كرسي الأعتراف 2 ( حاليآ الفاضلة Dreamwithme )

[حسام يوسف]

ما تريحش يا دوك ... ده احنا لسه بنسخن ...

انسان حساس جدآ زيك .... يا تري الحساسية دي سببتلك مشاكل في الحياة ؟؟؟

أعترف أنى حساس

بس هوة يا عم سكوب هية بقت عيبة ان الواحد ياخد باله من الكلام رايح فين وجاى منين؟

انت ابو الذوق كله ومتأكد انك هتفهمني

ليه الناس ماتحاسبشي على بعض؟

ما هو لو أنت أذيتني بكلمة أو تصرف

أنا أقدر أرده برضة

صدقنى الغلط ما فيش أسهل منه

المشكلة ان احنا شعوب للأسف مش بتقدر قيمة الكلمة

صحيح مقدرش أعمم

بس بشوف ناس كتير

ترزع أصعب كلام

وبعدين لما تعابته

يقولك فيه ايه يا عم ؟

انا بهزر

ماتبقاش حنبلي

ماتقفش

وكتير منا بيستهتروا بقيمة الكلمة

ويقولك أهو كلااااااااااااااااااام

ده الفرق بين ابن الحلال وابن الحرام كلمة

والفرق بين تصرف ونقيضه كلمه مكان كلمة

أعترف انى بلواجه مشاكل كتير بسبب حساسيتي

ومن ضمن أسباب هجرتى

بدور على مجتمع وبلد وثقافة بتاخد بالها من كلامها

ومابتدخلش في اللى مالهاش فيه

لما كنت في سفرية السعودية الله لا يعودها أيام

البيه عم الكفيل جه وغلط فيه

ولما عرف زمايلي المصريين

قالولى قالك ايه

ولما قلتلهم انه قاللى انت جليل الحيا

قالولى بس؟

يعنى مش أب وأم؟

تخيل

ومهما واجهت مشاكل

مش هقدر أتغير

العبدلله اللى صح

والواحد لازم يحاسب على كلامه

ومش هتغير

لو كل الدنيا اتغيرت من حواليه

مش بقولك بحب سلفادور دالى؟

من واقع تجربتك .. هل الدكاترة بيكتبوا روشتات فيها ادوية مفيدة للعيان فعلآ و لا حسب هدايا شركات الأدوية اللي عايزة تزود مبيعاتها ؟؟

أنا اشتغلت مندوب وسوبرفايزر فى شركات أدوية

وشفت مهازل بعينيه

ومش عايز اتكلم عشان بعض الأخوة الأطباء هيزعلوا من كلامي

لكن هرد عليك رد مختصر لكنه معبر

الاطباء زيهم زي البشر

لانهم منهم

فيهم الكويس وفيهم الوحش

لكن بجد نسبة الدكاترة الديلرز -بلغتنا يعنى المرتشين-زادت وبقت أغلبية

والمريض له ربنا

أقولك على حاجة تحزن

شركة سودانية لسة بترخص منتجاتها فى مصر

طلبونى اشتغل معاهم

واحنا لسة فى مرحلة جس نبض السوق المصري لمنتجاتهم

عندهم دواء سحر لعلاج مرض ربنا مايحكم بيه على حد اسمه القدم السكري ومرض تانى اسمه قرح الفراش

بالذات مرض القدم السكري المريض بيتعرض فيه فى الآخر لبتر أحد أطرافه أو أصابعه

الدوا بتاعنا لأاول مرة أوف مفعول يعمل اعادة نمو للأماكن اللى ماتت وهتبدأ تتعفن فى جسم المريض

يعنى تجنيب المريض بتر أطراف أو أصابع ليه

ولقينا بعض الدكاترة بالرغم من تجربة الدوا

وشهادتهم انهم مذهولين بالنتايج

الا أنهم مش عايزين يكتبوه

وبعد ضغط وبعد ما زنقت على واحد منهم فى الكلام

قالهالى وش

يعنى المريض لما يخف

ومانعملش غيار على رجله

وما نبترهاش

ودواكم يخففه

ناكل عيش منين يا دكتور؟

اتحكمت فى مشاعري

ومسكت نفسي لحد ما طلعت من عيادته ودخلت الحمام من قرفي من ماديته وسفالة أخلاقه

يا ترى مصدق ان فيه ناس كدة؟

مش الكل

بس نسبة الدكاترة اللى بتتزبط او بتترشي

زادت وبقوا أغلبية

وعلى راى بروف هشام

عصر اضمحلال :sad:

لو ربنا حققلك أمنيتك و قدرت تسافر كندا ... و بعد فترة حسيت ان موضوع الهجرة ده سلبياته اكتر من ايجابياته حتلاقي الشجاعة انك تقفل الفايل و ترجع مصر تاني ؟؟

اه طبعا

وارد جدا الاحتمال ده لو لقيت البلد مش زي ما أنا حابب

لكن معتقدش انها كدة

وماتخافش عليه

فى موضوع الشجاعة

انا شجاع لدرجة صعبة

وبحق الحق

ومش هكابر

و الا كرامتك حتخليك تفضل عايش فيها بالرغم من عدم رضاك عن حياتك هناك ...

لا كرامة مع الكبر

والحق أحق أن يتبع يا عم كامل

بالنسبة للمحاورات .... لو حصل خلاف بينك و بين زميل تاني .... ايه منهجك لأحتواء الخلاف ده ؟؟

لو غلط بسيط

أو من واحد ليه معزة عندي هعاتبه

وأعرف بيفكر ازاى

ولو الغلط كبير

أو من واحد مالوش سابق معرفة أو ايجابيات فاكرهاله

بفضل التجاهل

وأى خدمة يا عم كامل

[OReX]

دكتورنا العزيز منور هنا

ازيك يا دكتور يارب تكون بخير

اول سؤال اية رأي حضرتك فى الجواز ؟

اية اللى خلى حضرتك تغير الاسم الجميل خديجة لهيا هل هددوك هل اغروك هل كان للحكومة الاسوانية دور فى هذا :sad:

حضرتك تنصح الشباب بالجواز المبكر يعنى مثلا اللى هيتم تلاتة وعشرين فى شهر تلاتة اللى جاى مثلا ولا تنصحهم بتأجيل لما بعد الثلاثين ؟

احنا بقى مبيهمناش التهديدات (واخد بالك انت يا دكتور) وهسألك على عبد الناصر بيمثلك اية ؟واية رأيك فيه كرئيس جمهورية طبعا ؟ دا للتسخين بس

وهل حضرتك ناصرى فكرا فقط ؟ ولا مشترك فى الحزب ؟

ما هو تعريف الناصرية من وجهه نظرك ؟

نخلص من دول ونخش على المواضيع اللى بعدها ان شاء الله

[عنبو]

مستر حسام

لماااااااااااااااذا

ما هو سبب خلافك مع الجماعات الاسلاميه ؟ وهل جربت مره ان تسمع لهم ؟ وهل لا يجود اى شىء يقولنه انت مقتنع به ؟

نصيحه تنصح بيها الشباب اللى اصغر منك تقولهم ايه ؟

هل انت من النوع اللى ماشى جنب الحيط ولا ؟

امتى مستر حسام كان سلبى ؟

رايك ايه فى المرأه ك

زوجه ؟

موظفه ؟

اخت ؟

بنت ؟

محاوراه ؟

هل تؤمن بأن سر قوة المرأه فى ضعفها ؟

هل انت فى بيتك سى حسام ولا حسام بس ؟؟

لو فى يوم من الايام جتلك هيا وقالتك يابابا الواد عنبو الصغير بيعكسنى هتعمل فيه ايه ؟

مستر حسام مين اول حب فى حياتك ؟

بما ان حضرتك اشتغلت مندوب وسوبر فيزر فى شركة ادويه طيب لما كان المندوب يجى يقولك يا دكتور الدكتور فلان عاوز يدلر كنت بتقوله ايه ؟

طيب هل تقول للناس ان الطبيب ده وحش متروحش له ولا بتقول انا مالى ؟

خد دول كده فى نفس واحد لحد لما اشتغل شويه وارجع

[حسام يوسف]

ده مش كرسي

ده عصر

طيب بس أستئذنكم أجاوب على الأسئلة بالليل

وأكون استعديت

[MZohairy]

لاحظت حاجه في مصر يا حسام و مفهمتهاش

ادوية الضغط (اللي المريض بياخدها يوميا مدى الحياه) بتكون من 7 الى 10 كبسولات تقريبا للعلبه

يعني المريض مضطر يشتري من 3 الى 4 علب شهريا

ناهيك عن ارتفاع سعره

في كندا العلبه بيكون فيها 100 كبسوله بالصلى ع النبي

و بتكلم بالتحديد على دوا اسمه راميبريل

تخيل ان سعره في كندا اقل من سعره في مصر؟؟؟؟؟ :closedeyes:

سيبك من السعر

ليه الرزاله في تقليل عدد الكبسولات في العلبه لمريض من المعروف انه بياخده طول حياته

ليه يمشوروه 4 مرات شهريا و يكلفوا نفسهم و يكلفوا المريض تكلفة انتاج للعلب و التغليف و النقل وووووووو

؟؟؟؟

و من انت ؟ :closedeyes:

[حسام يوسف]

دكتورنا العزيز منور هنا

ازيك يا دكتور يارب تكون بخير

اول سؤال اية رأي حضرتك فى الجواز ؟ :D

اية اللى خلى حضرتك تغير الاسم الجميل خديجة لهيا هل هددوك هل اغروك هل كان للحكومة الاسوانية دور فى هذا :D

حضرتك تنصح الشباب بالجواز المبكر يعنى مثلا اللى هيتم تلاتة وعشرين فى شهر تلاتة اللى جاى مثلا :) ولا تنصحهم بتأجيل لما بعد الثلاثين ؟

احنا بقى مبيهمناش التهديدات (واخد بالك انت يا دكتور) وهسألك على عبد الناصر بيمثلك اية ؟واية رأيك فيه كرئيس جمهورية طبعا ؟ دا للتسخين بس

وهل حضرتك ناصرى فكرا فقط ؟ ولا مشترك فى الحزب ؟

ما هو تعريف الناصرية من وجهه نظرك ؟

نخلص من دول ونخش على المواضيع اللى بعدها ان شاء الله

يا أهلا أهلا بصديقي وحبيبي العزيز عم أوركس

وربنا يعلم انا بعزك قد ايه اتفقنا أو أختلفنا

السؤال الأول ورأيي في الجواز:

نظام اجتماعي له مزاياه وله واجباته

واللى عايز المزايا لازم برضة يستعد لواجباته

والجواز ممكن يبقي حاجة رائعة وجميلة تسعد الانسان وتهون عليه مصاعب الحياة

وممكن برضة يصيبك بالاكتئاب مهما بلغت نجاحاتك فى مجالات أخرى

لذلك

هي خطوة في غاية الأهمية

ويجب فيها التفكير بشكل جيد جدا

وبرضة فى الآخر هقولك

ده قدر

ولا يمنع حذر من قدر

ربنا يكرمك بالزوجة الصالحة يارب

وبخصوص السؤال التاني خديجة ليه غيرت الاسم

كانت فيه معارضة من أمى وأختى وزوجتى

وترتيبهم طبقا لترتيب قوة معارضتهم

يعنى زوجتى ماكانتش معارضة قوي

والحقيقة اقتنعت بوجهة نظر أمى

قالتلى ربيها اللى يخليها تقرب من نموذج السيدة خديجة بنت خويلد رضي الله عنها

وخلى اسمها تبعا لزمانها

وبلاش تخليها في يوم من الأيام تزعل ان ابوها سماها باسم هية مش حاباه

واقتنعت بوجهة نظر أمى

لا تهديدات وخوف ولا حاجة والله

بخصوص النصيحة للزواج وهل أنا مع الزواج المبكر أم لا

والله الناس مش بسنها

فيه واحد تلاقيه جدع وراجل وعارف مسؤوليته ولو كان سنه صغير

وفيه واحد سنه كبير وتقديره لمهامه مش متناسب مع سنه

طالما الشاب يقدر يشيل مسئوليته

ويتحمل بيت

ماديا

واجتماعيا

وتربويا

وصبر

واحتمال

وتخلى اختياري مدي الحياة عن حريته

وبرضا كامل

يبقي مفيش مشكلة

بالعكس

هيستفيد من مزايا الزواج

ويركز فى شغله

وحياته

وأعتقد هيبقي أنجح

وكتير من مشاكل مجتمعنا الاجتماعية بسبب تأخر سن الزواج

اما بسبب الظروف الاقتصادية

أو بسبب عادات اجتماعية سخيفة ومدمرة للشباب ووصلت بعدد ضخم من أصحاب العنوسة من الجنسين زي القايمة والنيش والمعرفشي ايه

يا ساتر من دي عادات

وأما بخصوص الزعيم الراجل جمال عبد الناصر

فأنا أقدر هذا الرجل والزعيم جدا

تقدير أحاول أن يبتعد عن التقديس فلست من دراويش الناصرية

زي ما كتب مرة واحد صحفى في العربي الناصري عن ديموقراطية يوليو

حاجة كدة زي الخيال العملى :lol:

وفى نفس الوقت

بحب أدرس التجربة الناصرية بما لها وما عليها

بعيدا عن التقديس أوالشتيمة

فهناك من لا يرون في ناصر الا كل نقيصةومصيبة

ويولولون على البلد

بمنطق أعرج يجافي الحقيقة تماما

يكفى أنهم يحملون ناصر أخطاء بعد سبتمبر70

أو يرون فى انجازاته شرا ومصائب زي واحد كان بيشتم السد العالى مثلا وبيقول كلام مش عارف ايه مصدره ولا بيتكلم ازاى

الخلاصة

أحببت عبد الناصر بقلبي بعد أن درست بعقلي وبشكل حيادي عقلاني بعيدا عن مشاعر الحب أو الكراهية

وأرى جيدا انجازاته وأخطاءه

وأراه أبو المصريين فى العصر الحديث

أما عن الفكر

فدي قصة تانية

كل فكر بشري أو أرضي يا عم أوركس

له ميزاته وعيوبه

له نقاط قوة

ونقاط ضعف

أحب فى الناصرية تجربة ناصر وانحيازه للمصري الفقير الأغلبية من عامل وفلاح وموظف

أحببت حرصها على استقلالية مصر

أحببت الثورة الاجتماعية التى أحدثها ناصر ف شعب أغلبيته جاهل وفقير ومريض

وليس له أى حقوق

غريب في بلده

لصالح مجتمع النصف فى المائة

لكنى كرهت فى تجربة ناصر -الناصرية-العديد من العيوب التى لا زلنا نحياها

عسكرة الحكم

وعسكرة القيادات حتى فى مجتمعنا المدني

وكرهت فيه الديكتاتورية الشديدة

ناصر كان يحب مصر

وكان يعمل كل يومه من أجل المصري الغلبان

لكنه لم يحاول أن يستمع الا لمن يصفق له

ودي مأساة حكم الفرد

كان دور الشعب في حياة ناصر أن يحيي انجازاته ويصفق له

كان ناصر في خطبه يقول أن الشعب هوة المعلم

والحقيقة أنه جعل الشعب متفرجا

ومصفقا فقط ليس الا

والدليل ان أفكار ناصر ماتت يوم وفاته

بعد أن تولى البكباشي صح-دي كانت اسم الشهرة للسادات فى مجلس الثورة حيث لم يقل على أى كلام لناصر الا بكلمة صح ياريس حتى وان اختلف معه مجلس قيادة الثورة -الشهير بالسادات الحكم

ومشي على خطي ناصر بأستيكة

لو تنازل ناصر عن الحكم بالعسكرة

وأعاد الانتخابات وأظن بعد 1956وتأكيد استقلال مصر كانت الظروف مواتية

لاختلفت الأمور كثيرا جدا

كنت أتمنى لو ناصر عمل حزب

ودخل انتخابات حرة نزيهة مع باقي القوي بعد زوال قوي الاستعمار فى 56

بل أعتقد أنه كان سيكسب وبشكل ديموقراطي حر

لكن ازاى هييجي مصري يؤمن بالديموقراطية

تلك هي المشكلة

فمن أجل ميزات شرحتها أعجبتنى فى ثورة يوليو وفكر الزعيم جمال عبد الناصر

أميل للناصرية واليسار بشكل عام

ومن أجل عيوب عبد الناصر وما رأيته

أميل لخلط اليسار والناصرية بالليبرالية

يعنى في النهاية تقدر تقول انى فكريا خليط من اليسار والناصرية والليبرالية

حتي وان تضاد الناصرية والليبرالية

وبخصوص الاشتراك فى الأحزاب

عمرى ما اشتركت أو انتميت لحد

فلست مقتنعا أساسا بالأحزاب دي

وان شاء الله فى كندا أشوفلى حزب بين اليسار والليبرالية

ختاما الناصرية في تعريفي هي التجربة التى حكمت مصر يحلوها ومرها فى فترة حكم الزعيم جمال عبد الناصر

وأرى أنها بعد بعض التعديلات الفكرية هي الأصلح لقيادة مصر

والف شكر لتشريفك الموضوع يا عم البرمجة كلها

تحياتى يا صديقي العزيز

[حسام يوسف]

مستر حسام

لماااااااااااااااذا

ما هو سبب خلافك مع الجماعات الاسلاميه ؟

سؤالك ده لو جاوبت باستفاضة فيه فالمنتدي مش هيقضي

لكن أسبابي كالآتي:

التيارات الاسلامية فى العصر الحديث -بدءا من الاخوان المسلمين الذين خرج من عباءتهم كل قوى التطرف الفكرى -تختطف الاسلام خطفا لها

ويتعاملون مع الاسلام ذلك الدين السمح بشكل يثير الغثيان

فهمهم أو مش فهمهم- لأنهم بيعتبروا العقل والفهم رجس من عمل الشيطان-أفكار شيوخهم هي الاسلام

المشكلة ليست فى الاسلام هدية الله الكبرى الينا كبشر

المشكلة فى فهمهم المتطرف

وفرضهم لأفكارهم على باقى الناس بالقوة

والا

فتهم التكفير جاهزة

صدقنى

الله واحد

ورسول الاسلام واحد عليه أفضل الصلوات والتسليم

والقرآن واحد

المشكلة فى الأفكار والتفسيرات لذلك المنهج

2-تفسيرهم لما فى الاسلام يميل دائما للتحريم

كرهونا في عيشتنا

وحياتنا

وحسسونا اننا اولاد ابليس الشرعيين

3-وهي الأخطر

كل واحد سفير لبيته وبيئته ومهنته ووطنه وفكره ودينه

فللأسف انتشار فكر التطرف يسيئ للاسلام الذي أحبه وأقدره كثيرا كرسالة سامية

هل تعلم يا عزيزي ان أكبر الدول المسلمة كما وحتى كيفا بالتزام الاسلام والتى أحبها كثيرا

دول آسياوافريقيا

كاندونيسيا وماليزيا ونيجيريا

هل وصلت هناك فتوحات أو جيوش ؟

لا

بل اسلم أهلها كما تعرف بمخالطة التجار المسلمين

وأعجبتهم أخلاقهم وسلوكهم معهم

فأسلموا

فين احنا بقى من التجار المسلمين اللى نشروا تعاليم الاسلام السمحة بلا تطرف

وبلا قنابل

وبلا تكفير

وبلا تعنت

مع أنهم كانوا بتعاملون مع وثنيين وليس مسيحيين أو يهود

هل أهانوهم لأنهم وثنيين؟

كما يهين المسلمين المتطرفين الآن المسيحيين واليهود؟

عرفنا عن الرسول صلى الله عليه وسلم قدوتنا حسن الخلق واللين فى الدعوة

بذمتك دي أخلاق الرسول صلى الله عليه وسلم

وهكتفى بهذا القدر الىن فى بغضي لمن أساءوا للاسلام تحت اسم التيارات الاسلامية

وهل جربت مره ان تسمع لهم ؟

وهوة احنا بنسمع غيرهم؟

فى الجامعة الاخوان وانتخابات بالأرقام وتعليمات من برة

ودلوقتى سلفيين وغيرهم

يكفى للتدليل على كلامى أنظر ماذا يقول السلفيين على الأخوان والعكس

وهل لا يجود اى شىء يقولنه انت مقتنع به ؟

محصلش الحقيقة

ولو حصل فهتبقى من بدهيات الاسلام

يعنى مش من عندهم

نصيحه تنصح بيها الشباب اللى اصغر منك تقولهم ايه ؟

انا واحد بتعلم ولآخر يوم في عمرى بتعلم

لو ينفع أنى أنصح حد

هقول

فكر

اعقل بكسر القاف

حيد مشاعرك حين تحلل أمرا ما

فالمشاعر ضد العقل

ومش معنى كدة انى ضد المشاعر

ليها مكانها برضة

اقرا

اقرا

اقرا

لكل الاتجاهات

واعقل واهضم وشوف انت ميال لمين

بلاش الحقيقة المطلقة الله يكرمكم

رأي مقتنع بيه آه

والا ماكنتش اقتنعت بيه

انما بلاش المية %

سيب لنفسك مساحة تعدل بيها موقفك لو ثبت أى خطأ

الحقيقة المطلقة في المسلمات من وجود الله للحساب والجزاء

باقى معلومات الدنيا وجهات نظر

تقبل الاتفاق والاختلاف

بلاش التقديس

بلاش الحفظ

هل انت من النوع اللى ماشى جنب الحيط ولا ؟

جوة الحيط حضرتك

امتى مستر حسام كان سلبى ؟

فى مواقف قليلة

ومنها موقف شخصي في خطوبة سابقة

رايك ايه فى المرأه ؟

زوجه ؟ يا جنة يا نار

موظفه ؟ الموظفة المصرية تكرهك فى عمل المرأة

بل والمراة ذات نفسيتها

اخت ؟أحسن حاجة فى الدنيا

بنت ؟ فاكهة الحياة :lol:

محاوراه ؟ وبعدين بقى فى الأسئلة دي

أنا اتفقت ع الصراحة

بخصوص الست المصرية أغلب ما رأيته من سيدات مبحبذش المحاورة أساسا

وبفضل أمشي كأن مفيش حد أساسا

مش بحب العاطفين البعيدين عن العقل أو المنطق

وعموما فى الأغلب

بتخنق من المرأة المصرية

خنأة

خنأة

خنأة

وبلاش أقول تعبيرات تانية :D

هل تؤمن بأن سر قوة المرأه فى ضعفها ؟طبعااااااااااااااااااا

بس لو تعرف هية ده

هل انت فى بيتك سى حسام ولا حسام بس ؟؟

سي السيد كان ديكتاتور وقاسي

لكن برضة لعبى

أعترف انى ديكتاتور

لكن بحاول أبقي عادل وأراعي بيتي

وأخليهم كلهم فى أى اعتبارات قبلي في أى قرارات

لو فى يوم من الايام جتلك هيا وقالتك يابابا الواد عنبو الصغير بيعكسنى هتعمل فيه ايه ؟

عكتله :)

مستر حسام مين اول حب فى حياتك ؟

الله يسامحك

يعنى لو قلت اسمها هتفرق معاك :D

واحدة زميلتي فى ثانوي يا عمنا

بما ان حضرتك اشتغلت مندوب وسوبر فيزر فى شركة ادويه طيب لما كان المندوب يجى يقولك يا دكتور الدكتور فلان عاوز يدلر كنت بتقوله ايه ؟

جو أون بس يتكتب الدوا فى حالته

وأتمنى الدكتور يكتب الدوا من غير حاجة

ويوفر علينا الشبهة والمصاريف كمان B)

أوقات بندفع من جيوبنا يا عنبى صدقنى

مضطر أخاك لا بطل

وخلاص هانت وربنا يعافيني منها بقى

والحمدلله

منكرش انى اديت هدايا

لكن كانت على أدوية محترمة وتفيد المريض وفي مكانها

طيب هل تقول للناس ان الطبيب ده وحش متروحش له ولا بتقول انا مالى ؟

اه طبعا

لو سألنى حد من معارفى

وبيحصل

بقول

ومصلحتى أوقع الدكتور اللى مش محترم

خد دول كده فى نفس واحد لحد لما اشتغل شويه وارجع

الله يسامحك

بقى

بشكرك على أسئلتك وتشريفك الموضوع

تم تعديل 26 يناير 2010 بواسطة حسام يوسف

[حسام يوسف]

لاحظت حاجه في مصر يا حسام و مفهمتهاش

ادوية الضغط (اللي المريض بياخدها يوميا مدى الحياه) بتكون من 7 الى 10 كبسولات تقريبا للعلبه

يعني المريض مضطر يشتري من 3 الى 4 علب شهريا

ناهيك عن ارتفاع سعره

في كندا العلبه بيكون فيها 100 كبسوله بالصلى ع النبي

و بتكلم بالتحديد على دوا اسمه راميبريل

تخيل ان سعره في كندا اقل من سعره في مصر؟؟؟؟؟ :lol:

سيبك من السعر

ليه الرزاله في تقليل عدد الكبسولات في العلبه لمريض من المعروف انه بياخده طول حياته

ليه يمشوروه 4 مرات شهريا و يكلفوا نفسهم و يكلفوا المريض تكلفة انتاج للعلب و التغليف و النقل وووووووو

؟؟؟؟

و من انت ؟ :)

شركات الأدوية نفسها تعمل العلب شهرية زي ما بتقول

انما السوق المصري يا عم زوهيري سوق

price sensitive

يعنى حساس للسعر

يحب الرخيص

حتى لو هيجيب كل أسبوع

فيه مشكلة فى الناس فى تعاملهم مع الدوا

طبعا مافيش حاجة اسمها تأمين ولا يحزنون

الكل فى مصر الا من رحم ربي

بيتعب

يروح للدكتور

ينزل الصيدلية يشتري

كل العيانين بيبقوا متضايقين وهمة جايينلك

مش بس عشان العيا

لا

هوة ماكانش عامل في حسابه فى مصروفات الشهر ان حد يعيي

مصروف شهر ايجار الشقة ان كانت ايجار

أكل

مواصلات

لبس ان وجد

فسحة ان وجد

دوا وعيا

لا

فالعيان جايلك متضرر

وطبعا ما بيفتحش بقه عند الطبيب

ينزل بقى يرازي فينا أحنا

فشركات الأدوية فاهمة الشخصية المصرية الهلامية السيكولوجية فى فترة العيا

فبتخلى العلبة شريط لأسبوع

عشان يبقي أرخص فى وجهة نظره

وهية من ناحيتها ما خسرتش حاجة

حتة اللحمة قطعتها اربع حتت

وده المتتبع برضة لو خدت بالك فى تسعير كتير من المشتروات فى السوق المصري

قلل العبوة

ونفس السعر

ودونكي يعنى حمار يا مزيكا

زي مسرحية المتزوجون

وبخصوص سعر الدوا بتاعك انه أغلى فى مصر

دي بجد غريبة

واستثناء بس

لأن بجد الدوا المصري من أرخص أدوية العالم

حتى الدول اللى حوالينا

وألف سلامة عليك يا ماظاهيري

[Alrefaey]

مساء الخير يابو هيا قلبى معاك

[حسام يوسف]

مساء الخير يابو هيا قلبى معاك

مساء الفل يا زمل :)

[رضوي]

السلام عليكم ورحمة الله وبركاته

دكتور حسام

لفت انتباهي لما دخلت غياب العنصر النسائي ......... ولما بدأت أقرأ اجابات حضرتك لاحظت ان حضرتك مابتحبش محاورات النساء المصريات wst::

طيب سؤال بريء .......... يعني ادخل اسأل ولا امشي في صمت ؟؟؟ :lol:

[حسام يوسف]

السلام عليكم ورحمة الله وبركاته

دكتور حسام

لفت انتباهي لما دخلت غياب العنصر النسائي ......... ولما بدأت أقرأ اجابات حضرتك لاحظت ان حضرتك مابتحبش محاورات النساء المصريات

طيب سؤال بريء .......... يعني ادخل اسأل ولا امشي في صمت ؟؟؟ :lol: wst::

الأغلب وليس الكل يا عزيزتي

وحضرتك واى أخت تسألى براحتكم خالص

وزي ما قلت أغلب

فعبرت عن شديد احترامي واستثنائي لبعض الاخوات المحاورات كالأخوات فولانة وفيروز وغيرهن من الأخوات الفاضلات

اتفضلي اسألى براحتك

تم تعديل 26 يناير 2010 بواسطة حسام يوسف

[ذهبية]

بماانك سمحت بالعنصر النسائى انة يسال فاسمحلى انى ابدا السؤال بعد اذن رضوى طبعا

عرفت من كلام حضرتك يا استاذ حسام انك من المنصورة

انا كمان منها ممكن ااسال حضرتك

اية الذكريات اللى بتحملها جوة عقلك فى المنصورة و احلى الاماكن اللى لسة طيفها بيعدى على بالك؟؟؟

لو جاء حظك فى اى مرحلة فى مراحل عمرك واصبحت المراءة مديرة لك ومن تصدر لك الاوامر هل هذا لة تاثير عليك ؟؟

اجمل مافى المراءة ؟؟؟؟؟؟؟واسوء مافيها ؟؟؟؟؟

اجمل مافى الصداقة ؟؟؟؟؟؟وماهو الصديق الصدوق ؟؟؟؟ لو كان عندك صداقة حقيقية فى حياتك عمرها كام سنة ؟؟؟؟

مراءة مستقلة ..........مراءة عنيدة .......مراءة ضعيفة........ مراءة ام ......مراءة قوية الشخصية ......مراءة خيالية ؟؟؟؟؟؟رأيك فى كل واحدة

لماذا يحب الرجل المراءة المستقلة التى لها شخصية لكن عندما يتزوج يختار المراءة الى ااقل منةةةة؟؟؟؟؟؟؟؟ضعف منة او قوة منها رايك

فزت بجائزة تذكرتين سفر الى مكان خيالى من حقك انك تاخذ شخص خيالى معاك سواء رجل او امراءة من تختار يلازمك فى تلك الرحلة

حلم تحقق لك ؟؟؟؟؟؟؟؟؟؟؟؟ حلم لم يتحقق؟؟؟؟؟؟؟؟؟؟ حلم تسعى لتحقيقة ؟؟؟؟؟؟؟

احلام سعيدة لك يارب و اسعدك الله فى حياتك

ذهبية

[حسام يوسف]

بماانك سمحت بالعنصر النسائى انة يسال فاسمحلى انى ابدا السؤال بعد اذن رضوى طبعا

عرفت من كلام حضرتك يا استاذ حسام انك من المنصورة

انا كمان منها ممكن ااسال حضرتك

اية الذكريات اللى بتحملها جوة عقلك فى المنصورة و احلى الاماكن اللى لسة طيفها بيعدى على بالك؟؟؟

أهلا بيكي يا بلدياتي

المشاية

وطبعا الجامعة اللى انا خريج منها

ميت حدر والراجل المخللاتي اللى بيخلل كل حاجة ان شالله المانجة والبلح

وبتاع التمر هندي اللى هناك

السكة الجديدة

محطة القطر

المدير والثانوية وأصدقائي اللى كانوا هناك

العباسي

بسبوسة وبليلة أحمد امين

كتييييييييييييييير

الله يكرمك

فكرتيني بذكريات جميلة

لو جاء حظك فى اى مرحلة فى مراحل عمرك واصبحت المراءة مديرة لك ومن تصدر لك الاوامر هل هذا لة تاثير عليك ؟؟

معنديش مشكلة من المدير بتاعي يبقي راجل أو ست

لكن اللى هيعدي حدوده مش هيجراله كويس

ولو ست فهيبقي الموضوع أصعب

وبصراحة انا نفسي ابقى بعد كدة مدير نفسي

لا راجل

ولا ست wst::

اجمل مافى المراءة ؟؟؟؟؟؟؟واسوء مافيها ؟؟؟؟؟

رقتها وطيبتها وحنيتها

ان فقدت ميزاتها السابقة

وبكره الندية فيها

اجمل مافى الصداقة ؟؟؟؟؟؟وماهو الصديق الصدوق ؟؟؟؟ لو كان عندك صداقة حقيقية فى حياتك عمرها كام سنة ؟؟؟؟

أخوة اختيارية

أهل بالديموقراطية

يعنى اهلى واخواتى ما اختارتهمش

لكن أصدقائي

نقاوة عيني

ولي صداقات عمرها 22عاما ماشاء الله

مراءة مستقلة ..........أحترمها

مراءة عنيدة .......مش طالبة

لف وارجع تانى على رأى علاء ولى الدين

مراءة ضعيفة........هساعدها على قد ما أقدر

مراءة ام ......أشيلها فوق دماغى -هية فين بس؟

مراءة قوية الشخصية ......لف وارجع تانى

مراءة خيالية ؟؟؟؟؟؟مش هدور على انى أقعد معاها

رأيك فى كل واحدة

لماذا يحب الرجل المراءة المستقلة التى لها شخصية لكن عندما يتزوج يختار المراءة الى ااقل منةةةة؟؟؟؟؟؟؟؟ضعف منة او قوة منها رايك

الراجل اللى كدة يقدر يجاوب على حضرتك

بصراحة أنا مش كدة

فزت بجائزة تذكرتين سفر الى مكان خيالى من حقك انك تاخذ شخص خيالى معاك سواء رجل او امراءة من تختار يلازمك فى تلك الرحلة

دكتور هشام ابراهيم

بحب تحليلاته

وبحب طريقته فى النقاش اتفقنا أم اختلفنا

حلم تحقق لك ؟؟؟؟؟؟؟؟؟؟؟؟ دخول كلية الصيدلة

حلم لم يتحقق؟؟؟؟؟؟؟؟؟؟ العمل بالمجال الاعلامي

حلم تسعى لتحقيقة ؟؟؟؟؟؟؟أن اكون رجل أعمال فى كندا

احلام سعيدة لك يارب و اسعدك الله فى حياتك

ذهبية

شرفتيني وأسعدتيني بأسئلتك الجميلة

ولكى منى اطيب المنى

وارق التحيات

[لماضة مصرية جدا]

السلام عليكم و رحمة الله و بركاته

بجد انا مستمتعة جدا... بقراءة الحوار.... اسئلة و إجابات.....

انا نفسي اشارك من بدري.... بس كان فيه ايدي حتتين غسيل.... الحمد لله خلصتهم

نبتدي بقي

1-أيه اللي ممكن يخنق الراجل اوي..... من حبيبته.... من خطيبته..... من مراته......من الست ام ابراهيم بتاعة الجرجير.... ؟

2- حضرتك قولت.... انك لسه بتحلم بوطن تدافع عنه... و تشعر فيه بالأمان....طب لو فرضنا ان حضرتك سافرت كندا... و قامت حرب بين مصر و كندا (و هو انا اصلا مش عارفة ممكن تقوم بينهم حرب علي ايه... معلشي خدني بقي للاخر)...... هتبقي واقف فين؟؟؟ خلي بالك برضه انت هتكون عشت في كندا قيمة عدد السنين اللي انت تحتاجهها عشان تلاق يالوطن اللي بتدور عليه؟؟؟

3-بنوتك الجميلة..... طلعت زي باباها و بتحب الفن جدا..... شجعتها....بس و هي بتدرس لقيت ان افكارها ابتدت تبقي متمردة.... أو كجواد بلا حدود...و هي بتحب الفن جدا... هتعمل ايه؟؟ (الفن هنا مش سينما و اليلة دي.... ممكن يكون رسم...زي سيلفدور دالي مثلا)

4- "في لحظة ما يجب ان تأخذ اتجاها معاكسا... و تفعل عكس ما تريد.... لتتاكد مما تريد حقا"...... امتي المقولة دي ظبطت معاك؟؟؟

5- كتاب بتحب تقره.... و عمرك ما تشبعشي منه (غير الكتب السماوية)....و كل مرة تحس ان فيه حاجة جديدة؟؟؟

6- زمن نفسك تعيش فيه أوي بكل معطياته و تحدياته...... و زمن نفسك ولادك يعيشوا فيه.... و تبقي حاسس كده ان هو ده الوقت المناسب عشان يتفتحوا قصاد عينيك نفسيا و فكريا؟؟؟

7- حضرتك الصيدلة غيرت فيك إيه.....او انت غيرت فيها ايه..... شايف حياتك معادلة كيميائية....و لا تفاعلات انسانية.....و لا ايه؟؟؟

8- انت ع الطيارة و مسافر خلاص كندا (ربنا ييسرلك الامور)......و انت في السما فوووووووق..... هتبص لمصر ازاي.....هيوحشك فيها ايه؟؟؟

9- صورة في البوم حياتك......لمين......تحب تبص ليها و بتملاك احساس حلو....ايه بقي؟؟؟

10- ايه السؤال اللي متحبش حد يسالهولك ابدا ابدا ابدا...... (و مش هنساله و الله..... انا شخصيا مش هعملها...... wst:: )

مستنية الاجابات......

و من غير حسابات

عشان صباحنا النهاردة احلي م اللي فاااااااااااات

فوتك بعافية

[joo]

استاذ حسام

هل انت شخص متسامح ولا لا؟

هل انت شخص عصبى؟ وهل عصبيتك خلتك تخسر شخص عزيز عليك؟ولو مفيهاش احراج هو مين؟

لو تصادف وقابلتنى فى كندا هل ممكن ان نصبح اصحاب ولا دة شيء منتهى بالنسبالك000 عاوز الصراحة وبلاش مجاملة

انا مش بزعل ؟

بتقضى يومك فى اية ؟

وهل زوجتك بتزعل لما بتهتم بالنت اكتر ولا بتشاركك أرائك؟

اية اجمل حاجة فى حسام؟

بنتك ربنا يخليهالك شكلك ولا شكل والدتها؟

[حسام يوسف]

السلام عليكم و رحمة الله و بركاته

بجد انا مستمتعة جدا... بقراءة الحوار.... اسئلة و إجابات.....

انا نفسي اشارك من بدري.... بس كان فيه ايدي حتتين غسيل.... الحمد لله خلصتهم

نبتدي بقي

1-أيه اللي ممكن يخنق الراجل اوي..... من حبيبته.... من خطيبته..... من مراته......من الست ام ابراهيم بتاعة الجرجير.... :lol: ؟

اهلا بحضرتك يا أختنا العزيزة

الست مش حاجة وحشة

ممكن تبقى أجمل حاجة فى الدنيا

وممكن تبقى أسوا حاجة فى الدنيا وتجيب جميع أنواع الشلل

ممكن تبقى فاكهة

وممكن تبقى حنظل

الفروق بين الراجل والست مش بس تشريحيا ولا فسيولوجيا ولا هرمونات ولا غيره بس

فيه فارق مهم تانى جدا فى طريقة التفكير

الرجل بيهتم بالخطوط العريضة أكتر -غالبا طبعا ولكل قاعدة استثناء

والست بتهتم بالتفاصيل اكتر-ونفس المحوظة عاليه تسري عليها

الراجل بيتخنق لو زودتها الست فى الاهتمام بالتفاصيل

عشان كدة أى ارتباط لازم يراعى الحتة دي

الراجل يراعي انه مش عايش مع راجل زيه

وينزل شوية للتفاصيل

والست تقدر انها مش بتكلم سعاد صاحبتها

وتطلع شوية للأولويات

دي روشتتى المتواضعة لنجاح اى ارتباط

2- حضرتك قولت.... انك لسه بتحلم بوطن تدافع عنه... و تشعر فيه بالأمان....طب لو فرضنا ان حضرتك سافرت كندا... و قامت حرب بين مصر و كندا (و هو انا اصلا مش عارفة ممكن تقوم بينهم حرب علي ايه... معلشي خدني بقي للاخر)...... هتبقي واقف فين؟؟؟ خلي بالك برضه انت هتكون عشت في كندا قيمة عدد السنين اللي انت تحتاجهها عشان تلاق يالوطن اللي بتدور عليه؟؟؟

معتقدش ان ده هيحصل

ولو حصل انا مع الحق

ان شالله ضد أبويا

3-بنوتك الجميلة..... طلعت زي باباها و بتحب الفن جدا..... شجعتها....بس و هي بتدرس لقيت ان افكارها ابتدت تبقي متمردة.... أو كجواد بلا حدود...و هي بتحب الفن جدا... هتعمل ايه؟؟ (الفن هنا مش سينما و اليلة دي.... ممكن يكون رسم...زي سيلفدور دالي مثلا)

وهروح بعيد ليه؟

وقبل هيا ما تيجي مريت بالموقف ده

أختى الصغيرة صوتها حلو الحقيقة

وكانت نفسها تبقي مطربة

لكن انا اخوها وأبوها

وقعدت معاها كام قعدة وقلتلها

انا مش ضد الفن

والغنا مش حرام لو هتبقي أم كلثوم

احنا فديك الساعة؟

لكن الوسط الفنى والغنائي الآن لن يفرز أم كلثوم مرة أخرة حتى لو طلعت من قبرها مرة أخرى

الفن المحترم ضاع بين المتطرفين اللى حرموا علينا عيشتنا

وبين اللى عملوا الفن واجهة للدعارة

وانا آسف فى الكلمة

لكن مالهاش حل تانى

اللى بيحصل في الكليبات سفالة وانحطاط

وهية اقتنعت

وبتجيد تجويد القرآن فى مجالس العلم للسيدات

وكتير أثنوا على جمال قرائتها للقرآن

فنظرتى ان الفن مش حرام

لكن عليه انى ابص للواقع ايه برضة

وهل ده فن ولا لأ

أيا كان نوع الفن اللى بنتكلم عنه

4- "في لحظة ما يجب ان تأخذ اتجاها معاكسا... و تفعل عكس ما تريد.... لتتاكد مما تريد حقا"...... امتي المقولة دي ظبطت معاك؟؟؟

مرتين

الأولى فى احتيار شريكة حياتى

مرات كتير كنت عايز الارتباط بعد اعجب ان لم يكن قصة حب

وحصل اعجاب

وحصل حب

لكن مش متفقين

أو الموضوع بالعقل فيه ان

وباظت أكتر من قصة حب

وفكرت أغير طريقتي

ونفكر بالعقل

حطيت مواصفات معينة

عايز ايه يا حسام فى اللى هتجوزها؟

واحد كذا

اتنين كذا

تلاتة كذا

تفكير عقلاني بحت بعيدا عن رومانسيتي اللى كانت مودياني فى داهية

لقيت بعد ما كتبت مواصفات زوجة المستقبل

الكمبيوتر طلع فى السيرش اسم وصورة واحدة بس من اللى أعرفهم

زوجتى ام محمد

وقد كان

مش هقول مفيهاش عيوب

وانا كمان برضة مليان عيوب

لكنها عيوب يمكن تحملها

مقابل ميزات تانية كتير رائعة

والحمدلله على توفيق ربنا ليه فى جوازى

بجد ألف حمد وشكر ليك يارب

5- كتاب بتحب تقره.... و عمرك ما تشبعشي منه (غير الكتب السماوية)....و كل مرة تحس ان فيه حاجة جديدة؟؟؟

كتير

موسوعة شخصية مصر للعظيم جمال حمدان

كتب هيكل

حلقات توني بوزان عشان مقريتلوش كتب

وأخيرا كتاب من القاع للأصقاع اللى بيتكلم عن التجارة الالكترونية اللى نفسي أتعلمها

6- زمن نفسك تعيش فيه أوي بكل معطياته و تحدياته...... و زمن نفسك ولادك يعيشوا فيه.... و تبقي حاسس كده ان هو ده الوقت المناسب عشان يتفتحوا قصاد عينيك نفسيا و فكريا؟؟؟

أى زمن فيه مجد قومي مصري بدل اللى احنا فيه ده اللى مجدنا المصري بيبقي بماتشات المنتخب

بحلوه مره

يعنى ثورة يوليو اللى معشتهاش-حتى لو بانكساراتها

الخديو اسماعيل

زمن رمسيس التاني

سنوسرت التالت

أمنمحات الثالث

مينا موحد القطرين

حتشبسوت اللى وصلت لبلاد بونت-الصومال

أى حد كان ماسك مصر ومخليها فى مكانة محترمة

7- حضرتك الصيدلة غيرت فيك إيه.....او انت غيرت فيها ايه..... شايف حياتك معادلة كيميائية....و لا تفاعلات انسانية.....و لا ايه؟؟؟

الصيدلة علمتنى ان مفيش حاجة مطلقة

وأكدت على الحتة دي عندي

يعنى الدوا زي ماليه تاثير علاجي مفيد

ليه تاثير جانبى ضار

والدوا اللى ليه مفعول سريع

هيبقي فترة مفعوله قصيرة

والعكس صحيح

يعنى كل حاجة ليها وشين

ايجابي وسلبي

المعلومات فى الدنيا نوعين

الأول

معلومات مطلقة

مسلمات

زي وجود الله والحساب والعقاب وانتصار الحق والأديان- لدرجة ما-

ةالتاني

معلومات نسبية

وجهات نظر

فيها الصح

وفيها الغلط

زي الأفكار البشرية

من ليبرالية الى يسار الى رأسمالية الي شيوعية الي علمانية

الغلط بقى هوة التفكير فيما هو نسبي بطريقة مطلقة

أو التفكير فيما هو مطلق بما هو نسبي

يعنى ماينفعش نتكلم فى السياسة -نسبي بشري أرضي-التى تقبل الاختلافات وواحد يتكلم بسام الدين-مطلق الهي-

وان الدين بيقول كذا

وانا بقى الدين عشان ماحدش يعترض

ازاى؟

دي زي المغالطة الرياضية بالظبط

حاجة كدة زي القسمة على صفر

او الطريقة اياها بتاعة ازاى نساوي الأعمى بالمبصر

شفتى الصيدلة بتعمل ايه؟ :lol:

8- انت ع الطيارة و مسافر خلاص كندا (ربنا ييسرلك الامور)......و انت في السما فوووووووق..... هتبص لمصر ازاي.....هيوحشك فيها ايه؟؟؟

أنا غضبان

مش هبص ورايا

أثبت نفسي الأول

وأراعي نفسي وأولادي

وأعيشلي شوية أو ألحق أعيشلي شوية

انا زعلان من مصر والمصريين :lol:

9- صورة في البوم حياتك......لمين......تحب تبص ليها و بتملاك احساس حلو....ايه بقي؟؟؟

محمد ابنى

10- ايه السؤال اللي متحبش حد يسالهولك ابدا ابدا ابدا...... (و مش هنساله و الله..... انا شخصيا مش هعملها...... :lol: )

مش بحب الأسئلة اللى ممكن تيجي من ناس انا زعلان منهم لو سألوا أسئلة جر شكل

وساعتها هعتذر عن الرد

مستنية الاجابات......

و من غير حسابات

عشان صباحنا النهاردة احلي م اللي فاااااااااااات

فوتك بعافية

الحقيقة اسئلتم تعبتنى واسعدتنى

بجد بشكر ليك اهتمامك بالموضوع وبسؤال العبد لله

[حسام يوسف]

استاذ حسام

هل انت شخص متسامح ولا لا؟

نص نص

لست شيطانا ولا ملاكا :lol:

هل انت شخص عصبى؟نعم معترف بده وبحاول أعالج على قد ما أقدر

وهل عصبيتك خلتك تخسر شخص عزيز عليك؟ لو عصبيتي وصلتني لأنى أخسر حد عزيز عليه

وحسيت انى ظلمته

هروحله لحد عنده واعتذرله

لانى بحب أعرف وأكسب صداقات بناس محترمة وكويسة

فمابالك بتقديري لأشخاص أقدرهم وأحبهم

فممكن يحصل انى أتعصب

بس مش هخسره

ولو مفيهاش احراج هو مين؟

مفيش والله حد معين

لو تصادف وقابلتنى فى كندا هل ممكن ان نصبح اصحاب ولا دة شيء منتهى بالنسبالك000 عاوز الصراحة وبلاش مجاملة

انا مش بزعل ؟

وكندا ليه؟

لو تحب نتقابل لما أنزل القاهرة أو الاسكندرية أكون سعيد جدا

حتى لو اختلفنا

فالاحترام قائم

بتقضى يومك فى اية ؟

لو بعد ما يخلص الحاجات اللى فى شغلي

بحب النت

مدمن نت

منتديات

وفيس بوك

وماسنجر وسكاي بي

وتويتر ولنكد ان

ولو النت فصل

بفتح كتب على الجهاز

ونفسي أتعلم برمجة أو تجارة الكترونية

ولو ان التانية أقرب لأنى بحب البيع بطبعي

ولو فيه وقت

بديها موجة كوميدي أو قناة النيل للكوميديا

والجزيرة الوثائقية

وابو ظبى ناشيونال جيوجرافيك شديدة بجد

وكنت بحب وبتابع قناة انا اللى اختفت للأسف

وهل زوجتك بتزعل لما بتهتم بالنت اكتر ولا بتشاركك أرائك؟

كانت فى الأول بتزعل

بس بعد كدة خدت على كدة

وتفهمت هواياتي

وبتشاركنى

وعارفة المحاورات واصحابى

والخناقات واحد واحد :lol:

اية اجمل حاجة فى حسام؟

بدون غرور

صفحات المنتدي مش هتكفى :lol:

بهزر طبعا

بشوف ميزاتى كالآتي:

أخلاقي وبتاع مبادئ

دائم التفكير في الأفضل

تفكيري مالوش حدود الا الأخلاقيات طبعا

مش بعتقد فى رأيي بنسبة 100%

يعنى كتير بعدل فى أفكاري

بعدل مش بغير وبرتد

تعديلات للأفضل

بنتك ربنا يخليهالك شكلك ولا شكل والدتها؟

ميكس :lol:

وانا بشكرك جدا على تشريفك الموضوع

[حسام يوسف]

عدى 3 أيام

يا مسهل :closedeyes:

[Folana]

السلام عليكم ورحمة الله....

الحقيقة احنا نتشرف بلقاء حضرتك يادكتور حسام ..ربنا يعزك...

وبما انى دخلت الموضوع وبما انى مش حأعرف أخرج منه الا اذا سألت ....فاسمحى يادكتور اسأل كام سؤال كده...

- ماهى مميزات وعيوب مهنة الصيدلى ..وخصوصا للبنت

-رأى حضرتك الشخصى فى قانون تحديد مساحة الصيدلية بما لا يقل عن 40 متر مربع

هل حضرتك مع أو ضد؟مع ذكر الاسباب ,,,

-سؤال يؤرقنى شخصيا ..كيف يتمكن الصيدلى من قراءة روشتة الطبيب والتى تكون عبارة عن خطوط متصلة منفصلة ليس لها ملامح....

-حضرتك تعلم طبعا ان ابنتى طالبة فى كلية صيدلة...ودائما ما تبث فى قلبى الرعب عندما تتحدث معى عن المعمل وخطورة المواد الكيميائية التى تستخدمها ..وكيف انهم مضوا على اقرار يفيد عدم مسئولية الجامعة عن اى اضرار تحدث للطلبة اثناء تواجدهم فى المعمل وتعاملهم مع تلك المواد ذات التركيز العالى...

ما رأى حضرتك فى هذا الكلام...وماهى طرق السلامة الواجب اتباعها والتى ننصح بها الطلبة لتفادى اى أثار جانبية من جراء استخدامهم لهذه المواد...

وهل لها تأثير على الصحة على المدى الطويل؟

- هل الصيدلى مؤهل لأن يصف الدواء للمريض؟..ان كانت الاجابة بلا...فلماذا من وجهة نظرك نجد بعض الصيادلة يقومون بدور الطبيب ؟

- حضرتك كتبت فى ردك على عنبو الكلمة دى عكتله وانا مش عارفه أقرأها ...ممكن تفسرها لنا md2:

السؤال الاخير...حضرتك قمت بتغيير اسم بنوتك من خديجة الى هيا....لماذا لم تتقدم بطلب للادارة لتغيير الاسم فى موضوع التهنئة؟...هو حضرتك مش عارف ان كده يبقى تزوير فى أوراق رسمية ؟ bv:- "

واخيرا وليس أخرا..."من أنت" :closedeyes:

انا عارفة ان حضرتك جاوبت ..لكن السؤال ده بنتفائل به وبنعتبره تميمة الموضوع ....

تحياتى

-_-