كرسي الأعتراف 2 ( حاليآ الفاضلة Dreamwithme )

[لماضة مصرية جدا]

السلام عليكم و رحمة الله و بركاته

إيه ده انتو ابتديتوا امتي......معقولة....هو احنا النهاردة ايه؟؟؟

طب كده تسيبوني هنااااااااك في التوبيك بتاع الاحساس ده......الله يسامحكم

استعنا ع الشقا بالله.....(وش ست بيت رابطة راسها بالقمطة و ماسكة مضرب السجاد...و مخلية جوزها يا حرام يشيل السجادة يدويها البلكونة.... )

1- عماد حمدي...اتجوز شادية....صح..... يا تري شادية بتاعتك انت بقي لازم يكون فيها ايه؟؟؟ و يا رب ميكونشي فيها ايه؟؟؟

2- عماد.....كل واحد ليه نصيب من اسمه....يا تري انت فعلا.....يعتمد عليك....(طب انا مزنوقة في قرشين... :rolleyes: ).........امتي بتحس ان فيه حد بيعتمد عليك....و ايه الموقف اللي اتصرفت فيه كده مع انك مكنتش مستعدله بوتاتا؟؟؟

0

3- علاقتك بالست الوالدة........بلاش تقول حلة محشي....و تقطع قلبي.....عايزين بقي شوية مشاعير

4- مرة ضحكت فيها من قلبك اوي.......ضحكنا معاك بقي

5- عندك اخوات بنات......طب لو واحدة منهم جت و حكتلك انها بتحب واد انجليزي...(مش جناب سمو معاليك كنت بتحب واحدة من جزر البلقان باين... :blink: ) اعكس الوضع... يا تري رد فعلك هيبقي ايه

6- انت متسربع ليه انك تيجي ابو ظبي.....خنقتني يا جدع........هي حلوة اه....بس برضه....بكرة تندم يا ....(وش توفيق الدقن....العلبة دي فيها ايه؟؟؟؟؟)

7- ايه الحاجة او الصفة اللي تخليك تخسر صديق......حبيبة؟

8- موقف صعب اوي مر عليك.....اتصرفت فيه ازاي؟؟

9- سؤال رخم.....غتيت.......متحبش حد يسالهولك......هع هع هع

10- بلد بتحلم تسافر و تعيش فيها ع طووووووووووول؟ و ليه بقي..(طبعا حاطالك ايدي في وسطي....عشان عارفة احنا نلف نلفو و نرجع للكنانة)

انا هروح اتعشي دلوقتي....و اتخمد حبة قليلين...و من النجمة هتلاقيني لابدة في التوبيك دوت

مسااااااااااك ساندوتش جبنة بزيتون.......و عليهم مربي مش عارفة ازاي؟؟؟

فوتك بعافية

[عماد حمدي]

7 عدد القراء الحاليين لهذا الموضوع (6 الزوار 0 المتخفين)

1 الأعضاء: HOSAM ABDELFATAH

إزيك يا حسام معلش كنت مشغول أوي اليومين دول ... الأول انا مش هكون فيلسوف وانا برد ..

ومش هتكلم بالفصحي وبالصلاه ع النبي كدة هتكلم من القلب علشان كلامي يخش القلب ..

استئلة خفيفة عالماشى اهو لزوم التعارف

صفر - اتكلم عن عماد فى 3 سطور.

أنته المفروض اللي تجاوب ع السؤال دا ,,وتقتبس إجابته من كلامي وردي ع باقي أسئلتك يا حس

1- عمدة اسمك ايه بالكامل

عماد كذا كذا كذا .. بلاش إسمي بالكامل يا حسام لان العين عليا الأيام دي ..

2- تاريخ ميلادك

15/09/1986 أمريكا بتحتفل باليوم الأسود يوم 11 وانا بحتفل بعيد ميلادي يوم 15 في نفس الأسبوع :blink:

3- المدينة اللى عايش فيها

مدينة المنصورة " عروس الدلتا أخت وادي النيل او ولاد عم مش عارف "

4- دخلت الكلية عن اختيار ولا التنسيق هو اللى دخلك

لو كنت جبت 100 % في ثانوية عامة كنت دخلت تجارة ,, الحمد لله دا طموحي

5- لو عماد زعلان .... زعلان من مين وليه؟

الحمد لله مش زعلان من حد ,, حتي إللي أذاني أو ضرّني فا أنا مسامحة ومش زعلان منه .. والسؤال دا هيخليني أقول مبدئي في النقطة دي "" أبتسم مهما غدروا وجرحوا وأستمر في بذل مزيد من الجهد والعطاء فأجري عند الله وليس عند من أنكر المعروف لدي ّ "" ياعني مهما هيتعمل فيا فمش هزعل من أي حد .. برمي ورا ضهري لأني عملت الخير وخدت أجرة من ربنا فمش منتظر حاجة من حد ..

6- ايه اكتر مطلعم بتحب تاكل فيه ؟

ممممم هوه نادرا ً ما باكل برة البيت إنما هكلمك لما كنت بشرم كنت بروح كنتاكي أو ماكدونلدز .. لدرجة أني ريّشت وبقيت بكاكي من كتر أكل الفراخ .. wst:: السعودية مكدبش عليك هما أتنين لا إما بيت الشواية لا إما مطعم اسمة الرومانسية ع أول الملز قدام بنك الراجحي

7- اصعب لحظة عشتها فى الغربة؟

ممم لازم السؤال دا ياعني .. لحظات كتير أوي صعبة يا حسام كفاية كلمة غربة بس .. بعدك عن أهلك وحبايبك وقرايبك ومعارفك .. دي لحظات كتير أوي بتبقي صعبة .. بس كموقف معين لما لقيت المصري اللي معايا اللي المفروض يكون سندي وقت مشكلتي مع الكفيل المفروض كان يقف جنبي ويساندني إنما للأسف الشديد إتضح أن هوه اللي ورا كل دا وأعترفلي بنفسة .. أصعب لحظة يا حسام بجد هيا لحظة تكتشف فيها أن أقرب الناس إليك خانك !!!

8- ايه السلوك اللى مش بيعجبك من المغتربين سواء مصريين او اجانب؟

كتييييييييييييييييير أوي ... هختصرهملك في كام نقطة كدة

أ- مصريين كتير أوي عندهم عقدة النقص

ب- أغلبيتهم محدش فيهم بيحب الخير لحد

ج- كتير منهم يتفنن في تدبير المكائد لزملائة للإطاحة بهم وع حسابهم

د- كتير منهم بيبيع نفسة ومبادئة علشان الريال .. وينزل مصر يقولك دا انا تحت الملك عبد الله بعلاقاتي :sad:

هـ- دي بقا شخصيا ً بتضايقني جدا ً أني اشوف مصري بيتكلم لهجة غير لهجته !!

دول اللي في زهني حاليا ً وممكن أفتكر حاجة تانية أكيد هبقا أقول عليها ... بس السؤال دا نرفزني mf(

9- حاجة كنت بتحلم بيها كتير ودعيت ربنا انها تتحق. ايه هى؟ واتحققت ولا لاء؟

الحمد لله والشكر لله كل اللي بحلم بيه اتحقق فضل ونعمة من عند ربنا .. بس لما يتحقق حلمك أكيد مش هتقف لحد كدة بتحلم تاني وتالت ورابع وتحاول تتطور نفسك حاليا ًَ بدعي ربنا اني أنه يعيني وأخد السي ام اية واخش بعدها ع السي بي اية مع انهم مختلفين تماما ً عن بعض وأشتغل مدير مالي في أي شركة أجنبية كبيرة .. شوفت حلمي ع قد إزاي ..

حلمي من الناحية الإجتماعية .. أني أتزوج الإنسانة اللي بحلم وأكون أسرة وأربيهم تربية سليمة وأشوفهم دكاترة قد الدنيا wst::

10- عماد حمدى؟ ايه التعليقات اللى سمعتها بسبب اسمك وهل هى صدفة انك على اسم الممثل عماد حمدى ولا مقصودة وهل حصلك مشكلة بسببه؟ وهل حسيت انك محظوظ بسببه فى مرة من المرات؟

يادي إسمي دا .. تعرف ع فكرة انا بتخنق جدا جدا من اسم عماد دا .. وفكرت أسمي نفسي محمد او احمد او الأسماء العادية دي بس الناس بتقول انه لايق عليا !!

اسمي دا مش صدفة بابا اسمة حمدي طبعاً قعدوا يدورلوي ع أسم كدا لقوا ان عماد هتبقي أفضل والإسم هيكون متناسق مع بعض وسهل ورنّان وكمان مشهور علشان الممثل القدير : عماد حمدي وجيت الدنيا لقيت نفسي عماد حمدي ;)

طبعا ً الإسم السهل دا ميزة وعيب .. أولا ً نادر أوي لما تلاقي إسم حركي زي دا .. فا أي مصيبة بعملها العالم كلة بيعرفها وبتتداول ع الإس ام أس والإيميل هههههههههه

ثاتيا ً الدفعة بتاعتي كانت مشهور بدفعة عماد حمدي وأقسملك بالله ع كدة ياعني واحد يسأل التاني انته في الفرقة الكام يقولة مثلا ً الرابعة يقوله دفعه عماد حمدي بتاع المنصورة ..

ثالثا ً عيبه الوحيد أنه مبيتنساش ومحفور في ذهن الناس هنا في المنصورة وعارفينة حتي لو بعد 10 سنين قولت عماد حمدي بس ! الناس هتفتكر عيوبة ومساوئة ومميزاته .. فالإسم دا مش من السهل أنه يتنسي عكس اي إسم تاني ..

الميزة بقا للإسم دا .. ونفعتني كتير أوي ..

في الإنترفيوهات اللي كنت بعملها سواء لشغل في مصر او للسفر برة

ياعني التعليق الثابت والمشهور .. أخش السلام عليكم

يرد وعليكم السلام إتفضل إجلس

إسمك اية أقوله عماد حمدي ..

ألاقي هيستريا ضحك عماد حمدي إمال فين فاتن حمامة mfb: طبعا ً انا بكون داخل ع آخري .. فبضحك وأقولة مستنية برة أطلعه أجيبها ونجيب فريد شوقي والشلة هههههه هقولة اية ياعني

وتعليق تاني من اشخاص تيت بعدي عنك يقولي عماد حمدي مش الممثل مش انت مت صحيت تاني إزاي .. تعليق أومليت بالجبنة دا بقلبلة وشي واديلة الوش الخشب يتعدل ع طول

بس عاما ً ميزتة الملموسة أنه بيكسر الحاجز النفسي بيني وبين أي شخص خاصة في المقابلات الشخصية وبيفتح الحوار بيني وبينه ببسمة وضحكة جميلة تؤهلني لإستكمال المقابلة الشخصية وأنا مبتسم ومرتاح جدا ً

11-

ولا اقولك ده دور اسئلة الكهربا هخليها فى مشاركة منفصلة

طيب يا أخويا إما أشوف أخرتها معاك ..

بالتوفيق يا جميل :rolleyes:

[عماد حمدي]

انا برشح عماد

:rolleyes:

وحسام بعده

wst::

حتي أنته يا شريف وأنا اللي بقول عليك طيب مش شرير زيهم كدة تكسفني ;)

مساء الخير منكن انا كمان اكهرب عماد شوية صغنتتين اصلي مستنية اليوم دة من زمان اوكى؟

ال ال ال ال سارة !!! يا خبر أبيض بقا أنا مظبتكم في الـ CMA وبعملكم قسم مخصوص يكون دا جزاتي .. تكهربيني .. ماشي يا سارة وحيااااااااااااااااات فاتن حمامة ... ولا بلاش :sad: تنزل المرة دي ..

7 عدد القراء الحاليين لهذا الموضوع (6 الزوار 0 المتخفين)

1 الأعضاء: HOSAM ABDELFATAH

roseop:

يا راجل - يا راجل - هى دى اسئلة برضك - ايه برضك دى :blink:

وجاى كل المشوار داه وتاعب نفسك وتاكسي رايح وتاكسي جاى والحساب على عماد ومصاريف ووقت

وفى الاخر سؤالين لا طلعوا ولا نزلو

بقول فزروه - فجروه - كهربوه - ايوه

سخنيهم سخنيهم .. خليكي كدهوت مربيلنا الرعب في المنتدي ... ورجلك جت هنا كمان الله الله .. المنتدي إتسكن يا رجالة أي حد يخش يجيب معاه طاسة البخور ويخش برجلة اليمين ويسمي .. ويقول يجعل كلامنا خفيف عليها " أغـــــابي " ... أغابي بتتوغل دي طلعتلي في موضوع الـ CMA يا خراااااااااااااااابي mf(

تقولى اسمك ايه يا عماد وكليتك التنسيق ادهالك - عاوز سواقة بجد يا بنى ادم سواقة بحق وحقيقي ( اعلان مولادى )

ماشي يا حوسام ;) - انا اللى عاوزة درس عربي wst::

اغابــــــي

المفروض نكمل ما بين الأقواس ياعني ولا اية مش فاهم mfb: أغابي فاير طبعا ً مش عايزة تفكير ( ..... )

[عماد حمدي]

حســــــــــام ..

يا خبر أبيض إية كمية الأسئلة دي .. وأسئلة بجد عايزة تركيز وفن في إجابتها أنا بتكلم ع المجموعة التانية والتالتة من الأسئلة .. عاما ً هجاوبك عليها بس الصبح بقا لاني جاي من كايرو تعباااااااااان جدا ًً

بس بجد دي أسئلة تموت مش تكهرب .. بصراحة انا مكنتش متوقع كدا أبدا ً

لماضة ...

يا ويلك مني .. حتي انتي كمان داخلة تكهربي مش كفاية حسام ..

راجع تاني ,,

[stricker]

الاستاذ عماد المحترم

لما لقيتك موجود على الكرسى قلت ادخل اسلم عليك

انت على فكره اول واحد رد عليا فى المنتدى

وطبعا الانطباعات الاولى دائما تدوم ...فدائما هاتذكرك بالخير واتمنى لك التوفيق والنجاح فى حياتك

وسؤالى لك : هو الفيلم اللى جاى يا فنان هيكون ايه ؟؟؟؟

[اغابي]

دى اجابات يا عماد ترضي بيها ضميرك bv:-

- حرام عليك - راعى ربنا فينا يا راجل bv:-

ايه يا جماعة - عماد بيرد باختصار -

فين الضمير يا عماد فى الرد - هو سلق بيض .

عاوزين اجابات بدوت اختصارات ولا كرواتة

بتكروتنا - ماشي يا عومديه

اصبر يا عماد - دانا حاوريك اللى عمرك ما شفته

- روتانا اغابي مش حتقدر تغمض عنيك

اغابي

فاير

:P

تم تعديل 31 مايو 2010 بواسطة اغابي

[رضوي]

ايه دة ياجدعان هو عماد قعد ع الكرسي

من امتي ؟؟؟؟؟

منور يااخ عماد ........ قصدي متكهرب يعني ....... مالنور كهربا م الآخر

اممممممممممم

اختك اغابي بتشكي من اجاباتك لية ياريس ؟؟؟؟؟؟ بتقول انك بتغش قصدي بتلخص !!!!

لاياعمدة الكلام دة مش عندنا ......... انت حر هيتخصم منك درجات في الكنترول وماعندناش درجات رأفة

جاوب بصراحة ووضووووووووووووح

ايون

مدد ع الشيزلونج .......... وفضفض وقول اللي في نفسك

وخلي بالك الجهاز دة علشان لو اختصرت في اي اجابة هيعلي الفولت

وقد اعذر من انذر

استعنا ع الشقي بالله

شربت المشروب الرسمي بتاع الكرسي ولا لسة ؟؟؟؟

[عماد حمدي]

الاستاذ عماد المحترم

لما لقيتك موجود على الكرسى قلت ادخل اسلم عليك

انت على فكره اول واحد رد عليا فى المنتدى

وطبعا الانطباعات الاولى دائما تدوم ...فدائما هاتذكرك بالخير واتمنى لك التوفيق والنجاح فى حياتك

وسؤالى لك : هو الفيلم اللى جاى يا فنان هيكون ايه ؟؟؟؟ :blink:

يا باشا ربنا يخليك يارب .. نصيبك بس أني أول واحد ارد عليك انما باقي الأعضاء هنا كتر خيرهم مش بيبخلوا ع أي حد أبدا ً في الإجابة ..

الفيلم الجديد حاليا ً بيتم تصويرة هوه .. كهربني يا وديع :happy:

ايه دة ياجدعان هو عماد قعد ع الكرسي

من امتي ؟؟؟؟؟

منور يااخ عماد ........ قصدي متكهرب يعني ....... مالنور كهربا م الآخر

اممممممممممم

اختك اغابي بتشكي من اجاباتك لية ياريس ؟؟؟؟؟؟ بتقول انك بتغش قصدي بتلخص !!!!

لاياعمدة الكلام دة مش عندنا ......... انت حر هيتخصم منك درجات في الكنترول وماعندناش درجات رأفة

جاوب بصراحة ووضووووووووووووح

ايون

مدد ع الشيزلونج .......... وفضفض وقول اللي في نفسك

وخلي بالك الجهاز دة علشان لو اختصرت في اي اجابة هيعلي الفولت

وقد اعذر من انذر

استعنا ع الشقي بالله

شربت المشروب الرسمي بتاع الكرسي ولا لسة ؟؟؟؟

أغبي .. ورضوي

الإجابات مش بإختصار ولا حاجة والله القصة ان دي أسئلة تعارف فخير الكلام ما قل ودل انما الاسئلة التانية بتاعت حس .. بصراحة هتحتاج وقت كبير أوي .. فهترك النهاية للمشاهد يتخيل باقي إجابتي اية ..

يالا أقوم بقا أكمل باقي حل الأسئلة ,, ومنورانا يا رضوي :happy:

تم تعديل 31 مايو 2010 بواسطة omda2006

[شريف مان]

شوف بقى عشان اثبتلك انى طيب

وقلبى قلب خساية

:happy:

انا هسألك سؤال واحد

انت قولت ان كان هدفك دخول كلية التجارة

ندمان ولا لا

تم تعديل 31 مايو 2010 بواسطة شريف مان

[عماد حمدي]

:sad:

1- امتى عماد تفوق بذكاء ؟ ...... وامتى تفوق على نفسه؟

تفوقت بذكاء في مواقف كتير والحمد لله يا حس .. وهتعرف دا من خلال إجابتي وطرحي لمواقف معينة مريت بيها في الأسئلة الجاية .. بس صعب أوي أني اتذكر موقف معين لية بقا هقولك يا سيدي .. دلوقتي حياتنا اليومية بيكون فيها مواقف كتير وأحداث كتير جدا ً وبتحط في مواقف عادية جدا ً وبتصرف بطبيعتي لكن أحيانا ً تصرفي دا من وجهة نظري بيكون تصرف عادي جدا ً لكن من وجهة نظر الناس التانية يقولك والله براوه عليك يا عمدة انك اتصرفت كدة .. تفوقي ع نفسي في أني نجحت في حاجات كتير زي مثلا ً نجاحي بالكلية نجاحي بشغلي لما كنت بمصر ,, نجحت إزاي أكون لسة جاي الشركة جديد وألفت كل الأنظار ليا ويتعمل سكوووووب عليا وأكون تحت الأضواء نجحت في إجتياز كل المقابلات الشخصية وغيرها من خلال أسلوبي وساعات كنت بتسأل أسئلة انا مش عارفها أصلا ً بس كنت بغير مجري الحوار بطريقة شيك كدة واقنع اللي قدامي اني صح وبيقتنع .. وأعتقد مفيش حد فلت من ايدي في الموضوع دا .. مش غرور والله لكن دا انطباع الأصدقاء المقربين ليا .. نجحت في إني إزاي أكون جوكر ويعتمد عليا في أي حاجة ..

نجحت قبل كدا في تجارتي للاب توب ومشروعي الصغير أيام الكلية الجبنة القديمة وتخزينها ,,

موقف كمان أيام الكلية طبعا ً انته عارف ان مذكرات شرح المواد سعر الورقة الواحدة في حدود 50 قرش ياعني مذكرة 20 ورقة ب 10 جنية أخدت المذكرة واعدت كتابتها تاني وكلفتني جنية واحد نجحت إزاي أقنع الطلبة ان دي هيا دي ونفس المادة العلمية ولكن بسعر مخفض 5 جنية مثلا ً .

بص يا حسام في مواقف كتير جدا جدا والله العظيم متفوقتش بيها بذكائي ولا حاجة لكن دا فضل وتيسير أمور من عند ربنا أولا وأخيرا ً ..

لكن فيه حاجة مهمة .. إجابتي ع أسئلتك دي تفوق بذكاء خذ بالك :D لية بقا ؟ السؤال دا بالذات لو ذكرت موقف معين بالتفصيل وإزاي أنا قدام الناس كلها واقع في مشكلة كبيرة جدا جدا جدا ومدان من كل الأطراف لو حكيته وحكيت الطريقة أني إزاي أقنع كل الأطراف دي أني عماد مش عماد وأخرج منها زي الشعرة من العجين .. هبقي شخصية كتاب مفتوح لأي حد .. ومفاتيحي بقت متاحة للجميع .. ويبقي سهل السيطرة عليا .. وأبقي فريسة سهلة جدا ً ..

فلازم يكون في أي شخصية نوع من الغموض ويكون شخص لغز مش في كل المواقف لكن مواقف معينة ..

2- عماد طموحه ممكن يوصله لفين؟

طموحي ممكن يغرقني يا حسام .. الشيء الزايد عن حده يتقلب ضده قيس ع ذلك بقا ..

دايما ً بيكون عندي خط معين كدا المفروض طموحي ميتعداش الخط دا لانه لو تعداه هغرف .. والذكاء في النقطة دي أني إزاي أحافظ ع رمانه الميزان وإزاي مخليش طموحي يتعدي الخط دا .. ساعات بيحصل حالة من الفوران وتلاقي الطموح دا عدي الخط الأحمر بمراحل وحصلت قبل كدا .. لما سبت شركتي في مصر .. وخسرت مكسبتش .. حصلت كتير لما راهنت ع مستقبلي كلة وخسرت بردة مكسبتش .. بس أنا بكلمك ع تفكيري قبل ذلك والآن .. ياعني دلوقتي مد لحافك ع قدر رجليك .. وأبص وأحلم ع قدي وقت ما حلمي وطموحي دا يتحقق إن شاء الله أحلم ويكون عندي طموح من جديد .. ياعني لو ترجمنا الكلام دا هنقول اني مهتم بالخطط قصيرة الأجل أكثر من الخطط طويلة الأجل .. ولكن تجمع الخطط القصيرة مع بعض بتبقي خطة طويلة الأحل ,,,

ياعني مش ممكن أقولك طموحي مثلا ً اني أكون رئيس جمهورية أو أكون مثلا ً أونر لمجموعة شركات أو أكون رئيس مجلس إدارة شركتي .. الأمور تسير بمقادير محكمة والشخص الذي اللي يقدر يتحكم في طموحة وميخلهاش تفور ويحافظ ع درجة حرارة معينة زي درجة حرارة جسم الإنسان كدة 37 لو زادت خطر ولو قلت خطر ..

3- ايه الاضافات اللى ممكن تضيفها مهنة المحاسب لعماد؟

بص يا سيدي ..

- أكون حريص زيادة عن اللزوم

- خلتني أفترض دائما ً سوء النيّه لحين إثبات العكس " ودا عكس المتعارف عليه "

- القدرة ع إتخاذ القرار " وتحديد العناصر التى تمكن من الإثبات وصياغة قرار معين "

- علمتي أن اللي محتجوش النهاردة هحتاجة بكرة والبير اللي تشرب منه لا تبثق فيه !! لانك هترجعلة تاني وتشرب منه

- علمتني إزاي أقوم بالربط بين الأفكار والقدرة على صياغه الفرضيات

- علمتني إزاي اكون أمين ولما أتحط في موقف أحكم بالعدل بناء ع الورق والأدلة المادية الملموس دون الأخذ في الإعتبار أي أشياء أخري

- حاجة كمان بصراحة خلتني أكون شكّاك وموسوس ودا عيب مش ميزة ..

- علمتني إزاي أنظم وقتي وإزاي ارتب أموري بشكل سليم وفقا ً لفرضيات معينة

- علمتني إن مينفعش أطلع السلم من أخره ولكن لابد أن تطلع الدرجة الأولي أولا ً ثم الثانية ثم الثالثة وهكذا .. " هل ممكن تعمل ميزانية من غير قيود يومية وبعدين استاذ واستاذ مساعد وميزان المراجعة والحسابات الختامية " الأمور تسري بمقادير معينة

- وحاجات تانية كتير يا حسام انته طبعا ً عارفها بس دا والله اللي في ذهني حاليا ً ..

4- امتى تشوف عماد تانى فى السعودية ؟ وامتى بعد سفره لابوظبى باذن الله نشوفه تانى فى مصر كاستقرار نهائى؟

بص الأمور دي بإيد ربنا ودا نصيب .. بس لو أخدنا بالأسباب فإن شاء الله تعالي أرجع السعودية تاني لما الكفالة تتلغي !!

تشوفني تاني في مصر لما الحال والوضع يتحسن وأعتقد اني دي رغبة كل المغتربين مش أنا بس ,, بس تختلف وجهة النظر من شخص لأخر فيه مننا له إعتبارات مادية والأخر له إعتبارات سياسية وأقتصادية وغيرها .. بالنسبة ليا بكل أمانة أرجع وأستقر في مصر لما أحس أن فيه تقدير للكفاءات وسعي الإدارات للحفاظ عليها .. وتتلغي الوسطات والرشاوي ..

5- هو عماد اتكهرب قبل كدة فى الواقع؟ امتى وفين؟ واتعلمت ايه من الكهربا دى؟

هههههههههه فكرتني أيام ثانوية عامة بموقف ..

كان أيامها كان فيه حاجة عن المسجد الاقصي ومحمد الدرة باين فكنت ثورجي مدرسة الثانوي عندي جنبها الثانوية بنات والثانوية التجارية وقدام شوية فيه الأزهر وجنبه مدرسة الصنايع .. المهم أخوك لقي كل يوم مظاهرة بتطلع من المدارس دي غير مدرستي .. المهم اتفقت مع مجموعة كدة وكتبنا منشورات وكنت أنا اللي بكتبها وبصورها وروحت جبت علم متر قماش ورسم عليه علم إسرائيل والرش الألوان رشيت ع جدران المدرسة كلها عبارات الأقصي لنا وخيبر خيبر يا يهود جيش محمد سوف يعود وغيرها من تلك الشعارات .. وأوزع منشورات ع الفصول كلها واتفقت مع الطلبة بتوع المدارس التانية ماعدا البنات بصراحة ان فيه مظاهره يوم كذا بعد المدرسة واخترت ميعاد كلنا بنخرج فيه في وقت واحد اعتقد كان السبت المهم تم التنسيق من قبل مجموعتي والمجموعات الخاصة بباقي المدارس وكانت وسيلة الإتصال الراجل بتاع التغذية المدرسة " العيش والجبنة والمربي والبسكوت " :D المهم بالفعل أنطلقت المظاهرة وكانت كبيرة جدا ً جدا ًَ حوالي 5 مدارس ثانوي وانضم لينا يتوع الإبتدائي والناس شالتني وانا اهتف :happy: الأمن بتاع البنك اللي قصاد المدرسة جري علينا زقلنا بالطوب واتعور .. أصلة غبي أوي 5 مدارس طالعة ودا هوه وواحد معاه جاي يهوشنا زقناه بالطوب وأتحمسنا بقا .. وقعدنا نلف في البلد كلها لمدة ساعة كدة وكلة روح بيته وانا أتقفشت ومعايا ناس تانية .. المهم اول ما دخلنا كلة قال عماد حمدي هوه اللي نظم الدنيا دي كلها :happy: ولاد اللذينة باعوني .. وأتحطيت ع كرسي زي اللي انا قاعد عليه دلوقتي .. اسمك اية ومنين وباباك شغال اية واية اية اية .. الأمور كانت ممكن شوتين وقلمين ومتعملش كدا تاني وأروح والموضوع خلص .. لكن اللي خلا الوضع يسوء ان والدي تبع الجماعة اياها .. فالمركز عرف بكدة وكانت هتتعمل قضية واتحسبت يومها 3 أيام لحد ما جه واحد وطلعني .. بس كان استجواب واسئلة غريبة أنا أيامها مكنتش أعرف معناها ولا اعرف اية هيا الإجابة ولا لا لا بس كنت قاعد أعيط وخلاص .. :blink: اتعلمت اية .. أتعلمت أني متكلمش في الأمور السياسية خالص والتي تمس الأمن العام والوطن .. بس لو مكنتش ظروفي دي موجودة أكيد كان موقفي هيتغير لكن أنا وضعي غير وضع غيري للسبب اللي قولتك عليه قبل كدا ..

بس في الموقف دا بقيت كل ما اروح اي درس فضلوا يومين او تلاتة كدة اخش المجموعة كاني بطل ثوري وكلة يسألني عملت اية وأحكيلنا وكان المدرسين فخورين بيا أني لسة 14 سنة وقدرت اخطط وأنظم واجمع الناس دي ونمشي ع نهج واحد ويكون لينا هدف واحد .. وكنت فرحان بكدة .. بابا طبعا ً من جواه كان مبسوط من كدة لكن ظاهريا ً يقولي كدة غلط وانتة لسة صغير وقعد ينصح فيا .. بس مكررتهاش تاني .. طبعا ً دهنت جدران المدرسة اللي كتبت عليها ع حسابي ..

ومرة تانية قعدت ع الكرسي دا في المدرسة لما ضربت مدرس العربي .. سألني سؤال وانا معرفتش فضربني بالقلم ع وشي .. محستش بنفسي إلا وأنا رادد ليه القلم قلمين وكان بصراحة معايا عيال رجلة في الفصل قامو يحجزوا بس عارف نظام التحجيز اللي هوا يضربوا بمعني مسكوا المدرس وكتفوه بس مبينين ليه انهم بيحجزوا وانا اقولة بقا بتضربني يا ابن تيت تراباتاتي .. نزلت لمدير المدرسة .. اول كلمة قالها أنته تاني هوه مفيش في المدرسة الا انته الله يحرق عماد حمدي واللي جابة .. اتسحب من لساني وقولتة ومال اللي جابة يا استاذ : .... قالي وبترد عليا كمان واتشاكلت معاه واتفصلت يومها 10 أيام وجواب الفصل ع فكرة لسة معايا بس بعد تحقيق من قبل بتوع الخدمة الإجتماعية .. اتعلمت اية بقا . أتعلمت أني مش أسيب حقي مهما كان بس خد بالك مبزعلش من حد لكن لو الحد دا ضرّني مستحيل أسيبة ولازم يتحط في البلاك ليست وأغزه .... :D

6- عمدة ... قولنا عالكورسات اللى انت اخدتها قبل كدة ونبذة عن كل كورس

من عنيا يا حس .. ع فكرة انا كنت كتب الكورسات دي قبل كدة بس هكتبها تاني مفيش مشاكل .. انته تؤمر

- وورد 2003 Expert من الجامعة الأمريكية

- إكسيل 2003 Expert من الجامعة الأمريكية

- أكسيس 2003 Expert من الجامعة الأمريكية

- الـ ICDL خدتها سنة 2006 اواخر 2005 بالظبط

- إعداد محاسبين من مركز التدريب الإداري والإستشارات من جامعة المنصورة 2007

- المحاسبة الإلكترونية من الجامعة الأمريكية 2006

- التسويق والتجارة الإلكترونية من الجامعة الأمريكية 2006

- مهارات إدارة الأعمال من الجامعة الأمريكية 2006

- إحتراف مهارات البيع من الجامعة الأمريكية 2006

- إنجليزي من الأمديست 6 مستويات 2007

- لغة روسية قراءة وكتابة وتحدث " تقدير جيد " بس دلوقتي نسيت طبعا ً محتاجة بس شوية مراجعة خفيفة 2008

سامعك وشايفك بتقول انت محاسب لية اخدت إدارة أعمال ومبيعات وتسويق مش خسارة الفلوس دي وكنت تاخد بيها حاجة متخصصة في مجالك زي مثلا ً الـ CMA هقولك وجهة نظري في نقاط :-

1- لو تلاحظ هتلاقيني أخدت الكورسات دي وأنا لسة في الدراسة لية ؟ أولا ً لتوفير الوقت بعد ما اتخرج وبدل ما اضيعلي سنتين تلاتة أخد دورات أهو أدور ع شغل وأبتدي صغير افضل

ثانيا ً استفدت من جو المذاكرة العام بتاع الكلية ودخلت معاه الكورسات دي لان بعد ما اتخرج أكيد مكنش هيكون فيه نفس للمذاكرة ومكنتش هعمل المحصلة اللي فوق دي ووقتي هيكون ضيق جدا ً وهشتت نفسي لا أما أشتغل لا أما اكمل دراسة وهبقي في صراع مابين الرغبة والحاجة .. ويوم ما كنت هاخد دورات كنت هاخد كورسين او تلاتة بالكتير ..

ثالثا ً استفدت من الموقف دا بذكاء .. اولا بداية كد بعد ما اتخرجت مخدتش مليم من والدي حتي وانا لسة بدور ع شغل فكان هيبقي صعب عليا أن أقولة اديني فلوس أخد دورات وانا متخرج والمفروض اعتمد ع نفسي .. هوه مش هيمانع بس منظري هيكون زفت !! فقولت اية اما ادخل مصاريف الكورسات مع مصاريف الكلية واهو كلة تعليم :wub:... أدي موقف صياعة مني ع أبويا اهو ههههههههههه

2- بعد ماتخرجت الكورسات والمؤهلات دي خلتني أكون مميز جدا ً عن 4000 طالب من كلية تجارة لسة هيبدأ من جديد وياخد دورات فالفضل لله تعالي أي مقابلة شخصية كان بيكون ليا الأولوية في القبول علشان الشهادات دي ..

3- من توفير الوقت دا إستفدت بيه كمان فيه نقطة ان أكون محاسب فريش مؤهل عندة شهادات قوية سنة صغير وع فكرة كلها باللغة الإنجليزية لكن ينقصني الخبرة العملية وبكدة بكون سابق جيلي أو سابق زمايلي بكتير اللي ياما اتريقوا عليا بس الحمد لله

4- نقطة بقا مهمة جدا جدا جدا جدا جدا في جمعي لأخذ دورات في مجالات محتلفة ..

بص يا حسام أنا منفعش أحكم ع حاجة من خلال السمّع ولكن لازم أجربها الأول وبعدين أحكم عليها ,, لما اتخرجت مكنتش أعرف اني هحب المحاسبة بالشكل دا ومكنتش أعرف ان جوايا ملكة أو موهبة أني ممكن أبدّع فيها درست التوسيق والإدارة والمبيعات معاهم وجربتهم كلهم و شكرتي في مصر انا كنت رايح ع أساس اني أشتغل سوبر فايزر رئيس الحسابات عرف اني بكالوريوس تجارة قالي جرب ومش هتندم وفعلا ً جربت ومندمتش ولقيت نفسي ان الحسابات هيا المجال اللي هقدر أدي فيه أكتر وابدع وأطور من نفسي فيه .. بس كان لازم اجرب وادرس المجالات التانية دي .. هتقولي ما انتة درستها في الكلية هقولك فية فرق ما بين الدراسة الأكاديمية والدراسة المهنية وانته اكيد عارف كدة .. والحمد لله ع كل شيء

5- نقطة برده تانية لا تقل أهمية عن ما سبق .. أنه ان شاء الله تعالي يوم ما يكون فيه حركة ترقيات في شركتي لمنصب إداري عالي هيكون ليا الأولية بإذن الله اني هقدر ادير الشركة وانا فاهم وعارف ياعني اية تسويق وتسويق إلكتروني ياعني اية مبيعات ياعني اية تجارة إلكترونية وعارف مهارات إدارة الاعمال كويس .. فهدير العمل بشكل افضل من غيري .. لان الأساس سليم ومؤهل أكاديميا ً ومهنيا ً وفقا ً لتطورات العصر الحالي .. وخد بالك حاليا ً بردة بقرأ الكتب دي انته عارف انها هتفيدني في الـ CMA في إتخاذ القرار والإدارة المالية والكلام دا ..

كفاية كدة ع السؤال دا لحد كدة .. بس لو عايز تفاصيل اكتر تحت أمرك يا حس ماليش بركة إلا أنته ..

7- عماد حدد ميعاد الفرح (زواجه طبعا) وطبع الدعوات ...... أول دعوة هتكون لمين وهتهتم انك توديها بنفسك (اوعى تقولى العروسة)

مممممممم بلاش السؤال دا .. أعذرني مش هقدر أجاوب .. بس اكيد اللي في دماغك لو كنت متابع موضوع بئر الأسرار .. بلاش تصييح بقا :sad:

دول كدة دفعة تحت الحساب .. بس بصراحة اسئلة حلوة مستمتع وأنا بتكهرب بس باقي الأسئلة تموت مش تكهرب علشان كدة هخليها لواحدها

[عماد حمدي]

رضووووووي

مفيش شوب موز بلبن كدة قبل ما اخش علي مرحلة الكهربا التانية .. :happy: اهو حاجة تعود الدم اللي نشف دا :happy:

[doha]

تسجيل متابعه بس انا كما العاده احب اقرا الردود باكثر مااحب اسال

بس على فكره ومبدئيا كده ومن وصفك لاهتماماتك وطموحك ودرجه التاهيل الي وصلت لها فبجد احسن حاجه حصلت لك انك رجعت من السعوديه من عند الكفيل ( الفردي ) الي كنت معاه .. اعتقد امكانياتك دي وفي المرحله الي انت فيها دي كان المفروض تكون في شركه كبيرة كدرجه اولى نحو حاجه اكبر مكانش ينفع ابدا تكون محاسب صغير في شركه صغيره ..

فعلا وعسى ان تكرهوا شيئا وهو خير لكم ..

بس مازلت عند رايي .. عيبك الوحيد .. مستعجل بتفرح بالمكسب القريب وبتبص اكتر تحت رجليك :closedeyes:

تم تعديل 31 مايو 2010 بواسطة doha

[عماد حمدي]

نخش بقا ع الجد ... وربنا يستر ..

mf(

8- عماد حمدى ..... اكبر واحد فى اخواته

أي نعم انا الكبير وليا أخين واحد دلوقتي في ثالثة إعدادي " ماشي في طريق الدعوه الإسلامية " والثاني في ثالثة كلية آداب تاريخ جامعة المنصورة " دا مطور ومبرمج مواقع ومنتديات " وتبع ... بابا .. الحدق يفهم بقا

ايه الحجات اللى عماد معملهاش وعايز اخواته يعملوها .......

بصراحة هما ماشيين في طريق كويس جدا ً دلوقتي وافضل مني لما كنت في سنهم .. وتحت رعاية الحاج والدي بردة وانا شخصيا ً بتعلم منهم ودا مش عيب ع فكرة . بس ظروفهم ووضعم دلوقتي افضل مني بكتير لما كنت بسنهم وعندهم قدرة رهيبة في تنظيم الوقت وبصراحة مبيضيعوش وقت من غير ما بيستفادوا بيه .. حتي الأجازة بيبقي ليها برنامج محدد سواء حضور جلسات دين إشتراك في نادي معين بياخدوا دورات كمبيوتر حفظ قرآن مسابقات بينظمها جماعة ....... في مقرهم بطلخا جنينا ياعني .. والله بجد أفضل مني

وايه اللى عمله ومش عايز اخواته يعملوها؟؟؟؟

مش عايزهم يبصوا تحت رجليهم . " ع رأي ضحي كلامها مظبوط والله ". ومش عايزهم يبصوا لورا ودايما ً يبصوا لقدام ويشوفوا بكرة أحلي وأجمل .. وان حصل لهم حاجة ميندموش عليها اللي حصل حصل وخلاص .. بجد دا فعلا ً اللي مش عايزهم يعملوه وهما بصراحة افضل مني بكتير في النقط دي .. بس مع إختلاف نهج كل واحد فينا .. بس طريقة التفكير متقاربة .. والقوة دي مستمدة من بابا ...

واحد محاسب ومغامر ..

الثاني متديّن جدا ً ومبرمج مواقع ..

الثالث داعيه إسلامي إن شاء الله .. وطموحة يخش هندسة ..

وكلنا تحت إدارة واحده .. العملية كلها توجيه سليم مراقبة التصرفات من بعيد .. الدخول في حل المشكلة إذا لزم الأمر

علموا أولادكم الرماية والسباحة وركوب الخيل .. طيب انا مبعرفش أعوم هعلمهم السبحاة إزاي ؟؟ قالك ارميهم في البحر وهما يتعلموا دا مبدأ عام لينا كلنا ..

والأصغر خالص دا طالع ليا في كل تصرفاتي وأنا صغير وطريقة التفكير وبجد والله العظيم زمايل بابا بيقولوا عليه أن الواد دا سابق سنة وعنده رجولة مبكّرة ياعني مش زي عيال الأيام دي لعب في الشوارع ليل ونهار ومفيش مذاكرة الحمد لله الأمور محكمة جيدا ً ودا راجع ان متوفر جو الديمقراطية وحية النقاش بينا كلنا ..

وبالمناسبة دي .. دا فيديو لأخويا الصغير 3 إعدادي بس وهوه عنده أيامها 8 سنين بالظبط كان لسة بيتعلم إزاي يلقي خطبة غايبا ً فكنا بنعمل بروفة ..

اتفضلوا اللينك http://www.youtube.com/watch?v=oUrgBu0wr0E

ودا لينك تاني لحفل أوائل الطلبة في تانية إعدادي http://www.youtube.com/watch?v=HZBxSGqKfzg

وللعلم هوه اللي بيخليني لما أكسل في الصلاه ينبهني بالإضافة كان عامل مؤثر جدا ً ع والدتي أنها تتنقب ..

هتخاف عليهم من ايه ؟ ................. وهتزرع فيهم ايه؟

هخاف عليهم من الأيام الجاية ومن التعامل والإحتكاك مع الناس بس هما لازم يتعلموا كدة . ولازم يمروا بالتجارب دي

مش عايزهم يتبهدلوا زي ما انا إتبهدلت بدعي ربنا ليل ونهار انه يوفقني وأستقر علشان يتخرجوا يلاقوا الطريق قدامهم جاهز واختصر ليهم نص المسافة .. بجد دي أمنيه حياتي فعلا ً .. هزرع فيهم حقك لو سبته مرة هتسيبه ع طول .. دي أهم حاجة إياك تسيب حقكك في يوم من الأيام + لو أتنازلت في الأول هتتنازل كتير بعد كدة .. يكون ليهم شخصية قوية ومؤثرة + إمتي يضحي وإمتي يسامح + الصبر مفتاح الفرج + لازم تكون طموح ولكن بمقدار معين + هعلمهم لازم يعتمدوا ع نفسهم وميعتمدوش ع أي حد + هعلمهم ميحطوش آمالهم ع إحتمال واحد لكن يجب أنهم يحطوا فرضيااات كتير أوي بحيث الأول منفعش يبقي التاني موجود وهكذا .. هعلمهم ميثقوش في حد نهائي ويكون حذرين وحريصين جدا ً .. حسام والله يا باني هما اللي بيعلموني أصل لو قولت كدة محدش هيصدق وهتقولوا اني بتفلسف بس شوف الفيديو ودا الأخ الأصغر ليا وكان وقته ساعتها 8 سنين دلوقتي 13 سنة لك أن تتخيل تفكيرة دلوقتي إتطور وبقا أية ..

9- تليفون بينك وبين الاشخاص التالية اسمائهم قولى ايه الموضوع اللى هتتكلموا فيه وايه الحجات اللى نفسك تحكيهالهم وايه اللى نفسك تسمعه منهم

أ - الاستاذ حازم حسن KPMG

يااااه دا يبقي يوم بجد لا ينسي .. بص يا سيدي حازم حسن يا خرابي انا مش هصدق نفسي بجد .. بس عاما ً هبدأ الكلام بعد التحية والسلام وأقولة إية هيا الخطوات اللي لازم أتبعها علشان أكون محاسب متمكن .. إية اللي المفروض أدعم بيه نفسي .. ممكن يا أ.حازم تقولي خطة مهنية ليا كمحاسب للفترة الجاية ياعني انا شرحت لحضرتك ظروفي وإمكانياتي ممكن تقولي خطة بقا وأمشي عليه + اية هو سر نجاح حضرتك ؟؟ بدات إزاي ؟؟ تنصحني بإية علشان اكون ناجح زيك ؟؟ ممكن تشغلني عندك :closedeyes:

ب- الدكتور جودت الملط (رئيس الجهاز المركزى للمحاسبات)

هقولة النمرة غلط .. بس قبلها هقولة سيب الليلة دي لناس فاهمة ولما تتطلع تقارير بعد كدة تكون متأكد منها علشان الناس متضحكش علينا ويجي واحد زي أحمد عز يستجوبك ويقول عليك انك مبتفهمش حاجة .. وعيب انك تكون ريئي الجهاز المركزي للمحاسبات حتة واحده ومبتعرفش تطلع تقرير مظبوط والعيب الأكتر ان الناس اللي مش عارفة محاسبة تعلق عليك .. فعيب أوي أوي .. سيب الوظيفة دي لحد فاهم وروح قشر بصل أحسنلك

جـ - البشمهندس نجيب ساويرس (صاحب شركة اوراسكم)

ممم الراجل دا بالذات يا حسام نفسي أعرف جاب الطاقة دي كلها منين صبرة الفترة اللي فاتت وتحملة لضغوط كبيرة حصلت الفترة اللي فاتت ومع ذلك كان متماسك جدا ً وتحدي الناس كلها واثبت نفسة إنه مستثمر ناجح طبعا ً لازم أعرف إية هو سر نجاحة وينصحني بإية علشان أكون رجل أعمال ناجح أو مدير ناجح .. ومهارات الإدراة والتخطيط طويل الأجل .. بجد هتبقي فرصة جميلة أني أتعلم من الشخص دا .. خاصة في مجال الإدارة .. بس سبحانك يارب لو واحد تاني مكان نجيب سوايرس بجد كان مات لكن دا صبر حكمة تخطيط سليم تنظيم رقابة محكمة بالطبع القرار هيكون مظبوط أعداء النجاح تعاملت معاهم إزاي ؟؟؟

د - وزير المالية المصرى (يوسف بطرس غالى) مش اسمه كدة صح ؟ اصلى سعات بنساه

مش هتفرق اسمة صح ولا غلط ..

بكل شفافية الهاتف الذي طلبته ربما يكون مغلقا ً من فضلك متتصلش تاني هنا يا حيوااااااااااان .. تيت تيت تيت .. ty:)

هقولة فين فلوس المعاشات .. وحد يدخل فلوس المعاشات في البورصة يا أهبل ..

أقولة حرام عليك كل يوم تطلع لينا بضرائب جديدة ونوع جديد دا ناقص ندفع ضرايب ع الهوا اللي بنشمه ..

كل دا علشان نسد عجز وأخطاء انت كنت السبب فيها .. حد يحط فلوس المعاشات ويتاجر بيها في البورصة !!؟؟؟؟ :)

وبعدين يكون ليا الشرف فعلا ً ان واحد زي دا هزأته .. وهوه موظف ياعني حاجة متشرفنيش أني اكلمة

وهقفل في وشة طبعا ً بس لازم البوقين دول

تم تعديل 31 مايو 2010 بواسطة omda2006

[رضوي]

رضووووووي

مفيش شوب موز بلبن كدة قبل ما اخش علي مرحلة الكهربا التانية .. :) اهو حاجة تعود الدم اللي نشف دا ty:)

تصدق بعد اجاباتك دي انا اللي محتاجة شوب موز باللبن !!!!!!!!!

بس ولايهمك

mf(

وعندك واحد المشروب الرسمي للكرسي .......... شوب كبييييييييييييييير اوي موز باللبن وصلحه

:closedeyes:

وبعده ياعم .......... ليك شوب تفاح علي حسابي

[عماد حمدي]

رضووووووي

مفيش شوب موز بلبن كدة قبل ما اخش علي مرحلة الكهربا التانية .. :) اهو حاجة تعود الدم اللي نشف دا ty:)

تصدق بعد اجاباتك دي انا اللي محتاجة شوب موز باللبن !!!!!!!!!

إشمعنــــــــــــــــــــــــــــــــــــة :D

بس ولايهمك

mf(

وعندك واحد المشروب الرسمي للكرسي .......... شوب كبييييييييييييييير اوي موز باللبن وصلحه

:closedeyes:

تسلمي يا رضوي بس من غير سكر الله يخليكي ..

وبعده ياعم .......... ليك شوب تفاح علي حسابي

اية الدلع اللي انا فيه دا .. هههههههههههههههه يالا ً اهو يعوض دمي اللي سال دا ..

يا حسام

منك لله انا قاعد من الظهر لحد دلوقتي أجاوب شوية وأستريح شوية واظبط المنتدي بتاعي وارجع تاني لحد ما هنجت

وحياااااااااااااااااااات فاتن حمامة لمطلع كل دا عليك اصبر بس .. انا حاسس اني بتصفي .. mf(

[رضوي]

عماد ياابني

خد شوية الاسئلة دي ع الماشي

- خايف من ايه في الدنيا

- امنية نفسك فعلاً تحققها ( غير بتاعت بئر الاسرار )

-قرار ندمت عليه

- هواياتك المفضلة

- سلبيات مصر ايه ياعماد

- افضل تخصص في كلية التجارة ؟؟؟ وايه الفرق بين المحاسبة وادراة الاعمال ......... من حيث احتياجات سوق العمل ؟

- شايف بكرة ازاي ؟

- فكرة مجنونة في دماغك وعايز تعملها ؟

- اتعلمت ايه من الدنيا ؟

- ياتري هتشارك في الانتخابات ؟؟

- معلش سؤال ع الماشي ............. هو اخوك الصغير دة مرتبط ؟؟؟؟؟؟

[doha]

شفت الكليب بتاع الخطبة .. ماشاء الله سكرررررررررر

ربنا يحفظه يارب

انا خلاص قررت .. انا متبرية منك ياعماد ياحمدي انت مش ابني .. من النهرده اخوك احمد هو الي ابني ضنايا .. ربنا يبارك له يارب ويجي يوم يبقى شيخ بجد وربنا يرزقني ابن زيه كده ـ ربنا يحفظه لكم يارب وينفع بيه ويطلع احسن مما يتخيل الجميع ..

[عماد حمدي]

- معلش سؤال ع الماشي ............. هو اخوك الصغير دة مرتبط ؟؟؟؟؟؟

لالالالالالالالالا الواد مش بتاع الحاجات دي خالص سيبوه في حالة والنبي :closedeyes: ع فكرة ممكن أجيبه ليكم هنا وتحطوه ع الكرسي بس الشاطر بقا يسد معاه هههههههههه

بس هوه حاليا ً مشغول أخد الأجازة بقا ومشترك في أكاديمية الموهبين كورة وحركات شايف نفسة رونالدو ...

هجاوبك ع الأسئلة حاضر بس أخلص من قنابل حسام اللي رمهالي في وشي ومشي .. اما اشوفه بس ty:)

شفت الكليب بتاع الخطبة .. ماشاء الله سكرررررررررر

ربنا يحفظه يارب

انا خلاص قررت .. انا متبرية منك ياعماد ياحمدي انت مش ابني .. من النهرده اخوك احمد هو الي ابني ضنايا .. ربنا يبارك له يارب ويجي يوم يبقى شيخ بجد وربنا يرزقني ابن زيه كده ـ ربنا يحفظه لكم يارب وينفع بيه ويطلع احسن مما يتخيل الجميع ..

هههههههههههه لية بس كدة .. بقا دا جزاتي ههههههههههه ماشي يا ضحي احمد أخويا بردة واتمنالة الخير وانا وهوه واحد دا روووووووووح قلبي من جوا وهوه الأقرب مني من اخويا التاني .. بس الواد مش عارف طالع ألدغ لمين فكرنا ندخلة مدارس فرنساوي بابا رفض .. مش عارف اخدتي بالك من اللدغة دي ولا لا

ربنا يباركلك يارب ويرزقك بولد أحسن منه .. بس متنسيش تمسيه أحمد بقا :)

هوه ليه خطب تانية بس قولت أرفع الملف دا كفاية ..

شكرا ً مرة تانية وانتظروا اجابة باقي الأسئلة .. ربنا يعيني بس واجاوب .. انا اتصفيييييييييييييييييييييييت

[عماد حمدي]

(

10- احكيلنا يا عمدة عن تجربة شرم الشيخ من حيث مميزاتها. وايه الحجات اللى شارم اضافتها لعماد؟

لية بس بتفكرني .. انا مصدقت نسيت ...

بدايه كدا .. انا قولت أجرب الشغل في أنضف حته في مصر الأول لو نجحت مش هسافر ولو مقدرتش أعمل حاجة يبقي السفر هو الحل الوحيد " ياعني زي ما قولتلك قبل كدا لازم تجرب الشيء الأول علشان تحكم عليه " فمكنش من الطبيعي أقول أنا مش عايز مصر ومصر دي كذا وكذا وكذا ولازم أسافر فقولت بقا علينا وع شرم الشيخ أهي تعتبر أنضف منطقة فيكي يا مصر .. طبعا ً علشان أروح شرم لازم تصريح بتاع أمن الدولة وكارنيه تعريف من شركة وقصة طويلة عريضة كانك مهاجر خاصة في وقت المؤتمرات البلد بتبقي فاضية ترمي الابرة تسمع رنّتها وبيتم ترحيل ناس كتير ينزلوا بلدهم وبيبقي يرجعم تاني بعد المؤتمر .. المهم كان حلمي أشتغل في أي شركة سياحة وخلاص المهم يكون في فرعها بشرم الشيخ دخلت ع النت جبت كل عنواين الشركات دي وعرفت ان شركتي تعتبر أكبر شركة ليموزين ونقل سياحي وتأجير سيارات ع مستوي مصر كلها فطبعا ً قولت مستحيل يقبلوا بواحد زيي المهم ضربت البدلة ولمعت الشوز ونزلت توكلت ع الله كدة ورحت الشركات دي أحط السي في بتاعي وامشي وأغلبهم قالي تشتغل معانا هنا في مصر ناس منهم قالت تبقي مبيعات وناس تانية تسويق وناس تالتة سوبر فايزر في الفنادق اللي هما ماسكينها في كايرو وانا مصمم ع شرم الشيخ .. زهقت من اللف قولت باقي بقا الطيّار اهو أروح اجرب ومش هخسر حاجة المهم طلعت مليت الأبليكيشن ودخلوني ع مدير التشغيل هوه يقنع فيا أشتغل في القاهره وانا اقولة في شرم ويقولي لية اشمعنة فمكنتش لاقي حجة غير اني اقولة أصل حضرتك كايرو او شرم كدا كدا بالنسبة ليا هتبقي غربة لاني من المنصورة المهم بعد ما تعب مني قالي خلاص لو فيه فرصة هنبقي نتصل بيك .. تاني يوم ع طول لقيته بيتصل بيا قالي استاذ عماد قولت ايوة قالي معاك فولان الفولاني الشركة الفولانية قالي تعالي لينا بكرة علشان نقولك الورق اللي تجهزة علشان تسافر شرم ان شاء الله .. انا سمعت الكلمة دي وقفلت معاه ونزلت أزغرط :110: وفرحان واهيص وماما تقولي فية اية قولتلها خلاص هشتغل في شرم يا ماما وكنت هتجن من كترة الفرحة :) .. المهم روحت واستلمت ورقي واخدت كارنيه التعريف ID علشان اعرف اخش البلد .. داخل البيت بقا قاعد أزغرط " وعماد مسك الكارنية . ty:) . وعماد مسك الكارنية " وش ابو محروس بتاع الوزير ... محروس مسك المقص محروس مسك المقص انا بقا الكارنية .. حضرت شنطتي وكنت خايف أوي من الكماين اللي ع الطريق علشات لسة جديد وكدة والحمد لله دخلت والناس كانوا في انتظاري وبدات رحلتي بقا من اليوم دا .. بصراحة إنبهرت بجد من اللي شوفته وكنت بقول سبحاااااااان الله الطبيعة هناك تهبل معقولة الجمال دا في مصر .. وقولت شكلي كدا ولا هسافر برة ولا بتاع العيشة هنا هتبقي فل .ز وتوكلت ع الله وبدات ..

البلد دي ع فكرة مش تبع مصر خالص ياعني مصر كلها في وادي وشرم دي بالذات في وادي تاني حتة من أوربا فعلاً وهيا رابع أجمل مدينة ع مستوي العالم .. أجمل ما فيها هوه خليج نعمة دا بالليل بيبقي شهيصة وحركات مكاني المفضل دايما ً بقعد قدام هارد روك أو قدام الباشا كافية كدة في قلب خليج نعمة اللي جاي واللي رايح أقعد أعاكس .. mf(

أطلع ع بلاك هاوس .. أتشهيص هناك gt:

بص يا حسام الإختلاط والإحتكاك المباشر بجنسيات أوربية بالذات دا في حد ذاته ميزة وإضافة ليا .. لانه فتّح مدارك تفكيري وخلاني أفكر في أمور كتير مكنتش متخيل أني افكر فيها خالص , إتعلمت من الجنسيات دي أن الوقت دا نعمة كبيرة جدا ً ومتضيعوش ع الفاضي ,, الوقت كالسيف ان لم تقطعه قطعك , إتعلمت أني لما أدي لحد كلمة لازم اكون قدها ياعني أديت لحد ميعاد يبقي لازم اروح ولو لقدر الله حصل ظرف لازم اتصل قبلها وأعتذر دي من الإنجليز بصراحة .. بيني وبينك إتعلمت الصياعة من الطلاينه والروس . . وفعلا الناس دي ماشية بمبدأ جميل عيش اللحظة اللي انته فيها وإستمتع بكل دقيقة تعدي عليك لانها لو راحت مش هترجع تاني .. فندمك ع أشياء فاتت لا يعيده ,, وحزنك ع أي حاجة فاتت برده مش هيعيدة ,, فكر في النهاردة وإزاي تخلي نفسك أسعد واحد في الكون كلة .. إختلط بالإنجليز زي ما قولتلك ودول أكتر جنسية كنت بحبها جدا جدا جدا جدا جدا لان ع فكرة من وجهة نظري دول الجنسية الوحيدة القريبة من طباع المصريين سواء في اللبس او الإحترام والهدوء .. بس عيبهم باردين أوي .. ياعني دمهم مش حامي . الطلاينة بقا دول أصيع خلق الله مافيا يا ريس .. عيال كدة تقف بس معاهم تتعلم أصول وفن أن أنته مش اي حد ولا زي زي .. انا عمدة ياد mf( بس سككهم طين كلهم بتوع قمار يبحبوه قد عنيهم .. الروس إهتمامهم الأول والأخير بالخمور والجنس أي حاجة تانية لأ وهزارهم غبي واحد لقيته دخل عليا كان سكران لقيته أخد النظارة بتاعتي وطلع يجري ابن الهبلة .. :D ومرة كنت ماشي في خليج نعمة انا وأصحابي لقيت واحدة سكرانة مساكاني من رقبتي مش عارف كانت عايزة اية اروحلها كدة تيجي كدة اجيلها كدة تيجي كدة لحد ما صحبتها شالتها مني وكان شكلها أستغفر الله العظيم كبيرة في السن بتاع 70 سنة كدة ..

البلد منفتحة تماما ً ودا كان جو مناسب ليا ان دي فرصة مش هتتعوض اني أتعلم وأعرف امور من الممكن مش هعرفها في اي مكان تاني من كتر هوسي وشغفي اني عايز أعرف كل حاجة والبلد منفتحة تماما ً روحت إتعلمت روسي علشان دي الجنسية الوحيدة اللي نادرا ً ما بيتكلموا إنجليزي .. ومبعرفش أتفاهم معاهم مع ان الروسي صعب جدا ً جدا ً سواء قراية او كتابة فقولت والله لازم أتعلم ياعني اللي بيتكلم روسي دا أحسن مني في اية دي ميزة بردة استفدتها من شرم " وتقدر تقول ان دي برده حاجة تفوقت فيها ع نفسي " مش قولتلك كلة جاي سنتك مش معدية خلتني أصيّح كدهوت :closedeyes: .. بس كنت بعمل اية بقا بتعلم وبنزل خليج نعمة بالليل أطبق اللي اتعلمتة .. ههههههههه آي والله .. أروح المواعيد بتاعت الكورس مع واحد تورليدر يشرحلي والمحاضرات مسجلة ع فكرة وأحطها ع الموبايل وانا في الشركة قاعد بسمعها لحد ما أتهوست .. بالليل بقا أنزل أقعد ع الكافية دا واقعد اعاكس دي وأعاكس دي لان مدرس الروسي أيامها قالي اللي هيعلمك روسي صح تتعرف ع واحده هيا دي اللي هتجيب معاك من الأخر .. المهم أنزل هما كلمتين اتنين بيجيبوا من الآخر .. الروس بالذات أسهل ناس ممكن تجيبهم وسهل أوي تتعرف عليهم عكس الجنسيات التانية مجرد بس انك تقولها عايز أتعرف عليكي تشرشحلك ويبقي حظك هباب لو شرطة السياحة واقفة .. المهم ببدأ الحوار كدة .. يالا دا سر المهنة علشان أي حد نازل شرم ..

إذدراست أوتي " السلام عليكيم "

بريفيت " مرحبا ً "

منيا زافوت إيماد خمدي " اسمي عماد حمدي "

دابروتا جالافيت في إيجبتي . فاش إفتروي دوم " مرحب بيك في مصر بلدك الثاني "

وبعدين أخش بقا ع .. اللي انا عايزة وش كدة بدون أي مقدمات

أو تبيا ييست أوتشين كراسيفي جلازا " انته عنيكي جميلة جدا ً " وهما كلهم عنيهم جميلة !!

برافدا تي كراسيفي ديفوشكا .. " بجد انتي صاروخ " :D

يا بروجلاشا يوفاس سيفودنيا نا تي " تقبلي عزومتي ع واحد شاي " دي بقا ما تصدق تقولك " خاراشو " ياعني ماشي

ووش يا معلم تيجي والشاي يتقلب بقدرة قادر لأصناف تانية ربنا يبعدنا عنها

ونفضل نتكلم انا وهيا وانا أقولها إشتو إشتو ياعني ماذا ؟؟ بتقولي اية

لو طلعت بتتكلم إنجليزي انا بدفع الحساب لاني مستفيد منها طول ما انا قاعد ,, قاعد بتكلم معاها وهيا تترجملي وانا أحاول أحفظ ولو طلعت لأ بستأذن منها وبخلع .. هيا دي طريقتي علشان أحاول أتعلم الروسي وكانت طريقة ناجحة بصراحة وإستفدت كتير .. مهو كنت ساعتها لازم أتعلم ياعني لازم أتعلم أتشقلب بقا في إزازة بيرة اعمل الاللي برده هتعلم ..

في الشغل بقا نفعتني جامد جدا ً وخلت الأضواء تتجه أكتر عليا وبقيت جوكر .. ياعني مش محاسب بس

في الشغل كان قليل أوي أوي أوي تلاقي حد في الشركة بيتكلم روسي إلا خفيف وكلمات معينة محفوظة

لما كان يجي بقا أي زبون لينا كان كلة ينادي فين عماد عماد اللي هيعرف هما عايزين اية .. وانا أخش ألاقيهم مثلا ً عايزين يأجروا عربية عايزين يعرفوا مكان معين .. تايهين مثلا ً .. فدي كنت مميز بيها برده في الشركة عن كل زمايلي الموجودين معايا

فبوجهة عام من دا كلة " حاول أنك متقلدش حد ولكن حاول انك تكون مميز " نصيحة تانية برده " إبدأ من حيث أنتهي الآخرون "

مبحبش التقليد الأعمي .. كمان أخدت من كل بستان زهرة سواء تعاملي مع الغرب أو المصريين هناك .. ودا كلة كان لسة مكملتش 21 سنة فطبعا ً أي خطأ إرتكبته ليا العذر ّ ولوني مش مسامح نفسي أبدا ً لكن مجرد التجربة دي نفعتني كتير اوي الحمد لله .. علاقتي بفضل الله كانت ممتازة مع الناس هناك وبالذات مدير الفرع والحمد لله قدرت اكسب ثقته فيا خاصة الخطابات الخاصة جدا ً بتاعته مكنش بيأمن حد عليها غير مع ان دي مش من إختصاصي واختصاص الشئون الإدارية لكن كان بيعتمد عليا كليا ً في الأمور الخاصة دي .. يوم الفلانتين مثلا ً كان بيعزمني انا والـ ..... ؟ ونروح بودا بار رحلة ويتحرق الشغل مكنش في دماغة رئيس الحسابات بقا والناس التانية كانت بتقيد نار من جوه إشمعنة عماد بس بصراحة كنت متبع أسلوب قوي جدا ً بكش فيهم وموريهم العين الحمرة وكان كلة بيعمل ألف حساب .. مش عارف انا متبتعتش الأسلوب دا في السعودية لية !!

مدير الفرع دا بقا عرفني ع ناس كتير وفتحت بزنس ليا هناك تجارة اللاب توب ما انا قولت بخلص شغلي بدري الساعة 6 هعمل اية بقيت اليوم المهم إستغليت نقطة ان الحاجة في مصر بجنية وفي شارم ب 10 قولت بس ننجيب لاب توبات ونبيع بالتقسيط المريح الشركة 80 % منها إشتري مني وكنت بمضيهم ع وصلات أمانة حتي رئيس الحسابات لازم يمضي ويبصم كمان .. وحيات ربنا سرحت قبل كدة بسلاسل فضة كنت قاعد أفكر أجيب فلوس من البلد دي إزاي خاصة ان كل الأمور بالنسبة ليا متاحة علاقات سلطة لان مدير الفرع قديم اوي في شرم وواصل جامد وكان بيسهلي حاجات كتير اوي .. المهم كنت نزلت المنصورة اتفقت مع شركة كدة اخد منها لاب توبات بسعر حنين شوية وكان بابا اللي بيتولي عملية الشراء دي ويبعتلي في السوبر جيبت كرتونة فيها كل اللي محتاجة وكان مكسبها ممتاز ..

لما كنت بتخنق بقا من حاجة كنت بسحب نفسي بالليل كدة وأروح منطقة إسمها الفنار ع الهضبة قدام البحر وأقعد بقا أسرح وافكر واحلم براحتي وكان بجد بتبقي لحظات جميلة جدا ً ياااااااااااااااااااااه

بس حاجة ع جنب كدة .. البلد دي مفيهاش بركة خالص حتي ولو شغال شغلانة حلال 100 % مفيش أي بركة خالص .. ياعني انا كنت باخد مرتب محترم بصراحة ووضعي المادي كويس جدا ً وكنت مستقر .. بس جت فترة حسيت أني أتخنقت بالرغم ان كل حاجة متوفرة قدامي فلوس وشغل وتجارة وعلاقات كويسة وبيزنس وكل يوم بتعلم حاجة لكن جت لحظة كدة حسمت الموقف وقولت هسيب البلد دي ..

ومش عارف هل دا قرار خاطيء ولا صح .. بس دا كان والله إبتغاء مرضاه الله .. وحسيت ان السياحة مفيش فيها إستقرار ياعني ضربة واحده لشرم تعمل حالة ركود لمدة سنة أو اتنين قدام .. تفتكر انته حادث تفجير فدنق غزالة جادرنز شرم قعد 3 سنين ميخشهاش حد والعملية نامت وناس فلست وقفلت والوضع تغير تما ً لكن بصراحة امتع شغل يا حسام انك تشتغل في السياحة بجد هتتعلم ووتودك صح واللي هتتعلمة في أي مكان تاني في 10 سنين مثلا ً السياحة تعلمهولك في سنتين اتنين بس ..

انا كنت 21 سنة زي ما قولتلك وكانت دماغي لسة مفيش فيها خبرة عملية كفاية مجرد دخولي وسط هذا المجتمع حسيت ان دماغي فيها لمبات مقفولة وفجأه كل يوم لمبه منهم تنور وع قدر شعاعها اللي طالع كنت بلاقي حاجات جوايا طلعت .. مش عارف التشبيه وصلكم ولا لا ..

أهلي طبعا ً كانوا مضايقين اني بشتغل في السياحة وياما كلموني أني أسيب الشغل دا حتي ولو هتشتغل بنص الراتب بس هكون مطمن ان القرش دا حلال 100 % ياعني مش عليه شبهه وبعدين الخوف الأكبر اني صغير وسهل انه يضحك عليا دا كان إعتقاد وتفكير ماما ,, بابا كان مطمّن ..

بجد تجربة كانت جميلة جدا ً إتعلمت بردة شوية أيطالي كدة بس مكملتش فيه لانه سهل جدا ً وسهل أي حد يتعلمة !! انا بدور ع الصعب واعملة .. دا اللي قدرت أسترجعة من انطباع عام عن تجربتي لو عايزين تفاصيل مفيش مشاكل بس كدة يبقي حرام والله .. :sad:

11- ايه انطباع عماد عن الفئات التالية والمقيمين او السائحين فى شرم الشيخ

أ - مصريين

بيلبسوا توب مش توبهم .. مش كلهم بس دي الأغلبية "

كمان الأغلبية منهم بالذات الشباب كل همهم البنات والديسكوهات وانشاء علاقات محرمة طبعا ً وإستخدام البنات دي كوسيلة للسفر برة مصر ..

فية منهم كتير شخصيات بجد تفتخر انه مصر متفتحين جداً

ب - عرب

بصراحة ومن غير زعل ولا ليهم أي قيمة هناك .. ياعني هناك الناس بتفضل التعامل مع الروسي " كالخوذني .. ياعني الفلاحين " أفضل من التعامل مع العرب .. وفضحونا هناك نازلين علشان الجنس والعلاقات المشبوهه فقط """ مش كلهم "" بس أسلوبهم مستفز جدا ً ويحسسك أنه إبن ملك أو أمير وأنه يا ما هنا يا ما هناك وبفلوس أقدر أعمل أي حاجة وانتوا هنا خدم عندي .. علشان كدة الناس بتفضل الأجانب عنهم مش علشان الفلوس أبدا ً علشان تعاملهم وأسلوبهم مش أكتر ولا أقل " وطبعا ً مش كلهم علشان التعميم ..

جـ - أجانب

جاوبتك قبل كدا في السؤال اللي قبل دا

أغابي أعتقد كدة حكيت بالتفصيل أهو ولا بختصر ولا حاجة ..

[ساره احمد]

اية دةعماداخوك الصغير زى القمر ماشاء الله.... وكمان مش مرتبط؟! كويس اوى ممكن بقي انت تمشي وتجيبة نتساهر معاة شوية؟