حشيش فى كندا

[maksoof]

لأ

مش أخونا الأديب الكبير الأستاذ حشيش. ده حشيش بجد أو على الأصح ماريوانا

الحكاية هى إن نظرا لطول فصل الشتاء فأصحاب البزنس و كبار التجار ما بيقدروش يزرعو المخدرات إلا لفترة قصيرة. لذلك بيزرعوه فى بيوتهم (فى ال basement) طول السنة.

المشكلة إن النبات ده بيحتاج لكمية إضاءة كبيرة جدا. و لكن لو شركة الكهرباء بتلاقي بيت بيستهلك كمية كبيرة فبيبلغوا البوليس اللى بيروح يفتش بيوتهم. و لذلك السادة الزراع فى هذه الحالة لغوا العداد عشان ما يتمسكوش. بس شركة الكهربا عندها عدادات عند محولات التوزيع في كل منطقة و لما قراءة عداد المحول مش بتساوى مجموع عدادات البيوت اللى المحول بيغذيها بيحققوا فى الموضوع و يبلغوا البوليس و ده هو اللى حصل في الحالة دى:

صورة البيت

التوصيلات الكهربائية و العداد

النباتات

[فــيــروز]

باظت الشغلانه !! :P ليه كده بس يا اخ مكسوف كان هيطلع لنا سبوبه محترمه من الموضوع ده . :P . خصوصا اننا كنا هنغطى الحشيش بمفارش الغسيل .. شفت النصاحه :o

[maksoof]

باظت الشغلانه !! :P  ليه كده بس يا اخ مكسوف كان هيطلع لنا سبوبه محترمه من الموضوع ده . ha) . خصوصا اننا كنا هنغطى الحشيش بمفارش الغسيل .. شفت النصاحه  ha)

أعمل إيه بس يا فيروز يا بنتى :P

العسكر هجموا على العملية و خدوها كلها :o

نسيت أقول إن قيمة المحصول كانت 900,000 دولار

[KWA]

بسم الله الرحمن الرحيم

السلام عليكم ورحمة الله وبركاته

طيب مافي حاجه تانيه اسمها مولدات الكهرباء و ارخص من فاتوره الكهرباء و مضمون عملها 24 ساعه و هي انواع مختلفه و سعه مختلفه....بس قولي اللي انا شايفه في الصوره اظن انه بانجو و ليس حشيش مش كده ولا انا غلطان......

[Salwa]

كان فيه فيلم السنة اللى فاتت بيتكلم على الموضوع ده ....مش فاكرة اسمه دلوقت ..

كانت واحدة فى الخمسينات ..اكتشفت ان لما زوجها مات انه كان راهن البيت وكان له حياة اخرى ...وحاجات كتير ...

وفكرت تعمل ايه ..وهى سيدة محترمة وفى نفس الوقت محبوبة جدا ..وبتساعد كل الناس لكنها اصبحت فقيرة ..

وكان عندها نباتات وفيه شاب بيساعدها فى رعاية النباتات ..واقترح عليها تزرع ماريجوانا .

وبصراحة ....زى ما حضرتك بتحكى كدة ...

بيتهيألى انا عندما رأيت هذا الفيلم .....كنت اضحك لدرجة ان من يرانى .يظن انى ممكن اموت من كثر الضحك .....

منظر القرية الهادئة ....والكل فى حالة صمت .....وفجأة فى منتصف الليل تسطع اضواء وكأن النجوم كلها وقعت على الأرض .......

افهم تماما .....ان من الاستحالة ...الا يفهم اصغر طفل ان فى هذا المنزل يزرعوا ماريجوانا ..........حتى البوليس ..كان يعلم ....لكنه فى حالة صمت ..

وما اضحكنى جدا جدا ......................

ان قامت حريقة فى المزروعات .........وتخيلوا اللى حصل لكل الناس ...

سوف اذكر لكم اسم الفيلم بعد الظهر .....فعلا جميل جدا ..

سلامى.

[afiona]

مستر مكسوف،

كانت هناك أنباء عن مشروع قانون لإباحة الإستعمال الشخصى للماريجوانا فى كندا ولم أتابع ما تم البت فيه فى شأن هدا القانون...

طالما تعاطي الكيف محل تشاور أو ربما تم إقراره وتقنينه (confirm please)، فما مشكلة زراعته والتجارة فيه؟

أفيونة

من نواب الكيف

[فــيــروز]

باظت الشغلانه !! :blink:  ليه كده بس يا اخ مكسوف كان هيطلع لنا سبوبه محترمه من الموضوع ده . :P . خصوصا اننا كنا هنغطى الحشيش بمفارش الغسيل .. شفت النصاحه  mfb:

أعمل إيه بس يا فيروز يا بنتى :P

العسكر هجموا على العملية و خدوها كلها :P

نسيت أقول إن قيمة المحصول كانت 900,000 دولار

cbyb: cbyb: cbyb:

وشوف بقى الدولار بكام فى مصر الايام دى :P :P :P

بس والله النبات شكله يشرح القلب الحزين :P اول مره اشوف صوره شخصيه لحشيش mfb:

[maksoof]

بسم الله الرحمن الرحيم

السلام عليكم ورحمة الله وبركاته

طيب مافي حاجه تانيه اسمها مولدات الكهرباء و  ارخص من فاتوره الكهرباء و مضمون عملها 24 ساعه و هي انواع مختلفه و سعه مختلفه....بس قولي اللي انا شايفه في الصوره اظن انه بانجو و ليس حشيش مش  كده ولا انا غلطان......

أكيد فيه ناس بيستعملوا المولدات بس أعتقد إن من الصعب إستعمالهم فى المناطق السكنية بسبب الضوضاء. خاصة إن البيت ده فى واحد من أرقى الأحياء. أصحاب البيت اللى إتقبض عليهم : رجل و إمرأتين أسيويين فيمكن وصلوا كندا حديثا و ما يعرفوش إن شركة الكهربا بتخبص على الزباين aln:: aln::

أما بخصوص نوع المخدرات فده سؤال أعلى بكتير من مستوايا فاسأل أهل الخبرة عنهم

أخونا أفيونة:

لسة مافيش قانون يبيح المخدرات.

فيروزة هانم:

تخلينا احنا فى المشابك و الترمس و المولوخية الطليانى (طال يانى البعد يانى) و بلاش نتدخل فى شؤون العسكر و المافيا :angry:

[Scorpion]

والله يا مكسوف يا خويا ... اه ه ه ه ه و الف اه... الملوخية... و البامية و القلقاس... مافيش ... cbyb:

ساعات ببقي زي الحوامل و نفسي تهفني علي طبق من دول...

ما تشاركني انت و فيروز علي محل خضراواتي هنا و نزرع... بس الاول نثبتلهم ان الخضروات دي مش مخدرات ... :D

و بعدين و لا الجن الازرق حيهوب لكم.. مش تقوللي مافيا و عسكر... ده انا المعلم سكوربيون كونت دي مونت سبانخ.. card))

[فــيــروز]

معقوله !! مفيش لا ملوخيه ولا باميه ولا قلقاس !! "ولو انى مش باحب القلقاس اصلا" طب ليه مش بيتزرعوا فى ايطاليا؟ مالهمش سوق ولا ايه؟

انا معنديش اى مانع اشترك فى اى عمل تجارى المهم ماتقفشش .. ولو اتقفشت آخد لجوء سياسى .. او اقتصادى مش مهم المهم الجأ وخلاص .. برستيج بردو خصوصا ان سكوب باين عليه واصل فى ايطاليا ما شاء الله وهيبقى لنا ضهر .. الا ايه اخبار سوق المشابك فى ايطاليا بالمناسبه بقى :D

[Scorpion]

و الله يا فيروز انا ما شفت غسيل الا في بيتي أو في بيت حماتي... العالم هنا بتنشر من جوه جوه.. من منازلهم يعني... و باين عليه مشروع المشابيك ده حيفلس هنا... بس بجد.. لو عملنا مشروع تصدير مانجو.. حيمشي حلاوة...

الملوخية و البامية و القلقاس مش معروفين هنا.... و مش حيبقي سهل نقنعهم بالمخدرات دي... ده انا فضلت أهاتي ييجي 4 سنين لحد ما ابتدت معارفنا ما يرموش ورق العنب و يدهولي أعمله محشي... و أهي حاجة موجودة بوفرة هنا.. و ساعات بيبقي عندي كمية تأكل جيش.... عالم فقر صحيح..

حد ما يعرفش الفول و الطعمية... أهم ما يعرفهوش... يعني لما تهفني نفسي علي أكلة فول مدمس مع فحل بصل... بيسيبولي البيت ... فينك يا ماه !!!!

يا جدعاااااااااااااااااااااااان حد يفطر فنجان قهوة أسبرسو و خلاص...

و النبي أسكتوا و ما تفتحوش عليا المواجع...

[فــيــروز]

طيب بس بقى احسن قطعت قلبى :unsure:

ده الحاله كرب خالص عندك

لازم اتصرف ان شاء الله انا و الاخ مكسوف عشان نبتدى بيزنس المانجه بس مش عارفه هنقدر نسيبك انت و المانجه لوحدكم ولا لآ !! :D انا فاكره كويس كلامك فى موضوع المانجه بتاع الاستاذ عادل :unsure:

كل مره تتكلم بتحسسنى ان فيه حاجات كتيره حلوه فى مصر ومن كتر ما هى قريبه مش شايفينها .. :o عمار يا مصر وبركاتك يا خالتى ام سكوب

[zamalkawy]

و الله يا فيروز انا ما شفت غسيل الا في بيتي أو في بيت حماتي... العالم هنا بتنشر من جوه جوه.. من منازلهم يعني... و باين عليه مشروع المشابيك ده حيفلس هنا... بس بجد.. لو عملنا مشروع تصدير مانجو.. حيمشي حلاوة...

الملوخية و البامية و القلقاس مش معروفين هنا.... و مش حيبقي سهل نقنعهم بالمخدرات دي... ده انا فضلت أهاتي ييجي 4 سنين لحد ما ابتدت معارفنا ما يرموش ورق العنب و يدهولي أعمله محشي... و أهي حاجة موجودة بوفرة هنا.. و ساعات بيبقي عندي كمية تأكل جيش.... عالم فقر صحيح..

حد ما يعرفش الفول و الطعمية... أهم ما يعرفهوش... يعني لما تهفني نفسي علي أكلة فول مدمس مع فحل بصل... بيسيبولي البيت ... فينك يا ماه !!!!

يا جدعاااااااااااااااااااااااان حد يفطر فنجان قهوة أسبرسو و خلاص...

و النبي أسكتوا و ما تفتحوش عليا المواجع...

قشطة يا معلم اسكوربيون محشي ورق عنب ببلاش :D

و بعدين يعم 90% من المصريين بيفطروا شاي و بس

بس على 10 الصبح تلاقي قدرة فول في كل مكتب و اللهي يا رجل انا كرهت الفول من كتر ما بشوف سندوتشات الفول ابعتلي لازانيا و بيتزا و انا ابعتلك فحلين بصل و طبق فول مركة البغل او الأسناوي او حتى الجحش بتاع السيدة

[haivi]

والله وكملت

حشيش وبانجو وماريوانا وويد

ناقص إيه تاني يسطل القراء ؟

أيوه mfb:

هو فحل البصل ده أبو ريحه جنان وتودي لومان

آديني شغال من فتره لفتره ف مونتريال ع الفول المصري (المعلب) والبصل الأخضر

أصلي بعيد عنكوا بقالي ييجي عشرتاشر سنه مأكلتش فول م القدره (الإدره)

واللي غايظني وفاقع مرارتي إن البصل الأخضر الكندي ملهوش لا طعم ولا ريحه ...تقولوش بلاستيك ؟

أما بقى حكاية الويييييد اللي هوا البانجو إسم النبي حارسه

فمغرق مونتريال تغريق ومن غير تعميم ولا إباحه

بس الحمد لله العبد لله ملهوش ف السطل خالص وربنا يديمها نعمه

ومسمى الويد ده أنا عرفت إنه بانجو بالعافيه كده لما لاقيت زنجي بيسألني مره عاوز ويييد ؟

قلتله يعني إيه ويييد عشان أقولك لو عاوز ولا لأ

طلع الوييد يا ولداه بانجو (ماريوانا)

ربنا يحفظنا ويتولانا م الويد ومن كل عمل عربيد

آل وييد آل

ده حتى على رأي المثل

فول من غير بصل أخضر ...أصوم وبلاش أفطر

mc(: mc(: mc(: mc(:

[Ghost]

و الله الواحد اتعقد من متابعة الشرطة و شركات الكهرباء لزراع المخدرات

انا متهيالي الواحد لو عمل كدة في بيته , المخبرين و الضباط هيجوا يقلولوا ( فيها لا اخفيها)