إخواني الإسكندرانيين الشرفاء

[ehabtaher]

جدو الاسكندراني جاب جووون

اكيد اصوله من القاهرة :rolleyes:

حتتمحكوا فيه

من البحيره

حوش عيسى

والا يعرف القاهره والا حتى زارها الا وهو بيلعب مع الاتحاد ويجيب اجوان

[MZohairy]

و كم من فئة قليله غلبت فئة كثيره بإذن الله :closedeyes:

الله اكبر

هو ده اليقين يا اخوانا

كبير يا زهيري و الله

بس بالراحة عليهم عشان هما غلابة

بس ماتسيبش اخوك القاهري لوحده كده يا ياسر

الكتره تغلب الشجاعه :sad:

واحد صديق عزيز اسكندراني قاللي امبارح انه في مره كانت فيه عركه (خناقه) فراح ناده على والدته من الشارع و قاللها بصوت جهوري

احدفيلي أوفة المطاوي يامه من عندك md2:

فردت الأم من البلكونه : مش قادره تعالى اطلع انت خدها

قاللها طب ولعيلي يامه نور السلم عشان بخاف م البسه :sad:

:closedeyes:

م البسة يازوهيرى

انت كده كشفت نفسك وعرفنا انت من اين بس مش حاقول

الاسكندرانية مابيقولوش بسة يازوهيرى ، ابقى اتعلم اسكندرانى الاول قبل ماتنكت عليهم

والله يابو حميد و احقاقا للحق النكته كانت على اخواننا البورسعيديين

بس انا عشان في حرب غير شريفه مع اخواني الاسكندرانيه الشرفاء رحت واخد النكته و قلبتها على الاسكندرانيه :closedeyes:

أما انا منين فأنا قاهري وصولا للمعز لدين الله الفاطمي :ninja:

جايلك يا إسلام يا مصري

بس غير اسمك خليه اسلام الاسكندراني و بلاش تماحيك فينا عشان المصري دي تطلق على القاهريين فقط لو سمحت smk:

[eslam elmasre]

هي الدنيا ماشيه بضهرها يجدعان

يعني معروفه اوي ان الاسكندرانيه دول اجدع ناس وطول عمرهم بيشتغلوا المصرويه واخدنهم كعب داير زي مصر ماهي واخده الكاميرون كعب داير

يقوم يجي زهيري ويفكر يشتغلهم

انت بتقول انك ليك واحد صاحبك اسكندراني

نبطل شويه تهجيص واشتغالات لان دي ماتنفعش مع الاسكندرانيه اللي بيشتغلو طوب الارض وبياخدوا فلوسكم كل طلعة صيف وانتو غلابه وراضين

وبعدين انت بتقولي اغير اسمي طب اعمل ايه في جدودي اللي ماتعالجوش ورضوا بالغلب

جدودي القدام كانو مصراويه

بس جدودي القريبين الحمد لله اتعالجوا وخفوا وبأو كويسين اوي دلوقتي حتي روح شوفهم

طب انا نفسي اوديك شارع في اسكندريه لو دخلت فيه هاتنسي اصلا انك مصراوي ولا كنداوي ولا زملكاوي

زملكاوي بيشتغل اسكندراني

صحيح الدنيا ماشيه بضهرها

تم تعديل 26 يناير 2010 بواسطة Salwa

[MZohairy]

:closedeyes: :closedeyes: :closedeyes:

[ehabtaher]

حد يجيبلى اغنيه عن المصراويه

[ehabtaher]

اهى من القاهره

وبتغنى للاسكندريه

تعمل ايه انت بقى يا زهيرى

اول ما تطلع كندا تشتغل اسكندريه اللى ياما صيفت فيها وانت صغير

[ehabtaher]

كله بيهاجر

بس مصيرهم لبعض

فى الغربه

[ehabtaher]

[ehabtaher]

نجيبو صور يعنى تخليكم لازم تنزلو اسكندريه

ايوه ياجدعان

[MZohairy]

خلوني أتكلم جد شويه يا جماعه مداخلتين اتنين و بعدين حنرجع نهرج تاني

انا فعلا بحب اسكندريه wst:: ...أنضف ارضا و جوا بكل تأكيد من القاهره

اروق و أفضى من القاهره بكل تأكيد

بحرها و لو ان النيل برقبته انما بحرها جميل

خليني اقول نقطه مهمه بقى

هل العلاقه أو المشاعر اللي عند البعض من الإسكندرانيه و القاهريه علاقه كويسه؟

مش حاسين ان فيه حاجه مش صح؟

يعني التحزب اللي ابتدا يملأ حياتنا

كان زمان اهلي و زمالك بس

دلوقتي بقى اهلي و زمالك

و مسلم و مسيحي

و قاهري و اسكندراني ده غير باقي الأقاليم ربنا العالم بمشاعرهم مع بعض

هل ده طبيعي ولا زياده عندنا شويه؟

[om marawan]

كان مفروض تكتب فى اخر التساؤلات دى

" احنا جايين نهدي النفوس " :sad:

ع العموم انا طرف شرقاوى محايد

أعشق الاسكندرية وهى اكتر مكان واحشنى فى مصر بعد بيت أبويا

واعتقد ان مصر بدون اسكندرية وأسوان الساحرتين كانت تبقا كئيييييييييييبة جداااااا

تم تعديل 27 يناير 2010 بواسطة om marawan

[عنبو]

خلوني أتكلم جد شويه يا جماعه مداخلتين اتنين و بعدين حنرجع نهرج تاني

انا فعلا بحب اسكندريه :blink: ...أنضف ارضا و جوا بكل تأكيد من القاهره

اروق و أفضى من القاهره بكل تأكيد

بحرها و لو ان النيل برقبته :sad: انما بحرها جميل

خليني اقول نقطه مهمه بقى

هل العلاقه أو المشاعر اللي عند البعض من الإسكندرانيه و القاهريه علاقه كويسه؟

مش حاسين ان فيه حاجه مش صح؟

يعني التحزب اللي ابتدا يملأ حياتنا

كان زمان اهلي و زمالك بس

دلوقتي بقى اهلي و زمالك

و مسلم و مسيحي

و قاهري و اسكندراني ده غير باقي الأقاليم ربنا العالم بمشاعرهم مع بعض

هل ده طبيعي ولا زياده عندنا شويه؟

لا تعصب ولا حاجه بجد بس للحق مافيش مصرى مبحبش اسكندريه حتى لو مرحش صيف فيها ومافيش واحد مبحبش اسوان

اما بالنسبه للقاهره فانا مبحبش القاهره بجد ومش بنزل الا على قد المصلحه او من باب اللى يشوف مصايب الناس تهون عليها مصيبته وبس غير كده نووو

كل الناس ماشيه تكلم فى نفسها ست كبيره مش عارفه تعدى الشارع من الزحمه

ست كبيره مش عارفه تركب مواصله من الزحمه

بنات راكبين فى الباصات ومنظرهم يقطع القلب من الزحمه والتحرش والقرف

الناس كلها مكشره فى وش بعض

تلاقى واحد شكله بيه وهو مش لاقى ياكل وغيره وغيره

لو صرخت مافيش حد هيقولك بتصرخ ليه

بس بجد القاهرين هم اكتر ناس فاهمين قد ايه الدنيا صعبه بجد

بس اللى بستغرب له هو ليه الناس متمسكه بالقاهره على المشاكل اللى فيها

[ehabtaher]

زهيرى رفع الرايه البيضه يا جدعان

[الباشمهندس ياسر]

زهيرى رفع الرايه البيضه يا جدعان

سنقتل زهيري و نضع بدلا منه قائدا جديدا

:lol: :lol:

[pink rose]

الرجوع للحق فضيلة يا اخوانا wst::

بس ارجع لتساؤلات مسيو زوهيري

انا ما اعتقدش ان التحزب وصل للدرجة دي يعني

اه بقى في مسلم و مسيحي

و wst::

لكن قاهري و سكندري لأ دي تبقى هزولت بقى

و قريت هنا تعليق و الله لو حصل بجد هازعل اوي يعني ايه واحد تسأله جنسيتك ايه يقولك اسكندراني

لااااااااااااا و الف لأ بصراحة انا مصرية و افتخر اني مصرية و اظن ان كل الاسكندرانية بيفكروا كده

احنا كلنا ولاد مصر

:lol: :lol:

[ehabtaher]

زهيرى رفع الرايه البيضه يا جدعان

سنقتل زهيري و نضع بدلا منه قائدا جديدا

:sad: :)

بدايه تفكك الاعداء حياكه المؤامرات

بص يا زهيرى احنا وافقنا لك على اللجوء السياسى فى اسكندريه

ابعت الباسبور بتاعك وطلب اللجوء والصفح فى اسرع فرصه

[tantrum]

الرجوع للحق فضيلة يا اخوانا clp::

بس ارجع لتساؤلات مسيو زوهيري

انا ما اعتقدش ان التحزب وصل للدرجة دي يعني

اه بقى في مسلم و مسيحي

و clp::

لكن قاهري و سكندري لأ دي تبقى هزولت بقى

و قريت هنا تعليق و الله لو حصل بجد هازعل اوي يعني ايه واحد تسأله جنسيتك ايه يقولك اسكندراني

لااااااااااااا و الف لأ بصراحة انا مصرية و افتخر اني مصرية و اظن ان كل الاسكندرانية بيفكروا كده

احنا كلنا ولاد مصر

:sad: :)

لا يا مدام ريمو هو مش بيقول كده و فى دماغه الفكرة اللى ضايقتك دى

بالعكس هو بيقول كده كدليل على إمعانة فى المصرية و بوضح أنه من أحسن الأماكن بمصر كمان

و فعلا الإسكنرية من أجمل الأماكن بمصر

و أكثر مدينة أعشقها بمصر

صيفا و شتاءا

نهارا و ليلا (و قد يتفوق ليل القاهرة فى الشتاء على ليل الإسكندرية)

و لو عملتا بالمثل القائل أن بلد الواحد مننا هى بلد زوجته..فأنا إسكندرانى

[حسام يوسف]

خلوني أتكلم جد شويه يا جماعه مداخلتين اتنين و بعدين حنرجع نهرج تاني

انا فعلا بحب اسكندريه :sad: ...أنضف ارضا و جوا بكل تأكيد من القاهره

اروق و أفضى من القاهره بكل تأكيد

بحرها و لو ان النيل برقبته :closedeyes: انما بحرها جميل

خليني اقول نقطه مهمه بقى

هل العلاقه أو المشاعر اللي عند البعض من الإسكندرانيه و القاهريه علاقه كويسه؟

مش حاسين ان فيه حاجه مش صح؟

يعني التحزب اللي ابتدا يملأ حياتنا

كان زمان اهلي و زمالك بس

دلوقتي بقى اهلي و زمالك

و مسلم و مسيحي

و قاهري و اسكندراني ده غير باقي الأقاليم ربنا العالم بمشاعرهم مع بعض

هل ده طبيعي ولا زياده عندنا شويه؟

بالفعل القاهريين والاسكندرانية ما بيحبوش بعض

والقاهريين والبورسعيدية مابيحبوش بعض

والقاهريين من جانب والاسماعيللاوية والسوايسة من جانب مش بيطيقوا بعض

والقاهريين نفسهم مش طايقين روحهم

أكيد مصدر المشكلة عرفناه wst::

[Salwa]

الاخوة الافاضل..

تم حذف عدة مداخلات حادت بالموضوع عن مساره ....رغم انه موضوع فكاهى لكنه تحول الى اتجاه آخر .

مما ادى الى جرح مشاعر البعض .

رجاء مراعاة ذلك مستقبلا.

شكرا لحسن تفهمكم..

عن الادارة

سلوى .

[myusername]

يا جماعة بطلوا "الاوشاعات" المغرضة دى..

احنا القاهريين بنحب الاسكندرانية.. :)

ده حتى ديك النهار.. :closedeyes: من يجى سنتين كده :sad: .. كنت فى محطة رمسيس بتاعت المترو..

و لقيت شاب تايه فى النص.. و مش عارف يعمل ايه.. قلت له انتا عايز حاجة يا ابنى؟ قاللى اصل انا اسكندرانى wst:: و عايز اركب المترو بس مش عارف..

قمت أخدته من ايده و قطعت له التذكرة.. و وريته يركب المترو ازاى :)

شفتو بقى ان احنا بنحب الاسكندرانية ازاى bv:-

انا جى أهدى النفوس بس :D

تم تعديل 29 يناير 2010 بواسطة myusername