الحاج رئيس بعثة الحج ينافق الرئيس

[Hassan]

" أكد د. أحمد نظيف وزير الإتصالات والمعلومات ورئيس بعثة الحج الرسمية أن اهتمام الرئيس مبارك وتوجيهاته المباشرة كانت السبب الأساسي لنجاح مهمة بعثة الحج الرسمية "

ياااسلام...حتى دى قدر الرئيس يعملها من القاهرة .

امال احمد نظيف كان رايح يعمل اية؟؟!!...يحج اونطة!!!

تم تعديل 8 فبراير 2004 بواسطة Hassan

[عصام]

يا أخ حسن

لازم تفهم إن الشخص الذى نغنى له "إخترناه إخترناه وبايعناه...تا ترالام لام" <_< -أى رئيس الجمهورية- يجب أن تتوفر فيه خواص لا تتوافر لأحد من خلق الله دونه...

ألا وهى:

1. أنه شخص يستطيع عمل أى شىء (عن قرب أو عن بعد)

2. كل ما يفعله صحيح

3. إن لم يكن هو من فعل فإن ما تم قد تم بناءا على توجيهاته لأنه يعرف أكثر من أى شخص...

4. فى حالات المصائب والكوارث التى تلحق بنا يكون ما حدث سببه أنهم لم يستشيروه فى الأمر

وبناءا عليه...كل شىء ناجح ---بناءا على توجيهات السيد الرئيس

وكل شىء فاشل---أصل كان فيه واحد مولع وابور بيعمل شاى فى آخر عربية من القطر

وما فعل بنا ذلك أننا منذ قديم الأزل لدينا الاعتقاد الراسخ الذى مفاده أن الحاكم إله (راجع الصفات) حيث كان الفراعنة القدماء يؤلهون الحاكم...

ومع مرور الزمن وتعاقب الحكام وثبات المفاهيم أصبحنا ننساق وراءها بدون تفكير لأننا ذائما نجد أن المسئولين المحيطيم بالــ"حاكم" يذكروننا بهذا كلما نسينا..

وبالتالى ينساق الحاكم نفسه وراء هذه الأفكار فيصدقها ويعتقد فى قرارة نفسه أنه أقوى من أى شىء وأن كل ما يفعله صحيح و...إلخ (راجع قصة المدعو /صدام حسين)

متأسف مضطر أتوقف عن الكلام علشان كل ما باجيب السيرة دى بتجيلى.....بتجيلى.....بتجيلى.....روح معنوية

[Salwa]

يعنى طيب لو مكانش اسمه .....نظيف....؟؟؟ ...كان قال ايه ؟؟؟

اصل ياجماعة ...الرئيس من فصيلة ...تختلف تماما عن فصيلتنا .......

ولديه قدرات خارقة .....بس محدش واخد باله ...

وعم احمد نظيف ...الله يكرمه .....راح حج ...وربنا نور بصيرته ...وشاف اللى انتم ..// ياكفرة //..مش شايفينه ...

ربنا يخللى الريس .....يارب ......

تخيلوا 70 مليون الا نصف مليون ...يعنى 69 مليون ونصف .....بيدعوله كل يوم ...كل يوم ...كل يوم ...........ايه ده ؟؟؟

دى عدسة وبنركزها ....كلنا بندعى فى وقت واحد ........ربنا ينتقم ...// من اعداءك // ياريس ياحبيب الملايين يارافع راسنا ...ياسبب ...سعدنا ...يا أمل الحاضر والمستقبل ..

وعلشان خاطرى يا احمد يانظيف ........الحج المرة الجاية فى واشنطون ....وعلى حسابنا ..

تصبحوا على الف خير ...