شاهدوا يا شباب .. عيد الحب جعل الشيخ أبو إسحاق يبكى .. فيديو روووعة

[znaty]

و قد يكون الطرف الآخر لا يرى لمن على رأيي اي منطق و هو حر في ذلك

:lol: :lol:

بجد والله يا زوو ..المداخله دي ضحكتني اوي

انت الوقتي داخل تهدي الموضوع زي الفل ..وبتقول عمر ما حد هايغير وجهة نظره من الفريقين ..تمام

لازمتها ايه بقي انك تدي الحقنة دي من تحت لتحت بتاعة هشاشة العظام دي بتاعة الراي الاخر :lol:

ماهو الراي الاخر هايخش يقول ...لأااا بأهه ..انتوا اللي عندكم هشاشة وكساح كمان :lol:

على الاقل احنا استدلينا باحاديث وايات واراء علماء ..وانتوا استدليتوا بارائكم الشخصية

ون تو ثري ..فيفا لاجيري :lol:

ان شاء الله هانكسب

عشان تعرف بس انك ظالمني بحقيقي ظالمني بصحيح :sad:

اقرأ اللي انا كاتبه فوق و تعرف اني دايما محايد :egyflag:

و احنا اللي حنكسب غصب عن الكل :yahoo:

لا يا صديقي والله ..انا بس باهزر لا اكثر

لو سمعت المداخلة بصوتي هاتعرف اني باهزر

لعلمك اكتر اتنين يخالفوني في الراي واحترمت نقاشهم ووجهة نظرهم مع اني لا اقتنع بيها هما انت و هشام ابراهيم

وايهاب سالم كمان ..بس لسه مادخلتش معاه في مناقشات بالمعني المفهوم يعني ..مجرد تبادل وجهات نظر

موش عاوز ابالغ في احلامي ..بس نفسي اوي ماتش 5 يتكرر تاني

وصدقني والله ..فريقنا عنده الامكانيات انه يكرر التاريخ ويكسبهم 5 ..بس التوفيق من ربنا اول نص ساعة هايفرق كتير اوي

ثقتي في الله كبيره انها هاتبقي ليلة سعيدة ان شاء الله

[Diab]

[msayed]

محمد بن صالح العثيمين

- حرَّم لبس القبعة إذا كان لها من بروز (ومن أمثلتها قبعات الجنود في الجيش) وأمر بقص البروز.

هو ده إللى تعرفه عن الشيخ بس؟

أظن المقارنة غير عادلة ولا ينبغى أن تضع مقارنة كهذه بين علماء المسلمين.

وقد يكون أحد العلماء أكثر علماً من صاحبه ولكن يخطىء فى فتوى ويجانب الصواب الأقل علماً، فهل يتم محوه بأستيكة لمجرد ذلك؟

فلا ينبغى التعامل مع إختلافات العلماء بهذه الطريقة السطحية.

تكلمت قبل ذلك عن منهج البعض فى تصيد الأخطاء للعلماء المخالفين لمحو قيمتهم العلمية وما هو المنهج الذى يتعامل به العلماء مع الفتوى الشاذة لأحد العلماء وأرى أنه إستهلاك غير مفيد للوقت أن أسرد ما قلته مرة أخرى.

الشيخ ابن عثيمين رحمه الله أنا قرأت له كثير من المؤلفات وأعلم قدر علمه جيداً وأختلف معه فى بعض الفتاوى أيضاً ولكن أحفظ للرجل قدره.

كما أننى أقرأ للدكتور المطعنى منذ ما يقرب من خمسة عشر عاماً وأعرف فضل الرجل وقدره ولكننى أختلف معه أيضاً فى بعض الآراء، ولا يدفعنى هذا الإختلاف أن أنال من قدر هذا أو ذاك.

[د هشام ابراهيم]

طيب جميل جدا هو ده المتوقع تماما

وماذا عن ماريا القبطية

ارجع لرسالة المقوقس

وكمان لا تنسى من كلام القرآن وما ينطق عن الهوى إلى آخر الآيات

يعني النبي مشفش غير اليهود وميعرفش عن النصارى شيء رائع

وكمان هو احنا بنقول ايه غير حديث خالفوهم

طب الكريسماس كمان ايه رأيك فيه

ردك افضل دليل على نقص المعلومات وعدم اهلية احد لإطلاق الاحكام

ياسيدي الفاضل ممكن ترجع للمصادر علشان تعرف ان اصله على اسم احد القساوسة

وذكرتها في عدة مداخلات

خد دي بقى دليل كمان علشان تراجع معلوماتك

فقد ذكرت صحيفة "تايمز أوف إنديا" الهندية الأحد 10-2-2001 أن أعضاء بعض المنظمات الهندوسية، وعلى رأسها منظمة "جاجران مانش" تظاهروا في مدينة "كانبور" الهندية؛ احتجاجًا على الاحتفال بعيد الحب وقاموا بحرق بطاقات المعايدة.

يا اخي هو لازم اقلد الغرب في الاحسان للزوجة يعني انا معنديش في السيرة النبوية ما يكفي علشان اروح ادور برة

اقرءوا في سيرة النبي ستجدوا ما هو اعظم وبرده قياس خاطيء اللي بتستخدمه

لما نتكلم عن اختراع ممكن نتقدم بيه ماشي لكن عيد او مناسبة زي دي يبقى ده معناه ان الأخر أكمل في عاداته مني

ده عيد اصله ديني اقرأ وافهم التاريخ جيدا

استشهدتم بكلام القرضاوي في الحلال والحرام

وجبتلك رأيه وجبتلكم احاديث وده نص صريح بأمر المخالفة طب اعمل ايه

ولا انتم تاخدوا اللي على مزاجكم وتسيبوا الباقي

براحتكم

عموما قلت للجميع هذا ليس مكان للفتوى اللي عايز يروح يسأل في مجمع الفتوى

وزي ما قال الشيخ عايزين يوم الشجاعة والاخلاص والوفاء ووو ومشوها كل يوم حاجة

ربنا كريم

ما عتقدتش فيه اكتر من كده ادله عندكم الكلام وعندكم المصادر اللي عايز يتأكد يروح يسأل بمعرفته ويتحرى الصواب بس محدش يفتي من دماغه

رغم اسلوبك الجاف انما معلهش

ما تقولنيش كلام ما قلتوش ..... ما قلتش سيدنا محمد ما يعرفش حاجة عن النصاري قلت ما عاشرش قوم من النصاري مثلما عايش اليهود في المدينة ...إرجع لمداخلتي و اقراها قبل ما تهاجم

و حتي خبر الهندوس المتشددين المعارضين للفالنتيين أنا ذكرته قبلك ...... و قلت علي كده علشان نخالف الهندوس نبقى نحتفل بالفالنتيين

و بالمثل برضه اتكلمت علي الكريسماس في نفس الموضوع ده أكتر من مرة ....... لك عذرك انك ما قريتش كل مشاركة في موضوع ممتد زي ده بس لا تهاجم غيرك و لا تبني استنتاجات خاطئة ......

و ما قلتيش رأيك في أكل السندوتش .....ما هو كمان متسمي علي إسم راجل قمارتي من الغرب

حسبي الله و نعم الوكيل

[tantrum]

المعارضون دوما لرأى العلماء السلفيين أتهموا معارضيهم فى الحوار بالتالى:

تسفيه أرائهم

و هم من سفهوا الرأى الأخر بلا دليل و بكلام مرسل:

بعد كل الجدل ده......

حد غير رأيه؟

أنا عن نفسي لم أقتنع بكلمه واحده مما قاله الرأي الآخر

مش بسبب العند او التعالي او الكبر معاذ الله

لكني ارى هشاشه شديده في منطقهم مع احترامي لهم حتى و لو كان من علماء و انا حر بالطبع في عدم قبوله

و أتهموهم بالمزايدة على إيمانهم أو التشكيك فيه

و ها هم يصفون مخالفيهم تلميحا بالمنافقين:

العزيز president,

ارجع لأول مداخلة تم فيها نشر فتوى بن عثيمين (مشاركة 135 صفحة 9), ستجدها نشرت بالموازة مع فتوى عبد العظيم المطعني, ثم قيل بالحرف ماقلته انت "الموضوع أبسط من كده ياجماعة"

هناك من لا يرى الموضوع بالبساطة التي تراها أنت. يحسبون كل صيحة عليهم.

تحياتى لمداخلاتك الثرية دوما :)

و أتهموهم بالسخرية من الرأى الأخر

و هم من سخروا من الرأى الأخر و هذا مثال:

الفاضلة / مغتربة

يبدو انك نسيتى ان نفس الحديث يدور بشكل آخر على عيد الام 21 مارس

هناك ناس ترى ان الاحتفال يكون فى الفطر والاضحى ، كما يرون ان للمرأة خرجتان ، خروجة من بيت ابوها الى بيت زوجها والخروجة التانية من بيت جوزها الى القبر

و أتهموهم بمصادرة الرأى الأخر

و ها هم يصادرون الرأى مسبقا بلا دليل

عزيزى زهيرى ..........هذا هو بيت القصيد

فكرة الرفض المسبق أو "الإحترازى" الذى ينتهجه فصيل بعينه من التيارات الإسلامية نعرفه جميعا تجاه أى مستجد فى الحياة هو الذى يحرك مشاعر الجموع بالسلب تجاه أى مستجدات .......والحجة جاهزة "إسطمابة" يكررونها بلا ملل .......مصطلح لا يملون ترديده وهو "البدعة "!

كل شئ بدعة ....أى تفاعل "إنسانى" من قبل المسلمين تجاه اى فعل قادم من الغرب يواجه بحملة ضارية ....والتكييف الفقهى جاهز وتحت الطلب دائما وهو البدعة !

و

والعبث كل العبث هو أنهم يعتقدون بمثل هكذا تناول لأمور دنيوية" بسيطة" يحمون الإسلام .....ويذودون عنه !

وأنتظر مشاركات من أخوة أفاضل يقولون فيه أنه ليس معنى أن نتواصل إنسانيا مع الأخر أن نحتفل بمناسباته "الإجتماعية" أو أعيادهم كما يصرون عمدا على هذا التوصيف غير الحقيقى ......أنتظر من يقول أن مشايخه لم يقولوا بعزل المسلمين عن العالم ......أنتظر من يزايد على إيمان وتدين من يخالفه الرأى .....أنتظر من أن يسفه من أى رأى يتفق مع المنطق ويوافق العقل

أنتظر أى من هذه التعليقات لكى أقول لنفسى للمرة الألف .............مفيش فايدة !

دمتم بود

:)

دي الخطوات اللى بتأدي لفكر التحريم:

1-حب الدين والغيرة عليه

2-حسن النية

3-اتقاء الشبهة

4-التحوط من الوقوع فى الخطأ

5-طيب ما نحرمه أحسن ونريح نفسنا

على هذا المنوال يأتى فكر التحريم فى كل شيئ من أمورنا

حتى يحرمون كل شيئ

و أتهموهم بالرد على ما يعجبهم و تجاهل ما لا يعجبهم

و ها هو الفاضل Justme و أخرون يضعوا المداخلة تلو المداخلة و لا منادى و من يرد يرد فقط على النقطة التى تعجبه

الإخوة الأفاضل هذا أمر يناقش دينيا المرجعية فيه للأدلة الدينية

فمن حرم أتى بدليل

ومن حلل جعل هذا الدليل هشا

و من تحوط و تحرز ترك الأمر على أساس أنه شبهة

و للكل فى النهاية حق الإختيار

و الله وحده أعلم

تم تعديل 28 يناير 2010 بواسطة tantrum

[tantrum]

الفاضل tantrum,

هل تعلم من هو عبد العظيم المطعني؟

تحياتي,

نعم يا أخى أعرفه

و لكنى أذكرك بشيئين بخصوص فتواة التى نقلتها أنت عن جريده الشرق الأوسط

1- عنوان المقال كان

جدل فقهي في مصر حول شرعية «عيد الحب»

أى أن هناك علماء مثله عارضوه إذن فالأمر على أفضل تقدير هو شبهة.

2- راجع كلامه مرة أخرى:

ان تخصيص ايام بعينها للاحتفال بها من اجل توثيق العلاقات الاجتماعية بين الناس مثل عيد الحب مباحة ويجوز حضور الاحتفالات التي تقام من اجل ذلك بشرط الا نعتقد انها من شعائر الدين ولا نقوم فيها بما يؤدي الى ارتكاب الاثم وان تكون طريقا لارضاء الله عز وجل بشكر نعمه وتقدير منحه والاعتراف بفضله وجميله على خلقه وعباده، وفي حدود ما احل شرع الله عز وجل واباحه ومتى كان الاحتفاء بها كذلك خاليا تماما من الهرج والمرج والرقص واللهو والخلو والاختلاط والبدع والخرافات وسائر المحرمات والمحظورات، وكل ما يؤدي الى الفساد، متى كان ذلك يباح حضورها ويجوز احياؤها والمشاركة فيها مجاملة وكرباط وود وحسن علاقة وكريم صلة على منهج الله وهدي رسوله صلى الله عليه وسلم.

و أسألك أن تجيب بموضوعية

هل بإستيفاء الشروط التى أرادها المطعنى و بالإبتعاد عن الأمور الملونة تلك هل سيكون هذا هو المقصود بعيد الحب.

لو قال قائل مثلا أنه مجرد إحتفال بين الرجل وزوجته فبالفعل يكون نقاشنا و يكون إصرارنا على تكبيل إعلان المشاعر بتاريخ ما فرضه علينا من فرضه هو منتهى العبث.

تم تعديل 28 يناير 2010 بواسطة tantrum

[justme]

الفاضل tamntrum

كعادتك نلخص ببساطة النقاط كلها في عدة اسطر

كما قلت فلن ازيد حرفا

وكل ما كتبه الاخوة تم الرد عليه بالدليل

فهي ان لم يكن فيها تحريم ففيها الشبهة

والاخوة الفاضل

لم يستطع احد الرد بمنطقية حتى الأن

وعموما استفت من هو ثقة وعليكم التحري لدينكم

وترك ما فيه شبهة فهي في النهاية امور تركها لن يجعلنا نتخلف بل قد نتقدم

فبدلا من الاصرار على تخصيص يوم بعينه للاحتفال وجعلها عادة لازمة فلنحتفل نحن كل يوم بمكارم الاخلاق

والا سنضطر هكذا لتخصيص يوم للشجاعة والوفاء والسماحة والجمال و و و و و

وديننا يأمرنا بالمكارم في كل لحظة

فتبسمك في وجه اخيك صدقة

كل لحظة نبتسم فيها في وجوه اخواننا نؤجر عليها

( محمد رسول الله والذين معه أشداء على الكفار رحماء بينهم )

سورة الفتح آية 26

عموما آفة الرأي الهوى كما قالوا

ربنا يكتب لنا ولكم سبيل الرشاد والهدى ويكتبكم من اهل الجنة جميعا بإذن الله

تم تعديل 28 يناير 2010 بواسطة justme

[د هشام ابراهيم]

لو قال قائل مثلا أنه مجرد إحتفال بين الرجل وزوجته فبالفعل يكون نقاشنا و يكون إصرارنا على تكبيل إعلان المشاعر بتاريخ ما فرضه علينا من فرضه هو منتهى العبث.

امال احنا بنقول إيه بقالنا فوق العشرين صفحة يا دكتورنا الفاضل

بديهيا ما حدش حيوافق علي أي مظاهر خارجة عن الدين و عن القيم و عن الأخلاق و لا حد عمره دعي ليها .....السؤال اللي كررته مرارا و تكرارا "اعطاء الزوجة ورد يوم ١٤ فبراير حرام ؟....... و مش حكر علي يوم ١٤ بس"

اللهو و المجون و العلاقات غير الشرعية محرمة سواء في الفالنتين أو في غيره ....اذا جردنا الفالنتين من كل ده و بقي مجرد مناسبة للاحسان للزوجة يبقى إيه الحرمانية ......

أعتقد اننا وصلنا لدائرة مغلقة ...... فريق شايف تفريط و فريق شايف افراط و طبيعي جدا إن الفالنتين و لا غيره مش هو محور الحوار الحقيقي

" ان الدين يسر ولن يشادد الدين أحد إلا غلبه ،فسددوا وقاربوا وأبشروا" قالها من بعث بالحنيفية السمحة عليه الصلاة و السلام ..... دين اليسر و الأعتدال..... الصالح لكل الناس في كل كل زمان و مكان .... البعيد عن التطرف و التشدد و التنطع و المغالاة ...لا افراط و لا تفريط

[MZohairy]

طيب حقكوا عليا

الحويني ممتاز

و عيد الحب حرام و كل الأعياد الأخرى ماعدا الفطر و الأضحى

و التفكير و تشغيل المخ غلط

اهو اعتراف أظنه مريح بالنسبه لمخالفيني الرأي

ننقل بقى على موضوع تاني ابوس ايديكم

[znaty]

لو قال قائل مثلا أنه مجرد إحتفال بين الرجل وزوجته فبالفعل يكون نقاشنا و يكون إصرارنا على تكبيل إعلان المشاعر بتاريخ ما فرضه علينا من فرضه هو منتهى العبث.

امال احنا بنقول إيه بقالنا فوق العشرين صفحة يا دكتورنا الفاضل

بديهيا ما حدش حيوافق علي أي مظاهر خارجة عن الدين و عن القيم و عن الأخلاق و لا حد عمره دعي ليها .....السؤال اللي كررته مرارا و تكرارا "اعطاء الزوجة ورد يوم ١٤ فبراير حرام ؟....... و مش حكر علي يوم ١٤ بس"

اللهو و المجون و العلاقات غير الشرعية محرمة سواء في الفالنتين أو في غيره ....اذا جردنا الفالنتين من كل ده و بقي مجرد مناسبة للاحسان للزوجة يبقى إيه الحرمانية ......

أعتقد اننا وصلنا لدائرة مغلقة ...... فريق شايف تفريط و فريق شايف افراط و طبيعي جدا إن الفالنتين و لا غيره مش هو محور الحوار الحقيقي

" ان الدين يسر ولن يشادد الدين أحد إلا غلبه ،فسددوا وقاربوا وأبشروا" قالها من بعث بالحنيفية السمحة عليه الصلاة و السلام ..... دين اليسر و الأعتدال..... الصالح لكل الناس في كل كل زمان و مكان .... البعيد عن التطرف و التشدد و التنطع و المغالاة ...لا افراط و لا تفريط

سؤال كررته كتير يا د هشام كل ما حد يسالك عن الدليل او السند او السبب من ابتداع عيد زي دة للمسلمين

والسؤال تحس من وراه بتخفيف الاثر النفسي ..او بيلعب على الناحية العاطفيه للموضوع بغض النظر عن الدليل والنص و القياس وباقي طرق التشريع

عموما ...النية هيا اساس كل شيئ

هل نيتك و انت بتديها الوردة دي ..انها ما زعلش وهيا شايفه جيرانها والا زمايلها غير المسلمين وانتوا عايشين في مجتمع غير اسلامي ..بيتبادلوا الورود والدباديب والكلام دة ...وبفرض ان مراتك مثلا لن تتفهم ان دة بدعه او فيه شبهة حرام او ابتداع او تقليد لغير المسلمين ..والموضوع دة ممكن يوصل لدرجة المشكلة والمشاحنه ...؟؟؟

اعتقد ان بكدة كل حاجة هاتتغير ويبقي فيها فقه المصلحة وخلافه ...بس لن تصل الى مرحلة التعميم لان دي حالة خاصة

اما اذا كنت هاتديها الوردة في اليوم دة .. بنية انها هاتدخل السرور او هاتقربك منها اكتر ..او هاتزود الصلة الاجتماعية اكتر

لا بقة معلش كلام غير منطقي

لاني لو عملت نفس الفعل ..بنفس النية ...في اي يوم تاني ...هاتترك اثر اكبر بكتيييييييييييير من انك تعملها في اليوم دة

على الاقل

في نفس اليوم دة ..ما زيك زي غيرك ..ايه الجديد يعني ..ما كل ناس في المجتمع اللي انت عايش فيه بتعمل كدة ...عملت ايه انت يعني ..ماهي ممكن تكون روتينية جدا

في حين ان تقديم الوردة في اي يوم تاني ..سوف تعني قطعا ...انك تحب زوجتك او هؤلاء الناس ..بل على العكس ..ستترك اثر اجتماعي عالي اوي اوي ..وكمان هانبعد عن الشبهة

ممكن تقوللي رايك في المنطق دة ..اهو ...بالمنطق موش بالنصوصو الدينية ولا راي العلماء

اجب ..أبن ..أفصح ..أوضح :lol:

[znaty]

طيب حقكوا عليا

الحويني ممتاز

و عيد الحب حرام و كل الأعياد الأخرى ماعدا الفطر و الأضحى

و التفكير و تشغيل المخ غلط

اهو اعتراف أظنه مريح بالنسبه لمخالفيني الرأي

ننقل بقى على موضوع تاني ابوس ايديكم

الحقنة اياها بتاعة كل مداخلة :lol: :lol: :lol:

ايدك خفيفة في الحقن يا زوهيري يا اخويا ..اقسم بالله باهزر اوعي تزعل

[justme]

بديهيا ما حدش حيوافق علي أي مظاهر خارجة عن الدين و عن القيم و عن الأخلاق و لا حد عمره دعي ليها .....السؤال اللي كررته مرارا و تكرارا "اعطاء الزوجة ورد يوم ١٤ فبراير حرام ؟....... و مش حكر علي يوم ١٤ بس"

يا اخي وانا قلت لك كل الأراء معناها ان تخصيص هذا اليوم بعينه وجعله مناسبه سنوية هي المشكلة

لو على قد 14 وهتديها 15 كمان و16 وغيرهم بس مش بمناسبة عيد الحب مفيش مشكلة

لكن يا عزيزي المشكلة ان الناس تفعل هذا الفعل في يوم 14 فبراير تحديدا بسبب عيد الحب

وهو ده الفرق

وهو ده موضع الشبهة

تخصيص يوم معين لإبداء المشاعر بناء على عيد مسيحي قديم

هي دي المشكلة

لو جعلته تقليدا وسنة راتبة هذا وجه المشابهة

معنى عيد من العودة والتكرار

يارب اكون واضح

يعني ايه المشكلة لو خلتها كل اسبوع ولا شهر مجتش في السنة الا اليوم ده ووقفت

تم تعديل 28 يناير 2010 بواسطة justme

[MaYousof]

محمد بن صالح العثيمين

- حرَّم لبس القبعة إذا كان لها من بروز (ومن أمثلتها قبعات الجنود في الجيش) وأمر بقص البروز.

هو ده إللى تعرفه عن الشيخ بس؟

أظن المقارنة غير عادلة ولا ينبغى أن تضع مقارنة كهذه بين علماء المسلمين.

وقد يكون أحد العلماء أكثر علماً من صاحبه ولكن يخطىء فى فتوى ويجانب الصواب الأقل علماً، فهل يتم محوه بأستيكة لمجرد ذلك؟

فلا ينبغى التعامل مع إختلافات العلماء بهذه الطريقة السطحية.

تكلمت قبل ذلك عن منهج البعض فى تصيد الأخطاء للعلماء المخالفين لمحو قيمتهم العلمية وما هو المنهج الذى يتعامل به العلماء مع الفتوى الشاذة لأحد العلماء وأرى أنه إستهلاك غير مفيد للوقت أن أسرد ما قلته مرة أخرى.

الشيخ ابن عثيمين رحمه الله أنا قرأت له كثير من المؤلفات وأعلم قدر علمه جيداً وأختلف معه فى بعض الفتاوى أيضاً ولكن أحفظ للرجل قدره.

كما أننى أقرأ للدكتور المطعنى منذ ما يقرب من خمسة عشر عاماً وأعرف فضل الرجل وقدره ولكننى أختلف معه أيضاً فى بعض الآراء، ولا يدفعنى هذا الإختلاف أن أنال من قدر هذا أو ذاك.

لو كانت عندك القدرة على متابعة الموضوع, أو على الأقل مداخلاتي فيه, من أولها, ربما استطعت عندها أن تتبين الطريقة التي تعاملت بها مع علماء المسلمين, وعلى رأسهم ابن عثيمين.

لكن, غابت عنك تلك القدرة.

فسأسكت.

[MaYousof]

الفاضل tantrum,

هل تعلم من هو عبد العظيم المطعني؟

تحياتي,

نعم يا أخى أعرفه

و لكنى أذكرك بشيئين بخصوص فتواة التى نقلتها أنت عن جريده الشرق الأوسط

1- عنوان المقال كان

جدل فقهي في مصر حول شرعية «عيد الحب»

أى أن هناك علماء مثله عارضوه إذن فالأمر على أفضل تقدير هو شبهة.

2- راجع كلامه مرة أخرى:

ان تخصيص ايام بعينها للاحتفال بها من اجل توثيق العلاقات الاجتماعية بين الناس مثل عيد الحب مباحة ويجوز حضور الاحتفالات التي تقام من اجل ذلك بشرط الا نعتقد انها من شعائر الدين ولا نقوم فيها بما يؤدي الى ارتكاب الاثم وان تكون طريقا لارضاء الله عز وجل بشكر نعمه وتقدير منحه والاعتراف بفضله وجميله على خلقه وعباده، وفي حدود ما احل شرع الله عز وجل واباحه ومتى كان الاحتفاء بها كذلك خاليا تماما من الهرج والمرج والرقص واللهو والخلو والاختلاط والبدع والخرافات وسائر المحرمات والمحظورات، وكل ما يؤدي الى الفساد، متى كان ذلك يباح حضورها ويجوز احياؤها والمشاركة فيها مجاملة وكرباط وود وحسن علاقة وكريم صلة على منهج الله وهدي رسوله صلى الله عليه وسلم.

و أسألك أن تجيب بموضوعية

هل بإستيفاء الشروط التى أرادها المطعنى و بالإبتعاد عن الأمور الملونة تلك هل سيكون هذا هو المقصود بعيد الحب.

لو قال قائل مثلا أنه مجرد إحتفال بين الرجل وزوجته فبالفعل يكون نقاشنا و يكون إصرارنا على تكبيل إعلان المشاعر بتاريخ ما فرضه علينا من فرضه هو منتهى العبث.

السيد tantrum,

اسأل د. هشام إبراهيم بماذا يقصد من سميتهم بالمعارضين للسلفيين بعيد الحب. هو يجيبك عني. (والله كتبت هذا السطر قبل أن أرى رد دكتور هشام, لكني لن أمسحه حتى تعلم بم كنت سارد عليك في كل الاحوال)

ولتعلم أني درست على يد السلفيين تسع سنين. ولا اجد في نفسي فرحة في قولك عني أني من معارضيهم.

[د هشام ابراهيم]

"إنما الأعمال بالنيات وإنما لكل امرئ ما نوى" ......احتفالي بالفالنتين من صميم إيماني بالاسلام ......احنا أولي بالاحسان للزوجة ......

أنا ما عنديش مشكلة خالص احتفل باعياد غير المسلمين و قلت مرجعيتي قرأن و سنة و ما اطمئن ليه قلبي فيما اختلف فيه العلماء ...رأي العلماء بيتغير ..... و إبن تيمية نفسه كان مخالف في وقت ما "لاجماع " العلماء

ايات القران و الأحاديث بتنهانا عن الاقتداد بغير المسلمين في دينهم و شعائرهم و ما فيش نهي عن المعاملة ....سيدنا محمد نفسه احتفل بعيد لليهود .....و علشان المناسبة دينية خالفهم في الأحتفال و مظاهر احتفاله كانت اسلامية .....لا الفالنتين عيد ديني و لا هو حكر علي حد من البشر ....العالم كله بيحتفل بيه ما عدا السعودية

الاعياد الدينية اللي بتخالف عقيدتي ما باحتفلش بيها ...زي عيد القيامة مثلا ..... مخالف لعقيدتي

الأعياد الدينية اللي ما بتخالفش العقيدة و الأعياد الأجتماعية زي الفالنتيين باحتفل بيها في حدود ديني و عقيدتي ...يعني لا شرب و لا فسق و لا فجور .....باحاول أأسلم الأعياد ....و ده مش مزاجي الشخصي ديه سنة سيدنا محمد كما أفهمها .....احسان ...بر ...صلاة .... تودد للجار ....صدقة

كلها من صميم الاسلام الصحيح

يعني لا باكل تمثال عجوة و لا باولع بخور ...إلخ إلخ

الدين يسر و سماحة ....... المغالاة و التشدد و التنطع مكروهين و يسيئوا لصورة الاسلام في قلب المسلمين قبل غيرهم اللهم قد بلغت اللهم فاشهد

متهيألي اسجل المشاركة ديه و أعيدها كوبي باست كل شوية .....كل مشاركاتي في الموضوع قلت فيها نفس الكلام

[MZohairy]

طيب حقكوا عليا

الحويني ممتاز

و عيد الحب حرام و كل الأعياد الأخرى ماعدا الفطر و الأضحى

و التفكير و تشغيل المخ غلط

اهو اعتراف أظنه مريح بالنسبه لمخالفيني الرأي

ننقل بقى على موضوع تاني ابوس ايديكم

الحقنة اياها بتاعة كل مداخلة :lol: :lol: :lol:

ايدك خفيفة في الحقن يا زوهيري يا اخويا

:lol: wst:: :sad:

ظلموني الناس ظلموني

[justme]

"

ايات القران و الأحاديث بتنهانا عن الاقتداد بغير المسلمين في دينهم و شعائرهم و ما فيش نهي عن المعاملة ....سيدنا محمد نفسه احتفل بعيد لليهود .....و علشان المناسبة دينية خالفهم في الأحتفال و مظاهر احتفاله كانت اسلامية .....لا الفالنتين عيد ديني و لا هو حكر علي حد من البشر ....العالم كله بيحتفل بيه ما عدا السعودية

طب قلت قبل كده الهندوس وجبتلك الدليل على عدم صحة الكلام

كمان مين اللي قال ده مش عيد ذا اصل ديني

دول ناس بيحتفلوا في ذكرى اصلها مسيحي

وقلتلك قبل كده ده سبق الرسول هو والكريسماس

صح ولا لأ

وجبتلك دليل انه كان فيه مسيحين

وعلى فكرة

اسأل عن بنو نجران كان اصلهم ايه في وقت ظهور الاسلام

واسأل حد عارف تاريخ الاسلام عن وجود المسيحين في عصر الرسول

واسأل عن من هو بحيرة الراهب المسيحي

وكمان تعرف ورقة بن نوفل

ورقة بن نوفل بن أسد بن عبد العزى بن قُصيّ، ابن عم خديحة

كان مسيحي وهو اللي من بعثت له السيدة خديجة يوم نزل الوحي

كفاية كده ولا عايزني اجيبلك اسماء القبائل المسيحية

علشان كده قلنا الفتوى لأهلها

ترضى حد يفتي في الطب وهو مش طبيب

هتتهمه بالجهل وممكن تلبسه قضيه

اشمعنى في القضايا دي سهل علينا الفتوى ولا ديننا هان علينا

طب بذمتك شفت قبل كده حد مسيحي احتفل بعيد ذا اصل اسلامي

ياريت تقرأ قصة جورج والعيد

مشهورة جدا على النت لو لقيتها منطقية

ابقو عرفوني ليه

خالص تحياتي

تم تعديل 28 يناير 2010 بواسطة justme

[tantrum]

تمام أوى

يعنى إحنا كنا بنتناقش حول حل أو حرام إهداء الرجل زوجته ورده أو تعبيره لها عن حبه و عواطفه فى أى يوم و رفض ربط وتقييد ذلك بأى تاريخ أو مسمى أو تقليد.

طبعا هذا حلاااااااااااااااااااااااااااااااااااااااااااااااااااااااااااااااااااااااااال بإجماعنا كلنا و هو بالطبع شىء يثاب من يفعله.

و إحنا طوال ما زاد عن العشرين صفحة متفقين و لكن فقط لم نقف لجظة لنوحد مفاهيمنا.

الحمد لله على كل حال.

تم تعديل 28 يناير 2010 بواسطة tantrum

[MZohairy]

علشان كده قلنا الفتوى لأهلها

ترضى حد يفتي في الطب وهو مش طبيب

هتتهمه بالجهل وممكن تلبسه قضيه

اشمعنى في القضايا دي سهل علينا الفتوى ولا ديننا هان علينا

نقطه مهمه جدا خلتني ارجع اتكلم بجد

آه ممكن واحد قارئ جيد للأمور الصحيه و الطبيه و مش طبيب و يفتي في الطب

انا مثلا مش دكتور

لكن عارف مثلا ان الحراره المرتفعه خطر و يجب انزالها

و عارف ان الجروح لازم تتطهر قبل ما تتربط بأي بلاستر

و عارف ايه الأغذيه المضره و المقيده

و عندي معلومات طبيه جيده كثيره تخليني اعرف امتى اتصرف بنفسي و امتى الجأ للطبيب

بل و الجأ الى اي تخصص في الأطباء

و هي دي شعرة معاويه ...أمتى تقول انا عارف و امتى تلجأ للعلماء

انما مش كل ما أعور نفسي لازم اروح للدكتور

يارب تكون واضحه يا دكاتره

[justme]

سعادتك بتتكلم عن المعرفة العامة

زي ما المفروض كلنا نعرف الصوم والصلاة وخلافه

لكن انت تتكلم عن عادة عامة يعني بتقول مناسبة نستوردها ونقلدها

انت او انا مين علشان ياخد قرار بهذا الرأي

مرة اخرى القياس لا يصح

وانا ولا غيري من الافاضل جاب رأيه الشخصي نقلنا رأي العلماء

مرديتوش على سؤالي برضه وبندور على حاجة ثغرة

وبنحاول نثبت ان مخنا كبير وفاهمين دينا كويس

لمجرد قراءة كام حديث وكام كتاب اصبحنا فقهاء

انت بتقول انك تعرف ان الحرارة مش كويسة

طيب تقدر تقولي سببها

فيروس برد عدوى جراحة من غير ما تكون طبيب وتبحث وتحلل

عايز تاخد حكم وتفرض وجهة نظرك بدون دليل سوى عقلك مقابل دليل ونص

ياسيدي بلاش

فيه شبه في الموضوع

ومحدش قال فتوى من دماغه

اسأل شيخ او مجموعة من الازهر من بتوع الفتوى وانقل رأيهم

لو اعطيتك حديث هتعرف تخرجه او تميزه اا كان موضوع او مرسل او مرفوع

وتقدر تقولي اذا كان صح ولا غلط

من غير ما تسال

ياريت نحط ايدنا على المشكلة

اللي هي تخصيص يوم معين يوافق ويشابه

ربنا يهدي الجميع وانا اولهم

كده كفاية