

[se_ Elsyed]

والله ولعبت معاك يا عم أبو محمد يا أسكندراني يا مجدع

اكتشاف معبد الملكة «برنيكى».. و٦٠٠ تمثال فى كوم الدكة

كتب فتحية الدخاخنى ٢٠/ ١/ ٢٠١٠

المجلس الأعلى للآثار أعلن اكتشاف بقايا معبد للملكة برنيكى الثانية زوجة الملك بطليموس الثالث فى كوم الدكة بالإسكندرية، وخبيئة كبيرة للتماثيل ضمت، حتى الآن، ٦٠٠ تمثال من العصر البطلمى، مختلفة الأحجام والأنواع.

أكد الدكتور زاهى حواس، أمين عام المجلس، أن «المعبد المكتشف يبلغ طوله حتى الآن ٦٠ متراً، بعرض ١٥ متراً، وتمتد بقايا المعبد أسفل شارع إسماعيل فهمى»، مشيراً إلى أن «المعبد استخدم كمحجر للجير مما أدى إلى فقدان أجزاء من أحجاره».

».

بالصلاتو عالنبي وكلام رجاله

السبوبة دي هادفع لك فيها يا عمنا 120 باكو ... والمشال والنقل عليه وسيب كل حاجه في مكانها وانا هاراضي الرجالة ... بلطيموس يلزمني يا عمنا .. وأنا اساساً ليه أصول يونانيه وده يعتبر خال ماما ...

أنا أساساً أسمي سينسينيدس بابا دوبلوس وصدقني مش هاتاجر فيهم .. ده أنا بأجمع بسكل حاجه من ريحة جدو المرخوم ... ...

[عنبو]

البنطلون ده بتااااااع جدو عنبو حوتب اخده من القائد احمس هديه فى عيد زواجه

انا اول لما شفته فى الصوره عرفته على طول

ياحبيبى ياجدو اى حاجه من ريحتك ياجدو تفكرنا بيك علشان نقول الله يرحمك