كرسي الأعتراف 2 ( حاليآ الفاضلة Dreamwithme )

[myusername]

وانا كمان برشح الاستاذ موزهيرى

وبقوله من هنا الكبير كبير واتفضل ومتخفش

ولما تيحى ابقى صحينى انا نايم جنب الكرسى

انا كمان موافق

ينفع انا كمان ارشح الاستاذ زوهيرى؟ :)

[MZohairy]

من انت ؟ :)

[رضوي]

من انت ؟ :)

لا

حضرتك مش واخد بالك

احنا هنسأل حضرتك

مش العكس :D

السؤال الأول \

من أنت ؟

[joo]

زهيرى باشا 000

اسمك الحقيقى اية؟

السن؟

متزوج؟

قاهرى00 اسكندرانى00 صعيدى00 منوفى00 شرقاوى00 محلاوى؟؟؟

بتشتغل اية؟

لية بتكتب فى محاورات المصريين؟ وهل بتكتب فى محاورات اخرى00 ما هى؟

اية اكتر محاورات بتكتب فيها؟ ولية؟

فااااااااااااااااااااااااااصل ونواصل :)

[رضوي]

السلام عليكم ورحمة الله وبركاته

استاذ زهيري

- اتعرفت علي المحاورات ازاي ؟

- ايه الامنية اللي نفسك تحققها ولسة مااتحققتش ؟

- ايه احساسك وانت ع الكرسي ؟

- مين أقرب شخصية ليك في المحاورات ؟

- ايه رأي حضرتك في المحاورات ؟

-صورة مين دي ؟

- مين الشخص اللي بتشتكي له بعد ربنا سبحانه وتعالي ؟

- امتي اخر مرة ضحكت فيها من قلبك ؟

دول شوية اسئلة بنسخن بيهم بس راجعيين تاني ان شاء الله .

تحياتي :)

[Alrefaey]

هلا وغلا زهيرى باشا

- ماهو رأيك فى تجربتك الكندية هل مبسوط ,هتكمل ,مخطط إذاى للأيام الجاية

- ماهو تقييمك للحقبة الخليجية التى سرقت منك شبابك هل كانت مجزيه

- لو عاد بك الزمن لأوائل التسعينات هل كنت تفضل تخطيط اخر لحياتك

- هل انت راضى عن نفسك

- متى هتيجى تانى الرياض عشان نعمل معاك الواجب

[حسام يوسف]

ماظاهيري حبيب قلبي

سؤالين مالهمش تالت

الأول لو كنت تقدر ترجع بالزمن لورا

كنت تتمنى تشتغل ايه؟

التاني

ايه الكتاب اللى لسة ماقريتوش ونفسك تقراه

وياريت ياريت توصلوا سلوك الكرسي على كل توربينات السد العالى

ده الغالى :wub:

[fatfouta]

يا جماعة الراجل لسه ماوافقش هيقعد ولا لأ وانتوا شغالين اسئلة

عموما لو هيقعد انا عندى سؤال وحيد

من انت؟

[حسام يوسف]

سؤال تالت يا مايسترو

السؤال اختياري فى الاجابة على أجزائه منعا لأى احراج

الأسماء التالية لأعضاء فى المحاورات

بعضهم التقيته بالفعل

وبعضهم حصلت تواصل بطرق مختلفة

قلنا من وجهة نظرك كل واحد منهم بيفكرك بمين

أو بيشبه لمين

في الفنانين

أو الشخصيات العامة

أو الشخصيات الرياضية

أو التاريخية

س س

سكوربيون

دكتور الشامي

د.هشام ابراهيم

ايهاب سالم

دكتور تهامى

دكتور مويت دوت

حسام يوسف

م-ياسر كندا

وجدي

وضيف أنت اللى تحب تضيفه من الزملاء بالمحاورات اللى بيفكرك بشخصيات معينة

أتمنى أكون عرفت أسأل صح يا مايسترو

[Damo]

إيه يا أبو جنيور! من غير ما تتعب نفسك إنت تسأل سؤال مباشر وانا أقر واعترف على طول .. بس صدقني يا أبو جنيور .. أنا شخصيا متأكد إني مش اللي إنت فاكر إني هو

حتى اسأل Damo هتقولك :wub:

مش أنا يا Damo طلعت واحد تاني؟

أنا مش عارفني .. أنا تهت مني .. أنا مش أنا ..

لا دي ملامحي .. ولا شكل شكلي .. ولا ده أنا ..

ولا ده أنااااااااااااا :)

صضّقني (بالضاد المشددة) .. لو أنا هو كنت اعترفتلك من أول سكينة كهربا :sad:

ماتقولي حاجة يا Damo .. هل ممكن إن أنا أكون اللي في بال أبو جنيور؟

طب ده أنا حتى طلعت دور تالت :blink:

و Damo شاهدة :closedeyes:

الكلام ده صح يا استاذ سكوربيون :closedeyes:

انا بردو كنت فاكراه اللي في بالي و كنت عايشة على امل انو هو..لكن للاسف...طلع في الدور التالت :cry: ..اوت

من الاخر..متتعبش نفسك

[Damo]

سؤال للاستاذ زهيري:

ايه اكتر اكلة حضرتك بتحبها?

[MZohairy]

يا جماعه الكرسي ده صعب عليا و الله

مفيش امكانيه للتنحي؟

[عنبو]

mzohairy مشاركة بتاريخ اليوم, 07:38 AM

يا جماعه الكرسي ده صعب عليا و الله

مفيش امكانيه للتنحي؟

:unsure: :lol: :sad:

انا قولت اللى عندى

[Scorpion]

يا جماعه الكرسي ده صعب عليا و الله

مفيش امكانيه للتنحي؟

اذا كان عبد الناصر نفسه ما قدرش ... حتقدر انت..

ماينفعش طبعآ يا أستاذ

اتفضل علي مكتبك بقي و ما تعطلش مصالح الناس

ملحوظة جانبية للفاضلة أم مروان

اشكرك سيدتي الفاضلة.. فلقد اعطيتني اكثر من حقي

:lol:

[MZohairy]

لا حول ولا قوة الا بالله العلي العظيم

حاضر

بس حسأل سؤال واحد قبل ماقعد على الكرسي من نفسي

من انت؟ :lol:

:sad: :unsure:

[MZohairy]

الكرسي بتاعكم مش مريح

كنت عايز واحد هزاز أو شيز لونج smk:

زهيرى باشا 000

اسمك الحقيقى اية؟

محمد

السن؟

42

متزوج؟

الحمد لله

قاهرى00 اسكندرانى00 صعيدى00 منوفى00 شرقاوى00 محلاوى؟؟؟

قاهري

بتشتغل اية؟

مدير مالي

لية بتكتب فى محاورات المصريين؟ وهل بتكتب فى محاورات اخرى00 ما هى؟

المحاورات دي اول منتدى كتبت فيه و عندي ذكريات جميله معاه

بكتب في منتديات كتير طبعا

منها الاجتماعيه و منها المحاسبيه و منها الفنيه

اية اكتر محاورات بتكتب فيها؟ ولية؟

و الله مجهودي متوزع حسب الموود و بدون اي مقصد

فااااااااااااااااااااااااااصل ونواصل wst::

[MZohairy]

السلام عليكم ورحمة الله وبركاته

و عليكم السلام و رحمة الله و بركاته

- اتعرفت علي المحاورات ازاي ؟

عن طريق زميل ليا في الشغل سنة 2004

- ايه الامنية اللي نفسك تحققها ولسة مااتحققتش ؟

اني اربي عيالي كويس و اجوزهم و اشوف عيالهم متجوزين و مخلفين عيال متجوزه و مخلفه

- ايه احساسك وانت ع الكرسي ؟

فكرني بالانترفيو بتاع كندا wst::

- مين أقرب شخصية ليك في المحاورات ؟

كتير قوي و الله و مش عايز انسى حد

- ايه رأي حضرتك في المحاورات ؟

منتدى محترم و بيصلح نفسه باستمرار

-صورة مين دي ؟

ابني دودي (إياد)

- مين الشخص اللي بتشتكي له بعد ربنا سبحانه وتعالي ؟

مراتي

- امتي اخر مرة ضحكت فيها من قلبك ؟

كل يوم بضحك بتاع 6 ساعات من قلبي و لله الحمد

[MZohairy]

هلا وغلا زهيرى باشا

يا ميت اهلا و سهلا

- ماهو رأيك فى تجربتك الكندية هل مبسوط ,هتكمل ,مخطط إذاى للأيام الجاية

تجربه مثيره و صعبه لكن ضروريه و الحمد لله مبسوط و مخطط اعمل مشروع و استقر نهائي

- ماهو تقييمك للحقبة الخليجية التى سرقت منك شبابك هل كانت مجزيه

تجربه استمرت حوالي 16 سنه و استفدت منها كثيرا و اتعلمت منها ان البعيد عن العين بعيد عن القلب

- لو عاد بك الزمن لأوائل التسعينات هل كنت تفضل تخطيط اخر لحياتك

انا راضي و لله الحمد تماما عما انا فيه و لذلك كنت سأقوم بنفس الخطوات

- هل انت راضى عن نفسك

تماما و الحمد لله

- متى هتيجى تانى الرياض عشان نعمل معاك الواجب

كلم سي السيد و هو يقولك wst::

[MZohairy]

ماظاهيري حبيب قلبي smk:

سؤالين مالهمش تالت

الأول لو كنت تقدر ترجع بالزمن لورا

كنت تتمنى تشتغل ايه؟

ما تضحكش عليا؟ wst::

كنت بقول لأمي وانا صغير و مش عايز اروح المدرسه انا نفسي لما اكبر اشتغل زي عم توفيق البواب عشان بيته هو شغله

التاني

ايه الكتاب اللى لسة ماقريتوش ونفسك تقراه

grey's anatomy بتاع التشريح

كان من ضمن الكتب في مكتبة ابويا الله يرحمه و كنت كل شويه اقرأ فيه شويه و اسأله يترجملي المصطلحات الطبيه و نفسي اقراه كله

وياريت ياريت توصلوا سلوك الكرسي على كل توربينات السد العالى

ده الغالى :lol:

[MZohairy]

سؤال تالت يا مايسترو

السؤال اختياري فى الاجابة على أجزائه منعا لأى احراج

الأسماء التالية لأعضاء فى المحاورات

بعضهم التقيته بالفعل

وبعضهم حصلت تواصل بطرق مختلفة

قلنا من وجهة نظرك كل واحد منهم بيفكرك بمين

أو بيشبه لمين

في الفنانين

أو الشخصيات العامة

أو الشخصيات الرياضية

أو التاريخية

س س

سكوربيون

دكتور الشامي

د.هشام ابراهيم

ايهاب سالم

دكتور تهامى

دكتور مويت دوت

حسام يوسف

م-ياسر كندا

وجدي

وضيف أنت اللى تحب تضيفه من الزملاء بالمحاورات اللى بيفكرك بشخصيات معينة

أتمنى أكون عرفت أسأل صح يا مايسترو wst::

السؤال صعب جدا يا حسام عشان ما شفتش ناس منهم كتير وجها لوجه

ممكن تغير السؤال؟