احكام بالسجن والجلد فى قضيه فتاة الجبيل

[M Mido]

و الحق أن الغلط عندنا اننا بنناقش أمور داخلية لديكم لا شأن لنا بها

فالفتاة سعودية و المجني عليها سعودية و تمت المحاكمة في السعودية

و ليس لنا في الأمر ناقة ولا جمل

احنا في خندق واحد زي مابتقولوا وبالتالي امرهم يهمنا زي امرنا بالضبط، ورغم ان الفتاة سعودية الا اني ضد جلدها.

هو بس الخبر أثار حفيظة الأخ الفاضل سمبا

لأنه تصور أن المحكوم عليها طفلة

و هو بنفسه طلب إغلاق الموضوع الذي خرج عن حدوده

طيب انا هفترض انها مش طلفة وانها 21 سنة زي مابتقولوا، مش هنقول تخيل لو هي ابنتك لكي تخيل لو هي زوجتك او لو هي حضرتك "وطبعا ربنا يحفظك و يحفظنا جميعا مصريين و سعوديين من الاحكام دي" فلو حصل موقف مماثل لحضرتك و مثلا لاي سبب مديرة المدرسة او الحضانة اللي فيها بنتك غلطت فيكي او فيها او استفزت او حاولت تتشاجر معاكي وانت غصب عنك مثلا دفعتيها بوقعت وراسها اتفتحت، وقتها ممكن يتحكم عليكي بالجلد زي الفتاة دي، ماهو برضه اكيد الفتاة مضرتبش المديرة من غير سبب واي واحد ممكن يتعرض للاستفزار و يضرب او بعمل تصرف يؤدي لمضاعفات غير متوقعة، وقتها هل الجلد هو الحل!!

طب شكلك مثلا هيكون ايه قدام ولادك وجوزك بعد جلدك! او وضع الراجل ايه لما مراته مثلا تتجلد والسبب انها اتخانت مع مديرة ممكن تكون هي اللي استفزتها وده وارد جدا، ماهي لو زنت وقتها قتلها هيكون هين عليه لكن غير كده اعتقد انه صعب جدا.

وعشان كده في بلاد زي دي مش ممكن اي حد انه يحس بالامان ولا يقدر يأمن على عائته و نسائه.

أعتذر من حضرتك لو كان في أي كلمة ضايقت حضرتك أو مست بدون قصد بلادك الغالية على قلبي

و أكيد الإخوة اللي شاركوا مش قصدهم يضايقوا حضرتك شخصيا

rs:

وانا بعد كلامك ده ليه المفروض بقى اسئله لو عايز نجيبله ديفيدي او شقة على البحر ولا النيل ولا ايه!!

تم تعديل 9 فبراير 2010 بواسطة M Mido

[president]

طيب انا هفترض انها مش طلفة وانها 21 سنة زي مابتقولوا، مش هنقول تخيل لو هي ابنتك لكي تخيل لو هي زوجتك او لو هي حضرتك "وطبعا ربنا يحفظك و يحفظنا جميعا مصريين و سعوديين من الاحكام دي" فلو حصل موقف مماثل لحضرتك و مثلا لاي سبب مديرة المدرسة او الحضانة اللي فيها بنتك غلطت فيكي او فيها او استفزت او حاولت تتشاجر معاكي وانت غصب عنك مثلا دفعتيها بوقعت وراسها اتفتحت، وقتها ممكن يتحكم عليكي بالجلد زي الفتاة دي، ماهو برضه اكيد الفتاة مضرتبش المديرة من غير سبب واي واحد ممكن يتعرض للاستفزار و يضرب او بعمل تصرف يؤدي لمضاعفات غير متوقعة، وقتها هل الجلد هو الحل!!

طب شكلك مثلا هيكون ايه قدام ولادك وجوزك بعد جلدك! او وضع الراجل ايه لما مراته مثلا تتجلد والسبب انها اتخانت مع مديرة ممكن تكون هي اللي استفزتها وده وارد جدا، ماهي لو زنت وقتها قتلها هيكون هين عليه لكن غير كده اعتقد انه صعب جدا.

وعشان كده في بلاد زي دي مش ممكن اي حد انه يحس بالامان ولا يقدر يأمن على عائته و نسائه.

طالما بتضرب أمثله يهمنى أسمع رأيك فى المثال ده .. واحد بلطجى قابلك فى الشارع وبعتر بكرامتك الأرض قدام الناس والمدام والأولاد وانت لا حول لك ولا قوه ...

تفتكر لو اتحكم عليه بالجلد هتبقى مضايقله وتقول لأ حرام وحالته النفسيه وكده ؟؟؟؟!!!!!!!

وبعدين انت ليه محسسنى ان امة لا الله الا الله بتتحايل عليك عشان تسافر السعوديه ... ياسيدى اللى عايز يسافر يسافر واللى مش عايز يسافر ماحدش ضربه على ايده ...

عمالين نردد كلام كتير من نوعية مظلومين ومضطهدين ... كأننا خدنا على الولوله والعويل ...

ياريس احنا اللى بنظلم وبنذل نفسنا ... يعنى ايه اشترى فيزا بعشرين تلاتين الف جنيه عشان اطلع على فيزة عامل ولا راعى ولا غيره واخد 1200 ريال ....

يعنى ايه اطلع اعمل عمره واتخلف عن الرجوع عشان اشتغل فى السعوديه ....

لو كل واحد كان طالع شرعى وعارف حقوقه كويس مكانش المهازل دى تحصل ... ياريس احنا اللى وضع عمالتنا غلط وما بنى على باطل فصاحبه يستحمل ومايشتكيش ...

دايما بنطالب غيرنا ان يحافظ على كرامتنا واحنا بافعالنا بنفرط فى كرامتنا تناقض غريب ليس له معنى !!!!!

أفهم اننا من حقنا النقد لأى شخص بس فى فرق مابين التعدى بالقول والنقد ... وأعتقد ان كلامك تجاوز مرحلة النقد الى التعدى ...

يعنى ايه تقول على بلاد زى دى بصفة النكره ...

افهم ايضا ان من حقنا ان نتعدى على من يتعدى علينا بس مش قادر افهم هم تعدوا علينا فى ايه ...

هجومك كان انفعالى انت وصديقك bio .. وكان رد الطرف الآخر فى منتهى الهدوء والتعقل ...

[عبير يونس]

و الحق أن الغلط عندنا اننا بنناقش أمور داخلية لديكم لا شأن لنا بها

فالفتاة سعودية و المجني عليها سعودية و تمت المحاكمة في السعودية

و ليس لنا في الأمر ناقة ولا جمل

احنا في خندق واحد زي مابتقولوا وبالتالي امرهم يهمنا زي امرنا بالضبط، ورغم ان الفتاة سعودية الا اني ضد جلدها.

هو بس الخبر أثار حفيظة الأخ الفاضل سمبا

لأنه تصور أن المحكوم عليها طفلة

و هو بنفسه طلب إغلاق الموضوع الذي خرج عن حدوده

طيب انا هفترض انها مش طلفة وانها 21 سنة زي مابتقولوا، مش هنقول تخيل لو هي ابنتك لكي تخيل لو هي زوجتك او لو هي حضرتك "وطبعا ربنا يحفظك و يحفظنا جميعا مصريين و سعوديين من الاحكام دي" فلو حصل موقف مماثل لحضرتك و مثلا لاي سبب مديرة المدرسة او الحضانة اللي فيها بنتك غلطت فيكي او فيها او استفزت او حاولت تتشاجر معاكي وانت غصب عنك مثلا دفعتيها بوقعت وراسها اتفتحت، وقتها ممكن يتحكم عليكي بالجلد زي الفتاة دي، ماهو برضه اكيد الفتاة مضرتبش المديرة من غير سبب واي واحد ممكن يتعرض للاستفزار و يضرب او بعمل تصرف يؤدي لمضاعفات غير متوقعة، وقتها هل الجلد هو الحل!!

طب شكلك مثلا هيكون ايه قدام ولادك وجوزك بعد جلدك! او وضع الراجل ايه لما مراته مثلا تتجلد والسبب انها اتخانت مع مديرة ممكن تكون هي اللي استفزتها وده وارد جدا، ماهي لو زنت وقتها قتلها هيكون هين عليه لكن غير كده اعتقد انه صعب جدا.

وعشان كده في بلاد زي دي مش ممكن اي حد انه يحس بالامان ولا يقدر يأمن على عائته و نسائه.

أعتذر من حضرتك لو كان في أي كلمة ضايقت حضرتك أو مست بدون قصد بلادك الغالية على قلبي

و أكيد الإخوة اللي شاركوا مش قصدهم يضايقوا حضرتك شخصيا

rs:

وانا بعد كلامك ده ليه المفروض بقى اسئله لو عايز نجيبله ديفيدي او شقة على البحر ولا النيل ولا ايه!!

شوف حضرتك

لكل بلد قوانينها و ما دمنا دخلنا البلد أصبح لزاما علينا احترام تلك القوانين رضينا بها أم لم نرضى

طيب حضرتك في أمريكا بيعدموا بالكرسي الكهربائي هل حد ممكن يعترض؟؟؟!!!

بلاش إعدام

ربنا يسلم حضرتك و يحفظك

ايه رأي حضرتك ان اللي بيشتبهوا فيه في أمريكا و حتى قبل المحاكمة

و بمجرد انه يروح قسم الشرطة بيخللوه يقلع هدومه كاملة أمام كل اللي قاعدين رجل كان أو امرأة و يفتشوه بطريقة أقل ما يقال عنها انها غير آدمية

و لا تقوللي حقوق إنسان و لا يحزنون

حد ممكن يعترض؟؟؟!!!!

اللي يعمل خطأ يتحمل نتيجته

و حكاية اني أفقد أعصابي دي مش مبرر اني اتسبب في أذى إنسان و ايصاله للمستشفى

طب ما هو من الطبيعي ان المقتول يكون استفز القاتل

هل هذا مبرر للقتل؟؟؟!!!!

أما اللي بيتظلم بقى و هو ما عملش حاجة أصلا فده موضوع تاني خالص

ما لوش علاقة بالسعودية أو غيرها

لأن الظلم ممكن يقع في أي مكان

عافانا الله وإياكم جميعا أن نظلم أو نَظلم

أما بقى بالنسبة للإحساس بالأمان

فحدث و لا حرج

ممكن حضرتك تقوللي هو فين الأمان ده في أي حتة في الدنيا؟؟؟

هل في أمان في مصر مثلا؟؟؟!!!

و حتى في دول الغرب اللي بيتشدقوا بالحرية فين الأمان

لما ما تقدرش تخرج في بلادهم بالليل مع أسرتك

و لما النساء والفتيات يحملن أسلحة دفاعية ضد السرقة والاغتصاب!!!

في الواقع موضوع الأمان ده لا يوفره لنا غير الله سبحانه وتعالى عندما نتحصن بالأذكار في الصباح والمساء والدخول والخروج

تحياتي

:happy:

[مسافر زاده الخيال]

السلام عليكم ورحمة الله وبركاته اما بعد,,,,

تحية لجميع الاعضاء في المنتدى من مصريين و غيرهم وتحيات خاصة (لأبو ريم و الجدار و م.سيد)

لا مانع لدي مطلقا ان يستمر الحوار والحديث في جوانب التاريخ والحضارة الى مالا نهايه...ولا زال في جعبتي الكثير لاقوله خاصة انني اقف على صعيد صلب

لكن اتمنى الا يتحول الحوار من مسار لاخر دن مناسبة والا تكون الاسباب الشخصية وراء ذلك...........والاكثر من ذلك

الرجوع للحق.......

فكما ذكرت مرار واعيد ما ذكرت ان ايرادي مساهمات (غير المصريين)في مصر لاثبت اننا جميعا في جانب واحد وان العلاقة ليست باتجاه احادي

فكما اعطيم ولا زلتم تعطون و ستعطون مستقبلا

كذلك

انتم اخذتم و لازلتم تاخذون و ستاخذون مستقبلا مهما حاول البعض انكار ذلك(وان لم يكن بنفس الكم او الكيف)

وليست هناك مشكلة ان تفتخر بفاروق الباز وان افتخر انا (باللي زار الفضا و هو يجهل كل شيء عن عنها) فلا اعتقد ان ذلك يضايقك او يقلقك

ولا ان تفتخر بمجدي يعقوب وان افتخر ب د.ربيعة رائد فصل التوائم

(هل ترون مشكلة في ذلك؟؟؟)

=============================

اعرفوا الحق والحق يحرركم

=====================

و السلام

[أبو محمد]

الأخ الفاضل "مسافر زاده الخيال"

الأخ الفاضل "السارى"

أنتما عزيزان علينا جدا .. ونرحب بكما معنا أخين كريمين .. ونؤكد أننا نكن لكما ولبلدكما كل الحب والتقدير ..

الأخوات الفضليات

الأخوة الأفاضل

نقدر لكل من أدلى بدلوه فى هذا الموضوع دوافعه الشخصية والعامة .. ونقدر من اتسمت مشاركاته بالحكمة ومن اتسمت مشاركاته بالغضب

ولكننا مع ذلك نرفض الإساءة من أى مشارك ..

ونثق فى حكمتكم جميعا .. ولا نريد لهذا المنتدى أن يتحول إلى سوق عكاظ .. ولا نريد لهذا الموضوع أن يتحول إلى إحدى معلقاته المليئة بالفخر والمدح والهجاء .. ولا نريد أن نرى فتنة كبرى أو صغرى تعكر جو الحوار الراقى ، الهادئ ، الهادف الذى نحاول تهيئته لكل المشاركين

الموضوع بُنى على خطأ إعلامى .. وما بُنى على باطل فهو باطل .. لا نستطيع أن نمنع أحدا من المصريين من الجزع لجلد طفلة .. ومن التعبير عن جزعه " الإنسانى" هذا ، فجلد طفلة هو أمر خارج أعراف المجتمع المصرى

كان يجب أن يتوقف النقاش بعد اكتشاف الخطأ الإعلامى .. ولكنه استمر ليناقش أمرا آخر يحاول بعض المصريين أن يدخلوه على العرف المصرى فى عقوبات التعزير ، فاعتبرناه شأنا من شؤون مصر والمصريين التى يهتم الموقع بمناقشتها ..

فالتعزير - فى عرفنا - يتوقف عند تقييد الحرية بالحبس أو السجن .. ولكنه لا يتعداه إلى الإيذاء الجسدى .. وكما لا نحب أن يفرض علينا أحد أعرافا مستوردة ، فليس من حقنا فرض أعرافنا على مجتمعات غيرنا .. عقوبات الإعدام عندنا تنفذ شنقا ، وعند غيرنا تنفذ بقطع الرقاب .. وفى مجتمعات أخرى بالغاز السام أو بالصعق .. من حقنا أن نحافظ على أعرافنا ، أو تغييرها "إذا اتفق المجتمع على التغيير" وبإرادتنا الحرة ، ومن واجبنا احترام أعراف الغير وقبول تطبيقها علينا طالما ارتضينا أن نتفاعل مع هذا الغير فى بلده .. كما أن من حقنا أن نطبق أعرافنا على غيرنا الذى ارتضى أن يتفاعل معنا على أرضنا

مرة أخرى .. نرجو ألا يتحول المنتدى إلى سوق عكاظ ، ولا أن يتحول الموضوع إلى إحدى معلقاته ..

كما نرجو ألا نضطر إلى غلقه

فريق الإشراف

[الســـاري]

قلت من قبل لن اعود الى السجال ..

ليس لانه ليس لدي ما اقوله .. بل وكما قال الاخ مسافر نقف على صعيد صلب والحمدلله ، ولست في موقف هش ..

لكن احتراماً لطلب الاخ العزيز msayed وباقي الاخوة المنصفين .. الذين كفوني مؤونة الرد ..

اما مسألة الصفحة الواحدة وغيرها من الردود فلن اعلق ببساطة .. ليست بلدي بهذه الهشاشة حتى ادافع عنها او عن حضارتها ، من يريد النقاش لهدف المعرفة وبحجج وبراهين فلن اعدم انا او غيري الرد عليه .. اما العنتريات والشوفينيات .. فاي زبون مقهى قادر على الرد عليها ..

وانا لست متعصب اعمى ولا شيء .. انا قلت مراراً وساقول ايضاً حتى لا يتم فهمي بشكل خاطئ .. مصر دولة عظيمة من دول المنطقة ولها تاريخ كبير .. ولها مواقف اسلامية وعروبية قوية في الماضي والحاضر .. ولا ينكر هذا الا جاحد ..

لكن الشيئ الذي اثار حفيظة هؤلاء فجعلوني لا افقه بالتاريخ ولا اعرف شيئاً انني - تجرأت - ان امتدح بلدي ..

وان اصفه بان بلد له حضارة عربية .. ياللهول !!

مشكلة بعض الاخوان هنا انه لا يطيق ان يتفاخر العربي باي شيئ على الاطلاق ..

مشكلة البعض هنا انه يريد ان يقول .. سبح بحمد المصري .. وانت صفر دون مصر ..

طبعا امثال هؤلاء .. يكفي ان يرد عليهم بني جلدتهم المنصفين .. ومن جديد اثمن ردود الاخوة هنا .. واقول لقد قلتم لهم ما اريد قوله وزيادة ..

ولن اقول لكل خير في بلادنا انما اوتيته على علم عندي ..

بل اقول ان الحضارة الانسانية جميعها .. وعاء صبت فيه مختلف الحضارات الاخرى ..

واستشهاداتي كانت بايات من القران او احاديث نبوية شريفة ..

وانا يا عزيزي msayed لم اقل اني ساودع المنتدى .. فقط قلت اني لن اعود الى السجال ..

فهذا المنتدى استفدت منه الكثير .. وانا شخصياً تعلمت على يد مدرسين مصريين افاضل .. وزملائي بالعمل مصريين .. و اقرب صديق لي مصري .. ومن المنصورة كمان ..

حتى قضية الجلد هذه انا لست ضد مناقشتها .. ولن اقول انها شأن داخلي .. وهنا اتفق ان تفتحوا مواضيع كهذه .. لكن ايضاً ان تفتحوا مواضيع ايجابية عن البلد .. حتى تظهر الحقيقة ..

فلو لم نناقش هذا الموضوع لثبت لدى الاخ سمبا او غيره انها طفلة فعلاً .. وان الجريمة اقتناء موبايل ..

السجال حصل لاننا تجرأنا - كسعوديين - ان نتفاخر ببلدنا ... وهذا ما لايطيقه البعض ..

كاني عندما امتدح السعودية واذكر افضالها وايجابياتها .. انتقص من حق مصر .. !!

لست ضد مناقشة القضية .. لكني ضد من يغمز ويلمز بالشعب .. ويتهمه بالتخلف ..

لست ضد مناقشة مشروعية الجلد .. لكني ضد ان يتحول الامر لانتقاص من حق بلد كامل بخيره وشره وطوله وعرضه ..

وانا افتخر ببلدي واجد بها مميزات لن اجدها باي بلد بالعالم .. ولن اقول انها المدينة الفاضلة ..

بعض الاخوة لا الومهم .. هم تعودوا ان يستمعوا الى اعلام معين .. وتوجه معين مغلق على نفسه .. يصور له انه مركز الكون .. والمحور الذي تدور حوله الشمس ..

وانا واثق ان الانسان بتراكم خبراته سيعرف اكثر .. واحد العباقرة قال .. كلما تعلمت اكثر .. كلما تضائلت اكثر ..

وانا واثق انهم .. بمرور الزمن وتراكم الخبرات .. سيتراجعوا عن كثير من افكارهم .. وليس هذا عيباً ..

استطيع ان اقول من منجزات المملكة .. واعمالها ومشاريعها القوية الضخمة وجامعاتها القادمة العملاقة ... الشيء الكثير ..

استطيع ان اتكلم عن الحاضر والمستقبل ... واترك الماضي ..

وايضاً ساقف على ارض صلبة ..

لكن هذا كله لن يفيد .. اذا لم يكن من اتحاور معه .. يجد انه الاصل والباقي فرع ..

دبي الان مدينة حضارية مستقبلية رائعة ..

عندما تعثرت بعض مشاريعها القليلة انفلت للاسف الكثير ليخرجوا احقادهم ويقولوا انظروا .. هذه نهاية الخليج .. سيعودوا كما كانوا .. حفاة عراة ..

ان قلنا العلم .. قالوا .. نحن من علمنا ابائكم ..

ان قلنا المشاريع .. قالوا الاجانب من عملوها وليس انتم ..

ان قلنا الاهتمام بخدمة الاسلام .. قالوا هذا للجميع وليس لكم وحدكم ..

نستطيع ان نقول بالمقابل .. تعليمكم لنا لم يكن بلا مقابل ..

والاجانب لم يعمروا من دون مقابل ..

نستطيع ان نقول ان اختيار الله لهذه الارض لتكون مهد للرسالة .. لحكمة بالغة الله اعلم بها وهو اعلم حيث يجعل رسالاته .. لعلمه ان هذه الارض لم يرغب بها الغزاة عبر التاريخ لطبيعتها الصحراوية .. وهذا الامر نقى الرسالة والاسلام من غزو وحشو و تحريف الاديان كما حصل مع الرسالات السماوية الاخرى ..

وعندما قيض الله لهذه الارض ان تقوم بها حكومة تقيم شرع الله .. تفجر الخير فيها وظهر بها اكثر احتياطي نفطي بالعالم ..

لكن اذا قلنا سيقولون كما قراتم اعلاه .. لا ليس لهذا السبب .. بل لانكم بدو .. اتى الاسلام ليهذبكم ..

ارسل الرسل لبلاد متحضرة .. ارسلوا للفراعنة ولقوم عاد وثمود والكنعانيون ..

فكفروا فاهلكهم الله بذنوبهم ..

على هذا القياس لماذا ارسل الله موسى الى فرعون ؟ .. وهو على راس الحضارة الكبيرة وقتها ؟ ..

نحن العرب نتشبث بالماضي كثيرا .. وغيرنا ينظر للمستقبل ..

نجحت لدينا الافلام التاريخية .. مثل الناصر صلاح الدين وعمر المختار وفيلم الرسالة ..

وتنجح لدى غيرنا الافلام المستقبلية .. كحرب النجوم .. وغيرها ..

لننظر للمستقبل ..

[الســـاري]

الاخ الفاضل ابو محمد ..

اشكرك جزيل الشكر على مداخلتك .. وعلى كل جهودكم في هذا المنتدى ..

و اعتذر منك شخصياً لاني اضفت ردي الاخير في نفس الوقت الذي كتبت انت فيه مداخلتك فلم اراها الا بعد ان وضعت مشاركتي ..

اتفق معك تماماً في كل ما قلته اخي ..

و لا امانع انا ولا اعتقد الاخ مسافر سيمانع ان نناقش كل ما تحبوا معرفته عن اعرافنا او تطبيقنا لقوانينا .. و سنلتزم بتوضيح الحقيقة ..

ودمت طيباً اخي الكريم

[biopasha]

السلام عليكم ورحمة الله وبركاته

تحية طيبة للجميع ..

للأخ الفاضل ابو محمد ولفريق الاشراف ..

تحية للاخ الفاضل ميدو M.MIDO

ولأخواني واخواتي الافاضل الذين تفهّموا مشاركاتي وايضا الذين تفضلوا بالعتاب واللوم .

وتحية لاخواننا الغير مصريين حيث لاحظت رقي مستوي الحوار وكأنهم مصريين مثلنا ولم يظهر في حوارهم العنصرية أو البدوية تلك الاخيرة الغادرة التي طعنت الوحدة الاسلامية والعربية في مقتل ..

تحياتي للجميع

تم تعديل 10 فبراير 2010 بواسطة biopasha

[مسافر زاده الخيال]

اشكر الاخ الفاضل السيد ابو محمد لشعوره الاخوي الصادق.........

وهو (وغيره من اعضاء المنتدى) يثبتون انني كنت موفقا في ان انتمي لهذا المنتدى العظيم والمهم........

وباذن الله سأكون على الدوام مستحقا ان امثل هذا المنتدى خير تمثيل

والسلام

[M Mido]

طالما بتضرب أمثله يهمنى أسمع رأيك فى المثال ده .. واحد بلطجى قابلك فى الشارع وبعتر بكرامتك الأرض قدام الناس والمدام والأولاد وانت لا حول لك ولا قوه ...

تفتكر لو اتحكم عليه بالجلد هتبقى مضايقله وتقول لأ حرام وحالته النفسيه وكده ؟؟؟؟!!!!!!!

وبعدين انت ليه محسسنى ان امة لا الله الا الله بتتحايل عليك عشان تسافر السعوديه ... ياسيدى اللى عايز يسافر يسافر واللى مش عايز يسافر ماحدش ضربه على ايده ...

عمالين نردد كلام كتير من نوعية مظلومين ومضطهدين ... كأننا خدنا على الولوله والعويل ...

ياريس احنا اللى بنظلم وبنذل نفسنا ... يعنى ايه اشترى فيزا بعشرين تلاتين الف جنيه عشان اطلع على فيزة عامل ولا راعى ولا غيره واخد 1200 ريال ....

يعنى ايه اطلع اعمل عمره واتخلف عن الرجوع عشان اشتغل فى السعوديه ....

لو كل واحد كان طالع شرعى وعارف حقوقه كويس مكانش المهازل دى تحصل ... ياريس احنا اللى وضع عمالتنا غلط وما بنى على باطل فصاحبه يستحمل ومايشتكيش ...

دايما بنطالب غيرنا ان يحافظ على كرامتنا واحنا بافعالنا بنفرط فى كرامتنا تناقض غريب ليس له معنى !!!!!

أفهم اننا من حقنا النقد لأى شخص بس فى فرق مابين التعدى بالقول والنقد ... وأعتقد ان كلامك تجاوز مرحلة النقد الى التعدى ...

يعنى ايه تقول على بلاد زى دى بصفة النكره ...

افهم ايضا ان من حقنا ان نتعدى على من يتعدى علينا بس مش قادر افهم هم تعدوا علينا فى ايه ...

هجومك كان انفعالى انت وصديقك bio .. وكان رد الطرف الآخر فى منتهى الهدوء والتعقل ...

اولا انا مش ضد عقاب الجاني وان يكون العقاب على مستوى الجرم لكن العقاب البدني ده امر مرفوض و مش في دينا اننا نجلد اي حد واو نقطع يد اي حد غير لو عمل الجريمة اللي تخص هذه العقوبة فقط.

ثانيا مين قالك اني هموت و اسافر هناك او اني هدفع 20 الف عشان اسافر و اشتغل ب 1200 او هعمل عمرة و اعد! انا لو سافرت هناك فده عشان عندي علم من عند كتير هناك ولو عندهم مش هيشغلوني، وواحد زي عمره ما هيشتغل هناك في اي شغلانة باقل من 2500 او 3000 ، وواحد زي لو اشتغل هناك مش هيعد اكتر من 4 سنين اعمل فيهم عمرة و حج و اكتسب خبرة تأهلني اني اشتغل في حتة انظف زي دبي مثلا او ارجع القاهرة.

الناس اللي بتتشغل ب 1200 و بتهرب بعد العمرة دي فئة معينة مش كل المصريين و غالبا دول بيبقوا عمال او صنايعية، ولو هنجمع ان كل المصريين اللي هناك بيضيعوا كرامتهم و بيشتغلوا ب 1200 او مبلغ صغير يبقى بقى نجمع ونقول ان كل السعوديين بيسرقوا اللي بيشغلوا تجت كفالتهم و مش بيعطوهم حقهم لان ده بيحصل مع ناس كتير او ان كلهم جهلة وميسوش حاجة دون فلوسهم لان بعضهم كده!

اكيد في مصريين كتير جدا معندهمش استعداد ان يتنازلوا عن كرامتهم مهما كانت الظروف و اكيد في سعوديين كتير محترمين و مش بيسرقوا حقوق الغير.

[M Mido]

شوف حضرتك

لكل بلد قوانينها و ما دمنا دخلنا البلد أصبح لزاما علينا احترام تلك القوانين رضينا بها أم لم نرضى

طيب حضرتك في أمريكا بيعدموا بالكرسي الكهربائي هل حد ممكن يعترض؟؟؟!!!

بلاش إعدام

ربنا يسلم حضرتك و يحفظك

ايه رأي حضرتك ان اللي بيشتبهوا فيه في أمريكا و حتى قبل المحاكمة

و بمجرد انه يروح قسم الشرطة بيخللوه يقلع هدومه كاملة أمام كل اللي قاعدين رجل كان أو امرأة و يفتشوه بطريقة أقل ما يقال عنها انها غير آدمية

و لا تقوللي حقوق إنسان و لا يحزنون

حد ممكن يعترض؟؟؟!!!!

اللي يعمل خطأ يتحمل نتيجته

و حكاية اني أفقد أعصابي دي مش مبرر اني اتسبب في أذى إنسان و ايصاله للمستشفى

طب ما هو من الطبيعي ان المقتول يكون استفز القاتل

هل هذا مبرر للقتل؟؟؟!!!!

أما اللي بيتظلم بقى و هو ما عملش حاجة أصلا فده موضوع تاني خالص

ما لوش علاقة بالسعودية أو غيرها

لأن الظلم ممكن يقع في أي مكان

عافانا الله وإياكم جميعا أن نظلم أو نَظلم

أما بقى بالنسبة للإحساس بالأمان

فحدث و لا حرج

ممكن حضرتك تقوللي هو فين الأمان ده في أي حتة في الدنيا؟؟؟

هل في أمان في مصر مثلا؟؟؟!!!

و حتى في دول الغرب اللي بيتشدقوا بالحرية فين الأمان

لما ما تقدرش تخرج في بلادهم بالليل مع أسرتك

و لما النساء والفتيات يحملن أسلحة دفاعية ضد السرقة والاغتصاب!!!

في الواقع موضوع الأمان ده لا يوفره لنا غير الله سبحانه وتعالى عندما نتحصن بالأذكار في الصباح والمساء والدخول والخروج

تحياتي

انا مليش دعوة باللي بيحصل في امريكا او غيرها و ده لا يهمني، الموضوع مش مناقسة القوانين القاسية او الغبية في دول العالم لكن اهتمامي بالسعودية لانها دولة عربية اسلامية شقيقية امرها يهمنا و يمسنا لان اي حكم بيصدر هناك بيتم اخذه على انه اسلامي و طبق من الشريعة السلامية، لو ليكي اخ او اخت اصغر و بيعمل حاجة غلط اكيد هتهتمي بامره لكن لو واحد في بيت تاني مش هتهتمي.

و بره لما بيسمعوا حكم زي ده بياخدوا صورة سيئة عن الاسلام وبصراحة اللي يسمع ان طفلة او مراهقة تت جلدها عشان موبايل او ضربت مديرة اكيد هيقول ان الحكم ده حجم قاسي و جاهلي و للاسف بينسب للاسلام.

واحكام الجلد اللي في السعودية لم تمنع الاغتصاب او التحرش او المعاكسات او السرقة او ...... و الكلام ده اي حد هنام هيقوله حتى السعوديين نفسهم بس طبعا اللي عنهم شفافية، وكفاية ان مفيش واحدة تعرف تحط رقم تليفون في سي في هناك.

[M Mido]

الموضوع بُنى على خطأ إعلامى .. وما بُنى على باطل فهو باطل .. لا نستطيع أن نمنع أحدا من المصريين من الجزع لجلد طفلة .. ومن التعبير عن جزعه " الإنسانى" هذا ، فجلد طفلة هو أمر خارج أعراف المجتمع المصرى

كان يجب أن يتوقف النقاش بعد اكتشاف الخطأ الإعلامى .. ولكنه استمر ليناقش أمرا آخر يحاول بعض المصريين أن يدخلوه على العرف المصرى فى عقوبات التعزير ، فاعتبرناه شأنا من شؤون مصر والمصريين التى يهتم الموقع بمناقشتها ..

فالتعزير - فى عرفنا - يتوقف عند تقييد الحرية بالحبس أو السجن .. ولكنه لا يتعداه إلى الإيذاء الجسدى .. وكما لا نحب أن يفرض علينا أحد أعرافا مستوردة ، فليس من حقنا فرض أعرافنا على مجتمعات غيرنا .. عقوبات الإعدام عندنا تنفذ شنقا ، وعند غيرنا تنفذ بقطع الرقاب .. وفى مجتمعات أخرى بالغاز السام أو بالصعق .. من حقنا أن نحافظ على أعرافنا ، أو تغييرها "إذا اتفق المجتمع على التغيير" وبإرادتنا الحرة ، ومن واجبنا احترام أعراف الغير وقبول تطبيقها علينا طالما ارتضينا أن نتفاعل مع هذا الغير فى بلده .. كما أن من حقنا أن نطبق أعرافنا على غيرنا الذى ارتضى أن يتفاعل معنا على أرضنا

مرة أخرى .. نرجو ألا يتحول المنتدى إلى سوق عكاظ ، ولا أن يتحول الموضوع إلى إحدى معلقاته ..

كما نرجو ألا نضطر إلى غلقه

فريق الإشراف

بتفق مع كلامك لكن على فكرة في سعوديين كتير معترضين على مثل هذه الاحكام، مش كل السعودية وهابية او عشاق للنظام الوهابي، في كتير بيعارضوه خاصة في الحجاز و المنطقة الشرقية لان اهل الحجاز متأثرين اكتر بمصر و الشام و اهل المنطقة الشرقية بالعراق و ايران و بعض دول الخليج، لكن طبيعة المجتمع السعودي و السعوديين و دولتهم مش بتخلي حد معارض يقول انه معارض غير لو هو خارج البلاد، مش زي عندنا في مصر مثلا لما بتحصل مشكلة بتلاقي كل الناس بتتكلم سواء في الفضائيات او الجرايد او الشوارع.

انا اعرف سعوديين كتير ضد الاحكام دي و ضد كتير من قوانينهم لكن ميقدروش يقولوا كده ولا ختى في منتدى مدام هم هناك.

ولو كل السعوديين متفقين عل الجلد و مثل هذا لعقوبات مكنتش اتكلمت في الموضوع اساسا.

[M Mido]

لا مانع لدي مطلقا ان يستمر الحوار والحديث في جوانب التاريخ والحضارة الى مالا نهايه...ولا زال في جعبتي الكثير لاقوله خاصة انني اقف على صعيد صلب

لكن اتمنى الا يتحول الحوار من مسار لاخر دن مناسبة والا تكون الاسباب الشخصية وراء ذلك...........والاكثر من ذلك

الرجوع للحق.......

فكما ذكرت مرار واعيد ما ذكرت ان ايرادي مساهمات (غير المصريين)في مصر لاثبت اننا جميعا في جانب واحد وان العلاقة ليست باتجاه احادي

فكما اعطيم ولا زلتم تعطون و ستعطون مستقبلا

كذلك

انتم اخذتم و لازلتم تاخذون و ستاخذون مستقبلا مهما حاول البعض انكار ذلك(وان لم يكن بنفس الكم او الكيف)

وليست هناك مشكلة ان تفتخر بفاروق الباز وان افتخر انا (باللي زار الفضا و هو يجهل كل شيء عن عنها) فلا اعتقد ان ذلك يضايقك او يقلقك

ولا ان تفتخر بمجدي يعقوب وان افتخر ب د.ربيعة رائد فصل التوائم

(هل ترون مشكلة في ذلك؟؟؟)

=============================

اعرفوا الحق والحق يحرركم

=====================

و السلام

لما تتكلم عن التاريخ و الحضارة و تقارن فيها بين مصر و دولة اخرى عربية و قت ما تنحاز لدولة عربية غير مصر في ذلك عمرك ما هتكون واقف على صعيد صلب، غير كده ممكن، يعني لو قارنت بين السعودية و دولة زي الكويت او قطر او غيرهم في الحضارة و التاريخ اعقتد هتكون واقف على صعيد صلب لكن مع مصر لأ.

محدش انكر ان العلاقة الحضارية بين مصر و بعض الدول فيها هات و خد لكن الفرق في الكم و الكيف والحاجة بين اللي اعطه مصر و اللي اخدته مصر، مصر زي ناطحة سحاب فيها اكتر من 100 دور لما يجي حد يضيف دور كمان اكيد هتبقى اضافة جيدة لكن من غيرها ناطحة السحاب هي ناطحة سحاب، ده غير ان صاحب الدور ده ميقدرش دوره يجيب هدفه بالشكل المطلوب غير لو اتحط في ناطحة السحاب، مقدرش يحطه في صحراء و لا في خيمة.

الفرق بين مصر وغيرها من الدول اللي اصبحت غنية بالاموال فقط ان مصر هي ام العرب و هدفها ابعد من خدمة ابائنها لكن خدمة كل العرب و الملسمين، الجامعات في مصر من اول ما فتحت وهي بتستقبل ابناء و بنات جميع الاقطار العربية لان هدفنا تعليم كل العرب واصلاح احوالهم، لكن مثلا في دول كتيرة زي السعودية مثلا الجامعات للسعوديين فقط لان هدفهم تعليم السعوديين فقط، وده حقكم.

وعشان كده هتفضل مصر هي مصر مهما صابها هي ام الدنيا قبل ما تبقى ام العرب و قلب العروبة.

[عبير يونس]

شوف حضرتك

لكل بلد قوانينها و ما دمنا دخلنا البلد أصبح لزاما علينا احترام تلك القوانين رضينا بها أم لم نرضى

طيب حضرتك في أمريكا بيعدموا بالكرسي الكهربائي هل حد ممكن يعترض؟؟؟!!!

بلاش إعدام

ربنا يسلم حضرتك و يحفظك

ايه رأي حضرتك ان اللي بيشتبهوا فيه في أمريكا و حتى قبل المحاكمة

و بمجرد انه يروح قسم الشرطة بيخللوه يقلع هدومه كاملة أمام كل اللي قاعدين رجل كان أو امرأة و يفتشوه بطريقة أقل ما يقال عنها انها غير آدمية

و لا تقوللي حقوق إنسان و لا يحزنون

حد ممكن يعترض؟؟؟!!!!

اللي يعمل خطأ يتحمل نتيجته

و حكاية اني أفقد أعصابي دي مش مبرر اني اتسبب في أذى إنسان و ايصاله للمستشفى

طب ما هو من الطبيعي ان المقتول يكون استفز القاتل

هل هذا مبرر للقتل؟؟؟!!!!

أما اللي بيتظلم بقى و هو ما عملش حاجة أصلا فده موضوع تاني خالص

ما لوش علاقة بالسعودية أو غيرها

لأن الظلم ممكن يقع في أي مكان

عافانا الله وإياكم جميعا أن نظلم أو نَظلم

أما بقى بالنسبة للإحساس بالأمان

فحدث و لا حرج

ممكن حضرتك تقوللي هو فين الأمان ده في أي حتة في الدنيا؟؟؟

هل في أمان في مصر مثلا؟؟؟!!!

و حتى في دول الغرب اللي بيتشدقوا بالحرية فين الأمان

لما ما تقدرش تخرج في بلادهم بالليل مع أسرتك

و لما النساء والفتيات يحملن أسلحة دفاعية ضد السرقة والاغتصاب!!!

في الواقع موضوع الأمان ده لا يوفره لنا غير الله سبحانه وتعالى عندما نتحصن بالأذكار في الصباح والمساء والدخول والخروج

تحياتي

انا مليش دعوة باللي بيحصل في امريكا او غيرها و ده لا يهمني، الموضوع مش مناقسة القوانين القاسية او الغبية في دول العالم لكن اهتمامي بالسعودية لانها دولة عربية اسلامية شقيقية امرها يهمنا و يمسنا لان اي حكم بيصدر هناك بيتم اخذه على انه اسلامي و طبق من الشريعة السلامية، لو ليكي اخ او اخت اصغر و بيعمل حاجة غلط اكيد هتهتمي بامره لكن لو واحد في بيت تاني مش هتهتمي.

و بره لما بيسمعوا حكم زي ده بياخدوا صورة سيئة عن الاسلام وبصراحة اللي يسمع ان طفلة او مراهقة تت جلدها عشان موبايل او ضربت مديرة اكيد هيقول ان الحكم ده حجم قاسي و جاهلي و للاسف بينسب للاسلام.

واحكام الجلد اللي في السعودية لم تمنع الاغتصاب او التحرش او المعاكسات او السرقة او ...... و الكلام ده اي حد هنام هيقوله حتى السعوديين نفسهم بس طبعا اللي عنهم شفافية، وكفاية ان مفيش واحدة تعرف تحط رقم تليفون في سي في هناك.

طبعا أكيد حضرتك حريص على أمر السعودية كبلد شقيق

بس الصورة مش بالقتامة دي يافندم

و مفيش بلد في الدنيا ممكن تخلو من الجرائم

لكن صدقني اللي بيقوموا بالجرائم في السعودية مبيقوموش بيها ببساطة كده

و عارفين كويس لو اتمسكوا حيتعمل فيهم ايه

عموما أحب أوضح نقطة مهمة

انا معظم عمري عايشة في السعودية معظم عمري سواء مع أهلي أو مع زوجي و عادي جدا بأضع رقم تيلفوني في سيفيهات كتير جدا

واتعاملت في العمل مع رجال سعوديين كانوا عارفين رقم تلفوني و بصراحة عمري ما تعرضت لمضايقات

النوعية اللي بتعاكس دي موجودة في كل حتة في الدنيا مش في السعودية بس

يافندم دي محاوراتنا احنا المصريين

نناقش فيها القضايا اللي تهمنا كمصريين

أما حكاية السعوديين مش راضيين والا راضيين بنظامهم

فده مش شغلنا

همة يتناقشوا وهمة يقرروا

احنا مالنا

و بالنسبة لتشويه صورة الإسلام

فهل حضرتك متصور أن ده بس اللي بيشوه صورة الإسلام؟؟؟!!!

انا كلنا كمسلمين مسؤلون عن الصورة التي نعطيها للآخرين عن ديننا

اللي عايز يفهم غلط بيفهم غلط على أي حاجة

و اللي ربنا بيشرح صدره بيحاول يفهم الصح

احنا واجبنا نوضح الصح للآخرين اللي عايزين يفهموا بجد مش بيتصيدوا الأخطاء

مش نقعد نهاجم بعض

نفس المنظر يتكرر

و الظاهر دي طبيعة مصرية

أم معاها أبناءها

و واحدة قاعدة بتنتقدهم

تقوم الأم تشخط في ولادها

وتبرأ لهم... فضحتوني!!!

[M Mido]

عموما أحب أوضح نقطة مهمة

انا معظم عمري عايشة في السعودية معظم عمري سواء مع أهلي أو مع زوجي و عادي جدا بأضع رقم تيلفوني في سيفيهات كتير جدا

واتعاملت في العمل مع رجال سعوديين كانوا عارفين رقم تلفوني و بصراحة عمري ما تعرضت لمضايقات

أم معاها أبناءها

و واحدة قاعدة بتنتقدهم

تقوم الأم تشخط في ولادها

وتبرأ لهم... فضحتوني!!!

دي فعلا نقطة مهمة و انا توقعت كده بس اتحرجت اسئلك وعشان برضه متفهميش سؤالي انه تشكيك في مصريتك او وطنيتك، بس طبيعي انك تكوني عشتي طول حياتك في السعودية عشان تدافعي عنها بالشكل ده، لان كلامك و دفاعك مش دفاع اجنبي او عربي عن السعوديةلكن دفاع واحد عن بلده، فحضرتك بتعتبري السعودية بلدك او على الاقل بلدك التاني.

ودي حاجة كويسة برضه لانها بتوضح ان المصري اصيل ووفي و عنده اخلاص وان لما حد بيعمل معاه خير مش بينساه، عكس ناس تانية بتاكل و تنكر و كل واحد عارف نفسه كويس.

بس ايه حكاية الام و بناتها دي، يعني المفروض لو في ام للعرب فهي مصر لانها اصلا ام الدنيا، دا غير ان ام العرب او جدتهم مصرية "السيدة هاجر".

[msayed]

الأخ ميدو

هو فيه إيه؟؟؟؟

[أبو محمد]

الفاضل M Mido

مداخلاتك بعد مداخلة فريق الإشراف يمكن أن تعتبر إصرار على المخالفة ..

أنا أوجه لك هذه المداخلة بصفتى عضو من حقى التحاور مع باقى الأعضاء .. ياسيدى الفاضل .. أرجو أن نتفهم جيدا تنبيه فريق الإشراف ، وحرصه على تهيئة جو هادئ للحوار المثمر ..

أعتقد أن توجهى معروف ، وهو رفض تطبيق بعض الأعراف المستوردة على المجتمع المصرى دون أن يكون هذا التطبيق موافقا عليه من المجتمع .. ومعروف أننى أعتبر بعض الأعراف المنسوبة إلى الإسلام هى من قبيل العادات والتقاليد ولا علاقة لها بالدين .. ومعروف أيضا أن هناك كثير من الأخوة الذين يعارضوننى فى هذا .. وأنا أحترم رأيهم ، وأقول إن رأيى صواب يحتمل الخطأ .. وأتوقع منهم أن يبادلونى نفس الاحترام لرأيى المختلف عن رأيهم .. وأستاء ممن يتعدى حدود الاحترام المتبادل ..

أنت حر يا أخى في رأيك ، حرية بلا حدود .. وحر فى التعبير عن رأيك هذا ، ولكنها حرية غير مطلقة ، بل مقيدة بحرية الآخرين ، وبعدم الإساءة إليهم ، وبالإطار الذى اتفقنا على التعبير فى حدوده .

لك الحرية فى المناداة بعدم تطبيق ما يطبق فى بلد آخر على بلدك .. فهذا شأن مصرى يمكن النقاش فيه .. ولكن ليس من اللائق أن تسئ إلى ضيوفك الذين نعتبرهم منا ، كما يعتبروننا منهم ..

تحياتى لجميع "الأخوة" الأعضاء

[M Mido]

الفاضل M Mido

مداخلاتك بعد مداخلة فريق الإشراف يمكن أن تعتبر إصرار على المخالفة ..

أنا أوجه لك هذه المداخلة بصفتى عضو من حقى التحاور مع باقى الأعضاء .. ياسيدى الفاضل .. أرجو أن نتفهم جيدا تنبيه فريق الإشراف ، وحرصه على تهيئة جو هادئ للحوار المثمر ..

أعتقد أن توجهى معروف ، وهو رفض تطبيق بعض الأعراف المستوردة على المجتمع المصرى دون أن يكون هذا التطبيق موافقا عليه من المجتمع .. ومعروف أننى أعتبر بعض الأعراف المنسوبة إلى الإسلام هى من قبيل العادات والتقاليد ولا علاقة لها بالدين .. ومعروف أيضا أن هناك كثير من الأخوة الذين يعارضوننى فى هذا .. وأنا أحترم رأيهم ، وأقول إن رأيى صواب يحتمل الخطأ .. وأتوقع منهم أن يبادلونى نفس الاحترام لرأيى المختلف عن رأيهم .. وأستاء ممن يتعدى حدود الاحترام المتبادل ..

أنت حر يا أخى في رأيك ، حرية بلا حدود .. وحر فى التعبير عن رأيك هذا ، ولكنها حرية غير مطلقة ، بل مقيدة بحرية الآخرين ، وبعدم الإساءة إليهم ، وبالإطار الذى اتفقنا على التعبير فى حدوده .

لك الحرية فى المناداة بعدم تطبيق ما يطبق فى بلد آخر على بلدك .. فهذا شأن مصرى يمكن النقاش فيه .. ولكن ليس من اللائق أن تسئ إلى ضيوفك الذين نعتبرهم منا ، كما يعتبروننا منهم ..

تحياتى لجميع "الأخوة" الأعضاء

انا بعتذر لادارة المنتدى لو كان في تجاوز في مشاراكاتي، انا بس كنت عيز اوضح نقطة البعض ممكن مكنش شايفها ، و تحياتي ليكم.

[عبير يونس]

عموما أحب أوضح نقطة مهمة

انا معظم عمري عايشة في السعودية معظم عمري سواء مع أهلي أو مع زوجي و عادي جدا بأضع رقم تيلفوني في سيفيهات كتير جدا

واتعاملت في العمل مع رجال سعوديين كانوا عارفين رقم تلفوني و بصراحة عمري ما تعرضت لمضايقات

أم معاها أبناءها

و واحدة قاعدة بتنتقدهم

تقوم الأم تشخط في ولادها

وتبرأ لهم... فضحتوني!!!

دي فعلا نقطة مهمة و انا توقعت كده بس اتحرجت اسئلك وعشان برضه متفهميش سؤالي انه تشكيك في مصريتك او وطنيتك، بس طبيعي انك تكوني عشتي طول حياتك في السعودية عشان تدافعي عنها بالشكل ده، لان كلامك و دفاعك مش دفاع اجنبي او عربي عن السعوديةلكن دفاع واحد عن بلده، فحضرتك بتعتبري السعودية بلدك او على الاقل بلدك التاني.

ودي حاجة كويسة برضه لانها بتوضح ان المصري اصيل ووفي و عنده اخلاص وان لما حد بيعمل معاه خير مش بينساه، عكس ناس تانية بتاكل و تنكر و كل واحد عارف نفسه كويس.

بس ايه حكاية الام و بناتها دي، يعني المفروض لو في ام للعرب فهي مصر لانها اصلا ام الدنيا، دا غير ان ام العرب او جدتهم مصرية "السيدة هاجر".

أكيد يافندم يشرفني الدفاع عن الحق أولا

ثم الدفاع عن بلد أعتبرها بلدي الثاني ثانيا

بس يافندم أنا ما بأدافعش

أنا بأرد بحقائق

أنا فعلا رغم كل اللي الناس بتحكيه و اللي يمكن سمعته من ناس أعرفهم كويس

و اللي كتير ضايقني اللي حصل لهم

فالسعودية لم تقدم لي شخصيا الا الخير في كل مراحل حياتي

و ان كنت أرى من تم ظلمه من بني جلدتي

الا انني لم أعامل لا أنا ولا أسرتي إلا بكل احترام وتقدير

لأنني - كما قال الأخ الفاضل بريزيدنت- مقيمة قانوني و بشكل سليم فلم اتعرض لأي مضايقات من أي نوع و لله الحمد

و الحمد لله اعتبر نفسي سفيرة لمصر هنا

فكل من يتعامل معي بفضل الله يعرف الوجه الحقيقي لمصر الغالية

و يعرف جيدا ان من يثير الشغب أو يظهر سوء الخلق من أي شعب دائما ما يكونون شرذمة قليلون

أكيد السعودية زيها زي أي بلد فيها سلبيات وحاجات تضايق

لكننا لا يجب اطلاقا أن نعمم الخلق السيء من أفراد على شعب بأكمله

أو أن نصم دولة بأكملها

بالنسبة لصورة الأم اللي بتشخط في ولادها و يمكن تضربهم كمان

لأنها بتعمل حساب كبير لرأي الناس فيهم

و اعتقد ان معظم الأمهات المصريات كده

لما حد يوجه نقد لولادها

بتتحمق و بدل ما تدافع عنهم

بتعاقبهم!!!

و ده موقفنا دايما كمصريين

مش عارفة ليه

فاكرين اللي حصل في الجزائر

و البهدلة اللي شفناها؟؟؟

كان في مصريين مننا فينا بيجلدونا و يتهمونا بأبشع الاتهامات و كأننا نحن الجناة!!!

و يحاولوا يجدوا عشرات المبررات للي حصل لنا

و ده نفس المنطق للمناقشات اللي بتتم في التوبيك ده

احنا عمالين نجلد السعودية ونتهمها بتشويه الإسلام بسبب حكم الجلد تعزيرا اللي أصدره القاضي في قضية فتاة الجبيل

عشان عاملين حساب للغرب اللي بينتقد الإسلام ليل ونهار

بالنسبة لي كأم

لو حد انتقد ولادي

عمري ما أهزأ ولادي قدامهم

و حسب الشخص اللي قدامي

لو بينتقد للمصلحة حأشكره

و لو بينتقد للنقد حأتجاهل كلامه و لا كأنه اتقال

و أكيد حأوجه ولادي للصح بحنان و تفهم وحرص على مصلحتهم

دون تجريح أو توبيخ يصل لحد الإهانة

تحياتي

:blush2:

[M Mido]

الا انني لم أعامل لا أنا ولا أسرتي إلا بكل احترام وتقدير

لأنني - كما قال الأخ الفاضل بريزيدنت- مقيمة قانوني و بشكل سليم فلم اتعرض لأي مضايقات من أي نوع و لله الحمد

ياريت متقنعنيش ان العرب او المصريين اللي بيتعرضوا هناك لمضايقات و اكل حقهم هم فقط اصحاب الاقامات الغير قانونية، يعني دي هتبقى واسعة شوية.

وبالنسبة للاجانب و الصورة بتاعتنا و بتاعت الاسلام، فلما هما يزعلوا ان مثلا القاتل بيقتل عندنا او الزاني بيجلد عندنا عشان دينا بيقول كده فاحنا مش هنقولهم غير ان ده دينا و دي قواعدنا، لكن اما يكون حكم مش في الاسلام ويطبق باسم الاسلام ويكون بالقسوة دي، هنا الصح اننا نصلح الصورة.