مناظرات

[عنبو]

اخوانى السلام عليكم ورحمة الله وبركاته

دلوقتى فيه كذا فكر فى المنتدى فيه كذا فكر مختلف عن الاخر فيه من هو علمانى وفيه من هو سلفى وفيه من هو اخوان وفيه من هو معتدل............الخ

طيب تعالوا نعمل مناظرات هنا

اولاً اى واحد هيختار قضيه معينه وهنقسم بعض فرق

بس فى الاول قبل اى واحد ما يتكلم يقول هو تبع اى فكر علشان فى الاخر بعد لما المناظره تخلص كل واحد هيدخل يقول هو اقتنع بأى فكر

علشان كده دى دعوه للناس انها تشارك بالرأى مش شرط تشارك فى الحوار بس ياااااريت تشارك برأيها انها مقتنعه بفكر كذا

وهكذا

صدقونى الموضوع ده مفيد قووى وخصوصاً للناس اللى هتقول رايها هى اقتنعت بأى رأى

ياريت ب نتعاون مع بعض على تنفيذ الموضوع ده

شكراً

[الباشمهندس ياسر]

كل الناس بتتخيل انها علي الفكر المعتدل

فبلاش تجيبها من ناحية اصحاب الفكر

خليك ف القضية نفسها و ادعي اصحاب كل اتجاه

و عيش بقي

بس اوعي تعمل فيها فيصل القاسم

[لولا]

اولاً اى واحد هيختار قضيه معينه وهنقسم بعض فرق

ً

حسستنى ان فى ماتش هنا هيتعمل :blink:

بس فى الاول قبل اى واحد ما يتكلم يقول هو تبع اى فكر

هو تحقيق يعنى :rolleyes: طب لو حد مالوش تصنيف محدد من اللسته يعمل ايه :rolleyes:

علشان فى الاخر بعد لما المناظره تخلص كل واحد هيدخل يقول هو اقتنع بأى فكر

تصويت يعنى ولا ايه ؟؟ على اساس اللى هيجيب عدد اصوات اقل هيسقط يعنى ولا كده نطلع كلامه غلط بناء على حظه فى نوعيه المصوتين"فويتينج يعنى "

كانوا من مشجعين الفريق بتاعه ولا التانى :lol:

صدقونى الموضوع ده مفيد قووى

من انى ناحيه ؟؟ مفهمتش وجه الفايده لغايه دلوقتى :blink:

وخصوصاً للناس اللى هتقول رايها هى اقتنعت بأى رأى

طب لو طلع حد رأيه بعد التصويت محدش اقتنع بيه يبطل يتكلم هنا ولا ايه ؟؟

انا متابعه اهو لما افهم بس مش حقدر اصوت .. احم احم انا صوتى رايح بقاله يومين :lol:

تحياتى

لولا

[Simba]

متهيالي ما ينفعش تعمل في موضوع واحد عدة مناظرات واصلا المناظرات كده كده شغالة في كل المواضيع بين مؤيد ومعارض

جرب تفتح اي موضوع حواري هتلاقي دايما الاختلاف موجود

[justme]

عنبو باشا بلاش علشان خاطري

من الاخر هتبقى مجزرة

وكرسي في الكلوب

وبعدين خلي بالك كلامك ده على مستوى عالي من الخطورة

لأن ممكن مكونش قادر اظبط كلامي بحيث اقنع اللي حواليا فاخسر الحوار وناس كانت ماشية على الصح تقلب وهكذا

الموضوع ده صعب قوي قوي

وكمان مين قال ان اي واحد متحمس لقضية يقدر يعبر عنها ويمثلها بعض الاحيان ده ممكن يظلم القضية دي

بس احييك على الفكرة نفسها

[لولا]

متهيالي ما ينفعش تعمل في موضوع واحد عدة مناظرات واصلا المناظرات كده كده شغالة في كل المواضيع بين مؤيد ومعارض

جرب تفتح اي موضوع حواري هتلاقي دايما الاختلاف موجود

الإختلاف الخارجى غير خاضع للشروط هنا يا استاذ سمبا

يعنى اللى انا فهمته:

- تحديد فِرق

-التصريح مسبقا عن الفكر المعتنق بشكل واضح

-وجود متابعين لا يشتركون فى الحوار ولكن بغرض ادلاء اصوات نهائيه فى الآخر ...... انت اقتنعت بكلام مين .

- حصر الأصوات لإعلان النتائج

- حتما وجود فريق حاصل على اصوات اكثر = هو اللى صح مثلا !

ليه كل ده اصلا ؟؟

لسه مش فاهمة ؟؟

للدرجة دى طبيعه المحاورات كصالون ثقافى راقى لكل الإتجاهات والتيارات تحت مظلة حوار راقى حر يتيح للجميع التعبير عن رأيه فى ظل قواعد حوار منظمة

للمكان مش واضحة ؟؟ ليه نحدد اصوات مش فاهمه بجد ؟؟ هى مش البوينت حريه التعبير عن الفكر ولا محاكمة الفكر ؟؟

تحياتى

لولا

[لماضة مصرية جدا]

السلام عليكم و رحمة الله و بركاته

شدتني كلمة مناظرات.... لانها بتفكرني بكورس كنا درسناه عن argument and debateبس اللافت لنظري ان مش المشكلة في طرح قضية جدلية بقدر ما هي المشكلة في كيفية تناول الجدل و ادارته..... مش الجدال و التعصب لوجهة نظر و قناعة شخصية مسبقة

اللي انا فاهماه من الجدل او المناظرة انه حوار مستنير بيساعد كل الاطراف المعنية انها تشوف الصورة الاكبر.... و اللي هي الوصول لحقيقة الاشياء

فيه حاجة كانت في قطر كانت حلوة اوي

هتلاقوها ع الرابط ده

http://www.dohadebates.com/

بس هو الانجليزي احلي الصراحة

بس مش عارفة الفكرة ممكن تتطبق هنا ازاي من غير الناس ما تزعق و تتحمق..... و كل واحد يبقي داخل و مجهز عريضة الدفاع حتي و ان اظهر العكس؟؟؟

لو عندنا ثقافة تناول الاختلافات و تقبلها هيبقي موضوع ثري جدا

و ليه افتكرت لما فتحنا موضوعات في ابسط الاشياء "الانوثة..و تعريفاتها."الناس برضه اختلفت... و احتدت... و قيس عليه اي موضوع تم تناوله في موضوعات جادة او موضوعات هدي الاسلام

لو عندنا تقبل للاختلاف الامور هتبقي امثر ثراءا

بس خلاص

فوتكم بعافية

[د هشام ابراهيم]

سعادة الكيميائي الروش :rolleyes:

طب العبد لله مش لاقي تيار فكر ينفع يربط نفسه بيه يعني أنا لا علماني و لا ليبرالي و لا يساري و لا إثني و لا رأسمالي و لا سلفي و لا أخوانجي و لا غيره ..... و شايف إن كل تيار فكري منهم فيه جانب أيجابي و جانب سلبي ....ينفع أكون حكم :rolleyes:

[engmido]

الاخ عنبى مع احترامى ليك طبعا

اديك شايف ...مفيش موضوع اتفتح ويكون يعبر عن راى او اتجاه...الا انه تلاقى اختلافات وضرب نار...ومداخلات بتتحذف ومهزلة

لاننا غاويين نختلف.....ونبقى شايفين الصح وبرضه حابين نختلف(لمجرد الاختلاف)

واظن انت شفت الناس دى كتير فى موضوع خالد يوسف وغيره

وشكرااااااااااا

[ابو محمود]

سعادة الكيميائي الروش :rolleyes:

طب العبد لله مش لاقي تيار فكر ينفع يربط نفسه بيه يعني أنا لا علماني و لا ليبرالي و لا يساري و لا إثني و لا رأسمالي و لا سلفي و لا أخوانجي و لا غيره ..... و شايف إن كل تيار فكري منهم فيه جانب أيجابي و جانب سلبي ....ينفع أكون حكم :rolleyes:

يالعيب ياجامد حكم ومن مصر وياترى بقى الناس اللى مختلفة كلها هترضى ولا تقول انك تبع فلان ولا علان بصراحة هتتعب نفسك انا عن رآيي خليك دكتور احسن الناس دى عايزة حكم اجنبى

[عنبو]

الباشمهندس ياسر مشاركة بتاريخ أمس, 09:35 PM

كل الناس بتتخيل انها علي الفكر المعتدل

فبلاش تجيبها من ناحية اصحاب الفكر

خليك ف القضية نفسها و ادعي اصحاب كل اتجاه

و عيش بقي

بس اوعي تعمل فيها فيصل القاسم

فعلاً كل واحد فينا فاكر ان فكره معتدل طيب نخليها على حسب القضيه

وبعد لما يتم مناقشه القضيه يتم تجميع وجهة نظر الناس فيها وليكن مثلاً هتكون ثلاث وجهات وتبدأ الناس تدخل تقول انا مع وجهة النظر اللى بتقول كذا وكذا

انا شايف ان كده ممكن

لولا مشاركة بتاريخ أمس, 09:46

طب لو طلع حد رأيه بعد التصويت محدش اقتنع بيه يبطل يتكلم هنا ولا ايه ؟؟

انا متابعه اهو لما افهم بس مش حقدر اصوت .. احم احم انا صوتى رايح بقاله يومين

تحياتى

لولا

مافيش حد قال يبطل كلام ولا حاجه كل ما فى الموضوع ان كل واحد هيعرض وجهة نظره اللى هو مقتنع بها واكيد فيه ناس وجهات نظرها بتبقى متفقه مع بعض وناس بتبقى مختلفه هنجمع دول وهنجمع دول والناس هتدخل تقول انا مع دول او مع دول

وهنشوف فى الاخر مين اللى هيجمع اصوات اكتر

سمبا مشاركة بتاريخ أمس, 10:00 PM

متهيالي ما ينفعش تعمل في موضوع واحد عدة مناظرات واصلا المناظرات كده كده شغالة في كل المواضيع بين مؤيد ومعارض

جرب تفتح اي موضوع حواري هتلاقي دايما الاختلاف موجود

انا مش عاوز اجمع المناظرات كلها فى موضوع بس كل ما فى الامر هنختار قضيه مهمه وناقشها هنا

justme مشاركة بتاريخ أمس, 10:05 PM

عنبو باشا بلاش علشان خاطري

من الاخر هتبقى مجزرة

وكرسي في الكلوب

وبعدين خلي بالك كلامك ده على مستوى عالي من الخطورة

لأن ممكن مكونش قادر اظبط كلامي بحيث اقنع اللي حواليا فاخسر الحوار وناس كانت ماشية على الصح تقلب وهكذا

الموضوع ده صعب قوي قوي

وكمان مين قال ان اي واحد متحمس لقضية يقدر يعبر عنها ويمثلها بعض الاحيان ده ممكن يظلم القضية دي

بس احييك على الفكرة نفسها

لا مجزره ولا حاجه الموضوع له ابعاد تانيه لو فكرت فيها هتلاقيها مفيده قوى ممكن تلاقيك انهارده مع فكر وهتلاقى نفسك بكره مع فكر تانى وهكذا ده هيخليك تحب تشوف كل حاجه وتفهم كل كلمه قبل لما تحكم عليها خلينا نجرب ولو منفعتش يبقى فركش

مدام لولا مره تانيه

لسه مش فاهمة ؟؟

للدرجة دى طبيعه المحاورات كصالون ثقافى راقى لكل الإتجاهات والتيارات تحت مظلة حوار راقى حر يتيح للجميع التعبير عن رأيه فى ظل قواعد حوار منظمة

للمكان مش واضحة ؟؟ ليه نحدد اصوات مش فاهمه بجد ؟؟ هى مش البوينت حريه التعبير عن الفكر ولا محاكمة الفكر ؟؟

لو صبر معرفش مين على معرفش مين مكنش حصل حاجه

تحديد الاصوات لا هو محاكمه للفكر ولا حاجه كل ما فى الموضوع ان كل واحد هيقول انا مع وجهة النظر اللى بتقول كذا وكذا والمره اللى جايه هتلاقى الناس مع وجهة نظر مكنتش معها المره اللى فاتت وهكذا ده هيدى تنوع فى الافكار وهيبقى زى نظام رساله لكل الناس ان ارجع واعيد حساباتى فى الفكر ممكن اكون كنت غلطان فى حاجه لو ملقتش نفسى كنت غلطان وانا مقتنع يبقى خلاص

التعصب لفكر هو كل الغلط لازم الواحد يعمل وقفه مه نفسه كل فتره ويشوف هل انا كنت صح فى الحته دى ولاء

لم الناس تشوف واحد بيعمل حاجه غلط ومتنتقدوش هيفضل هيعملها ومره فى مره هتصير بالنسبه له عاده بعد كده هيدافع عنها لكن لما يبقى فيه وقفه والناس رتجع وتعيد حساباتها هيكون افيد للكل

يارب اكون قدر اوصلك ايه اللى انا قصده

لماضة مصرية جدا مشاركة بتاريخ أمس, 11:14

و ليه افتكرت لما فتحنا موضوعات في ابسط الاشياء "الانوثة..و تعريفاتها."الناس برضه اختلفت... و احتدت... و قيس عليه اي موضوع تم تناوله في موضوعات جادة او موضوعات هدي الاسلام

لو عندنا تقبل للاختلاف الامور هتبقي امثر ثراءا

بس خلاص

فوتكم بعافية

ازيك يا لماضه هانم خطيبة اخويا وحبيبى ياااااسر

هو الفكره مش تقبل الاختلاف على قد م نفكر ان ممكن يكون هو صح وانا غلط لو وصلنا للنقطه دى هتفرق معانا كتير قووى

يعنى كل واحد يحط نفسه مكان التانى ويفكر باسلوبه ممكن يعرف ايه اللى فى دماغه

د هشام ابراهيم مشاركة بتاريخ أمس, 11:24 PM

سعادة الكيميائي الروش

طب العبد لله مش لاقي تيار فكر ينفع يربط نفسه بيه يعني أنا لا علماني و لا ليبرالي و لا يساري و لا إثني و لا رأسمالي و لا سلفي و لا أخوانجي و لا غيره ..... و شايف إن كل تيار فكري منهم فيه جانب أيجابي و جانب سلبي ....ينفع أكون حكم

هو ده بالظبط يادكتور اللى انا بفكر فيه انا مره قعدت افكر قول انا ايه ......لقيت نفسى كل تيار متفق معاه فى حاجات ومختلف معاه فى حاجات وفى الاخر قول انا مسلم وبس

اللى عاوز قوله هنا ان احنا لو عملنا تصويت ولو فيه واحد قاعد بيحلل كده هتلاقى واحد انهارده معارض فكر معين هتلاقى فى موضوع اخر مؤيد للفكر ده

لو فكر مع نفسه هيتوصل للى حضرتك بتقول عليه هياخد كل حاجه حلوه من كل واحد بدون ما يقعد يزم او يسب فى اى فكر

طيب ممكن خدمه انا سمعت من اخويا المهندس زناااااتى ان حضرتك سرك بااااااتع وليك مود اسمه مولد سيدى الابراهيمى ممكن تتنبأ لينا ايه اللى هيحصل فى الموضوع ده ........ مدد

[عنبو]

engmido مشاركة بتاريخ اليوم, 01:33 AM

الاخ عنبى مع احترامى ليك طبعا

اديك شايف ...مفيش موضوع اتفتح ويكون يعبر عن راى او اتجاه...الا انه تلاقى اختلافات وضرب نار...ومداخلات بتتحذف ومهزلة

لاننا غاويين نختلف.....ونبقى شايفين الصح وبرضه حابين نختلف(لمجرد الاختلاف)

واظن انت شفت الناس دى كتير فى موضوع خالد يوسف وغيره

وشكرااااااااااا

مهو ياهندسه لو كل واحد فكر ببعقل التانى ممكن نتوصل لمنطقه وسط احياناً نكوت احنا الاتنين صح بس علشان كل واحد بيبص من مكانه ومافيش حد فينا عاوز ينزل لمنطقة الاخر بنفضل شايفين بعض غلط

فكرت تفكر بفكر اللى مختلف معاك وتشوفه هو ليه بيقول كده وهل فكر اللى مختلف معاك يفكر بيفكرك ويشوف انت ليه بتقول كده ؟؟

لو الموضوع مشى كده هيبقى المناظرات والمحاورات لها فايده لكن لما كل واد فينا يتحجر مكانه يبقى خلاص مش هنعرف نوصل لحاجه

محمودمصطفى مشاركة بتاريخ اليوم, 02:41 AM

إقتباس(د هشام ابراهيم @ Jan 24 2010, 11:24 PM)

سعادة الكيميائي الروش

طب العبد لله مش لاقي تيار فكر ينفع يربط نفسه بيه يعني أنا لا علماني و لا ليبرالي و لا يساري و لا إثني و لا رأسمالي و لا سلفي و لا أخوانجي و لا غيره ..... و شايف إن كل تيار فكري منهم فيه جانب أيجابي و جانب سلبي ....ينفع أكون حكم

يالعيب ياجامد حكم ومن مصر وياترى بقى الناس اللى مختلفة كلها هترضى ولا تقول انك تبع فلان ولا علان بصراحة هتتعب نفسك انا عن رآيي خليك دكتور احسن الناس دى عايزة حكم اجنبى

وليه حكم اجنبى ياستاذ محمود هو بس الدكتور هشام يلبس خواجه ويتكلم كلمتين انجليزى من بتوع كندا كده وهو هيبقى حكم اجنبى

[أسد]

اخوانى السلام عليكم ورحمة الله وبركاته

دلوقتى فيه كذا فكر فى المنتدى فيه كذا فكر مختلف عن الاخر فيه من هو علمانى وفيه من هو سلفى وفيه من هو اخوان وفيه من هو معتدل............الخ

طيب تعالوا نعمل مناظرات هنا

اولاً اى واحد هيختار قضيه معينه وهنقسم بعض فرق

بس فى الاول قبل اى واحد ما يتكلم يقول هو تبع اى فكر علشان فى الاخر بعد لما المناظره تخلص كل واحد هيدخل يقول هو اقتنع بأى فكر

علشان كده دى دعوه للناس انها تشارك بالرأى مش شرط تشارك فى الحوار بس ياااااريت تشارك برأيها انها مقتنعه بفكر كذا

وهكذا

صدقونى الموضوع ده مفيد قووى وخصوصاً للناس اللى هتقول رايها هى اقتنعت بأى رأى

ياريت ب نتعاون مع بعض على تنفيذ الموضوع ده

شكراً

أولاً .. أحد الصفات الأساسية في مجتمعنا .. ولا أدري هل هي أمر جيني ..أم أمر عقائدي .. أم أنها عادات وتقاليد .. أم بسبب ثقافتنا واسلوب تعلمينا وتربيتنا ..

رفض الآخــــــر ..

إن لم يكن تكفيره من البعض .. وإهدار دمه من البعض الآخر ...

هذه حقيقة ..

فمجرد أن يعلن أحدهم عن هويته الفكرية .. وأي كان الموضوع الذي يطرحه .. ستجد من يعارضونه ويرفضونه .. وبالتالي فهذه ليست مناظرة ..

بل أن البعض لمجرد أنهم معروف أيدولوجيتهم .. فتجد من يعارض أفكارهم ..

أعتقد .. أن نتبنى فكرة طرح موضوعات بناءة .. هو أمر أكثر أهمية (من وجهة نظري) ..

تحياتي

[MZohairy]

تياري الفكري هو ان استخدم فكري لإختيار ما اريد بعد فلترته و فهم رؤية الرأي المؤيد و المعارض

و أفضل و بس انت في فكري ...ياللي بحبك زي زمان....انت النعيم و الهنا و انت العذاب و الضنا...والعمر ايه غير دول؟

[MaYousof]

تياري الفكري هو ان استخدم فكري لإختيار ما اريد بعد فلترته و فهم رؤية الرأي المؤيد و المعارض

و أفضل و بس انت في فكري ...ياللي بحبك زي زمان....انت النعيم و الهنا و انت العذاب و الضنا...والعمر ايه غير دول؟

شكلك يابو إياد نهايتك هتكون على إيد متطرف من رواد المحاورات :blush2:

----------

شوف يا عنبي يا جميل :rolleyes: :rolleyes:

الفكرة حلوة .. وانا شخصيا لو حبيت أناظر حد مش هيهمني أيديولوجيته إيه .. أنا باناظر على كلامك مش على فكر ..

طب ما أنا ممكن أكون مؤمن بفكرة وانظرك على خلافها .. هتعملّك إيه أيديولوجيتي ساعتها!

لو أنا صحيح على مقدرة للمناظرة في موضوع مش هاحتاج أحصر اللي بناظره في أيديولوجية معينة عشان أناظره ..

وعموما أنا ممكن ألعب بس هالبس شورت مقلّم بأخضر :rolleyes:

[د هشام ابراهيم]

يالعيب ياجامد حكم ومن مصر وياترى بقى الناس اللى مختلفة كلها هترضى ولا تقول انك تبع فلان ولا علان بصراحة هتتعب نفسك انا عن رآيي خليك دكتور احسن الناس دى عايزة حكم اجنبى

وليه حكم اجنبى ياستاذ محمود هو بس الدكتور هشام يلبس خواجه ويتكلم كلمتين انجليزى من بتوع كندا كده وهو هيبقى حكم اجنبى

I have two eyes and I can see

the cat the dog in front of me (وش حسن عابدين الله يرحمه )

......ينفع كده يا عنبو باشا أبقي حكم ...شكلي حاكتفي بمقاعد المتفرجين لحد أول فرصة تدريب :D

هو ده بالظبط يادكتور اللى انا بفكر فيه انا مره قعدت افكر قول انا ايه ......لقيت نفسى كل تيار متفق معاه فى حاجات ومختلف معاه فى حاجات وفى الاخر قول انا مسلم وبس

اللى عاوز قوله هنا ان احنا لو عملنا تصويت ولو فيه واحد قاعد بيحلل كده هتلاقى واحد انهارده معارض فكر معين هتلاقى فى موضوع اخر مؤيد للفكر ده

لو فكر مع نفسه هيتوصل للى حضرتك بتقول عليه هياخد كل حاجه حلوه من كل واحد بدون ما يقعد يزم او يسب فى اى فكر

طيب ممكن خدمه انا سمعت من اخويا المهندس زناااااتى ان حضرتك سرك بااااااتع وليك مود اسمه مولد سيدى الابراهيمى ممكن تتنبأ لينا ايه اللى هيحصل فى الموضوع ده ........ مدد

أتنبأ لموضوعك ياخد جايزة أحسن موضوع لسنة 2010 لو كمل :rolleyes:

مثلك بالظبط يا باشا ....كهوية أنا مصري عربي مسلم ....رغم عدم رضائي عن الحالة الراهنة للمصريين و لا العرب و لا المسلمين انما الهوية لا تتغير .....

صراحة أرفض أنا أقيد عقلي بقالب تفكيري معين و لا توجد عندي مرجعية ما عدا ديني ...... عقيدتي كما أؤمن بها و أفهمها

[عنبو]

mzohairy مشاركة بتاريخ أمس, 08:32 AM

تياري الفكري هو ان استخدم فكري لإختيار ما اريد بعد فلترته و فهم رؤية الرأي المؤيد و المعارض

و أفضل و بس انت في فكري ...ياللي بحبك زي زمان....انت النعيم و الهنا و انت العذاب و الضنا...والعمر ايه غير دول؟

مين ده هل هو مزوهيرى ام من ؟ يااااااااااااااااالك من رجلُُ متمكن

بص ياعم زوهيرى انا عارف انك هتبقى زبوووون دائم هنا فى القهوه علشان كده عاملك كرسى جنب الشيخ اللى بيقرأ على طول مهو انا هجيب شيخ يقرأ علشان نفتح القهوه ونطرد الشياطين

MaYousof مشاركة بتاريخ أمس, 09:25 AM

شوف يا عنبي يا جميل

الفكرة حلوة .. وانا شخصيا لو حبيت أناظر حد مش هيهمني أيديولوجيته إيه .. أنا باناظر على كلامك مش على فكر ..

طب ما أنا ممكن أكون مؤمن بفكرة وانظرك على خلافها .. هتعملّك إيه أيديولوجيتي ساعتها!

لو أنا صحيح على مقدرة للمناظرة في موضوع مش هاحتاج أحصر اللي بناظره في أيديولوجية معينة عشان أناظره ..

وعموما أنا ممكن ألعب بس هالبس شورت مقلّم بأخضر

عاوز تلبس شورت مقلم باخضر .......اممممممممم طيب السؤال بقى اللى بيفرض نفسه على الساحه دلوقتى ليه شورتى مقلم بخضر ؟ وليه ميكنش اخضر مقلم بشورتى

طيب معنى كلامك ان هتبقى لابس شورتى بس من غير فلانه يعنى هتبقى عاوز تشاااااااكل ده كده مؤشر كويس بس انا اروح بقى اعمل تأمين على القهوه اصل مال يتامه

مستنيك ياستاذ محمد وعاوزين اول مناظره تبقى من الاخر انا عمال ادور على حاجه قويه ابدأ بيها علشان اشد الزبائن عندى بس اهم حاجه انها تكون جديده

يعنى حصرياً على مناظرات وبس

د هشام ابراهيم مشاركة بتاريخ أمس, 11:39 PM

I have two eyes and I can see

the cat the dog in front of me (وش حسن عابدين الله يرحمه )

......ينفع كده يا عنبو باشا أبقي حكم ...شكلي حاكتفي بمقاعد المتفرجين لحد أول فرصة تدريب

الله اكبر الله اكبر بسم الله ماشاء الله بركاتك ياكندا ياسبحان الله دانا معرفتكش ياراجل لا اجنبى اجنبى يعنى

أتنبأ لموضوعك ياخد جايزة أحسن موضوع لسنة 2010 لو كمل

يااااااه ده الواحد ياخد فلوس الجائزه دى واروح اتفسح بقى فى بورسعيد عند المهندس زناتى واجيب بقى بناطيل كونز بس اهم حاجه يكون فيه الحديده اللى من ورا دى وياسلام بقى لو جبت جزمه جمل او بطه ياسلام ده كده الواحد هيبقى اخر روشنه

مثلك بالظبط يا باشا ....كهوية أنا مصري عربي مسلم ....رغم عدم رضائي عن الحالة الراهنة للمصريين و لا العرب و لا المسلمين انما الهوية لا تتغير .....

صراحة أرفض أنا أقيد عقلي بقالب تفكيري معين و لا توجد عندي مرجعية ما عدا ديني ...... عقيدتي كما أؤمن بها و أفهمها

ياريت الناس كلها تنفذ الكلام ده

يلا بقى ياجماعه اللى عنده فكره نتناظر عليها بس اهم حاجه انها تكون جديده ولم يتم طرحها قبل كده وجارى البحث عن فكره

وشكراً

[عنبو]

هل يحل للمسلم الزواج من كتابيه ؟؟

[عاشق الترحال]

هل يحل للمسلم الزواج من كتابيه ؟؟

قول أنت بقى :closedeyes: