زواج أحمد نظيف و المعارضة الخايبة

[Alshiekh]

مصطفى بكرى يتقدم بطلب إحاطة عاجل الى مجلس الشعب يطلب فيه مسائلة أحمد نظيف عن اعلانه عن زواجه بطريقة رسمية ، ويطالبه بالاعتذار رسميا عن هذا الإعلان.

هل تم حل مشاكل مصر ولم يبقى سوى زواج رئيس الوزراء ليشغل بال مصطفى بكرى ليقدم طلب إحاطة " عاجل " لمجلس الشعب لمناقشة او مسائلة رئيس الوزراء عن سبب اعلانه عن زواجه؟

أم أن مصطفى بكرى يطبق وبشكل حرفى المثل القائل " علمنى الهيافة يابا " ؟

اليكم الخبر كما ورد فى الـ بى بى سى العربية

الاعلان عن زواج احمد نظيف يتحول الى جدل في مصر

رئيس الوزراء المصري، احمد نظيف، صار محور اهتمام مفاجئ من قبل وسائل الاعلام، في الايام القليلة الماضية، ليس على خلفية سياسية او حتى اقتصادية، ولكن على خلفية إجتماعية شخصية.

فقد أعلن نظيف، عبر المتحدث الرسمي باسم رئاسة الوزراء، عقد قرانه على شخصية مرموقة بوازرة الاتصالات كانت تعمل تحت رئاسته اثناء توليه منصب وزير الاتصالات قبل توليه مهام رئاسة الوزراء 2004.

وكانت زوجة نظيف الاولي كانت قد توفيت العام الماضي، الا ان الاعلان عن الزواج الثاني عبر مكتبه رسميا اثار جدلا موسعا.

طلب احاطة

فقد تقدم مصطفى بكري العضو المستقل بالبرلمان المصري بطلب احاطة عاجل الى البرلمان يطلب فيه مساءلة نظيف عن الاعلان عن زيجته الثانية بطريقة رسمية في حين " ان الامر شخصي".

وطلب بكرى نظيف بالاعتذار على هذا المسلك الرسمي الذي قال انه لا يعني المواطن المصري من قريب قائلا ان مجلس الوزراء معني بقضايا " اكثر اهمية وحساسية للمواطن".

وقال بكري في مقابلة مع بي بي سي " ان زواج رئيس الوزراء لا غبار عليه بل اهنئه، لكن الشفافية لازمة في امور اكثر اهمية كقضايا الفساد والخصخصة التى لا يعلم احد كيف بدأت والام انتهت، والقوانين سيئة السمعة التى تصدر من آن لاخر".

احترام للمواطن

وفي تعقيب على كلام بكري اكد مجدي راضي المتحدث باسم رئاسة الوزراء ان المسألة " شخصية بالاساس ولاتنم الا عن شفافية من جانب رئيس الوزراء."

واضاف راضي لبي بي سي عبر الهاتف وباقتضاب" إن رئيس الوزراء حرص على ان يضع الرأي العام في الصورة بالنسبة لمسالة شخصية تمس شخصية عامة. وبهذا تكون المعلومات خرجت من مكتبه الرسمي وليس من مكان اخر احتراما وتقديرا للرأي العام."

كما اعتبر فريق اخر الاعلان بهذه الطريقة سابقة تحسب لرئيس الوزراء.

شفافية غير مسبوقة

وقال احمد مصطفي الصحفي ومسؤول ملف حقوق الانسان بجريدة اليوم السابع ان " رئيس الوزراء شخصية عامة محورية يتولي الكثير من الملفات الحساسة وهو الرجل الثاني في مصر بعد رئيس البلاد."

واضاف " كل ذلك يجعل من الاهمية بمكان ان يتم الكشف عن بعض الجوانب الشخصية لصاحب هذا المنصب كحق للمواطن في المعرفة. كما ان ذلك يمنع الكثير من القيل والقال المعتاد في حال اخفاء مثل هذه الاخبار."

توقيت خاطئ

لكن يبدو ان توقيت اعلان لم يكن ملائما في نظر البعض بسبب مرور مصر بحوادث طائفية اودت بحياة 7 اشخاص في الجنوب بالاضافة الى السيول التى شهدتها مناطق مختلفة بالبلاد واودت بحياة عدد اخر لاسيما في سيناء واسوان.

وعلى مستوى الشارع ايد بعض من تحدثوا الى بي بي سي ماذهب اليه مكتب رئيس الوزراء. وقال هؤلاء " انه تقليد جديد على المصريين لكنه موجود في البلدان المتقدمة وسيتعود عليه المصريون مستقبلا."

استفزاز

الا ان اخرين قالوا انه كان اعلانا " مستفزا لأن رئيس الوزراء بمقدوره الزواج كيفما يشاء في حين يوجد ملايين الشباب لايستطعيون ايجاد ما يشترون به ثمن شبكة يقدمونها لمن يرغبون في الزواج منهن."

وقد حبذ هؤلاء لو ان الاعلان كان في اضيق الحدود دون حاجة الى بيان رسمي.

وكان المتحدث باسم رئيس الوزراء قد اعلن عبر وسائل الاعلام الرسمية نية نظيف عقد قرانه على السيدة زينب زكي، نائبة رئيس هيئة تنمية تكنولوجيا المعلومات بوزارة الاتصالات الشهر المقبل، وتصدرت صور الزوجة المنتظرة ونظيف صدر الصفحات الاولي للكثير من الصحف المصرية لاسيما المستقلة.

[الباشمهندس ياسر]

تخيلوا

مكنتش اعرف ان د.احمد مش متجوز

انا كده عذرته بصراحة

اتااااااااااااااااااريه مكنش مركز

:wub:

[جيمي]

فقد تقدم مصطفى بكري العضو المستقل بالبرلمان المصري بطلب احاطة عاجل الى البرلمان يطلب فيه مساءلة نظيف عن الاعلان عن زيجته الثانية بطريقة رسمية في حين " ان الامر شخصي".

وطلب بكرى نظيف بالاعتذار على هذا المسلك الرسمي الذي قال انه لا يعني المواطن المصري من قريب قائلا ان مجلس الوزراء معني بقضايا " اكثر اهمية وحساسية للمواطن".

وقال بكري في مقابلة مع بي بي سي " ان زواج رئيس الوزراء لا غبار عليه بل اهنئه، لكن الشفافية لازمة في امور اكثر اهمية كقضايا الفساد والخصخصة التى لا يعلم احد كيف بدأت والام انتهت، والقوانين سيئة السمعة التى تصدر من آن لاخر".

انا بصراحه شايف الراجل (مصطفي بكري) ماغلطش ... وبيطالب بشفافيه على كفاية المستويات التي تهم المواطن .. وشايف ان الحكومه هي اللى بتتهايف وبتعمل جدعنه وشفافيه فى الحاجات الهايفه

[MaYousof]

:wub: يا حمار الخدّين

تم تعديل 22 يناير 2010 بواسطة MaYousof

[Alshiekh]

تخيلوا

مكنتش اعرف ان د.احمد مش متجوز

انا كده عذرته بصراحة

اتااااااااااااااااااريه مكنش مركز

:wub:

الدكتور نظيف عاش رحلة معاناة مع زوجته السابقة التى توفيت العام الماضى بعد رحلة طويلة مع المرض ، عافانا وعافاكم الله

[عنبو]

تخيلوا

مكنتش اعرف ان د.احمد مش متجوز

انا كده عذرته بصراحة

اتااااااااااااااااااريه مكنش مركز

:yahoo:

الدكتور نظيف عاش رحلة معاناة مع زوجته السابقة التى توفيت العام الماضى بعد رحلة طويلة مع المرض ، عافانا وعافاكم الله

يعنى كان متزوج قبل كده طيب الحمد لله اصل خبطتين فى الراس توجع بجد

على العموم الف مبروك للدكتور نظيف وربنا يتمم بخير

[president]

فقد تقدم مصطفى بكري العضو المستقل بالبرلمان المصري بطلب احاطة عاجل الى البرلمان يطلب فيه مساءلة نظيف عن الاعلان عن زيجته الثانية بطريقة رسمية في حين " ان الامر شخصي".

وطلب بكرى نظيف بالاعتذار على هذا المسلك الرسمي الذي قال انه لا يعني المواطن المصري من قريب قائلا ان مجلس الوزراء معني بقضايا " اكثر اهمية وحساسية للمواطن".

وقال بكري في مقابلة مع بي بي سي " ان زواج رئيس الوزراء لا غبار عليه بل اهنئه، لكن الشفافية لازمة في امور اكثر اهمية كقضايا الفساد والخصخصة التى لا يعلم احد كيف بدأت والام انتهت، والقوانين سيئة السمعة التى تصدر من آن لاخر".

انا بصراحه شايف الراجل (مصطفي بكري) ماغلطش ... وبيطالب بشفافيه على كفاية المستويات التي تهم المواطن .. وشايف ان الحكومه هي اللى بتتهايف وبتعمل جدعنه وشفافيه فى الحاجات الهايفه

يمكن عندك حق فى موضوع شفافية الحكومه فى قضابا أخرى ... بس فى موضوع د. نظيف بالذات لو مكانش أعلن عن خطيبته اللى هتبقى مراته وخصوصا انها تشغل منصب عالى

لو مكانش اعلن كان فى أول ترقيه ليها او اسمها اتحط فى أى مناسبه كان ممكن يتعمله 100 طلب أحاطه بدعوى الفساد وتقديم مصلحة زوجته ... دا غير كده هتتطلع الصحف باتهامات

وتلميحات ملهاش لازمه ... الراجل ريح نفسه واعلن للملأ انه هيتجوز .... ومش بعيد لو مكانش عمل كده كان يطلع برده مصطفى بكرى نفسه

يقول هوا ليه ماأعلنش جوازه من الأول وفين الشفافيه ؟؟؟ بجد بدأت أحس ان الناس دى فاضيه ومقضياها تفاهات .

طلب الأحاطه ده سقطه من مصطفى بكرى .

[se_ Elsyed]

زوجته توفيت في سن صغيره بعد صراع مع المرض والوفاة حدثت من 3 شهور تقريباً

كل إعتراض الناس وأنا منهم ..

إن ليه مجلس الوزراء يُعلن ذلك رسمياً .. ولسه الفرح كمان شهر ؟؟؟؟؟

يعني خلصت كل أولوياتنا فبيجهزوا العريس قبل الهنا بسنه ؟

إنما يتجوز يتطلق .. دي حياته وهو حر فيها

[Alshiekh]

زوجته توفيت في سن صغيره بعد صراع مع المرض والوفاة حدثت من 3 شهور تقريباً

كل إعتراض الناس وأنا منهم ..

إن ليه مجلس الوزراء يُعلن ذلك رسمياً .. ولسه الفرح كمان شهر ؟؟؟؟؟

يعني خلصت كل أولوياتنا فبيجهزوا العريس قبل الهنا بسنه ؟

إنما يتجوز يتطلق .. دي حياته وهو حر فيها

توفيت قرينته فى 5 مايو العام الماضى ، ولو لم يتقدم مصطفى بكرى بطلب الاحاطة بتاعه لم يكن الامر ليشغل احدا ، فهو مجرد خبر لم تقام له مراسم لاملكية ولا وزارية

وكما تفضل الفاضل / president ، بانه لو لم يعلن عن هذا الخبر ، لتقدم مصطفى بكرى باستجواب عن حقيقة الشائعات التى تتردد عن ارتباط رئيس الوزراء بإحدى مرؤساتهبعلاقة عاطفية وكان سيتسائل عن سبب اخفاء هذه الفضيحة ( فى نظر مصطفى بكرى طبعا ) .

[الباشمهندس ياسر]

الدكتور نظيف عاش رحلة معاناة مع زوجته السابقة التى توفيت العام الماضى بعد رحلة طويلة مع المرض ، عافانا وعافاكم الله

اااااااامين

و رحم الله الفقيدة و بارك له ف زواجه

و ياريت تتكرم وتمسح المداخلة الاولي بتاعتي

انا فعلا نسيت موضوع وفاة زوجته الاولي

[عاشق الترحال]

كل الحكايه اللي مزعله الأستاذ مصطفى بكري أن المتحدث الرسمي لرئاسة الوزراء هو اللي خرج وقال الخبر ده والمفروض أن المتحدث الرسمي ده بيتكلم في المواضيع الرسميه والمهمه التي تخص الرأي العام هذا الخبر هو موضوع شخصي بحت .

و مصطفي بكري في رأيي انه إنسان محترم ونائب من النواب القلائل اللي مبيجعبوش الحال المايل والله أعلم برضه بما خفى .

وإن كان عالشفافيه فمحبكتش أوي الشفافيه في الخيابه أمال الشفافيه دي بتكون فين في المواضيع المهمه اللي بتخص المواطن المصري ؟؟؟

بصراحه الموضوع من أوله لآخره ملوش لزمه وتحس أنها ناس فاضيه وبدل ميلاقوا حاجه تشغلهم بيشتغلونا .

بالمناسبه مبرووك يا دكتور نظيف يا عم إتجوز وإتبسط وعقبال البكاري كمان وربنا يجعل في وشها القبول ويهديك على ايديها وتبقى فاتحة خير عالمصريين.

[miramikhail]

هو بس أنا اللى لفت نظرى بس أن مراته ما عداش سنة عليها يعنى (شغل ستات بقى) أنما طبعا هو حر .

[أسد]

لما واحد من الشخصيات العامة.. بيحصل له جاجة شخصية ..

الناس بتطلع وتقول .. طالما انه شخصية عامة .. فليس هناك مايسمى بالحياة الشخصية .. ويجب أن يعلم أنه محط أنظار الجميع ..

وعندما يعلن الشخصية العامة عن زواجه المرتقب .. خاصة وأنه مش أي شخصية عامة ..

فهو الرجل الأول في الحكومة المصرية ...

يطلع لنا من يقول واحنا مالنا ...

الناس دي فعلاً .. يا إما مش لاقيين حاجة يتكلموا فيها ..

يا إما تافهين غلى أقصى درجة .. أو أنهم عشقوا وأدمنوا الكلام والظهور الإعلامي ..

لو سخروا مجهوداتهم تلك للحرب على الفساد ..

لكان هناك أمل ..

[doha]

مش عارفه ليه وانا بقرأ الخبر حسيت اني بتابع حلقة في مسلسل فاروق الي كان بيعرض من فترة على الفضائيات ..

اعتقد هو ده تحديدا الي استفز مصطفى بكري .. مش ان رئيس الوزراء يتجوز ولا ان يتم الاعلان عن هذا الزواج وانما ( الرسمية ) في الاعلان وكأننا عدنا لعهد الملكية واصبحت تصرفات واخبار جلالته والحاشية حاجه لازم تطلع بفرمان وصكوك رسمية ..

على كل حال ربنا يهني سعيد بسعيده والفرح بعد شهر بعد شهرين مش مهم المهم مينسوناش من سندويتشات السيمون فيميه والكافيار اصل زي ماانتم عارفين احنا يامصريين مبنتعشاش الا منها ..

[ramyfathalla]

هو الجواز بقى حرام و لا ايه

ايه هى غلطة رئيس الوزارة أحمد نظيف و لو انى مش بحبه بس مش شايف حاجة غلط فى انه يعلن عن جوازه أو ما يعلنش فى كلتا الحالتان مصطفى بكرى ما لوش حق و لا هو فيه حاجة تانية فى الموضوع و أنا مش واخد بالى؟

[عاشق الترحال]

الجديد في الموضوع أن الشباب من الجنسين نظموا حمله عالإنترنت في موقع الفيس بوك

تحت عنوان ( إشمعنى أحمد نظيف وأنا لأ ؟ )

http://www.shorouknews.com/ContentData.aspx?id=174560

وفعلاَ هو مش من حقهم يتجوزوا هما كمان ولا أيه ؟ وخصوصا أنهم لسه شباب ؟؟

يعني لسه مدخلوش دنيا

ولحد إمتى هيبقى فيه خيار وفقوس في مصر ؟؟ .

محدش يقول الحكومه هتعمل أيه , لأن الحكومه يعني مسئوليه عن الشعب ,

والكراسي والمناصب اللي بتورث وبيتقاتلوا عليها دي في الأساس مسئوليه مش سرقه وتهليب وإستغلال نفوذ

يبقى المفروض اللي يقعد على كرسي سلطه لازم يبقى أد المسئوليه وإلا فلا يقبل هذا المنصب ونشوف غيره يقدر يعمل حاجه .

تحياتي :blush2:

[Alshiekh]

الجديد في الموضوع أن الشباب من الجنسين نظموا حمله عالإنترنت في موقع الفيس بوك

تحت عنوان ( إشمعنى أحمد نظيف وأنا لأ ؟ )

http://www.shorouknews.com/ContentData.aspx?id=174560

وفعلاَ هو مش من حقهم يتجوزوا هما كمان ولا أيه ؟ وخصوصا أنهم لسه شباب ؟؟

يعني لسه مدخلوش دنيا

ولحد إمتى هيبقى فيه خيار وفقوس في مصر ؟؟ .

محدش يقول الحكومه هتعمل أيه , لأن الحكومه يعني مسئوليه عن الشعب ,

والكراسي والمناصب اللي بتورث وبيتقاتلوا عليها دي في الأساس مسئوليه مش سرقه وتهليب وإستغلال نفوذ

يبقى المفروض اللي يقعد على كرسي سلطه لازم يبقى أد المسئوليه وإلا فلا يقبل هذا المنصب ونشوف غيره يقدر يعمل حاجه .

تحياتي :blush2:

ممكن الرد عليهم بحديث رسول الله صلى الله عليه وسلم

يا معشر الشباب، من استطاع الباءة فليتزوج، فإنه أغض للبصر وأحصن للفرج، ومن لم يستطع فعليه بالصوم، فإنه له وجاء

والباءة تكون حسبما يتراءى لراغبى الزواج ، من يريد ان يعسر على نفسه فهو وحده من يعسرها على نفسه ، ومن يريد ان يسهلها على نفسه فسيسهلها له الله .

[OReX]

زوجته توفيت في سن صغيره بعد صراع مع المرض والوفاة حدثت من 3 شهور تقريباً

كل إعتراض الناس وأنا منهم ..

إن ليه مجلس الوزراء يُعلن ذلك رسمياً .. ولسه الفرح كمان شهر ؟؟؟؟؟

يعني خلصت كل أولوياتنا فبيجهزوا العريس قبل الهنا بسنه ؟

إنما يتجوز يتطلق .. دي حياته وهو حر فيها

بالظبط وجهه الاعتراض الناس لية مجلس الوزراء اللى يعلن الخبر ؟هل مثلا يندرج تحت العلاقات العامة والكلام دا ولا اية ؟

وحتى لو كان نوع من الخطأ انا شايف انه مش مستاهل طلب احاطة ابدا البلد مليانه حاجات عايزلها طلبات احاطة بالالاف انما نيجيى للهايفة ونتصدر شئ غريب بصراحة

تحياتى لكاتب الموضوع

[عاشق الترحال]

ممكن الرد عليهم بحديث رسول الله صلى الله عليه وسلم

يا معشر الشباب، من استطاع الباءة فليتزوج، فإنه أغض للبصر وأحصن للفرج، ومن لم يستطع فعليه بالصوم، فإنه له وجاء

والباءة تكون حسبما يتراءى لراغبى الزواج ، من يريد ان يعسر على نفسه فهو وحده من يعسرها على نفسه ، ومن يريد ان يسهلها على نفسه فسيسهلها له الله .

أتفق معك في ما قلت وبالتأكيد كلام سيدنا النبي عليه الصلاه والسلام نقول سمعنا وأطعنا .

ولكن ما قصدته هو أن إستمرار سياسة حكومة رجال الأعمال بقيادة أحمد بيه نظيف هتودينا في داهيه يعني لا الشباب هيقدر يتجوز ولا المتجوز هيقدر يعيش زي الناس وأعتقد أن الجميع شايف بعنيه الوضع عامل ازاي ؟

أكيد حضرتك بتتفرج على التليفزيون وبتشوف حال الناس الغلابه اللي عاوزه تعيش بأبسط الأشياء بس مش لاقيه فعلا .

شوف الناس اللي عايشه في القرى والنجوع ولا هما مش محسوبين مواطنين عالحكومه ؟؟.

الشباب عاوز يشتغل ويكافح يثبت ذاته بس تكسير المجاديف بيوصله للإحباط بمعنى أنه يروح يدور على وظيفه وهو معاه مؤهل مش هيلاقي بسهوله وإن وجد الوظيفه بتبقى بالكاد بتغطي مصاريفه ولو فكر في السفر لازم يبقى معاه كام يدفعه علشان يسافر !! تفتكر يعمل أيه .

لو إحنا بنتكلم عن دول الخليج كنت قلتلك ماشي هما طلباتهم كتير ومبالغ فيها بشكل كبير إنما إحنا بنتكلم عن الناس البسيطه وعامة الشعب .وإلا فلماذا نجد أن أعمار بعض غير المتزوجين من الجنسين وصلت للأربعين مش للثلاثين بس !!!!

يبقى أكيد مش بمزاجهم يعني !!!

ولما الشاب يحاول يجيب شقه إيجار مش تمليك هيلاقي إيجارها بكام ؟

وهيجزها بكام ويفرشها بكام ؟؟

وهيدفع كهرباء ومياه ومجاري بكام ؟؟؟

وهياكل ويشرب ويلبس بكام ؟؟؟

وهيروح للدكتور ويجيب دوا بكام ؟؟.

تفتكر هيجيب منين بقى ؟؟

ناهيك بقى لو كان عنده بيت ملك وحب يبني له حتة شقه صغيره يتجوز فيها !!! طبعا أكيد عارفين هيتكلف أد أيه .

أليس هذا كله يستدعي إنتباه الحكومه للتدخل لحل مشاكل المواطنين دي ؟؟

وعالأقل تحاول مد يد العون لهم بتوفير مساكن مناسبه ولو شبه آدميه أو توفر لهم وظائف برواتب مناسبه أو عالأقل تكلم لهم أحمد بيه عز يدعم لهم أسعار الحديد علشان الناس تعرف تبني وتجوز عيالها أو أو أو ..

ولا نقولهم هو ده اللي موجود واللي مش عاجبه يخبط راسه في الحيط ونرجع نقول الشباب بايظ بيعمل وبيسوي ؟؟؟

وألف مبروك يا عم نظيف وفعلا على رأي المثل اللي أيده في الميه مش زي اللي إيده في النار.

وعقبال البكاري كمان يا سيدي

تحياتي :closedeyes:

[مغتربة]

ولما الشاب يحاول يجيب شقه إيجار مش تمليك هيلاقي إيجارها بكام ؟

وهيجزها بكام ويفرشها بكام ؟؟

وهيدفع كهرباء ومياه ومجاري بكام ؟؟؟

وهياكل ويشرب ويلبس بكام ؟؟؟

وهيروح للدكتور ويجيب دوا بكام ؟؟.

تفتكر هيجيب منين بقى ؟؟

ناهيك بقى لو كان عنده بيت ملك وحب يبني له حتة شقه صغيره يتجوز فيها !!! طبعا أكيد عارفين هيتكلف أد أيه .

أليس هذا كله يستدعي إنتباه الحكومه للتدخل لحل مشاكل المواطنين دي ؟؟

وعالأقل تحاول مد يد العون لهم بتوفير مساكن مناسبه ولو شبه آدميه أو توفر لهم وظائف برواتب مناسبه أو عالأقل تكلم لهم أحمد بيه عز يدعم لهم أسعار الحديد علشان الناس تعرف تبني وتجوز عيالها أو أو أو ..

ولا نقولهم هو ده اللي موجود واللي مش عاجبه يخبط راسه في الحيط ونرجع نقول الشباب بايظ بيعمل وبيسوي ؟؟؟

وألف مبروك يا عم نظيف وفعلا على رأي المثل اللي أيده في الميه مش زي اللي إيده في النار.

وعقبال البكاري كمان يا سيدي

تحياتي

وعن أبي هريرة - رضي الله تعالى عنه - قال: قال رسول الله -صلى الله عليه وسلم-: ثلاثة حق على الله عز وجل عونهم: المكاتب يريد الأداء، والمتزوج يريد العفاف، والمجاهد في سبيل الله رواه أهل السنن إلا النسائي

من اخلص النيه لله بالعفاف حق لله مساعدته

رايت بعينى قصص كثيره لشباب تحت الصفر فى الامكانيات ان جاز التعبير

و لكن وفقهم الله و تزوجوا سواء بان رزقهم تكاليف الزواج او رزقهم اهل زوجه متفهمين ساعدوهم و لم يثقلوا عليهم

و لكن اولا و اخيرا اخلاص النيه