إخواني الإسكندرانيين الشرفاء

[Simba]

اسكندرية

آيوووووووووه يا جدعان قة

انا فاكر اول مرة اروحها وانا عندي 16 سنة مع صاحبي كان عندنا قطر اسمه قطر الصحافة يطلع من بنها الساعة 12 نص الليل يوصل اسكندرية 6 الصبح

صاحبي كان بيقولي اتوقع اننا رايحين كوكب تاني :lol: mfb:

ونزلنا نلطش في شوارع اسكندرية ووصلنا شاطئ الشاطبي وكنا بلا فخر الناس الوحيدة علي الشط كله ..كان ساعتها شاطئ زبالة بصراحة

مالها اسكندرية بس يا استاذ زهيري ومالهم الاسكندرانية

دي بلد ريا وسكينة وحسب الله وزنقة الستات وعندهم المالح

وعندهم مميس البلطجي وشاعر الاسكندرية دي شخصيات في فيلم امير البحار

وليلي مراد قالت بين شطين ومية

وعندهم مكتبة اسكندرية تقريبا كده فيها كتب n2&(

[alex fox]

والله لو أسكندرية مابقاش فيها غير شوية عشش...

برضه بحبها...

لو مية بحرها نشفت...

برضه باعشقها...

عارفين...

أقسم بالله لو أتعرض عليا أنى أعيش فى مدينة من الذهب...

فيها أجمل ما الدنيا...

فيها سعادة الدنيا...

هارفض بمنتهى الثقة والرضا..

مقدرش أسيب أسكندرية...

دى حب حياتى يا ناس...

[ريمون]

ايوه يا جدعان ع النفسنه!!

احنا هنعموا بأصلنا و مش هنردوا عليكوا :aslam:

[om marawan]

وليلي مراد قالت بين شطين ومية

ليلى مراد ايه بس اللى قالت بين شطين ومية ليلى مراد غنت لمطروح ودوكهيت اغنية تانية خالص

[MZohairy]

أنا راضي ذمتكم كلكم :ninja: ....دي شوية كلمات اسكندرانيه و عايزكم تقولولي اذا كانت ترضي ربنا ولا لأ

دول مصريين يا جماعه؟؟؟؟؟؟ :rolleyes: :rolleyes: :rolleyes:

-------------------------------------------------------------------------------------------------

الكوبجه= الاكره = المقبض

سمنتو = اسمنت

الوله حسنى واءف على الئمه (بكسر الهمزه الوسطى )=الواد حسنى واقف على الناصيه

ممبار= عصبان

الرشّاقه : الشماعه

الصاله : الفسحه

الجبنه التركى : الجبنه الرومى

الكرنبيت :القرنبيط

الصحون : الأطباق

الكُناسه : الزباله

الكراكون : القسم -

الكات : الطابق او الدور .....البيت ده 3 كاتات يعنى 3 ادوار ......

الولد : الوله

دلع محمد : حمو ...........و دلع ابراهيم : هيما

اللبان = مستيكة

الاستيكة= جومه

البسلة = بزله

الشاي = شيّّ

التعريفه = قرش

شلن = شلم

[ehabtaher]

هدى اللعب

اعصابكم

والا اجيبلك اسكندريه اللى فى كندا يا زهيرى

بس بشرط

تجيبلى القاهره اللى فى كندا كمان

[ehabtaher]

شوف بقى اسكندريه وصلت حدودها لكندا

القاهره حدودها فين :rolleyes:

[الباشمهندس ياسر]

معلش يا زهيري يا اخويا

مش بخذلك و الله

بس هي الصراحة حبكت اوي

انا دلوقتي ف المطار و لازم قبل ما امشي اصفي القلوب كلها

انا بحب اسكندرية جدا و من قلبي و الله

و بعتبر الاسكندرانية اكتر ناس ف مصر عندها استعداد للتحضر و الرقي و بمسافات كمااااااااااااااان

بحبك يا اسكندرية

[Dr Yasser Mosa]

السلام عليكم,

انا لفت نظري ان في بوادر حرب اهليه, و الواجب الوطني يحتم عليا الانضمام لجيش الدفاع عن حبيبتي :wub: اسكندريه :waf:

اولا انا مشفق على كل اللي عايشين في القاهره, لأنهم غايرانين موووووووت مننا, وبعدين لما هي مش عاجباكوا, بتيجوا ترازونا قصدي تزورونا لييييييييييييه :ok:

ثانيا اللي ماسمعنا حد محترم غنى اغنيه عن القاهره من ساعة ماتعملت, ماتقعدوش بقى تغنوا في سركوا شط اسكندريه لفيروز وغيرها من عشرات الاغاني عن ست الحسن و الجمال اليكس.

وبعدين حاولوا تداروا السواااااااااااااااد اللي جوه ده, مش كده عشان شكلكوا وححححححححححححش :)

تحيه لكل الاسكندرنيه الجدعان وسلام اسكندراني لبنات اسكندريه القمرات و شكر لكل الناس اللي عندها زوق عالي و بتفهم في الفن و الهندسه و بتحب اسكندريه :)

من بحري وبنحبوه ايووووووووووه ايوووووووووه ;)

ALEXANDRIA

[SoSo R]

إسكندرية على عيننا وراسنا يا جماعة... حد يقدر يقول حاجة :)

أنا بس عندى سؤال فى منتهى البراءة...

هما ليه الأسكندرانية مش بيعرفوا يسوقوا؟!!

بيحسسونى بعربيات التصادم بتاعة الملاهى :waf:

طيب سؤال أكثر براءة من السؤال اللى فوق

ليه...ليييييييييييييه

لما بيشوفوا عربية عليها ملاكى القاهرة بيركبهم 100 عفريت

ويبتدوا التزنيأ والمطاردات :wub:

هل دة نابع من إحساس بالنقص عن عدم قدرتهم على مجاراة سواقين القاهرة الجامدين جدا قوى خالص :ok: ؟؟؟؟؟؟؟؟؟؟؟؟؟؟؟؟؟؟؟

[Dr Yasser Mosa]

:wub: :waf: :ok:

والله يا اخت SoSoRaNy اسئلتك فعلا في منتهى منتهى البراءه ماشاءالله ربنا يحميكي , ملاك نازل م السما ؟!

انا حفهمك حاجه مهمه اوي, سواقين القاهره ياعيني متعودين يسوقوا على سرعه 20 كم/س والعربيات لازقه ف بعضها من كتر الزحمه, لما يجوا اليكس و يشوفوا شوارعنا يبقوا محدثين نعمه و يجروا بسرعات مايعرفوش يسوقوا بيها اصلا و يفضلوا يترقصوا بالعربيات عشان الفِلح بقى بعيد عنك. :)

اما بقى لو ركبتي عندنا تاكسي او مشروع (يعني لامؤاخذه ميكروباص ) او مع حد اسكندراني في عربيته , مش حتقدري تستحملي كم التريقه و الشتايم اللي بيقولوها لما عربيه من القاهره ترقص و تريح على ده شويه و على ده شويه و لا هوا هنا اصلا و قال اييييييييييييييه فاكر انه بيعرف يسوق و لامؤاخذه سواق الكارته و الحنطور و التوكتوك بيسوقوا احسن منه 70 الف مره!!!! :)

بس حنعمل ايه, 3 شهور عذاب بنستحملهم برغم تقلهم على قلبنا, ونبدا نصيف اول مالروشيييييين اللي حاسين بنفسهم دول يمشوا ;)

[doudy]

كل دة ع الاسكندرانية يا زوهيرى

ما كانش العشم

مالهم الاسكندرانية هوة فيه زيهم اجدع ناس

و ماله السدق الاسكندرانىبقى كمان احلى سدق فى جمهورية مصر العربية كلها

و مش بعرف اكل سدق غيره و بجيبه معايا كمان و انا جاية الرياض

و بعدين يا عينى ع القاهريين المساكيين و هما بيصفوا عندنا يا عينى فى بحرنا

بيبقوا مش عايزين يسيبوا اسكندرية و يرجعوا للدوشة و الزحمة و التلوث ياى بتاع القاهرة

و من ناحية الجدعنة بقى حدث و لا حرج لو لقيت حد من بتوع القاهرة جدع ابقى قابلنى

انما الاسكندرانية جدعان مية مية

يلا كفاية كدة احسن الحقد ع الاسكندرانية يزيد و احنا من ناقصين :closedeyes:

[Alshiekh]

إسكندرية على عيننا وراسنا يا جماعة... حد يقدر يقول حاجة :sad:

أنا بس عندى سؤال فى منتهى البراءة...

هما ليه الأسكندرانية مش بيعرفوا يسوقوا؟!!

أصل عقبال عندك ، كل اسكندرانى بقى عنده سواق خصوصى من خلوصى

بيحسسونى بعربيات التصادم بتاعة الملاهى :blink:

طيب سؤال أكثر براءة من السؤال اللى فوق

ليه...ليييييييييييييه

لما بيشوفوا عربية عليها ملاكى القاهرة بيركبهم 100 عفريت

ويبتدوا التزنيأ والمطاردات :closedeyes:

هل دة نابع من إحساس بالنقص عن عدم قدرتهم على مجاراة سواقين القاهرة الجامدين جدا قوى خالص :blink: ؟؟؟؟؟؟؟؟؟؟؟؟؟؟؟؟؟؟؟

لأ مش واخدة بالك ، دول بيفتكروه الحرامى اللى سرقهم السنة اللى فاتت

[ELSHAMY]

صباح الفل يا زوهيرى

الباشمهندس ياسر باعك و تاب الى الله عشان ربنا يكرمه فى السفر...

بقيت لوحدك يا حلو انت و سوسو..

خايف أدخل أحسن حد يتعور.... :wub:

عموما اللى خايف على نفسه يروح..... :lol:

أجدع سلام لستات أسكندرية.... :lol:

أنا قلت أصبح بس.... wst:: ....

[MZohairy]

صباح الفل يا زوهيرى

الباشمهندس ياسر باعك و تاب الى الله عشان ربنا يكرمه فى السفر...

بقيت لوحدك يا حلو انت و سوسو..

خايف أدخل أحسن حد يتعور.... wst::

عموما اللى خايف على نفسه يروح..... :wub:

أجدع سلام لستات أسكندرية.... :lol:

أنا قلت أصبح بس.... md2: ....

و كم من فئة قليله غلبت فئة كثيره بإذن الله :lol:

[الباشمهندس ياسر]

و كم من فئة قليله غلبت فئة كثيره بإذن الله

الله اكبر

هو ده اليقين يا اخوانا

كبير يا زهيري و الله

بس بالراحة عليهم عشان هما غلابة

[MZohairy]

و كم من فئة قليله غلبت فئة كثيره بإذن الله

الله اكبر

هو ده اليقين يا اخوانا

كبير يا زهيري و الله

بس بالراحة عليهم عشان هما غلابة

بس ماتسيبش اخوك القاهري لوحده كده يا ياسر

الكتره تغلب الشجاعه :P

واحد صديق عزيز اسكندراني قاللي امبارح انه في مره كانت فيه عركه (خناقه) فراح ناده على والدته من الشارع و قاللها بصوت جهوري

احدفيلي أوفة المطاوي يامه من عندك md2:

فردت الأم من البلكونه : مش قادره تعالى اطلع انت خدها

قاللها طب ولعيلي يامه نور السلم عشان بخاف م البسه :sad:

wst::

[عنبو]

mzohairy مشاركة بتاريخ اليوم, 11:13 AM

بس ماتسيبش اخوك القاهري لوحده كده يا ياسر

الكتره تغلب الشجاعه

واحد صديق عزيز اسكندراني قاللي امبارح انه في مره كانت فيه عركه (خناقه) فراح ناده على والدته من الشارع و قاللها بصوت جهوري

احدفيلي أوفة المطاوي يامه من عندك

فردت الأم من البلكونه : مش قادره تعالى اطلع انت خدها

قاللها طب ولعيلي يامه نور السلم عشان بخاف م البسه

وجووووووووووووووووووول وجووووووووووووووول

رجاااااله ولادك يابلادنا رجاله ورجاله

انا كان نفسى اشترك معاكم بس المشكله فيه ناااااااس بعزهم فى المنتدى ده اسكندرانيه فيهزعلوا منى وبعدين انا مبحبش الظلم يعنى انا شايفكم مقطعين الناس يعنى ومافيش واحد فيهم برد بكلمه

المهندس ماندو مشغول للاسف هو اللى كان ممكن يرجع للبلدى حقها

[doudy]

و كم من فئة قليله غلبت فئة كثيره بإذن الله :blush2:

الله اكبر

هو ده اليقين يا اخوانا

كبير يا زهيري و الله

بس بالراحة عليهم عشان هما غلابة

بس ماتسيبش اخوك القاهري لوحده كده يا ياسر

الكتره تغلب الشجاعه :sad:

واحد صديق عزيز اسكندراني قاللي امبارح انه في مره كانت فيه عركه (خناقه) فراح ناده على والدته من الشارع و قاللها بصوت جهوري

احدفيلي أوفة المطاوي يامه من عندك md2:

فردت الأم من البلكونه : مش قادره تعالى اطلع انت خدها

قاللها طب ولعيلي يامه نور السلم عشان بخاف م البسه :sad:

:lol:

مطاوى بيان سور رجالتنا جدعان mfb:

لكن البسة دى جاميه محدش اسكندرانى بيقول البسة ابدا

و بعدين يا عنبى زوهيرى اللى مقطع الاسكندرانية و لا العكس صحيح md2:

اللى يحضر العفريت يتحمل ازاه بقى :)

[MZohairy]

لكن البسة دى جاميه محدش اسكندرانى بيقول البسة ابدا

ولا يهمك

قاللها ولعيلي نور السلم يامه عشان بخاف م القطه :blush2: