محنة الهوية المصرية

[بنت شعنونة]

معلش الله يرضى عليكم

اصل انا فهمي على قدي

ف خدوني على قد عقلي

بعد 6 صفحاااااااااااااااااات من الموضوع دا

انا مصرية فرعونية؟

اوا انا مصرية عربية؟

او انا مصرية مسلمة؟

او مصرية مسيحية؟

معلش يعني

استفدنا ايه من كل "المسميات " دي بالصلاة على النبي كداااااااااا؟؟؟؟؟!!!!!!!!!!!! :o :huh: :lol: stnd:: :o

والا بلاش

ها تفرق في ايه سواء انا طلعت فرعونية والا عربية والا حتى شجرة الدر شخصيا!!!!!!

معلش اصل انا قريت الخناقة يييييييه قصدي الموضوع دا كله وفجأة اكتشفت اني ما طلعتش بجملة مفيدة واحدا؟

حد ممكن يفيدني!! :o :o

[إبن مصر]

فى ما اعتقد انا به شخصيا يا شانا ستجديه فى مداخله صغيره جدا .

انا

مصرى

عربنى

الاسلام

وشكرا

ابن مصر

[عادل أبوزيد]

أتفق بالكامل مع الفاضلة شعنونة

فعلا - مع إحترامى للجميع - الموضوع فراغ يصب فى فراغ تماما كمحاورات بيزنطة القديمة تناقش لاشئ لتصل ل لاشئ.

أدعو كل من شارك فى هذا الموضوع أن يعيد قراءته و يتسائل بينه و بين نفسه أحقا كنت جادا فيما أقول ؟ أحقا أنا متمسق بما قلت ؟ أحقا لو تم فتح الموضوع أكرر نفس الموضوع و لكن بعنوان آخر هل سآخذ نفس وجهات النظر ؟

لن أستطرد فالموضوع - كما تم فعلا - ينطبق عليه علم لا ينفع و جهل لا يضر

[Mohammad Abouzied]

على كدا نقفل الموضوع افضل عموما فيه اكثر من موضوع عن القومية العربية بين ناقض ومويد في باب الثقافة والعلم ومنهم من يثبت بالدليل القاطع ان مصر اصلها عربي بل هي اصل العرب فعلا

[عصام]

إستفتاء - محنة الهوية المصرية

[Scorpion]

رجاء يا كوتش..

هل نرجأ غلق الموضوع الي ما بعد رؤية نتيجة الأستفتاء الذي تفضل و قام به الفاضل أسو... أو غلقه مؤقتآ لمدة 3 أيام المدة الكافية لقيام الأعضاء بوضع أصواتهم.. علي أن يعاد فتحه لمناقشته علي ضوء نتيجة هذا الأستفتاء...

و شكرآ سواء كان ردكم بالنفي أو الأيجاب....

بس علي فكرة موضوع ال5% دي جبتها منين..

[عصام]

أو غلقه مؤقتآ لمدة 3 أيام المدة الكافية لقيام الأعضاء بوضع أصواتهم.. علي أن يعاد فتحه لمناقشته علي ضوء نتيجة هذا الأستفتاء...

موافق 100% ...إقتراح جيد جدا

ألا بالمناسبة....فين الأخ "بانجومان" صاحب البمبة..قصدى الموضوع؟ غريبة...كل ده مستنى علشان يقول خواطره؟...طب علشان خواطرى انا قول حاجة!!

تم تعديل 11 فبراير 2004 بواسطة esssothegreat

[Scorpion]

يا عم أسو ما حدش مصدقني... ده عريس جديد... يعني ليه طلعة كومبيوتر واحدة في الأسبوع... هما ربع ساعة هوا.... يفضل يقول عطشااااااااااااااااااااااااان.. تقوم المدام تحن عليه و تديله الأذن..

أسألوني أنا خبرة 14 سنة و ست أشهر و 9 أيام جواز....

أقطع دراعي أن ماكانش حيتخض لما يشوف الموضوع بتاعه أتطور لغاية أيه.. و كمان عملوله أستفتاء...

تم تعديل 11 فبراير 2004 بواسطة Scorpion

[Mohammad Abouzied]

رجاء يا كوتش..

هل نرجأ غلق الموضوع الي ما بعد رؤية نتيجة الأستفتاء الذي تفضل و قام به الفاضل أسو... أو  غلقه مؤقتآ لمدة 3 أيام المدة الكافية لقيام الأعضاء بوضع أصواتهم.. علي أن يعاد فتحه لمناقشته علي ضوء نتيجة هذا الأستفتاء...

و شكرآ سواء كان ردكم بالنفي أو الأيجاب....

بس علي فكرة موضوع ال5% دي جبتها منين..

انت تأمر يا سكوب الادارة كلها بتشكر فيك

على فكرة انت اهلاوي ولا زملكاوي mfb:

موضوع الخمسة في المائة دا من التقرير السنوي للمخابرات الامريكية ومش عارف قرأتها في بحث عن هجرة المصرين للدكتورة مصرية المهم الي تحت ايدي هنا اللينك بتاع المخابرات الامريكية

علما دا مش تقليل من الشأن لان النوعية وليس الكمية هي المطلوبة يعني خمسة في المائة لها ولاء للبلد خير من ستين في المائة ملهمشي ولاء لبلدهم ولاأهلهم

http://www.cia.gov/cia/publications/factbo...ok/geos/eg.html

المعيار للولاء يا سكوب وعلشان كدا انا ارى التفكك المستمر لن يفيد بلدنا ابدا ولن تنفعنا امريكا ولا اوربا ولن تكون لا في صف دول ولا في دول بل ها تكون في صف نفسها فقط

وانت عندك مشكلة لبنان كل دولة لعبت دور على حساب طائفة وعند تضارب المصالح في حرب الخليج الثانية كل حاجة كانت قابلة للبيع بغض النظر لمصلحة الطوائف التي تتلقى دعم منهم من قبل

[Scorpion]

الادارة كلها بتشكر فيك

استر يا رب ... و النبي يا كوتش بلاش الجملة دي... عندنا هنا بتكون تمهيد للرفد.... mfb:

[عصام]

يا عم أسو ما حدش مصدقني... ده عريس جديد... يعني ليه طلعة كومبيوتر واحدة في الأسبوع... هما ربع ساعة هوا....  يفضل يقول عطشااااااااااااااااااااااااان.. تقوم المدام تحن عليه و تديله الأذن..

أسألوني أنا خبرة 14 سنة و ست أشهر و 9 أيام جواز....

أقطع دراعي أن ماكانش حيتخض لما يشوف الموضوع بتاعه أتطور لغاية أيه.. و كمان عملوله أستفتاء...

بينى وبينك بس يا سكوربيون (هات ودنك كده!!) أنا قفشته امبارح فى باب الكمبيوتر والأنترنت mfb: ساعة ما الدنيا كانت مولعة هنا فى الموضوع ده....الظاهر إن عنده تعليمات :blink: بالبعد عن المسائل اللى بتفور الدم :blink:

[إبن مصر]

الادارة كلها بتشكر فيك

استر يا رب ... و النبي يا كوتش بلاش الجملة دي... عندنا هنا بتكون تمهيد للرفد.... mfb:

ليه ان شاء الله

انت فاكر نفسك مالكش ظهر والا ايه ..

لا اوعى ... انت محمى يا ريس taz:: taz::

ابن مصر المفترى :blink:

[White heart]

Scorpion كتب:

...ما حدش مصدقني... ده عريس جديد... يعني ليه طلعة كومبيوتر واحدة في الأسبوع... هما ربع ساعة هوا.... يفضل يقول عطشااااااااااااااااااااااااان.. تقوم المدام تحن عليه و تديله الأذن..

أسألوني أنا خبرة 14 سنة و ست أشهر و 9 أيام جواز....

أنا مصدقك ... بس دي حلها بسيط ....

انا لو مكانه أقنع المدام تشترك معايا فى المحاورات ....

وساعتها هاتشوف انهم هما الأتنين هايتواجدوا 24 ساعة فى ال24 ساعة، و يا سلام بقى لو عمل أى غلطه فى البيت، ساعتها فى موضوعنا دة مثلا ممكن تلاقيه بيقول: أيوة احنا أقباط، و تلاقي بعديه على طول مداخلة بتقول: لأ احنا أصلا: Ha-Ka-Ptah أو KIMI وطول عمرنا بنتكلم لغه واحدة و اتطورت زيها زى أى لغه من الهيروغليفيه، للهيراطيقية (أى الخط الكهنوتي)، الى الديموطيقية (أى الكتابه الشعبيه أو الكتابه الخاصه بالأمور الدنيوية) و أخيرا الى القبطيه و التى كانت تكتب بخطوط معقدة و ربما لهذا السبب فضلوا أن يتحولوا الى كتابه لغتهم بالحروف اليونانيه بعدما أضافوا لها بضعه حروف مشتقه من اللغه الهيروغليفيه لتمثل الأصوات التي لا توجد في اليونانية .... هذا بجانب ان بلدنا كانت فى هذا الوقت محتله من قبل اليونان و كانت اللغه اليونانيه هى لغه الثقافه و الأداب و الفنون حينها مما يفسر سبب أختيار الأقباط للحروف اليونانيه دونا عن غيرها خاصه و انهم كانوا قد تعرفوا على تلك الحروف و أحتكوا بها، و هذا اجراء اتبعته دول عديدة و فى دول مختلفة و لأسباب أيضا مختلفة .... و ليكن تركيا على سبيل المثال.

أظن حل ما فيش أحسن منه، دة غير انه لو الثنائي دة انضم للمنتدى .... هايكسر الشاشة الصغيرة و الكبيرة.. cr((:

[Mohammad Abouzied]

Scorpion كتب:

...ما حدش مصدقني... ده عريس جديد... يعني ليه طلعة كومبيوتر واحدة في الأسبوع... هما ربع ساعة هوا.... يفضل يقول عطشااااااااااااااااااااااااان.. تقوم المدام تحن عليه و تديله الأذن..

أسألوني أنا خبرة 14 سنة و ست أشهر و 9 أيام جواز....

أنا مصدقك ... بس دي حلها بسيط ....

انا لو مكانه أقنع المدام تشترك معايا فى المحاورات ....

وساعتها هاتشوف انهم هما الأتنين هايتواجدوا 24 ساعة فى ال24 ساعة، و يا سلام بقى لو عمل أى غلطه فى البيت، ساعتها فى موضوعنا دة مثلا ممكن تلاقيه بيقول: أيوة احنا أقباط، و تلاقي بعديه على طول مداخلة بتقول: لأ احنا أصلا: Ha-Ka-Ptah أو KIMI وطول عمرنا بنتكلم لغه واحدة و اتطورت زيها زى أى لغه من الهيروغليفيه، للهيراطيقية (أى الخط الكهنوتي)، الى الديموطيقية (أى الكتابه الشعبيه أو الكتابه الخاصه بالأمور الدنيوية) و أخيرا الى القبطيه و التى كانت تكتب بخطوط معقدة و ربما لهذا السبب فضلوا أن يتحولوا الى كتابه لغتهم بالحروف اليونانيه بعدما أضافوا لها بضعه حروف مشتقه من اللغه الهيروغليفيه لتمثل الأصوات التي لا توجد في اليونانية .... هذا بجانب ان بلدنا كانت فى هذا الوقت محتله من قبل اليونان و كانت اللغه اليونانيه هى لغه الثقافه و الأداب و الفنون حينها مما يفسر سبب أختيار الأقباط للحروف اليونانيه دونا عن غيرها خاصه و انهم كانوا قد تعرفوا على تلك الحروف و أحتكوا بها، و هذا اجراء اتبعته دول عديدة و فى دول مختلفة و لأسباب أيضا مختلفة .... و ليكن تركيا على سبيل المثال.

أظن حل ما فيش أحسن منه، دة غير انه لو الثنائي دة انضم للمنتدى .... هايكسر الشاشة الصغيرة و الكبيرة.. cr((:

برضه لغة ميته وملهاش مكان حاليا وتضيع الوقت فيها حرام ومش هايفيد ابدا والافضل تتعلم فرنساوي ولا الماني ولا روسي مع العربي يمكن يكون له مردود

[White heart]

من المدهش حقا أن هناك لغات كثيرة حول العالم .. يعتقد الكثيرين انها ليست لغات حيه، و مع ذلك نجد انها تدرس فى جامعات و مدارس دولها من قبل أن تدرس خارجها ... كلغه الRomainch على سبيل المثال و ليس الحصر، و هى اللغه الخاصه بسكان سويسرا الأصليين .... (و الذين يدرسون 3 لغات بجانبها) فلم نسمعهم يوما يتسائلون عن الفائدة من وراء تعليم تلك اللغه أو المردود الأقتصادي من ورائها!!!، و لماذا يتعلم صغار البلجيك منذ طفولتهم اللغتين الفرنسيه و الفلامنجيه، (و ليس الهولنديه التى تختلف عنها) وهناك أمثله أخرى حول العالم ..

المؤسف أن لغتنا الأم و ثقافتنا تدرس فى الخارج و لا يعلم أبنائها عنها و عن تاريخها شيئا!!!

و النتيجه أفواة فارهه عند سؤال أبناء دول أخرى عن لغتنا و ثقافتنا، و المحزن أن يتطوع أحدهم فى تعريفنا ما نجهله ... و لا مانع من الأستعانه بخبراء أجانب فى المستقبل لتعليمنا ما نجهله عنها، كمجالات أخرى كثيرة كنا فيها فى يوم من الأيام عباقرة ... و اليوم ؟؟؟؟

تم تعديل 12 فبراير 2004 بواسطة White heart

[إبن مصر]

يا عزيزى المقارنه هنا غير سليمه فنحن هنا كمن يقارن التفاح بالطماطم.

فكم عدد اللغات الموجوده فى اوروبا؟

بتعداد دول اوروبا ستجد هناك لغات...بالمفهوم الكامل للغه اى حروف مستقله وكتابات مستقله واصوات مستقله......ستجد على سبيل المثال لا الحصر

الانجليزيه

الفرنسيه

الالمانيه

التشيكيه

الروسيه

الاوكرانيه

البانيه

رومانيه

سلوفاكسه

بلغاريه

بولنديه

صربيه

اسبانيه

برتغاليه

الى جانب اللهجات المختلفه!!!!!!!!!!!!

اما فى محيط الوطن العربى ولا بلاش الوطن العربى... الشرق الاوسط

فكم لغه بمفهوم اللغه واخد بالك.....

العربيه ( بلهجاتها المفهومه من الجميع )

هل هناك لغات اخرى؟؟؟؟؟؟؟؟؟

اذا فما ينطبق فى اوروبا لا ينطبق هنا يا عزيزى حتى تكون المقارنه مقنعه للقارىء علىالاقل

وشكرا

ابن مصر

[R.M.G.]

لم و لن تنجح أى دولة تبنى أو بنيت على أى نظام ديني ... بل نجحت الدول التى فصلت تماما بين الدين و الدولة .... بين الدين و السياسة

معلهش ان امكن سؤال:

وهل نحن دولة متقدمه؟السنا فاصلين للدين تماما عن الدولة؟السنا فاصلين للدين تماما عن السياسة؟

ثم سؤال آخر ماهو المقصود بالقصل وأي شيئ من الدين يجب فصله؟الشعائر كالصلاة والصيام والحج؟طب ماهي مفصولة بطبيعتها ام الأخلاقيات فنقول ان المجتمع المتجرد من الفيم الأخلاقية هو مجتمع متقدم ام المقصود الأحكام والحدود أ ينقول ان القانون القرنسي مثلا أعدل واضبط وأحق بالأتباع من هذا الذي انزله الله!!سبحان الله وتعالى عن ذلك علوا كبيرا

معذرة أرجو الأيضاح

[White heart]

لقد نسيت يا عزيزى .. أن تضيف أن معظم تلك اللغات التى تفضلت و ذكرتها مشتقه من اللاتينيه!!! (واخد بالك)؟ و أن ودت عدت لك أيضا اللغات الموجودة فى قارة أفريقيا، مثلما أنت تفضلت بالنسبه لقارة أوروبا.

ثم أنا أتحدث عن المبدأ ... لغه حيه أم لا ... موجودة أم أختفت و أندثرت .... سواء هنا أو هناك ... تدرس لديهم أم لا تدرس؟؟

هذا فقط حتى تكون المقارنه مقنعه للقارىء علىالاقل...

و شكرا

وايت هارت

[Mohammad Abouzied]

المهم ان لغات اوربا كلها من اصل لتيني ومفردات اللغة ممكن تلاقيها مشتركة في عدة لغات عندهم حتى الانجليزية وهي تقريبا السائدة في اوربا يوجد اكثر من 35% من مفرداتها مشتركة مع اللغات الاخرى وسهل على الاوربي ان يتعلم اكثر من ثلاثة لغات اوربية

لكن عند دراسة اللغات الشرقية وهي الاوردو والفارسي والعبري والعربي من السهل برضه تعلمهم لوجود عامل مشترك بينهم وهو المفردات

وقد قابلت يهود روس رجعو بلادهم في روسيا واكرانيا بسبب تعلم اللغة العبرية في حين اليهودي الشرقي سواء من ايران او من الدول العربية سهل عليه استيعاب اللغة العبرية بسهوله تامة

اما لغتنا القبطية التي تتكلم عليها يا عزيزي وايت هارت عفا عليها الزمن وانتهت وجاءت في وقت غلط فهي لا تعني اي شئ فهي ليس لغة مقدسة كتب بها الانجيل مثلا ولا هي لغة المسيح نفسه بل هي خليط من اليونيانية والهيروغليفية والذي يشترك معها فقط في المفردات هي اللغة البربرية والنوبية ويوجد قرية صغيرة في جنوب لبنان لازالت تتحدث بها للأن ولا تعرف كيف تكتب من اصله ولا تنم للأنتماء باي شئ عندهم

لان الدين المسيحي اصلا غير مرتبط بها لا من قريب ولا من بعيد بس حظها كدا

[White heart]

R.M.G. كتب:

.....السنا فاصلين للدين تماما عن الدولة؟السنا فاصلين للدين تماما عن السياسة؟

ان كنت أنت محايد و صادق و عادل .. فستجيب على هذا التساؤال من نفسك....

كنت أود أن أعدد لك خطأ ما تعتقد من وجهه نظري ... و لكن كما ترى لقد كتب لى بالأحمر من ناحيه ... و اسئ الظن بي من ناحيه اخرى من على شاكله "يستشف"... و لا أريد أن أظهر فى صورة الغير متعاون مع الأدارة ... علاوة على ان تساؤلك هذا موضوع أخر تماما أقترح عليك الرجوع الى موضوعات قديمه مختلفة كنا قد تناولنا فيها هذا التساؤل ... و لنبقى فى هذا الموضوع حول الهويه .... هل أنت قبطي أم مصري عربي؟

(كلمه فى ودنك خبطتين فى الراس توجع)..