35 وشرطة

[Simba]

اليوم اكون قد اتممت الخمس والثلانون عاما وعشرون يوما

لأن غالبا ما تكون أعلانات او الدعوات للشباب من سن 16 إلي 35 عام فاري أني تجاوزت مرحلة الشباب لمرحلة أخري لذلك أريد أن اتأمل قليلا في كل ما مضي من حياتي

وأين وصلت وماذا حققت وماذا أمتلكت

في هذه اللحظة أمتلك علبة سجائر لا يوجد بها سوي ثلاثة حتي الصباح ومحمول نفذت بطاريته قبل العصر ولا أري داعي لاعادة شحنه فنادرا ما يهاتفني أحد ولست واقع

في الغرام لاتبادل اتصالات ورسائل الحب وايضا امتلك حافظة لا تستطيع الأحتفاظ ابدا بالدنانير لوقت طويل فسرعان ما ينفذ حشوها

أمتلك أسنان حقا خربة بفعل الشاي والسجائر وأنتظر إجازتي إلي مصر بفارغ الصبر حتي أستطيع أنقاذ ما يمكن أنقاذوه

أن أردت أحتساب ما ذا حققت في حياتي يجب أن أعود للوراء كثيرا ... لأكتشف ماذا خسرت

يحزنني كلما أتذكر غصب أبي المنصب علي عند علمه بأنني مشترك في فرقة تمثيل قصر الثقافة فكانت ثقافته عن التميثل بأنني سأكون مشخصاتي ولم أسلم من غضبه

ولأني تربيت علي أن لا أعارض له امر ابدا فتركت قصر الثقافة محبطا رغم حبي كثيرا للمسرح

في حياتي كلها لم يصفعني أحد علي وجهي سوي مدرس الزراعة وانا في الصف الثاني الابتدائي حين لما استطع حمل ا لبلاط الي مسجد المدرسة ولا استطيع أن

أنسي هذه الصفعة ابدا ولا انسي هذا المدرس اراه في الاجازات اعرفه ولا يعرفني وكلما اراه اود ان ارد له الصفعة صفعات

لا ادري اين كان عقلي في المرحلة الاعدادية حين كنت افر من المتفوقين في الفصل لأصادق الفشلة وتستهويني خيبتهم الثقيلة وكأن هناك شيطان يصور لي المتفوقين

بأنهم لا يعرفون الا الغرور والتعالي علي خلق الله وانا حقا لم اندس وسطهم حتي اكتشف هذا وكانت تروق لي جدا طيبة الفشلة وولا مبالاتهم بالحياة وبما هو قادم غدا

وراق لي سعادتهم بمصادقتي والأعتماد علي في الغش في امتحانات الفصل الشهرية

خيبت أمل الجميع ولم استطع الالتحاق بالثانوي العام وأحتار أبي في أمري فان مدرسة الثانوي الخاص كان اسمها مدرسة النجاح لم ينجح أحد ومدرسة الفني الصناعي

لا تناسب طباعي الهادئة كما يصفونها في البيت واخيرا اهتدي إلي مدرسة التمريض وقد كان

اليوم انا ممرض في الطب النفسي

لي زوجة طيبة وبنتين وولد

وبيت في قرية ريفية أدعو الله كل يوم ان أخرج منها وأرجع إلي المدينة إلي الحياة التي اعتدت ان احياها

بعد 35 سنة لا اري اي من احلامي تحقق

احب الشعر واكتبه في غياب نقد حقيقي قد يساعدني فاما بعض المدح او الصمت فتارة اظنني موهوب وتارة اظن انه يجب ان اتوقف فقد يكون ما اكتبه ليس سوي تفاهات

بعد 35 سنة ليس لدي شقة في المدينة كما كنت دوما احلم باثاثها ومكانها وغرف الاطفال وكل هذه الاشياء فانت كمغترب يجب ان تشتري ارض وتبني بيت وكل هذه السخافات التي ستتركها وتموت

ليس لدي سيارة وان كنت استطيع ان اشتريها غدا بالاقساط ولكن ذلك بالطبع سيؤثر علي حلم السكن في المدينة

ابنائي ليسوا في مدارس انترناشينول وكيف لقاطني القرية دخولها اصلا

في النهاية تبقي كل الاحلام مؤجلة ربما للعام الأربعون وشرطة

[ابو محمود]

ياعم ولا يهمك طب انا اعرف واحد زيي كدة بالظبط وشكلة كأنى انا هههههههههههههههه

كان عندة كل حاجة انت عايز تحققها وكمان ثروة وبعدين فى ناس كويسة وكان يأتمنها سرقوة وباع العربية ما نفعش وبقى من غير عربية الحكاية بسيطة المهم الرضا بالقضاء والقدر والعمل على الصعود مرة أخرى وصدقنى ان القدر سوف يساعدك لو انت تركت اليأس ونظرت الى الحياة بأمل فى الله عز وجل وصدقنى الكلام دة تجربة ومش فك مجالس خليك مع الله يكون بجوارك

نسيت اقولك هههههههههههههههههههههههههه هو عندة الان 47 سنة لكن العبرة بالقلب مش بالسن يا سمبا

[جيمي]

العمر كده كده هيعدي يا سامبا .. عيش يومك .. كبر دماغك ..ارتقي فوق مستوي مشاكلك .. انعم بالاستقرار الاسري ..... الزوجه

والاولاد انجاز فى الزمن ده يا صاحبي ماتزعلش ان اولادك مش فى مدارس انترناشيونال .. عظماء كتير خرجو من القري وهدوءها ..

حاول تبطل الشاي والسجاير واستنشق هواء نقي .. ومارس رياضه ... واللي خسرته .. كفايه انك خسرته مره .. ماتكررش الخساره

فى خيالك وكانك بتخسرها كل يوم ... وان كان على المدرس اللي ضربك .. حاول انك تمنع ان الضرب يتكرر تاني مع اولادك .. ويمكن

القلم الجبان ده يكون سبب انك تنتبه لحماية اولادك من ان مدرس يطلع عليهم عقده النفسيه ... طب اقولك كلمه اب قالها لمدرس

لما ضرب ابنه فى طابور المدرسه ... قاله يعني انت المدام تطلع عينك فى البيت وتيجي تطلعه على ابني mfb:

وعلي فكره ناس كتير بتبتدي حياتها بعد سن ال 35 وبيحققو نجاحات تنسيهم الاحلام اللى كانو بيحلمو بيها وهما صغيرين فى السن

وكفايه كده يا سامبا مش عاوز اقولك على اللي بيحصلي علشان انت انسان حساس وممكن تفتحلي توبيك على حسابك وننزل فيه عييط كلنا :110:

[MaYousof]

اليوم اكون قد اتممت الخمس والثلانون عاما وعشرون يوما

عايز اشد على ايدك بالتحية. واقولك ما شاء الله انت راجل عظيم. وملكة الكتابة عندك فوق الممتازة.

ربنا يبركلك في الزوجة الطيبة. ويجعل الصلاح والبركة في اولادك.

الواحد لو عايز يشوف حقق إيه ممكن يلاقي نفسه دايما محققش كل اللي نفسه فيه. الطموح مش عيب.

لكني هقولك كلمة يمكن تفيدك.

السعادة مش في الفلوس, ولا الصحة, ولا الناس الطيبين.

السعادة في الرضا.

الحمد لله يا رب

[shiko]

ولنبلونكم بشيء من الخوف والجوع ونقص من الأموال والأنفس والثمرات وبشر الصابرين

........القدير سمبا ...تحياتى لسطورك وكلماتك الجميلة ..بس موش عارفة اللى عندك ده خوف طبيعى ولو تلاحظ أنه عند معظم الناس موش عندك لوحدك

على فكرة انا متأكدة من حقيقة موهبتك فى الكتابة ...تحياتى لكتاباتك فأنا متابعة لدودك كثيراً ما اتوقف عند ارائك التى ما تشدنى ...

...موش عارفة ليه حسيت ان الـ35 سنة دول كانهم رقم بالمقلوب 53 ..حقيقى شكيت للحظة انك عندك 53 موش 35 ...الموضوع موش كبير أوى

على فكرة اعرف كتير فى نفس سنك وماتجوزش ...ولاعنده اطفال من اساسه ...وبيدور على شقة علشان يتجوز موش عارف

أو لسه بيكمل تعليمه ودخله بسيط ...

وياريت بقى نبص للنص المليان من الكوباية عند حضرتك

1-متزوج (ربنا يباركلك فى بيتك وزوجتك )

2- عندك أولاد (والحمد لله بصحة طيبة وبيتعلموا وعلى فكرة انا مسمعتش مرة عن حد مشهور انه اتخرج من مدرسة انترناشيونال )

3- حضرتك بتشتغل وعندك دخل ثابت ...وشايفة ان مجالك موش وحش بالعكس مجال انسانى يحتاج لامثالك من ذوى القلوب الرقيقة

4- مشروعك للحصول على سكن قائم ومتداول حاليا (يعنى خلال اقل من القليل هايبقى عندك بيت كامل موش شقة وده هايدى لولادك فرصة على المدى الطويل انهم يبقى عندهم هم كمان شقق ويحسن من وضعهم )

5- عندك هواية وموهبة جميلة من عند ربنا

6-...واخيراً وده الاهم ...انك بخير وبصحة كويسة

والاهم من كل اللى فات ان عندك ناااااااااااس كتيييييييييييير اوى هنا فى المنتدى الجميل ده بيحبوك....حقيقى انت لازم تفتح عينيك على الحاجات الجميلة اللى فى حياتك ...

كل عام وانت فى صحة وخير وعقبال 135 سنة ان شاء الله ...وعلى العموم انا عارفة ان كل ده علشان تاكل علينا التورتاية ...على العموم كل سنة وانت طيب مرة تانية

[pocy]

ســـــــــــــــمبـــــــــــــــــــــــــا

والله بتهرج يا سمبا يعنى انت عندك 35 سنه وعشرين يوم وقدرت تضحك علينا طول العشرين اليوم اللى فاتت ومش تجيب حتى تورتايه واحده ونحط فيها شمعايه واحده يطفوها كل اللى بيحبوك هنا فى المنتدى وفي كل مكان ياراجل دا كل اللى فى هنا الكويت بيشيدوا لك وبيدعوا لك على مساهامتك الرائعخ وهو هنا الكويت دا قليل ولا ايه دى قهوه اللى فى الكويت ولا ايه اتمنى تكون بخير دايما وبصحه جيده وربنا يكرمك في اولادك ومش هعدد المميزات اللى عندك ولا الحاجات اللى عندك ومش عند ناس تانيه علشان الحسد بس (هههههههههههه) واللى اقدر اقوله ليك الحمد لله على النعمه اللى الواحد فيها واتمنى ليك كل الخير يارب اللهم امين

أختك فى الله أم عمر

[مغتربة]

اعلم تماما ما تتحدث عنه

اسمع صرخه كل حرف سطرته

هذا هو قدر كل من ابتلى بروح بريه لا يدجنها ضعف الجسد البشرى و عجزه

دائما الاعين سارحه فى السماء بينما الارجل مكبله بطين الارض

لا توجد كلمات سحريه تهون عليك تمزقك الداخلى

لكن اكاد اجزم لك ان الخلاص بداخلك انت

لن يهديه لك كلاما تسمعه او خبرات تنقل لك او نصائح اصدقاء

لن يهديه لك احدا الا نفسك

فغوص فى داخلها حتى النخاع

فتحت البراكين الهادره تقبع مرابع السلام النفسى

لن تغفو براكينك الا اذا تصالحت مع ذاتك

اما ما عادى ذلك لن يعدو اكثر من قرص مسكن

[عنبو]

سمبا مشاركة بتاريخ اليوم, 04:20 AM

اليوم اكون قد اتممت الخمس والثلانون عاما وعشرون يوما

لأن غالبا ما تكون أعلانات او الدعوات للشباب من سن 16 إلي 35 عام فاري أني تجاوزت مرحلة الشباب لمرحلة أخري لذلك أريد أن اتأمل قليلا في كل ما مضي من حياتي

وأين وصلت وماذا حققت وماذا أمتلكت

في هذه اللحظة أمتلك علبة سجائر لا يوجد بها سوي ثلاثة حتي الصباح ومحمول نفذت بطاريته قبل العصر ولا أري داعي لاعادة شحنه فنادرا ما يهاتفني أحد ولست واقع

في الغرام لاتبادل اتصالات ورسائل الحب وايضا امتلك حافظة لا تستطيع الأحتفاظ ابدا بالدنانير لوقت طويل فسرعان ما ينفذ حشوها

أمتلك أسنان حقا خربة بفعل الشاي والسجائر وأنتظر إجازتي إلي مصر بفارغ الصبر حتي أستطيع أنقاذ ما يمكن أنقاذوه

أن أردت أحتساب ما ذا حققت في حياتي يجب أن أعود للوراء كثيرا ... لأكتشف ماذا خسرت

يحزنني كلما أتذكر غصب أبي المنصب علي عند علمه بأنني مشترك في فرقة تمثيل قصر الثقافة فكانت ثقافته عن التميثل بأنني سأكون مشخصاتي ولم أسلم من غضبه

ولأني تربيت علي أن لا أعارض له امر ابدا فتركت قصر الثقافة محبطا رغم حبي كثيرا للمسرح

في حياتي كلها لم يصفعني أحد علي وجهي سوي مدرس الزراعة وانا في الصف الثاني الابتدائي حين لما استطع حمل ا لبلاط الي مسجد المدرسة ولا استطيع أن

أنسي هذه الصفعة ابدا ولا انسي هذا المدرس اراه في الاجازات اعرفه ولا يعرفني وكلما اراه اود ان ارد له الصفعة صفعات

لا ادري اين كان عقلي في المرحلة الاعدادية حين كنت افر من المتفوقين في الفصل لأصادق الفشلة وتستهويني خيبتهم الثقيلة وكأن هناك شيطان يصور لي المتفوقين

بأنهم لا يعرفون الا الغرور والتعالي علي خلق الله وانا حقا لم اندس وسطهم حتي اكتشف هذا وكانت تروق لي جدا طيبة الفشلة وولا مبالاتهم بالحياة وبما هو قادم غدا

وراق لي سعادتهم بمصادقتي والأعتماد علي في الغش في امتحانات الفصل الشهرية

خيبت أمل الجميع ولم استطع الالتحاق بالثانوي العام وأحتار أبي في أمري فان مدرسة الثانوي الخاص كان اسمها مدرسة النجاح لم ينجح أحد ومدرسة الفني الصناعي

لا تناسب طباعي الهادئة كما يصفونها في البيت واخيرا اهتدي إلي مدرسة التمريض وقد كان

اليوم انا ممرض في الطب النفسي

لي زوجة طيبة وبنتين وولد

وبيت في قرية ريفية أدعو الله كل يوم ان أخرج منها وأرجع إلي المدينة إلي الحياة التي اعتدت ان احياها

بعد 35 سنة لا اري اي من احلامي تحقق

احب الشعر واكتبه في غياب نقد حقيقي قد يساعدني فاما بعض المدح او الصمت فتارة اظنني موهوب وتارة اظن انه يجب ان اتوقف فقد يكون ما اكتبه ليس سوي تفاهات

بعد 35 سنة ليس لدي شقة في المدينة كما كنت دوما احلم باثاثها ومكانها وغرف الاطفال وكل هذه الاشياء فانت كمغترب يجب ان تشتري ارض وتبني بيت وكل هذه السخافات التي ستتركها وتموت

ليس لدي سيارة وان كنت استطيع ان اشتريها غدا بالاقساط ولكن ذلك بالطبع سيؤثر علي حلم السكن في المدينة

ابنائي ليسوا في مدارس انترناشينول وكيف لقاطني القرية دخولها اصلا

في النهاية تبقي كل الاحلام مؤجلة ربما للعام الأربعون وشرطة

معلش ياسمبا انا هتكلم معاك جد شويه

انا حاسس انك متشأم شويه

عندك ولله الحمد بيت ملك مش شرط فى اى مكان بس اهم حاجه انه ملكك اعرف ناس عايشين فى المدينه وكل يوم فى شقه بسبب موضوع الايجار واعرف واحد أجر الشقه التمليك بتعته واجر هو شقه اصغر منها علشان يعرف يصرف على البيت

عندك زوجه طيبه طيب هو حسنة الدنيا ايه غير زوجه صالحه

عندك من الاولاد والبنات : طيب هو فيه احسن من كده

عندك : وضيف ثابته ودخل ثابت

انت عارف ياسمبا اهم حاجه ان الواحد يبص للى عنده تعرف انا عندى نظريه خاصه بى مسميها نظرية الميه بالمائه

ان كل واحد فينا عنده امكانيات زى التانى بالظبط لو جمعناهم نسبه مؤيه يعنى

يعنى تلاقى واحد اخد 15 % فلوس + 20 % تعليم +...............الخ لحد لما توصل فى الاخر الى نسبة ميه بالمايه

وممكن تلاقى واحد زايد عنك فى حاجه وبالطبع هتكون انت زايد عنه فى حاجه اخرى

تذكر الايه الكريمه

{وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ }إبراهيم7

[الباشمهندس ياسر]

انا ليا جيران

35 سنة و زيادة

مفيش اوضة يسكن فيها لوحده غير اللي في بيت ابوه

مفيش بنت يشكيلها همه و يرتاح معاها .. غير اللي بيشوفها ف الحلم

مفيش طفل يلاعبه و يرخم عليه ..غير عيال الجيران

مفيش مرتب بيكفيه سجاير بعد ما يدفع مصروف البيت

مفيش ضحكة صافية بتطلع م القلب من كتر الهموم

مفيش حد مستنيه يرجع من ع القهوة بالليل غير امه .. و لما تموت امه مش هيستناه حد

صدقني ... حتي الحلم مات جواهم

مفيش بكره عندهم

ياااااااااااااااااااااااااااااااااااااااه

دانت في كمية من النعم مش حاسس بيها يا جدع

بتتكلم عن سكن ف المدينة

و حتة عربية

و ايه تاني

مدارس انترناشيونال يتعلموا فيها الولاد

لا اله الا الله

طب لو قلتلك انك في نعمة يحسدك عليها اكثر من نصف سكان الارض .. تصدقني ولا لأ..؟؟؟

[عاشق الترحال]

أخي الفاضل إخواني الأعزاء أدعوكم لمشاهدة هذا الفيديو

http://www.youtube.com/watch?v=ouuF37kPork...feature=related

فعلاَ نموذج مشرف ورمز للصبر والرضا والقناعه

.

تم تعديل 20 يناير 2010 بواسطة عاشق الترحال

[Simba]

لا أدري لماذا تحول الموضوع إلي عزاء ورثاء وفي الحقيقة لا يتعدي سوي وقفة مع النفس قليلا لاحتساب ماذا جنيت في حياتي ومن منا لا يفعل ذلك

يعتقد البعض بأنني لست راضي لكن انا ممتلئ بالرضا والحمدلله وفقط اتمني الأفضل لي ولأسرتي

[fatfouta]

لا أدري لماذا تحول الموضوع إلي عزاء ورثاء وفي الحقيقة لا يتعدي سوي وقفة مع النفس قليلا لاحتساب ماذا جنيت في حياتي ومن منا لا يفعل ذلك

يعتقد البعض بأنني لست راضي لكن انا ممتلئ بالرضا والحمدلله وفقط اتمني الأفضل لي ولأسرتي

تصدق يا سمبا والله كنت عاوزة ادخل اكتب لك حاجة بس قولت لا لانى مش عاوزا اقولك معلش لانى حسيت اوى بكلامك

عارف ليه اصلى انا كمان 34 وشرطة(قصدى و21 يوم)

انت 1-1 برضو؟؟؟؟؟ الظاهر كلنا كده بنمر بنفس الشعور ....... وقفة مع النفس

دمت دايما بكل رضا وايمان يارب

تم تعديل 20 يناير 2010 بواسطة fatfouta

[Simba]

ياعم ولا يهمك طب انا اعرف واحد زيي كدة بالظبط وشكلة كأنى انا هههههههههههههههه

كان عندة كل حاجة انت عايز تحققها وكمان ثروة وبعدين فى ناس كويسة وكان يأتمنها سرقوة وباع العربية ما نفعش وبقى من غير عربية الحكاية بسيطة المهم الرضا بالقضاء والقدر والعمل على الصعود مرة أخرى وصدقنى ان القدر سوف يساعدك لو انت تركت اليأس ونظرت الى الحياة بأمل فى الله عز وجل وصدقنى الكلام دة تجربة ومش فك مجالس خليك مع الله يكون بجوارك

استاذ محمود

لا اكيد مش كان عنده كل حاجة عايز احققها علشان فيه حاجات ما رضيتش اكتبها

استاذي ان لست يائس لكن ربما احتاج ان اكون طموح واحدد اهدافي وطبعا املي في الله كبير جدا

[Simba]

العمر كده كده هيعدي يا سامبا .. عيش يومك .. كبر دماغك ..ارتقي فوق مستوي مشاكلك .. انعم بالاستقرار الاسري ..... الزوجه

والاولاد انجاز فى الزمن ده يا صاحبي ماتزعلش ان اولادك مش فى مدارس انترناشيونال .. عظماء كتير خرجو من القري وهدوءها ..

حاول تبطل الشاي والسجاير واستنشق هواء نقي .. ومارس رياضه ... واللي خسرته .. كفايه انك خسرته مره .. ماتكررش الخساره

فى خيالك وكانك بتخسرها كل يوم ... وان كان على المدرس اللي ضربك .. حاول انك تمنع ان الضرب يتكرر تاني مع اولادك .. ويمكن

القلم الجبان ده يكون سبب انك تنتبه لحماية اولادك من ان مدرس يطلع عليهم عقده النفسيه ... طب اقولك كلمه اب قالها لمدرس

لما ضرب ابنه فى طابور المدرسه ... قاله يعني انت المدام تطلع عينك فى البيت وتيجي تطلعه على ابني

وعلي فكره ناس كتير بتبتدي حياتها بعد سن ال 35 وبيحققو نجاحات تنسيهم الاحلام اللى كانو بيحلمو بيها وهما صغيرين فى السن

وكفايه كده يا سامبا مش عاوز اقولك على اللي بيحصلي علشان انت انسان حساس وممكن تفتحلي توبيك على حسابك وننزل فيه عييط كلنا

الاستقرار الاسري يا جيمي ...ده كان اهم الاسباب ان اسيب بيت العيلة واروح اسكن في مكان تاني علشان اقدر استمتع بالاستقرار الأسري بعيد عن حاجات كتير

مش زعلان ان الاولاد مش مدارس انترناشينول بس كنت اتمني ده

كنت دايما بقول لو بطلت سجاير 24 ساعة بس هابطلها طول عمري والاسبوع اللي فات عملت عملية بتخدير كلي هنا في الكويت وقعدت فعلا 24 ساعة مش ادخن

لكن ايه بقي اول ما حسيت اني كويس قولت لهم في الجناح انا بس هاقف بره الجناح ونزلت بره المستشفي اصلا وبعت عامل يجيب لي سجاير من جمعية جنب

المستشفي

فيهحد عاقل برضه يبطل سجاير

[Simba]

عايز اشد على ايدك بالتحية. واقولك ما شاء الله انت راجل عظيم. وملكة الكتابة عندك فوق الممتازة.

ربنا يبركلك في الزوجة الطيبة. ويجعل الصلاح والبركة في اولادك.

الواحد لو عايز يشوف حقق إيه ممكن يلاقي نفسه دايما محققش كل اللي نفسه فيه. الطموح مش عيب.

لكني هقولك كلمة يمكن تفيدك.

السعادة مش في الفلوس, ولا الصحة, ولا الناس الطيبين.

السعادة في الرضا.

الحمد لله يا رب

الحمدلله رب العالمين الرضا متوفر والله يخليك علي كلامك الطيب

[Simba]

ولنبلونكم بشيء من الخوف والجوع ونقص من الأموال والأنفس والثمرات وبشر الصابرين

........القدير سمبا ...تحياتى لسطورك وكلماتك الجميلة ..بس موش عارفة اللى عندك ده خوف طبيعى ولو تلاحظ أنه عند معظم الناس موش عندك لوحدك

على فكرة انا متأكدة من حقيقة موهبتك فى الكتابة ...تحياتى لكتاباتك فأنا متابعة لدودك كثيراً ما اتوقف عند ارائك التى ما تشدنى ...

...موش عارفة ليه حسيت ان الـ35 سنة دول كانهم رقم بالمقلوب 53 ..حقيقى شكيت للحظة انك عندك 53 موش 35 ...الموضوع موش كبير أوى

على فكرة اعرف كتير فى نفس سنك وماتجوزش ...ولاعنده اطفال من اساسه ...وبيدور على شقة علشان يتجوز موش عارف

أو لسه بيكمل تعليمه ودخله بسيط ...

وياريت بقى نبص للنص المليان من الكوباية عند حضرتك

1-متزوج (ربنا يباركلك فى بيتك وزوجتك )

2- عندك أولاد (والحمد لله بصحة طيبة وبيتعلموا وعلى فكرة انا مسمعتش مرة عن حد مشهور انه اتخرج من مدرسة انترناشيونال )

3- حضرتك بتشتغل وعندك دخل ثابت ...وشايفة ان مجالك موش وحش بالعكس مجال انسانى يحتاج لامثالك من ذوى القلوب الرقيقة

4- مشروعك للحصول على سكن قائم ومتداول حاليا (يعنى خلال اقل من القليل هايبقى عندك بيت كامل موش شقة وده هايدى لولادك فرصة على المدى الطويل انهم يبقى عندهم هم كمان شقق ويحسن من وضعهم )

5- عندك هواية وموهبة جميلة من عند ربنا

6-...واخيراً وده الاهم ...انك بخير وبصحة كويسة

والاهم من كل اللى فات ان عندك ناااااااااااس كتيييييييييييير اوى هنا فى المنتدى الجميل ده بيحبوك....حقيقى انت لازم تفتح عينيك على الحاجات الجميلة اللى فى حياتك ...

كل عام وانت فى صحة وخير وعقبال 135 سنة ان شاء الله ...وعلى العموم انا عارفة ان كل ده علشان تاكل علينا التورتاية ...على العموم كل سنة وانت طيب مرة تانية

اكيد يا شيكو الانسان لازم يبص للنص المليان والاحسن كتير انه يحاول يملا النص الفارغ

انا برضه حسبتها زي ما حضرتك حسبتها لكن كتبتها بطريقة مختلفة اشبه بالفضفضة

وأنت اطيب يارب

[Simba]

ســـــــــــــــمبـــــــــــــــــــــــــا

والله بتهرج يا سمبا يعنى انت عندك 35 سنه وعشرين يوم وقدرت تضحك علينا طول العشرين اليوم اللى فاتت ومش تجيب حتى تورتايه واحده ونحط فيها شمعايه واحده يطفوها كل اللى بيحبوك هنا فى المنتدى وفي كل مكان ياراجل دا كل اللى فى هنا الكويت بيشيدوا لك وبيدعوا لك على مساهامتك الرائعخ وهو هنا الكويت دا قليل ولا ايه دى قهوه اللى فى الكويت ولا ايه اتمنى تكون بخير دايما وبصحه جيده وربنا يكرمك في اولادك ومش هعدد المميزات اللى عندك ولا الحاجات اللى عندك ومش عند ناس تانيه علشان الحسد بس (هههههههههههه) واللى اقدر اقوله ليك الحمد لله على النعمه اللى الواحد فيها واتمنى ليك كل الخير يارب اللهم امين

أختك فى الله أم عمر

حمد لله علي سلامة حضرتك الأول

انا قولت بقي انك انتي اللي هتجيبي التورتة من مصر والشمع من ام هاشم

انا كل الناس هنا بحبها من زمان اللي موجودين واللي غابوا عننا

شكرا لكلام الحاني

[Simba]

اعلم تماما ما تتحدث عنه

اسمع صرخه كل حرف سطرته

هذا هو قدر كل من ابتلى بروح بريه لا يدجنها ضعف الجسد البشرى و عجزه

دائما الاعين سارحه فى السماء بينما الارجل مكبله بطين الارض

لا توجد كلمات سحريه تهون عليك تمزقك الداخلى

لكن اكاد اجزم لك ان الخلاص بداخلك انت

لن يهديه لك كلاما تسمعه او خبرات تنقل لك او نصائح اصدقاء

لن يهديه لك احدا الا نفسك

فغوص فى داخلها حتى النخاع

فتحت البراكين الهادره تقبع مرابع السلام النفسى

لن تغفو براكينك الا اذا تصالحت مع ذاتك

اما ما عادى ذلك لن يعدو اكثر من قرص مسكن

عزيزتي مغتربة

لم يتحول الامر بعد الي مأساة وأن كنت اوافقك الرأي جد ان العين في السماء والأقدام مكبلة بطين الأرض ولا احب ان اصور تقييمي لحياتي بانها كبراكين هادرة

نتخاصم ونتصالح مع الذات كل حين وكانها حياة زوجية اخري

[Simba]

معلش ياسمبا انا هتكلم معاك جد شويه

انا حاسس انك متشأم شويه

عندك ولله الحمد بيت ملك مش شرط فى اى مكان بس اهم حاجه انه ملكك اعرف ناس عايشين فى المدينه وكل يوم فى شقه بسبب موضوع الايجار واعرف واحد أجر الشقه التمليك بتعته واجر هو شقه اصغر منها علشان يعرف يصرف على البيت

عندك زوجه طيبه طيب هو حسنة الدنيا ايه غير زوجه صالحه

عندك من الاولاد والبنات : طيب هو فيه احسن من كده

عندك : وضيف ثابته ودخل ثابت

انت عارف ياسمبا اهم حاجه ان الواحد يبص للى عنده تعرف انا عندى نظريه خاصه بى مسميها نظرية الميه بالمائه

ان كل واحد فينا عنده امكانيات زى التانى بالظبط لو جمعناهم نسبه مؤيه يعنى

يعنى تلاقى واحد اخد 15 % فلوس + 20 % تعليم +...............الخ لحد لما توصل فى الاخر الى نسبة ميه بالمايه

وممكن تلاقى واحد زايد عنك فى حاجه وبالطبع هتكون انت زايد عنه فى حاجه اخرى

تذكر الايه الكريمه

{وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ }إبراهيم7

محمد بك

نا مقتنع جدا بنظرتك والله ومقتنع ان اصل الناس كلها بتكمل بعض وكلنا في دايرة واحدة

بس انت المفروض تسجل نظريتك دي وتاخد براءة ابتكار فكري

علي فكرة عجبتن والله

[Simba]

انا ليا جيران

35 سنة و زيادة

مفيش اوضة يسكن فيها لوحده غير اللي في بيت ابوه

مفيش بنت يشكيلها همه و يرتاح معاها .. غير اللي بيشوفها ف الحلم

مفيش طفل يلاعبه و يرخم عليه ..غير عيال الجيران

مفيش مرتب بيكفيه سجاير بعد ما يدفع مصروف البيت

مفيش ضحكة صافية بتطلع م القلب من كتر الهموم

مفيش حد مستنيه يرجع من ع القهوة بالليل غير امه .. و لما تموت امه مش هيستناه حد

صدقني ... حتي الحلم مات جواهم

مفيش بكره عندهم

ياااااااااااااااااااااااااااااااااااااااه

دانت في كمية من النعم مش حاسس بيها يا جدع

بتتكلم عن سكن ف المدينة

و حتة عربية

و ايه تاني

مدارس انترناشيونال يتعلموا فيها الولاد

لا اله الا الله

طب لو قلتلك انك في نعمة يحسدك عليها اكثر من نصف سكان الارض .. تصدقني ولا لأ..؟؟؟

تصدق مصدقك والله باشمهندس

مصدقك جدا

وبعدين ده انت حبيبي اصلا