يا جمالك يا أستراليا

[أحمد سيف]

خبر قرأته منذ عدة أيام

أستراليا قررت التخلصّ من مليون جمل بري لديها هائمين في الصحراء بإطلاق النار عليهم من المروحيات ... بحجة أنها عامله مشاكل بيئية بسبب الغازات التي تطلقها

أول حاجه حت في بالي - زي أي واحد قرأ الخبر طبعا ... طيب وليه إحنا ما نستفيدش من الجمال دي بدل ما تروح هدر ... وخصوصا إن موضوع البيئة مش في دماغنا

يعني مثلا ممكن نطلب من الحكومة الاسترالية الشقيقة إنها تسيبنا نصطادهم ونذبحهم على الشريعة الإسلامية ونشحنهم لحمه على مصر وينزلوا السوق بأسعار حنينه

أو لو مش عايزين نوجع دماغنا يبقى نجيبهم صاحيين ونطلقهم عندنا في الصحرا ... ما احنا عندنا مساحات مهوولة مش مستفيدين منها بحاجه ... ونسيب الغلابة يتسلوا عليهم كل واحد بمعرفته

في النهاية الموضوع هيحدث ثورة غذائية في مصر وسينقلنا من نمط حياة الفول والطعمية الى نمط حياة الكبسه والثريد زي جيرانا

ايه رأيكم

[msayed]

كنت قريت إن الجمال دى بدايتها كانت هدية من ملك السعودية ولأن هم مابيحبوهاش سابوها ونسيوها وبعدين اكتشفوا عددها الرهيب، واقترحوا يرجعوها السعودية لقوا تكلفة تصديرها أكبر من ثمنها، مش عارف حسبوها إزاى؟

فيه طريقة نجيبهم مصر، كل مصرى فى كندا مسافر أجازة باخذ معاه جمل :blush2:

وأصلاً إحنا عندنا الجمل ده ليه قبول عند الأغلبية فدخوله البلد هايبقى سهل جداً، بص المشكلة يطلع واحد يقولك لازم الجمل يبقى معاه هلال.

تم تعديل 21 يناير 2010 بواسطة msayed

[khaleds]

بحجة أنها عامله مشاكل بيئية بسبب الغازات التي تطلقها

ليه هيا الجمال دى بتاكل ايه ؟؟؟؟

فسيخ :unsure: ؟؟

تم تعديل 21 يناير 2010 بواسطة khaleds

[أحمد سيف]

بحجة أنها عامله مشاكل بيئية بسبب الغازات التي تطلقها

ليه هيا الجمال دى بتاكل ايه ؟؟؟؟

فسيخ :lol: ؟؟

والله يا أفندم الكلام ده جه في التقرير ... قال الجمل الواحد بينتج طن من الغازات الملوثة للبيئة كل سنة ... الظاهر الجمال هناك مش بتشرب ميه لكن بيسقوها كوكاكولا.

وأصلاً إحنا عندنا الجمل ده ليه قبول عند الأغلبية فدخوله البلد هايبقى سهل جداً، بص المشكلة يطلع واحد يقولك لازم الجمل يبقى معاه هلال.

والله على رأيك ... الحزب الوطني يخلي شعاره المرحله الجاية ... انتخب الجمل تكسب جمل ... انتخب الجردل تكسب سنتين في أبوزعبل.