كرسي الأعتراف 2 ( حاليآ الفاضلة Dreamwithme )

[رضوي]

انا جـــــــــــيت - - نـــــــورت البيـــــــــــت

و شيلونى بحنيــــة - دي ماما تعبت فيا - - اواااء - اوواءءوؤ وؤ وؤؤ وؤؤ

شكرا ليكم لترشيحكم لى - بجد انا اسفة جدا - كنت فى كام مشوار عفاريتي كدا - طول الايام اللى فاتوا wst::

ما بين بيت عمتى وكافيتريا للكبار فقط .......Ghost - وما بين عفاريت برج الجيزة - وحبه عفرتة ونكرشة على الماشي مطعمة بافلام فيديو - وصور لاحلى عفاريت حوالينا واحنا مش دريانبن وصور العفروتة مع احلى اغنية ما تصورينى يا ماما قوام يا ماما- وسمعنا سلام الليلة دي مش حتنام ....... دوقى يا مزيكا

- تحت امركم بس لسة ما قعدش على الكرسي - بحضر حجرين شيشة :ninja:

واجمعكم حواليا وابتدي - بس اكيد قبل ما امضى العقد توكيدن انه داه - كرسي اعتراف مش كرسي اعداام - عاوزة ضامن يضمن

الله يستر ..

يا للا يا شباب

الاه بصحيح - - هو اللعبة دي عوبارة عن ايه :lol: - اشرحوهاى

عبال ما اوصل مشوار اجيب حبة ايس كرويم وشبس ليا و للعيال فرصة اتسلي اثناء الاعتراف ..

شكرا وتحياتي

:wub:

أهلا أهلا أهلا

حمد الله علي السلامة نورتي الكرسي

بداية كدة وقبل اي حاجة لازم تتفضلي المشروب الرسمي للكرسي

موز باللبن

لو موش بتحبيه نعمل حاجة تاني عادي يعني

شوفي بقي ياقمر

الكرسي عبارة عن ايه ؟؟؟؟؟؟؟

حضرتك هتشرفينا هنا وكل شلة الاشرار هتقعد تسأل حضرتك ( لو عايزة خطوط حمراء قولي )

بس خلاص

وانتي تجاوبي علي كل الأسئلة

فيه ابسط من كدة ؟؟؟

يلا بقي اشربي الموز وقوليلي ايه رأيك

[رضوي]

بداية بقي ياجميل ندخل علي المفيد ونسخن بشوية أسئلة جامدة

- الاسم ؟؟

- السن ؟؟

- الحالة الاجتماعية ؟؟

- عدد الابناء ؟؟

- يعني ايه أغابي ؟؟( معلش سامحي جهلي )

- اتعرفتي علي زوجك ازاي ؟؟( ايون انا عارفة انك متزوجة وسالت عن الحالة الاجتماعية عادي يعني )

-بتحلمي بايه ؟؟

- المهنة ؟؟

- الهوايات المفضلة ؟؟

- اقرب الصديقات ؟؟

- مميزاتك ؟؟

يعني انا بقول كفاية كدة لحد لما تاخدي علي الكرسي وتريحي فيه كدة ............ وبعدين ندخل بقي علي الأسئلة الجامدة wst:: د

تقبلي تحياتي :wub:

[joo]

حبة نقرشة وفرفشة

انا جـــــــــــيت - - نـــــــورت البيـــــــــــت

و شيلونى بحنيــــة - دي ماما تعبت فيا

ومين جالنا نهارده يا تري - دي اغابي السكرة - - اواااء - اوواءءوؤ وؤ وؤؤ وؤؤ

شكرا ليكم لترشيحكم لى - بجد انا اسفة جدا - كنت فى كام مشوار عفاريتي كدا - طول الايام اللى فاتوا :lol:

ما بين بيت عمتى وكافيتريا للكبار فقط .......Ghost - وما بين عفاريت برج الجيزة - وحبه عفرتة ونكرشة على الماشي مطعمة بافلام فيديو -والبحث فى جوجل عن احدث عفاريت والتقرير الخاصة بمناطق تواجد العفاريت - وصور لاحلى عفاريت حوالينا واحنا مش دريانبن وصور العفروتة مع احلى اغنية ما تصورينى يا ماما قوام يا ماما - وسمعنا سلام الليلة دي مش حتنام ....... دوقى يا مزيكا

- تحت امركم بس لسة ما قعدش على الكرسي - بحضر حجرين شيشة :lol:

واجمعكم حواليا وابتدي - بس اكيد انه داه - كرسي اعتراف مش كرسي اعداام - الله يستر ..

يا للا يا شباب

الاه بصحيح - - هو اللعبة دي عوبارة عن ايه :lol: - اشرحوهاى

عبال ما اوصل مشوار اجيب حبة ايس كرويم وشبس ليا و للعيال فرصة اتسلي اثناء الاعتراف ..

تحياتي

هى الحلوة جاية مع مين؟

[عنبو]

يعنى كان لازم استعمل نفوذى يعنى علشان نقعدك على الكرسى

صحيح بلدنا متنفعش تمشى الا بالواسطه ويمكن انا خايف من التغير علشان الحته دى ؟

اولاً احب أسأل سؤال

هل يوجد خطوط حمرا للاسئله ام لا لان احنا هنا بنسأل فى كل حاجه ممكن تتخيليها فقولى فيه خطوط حمرا او مافيش خطوط حمرا

الى جانب كل الاسئله لازم تتجاوب

الى جانب ايضاً لو قولتى فيه خطوط حمرا مش هنقرب جنبها بس طبعاً هنعرف انك خوافه وبتخافى

وهنبص ليكى بصه غريبه شويه فاحسن حاجه قولى مافيش خطوط حمرا

كان معاكم

عنبو

[عنبو]

جو سأل اغابى يقول لها

هى الحلوة جاية مع مين؟

هههههههههههههههههههههههههههههههههههه

ههههههههههههههههههههههههههههههههههههههههه

هههههههههههههههههههههههههههههههههههههههههههههه

ههههههههههههههههههههههههههههههههههههههههههههههههههه

ههههههههههههههههههههههههههههههههههههههههههههههههههههههه

ههههههههههههههههههههههههههههههههههههههههههههههههههههههههههههه

وش واحد بيهدى النفوس

[اغابي]

طبعا فيه خطوط حمرا - اسالو كل الاسئلة عادي و السؤال اللى تحته احطلكم خط ولونه بالاحمر مش حاجاوبه

نبدأ باسئلة رضوى

- الاسم ؟؟

- اغابي السيد محمدين ]هع هع wst:: ههههههه

- السن ؟؟

هو انا من الجيل الموكوس :lol:

- على راى اللمبي - مش فاكرة بس عايشة بقالى كتير -

- الحالة الاجتماعية ؟؟

متجوزة وندمانة :lol:

عدد الابناء ؟؟ 2

ولدين ( 8 + 4 ) سنوات

يعني ايه أغابي ؟؟( معلش سامحي جهلي )

اسم ( اغابي ) باللغة ( القبطية ) ومعناه ( المحبة ) – واللغة القبطية دي هي مزيج بين اللغة الديموطيقية القديمة اللى كانت فى مصر زمان واللغة اليونانية

اتعرفتي علي زوجك ازاي ؟؟

ايون انا عارفة انك متزوجة وسالت عن الحالة الاجتماعية عادي يعني

بتحلمي بايه ؟؟

انى ارجع اشتغل بدراستى وتخصصي واحضر ماجستير فى القانون الجنائي او اشتغل خبيرة ادلة جنائية -

وانا فعلا درست بعد الكلية فى قسم الجنائي بس ماكملتش بسبب الزواج والحمل والاولاد

- المهنة ؟؟

سابقا محامية

او بيسموها هنا فى الكويت مستشارة قانونية - اتخصصت فى قضايا الجنائي - علشان تعرفو اد ايه انا كنت مجرمة - بس اغلب القضايا اللى كانت عندنا مش طبعا قتل ولا الحاجات دي - لا كلها دهس بالسيارات وتجيلك تقرير الطب الشرعى بالتفصيل عن حالة المدهوس ( المجنى عليه ) وهو متقطع اشلاء اشلاء وانت كمحامي عليك انك تطلعى اللى دهسه ( الجانى ) براءة وخاصة اذا كان المدهوس ( المتقطع ) جنسيته هندي او مصري مقيم - يعنى ما لهوش تمن وكان هو اللى غلطان لانه كان يعبر الطريق وصاحب السيارة الجانى ( كويتي ) فاستحالة حيتسجن ال3 سنين - وهنا القانون بيسهلى مشوار كبير فى ان الجانى يطلع براءة

حاليا ومنذ 4 سنوات

موظفة عادية - بقسم شئؤن الموظفين باحدي الشركات الكبري بالكويت

الهوايات المفضلة ؟؟

القراءة والموسيقي واصرخ فى عيالي :lol:

- اقرب الصديقات ؟؟

اختى الكبيرة بس هى فى مصر و باشوفها كل 3 سنين فقط 15 يوم

- مميزاتك ؟؟

لا يوجد

تحياتي

:ninja:

تم تعديل 15 أبريل 2010 بواسطة اغابي

[عنبو]

وبعد ما اكد مصدر رفيع المستوى ان السيده اغابى السيد محمدين قالت ان فيه خطوط حمرا للاسئله

مما ادى الى استياء الشارع المصرى

والسؤال اللى بيدور على لسان كل المصريين الان

لماذا قولتى حضرتك ان فيه خطوط حمرا ؟

هل تخافين من الحاكومه ام ان هناك سر لا تريدى ان تخبرنينا به ؟

[jasmin hamed]

اغابى

الفانوس السحرى مع حضرتك 3 امنيات بس تتمنى ايه؟

(و مش عايزه استذكى الله يكرمك يعنى ماتقوليليش اول امنيه تحققولى 100 امنيه )

لو الزمن يرجع بيكى ايه الحاجه الى عملتيها و ندمتى و الحاجه الى معملتيهاش و ندمتى ؟

بتحبى الليل و لا النهار

الشتا ولا لاصيف

لونك المفضل

برجك

متشامه و لا متفاله

عاده نفسك تبطليها

احلامك

و انا هغلب نفسى ليه ................ احكيلنا قصة حياتك

بس كفايه عليكى كده انهارده

[اغابي]

وبعد ما اكد مصدر رفيع المستوى ان السيده اغابى السيد محمدين قالت ان فيه خطوط حمرا للاسئله

مما ادى الى استياء الشارع المصرى

والسؤال اللى بيدور على لسان كل المصريين الان

لماذا قولتى حضرتك ان فيه خطوط حمرا ؟

هل تخافين من الحاكومه ام ان هناك سر لا تريدى ان تخبرنينا به ؟

عنبو - شكرا على سؤالك

وعلشان تعرف انى انا يهمنى جدا الشارع المصري جدا جدا جدا انا جاوبت على 99.9% من الاسئلة بس سؤال معرفة جوزى - بيصعب عليا كل ما افتكره - لما ترتب عليه من ظلم للاخرين wst:: فعلشان كدا مش عاوزرة اقطع قلبكم بس علشان ما تزعلوش - عموما باختصار شديد - الصدفة جمعت بينا

انا من بلد وجوزى من بلد تانية خالص

واتعرفنا على بعض انه قعد جنبى فى القطر لما كنت مسافرة بس اول مرة ما حكتش معاه اى كلمة - لكن تانى مرة حصلت مفاجات

- وموضوع يطول شرحه وانا بيجينى صدااع لما افتكر القصة دي :lol:

- اقولكم باختصار فاكرين فلم فاتن حمامة وعبدالحليم حافظ - واغنية كان يوم حبك اجمل صدفة - نفس حكاية الفلم مع اختلاف ان الفلم فاتن الحمامة اتبادلت شنطة سفرها مع شنطة عبد الحليم - لكن انا غير - هو اول ما شافنى - اتجنن اساسا

وبما انى كنت - زمااااااااااااان كنت - الله يرحمنى - كنت

جميلة جدا جدا وكنت متعوده ان فى كل مكان الناس بتججن على الحلوة اللى هالة عليهم من بعيد اللى شعرها طوله متر ولونه اسود ومش عارفة ملامحها شبه ايه وحاجات عبيطة كدا من بتاعة زمان - فطبيعى جوزى شاب وقعدت جنبه بس ما اتجننش ولا حاجة الصدفة التانية هى اللى جننتنا احنا الاتنين - الكلام داه كنت فى لسه فى الجامعة - حاليا اكيد 10 سنين حيفرقو او انا نفسيتى اساسا مش مش حاسة انى حلوه زى زمان - او حاجة تانية - اكيد اهتماماتى اتغيرت وبقيت شخصية الواحد ناضجة جدا عن الاول فى امور كتير اهم من انى فكر انا جميلة ولا مش جميلة .

ولا تزعل يا عم ادى جاوبت سؤال كان بالاحمر واساسا انت اللى ورطنى فى الاعتراف يا عنبو حيجيلك يوم وحتشوف حاعمل فيك ايه :ninja:

طب عجبك كدا - اهو جانى صداااع :lol:

:roseop:

تم تعديل 15 أبريل 2010 بواسطة اغابي

[اغابي]

اغابى

الفانوس السحرى مع حضرتك 3 امنيات بس تتمنى ايه؟

(و مش عايزه استذكى الله يكرمك يعنى ماتقوليليش اول امنيه تحققولى 100 امنيه )

لو الزمن يرجع بيكى ايه الحاجه الى عملتيها و ندمتى و الحاجه الى معملتيهاش و ندمتى ؟

بتحبى الليل و لا النهار

الشتا ولا لاصيف

لونك المفضل

برجك

متشامه و لا متفاله

عاده نفسك تبطليها

احلامك

و انا هغلب نفسى ليه ................ احكيلنا قصة حياتك

بس كفايه عليكى كده انهارده

اسالتك صعبة يا ياسمين اوى - وخاصة مع انسانة صريحة ومش بتحب اللف والدوران زيي فاضطر وامرى لله اجاوب بصراحة

الفانوس السحرى مع حضرتك 3 امنيات بس تتمنى ايه؟

- حاطلب امنيتين من التلاتة - بس كفاية اتنين

** ربنا يخليلى اسرتى كلها

**واشتغل بظيفتى الاصلية - تخصصي

- لو الزمن يرجع بيكى ايه الحاجه الى عملتيها و ندمتى ؟

انى جيت اعيش فى الكويت - هو داه اللى ندمت عليه

و الحاجه الى معملتيهاش و ندمتى ؟

السؤال داه صعب مش حاقدر اجاوب عليه

بتحبى الليل و لا النهار

لو الليل والنهار فى مصر حاحبهم

لكن طوااال ما هما فى الكويت بكره الاتنين

الشتا ولا الصيف

نفس الاجابة

لو فى مصر حاحبهم

لكن طوااال ما هما فى الكويت بكره الاتنين

لونك المفضل

الرمادي

برجك ؟

سؤال صعب

متشامه و لا متفاله

سؤال صعب

عاده نفسك تبطليها

انى احيانا كتير انتهز فرصة ان الجو رايق فى البيت - وادخل اوضتى من غير ما اى حد ياخد باله -وادفن وشي فى المخدة وافضل ابكى ساعات طويلة بصوت عالى - - حقيقي مش عارفة اوصل للسبب جوايا لغاية دلوقتى

احلامك

تقدرى تقولى امنية - لكن مش حلم

حاليا انا خارج نطاق التغطية - مفيش عندي احلام اصلا - لكن اتمنى زى ما قولتلك انى ارجع اشتغل فى مجالى اللى بحبه على الاقل وقتها حلاقى مجال احلم احقق حاجة . وعلى راى الاغنية لو بطلنا نحلم نموت وفعلا باعتبر نفسي ميتة .

احكيلنا قصة حياتك ؟

تقريبا اتكلمت :lol: كتير عن مشوار عمرى الفنى wst:: فى ردود ومداخلات وفى مواضيع مختلفة زى طنط سميحة ونون النسوة وموضوعات تانية اتكلمت فيها عن حياتى

:ninja:

تم تعديل 15 أبريل 2010 بواسطة اغابي

[لماضة مصرية جدا]

السلام عليكم و رحمة الله و بركاته

ايه ده يا جدعان سايبني اجري في المنتدي هنا و هناك و محدش يقولي ان بنتنا "غيبو" لبست السلطانية....قصدي قعدت ع النملية........يوه هناكلها المهلبية..... ما علينا

بصي يا جميلة الكويت

هحدف كده ع طول:

1-امتي تحسي انك وحدانية أوي......وسط الناس؟؟

2- ايه اكتر حاجة تزعلك.....تفرحك.....تجرحك.....(ابوس القدم محدش يقولي امي و اخواتي...انا عايزة اعرفكم انتو كبني آدمين).

3- بنوتك كبرت.....و هتاخد نفس قرار الغربة للكويت برضه اللي الشتا فيها شبه الصيف... ...تقوليلها ايه...تنصحيها بايه؟

4- الغربة خلتك اكثر مرحا..........و لا اعمق حزنا؟؟ و ليه بقي...و هنا عايزة يا تنزلنا بدراما كوميدي يا بناورما دراما؟؟

5- ايه اكثر احلامك توحشا و خيالا؟؟؟........(حلوة توحشا دي... انا حاسة اني في مجاهل افريقيا.... )

6- بنتك بتحب....تنصحيها بايه.....ابنك بيلعب بديله....(معلشي في اللفظ)...تتعاملي معاه ازاي؟

7- الجواااااااااااااااز..........بيزود خفة دم الست....و لا بيخليها تاخد موجة الكوميديا السودة عشان تعرف تعيش؟؟؟

8- اوصفي بقي.....الكلمات ... العبارات اللي جاية دي

الرجل...

المرأة....

الغربة

الحياة

الموت

الضحكة

الدموع

الغدر

العبط.

9- بحب اعيش في مود الاغاني و هعملك صداع اخو الصداع اللي فوق....تهدي لمين الاغاني اللي جاية

يا ست انا عايز ابني.... :lol:

توحشني و انا وياك......(حاسة هتقولي المنتدي مش عارفة ليه.... :lol: )

عينيك كدابين....

خلي شوية عليك.....

اعطني حريتي...اطلق يديا....

بعيد عنك.....

سالوني الناس عنك يا حبيبي.......(يا خوفي تقولي المرتب....ركزي يا خالتشي... :lol: .... انتي ع الهوا)

-10عارفة توبيك اعرف امرأة....اعرف رجلا...اللي بهدلنا فيه الدنيا....روحي كده هناك....اختاري عبارة.....بس تكون ااقرب واحدة ليكي....(معلشي حق التاكسي علينا).

بس خلاص

كان معكم

لماضة علوكة....

من برنامج الجريمة لا توفيد..... :lol:

فوتكم بعافية

[joo]

اغابى 00 الاغنية دى بتعبر عن اغابى

بصرررررررررررررراحة

http://www.youtube.com/watch?v=yAuBV6j3vTQ

[doha]

انتي جيتي ياشابة .. ده احنا هنا هنريحوكي ..

حسبالاااه .. وله ياحسباالااااه .. الشاااي ..

لو اني عاده بحب اتابع من بعيد لبعيد بس مش ممكن اسيب ام غبو تقعد على الكرسي من غير مااستفيد من قعدتها شويه ..

اسمحي لي بس اسألك دلوقت سؤالين على الماشي خديهم فمين كده اوام اوام على اجيب لك دفعه تانيه بعد شويه ..

اجب على احد السؤالين التاليين مشفوعا بالرسم كلما امكن ..

1. موقف وضعتي فيه بسبب طبيعة عملك واتحطيتي مابين ضميرك الي بيقولك السائق غلطان والواقع الي بيقولك طلعيه مش غلطان .. شعرتي بايه واتصرفتي بعدها ازاي ..

2. موقف بقيتي مستغربة لو ان مش انتي الي بتحققي في الامر وقدرتي تثبتي الحق لصاحبه كان زمان صاحب الحق ده اتسوح ازاي .. اكتشفتيها ازاي وعملتي ايه عشان ترجعي الحق لصاحبه والاهم تعبتي ازاي عشان تحققي ده ..

3.موقف شفتيه او عشتيه في حياتك مش شرط في شغلك وتغيرت نظرتك لامور كتير اوي بعدها . احكي لنا الموقف ده ..

4. حاجه في عز التعب وعز الانهيار بتخليكي تتماسكي و تقاومي وتقولي لأه .. لسه فيكي ياحياة شيء يستحق ينعاش ..

وكفاية عليكي كده دلوقت ونلتقي بعد الفاصل ..

ملاحظة : شوقتيني اني اعرف قابلتي زوجك ازاي وبالتفصيل باكثر ماتشوقت لاعرف ابو رجل مسلوخه عمل معاكم ايه في شقة الجيزه .

[اغابي]

اغابى 00 الاغنية دى بتعبر عن اغابى

بصرررررررررررررراحة

http://www.youtube.com/watch?v=yAuBV6j3vTQ

بصراحة لاءة - يمكن لو من 7سنين او مثلا لما كنت جايا الكويت جديد كان ممكن وقتها تعبر عنى شوية لكن حاليا فى اغنية بتعبر عنى غير دية بس قبل ما اقولكم عليها وبمناسبة الفيديو كليب

خلينى الاول انزك اغنية بهديها لجوزى ودايما بتفكرنى بيه فى كل كلمة بحس انها علشانه

http://www.youtube.com/watch?v=EcSk1aN5ayQ

وبعدين اقولك الاغنية اللى بتعبر عني

[اغابي]

ايه دااااه

ريا وسكينة مرة واحدة ( قصدي ضحى ولماضة )

حراام عليكم داه انا اول مرة العب اللعبة دي -

يظهر انى دخلت بيت الرعب ولا ااايه

استر يا رب

الله يسامحك يا محمد يا عنبو انت السبب فى الورطة دي يا ظاااااالم ليك يوم

انتظر انتقام اغابي

تم تعديل 15 أبريل 2010 بواسطة اغابي

[doha]

الله يسامحك يا محمد يا عنبو انت السبب فى الورطة دي يا ظاااااالم ليك يوم

قصدك حسبو ؟ حرام عليكي ده حونين خااالص وعليه تلقيمه فنجان انما ايه .. مش هتحسي بحاجه خاااالص ..

منورة ياشابه ..

الا هو الكردان ده عيار كام ؟

ياعبعااااال .. الفوطه ياريس ..

[اغابي]

السلام عليكم و رحمة الله و بركاته

ايه ده يا جدعان سايبني اجري في المنتدي هنا و هناك و محدش يقولي ان بنتنا "غيبو" لبست السلطانية....قصدي قعدت ع النملية........يوه هناكلها المهلبية..... ما علينا

بصي يا جميلة الكويت

هحدف كده ع طول:

1-امتي تحسي انك وحدانية أوي......وسط الناس؟؟

2- ايه اكتر حاجة تزعلك.....تفرحك.....تجرحك.....(ابوس القدم محدش يقولي امي و اخواتي...انا عايزة اعرفكم انتو كبني آدمين).

3- بنوتك كبرت.....و هتاخد نفس قرار الغربة للكويت برضه اللي الشتا فيها شبه الصيف... ...تقوليلها ايه...تنصحيها بايه؟

4- الغربة خلتك اكثر مرحا..........و لا اعمق حزنا؟؟ و ليه بقي...و هنا عايزة يا تنزلنا بدراما كوميدي يا بناورما دراما؟؟

5- ايه اكثر احلامك توحشا و خيالا؟؟؟........(حلوة توحشا دي... انا حاسة اني في مجاهل افريقيا.... :smart: )

6- بنتك بتحب....تنصحيها بايه.....ابنك بيلعب بديله....(معلشي في اللفظ)...تتعاملي معاه ازاي؟

بس خلاص

كان معكم

لماضة علوكة....

من برنامج الجريمة لا توفيد..... :waf:

فوتكم بعافية

1-امتي تحسي انك وحدانية أوي......وسط الناس؟؟

اه طبعا - لكن مش بس وسط الناس انا طوووول اليوم وحدانية الا اذا دخلت على المحاورات بنسي الوحدة داه شيء اكيد لانهم حبوبين كدا كلهم

2- ايه اكتر حاجة تزعلك.....تفرحك.....تجرحك.....(ابوس القدم محدش يقولي امي و اخواتي...انا عايزة اعرفكم انتو كبني آدمين).

تزعلنى - لما حد فى الشغل يتريق ويشتم او يعلق تعليق مش لطيف على المصريين وخاصا يعنى خاصا لو كان فلسطينى او سورى :lol:

تفرحنى - الكلمة الطيبة من اى حد او الزوق فى التعامل واختيار الالفاظ - بفرح بالتعامل معاهم جدا او الناس الكبار فى السن الطيبين

تجرحنى - لما الاقى حد بيشتم وبيغلط فى العقيدة المسيحية - او فى المسيحين وبتلفظ بالفاظ سيئة داه بيجرحنى اوى

3- بنوتك كبرت.....و هتاخد نفس قرار الغربة للكويت برضه اللي الشتا فيها شبه الصيف... :lol: ...تقوليلها ايه...تنصحيها بايه؟

حاقولها سيري بعون الله يا نورماندي تو - تو - تو -

لان لو مصر فيها خير ما كناش اتغربنا - هى مصر فيها خير بس مشفوط فبالتالى ندور على اننا نعيش فى مكان يكون الخير فيه مش مشفوووط

4- الغربة خلتك اكثر مرحا..........و لا اعمق حزنا؟؟ و ليه بقي...و هنا عايزة يا تنزلنا بدراما كوميدي يا بناورما دراما؟؟

الغربة خلتني اكثر صمتا واكثر انطواء على نفسي - لان اغلب الوقت فى الشغل مش بتكلم مع حد طول اليوم فى حالى اللى يتكلم معايا ارد على اد سؤاله - بحس ان الصمت له فوائده وخاصة فى الشغل لكن طول اليوم بفضل ارغى على المحاورات :lol:

زمايلي فى الشغل كانو فاكريني متكبرة ومتأننة لكن قالولى لما اتكلمنا معاكى حسينا ولاقينا ماشي الحاال

المهم باقي اليوم برضوه صمت لان بروح البيت مش بتكلم مع حد وهكذا كل يوم

- لو بتعتبري الصمت حزن يبقي الغربة خلتنى اعمق حزنا ولو بتعتبر الصمت مرح يبقي الغربة خلتني اكثر مرحا - الاختيار لك يا سيدتى

5- ايه اكثر احلامك توحشا و خيالا؟؟؟........(حلوة توحشا دي... انا حاسة اني في مجاهل افريقيا.... :lol: )

اكيد معروف للجميع انى اروح بيت عمتى بجد وابات ليلة واصور كل اللى حيحصل كاميرا فيديو - دااه حلمى المتوحش جدا -

6- بنتك بتحب....تنصحيها بايه.....ابنك بيلعب بديله....(معلشي في اللفظ)...تتعاملي معاه ازاي؟

[u]بنتى بتحب - موافقة الحب اجمل شيء فى الوجود -

لكن لازم الشخص يكون مناسب ليها متكافئ معاها ماديا ومستوي العيلة والتعليم والسن واما تحاول انها تبعد وانا مستعدة اساعدها فى الخطوة دي لغاية ما تنساه - ليه لان لو مش متكافئ معاها يبقي لازم تعرف ان دي نزوه سريعة زى الحلم وبمجرد ما تفوق منها حتتصدم بالواقع وتندم فى وقت ما ينفعش فيه الندم وتقول يا ريت يا ماما نصحتيني ووقفتى معايا

- انا لما حبيت جوزى ورغم سنى كان صغير وبرضوه الغريب هو فكر بنفس الاسلوب - انا فكرت انى انا رفضت ناس كتير فلو حسيت انه مش مناسب انا حاحاول انساه باي طريقة بس انا لاقيت انه مناسب فى اهم الاساسيات المطلوبة مبدئيا علشان كدا كملنا مع بعض -هو الحب بيجي مرة واحدة سهم كيوبيد بيدخل قلوبنا بس برضوه لو لقتية سهم مسموم - ربنا حيساعدك - جمعى ارادتك وقوتك وممكن تطلعيه وترمية وتلحقى تعالجي نفسك من شوية السخونية دي قبل ما يقتلك ويسمم جسمك كله

- ابنى بيلعب بديله -

داه انا مرعوبة من دلوقتى - لان فصل ابنى فى المدرسة فيه 7 جنسيات فبخاف عليه وباستمرار بفتش موبايله من وراه وبفتش الكمبيوتر بتاعه وفعلا فى مرة لقيته محمل فلم امريكى من النت وانا عارفة انه حكى مع اصحابه عن الفلم داه بهدف ان الفلم كان رائع وكان بيتعرض فى السينما - بس برضوه كان فيه مشاهد مش تمام بالنسبة لطفل وفعلا كان ليا عقاب انا وباباه انه محروم من الكمبيوتر لمد اسبوع - واى فلم يحمله من النت احنا نتفرج عليه الاول لاقيناه مناسب حنخليه يتفرج مفيش مشكلة - اكيد حيكون فيه عقاب فى اى سن وكل مرحلة وليها طريقة فى العقاب

تم تعديل 15 أبريل 2010 بواسطة اغابي

[joo]

اغاااااااااااااااااااااااااببببببببببببببببببىىىىىىىىىىىىىىىىىىىىى

ووووووووووواااااااااااااااااااااااااااااااااااااااااوووووووووووووووووووووووووووو

غمض عينيك وامشى بخفة ودلع الدنيا هى الشابة وانت الجدع تشوف رشاقة خطوتك تعبدك لكن انت لو بصيت لرجليك تقع

عجبى )

اية رئيك فى الاعلان دة ؟ هل كنتى فى يوم تتمنى انك تكونى فتاة اعلانات

[joo]

على فكرة يا اغابى انتى مفترية اوى

بأ يا شيخة تخلى البنت تسيب حبيبها

حرام عليكى يا شيخة

طيب افرضى اللى انتى اخترتيهولها مرتحتش معاة بعد الزواج هتعملى اية00 على العموم انتى مش هتعملى حاجة

هى اللى هتقول منك للة يالى كنتى السبب

وطبعا عندنا الزواج بلا رجعة 00 نصيحتى خلى البنت تختار بمزاجها متعمليش حما من دلوئتى

على العموم لو ابنى شاف بنتك هيعمل مش واخد بالة متخافيش

[رضوي]

السلام عليكم ورحمة الله وبركاته

ايه دة ........... انتوا بدأتوا في الأسئلة .؟؟؟؟؟

عزيزيتي أغابي

- لونك المفضل ؟؟

- الممثل المفضل ؟؟

- عيوب أغابي ؟؟

- عندك يوم كامل فاضية فيه ......... هتعملي ايه ؟؟

- رسالة اعتذار ........... هتبعتيها لمين ؟؟وليه ؟؟

- كلمة بتضايق اغابي اوي ؟؟

- بتحبي الموز باللبن ؟؟

- أقرب المحاوريتة اليكي ؟؟

- اتعرفتي علي المحاورات ازاي ؟؟

-عضوين عايزة تحذفي عضويتهم ........... أنا عارفاهم علي فكرة

-ايه اللي بيضايقك في المحاورات ؟؟

- أغابي صعيدية ؟؟

- اكتر فيلم بتحبيه ؟؟

- أكتر أكلة بتعرفي تعمليها ؟؟

- ليه بتقولي ان مافيش مميزات عند أغابي ؟؟؟؟؟؟؟ دة غلط علي فكرة .....

والي لقاء ان شاء الله