طلب مساعدة لصديق ألمانى أسلم حديثا

[حسام يوسف]

السلام عليكم ورحمة الله

صديق ألمانى يزورنا كل عام

وله العديد من الأصدقاء فى منطقة البازارات السياحية

هداه الله للاسلام منذ يومين

أحاول أنا واصدقائي مساعدته فيأخذه البعض للمسجد وقت الصلاة

ووفرنا له كتبا بالألمانية فيها تفسير وترجمة سور القرآن

ووفرنا له مواقع اسلامية محترمة بالألمانية

يبقي لنا أننا نحتاج لترجمة التسابيح وبعض الأدعية وبعض الجمل الاسلامية

نريد أن نعلمها له

المشكلة أنه لا يجيد الا الانجليزية

هل هناك من يجيد الألمانية ويساعدنا ويترجم له بعض الادعية أو الجمل الاسلامية التى نقولها كثيرا لأن حفظها بالعربية ثقيل عليه ويكفى أنه يحاول حفظ سور قصيرة بالعربية؟

أشكر كل من يتطوع بالمساعدة :aslam:

[doha]

هل هناك من يجيد الألمانية ويساعدنا ويترجم له بعض الادعية أو الجمل الاسلامية التى نقولها كثيرا لأن حفظها بالعربية ثقيل عليه ويكفى أنه يحاول حفظ سور قصيرة بالعربية؟

وليه تترجموا له التسابيح والادعية ؟ هو لو سبح ربنا بالالماني ايه الي هيحصل يعني ؟ مهو ربنا سبحانه هيفهمه على اي حال ..

اعتقد والله اعلم كفايه اوي لو حد يفهمه تفسير سورة الفاتحه وكام صورة صغيره .. وكفايه عليه بس يحفظ الفاتحه والكام سورة دول عن ظهر قلب بالعربي بس عشان يصلي بيهم وفيما عدا ذلك كله يبقى مش بالانجليزي حتى وانما بالالماني ..

[أحمد سيف]

ليا واحد زميلي ألماني مسلم ... هسأله إذا كان ممكن يساعد صديقك الألماني في تجاوز حاجز اللغه وياخذ بإيده في أول مرحله ... وإن شاء الله يكون التواصل بينا على الفيس بوك

[msayed]

عندما أسمع عن واحد غير مسلم وقد تحول للإسلام أغبطه بشدة لأن بيكون عندهم همة عالية جداً أفتقدها.

وأعتقد أنه مهم جداً أن يعرف الأدعية المأثورة عن الرسول حتى يعلم على الأقل بماذا كان يدعو الرسول الكريم وبعد كده يحفظها أو مايحفظهاش فدى ترجع لقدراته وبعد كده هو هايدعو بنفس الأدعية بطريقته وبما رسخ فى قلبه منها.

ويا حسام ربنا يجعل كل إللى انت سهلت له تعلمه فى ميزان حسناتك وكان نفسى أعمل حاجة علشان ينوبنى من الحب جانب لكن للأسف لا اتقن الألمانية لكن ممكن تدله على المراكز الإسلامية فى المدينة التى يعيش فيها فى ألمانيا وسيجد عندهم أكثر مما يتوقع.

[لماضة مصرية جدا]

السلام عليكم و رحمة الله و بركاته

طب انا ممكن آخد رايكم في حاجة

و انا مسافرة من قيمة شهر فات قابلت في احد المطارات سيدة و تجاذبنا اطراف الحوار.... و ابتدت تسال عن الحجاب..... و ازاي الواحد يسبح ربنا.....و بعدين فهمت منها انها لسه معتنقة الاسلام جديد....تبادلنا ارقام التلفونات.... و كل منا سافر في طائرة....بس انا عارفة انها بتعيش معايا في نفس البلد اللي انا فيها

انا رجعت دلوقتي.... و رقمها قدامي.... بس مش عارفة اساعدها ازاي

هل ادلها علي مكان لتعليم الاسلام في البلد اللي بنعيش فيه؟؟؟

هل اتصاحب عليها زيادة......بس انا معلوماتي يعني علي آدي.... و اخاف تسالني سؤال... احس انه مصيري مثلا و اتزنق....و احمل ذتبه؟؟؟

انا عايزة احببها في الاسلام..... تحسه.... تتنفسه..... تختاره باقتناع..... و خاصة انها في مجمل حديثها قالتلي انها ستتزوج من شاب مصري مسلم... و ده كان دافع قوي ليها انها تعتنق الاسلام في بداية الامر؟؟؟

طب اعمل ايه؟؟؟

شاكرة لحضراتكم

[MaYousof]

طب اعمل ايه؟؟؟

"إنما بعثت لأتمم مكارم الأخلاق"

- اعمل ايه؟

- كوني قدوة. خلي سلوكك سلوك الإسلام (وفيه فارق بين الإسلام والمسلم - لذا أنا غير قادر إني أدعوكي إنك تخلي سلوكك مثل سلوك عموم مسلمي هذا الزمن). خلي من حولك يتعجبون من كل ما اكتسبتي ومارستي من مكارم الاخلاق. ليس نفاقا ولكن حبا لله وطلبا لرضاه تعالى. السلوك, السلوك ,السلوك. نبدأ بأنفسنا ونصحح نوايانا ونعلم أن الله مطلع عليها. لو سألتك سؤال حسيتي إنه مصيري, قوليلها إيه رأيك نبحث عن الإجابة الصحيحة مع بعض ونتحرى صحتها فنستفيد سويا. وتصحيح النية مهم جدا وبعدها رحمة ربنا واسعة.

[حسام يوسف]

ليا واحد زميلي ألماني مسلم ... هسأله إذا كان ممكن يساعد صديقك الألماني في تجاوز حاجز اللغه وياخذ بإيده في أول مرحله ... وإن شاء الله يكون التواصل بينا على الفيس بوك

ياريت ياباشمهندس أحمد

أكون متشكر جدا

وياريت بالذات شرح بالألمانية ازاى يتوضأ ويغتسل

معانى لأدعية

أى أساسيات بالذات فى العبادات وبالألمانية لأنه لا يعرف غيرها

وجزاك الله خيرا ياباشمهندس :closedeyes:

[حسام يوسف]

عندما أسمع عن واحد غير مسلم وقد تحول للإسلام أغبطه بشدة لأن بيكون عندهم همة عالية جداً أفتقدها.

وأعتقد أنه مهم جداً أن يعرف الأدعية المأثورة عن الرسول حتى يعلم على الأقل بماذا كان يدعو الرسول الكريم وبعد كده يحفظها أو مايحفظهاش فدى ترجع لقدراته وبعد كده هو هايدعو بنفس الأدعية بطريقته وبما رسخ فى قلبه منها.

ويا حسام ربنا يجعل كل إللى انت سهلت له تعلمه فى ميزان حسناتك وكان نفسى أعمل حاجة علشان ينوبنى من الحب جانب لكن للأسف لا اتقن الألمانية لكن ممكن تدله على المراكز الإسلامية فى المدينة التى يعيش فيها فى ألمانيا وسيجد عندهم أكثر مما يتوقع.

أشكر لك دعاءك جزانا الله واياكم خيرا :closedeyes:

[جيمي]

يعمل فى المستوصف القريب مني ممرضات فلبينيات .. وكثيراا ما ينشا بيننا حوار .. بالامس تحدثنا عن الاسلام .. وهناك صديق فلبيني مسلم اعطاهم بعض الكتب عن الاسلام .. ولكنهم على اغلب الظنون لم يقرؤوها .. فهل ممكن حد يعطيني مواقع مخصصه لمثل هذه الامور لانهم بيستخدمو النت اكتر كتير جداا من القرايه ... ......... ......... ......... ........... ولكم جزيل الشكر

[حسام يوسف]

أتمنى لو الموضوع ده يبقي مخصص للدعوة لشرح مفاهيم الاسلام باللغات الأجنبية المختلفة متضمنا مواقع وكتب ونشرات لمن يحتاج أن يقدمها منا للثقافات الاخرى التى تود معرفة المزيد عن الاسلام

[masraweya]

السلام عليكم

طلبت مساعدة صديقة تجيد الألمانية فأعطتني هذه المواقع

www.islam-guide.com/de/

www.thekeytoislam.com/de/

[Diab]

http://www.diewahrereligion.de/

[حسام يوسف]

خالص شكرى للأفاضل مصراوية ودياب