خمسة عتاب!!

[فــيــروز]

تم إغلاق الموضوع بمعرفتى  :D  :o  :unsure:

حشيش (مرشح لتولى الإشراف خلفاً للمغفور لها فيروز :unsure:)

ده مصمم :P

طيب يا حشيش حيث انك مصمم انى مره المغفور لها ومره المرحومه فيروز هاضطر اكتب وصيتى زى ما بيعملوا بره و اسيب لك كرسى الاشراف :D معمول عموله وحياتك :)

[Mohammad Abouzied]

عفوا يا استاذ محمد

انا باحترم حضرتك جدا ولا ادرى لم تعتبر اختلافى معك فى الراى قسوه عليك !! شئ طبيعى جدا ان نختلف فى الراى امال احنا جايين المنتدى نعمل ايه !! وده بالرغم من اختلافنا سابقا فى موضوعات اخرى فما الذى جد !!

انا حتى لم اعتب عليك انك قلت على لسانى جمله للاخ سيد مرزوق انا لم اقلها اصلا و اعتبرت الموضوع من قبيل السهو !! اما ان اقول ان بعض الموضوعات تحذف اظن انى اعطيت مثال على هذا الامر لمدام سيده حين قلت حضرتك انى باتهم الاداره كالعاده !! كما انى لم اقل ان حضرتك تحديدا من تحذف الموضوعات و اظن اننا متفقون على ان الاداره بالنسبه للاعضاء كيان واحد !! لم اقل اطلاقا انك من تقوم بحذف الموضوعات !! قلت ان الموضوع يحذف "بضم الياء" يعنى مبنى للمجهول !!

الحقيقه مش عارفه اقول لحضرتك ايه عشان اثبت حسن نيتى وان اختلافى معك فى الراى لا يعنى اطلاقا نقص احترامى لك !! والله العظيم اليوم كنت احادث بعض الاعضاء فى المنتدى وقلت لهم انى خايفه حضرتك تفهم اختلافى معاك غلط !! وواضح انه حصل فعلا

طبعا انا مقلتشي ان الكلام دا كان على لسانك وطبعا الي قاله عارف نفسه وحتى كلامي كان عام زي ما بتقولون ويمكن اللغة العربية عندي ضعيفة جدا حتى الاساذ عادل ها يديني انذار على اخطائي الاملائية ولكن عزائي ان الكل عارف انها اخطاء غير مقصودة وعارف كمان انك حسنه النية علشان كدا برد على بعض المداخلات لتصحيح افكار فقط انا واثق ان قلة الخبرة والتشويش الاعلامي من صحافة وتلفزيون يمارسها على جميع المصريين في مصر

واتمنى انك متزعليش مني اذا اخطأت او احدديت في ردي معاكي فانتي لازلتي بنتي وانا بعتز بكدا

[Guest Mohd Gramoun]

إذا كان الموضوع كما صور البعض هو عملية زعل.... السؤال هو ... اللي زعلان ...زعلان من فلان و لا زعلان علشان فلان؟؟؟

لازلت امر بتلك الحالة النفسية اثر حواري مع ايجيبت فايف و التي اثرت علي تواجدي بالمنتدي و لازلت افضل الإقلال من المشاركات و البعد عن المدخلات في مواضيع معينة حتي يزيل الله تلك الغمة ...

أتمني أن يعود ايجبت فايف للمنتدي ولكن أتمني أن يعود لجادة الصواب قبل عودته هنا.

اتمني ان يفرج الله كرب الحمزاوي و يعود للمنتدي و اتمني لكل عضو أن يشارك بإستمرار ملتزما بقواعد المنتدي والا يخل بها و أن يكون علي مستوي المسئولية و ان يحترم الدين الإسلامي بعيدا عن المشاركات العلمانية الإستفزازية او المشاركات البدعية المضللة أما بالنسبة لغير المسلمين فوجودهم هنا ضروري و هو إنعكاس لشراكتهم في الوطن

تم تعديل 10 فبراير 2004 بواسطة mgramoun

[Scorpion]

الفاضل مجرامون...

بما أننا في قعدة تفاهم.... نفسي أعرف أيه المشكلة أنك تنطق بكلمة مسيحيين... أو نصاري... أو أقباط....ليه دايمآ كلمة الغير مسلمين (ده لما الغزالة بتكون رايقة معاك) و في جعبتك كثير من الصفات الأخري...... هو فيه غيرنا هنا.. يعني يا مسلمين يا مسيحيين..

هي حاجة تافهة جدآ... لكنها بتمس وتر حساس...

ليه.... صدقني مش قادر أفهم ليه ؟

تم تعديل 10 فبراير 2004 بواسطة Scorpion

[بنت شعنونة]

ما تتصوروووووووش قد اييييييه انا سعيدة جدااااااا والله بالخمسة حداد دوووووووول :) :P

ويااااااااارب بقيت الناس اللي زعلالالالالالالالالانة اللي انا عارفااااااااهم "سامعيييييينيييييي" :D :D .. يجيوا يتكلموا هما كمان

عشان قبل ما اسافر اكون صالحت الكللللللل يارب على بعض..

شوية كلام على جنب بقى..

استاذ محمد ابو زيد.. حضرتك بجد انسان فاضل جدااااا وكلنا بنحبه

لكن مادام ناس كتير حسيت بشوية قسوة في رد حضرتك عليهم يبقى اكيد في "شيء" متغير

زي ما بنطلب منهم يراجعوا موقفهم اكيد بنطلب من حضرتك ان حضرتك برضه تراجع نفسك وشوية نخلي بالنا من بعضنا كلنا :D

وشكررررررااا على سعة صدرك يا فندم..

كتاماندواااااااااا حمدالله ع السلالالالالالالالالامة

والله و الله واحشناااااااا جداااااااا جدااااااااااااا

يارب تفضل هنا على طولللللللل :D

سكوربيون اخي الغالي...

بجد ما تتصورش انا سعيدة قد ايه

ويارب يكون الكل زييييييك يارب

والكل قلبه يرتاح يارب

:o

يارب الباقي يصفي قلبه كمان

والله يرضى عليكم يا جماااااااعا

لكم دينكم ولي دييييييين

مسلم دين

مسيحي دييييين

يهودي حتى كمان دييييييييين

كلها منزلة من عند ربنا

لا المسلم ها يبقى مسيحي

ولا المسيحي ها يبقى مسلم

دعوا الدين لله فهوا فقط من يحاسب عليه..

والا ايه؟؟ :unsure: :unsure:

[Guest Mohd Gramoun]

سكوربيون

لاداعي لأن تحول دفة الحوار من مشاركة معنية بمن هرب او بمن انسحب او بمن تخلي او بمن طرد او بمن علق تواجده بالمنتدي إلي قضية مسميات...

انت نصراني و لست بمسيحي فالمسيحية انتهت بالإسلام و نحن كمسلمين اولي بالمسيح و بديانته الحقيقية من اي أحد، و سبق و أن كتبت كلمة الكافر و سبق ان كتبت النصاري و و سبق ان كتبت غير المسلم و كلهم سواء عند حديثنا عن اقباط مصر و الموضوع ليس موضوع غزالة او حصان.

الموضوع ان هناك مجتمع تكون هنا بغض النظر لعدم تعارف معظم الاعضاء علي حقيقة البقية و لكن هناك حالة من الإنسجام متوفرة و معظم الأعضاء متناغمين في تلك الحالة لذا ان عكر تلك الحالة بعض الخروج تسبب ذلك فيما ذكرت اعلاه من انسحاب او طرد..... فمن حق البعض أن يطالب بالصفح او بالسؤال او بالصلح او بالرجوع.

تم تعديل 10 فبراير 2004 بواسطة mgramoun

[DARWEEN]

عزيزتي الغاليه جدا جدا شعنونه ...

ياسلام لو كان الواد أبني كبير حبتين والله ماكنت سبتك تطلعي بره أبدا ... مش عارف أزاي تسمي نفسك شعنونه مع كل الشفافيه والحكمه اللي ربنا وهبهم لك

عزيزي أسكوربيون .... 100% موافق على كلامك

أخواتي وأخواني الأعضاء والمنسقين والمشرفين الحمر والزرق والخضر وكل الألوان

لن تهدأ النفوس قبل أن يتعلم الجميع أن العالم ألوان ولو تشابهت الأذواق لبارت السلع

الكل يريد أن يسود رأيه وتعم وجهة نظره على الجميع

الكل يريد الكل على دينه وعلى مذهبه ... الكل يريد الناس أن يأكلون مايأكل ويشربون مايشرب حتى يشجعون ناديه المفضل إن أمكن

أتكلموا بصراحه وأرفعوا حواجز المجامله والتكلف

أقبلوا الكل زي ماهو وناقشوه

ياناس لو تأفف الرسول من مناقشة الكفار ماآمن أحد

ياناس بطلوا تتناقشوا في الرسائل الخاصه علشان بتسبب

ياناس بطلوا تحطوا الناس فس قوالب جامده

ياناس مش كل من خالفك في رأي بقى عدوك

وحشني الطفشان ووحشني فري فري وزعلان على أيجبت خمسه

للأسف وضعي حاليا لا يسمح أن أقول أكثر من هذا أحتراما لأعتبارات متعدده

شكرا ياأميرة المنتدى على موضوعك وعلى شفافيتك وصراحتك وأخلاصك

[Scorpion]

الفاضل ماجرامون...

عندك حق... أنا اللي غلطان...غلطان أني حاولت... آسف

خلص الكلام..

حاستلفها لأول الشهر يا أستاذ شريف...

[Guest Mohd Gramoun]

نرجع لأصل الموضوع

ممكن يتكرم احد الزملاء بعمل قائما بالغائبين بيان اسباب غيابهم....

بالتالي يتم :

* دعوة المتغيبين لظروف شخصية عن طريق ادارة المنتدي بمراسلتهم و بيان إن كانوا قد قاموا بالرد ام لا...و هل تسمح ظروفهم بالتواجد ام لا.

* دعوة المنسحبين للتواجد مع مناقشة اسباب انسحابهم في إطار قواعد المنتدي.

* مناقشة إدارة المنتدي بشان الموقوفين او المطرودين ( وأعتقد ان هذا الموضوع قائم فعلا)

[بنت شعنونة]

استاذ مجرمون

معلش انا ها اقاطع حضرتك بس في كلمتين :angry:

الأولى ان غرضي من الموضوع دا اني اصفي النفوس بين المتواجدين اصلا في المنتدى

وحضرتك اضفت اليهم الناس الغائبين

خير وبركة :angry:

ويااااااااااارييييييييت نعرف اسباب تغيبهم يبقى كسبت فينا ثواب.. :angry:

الجزء التاني

اسمحلي ارد بالنيابة عن اخونا سكوربيون

لآني حسيت ان حضرتك لم تعر بالا لرده او مداخلته الخاصة بحضرتك :angry:

وعلى قد فهمي اسمحلي ارد يا استاذ سكوربيون

بصفتي مسلمة يا اخي مجرمون

نبينا صلى الله عليه وسلم قال.. الكلمة الطيبة صدقة

ولم يحددها ان كانت لمسلم او كافر

هذا غير ان النبي لم يعاير احدا على غير دينه حتى "الكفاااااار"

"انك لا تهدي من احببت ولكن الله يهدي من يشاء"

دلوقتي ايه يحصل لو منعنا الكلام في غير دينا؟

والا بلاش

حضرتك دلوقتي اذيت مشاعر انسان اخر بوصفه كافر!!

وهوا في دينه ممكن هوا كمان يسميك ويسميني انا كمان كفار "من وجهة نظر الدين الأخر"

طب ليه نجرح في بعض اذا كانت اديانا تأمرنا بحسن الخلق!!

ارجوك يا استاذ مجرمون

لنتعامل بديننا وكما لم نرى ما يسوؤنا في ديننا من غيرنا اعتقد انه يجب ان نعامل الغير بالمثل..

ياترى حضرتك فهمت قصدي استاذ مجرمون؟ :angry:

عمي الغالي دارويييين

بجد بجد انا في منتهى السعااااااااادة

وليييييييك مني مواضيع حواااااااااااار صرييييييح جدا جدا كلللللللل اجازة

بس هاتوا الأمن المركزي يحوووووووش :angry: :angry:

[Katamando]

فعلا الكلمة الطيبة صدقة

وممكن أقول رايي بدون زعل

يمكن اللي مزود احساسنا بشدة هجوم الأخ ماجرمون الرمز اللي هو مختاره بيفكرني بواحد من بتوع حركة طالبان وهو بلقي خطبة شديدة الحماسة وعمااااااااااااال يخبط بإيده على المنصة يمكن يكون ده مفزع بعض الشئ

لكن ما تزعلش أنا باقول رأيي ولك الحق أن تقبله أو ترفضه ..................بس والني بالراحة من غير ضرب

[عادل أبوزيد]

إبنتى الفاضلة شعنونة

الأعضاء الفاضل

منذ تقريبا ثلاث سنوات كتبت الفاضلة أميرة خليل موضوع بعنوان "أنا زعلانة مننا" و كان العنوان غريبا و لكنها كانت تقصده ..

وقتها مرت محاورات المصريين بفترة ركود و كان فى موضوع أميرة التشخيص السليم ... قالت ما معناه أن الموضوعات و المشاركات فى محاورات المصريين تجذبنا للقراءة ثم القراءة ثم القراءة و فى خضم إنشغالنا و إستمتاعنا بالقراءة ننسى أننا نحن الذين نفرز هذا الرحيق و ليستمر إستمتاعنا بهذا الرحيق علينا أن نستمر فى إفراز العسل !!!

أذكر فى الأيام الأولى لظهور برمجيات ال bulletin boards فى الثمانينات كان هناك شرط المساهمة فى الموقع لأجل إستمرارك فيه.

فى موضوع موضوع كتبت أن الهدوء أو قل عدم النشاط فى محاورات المصريين يرجع إلى أوائل أبريل الماضى أو تزامن مع حرب العراق .. و هذا الركود موجود فى كل وسائل الإعلام فى المنطقة العربية بالكامل بل وصل الأمر إلى الأنظمة نفسها رجاء مراجعة موضوعى عن تداعيات التحول لعالم القطب الواحد.

محاورات المصريين مسئولية الجميع و إسمحوا لى أن أكرر رأى أميرة خليل بل علينا أن نشعر بإلتزام ناحية القارئ - بهذه المناسبة الفاضل رجب تسائل فى باب الكومبيوتر عن برامج KAZA & Edonkey و لم يتفضل أحد بالرد عليه و أنا ألوم نفسى بهذا الصدد.

هناك جهد مكثف يبذل من أجل إثراء المحاورات :

الفاضل لانسلوت كان معى من أيام و معه الآن كل الأوراق التى نوقشت فى مؤتمر الإصلاح البرلمانى الذى جرى فى جامعة القاهرة فى الصيف الماضى و هذه الأوراق مجمعة فى كتاب 1200 صفحة و لم يكون الحصول عليه سهلا و قد أخذ على عاتقه عرض أجزاء منه من أجل تفعيل و تنشيط باب النموذج البرلمانى.

تقرر أن نعد نشرة دورية لم نحدد بعد إذا كانت شهرية أو أسبوعية نضع فيها نبذة عن الموضوعات الهامة التى أثيرت فى المحاورات فى المدة السابقة و هذا يمثل جهدا كبيرا و ربما نطلب مساعدة من البعض فى الصياغة.

بالنسبة للنقل من مواقع أخرى فتحنا اليوم موضوع يضع بعض الضوابط له و هذا يصب بالضرورة فى إثراء المحاورات.

طلبت من الأطباء المشاركين قراءة موضوع مذكرات طبيبة لأنى أشعر أننا قد يمكننا عمل شئ أو إقتراح بالنسبة لما تواجهه فى مستشفاها

فى محاورات المصريين الأصل المشاركة و المشاركة الجيدة و الرد على الموضوعات القائمة بدون خروج عن الموضوع و فتح موضوعات جديدة لإثراء المحاورات هذا هو الدور الأساسى الذى يجب أن نهتم به

صدقونى لو قام كل منا بدوره لن يجد وقتا للتفكير أو التشكك فى أن فلانا زعلان منه أو تسبب فى زعله.

أرجو ألا أكون خرجت عن الموضوع الأصلى و أرجو أن أكون نجحت فى تقديم بعض التفسيرات لما يبدو هدوء غير مبرر فى محاورات المصريين

أشكر الفاضل سكوربيون على مداخلته اليوم فى موضوع الهوية المصرية حيث قام بوضع الكثير من النقاط على الحروف ..

و أنتهز هذه الفرصة و أدعوكم للمشاركة - أو تصفح - موضوعين لهم أهمية

الأول عن الزفة الإعلامية التى صاحبت موضوع سقوط العمارة أظنه فى المناقشات العامة و الموضوع الثانى و الذى أرى أنه سيفرض نفسه علينا شئنا أم أبينا هو موضوع دعوة الرئيس بوش لدمقرطة الشرق الأوسط

و تحياتى للجميع

[DARWEEN]

عزيزي الأستاذ عادل ...

أنا آسف جدا للي حاقوله معلش بعد إذن حضرتك

يعني أنا شايف أن لازم نسيب الناس تتكلم يمكن جواها مشاكل أنا و حضرتك غيرنا وش ملمين بيها

لكن مداخلة سعادتك كده بتقفل الباب على أي حد عاوز يتكلم ويقول رأي

يعني نفهم من كده ان كل حاجه تمام والأعضاء كلها مبسوطين وفرحانين ؟؟؟

إذا كان هذا عن علم أكيد فأعذرني فأنا لا أعلم هذا وحضرتك أدرى طبعا وإن كان إستنتاج فأنا شخصيا أعلم أنه هناك ناس عندهم قلق ومش مرتاحين وما بيكتبوش ومش بيتكلموا وبيسكتوا

عاوزي نسمعهم أوكي مش عاوزين أقفلوا موضوع شعنونه وشيلوه من هنا

والسلام عليكم

[بنت شعنونة]

:angry:

تم تعديل 11 فبراير 2004 بواسطة بنت شعنونة

[Mohammad Abouzied]

هو الاستاذ عادل قال رأيه فقط ولم يلزمنا بالصمت ودي وجهات نظر وهو شايف كدا

ودي وجهة نظر معقوله ايضا ممكن نبحثها ولربما تكون الحل الامثل لمعالجة مشكلة سوء الفهم الذي قد يطرأ احيانا بين الاعضاء او بين الادارة والاعضاء واحنا هنا لكي نتحاور وعلشان كدا كتب رأيه كا عضو مش ادفيزر

[Advisor]

لن تهدأ النفوس قبل أن يتعلم الجميع أن العالم ألوان ولو تشابهت الأذواق لبارت السلع

الكل يريد أن يسود رأيه وتعم وجهة نظره على الجميع

الكل يريد الكل على دينه وعلى مذهبه ... الكل يريد الناس أن يأكلون مايأكل ويشربون مايشرب حتى يشجعون ناديه المفضل إن أمكن

أتكلموا بصراحه وأرفعوا حواجز المجامله والتكلف

أقبلوا الكل زي ماهو وناقشوه

ياناس لو تأفف الرسول من مناقشة الكفار ماآمن أحد 

الفاضل داروين

محاورات المصريين لمحاورات المصريين بمعنى أن أساس تواجدنا هو الحوار البناء لشئون مصر و المصريين

و مستوى محاورات المصريين يرجع لتمسك الجميع بتقاليد تكاد تكون صارمة لسنوات و هذا التمسك كان من قبل الأعضاء أولا قبل فريق التنسيق و الإشراف.

ما سبق كان إستهلالا لابد منه.

الموضوع أساسا كان لشعور الفاضلة شعنونة بتغيب البعض و كذا ما بدا لها من وجود حساسيات بين البعض !

هذه الحساسيات أصلا غير مقبولة رغم مقولة نحن بشر الجميع هنا يتوخى الموضوعية و إحترام الطرف الآخر شئ أساسى يلتزم به الجميع و فى حالة الخروج يمكن اللجوء للمشرفين و المنسقين ... أرجو أن أكون أنهيت هذه النقطة

لن ندور فى دائرة مفرغة لا آخر لها

المطلوب من الجميع فعلا إنكار الذات و بالنسبة للركود العام السائد فى كل مكان بما فيها المحاورات فهذا مسئولية الجميع للخروج منه ... و لا مجال لمقارنة محاورات المصريين ب "المقاهى البلدى" المنتشرة على النت.

الفاضل داروين

لا أرى أى خطأ فى إستعمال الرسائل الخاصة فى الموضوعات الخاصة أعتقد عادى أن يتم مثلا طلب مشاركة فى موضوع معين أنا شخصيا بذلك عندما أشعر بأهمية موضوع غمره طوفان موضوعات جديدة أو لم يأخذ حقه من الإهتمام ( وهذه بالذات أحد إهتماماتنا الشاغلة الآ،)

أشكر جميع من شارك فى الموضوع و أظن أى إضافة للموضوع هى من قبيل الدخول فى دائرة مفرغة

[disappointed]

أشكر جميع من شارك فى الموضوع  و أظن أى إضافة للموضوع هى من قبيل الدخول فى دائرة مفرغة

:angry: :angry: :angry:

[Scorpion]

عفوا ... و لكنني لم اجد رد فعل مماثل في موضوع "دعوة للمصارحة" ... نحن لسنا مراسلين او صحفيين يعملون بجريدة لقاء اجر ( و ان كان اجرنا هنا معنوي) يكتبون مقالاتهم او مواضيعهم ثم يذهب الجميع الي بيوتهم...

بعكسنا هنا ... فلقد تكون مجتمع صغير بيننا... و نشات عشرة و الفة و صداقة...

و كاي مجتمع تنشا الخلافات و اختلافات الراي بين افراده ... و وقفة مثل هذه كل فترة تفيد في ازالة اي شوائب تعلقت بمسيرتنا معا...

و سلامي للجميع... :angry:

[Guest Mohd Gramoun]

الاخت بنت شعنونة...

شكرا لردك المطول و لكن ارجوا قراءة ردي الاول لتعلمي ما اقصد و انه لم تكن مشاركة بصورة تهكمية او ساخرة او حتي إنتقاصا من أحدو لكن ما ركزت عليه من كلماتك تلك التي كتبت فيها انني لم اعر اهتماما الا لرد سكربيون ...كيف لا يا اختي و هو كتب ردا مخصوصا علي جزء و تعريف لفئة من ضمن ردي؟؟ كان من الممكن تاهله... فعلا كان من الممكن و لكن احيانا يجب وضع النقاط علي الحروف... فلست بمستظرفا حتي يكون لي غزالة رايقة او أسد غاضب... عموما كان حوارا جانبيا خارجا عن الاطار الرئيسي لمشاركتك و طلبت عدم الخروج عن هدف المشاركة انتهت القصة بعبارة خلص الكلام...

أما عن الرسول عليه الصلاة و السلام و اسلوبه الدعوي... و تعامله مع المسلمين و غيرهم ...فهذا هو الرسول و هو القدوة و انا لم اخرج عما امر به وصف الكافر لا يؤذي الآخر طالما انا كافرا من وجهة نظره وهذه هي الحقيقة و حسن الخلق لا يكون بكلمة استرضاء للآخر بل بشفافية التعامل مع الخالق قبل النفس و قبل الغير ويكون بالإلتزام التام بتعاليم الإسلام ....

بسم الله الرحمن الرحيم:

إهدنا الصراط المستقيم صراط الذين انعمت عليهم غير المغضوب عليهم ولا الضالين.

بسم الله الرحمن الرحيم:

قل يا ايها الكافرون لا اعبد ما تعبدون.

اما عما كتبه الاخ كتماندوا عني و عن شدة هجومي؟؟!!!! لا ادري ما الذي دعاه لهذا القول... عموما هي وجهات نظر تبني علي الخلفيات الدينية و القدرة علي فهم الموقف و التصور المسبق.

و بخصوص الصورة المرفقة... نعم هي تصور أحد افراد طالبان و هي تعجبني وأحبها و قد نقلتها من احد المواقع الكافرة التي تسخر من الإسلام و من طالبان علي الأخص... إذا كانت تضايقك او تغضب احدا في المنتدي فعلي إستعداد لحذفها إن طلبت الإدارة ذلك... و بالمناسبة عدد غير قليل من الصور التي تميز الأعضاء الآخرون لا تعجبني... فهل أبحث عن مشاركاتهم لأعلق علي الصور المرافقة لإسمائهم؟؟؟ ا ابعث أحتجاج لإدارة المنتدي بان صورة فلان لملتحي وتغيظني؟؟ او منظرها لرجل معمم و تثير إشمئزازي؟؟؟

[بنت شعنونة]

الموضوع أساسا كان لشعور الفاضلة شعنونة بتغيب البعض و كذا ما بدا لها من وجود حساسيات بين البعض !

هذه الحساسيات أصلا غير مقبولة رغم مقولة نحن بشر الجميع هنا يتوخى الموضوعية و إحترام الطرف الآخر شئ أساسى يلتزم به الجميع و فى حالة الخروج يمكن اللجوء للمشرفين و المنسقين ... أرجو أن أكون أنهيت هذه النقطة

استاذي الفاضل ادفيزر..

مش عاوزة اقول لحضرتك قد ايه انا صدمت بكلمة "هذه الحساسيات اصلا غير مقبولة"

بجد بجد حسسسسسسيت ان الصورة كلها اتهزت امامي مرة واحدا

ويارب اكون فهمت غلط..

انما بجد

انا سلمت ورفعت الراية البيضا

واكتأبت...