الصفات الشخصيه الواجب توافرها فى رئيس الجمهوريه

[د هشام ابراهيم]

أفكار جديرة بالاهتمام و حوار ثري جدا

قناعتي الشخصية إن أهم صفة لرئيس الجمهورية إنه يبقى زاهد في المنصب .....أصلا مش عايزه و مش بيسعي ليه ..... و يوافق بس بعد ما الناس تجبره إنه يوافق علي المنصب ....... شرط تعجيزي ؟ يمكن و لكني شايف إنه ضروري ...مش بس لرئيس الجمهورية

[شيدوان]

عليكم السلام ورحمة الله وبركاته

انت لاتعرف صفات جارك الذى يسكن فى آخر الشارع او حتى بعدك بكام بيت فقط .. لا تعرف صفات زميلك او حتى قريبك الا بمقدار تعاملك معه وقربك منه ، فكيف تريد ان تعرف صفات انسان لم تعرفه او تراه او حتى تسمع عنه شيئا الا ما قاله هو والحاشيه عند ترشيح نفسه للرئاسه !؟..طبعا انا اقول ترشيح نفسه على اعتبار اننا اصبحنا دوله متقدمه ومن حقنا ان نتكلم فى الصفات الواجب توافرها فى رئيس الجمهوريه .

فى الدول المتقدمه لا يأتى احد من المجهول ويرشح نفسه فيكون على الناس عبء معرفة اصله وفصله وصفاته ، وهل هى صفات مناسبه للرئيس ام لا .. انما هو عادة شخص له تاريخ معروف وغير مزيف فى عمل او مكان ما ، وعندما يرشح نفسه فالناس لا تحاول وصفه او توصيفه ، انما يكفيها ان تتأكد من انجازاته وتعرف قدرته على اداء عمله والوفاء بما وعد به .

نحن لا نحتاج صفات لشخص مجهول لانها حتى لو كانت عظيمه فبعد وصوله للسلطه سوف يتغير كل شئ .. نحن نحتاج شخصا كان فى موقع مسئوليه وله سلطه وادى عمله بكفاءه وانجز ما وعد به

شكرى وتحياتى

[عنبو]

Alrefaey مشاركة بتاريخ Jan 23 2010, 10:14 PM

ان يكون قائد له القدره على اتخاذ القرار فى الوقت المناسب

له رؤية ,فطين ,له حنكه ,خبرة,مكر ,علم ,مطلع على العديد من الثقافات

لكن ماودت اقوله قبل كل هذه الصفات اننا كى نكون دولة ناجحة لابد من نظام سيستم للدولة ينتهجه الرئيس مهما كان فكره او امكانيته

الا تلاحظ مثلا ان الكيان الصهيونى سياسته واحدة جه بريز او شارون او اولمرت او باراك او نتنياهو ماهم الا منفذين فقط للسياسة موضوعه سلفا ,كذلك امريكا مع اختلافات بسيطة بين الديمقراتين والجمهوريين ,كذلك بريطانيا والكثير من الدول .

لابد من وضع نظام

هو فعلاً لو فيه كيان وفيه خطه كل رئيس هيجى او بمعنى اعم كل مسؤل هيجى هيكمل مسيرة الى قبله لكن علشان مافيش خطه ولا فيه تخطيط من اصله كل مسؤل بيجى بيبقى هدفه الاول والاخر ان يثبت ان اللى قبله كاااااااان فااااااشل

انت عارف انا بحلم بأيه يادكتور بحلم ان اللى عاوز يتقدم لاى منصب يتقدم مهما كان سنه وبعدين نعمل ليهم امتحان للكشف عن شخصية ومميزات وعيوب كل واحد فيهم واللى ينجح فى الامتحان يرشح نفسه والناس بعد كده تختار وتفاضل بين كل واحد فيهم بكده هنضمن ان فى الاول والاخر اللى الناس هيكون يصلح لان كل اللى بيختاروا منهم يصلحوا

د هشام ابراهيم مشاركة بتاريخ Jan 23 2010, 10:29 PM

أفكار جديرة بالاهتمام و حوار ثري جدا

قناعتي الشخصية إن أهم صفة لرئيس الجمهورية إنه يبقى زاهد في المنصب .....أصلا مش عايزه و مش بيسعي ليه ..... و يوافق بس بعد ما الناس تجبره إنه يوافق علي المنصب ....... شرط تعجيزي ؟ يمكن و لكني شايف إنه ضروري ...مش بس لرئيس الجمهورية

دكتورنا العزيز H

انت عارف علشان يبقى زاهد لازم يكون بخاف من ربنا ويعرف انه فى الاول وفى الاخر هيموت ومش هياخد معاه حاجه خالص الا العمل الصالح ويعرف ان ربنا هيسأله على كل واحد كان مسؤل عنه هو لو عرف كده بجد لو عااااااقل هيرفض الرئاسه ا

شيدوان مشاركة بتاريخ Jan 24 2010, 05:19 PM

نحن لا نحتاج صفات لشخص مجهول لانها حتى لو كانت عظيمه فبعد وصوله للسلطه سوف يتغير كل شئ .. نحن نحتاج شخصا كان فى موقع مسئوليه وله سلطه وادى عمله بكفاءه وانجز ما وعد به

شكرى وتحياتى

طيب افرض اساساً كان الشغل والعمل اللى منسوب له مكنش شغله كا شغل الموظفين اللى عنده وهو كمدير الطبيعى ان الشغل ينتسب له مش للناس اللى تحتيه

يبقى معنى ذلك ان احنا اخترنا الرجل الغلط

اللى عاوز قوله ان ممكن فى مصلحه تلاقى المدير هو اللى بياخد كل الحسانات مع انه اساساً ميعرفش حاجه والناس اللى حواليه هم اللى شغالين ودى كلها افكارهم بس هو كمدير كل حاجه بتنتسب له فى الاخر

انا عاوز اضمن اللى هيحكم يكون تمام وابقى متأكد من كده

[من بعيد]

العنبى قال

مهو ياجماعه مينفعش واحد يجيب ليا مية شهاده ويكون فعلاً راجل علمى بس عنده مشاكل شخصيه يقوم كده مع السلامه

ومتنساش برده حتى لو مجلس شورى مفعل فى الاول والاخر اللى هيشيل مسؤلية اتخاذ القرار هو الرئيس

يعنى تقصد ان البرادعى ما يتفعش؟

زى ما قال الباشمهتدس ياسر طالما هناك فرد اوحد بيده كل السلطات يبقى زى ما قال سعد مفيش فايده

واحد رئيس الحزب الحاكم ورئيس الجمهوريه والقائد الاعلى للقوات المسلحه وبيده تعيين اعضاء فى البرلمان وبيده حل البرلمان وتعيين الوزراء ورفتهم ومفيش اى هيئه او منظمه او جهه مسئوله بامكانها مرجعه تصرفات الرئيس او معاقبته او محاكمته يبقى كله زى بعضه

العله مش فى الفرد العله فى النظام الذى افرز دستور نشاز وشاذ وغريب

نشوف امريكا دستورها عامل ازاى ولا انجلترا ولا تركيا ولا الهند ولا حتى باكستان ونعمل زيهم

احنا لا دوله برلمانيه ولا جمهوريه ولا تقع تحت اى تصنيف سياسى

انا عمرى مشفت دوله الوزير يقدم استقالته والوزاره تفضل مستمره والبرلمان

اقل ما فيها رئيس الوزاره يقدم استقالته ومعاه باقى الوزرا وبالتالى يقرر رئيس الجمهوريه بحل البرلمان واعلان الانتخابات ومن يفوز باغلبيه المقاعد يكلفه رئيس الجمهوريه بتشكيل الحكومهده اللى بيحصل فى الدول ذوات النظام الدستورى البرلمانىاما احنا الامور ماشيه عالكيف

الاول نشوف دستور ينفع وبعدين بعد كده شخص الرئيس مش هيكون مشكله اى واحد ينفع

[شيدوان]

اللى عاوز قوله ان ممكن فى مصلحه تلاقى المدير هو اللى بياخد كل الحسانات مع انه اساساً ميعرفش حاجه والناس اللى حواليه هم اللى شغالين ودى كلها افكارهم بس هو كمدير كل حاجه بتنتسب له فى الاخر

انا عاوز اضمن اللى هيحكم يكون تمام وابقى متأكد من كده

اخى من المستحيل ان تضمن ان اللى حيحكم يكون تمام لانك اصلا لا تعرفه معرفه شخصيه ، وكما قلت فى ردى السابق انت لا تعرف حتى صفات جارك او قريبك الا بقدر قربك منه

اما الخوف من ان الرئيس لا يفهم ولا يعمل انما فقط ينسب اليه افكار واعمال من حوله ، فذلك لا يهم الشعب اذا كان فى النهايه سيجد فى وجوده خيرا ورخاء ، وان كنت اشك فى ان رئيس جمهوريه لا يفهم او يعمل ... ثم انه ليس هناك مسئول على اى مستوى يعمل وحده ، انما لابد من مسئولين آخرين حوله هو الذى يختارهم ، فاذا احسن اختيارهم بحيث يقدمون للبلد ما يدفع به للامام ، فيكفى ذلك لان يكون اختيارنا له صحيحا ومقبولا

شكرى وتحياتى