إخواني الإسكندرانيين الشرفاء

[عنبو]

الجدار مشاركة بتاريخ اليوم, 03:38 PM

يا خوفي يا عنبو

بيقولك ماينوب المخلص الا تقطيع هدوموا

اتفرج من بعيد أحسنلك

انا عامل فيها اليومين دول فرعونى علشان اخد الميراث بتاعى فتقريباً مش لابس حاجه خالص غير البتاع بتاع الفراعنه

يعنى متخفش بس ردوا بقى انتوا صعبتوا عليا والله

[pink rose]

استاذ زوهيري حضرتك الحمدلله خلصت مواضيعك عن اخوانك البهائيين الشرفاء و المسيحين الشرفاء و الدور بقى على اخوانك الاسكندرانية الشرفاء

مش عارفه ليه افتكرت اغنية الدور الدور موعودة ياللي عليكي الدور

عموما السؤال المفروض يكون بالعكس يا استاذي الفاضل

ازاي اخوانا اللي من القاهرة مستحملين نفسهم و هما كده يا عيني مش اسكندرانية :blink:

و الله العظيم بجد بيصعبوا عليا عايشين ازاي في الزحمة و الخنقة و الحر و الكآبة بتاعت القاهرة

دول ما بيصدقوا الصيف ييجي و الاجازات تبدأ و تلاقيهم نازلين بالبارشوتات علينا في اسكندرية عشان يتنفسوا هوا نضيف

غلابة و الله wst::

و ما فيش احلى من كلمة حبيبتي ماما سلوى :wub:

الحمدلله الذي عفانا مما ابتلا بيه غيرنا و فضلنا على كثير من خلقه :rolleyes: wst::

ياسر و عنبي لن انسى لكما هذوها الموقف

و ممنوعين انتوا الاتنين من دخول اسكندرية و الساحل الشمالي كمان :sad:

و اياك المح واحد فيكم عند بس البوابة بتاعت اسكندرية

[MZohairy]

عموما السؤال المفروض يكون بالعكس يا استاذي الفاضل

ازاي اخوانا اللي من القاهرة مستحملين نفسهم و هما كده يا عيني مش اسكندرانية :sad:

سؤال ايه اللي بالعكس يا فندم؟

ايشجاب سان فرانسيسكو لكفر مصيلحه؟

و هل شابه الثرا الثريا؟ :rolleyes:

مش علشان بنحاول نخفف عنكم تقوموا تقولوا كده

يا مهدي النفوس يا حماده wst::

[محمد عبدالعزيز]

طيب يعنى بلاش الكلام الفاضى بتاع بقيقة ومش بقيقة ده.

ولا هى ماسورة حقد على الاسكندراينة وانفجرت.

ثم هو مين اللى اشتكى من الاسكندرانية أنا مش فاهم!!!

ياريت بس يا أخ مظهيرى تفهمنا وتورينا كده مين اللى اشتكى عشان نعرف احنا بنتكلم عن إيه.

وعموماً ياسيدى شعور كاسكندرانى شريف هو إنى

قرفااااااااااااااااااااااااااااااااااان من القاهرة وجوها وخنقتها وزحمتها والتلوث اللى ملاها.

تصدق بالله...

بجد بقى مش هزار...

اليوم اللى بكون مضطر أروح فيه القاهرة بيبقى يوم ماطلعتلوش شمس.

[pink rose]

كفر مصيلحة انت كده بتخبط في الريس يا ريس wst::

بس معاك حق ايش جاب لجاب

اسكندرية المارية اللي ترابها زعفران اللي نهارها هادي و ليلها سحر

للقاهرة اللي نهارها دوشة و ليلها كارثة :sad:

اسكندرية اللي هواها يرد الروح :blink: للقاهرة اللي اول ما توصلها روحك تروح :rolleyes:

و عموما انت اللي فتحت الموضوع يعني انت اللي شكلك حاسس بالمعاناة انك من القاهرة

[alex fox]

كفر مصيلحة انت كده بتخبط في الريس يا ريس wst::

بس معاك حق ايش جاب لجاب

اسكندرية المارية اللي ترابها زعفران اللي نهارها هادي و ليلها سحر

للقاهرة اللي نهارها دوشة و ليلها كارثة :sad:

اسكندرية اللي هواها يرد الروح :blink: للقاهرة اللي اول ما توصلها روحك تروح :rolleyes:

و عموما انت اللي فتحت الموضوع يعني انت اللي شكلك حاسس بالمعاناة انك من القاهرة

الله علي الردود الكاسحة يا ريمو...

شايفين بنات أسكندرية الجدعان...

عندكو زيهم فى القاهرة...

[MZohairy]

طب مش عايزين حد يزعل بس

يعني هنكون احنا و الزمن عليكو؟؟؟

لألألألألألأ

و اقروا الفاتحه لبو العبااااس ياسكندريه يا اجدع ناس :)

في حد في الدنيا دي كلها يقول ع الجبنه الرومي جبنه تركي؟؟؟؟ mfb: wst::

لأ و الأشول يقولوا عليه شوضلي

صحيح اسكندرانيه

اجدع ناس يعني wst::

[pink rose]

مسيو زوهيري

هدي انت نفسك خالص و ما تقلقش

و الحمدلله الطب اتقدم و اكيد هانلاقي علاج لحالتك القاهرة دي

اعرف واحد كان قاهري و الحمدلله اتعالج و بقى زي الفل

اهم حاجه انك تهدي نفسك و بالصبر كل شئ يتحل wst:: wst::

الا قولي ما معنى كلمة قوطة؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ :) mfb:

[MZohairy]

تماتم wst::

[نجماية]

السلام عليكم ورحمة الله وبركاته،،

ردا على ما قيل في حق الإسكندرية من أقلية غيرانة وبتآكل في نفسها

كان لازم ارد لكن لقيت ردي عمره ما حيدي اسكندرية حقها لكن حاسيب الناس الجامدة دي ترد بأحسن كلام اتقال في اسكندرية حبيبة قلبي

رائعة الاخوين رحباني

شط الاسكندريه

غنتها الرائعه فيروز

شط اسكندريه ياشط الهوا

رُحنا اسكندريه رمانا الهوا

يادنيا هنيه وليالي رَضيه احملها بعينيه

شط اسكندريه

البحر ورياحه والفُلك الغريب

يحملها جراحه ويرحل في المغيب

يتمهل شويه ويتودع شويه وتعانق الميه

شط اسكندريه

ليالي مشيتك ياشط الغرام

وان انا نسيتك ينساني المنام

والشاهد عليه غنوة قمريه والنسمه البحريه

وشط اسكندريه

شط اسكندريه ياشط الهوا

رائعة صاحب الصوت العذب محمد قنديل

بين شطين ومّيه

بين شطين وميّه عشقتكم عينيه

ياغاليين عليّه يااهل اسكندريه

ياما الناس قالوا ووصفولي

حِلو السِنه لُولي والِتيه واخدُه غِيه

ياغاليين عليه يااهل اسكندريه

محقوقلي وظالمني وفي قلبي مقاسمني

من مدة مخاصمني مش داري اللي بيه

اه

ياغاليين عليه يااهل اسكندريه

لاسأل عن دياره واروحله وازوره

احبكم تكرهوني واش جرى مني

لا ذنب سويته ولا عيبه جرت مني

لاسأل عن دياره واروحله وازوره

واتملى بنوره واخدله هديه

ياغاليين عليه ياهل اسكندريه يااهل اسكندريه

فيلسوف ولاد البلد ((صلاح جاهين)) والاسكندريه1

بحري

آخر النهارهفهفت نسمه على المّيه

بعودا الايام على الجدعان وعليا

ياصيادين القاروص صيد القاروص غيه

رمي الشبك ع السمك يلزم له خِفيّه

طرحت طرحه لقيت في الطرحه جِنيّه

حلّت شعورها وعقدتهم على عينيا

ونزّاتني القرار صرخ الشُبار فيا

ارمي الشبك ع السمك ياواد بحنيّه

لادق ع الباب واقول للحلو ياجاري

رمي الشبك صنعتي والصبر ده كاري

اصبر على الرزق لما تتملى بحاري

واصبر على العشق لما تنطفي ناري

ياميت ندامه على اللي البحر ماادّاله

مفتوح عليه الحنك والكف مادّاله

عدّى الشطوط والخطوط اللنش عدى له

غفر الواحل ياصاحبي مستعداله

انا مذهبي الصبر واصبر حتى على تاري

واطعم شباكي وصناري بصباري

انا اعوم على الصبر لما اوصل لاوطاري

والصبر دا مركبي والقلع والصاري

تتر المقدمه في مسلسل زيزنيا

كلمات احمد فؤاد نجم

والحان عمارالشريعي

اسكندريه تاني

اسكندريه تاني..وآه م العشق ياني

والرمل الزعفراني عالشط الكهرماني

والسحر اللي احتويته والبحر اللي احتواني

والبحر ابو الف موجه والموجه بالف حاله

وانا المغرم صبابه باسكندريه يابا

وفكرة كوني انسى في حكم الاستحاله

عشقت بحرك وغرقت فيكي

وصبحت عندك في العشق حالم

وسمعت عنك وعشقت بيك

وعجبني قربك على أي حاله

وعاشرت فيكي الخواجه ياني

اجريجي لكن مصراوي جني

اسكندراني عاشق اغاني

جعان يغني شبعان يدني

ويبات في حاله ويصبح في حاله

وكونه ينسى دي الاستحاله

وسمعت صوت النديم نسايم

ع البحر صابحه والبحر هايم

وسمعت سيد بيقول يامصري

الدنيا صاحيه ليه انت نايم

ولما عاند وخاني عصري

لاشد ضهري ولاخد بنصري

بنيت في حضنك ع الرمله قصري

وفتحت ع اللبحر حضن مصري

ادي القضيه وادي الرساله وكوني انسى دي الاستحاله

تتر النهاية في مسلسل زيزنيا

لاحمدفؤادنجم

والحان عمار الشريعي

وعمار يااسكندريه ياجميله ياماريه

وعدومكتوب عليه ومسطّر عالجبين

لاشرب من الحب حَبه وانزل بحر المحبه

واسكُن حُضن الاحبه والناس الطيبين

حكاياتك يازيزنيا,,حواديت وناس دنيا

في حوار اسكندريه وليالي المنشدين

واما التاريخ يواكب ويزاحم بالمناكب

يتعبى بالمراكب وغناوي الصيادين

هيلا هيلا وهيلا بيلا

شّيال والعُمر شيله

وهموم الدنيا ليله فيها القمر حزين

وياموج بحر الليالي عدتك وانت عالي

ودفعت المهر غالي بالايام والسنين

وعمار يااسكندريه ياجميله ياماريا

وعد ومكتوب عليّه ومسّطر عالجبين

اغنية من بحري وبنحبوه

هدى سلطان

من بحري وبنحبوه عالقمة بنستنوه

شبك الجمالات وشبكني وازاي نقدروا ننسوه

من بحري وبنحبووه

ايوووه ايوووه

سلّمت عليه بالايد والعين بصّت للعين

صُدفه ومن غير مواعيد زادوا العشاق اتنين

شغلتني عينيه من نظرتها

وباخوفي عليه من حلاوتها

ليروح مني وياخدوه والفكر في حبه يتوه

ليروح منها وياخدوه والفكر في حبه يتوه

شبك الجمالات وشبكني وازاي نقدروا ننسوه

من بحري بنحبوه ايووه ايووه

لما بالذوق كلمته من قلبي وروحه هويته

وف نني العين نيّمته وبرمش العين غطيته

مارضتش انام ولا نوم جاني

لاشوف في منام انه جفاني

من كتر مابيشاغلوه وبيتمنوا يقابلوه

شبك الجمالات وشبكني

وازاي نقدروا ننسوه

من بحري وبنحبوه

ايووه ايووه

ايام وسنين في هواك وانا بين فرحتي والآمي

يهجرني واقول انساه وان شوفته ارجع في كلامي

لو بعده يزيد ولا يطّوِل الحب يزيد زي الاول

ياسلام على امه وابوه, قولولي ازاي عملوه

ياسلام على امه وابوه, قوللها ازاي هعملوه

شبك الجمالات وشبكني وازاي ننقدروا ننسوه

من بحري وبنحبوه

ايوووه ايوووه

وياريت اخواننا القاهريين يتحفونا كده بكام أغنية عن القاهرة وأجمل ما قيل فيها

واقبلوا مني اول مشاركة........ تحياتي

[MZohairy]

غناوي ايه يا جماعه و كلام فاضي ايه بس؟

القاهريين رجال افعال لا اقوال

قال طماطم قال !!!! wst:: هااأووووووو

[عصام]

زهيرى

أعمل لك سندوتش سـُدُء

:sad:

وللا تشرب شاي ي ي ي ي

[pink rose]

لا حول و لا قوة الا بالله

و الله ما كنت اعرف انكم مقهورين مننا اوي كده و شايلين في قلبكم

يا عيني غلابة و الله

بجد بجد النهاردة صعبتوا عليا اكتر :sad:

معلش بكرة ان شاء الله تبقوا كويسين

انتوا بس دورا على دكتور محترم كده و ابن حلال

و خير ان شاء الله

:sad:

[الباشمهندس ياسر]

بس معاك حق ايش جاب لجاب

اسكندرية المارية اللي ترابها زعفران اللي نهارها هادي و ليلها سحر

للقاهرة اللي نهارها دوشة و ليلها كارثة

اسكندرية اللي هواها يرد الروح للقاهرة اللي اول ما توصلها روحك تروح

و عموما انت اللي فتحت الموضوع يعني انت اللي شكلك حاسس بالمعاناة انك من القاهرة :lol:

تصدقي بتعرفي تكتبي شعر يا ريمو

الصلاة ع النبي .. اللهم صلي عليه

طب اقولك علي حاجة من باب الاخوية يا شابة

وقفة ع قصر النيل الساعة 3 فجرا ... و صدقيني هتنسي الدنيا و اللي فيها

ايه ده

حاجة تأكل العقل

الله علي الردود الكاسحة يا ريمو...

شايفين بنات أسكندرية الجدعان...

عندكو زيهم فى القاهرة...

ماحنا بنروح نتجوز من هناك عشان هما حلوات و امورات و زي الورد

السؤال اللي بيطرح نفسه بقي

يا تري بيسيبوكوا لييييييييييييييييه

مسيو زوهيري

هدي انت نفسك خالص و ما تقلقش

و الحمدلله الطب اتقدم و اكيد هانلاقي علاج لحالتك القاهرة دي

اعرف واحد كان قاهري و الحمدلله اتعالج و بقى زي الفل

اهم حاجه انك تهدي نفسك و بالصبر كل شئ يتحل

الا قولي ما معنى كلمة قوطة؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ :lol: :D

بلاش اللهجات يا ريمو

نص كلام الاسكندرانية ضايع يا اختي

[عنبو]

كتب المهندس ياسر

ماحنا بنروح نتجوز من هناك عشان هما حلوات و امورات و زي الورد

السؤال اللي بيطرح نفسه بقي

يا تري بيسيبوكوا لييييييييييييييييه

m8: clp::

[أبو محمد]

أهو احنا كده يا اسكندرانية .. منحبوش نشكروا فى نفسينا clp::

ألا قوللى يامايسترو .. قاهرة دى يعنى ازاى ؟ .. ظروف مثلا ؟

[tantrum]

الإسكندرانية تغلبوا على كونهم غير قاهريين بالغلو فى عشق الإسكندرية و الإعتزاز بها

عندما يسأل أحدهم عن جنسيته فى الغربة يجيب: إسكندرانى

أول شىء يود أن تعرفه عنه هو كونه إسكندرانى

لكن بصراحة أنا أحسد أو أغبط كل من يعيش بالإسكندرية.

[عنبو]

tantrum مشاركة بتاريخ اليوم, 03:18 AM

الإسكندرانية تغلبوا على كونهم غير قاهريين بالغلو فى عشق الإسكندرية و الإعتزاز بها

عندما يسأل أحدهم عن جنسيته فى الغربة يجيب: إسكندرانى

أول شىء يود أن تعرفه عنه هو كونه إسكندرانى

لكن بصراحة أنا أحسد أو أغبط كل من يعيش بالإسكندرية.

كلام حضرتك له معنى خطير جداً كأن مثلاً تسأل واحد انت بتشتغل ايه يقولك اخويا مهندس

دى اخر تسخينه منى لانى بجد مش لاقى حد بيسخن

طيب انا كان نفسى يبقى الكلام على بورسعيد هتلاقى اخونا زناااااااتى جاب الناس بتعوا وهدوا القهوه فعلاً ناس بتخلص

[الجدار]

بيقولك واحد قاهري نزل اسكندرية

ماعرفش يتنفس

اقرب شكمان عربية حط مناخيره فيه clp::

عيني عليكوا يا قاهريين مساكين

[Alshiekh]

الحقيقة يازوهيرى يعنى

الاسكندرانية معندهومش مشكلة مع القاهريين ، بل بالعكس نحن نشفق عليهم من التلوث اللى عايشين فيه

تخيل كده احمد رامى وهو يقول: " الموجة تجرى وراء الموجة " أمواج النيل ،

واحنا بقى نسمع ونتفرج على موج البحر الحقيقى ونسيم البحر الحقيقى ،

بزمتك مش يصعب عليك القاهريين لما يفتكروا ان الموج هو موج النيل؟

لكن بجد بجد يعنى ، المشكلة يعنى ، اففففففف اف ، فى اللى ملوا البلد ، فى اللى عدوا الفلنكات اتجاه واحد ، وملوا البلد بالعشوائيات