كرسي الأعتراف 2 ( حاليآ الفاضلة Dreamwithme )

[اغابي]

:closedeyes:

تم تعديل 15 أبريل 2010 بواسطة اغابي

[اغابي]

على فكرة يا اغابى انتى مفترية اوى

بأ يا شيخة تخلى البنت تسيب حبيبها

حرام عليكى يا شيخة

طيب افرضى اللى انتى اخترتيهولها مرتحتش معاة بعد الزواج هتعملى اية00 على العموم انتى مش هتعملى حاجة

هى اللى هتقول منك للة يالى كنتى السبب

وطبعا عندنا الزواج بلا رجعة 00 نصيحتى خلى البنت تختار بمزاجها متعمليش حما من دلوئتى

على العموم لو ابنى شاف بنتك هيعمل مش واخد بالة متخافيش wst:: :lol: :lol:

انا عندي للاسف ولدين ما عنديش بنات بس كان نفسي الولد التاني يطلع بنت لكن ارادة الله وماما دايما تقولى اللى ما خلفتش بنت ما خلفتش ابدا

لكن لو كان عندي بنت فى يوم من الايام فعلا حاسيبها تحب بس مش توقع - على فكرة يا جوو فيه كتير اختيارات

غلط ومتسرعة من بنات اعرفهم ومنهم واحدة صحبتى ايام الدراسة فى الجامعة وحبت واحد وصممت عليه النتيجة حاليا

فشل زريع لدرجة انها ما رضيتش تخلف اطفال كمان

:closedeyes:

تم تعديل 15 أبريل 2010 بواسطة اغابي

[اغابي]

اغاااااااااااااااااااااااااببببببببببببببببببىىىىىىىىىىىىىىىىىىىىى

ووووووووووواااااااااااااااااااااااااااااااااااااااااوووووووووووووووووووووووووووو

غمض عينيك وامشى بخفة ودلع الدنيا هى الشابة وانت الجدع تشوف رشاقة خطوتك تعبدك لكن انت لو بصيت لرجليك تقع

عجبى )

اية رئيك فى الاعلان دة ؟ هل كنتى فى يوم تتمنى انك تكونى فتاة اعلانات

انا كنت بسافر كتير جدا بالقطورات - و فعلا مرة سافرت بالقطر وقعدجنبى مخرج اعلانات مشهور وبيتكتب اسمه فى نهاية اغلب الاعلانات وكنت وقتها فى الجامعة وكمان مخطوبة - المهم دردش معايا وبعدين قالى على اعلان ناوي يعمله وانا حانفع جدا لان وشي ستار ويقنع فيا

وانا كان غريب عليا العرض داه - بس ابن اللذين داه محترف اقناع فعلا اقنعنى جدا - وطلبت انى ما اعملش غير اعلان واحد بس اشوف راى بابا الاول - واديته تليفون البيت وكلم بابا وقاله الاعلان عن مطعم سمك وجمبري وهى بس حتاخد كادر الكاميرا لحظات مش اكتر راح بابا قاله اوعى تتصل هنا تاني احنا صعايدة وما عندناش الحاجات دي - والراجل زووق وبابا صدقونى زوق اوى بس اتعصب على الراجل لدرجة صوته لع لع جامد وقفل التلفون واستلمنى بابا بلا مسخرة داه اللى ناقص تطلعى ترقصي كمان - بعد بالظبط حوالى عشر ايام نزل الاعلان فعلا عن مطعم وكان بيقول من (بحرى وبنحبو او على لحن الاغنية دي بتاعة هدي سلطان ) عموما ممكن يكون موجود فى النت مش عارفة اللى فاكر فيكم الاعلان دا .

:closedeyes:

wst::

[اغابي]

السلام عليكم و رحمة الله و بركاته

بس خلاص

كان معكم

لماضة علوكة....

من برنامج الجريمة لا توفيد..... :closedeyes:

فوتكم بعافية

نكمل اسئلة لماضة علشان انقل على ضحى دووووغرى

7- الجواااااااااااااااز..........بيزود خفة دم الست....و لا بيخليها تاخد موجة الكوميديا السودة عشان تعرف تعيش؟؟؟

- الجواز بيعقل الست فداه ممكن بيغير شوية من طريقه فهمها لكل حاجة حواليها - اللى كان بيضحكها زمان ما تصحكش عليه دلوقتى

- يعنى المسرحية اللى كانت بتتفرج عليها ايام ما كانت قبل الجواز وكانت بتكركرها من الضحك ممكن بعد الجواز والاولاد تتفرج على نفس المسرحية وتقول على المسرحية واللى بيمثلوا فيها ايه الهبل داه ازاى كانت بتضحكنى زمان

كل الموضوع الانسان بيتغير شوية والحياه اللى حواليه والظروف وتجارب الاخرين ومسؤليات البيت والشغل كل داه بيدي موجة الكوميديا السودة

8- اوصفي بقي.....الكلمات ... العبارات اللي جاية دي

الرجل...

اهم شخص فى حياه المراه

- وبالنسبة ليا - اى رجل فى طريق اغابي بيبقي محظوظ جدا - زوج او مدير او زميل او اب او اخ - باحترم جدا الرجال وبحترم ذكاؤهم الحاد - الرجل اكثر ذكاءا من الانثي - طبعا طبعا - بس داه ما يمنعش انى ضد العنف اللى بتتعرض ليه المراه وحقوقها المستباحة - بحترم فى الرجل طفولته اللى اتظلمت وراء مكر الانثي وخدع الاعراف والتقاليد التى تطالب الرجل بالعنف تحت مسمي الرجولة مع ان الانثي اكثر دهاء منه وهو كطفل صغير لا يريد من الحياه الا ان تدلله امراه .

المرأة....

لعبتها الرجل

وفى دموعها قوة و مكرها خلف لسانها

الغربة....

درس صعب بس اتعلمته صح ...

الحياة....

ابيض واسود

الموت .....

؟؟؟؟؟؟؟؟ لحظتة مجهـــــولة

الضحكة .......

يا ايتها الغائبة الحاضرة- الحاضرة الغائبة - عندما اجدك اجدك حولى فى كل الاماكن وعندما تختفين تذهبين بعيد هناك خلف الشمس فلا مجال ان احد يراك

الدموع.....

اوف كثيرة جدا

الغدر.....

احسن مكان لتفريخ - الغدر بجميع الانواع والمقاسات تكون الغربة

العبط......والاستهبال بالمرة ... له ناس مخصوص

ميكانيكي السيارات

زملاء العمل

البقال

9- بحب اعيش في مود الاغاني و هعملك صداع اخو الصداع اللي فوق....تهدي لمين الاغاني اللي جاية

يا ست انا عايز ابني.... :lol:

ودي مين اللى بيغنيها على راى سعيد صالح فى مسرحية العيال كبرت

توحشني و انا وياك......(حاسة هتقولي المنتدي مش عارفة ليه.... wst:: )

كارت البنك وخاصة لما بيبقي معمر كده ومليان بساكيس ( مونى - فالوس يعنى)

لاءه المنتدي دايما بحس الاغنية دى اتخلقت علشانهم - تملى معاك - عمر دياب

عينيك كدابين....

مش عارفة - مفيش حد بصراحة

خلي شوية عليك.....

اختى الكبيرة

اعطني حريتي...اطلق يديا....

اولادى كاتمين على نفسي طول اليوم :lol:

بعيد عنك.....

ابن عمتى - اتوفى رحمه الله من 4 شهور وعرفت بالصدفة وعمره 34 سنة وكان بالنسبالى صديق واخويا الكبير وكانت صدمة لا توصف

وبيمر قدام الواحد شريط لكل الذكريات والمواقف- الله يرحمه ويصبر امه وابوه .

سالوني الناس عنك يا حبيبي.......(يا خوفي تقولي المرتب....ركزي يا خالتشي... :lol: .... انتي ع الهوا)

بابا

-10عارفة توبيك اعرف امرأة....اعرف رجلا...اللي بهدلنا فيه الدنيا....روحي كده هناك....اختاري عبارة.....بس تكون ااقرب واحدة ليكي....(معلشي حق التاكسي علينا).

تعبتينى يا لماضة الله يسامحك -روحى تعالى لما الكمبيوتر اعلن حالة العصيان وبيهنج اهو ظظظظظظظظ

اعرف امرأه يرثى لها

اعطتها الحياه الكثير والكثير . . . . . .

ولكن احساسها الدائم بانها تبحث عن شيء . . . تفتقده . . .

يشعرها دائما انها لم تملك شيء . . . .

ولا تعلم حتى الان ما هو الشيء . . .

تبحث عنه فى وجوه الاخرين . . . وتفتقده بين حكاياتهم . . .

وفى زوايا الشوارع وظلال الاشجار وغيوم الشمس. . . . وفى كل الاماكن . . .

أمراه غريبة لا تقبل الواقع . . . . . . .

وقتها فقط للخيال . . .

............... . . . . . . . . . . ( حقا انها امرأه يرثي لها ) . . . . . . . . . . . .

تم تحرير المشاركة بواسطة اغابي: Apr 10 2010, 01:31 PM

تم تعديل 15 أبريل 2010 بواسطة اغابي

[اغابي]

انتي جيتي ياشابة .. ده احنا هنا هنريحوكي ..

ازيك يا ضحى جينا لاسئلتك الصعبة - انتم متفقين عليا ولا ايه ؟ ؟

1. موقف وضعتي فيه بسبب طبيعة عملك واتحطيتي مابين ضميرك الي بيقولك السائق غلطان والواقع الي بيقولك طلعيه مش غلطان .. شعرتي بايه واتصرفتي بعدها ازاي

شوفى اول حاجة داه مكتب محاماه وفيه ناس بتشتغل والمكتب اصلا عايش على الاتعاب اللى بناخدها من القضايا

- مفيش اى زبون حيجيلك بقضية تقوليله لاءه - مش حاقبلها اصلك انت الجانى - ضميري - وروح لحد غيرى

القضايا الجنائي لا ينظر فيها بنظرة الدراما اللى انت رسماها - داه كلام افلام - الواقع حاجة تانية - لكن ممكن يقول الواحد بيبقي عنده احاسيس معينة - اذا متاح ترجميها لافعال بانك تتنازلى عن القضية لاحد الزملاء فى نفس المكتب - لكن مش قضيتنا نوديها لمكتب غيرنا - لاءة طبعا - لعلمك - المحاماه ارقى مهنة فى الوجود - لكن العمايل السودا اللى بيعملوها المحاميين هو داه اللى اساء للمهنة - لكن برضوه فيه اساتذة كبار فى المهنة انا شوفتهم بنفسي - بصراحة قمة فى الاحترام والرقى بجد بجد .

فيه قضية جات انا شخصيا اتعاطفت معاه جدا -

كان شاب كويتى فى ثالثة كليه طب - واللى حصل انه ماشي بالسيارة بتاعته جيب - سالته الحقيقة كنت ماشي على كام السرعة - قالى الطريق داه انا ما مشيتش فيه باكتر من السرعة اللى مطلوبة وفضل ييأكدلى ومامته بكت وانهارت وصعبت عليا - لان مستقبل ابنها حيضيع لو اتسجن - مع انه عبال ما خلصنا اجراءات القضية فاتت عليه امتحانات كتير والولد كان من المتفوقين

احداث القضية - ان ( المجنى عليه ) هندي الجنسية ويبلغ من العمر 55 عاما - معدي الطريق - التلتوار مغطى بالشجر هو فجأه ظهر من بين الاشجار حسب وصف الشاب - من غير ما يبص يمين ولا شمال عدى الشارع

- وكمان كاان شايل- باي سكل اتبن ( عجلات للاطفال ) ويقال ان الراجل داه كان مسافر بلده تاني يوم فواضح بيشترى هدايا و لان المنطقة دي فيها سوق مشهور الناس اللى تحب تعمل شوبينج بتروح هناك - فالمجنى عليه شايل لعبتين الاطفال - وقطع الطريق فجأه واكيد حمله الاغراض ما اربكيته اثناء مروره .

الشاب معدي بسيارته ما قدرش طبعا يتحكم فى السيارة او يوقفها ( عنصر المفاجأه موجود ) حيبقى مين غلطان ؟؟؟

بالاضافة ان الطريق داه ليه سرعته العالية لانه مش فى منطقة سكنية اعتبريه طريق سريع يعنى اى حد يعدي لازم يخلى باله .

المجنى عليه عاوزة اقولكم حسب تقرير الطب الشرعى - اتبهدل لدرجة فضلو 10 دقايق - كما هو مدون فى محضر الشرطة - يدورو على رجله - رجل كانت فيه والتانية اتقطعت -من شده الحادث - بعيد عننا كلنا

الشاب وقف بالسيارة واتصل بالشرطة رغم كان فيه مجال يهرب المكان داه فى الميعاد داه مقطوع تماما ولا فيه حد - لكن الولد قال اول ما نزلت اشوف النبض بتاعه لاقيتى متبهدا وكان مات فاتصل بالشرطة جم . انا شخصيا حسيت ان الشاب داه ما بيكذبش - داه غير ان مستقبله حيضيع وحيثيات القضية عندي تقول ان المجنى عليه غلطان وكمان ما يحسب للشاب - انه نزل وما هربش من موقع الحادث

الله مال ايه يا ضحي اللى يحرق دمك - قضية كويتى يقود السيارة فى حالة سكر شديد وداه ثابت بالتقارير ويدهس شاب من اى جنسية نظرا لرعونته اثناء القيادة وجاى علشان تدافعوا عنه - داه حتى انت ما بتلاقيش نفس جواكى انك تجمعيله دليل البراءة - وحصلت صدقونى انى سيبت القضية لزميل من الزملا فى المكتب يمسكها مكانى - هو داه القضايا اللى ممكن تقابل الواحد - هنا - بالاضافة لشوية قضايا سرقة كتير كانت عندى .

2. موقف بقيتي مستغربة لو ان مش انتي الي بتحققي في الامر وقدرتي تثبتي الحق لصاحبه كان زمان صاحب الحق ده اتسوح ازاي .. اكتشفتيها ازاي وعملتي ايه عشان ترجعي الحق لصاحبه والاهم تعبتي ازاي عشان تحققي ده ..

انا مش فاهمة سؤالك - لو القضية اللى عرضتهالك فى الاول تكفي الغرض من الاستنتاجات بتاعتها - سواء قضية الطالب بناع تالتة طب او الراجل السكران - دول نموذج لقضيتين انا عرضتهم وقولت فيها رد فعلى فى كل واحدة - لكن فى كل الاحوال ما نقدرش نرفض اى قضية لاى زبون .

3.موقف شفتيه او عشتيه في حياتك مش شرط في شغلك وتغيرت نظرتك لامور كتير اوي بعدها . احكي لنا الموقف ده ..

كل يوم الواحد بيشوف وبيتعلم - حصل فعلا موقف بس صعب جدا ومش حاقدر احكية واتعلمت منه - نحط تحت سؤالك - خـــــــــــط احمــــــــــــر

تم تعديل 17 أبريل 2010 بواسطة اغابي

[لماضة مصرية جدا]

استاذتي الجميلة.....أغابي

استمتعت كتير مش بقراية الاجابات.....بالقرب منكي.....لانك بتجاوبي بعفوية جدا.....و عشان كده اجاباتك بتوصل لقلبي بسرعة.....و بتخش فيه و تنخشش من غير تخبيط.....

يا أغابي.....احنا هنبقي اصحاب......(لا متحطيش ايديكي في وسطك.....انتي التوبيك بتاع العفاريت بتاعك ده..... علي كام اشتغال من بتوعي و نعمل احلاها شغل في الغربة باذن الله.....ياااااااااااقوي.......وش فريد شوقي في فيلم......تمر حنة..... :lol: )

صباااااااااااااااحك....اسئلة......اجابات......مش مهم.....المهم بينا تواصل......عفوي جدا..... :)

[اغابي]

استاذتي الجميلة.....أغابي

استمتعت كتير مش بقراية الاجابات.....بالقرب منكي.....لانك بتجاوبي بعفوية جدا.....و عشان كده اجاباتك بتوصل لقلبي بسرعة.....و بتخش فيه و تنخشش من غير تخبيط.....

يا أغابي.....احنا هنبقي اصحاب......(لا متحطيش ايديكي في وسطك.....انتي التوبيك بتاع العفاريت بتاعك ده..... علي كام اشتغال من بتوعي و نعمل احلاها شغل في الغربة باذن الله.....ياااااااااااقوي.......وش فريد شوقي في فيلم......تمر حنة..... :lol: )

صباااااااااااااااحك....اسئلة......اجابات......مش مهم.....المهم بينا تواصل......عفوي جدا..... :)

بصراحة دااه انت اللى عفوية جدا وسكورة ولموضة - وانا بحبك اوى - وياريت تقبلى عزومتى على الغدا وانت اللى تدفعى :lol: لاءة اقصد ياريت تقبلى دعوتى للصداقة

وانا فرحت بيكى انت وكتير جدا فى المنتدي - كفاية ان لاقيت ناس بتفكر بطريقتى ويجمعنا هم وطن واحد

بدل العاهات اللى الواحد عايش وسطهم هنا - اسكتى مش عارفة اوصفلك - القرف - اللى حواليه فى كل مكان

تحياتى يا امورتى

اغابي

:lol:

الا بصحيح يا لماضة هو رشدي اباظة اللى فى فلم تمر حنة ولا فريد شوقى wst::

[mekkawy]

هو ايه النظام هنا ؟ :lol:

انا مش فاهم حاجة :)

[doha]

اغابي ..

القصة بتاعت طالب الطب دي تقطع القلب .. فكرتني بموقف لا انساه ..

كنت مرة بزور بابا وبايته عندهم .. صحيت من النوم على صوت حاجه خبطت جامد اوي في الشارع .. الساعه كانت تقريبا اربعه الفجر ..

احنا في الدور العاشر وبرغم كده الصوت كان واضح جدا مما يدل ان الخبطه كانت جامده اوي ..

مش عارفه ايه خلاني اطلع البلكونه اشوف ايه الي خبط ..

ولقيت في سيارة واقفة وعلى بعد مسافة كبيرة منها في موتوسيكل مرمي واضح انه ( طار ) المسافه دي كلها من شده الضربه ..

وفوجئت بشاب عمال يصرخ باقصى مافيه .. اسعااااف . اسعااااف .. الراجل هيموووووت .. وعمال ينط لفوق ويصرخ وينادي على كل الي في الشارع ..

انا شفت المنظر ده وجالي انهيار .. قعدت اعيط جامد ..

مكانش صعبان علي الراجل الي بيموت بقدر ماصعب علي الولد الي بيتنطط ده في محاولة يائسة لانقاذ المصاب .. هي دقائق بتفصل مابين حياتين .. شاب سعيد فرحان بعربيته الجديده وماشي يجري بيها في الشارع يتحول في ثواني الى مجرم قاتل هتتغير حياته وحياة اسرته الى الابد ..

وقفت في مكاني مش عارفه اعمل ايه اجري ابلغ الاسعاف ولا انزل اسعف معاهم مش عارفه .. رحت صحيت اخويه من الخضه وقلت له في واحد خبط واحد في الشارع قوم بسرعه ..

دي مش اول مرة تحصل حادثة في المكان ده بالعكس متعودين عليها لانه ملتقى كذا طريق .. والاهم ان الحادث وقع امام المستشفى بالظبط يعني الاسعاف طلعت خذت الراجل عادي .. مش عارفه ايه خلاني رحت صحيت اخويه ومش عارفه انا ليه كنت متاثرة جدا بالموقف بس تقريبا كده انا كنت خايفه على اخويه اوي لو لاقدر الله كان ف نفس الموقف فحبيته يشوف بنفسه ايه الي ممكن يحصل ..

ربنا يستر علينا جميعا يارب ولا يفجعنا ابدا ف حد بنحبه ..

بتفكريني ليه بس يااغابي .. ايوه صحيح انا الي جبته لنفسي وسألت .

***

بالنسبة للسؤال التاني فمعليش اعيد صياغته بشكل افضل

افرضي مثلا انك كنتي راكبه اوتوبيس .. وفيه سائحه فرنسية راكبه معاكم والست قعدت تتكلم بحاجات كتير ومحدش فاهمها وفجاه طلعتي انتي بصفتك متقنة للفرنسية وسمعتي هي بتقول ايه وطلعت بتقول كلام خطير اوي وكانت محتاجه مساعده فورية ولولا انك بتعرفي تترجمي ولولا انك تواجدتي في المكان ده في اللحظه دي كانت الست دي ضاعت ..

فهمتي قصدي ؟

كل واحد فينا فيه مميزات كامنة ممكن متكونش متوافرة عند الاغلبية .. عوزاكي بقى تحكي لنا على موقف عملتي فيه شيء وحسيتي بعدها بالفخر بنفسك انك انجزتي ده وحسيتي برضه انه لولا ( تركيبتك ) انتي كأغابي مكانش الموقف ده انحل واستغربتي ترتيب ربنا انك ازاي تواجدتي في اللحظه دي في المكان ده وشكلها كده لو اي حد تاني مكانك مكانش هيحلها .. من الآخر حدثينا عن سر التركيبة المميزه في خلطة اغابي .. ماشي ؟

[doha]

هو ايه النظام هنا ؟ :lol:

انا مش فاهم حاجة :)

افهمك انا ..

باختصار شديد معاك ( سيغة ) اقعد نشربوك الشاي .. معاكش يبقى انزل شيل مع الرجالة تحت ..

ياعنبووووو .. هات حتتين القماش لما نفرجو الجدع ..

منور ..

[اغابي]

انتي جيتي ياشابة .. ده احنا هنا هنريحوكي ..

حسبالاااه .. وله ياحسباالااااه .. الشاااي ..

4. حاجه في عز التعب وعز الانهيار بتخليكي تتماسكي و تقاومي وتقولي لأه .. لسه فيكي ياحياة شيء يستحق ينعاش ..

وكفاية عليكي كده دلوقت ونلتقي بعد الفاصل ..

ملاحظة : شوقتيني اني اعرف قابلتي زوجك ازاي وبالتفصيل باكثر ماتشوقت لاعرف ابو رجل مسلوخه عمل معاكم ايه في شقة الجيزه .

4. حاجه في عز التعب وعز الانهيار بتخليكي تتماسكي و تقاومي وتقولي لأه .. لسه فيكي ياحياة شيء يستحق ينعاش ..

المرتب اخر الشهر wst:: :lol:

لاءة - بجد - طبعا اولادي - كل يوم بيكبروا قدامى وبفرح بيهم - و بحسهم اجمل اطفال فى العالم وحابقي انزلكم صورهم قريبا

بالنسبة لسؤال جوزى قابلته فى القطر - وما اتكلمناش كلمة فى اول مقابلة صدفة - وهو من بلد غير بلدي -

بعد 4 ايام سافرت تاني بالقطر برضوه ركب فى القطر الصدفة التانية ورقم تذكرته بنفس الكرسي اللى جنبي

( احنا محتفظين بتذاكر القطر لغاية دلوقتى وعليها تاريخ اول لقاء بينا - باليوم والساعة والثانية ) .

وكمان انا افتكرته علطول - بس - الصمت سيد الاخلاق wst:: - ما رضتش اعلق على الصدفة لكن جوايا كانت بسأل ميت سؤال - ونمت وصحيت فى محطة غريبة فافتكرت ان القطر مشي بيا ورحت بلد تانية رحت سالته عن اسم المحطة راح قالى انت نازلة فين قولته على اسم البلد - راح قالى لاءة لسة نامى ولما نوصل اصحيكي وابتسم وبعدين قالى بس قبل ما تنامي اسالك سؤال مش انت اللى كنت قاعدة جنبى فى نفس القطر من كام يوم وبرضوه فى الكرسي نفسه جنبي ؟؟؟

( رحت فكرت فى دماغى وقولت اه جينا للرغى بقي ) رحت رديت قولته مش واخده بالى :lol:

- راح قالى بس انا واخد بالى كويس - المهم انا نمت ( وبيني وبينكم كدا :) وكدا وكد وما بين كدا وكدا - ما جانيش اى نوم بس عملت نفسي

انى قال نايمة :lol: )

- بتفكرونى باحلى ايام الله يسامحكم - الله يسامحكم بجد - قتها كان عمرى 19 سنة -

المهم فى نفس الوقت فى القطر - لقيت مفيش فايدة - فتحت عيونى وطلعت كتاب ( كورس الالمانى ) اذاكر لان كان عندي امتحان صعبة بعد 5 ايام ( لان الجامعة كانت عملت لنا كورسات المانى مجانا منحة من الالمان و لنشر اللغة الالمانية وكمان المدرسين فى الكورس كانو كلهم المان وانا بجانب دراستى لكلية الحقوق كنت انا والجروب بتاعى فى الجامعة بنروح ناخد الكورسات وانا كنت فرحانة اوى باللغة دي - وانا فى القطر كنت بذاكر المانى لان عندي امتحانات الكورس حتبدأ بعد اقل من اسبوع )

راح بدأ يسالنى بالالمانى بدل العربي - لان هو عنده شوية المانى - لانه كان فى الوقت داه بيشتغل فى الغردقة فى السياحة - ( هو اكبر منى ب 6 سنين )

المهم انا كنت باجاوب بس هو اشطر لانه متمكن من الجرمر عنى برضوه انا كنت جديدة بس عرفت اشرحله عن دراستي وفجأه عرفت انه سوسة وقدر يضحك على ويعرف عنى المعلومات اللى عاوزها - بس انا كنت لما بقعد مع اى حد فى القطر لو فيه مجال احكى مفيش مشكلة لكن الحظ الا جوزى دااه بالذاااات جوزى ما حكتش معاه وكنت مطنشاه

- المهم اتضايقت جاتنى لحظة كدا اتضيقت انه هو قدر يلاقيلى مدخل فى الحوار يدخل منه وكمان من غير ما احس سالنى عن اسمي بالالمانى والجامعة وبلدي وهواياتى وسنة كام - وانا انى هبلة طبعا وفرحانة انى بتكلم المانى ويجيى منى وخلاص يعنى اتعلمت اللغة - رحت جاوبته على كل الاسئلة وهو داه غرضه وجوزى ما زااال سوسة ويقدر يوقع اى حد فى الكلام - فظظظظيع bsh:) والباقي اكيد معروووف زى اى قصة بتنتهى بالجواز

تحياتي يا ضحي

:lol:

تم تعديل 17 أبريل 2010 بواسطة اغابي

[لماضة مصرية جدا]

استاذتي الجميلة.....أغابي

استمتعت كتير مش بقراية الاجابات.....بالقرب منكي.....لانك بتجاوبي بعفوية جدا.....و عشان كده اجاباتك بتوصل لقلبي بسرعة.....و بتخش فيه و تنخشش من غير تخبيط.....

يا أغابي.....احنا هنبقي اصحاب......(لا متحطيش ايديكي في وسطك.....انتي التوبيك بتاع العفاريت بتاعك ده..... علي كام اشتغال من بتوعي و نعمل احلاها شغل في الغربة باذن الله.....ياااااااااااقوي.......وش فريد شوقي في فيلم......تمر حنة..... :lol: )

صباااااااااااااااحك....اسئلة......اجابات......مش مهم.....المهم بينا تواصل......عفوي جدا..... :)

بصراحة دااه انت اللى عفوية جدا وسكورة ولموضة - وانا بحبك اوى - وياريت تقبلى عزومتى على الغدا وانت اللى تدفعى :lol: لاءة اقصد ياريت تقبلى دعوتى للصداقة

وانا فرحت بيكى انت وكتير جدا فى المنتدي - كفاية ان لاقيت ناس بتفكر بطريقتى ويجمعنا هم وطن واحد ...لا مخبيش عليكي انا همي دلوقتي آآكل ايه عشان الحق انزل الكلاس...و همي اللي بعديه ع طول...إزاي مش انام في الكلاس لانس مش نايمة امبارح ساعتين علي بعض

بدل العاهات اللى الواحد عايش وسطهم هنا - اسكتى مش عارفة اوصفلك - القرف - اللى حواليه فى كل مكان

تحياتى يا امورتى

اغابي

:lol:

الا بصحيح يا لماضة هو رشدي اباظة اللى فى فلم تمر حنة ولا فريد شوقى wst::

يا ويلكم يا ويلكم.....بس يا توري يا هل توري هتستحملي.....انا مشفقة عليكي من صحوبيتي.......آخر واحدة كانت بتقو زيك كده....و بعدين اختفت في ظروف غامقة.... اعووووووو

طبعا يسعدني جدا....

بالنوسبة للفيلم المعجزة يا تمر حنة يا تمر حنة...خليتي بينا و بعدتي عنا.....فمن موقعي هذا احب ااقولك انه كان فريد شوقي....مش رشدي اباظة خاااالص....

عشان لو انتي قاعدة في مدرجات الجيل الموكوس (شفتك امبارح هناك يا لئيمة اوعي تخبي)...هتشوفيه فريد شوقي....

اما لو انتي زي حالاتي قاعدة في البلكونة...و الحمام قرب يعمل عليكي بيبي....هتشوفيه أحمد الضيف..... wst::

صبااااااااااحك تمر حنة علي تمر حنة.......صباحك نور من الجنة

كان معكم لماضة كومبارس

==============

ع جنب يا اوسطي بقي:

ابننا الفقيد عكاوي.........آخر حد جه اامنطشقة دي...و سؤال السؤال الفلسفي العميك بتاعك ده عارف جراله ايه

bsh:)

استعد يا ولدي

[اغابي]

هو ايه النظام هنا ؟ :lol:

انا مش فاهم حاجة :)

بيسالونى اسئلة تخوووف وانا بخاف ومن كتر ما انا بخاف - اروح طخ - اجاوب علطووول

ارجوك يا مكاوى - خليك اجدع منهم واسالنى اسئلة خوفافى كدا

مثلا كيلو اللحمة عندكم فى الكويت بكام

طب كيلو السكر

وانا مش حانسالك الجميلة دى ابدا يارب

داه بيت ريا وسكينة

:lol:

[doha]

يانهارك ابيض يااغابي .. تصدقي انك مش ممكن ..

عارف اني من زمان ملاحظة انك تشبهيني في حاجات كتير جدا بشكل مذهل .. ماعدا الشكل طبعا للاسف موصلتش لمرحلة الاعلانات دي .. وعلى فكره انا تقريبا متذكرة اعلان من بحري وبنحبوه ده ان لم اكن متأكده اني شفته بس على فكره برضه والدك استاذ انه رفض فمعروف اوي سمعه بنات الاعلانات وقتها كان ايه ومخرج الاعلانات بتبق مهنته الاساسية ايه ..

يابنت اللذين .. حتى الالماني .. تصدقي ان بقالي فترة بتعلم الماني برضه وكده مزاج بدون سبب ..

اوعي تطلعي برج الدلو بقى عشان متبقاش كملت ..

بس اقولك على سر ؟

بس هيحرق عليكي المفاجأه ..

هو جوزك ممكن ركب اول مرة جنبك صدفة . .بس تاني مرة اتوقع والله اعلم .. ولو انا سوسه يعني ومكان زوجك .. هقعد يومين انتظر البنت الامورة الي شفتها المرة الي فاتت منا عارف انها بتسافر كل يوم مهو اكيد شفت معاها كتاب ولا حاجه وعرفت انها طالبة وبالتالي فخط سيرها معروف ..

شفت الست الحلوة جات وقطعت تذكرة .. قمت جاري جري وناطط عل الشباك وقاطع التذكرة الي بعدها .. ويادار مادخلك شر :)

عاوزه تتاكدي شوفي تذكرة مين فيكم الي رقمها اكبر .. انتي ولا هو .. لو هو تذكرته مقطوعه الاول يبقى براءة ياولد العم .اما لو تذكرته ( قدت من قِبل ) وانتي الي قطعتي الاول يبقى صدقيني ملهاش حل تاني ..

اما بقى لو مش عارفه مين فيهم تذكرتك فامرك لله ربيهم هم الاثنين على انهم عيالك واهو تكسبي فيهم ثواب ..

سوسة مش كده ؟ عارفه ..

تم تعديل 17 أبريل 2010 بواسطة doha

[اغابي]

اغابي ..

بتفكريني ليه بس يااغابي .. ايوه صحيح انا الي جبته لنفسي وسألت .

***

بالنسبة للسؤال التاني فمعليش اعيد صياغته بشكل افضل

افرضي مثلا انك كنتي راكبه اوتوبيس .. وفيه سائحه فرنسية راكبه معاكم والست قعدت تتكلم بحاجات كتير ومحدش فاهمها وفجاه طلعتي انتي بصفتك متقنة للفرنسية وسمعتي هي بتقول ايه وطلعت بتقول كلام خطير اوي وكانت محتاجه مساعده فورية ولولا انك بتعرفي تترجمي ولولا انك تواجدتي في المكان ده في اللحظه دي كانت الست دي ضاعت ..

فهمتي قصدي ؟

كل واحد فينا فيه مميزات كامنة ممكن متكونش متوافرة عند الاغلبية .. عوزاكي بقى تحكي لنا على موقف عملتي فيه شيء وحسيتي بعدها بالفخر بنفسك انك انجزتي ده وحسيتي برضه انه لولا ( تركيبتك ) انتي كأغابي مكانش الموقف ده انحل واستغربتي ترتيب ربنا انك ازاي تواجدتي في اللحظه دي في المكان ده وشكلها كده لو اي حد تاني مكانك مكانش هيحلها .. من الآخر حدثينا عن سر التركيبة المميزه في خلطة اغابي .. ماشي ؟

صدقينى انا مش بركز مع نفسي اوى

- بالعكس انا بشوف فى نفسي عيوب كتير وعاوزة ابطلها

انا تركيبة اسرة ( اب وام ) عندهم مساحة كبيرة من الحرية لاولادهم - متفاهمين لابعد حدود وخاصة خاصة بابا - مثقف جدا -

شجعونى كتير فى الجامعة - فيه موقف حصل مع بابا اتحدى لو اى اب فى العالم يبقي زي الراجل دااه فى رده فعله - اتحدي - بابا وماما اسطورة خيالية

- انا قولت لبابا مرة انا اسفة علشان حكيت مع الراجل بتاع شركة الاعلانات التلفزيون اللى قعد جنبي فى القطر

راح بابا رده كان - انا اولادى واثق فيهم وفي تربيتهم ما يغلطوش ابدا .

عادي - بالعكس - لما تتكلمى مع الناس وتغلطى حتتعلمى من غلطتك - احكى مع كل واحد يقعد جنبك فى القطر ايه يعنى - مفيش مشكلة

- شوفى الناس حوليكى بيفكرو ازاى وباى طريقة - مفيش مشكلة يا حبيبة بابا .

- صدقونى بابا لغاية دلوقتى يقولى - يا حبيبة بابا - او - يا امورة بابا - مفيس الا الست اللى اسمها ماما دي ما تعرفش تتكلم غير جد فى جد :lol: :lol:

- البيت مفتوح لكل الضيوف - التعامل تلقائي - الحياه ببساطة ومفهاش عقد - انا جوزى معقد عن اهلى فى تعاملاته مع الناس وحريص جدا

- شوفت كتير

- بقيت حاليا ادور على القصة اللى انا عاوزة اسمعها

- مش اللى اى حد عاوز يحكيهالى

- اكيد داه خلطة اغابي السرية ( مرقة ماجى ) :lol:

- انا بدي لاولادي الحرية فعلا وبخلى ابنى ليه خصوصية مستقلة - بس بتابعه من بعيد و اعتقد بابا زمان كان معانا بيعمل كدااه

:)

[mekkawy]

بتقولك استعد ... ههه ... أنا استعد ... طويب ... أما نشوف الأسئلة المكهربة دي أخرتها ايه

بالنسبة باة لأسئلة مدام أغابي فخليني أمخمخ كدة و بعد الدوام نشوف الموضوع ده ... بس متتوقعيش مني أكون ألذ من اللي سبقوني :)

مكاوى ... انفيستيجاتور

[اغابي]

يانهارك ابيض يااغابي .. تصدقي انك مش ممكن ..

عارف اني من زمان ملاحظة انك تشبهيني في حاجات كتير جدا بشكل مذهل .. ماعدا الشكل طبعا للاسف موصلتش لمرحلة الاعلانات دي .. وعلى فكره انا تقريبا متذكرة اعلان من بحري وبنحبوه ده ان لم اكن متأكده اني شفته بس على فكره برضه والدك استاذ انه رفض فمعروف اوي سمعه بنات الاعلانات وقتها كان ايه ومخرج الاعلانات بتبق مهنته الاساسية ايه ..

يابنت اللذين .. حتى الالماني .. تصدقي ان بقالي فترة بتعلم الماني برضه وكده مزاج بدون سبب ..

اوعي تطلعي برج الدلو بقى عشان متبقاش كملت ..

بس اقولك على سر ؟

بس هيحرق عليكي المفاجأه ..

هو جوزك ممكن ركب اول مرة جنبك صدفة . .بس تاني مرة اتوقع والله اعلم .. ولو انا سوسه يعني ومكان زوجك .. هقعد يومين انتظر البنت الامورة الي شفتها المرة الي فاتت منا عارف انها بتسافر كل يوم مهو اكيد شفت معاها كتاب ولا حاجه وعرفت انها طالبة وبالتالي فخط سيرها معروف ..

شفت الست الحلوة جات وقطعت تذكرة .. قمت جاري جري وناطط عل الشباك وقاطع التذكرة الي بعدها .. ويادار مادخلك شر wst::

عاوزه تتاكدي شوفي تذكرة مين فيكم الي رقمها اكبر .. انتي ولا هو .. لو هو تذكرته مقطوعه الاول يبقى براءة ياولد العم .اما لو تذكرته ( قدت من قِبل ) وانتي الي قطعتي الاول يبقى صدقيني ملهاش حل تاني ..

اما بقى لو مش عارفه مين فيهم تذكرتك فامرك لله ربيهم هم الاثنين على انهم عيالك واهو تكسبي فيهم ثواب ..

سوسة مش كده ؟ عارفه ..

انت عسولة اوى يا ضحى وطيبة جدا - شكرا لاهتمامك وبكلامك الحلوا ا

- بس ضحكتيني فى اللى خبطته العربية قصاد المستشفي مش عارفة ليه افتكرت :lol: (فلم 55 أسعاف لاحمد حلمى ومحمد سعد ) ولا لما جريتي تصحى اخوكى :lol: -

داه كمان نسيت اقولك تقرير الطب الشرعى فى الحادث بتاع الشاب الكويتي - التقرير - تهشم فى الجمجمة - كسر فى الرقية - قطع الرجل اليمنى اسفل الركبة - جرح قطعى فى الفخد الايمن- تهتك شديد بالكبد - اصلا الراجل اتبهدل تحت عجلات السيارة - الله يرحمه بقي ما بقاش فيه حتة سليمة . .

بالنسبة لموضوع جوزى صدفة طبعا - اللى يأكدلك انها صدفة من الطرفين

لسببين

- الاول اننا ما نعرفش بعض فى اول مقابلة ولا اتكلمنا نهائي - رغم كنت احيانا يجيلى مزاجى انكش اللى قاعد جنبي فى القطر واجر كلام لكن دااه ما حكتش معاه - بصراحة كنت عاوزة انام وكنت سهرانة قبلها على اخترنا لك :lol: -

وخلاص نزلنا من القطر و كل واحد راح لحاله

تاني سبب - انه كان رايح من الغردقة للقاهرة مأمورية شغل تبع فندقهم فى الغردقة والمأمورية دي - حتاخد اسبوع بس خلصت فى 4 ايام وباثباتات الاوراق الرسمية

- لاءة - اعتقد انها صدفة وانا مصدقة انها صدفة - داه ما يعرفش عنى حاجة حتى لما نزل من القطر انا ما جتش فى باله ولا هو جه فى بالى اساسا

- ما عنهوش معلومات تساعده فى اللى يتقوليه داه اصلا - ايه حيدور على ابرة فى بحر - يا ستى الدنيا زحمة موت

- واحد قعد جنبي فى القطر وخلص الموضوع

:)

[اغابي]

السلام عليكم ورحمة الله وبركاته

ايه دة ........... انتوا بدأتوا في الأسئلة .؟؟؟؟؟

عزيزيتي أغابي

- لونك المفضل ؟؟

- الممثل المفضل ؟؟

- عيوب أغابي ؟؟

- عندك يوم كامل فاضية فيه ......... هتعملي ايه ؟؟

- رسالة اعتذار ........... هتبعتيها لمين ؟؟وليه ؟؟

- كلمة بتضايق اغابي اوي ؟؟

والي لقاء ان شاء الله

استر يا رب - ازيك يا رضوتى

- لونك المفضل ؟؟

-الرمادى

- الممثل المفضل ؟؟

عــــــادل امــــــــام - وبحترمه جدا .

- عيوب أغابي ؟؟

- اوووف كتير اوى خدي عندك

- التحليل الزيادة لاى موقف يحصل - او اى كلمة تتقال - متقلبة - مزاجية

- بزهق بسرعة من اى حاجة - علطول بزهق وبشعر بالملل من كل حاجة - قرفانة علطول - لدرجة انى غيرت شقتى 4 مرات فى الكويت ومرتين فى مصر :lol:

- وغيرت العفش كمان

- عندك يوم كامل فاضية فيه ......... هتعملي ايه ؟؟

- مع انها ماحصلتش من سنين

- اكيد حاقرا كتاب لمدة ساعتين كاملين ( روايه ) وبعدين اقعد بمزااااج عالى اتكلم على المحاورات :lol:

- رسالة اعتذار ........... هتبعتيها لمين ؟؟وليه ؟؟

- لاى حد ممكن يكون زعل منى فى اى كلمة قولتها من غير قصد

- كلمة بتضايق اغابي اوي ؟؟

:)

[اغابي]

السلام عليكم ورحمة الله وبركاته

ايه دة ........... انتوا بدأتوا في الأسئلة .؟؟؟؟؟

عزيزيتي أغابي

- بتحبي الموز باللبن ؟؟

- أقرب المحاوريتة اليكي ؟؟

- اتعرفتي علي المحاورات ازاي ؟؟

-عضوين عايزة تحذفي عضويتهم ........... أنا عارفاهم علي فكرة :lol:

-ايه اللي بيضايقك في المحاورات ؟؟

- أغابي صعيدية ؟؟

- اكتر فيلم بتحبيه ؟؟

- أكتر أكلة بتعرفي تعمليها ؟؟

- ليه بتقولي ان مافيش مميزات عند أغابي ؟؟؟؟؟؟؟ دة غلط علي فكرة .....

والي لقاء ان شاء الله

- بتحبي الموز باللبن ؟؟

- ان مش بتاعة الكلام دااه - انا اصلى طول عمرى جامدة

انا بحب القهوة ( تركى - عربي - فرنسية) او الشاى اوالنسكافية ( فقط فقط فقط فقط فقط فقط فقط فقط فقط ) حتى العصاير مش بحبها .

- أقرب المحاوريتة اليكي ؟؟

مع انه بالخط الاحمر - لكن حاسهلهالك هو شخصية حد ...ما ( .... ) فى كل المحاورات - شخصية مميزة جدا جدا جدا جدا

( راجل او ست ) - مش حاقول - ( مشرفين او اعضاء) الله واعلم

ما اقدرش اقول مين الشخصية دية - لكن اقدر اقول شخصية منفردة بان الله كان كريما و اعطى هذه الشخصية مواصفات مميزة دون عن باقي العالم كله . . . .

عضوين عايزة تحذفي عضويتهم ........... أنا عارفاهم علي فكرة :lol:

اوووف . لاء لاء لاء . . يا خبر ...

استحالة افكر بالطريقة دي - عمر ما اختلاف الراى يولد الكراهية جوايا ابدا - اطلاقاً -

- بالعكس اختلف معاك فى الراى حيفتح مجال لحوار تانى وتاني لغاية ما نوصل لنقطة نلتقى عندها وتكون نقطة البداية - واما اقنعك او تقنعنى - ما اقتنعناش بوجهات نظر بعضنا - مفيش مشكلة مازلنا اخوات واصدقاء واحباب للابد . . .

- لكن اختلف فى الراى اقوم احولها حرب - او كراهية - استحالة افكر بالمنطق داه - داه فكر الجهلاء وليس العقلاء

وبعدين مفيش شر فى الدنيا تتمناه لحد اكبر من انه يطلع من المحاورات :lol: - حرااام داه اكبر اذية ممكن تصيب حد وبما انى مش بحب اذى حد - يبقي الطيب احسن

- اتعرفتي علي المحاورات ازاي ؟؟

- انا متابعة من اخر 2008 بدون ما اشترك - بالصدفة بدور على اراضي فى الاسماعيلية لانى كنت عاوزة ارض او مزرعة فى الاسماعلية - طلبت من الافندي جوجل جابلى المحاورات - قلبت فى المواضيع شدتنى مرة فى مرة لغاية ما جات رجلى :lol: قررت اخر 2009 قولت يا بت اغابي اشتركى وكفاية واقفة الابواب دي وادخلى بقلب جامد

- ايه اللي بيضايقك في المحاورات ؟؟

- التخبيط فى الحلل

- بمعنى تحسى اننا بنتكلم فى موضوع يجي واحد داخل بايد هون فى ايد وحلة فى الايد التانية ويشتغل رزع - رززززززع - رززع بالكلام بدوم احم ولا دستور - وكلامه لا يمس الموضوع لا من بعيد ولا من قريب وياريت كلمتين وخلاص - لاء ممكن يوصل مانشت طويل بتاع 50 سطر

وفى الاخر لا هو بيفهم عمل كدا ليه ولا اللي معاه فاهمين هو عاوز ايه

وبعد شويتين يدخل يقول - اعتذر - وانا اسف يا جماعة انا ما قصدش

هع هع . . . :lol: . هنا باموت من الضحك - ليه بحس انه حافظ او مبرمج لكن فاهم لاءة - ياريت يبقي الواحد فاهم هو بيقول ايه قبل ما يكتب الكلمتين خاصة فى المواضيع اللى واخده حيز الجدية - وساحتها مليئة بالمثقفين - الناضجين - ياريت نخلى بالنا فى ردودنا بشكل افضل . .

- أغابي صعيدية ؟؟

- ايون - ( انزلى يا ابنى بموسيقى ذئاب الجبل :) :lol: :lol: )

- اكتر فيلم بتحبيه ؟؟

- غرام الاسياد ( لبنى عبد العزيز واحمد مظهر وعمر الشريف )

لان اهم نقطة وهى محور الفلم ان الحب ممكن بيكون قريب من الشخص جدا او حواليه لكن هو مش واخد باله بسبب المظاهر - وحاليا فيه مسلسل بيتعرض على MBC4

الساعة 9 يتوقيت السعودية - قصته شبيها بالفلم اسمه << قلوب منسية >>

- أكتر أكلة بتعرفي تعمليها ؟؟

- كل الاكلات باعرف اعملها وبحب المطبخ - بس حيانا كتير كما هو الطبع الغالب على حياتى - بزهق وينتهى الحال بالاتصال بالديليفرى .. او تيك اواى

- ليه بتقولي ان مافيش مميزات عند أغابي ؟؟؟؟؟؟؟ دة غلط علي فكرة .....

بالعكس - وحياتك عندي ما شايفة فى نفسي ميزة واحد

وبعدين تعالى هنا md2: - وااايه الغلط فيها يعنى - ازاى اشوف مميزاتى الا اذا رضوى وصفتها - اوصفى انت المميزات اللى شوفتيها فيا من خلال اجاباتى .

اسئلة هدت حيلي - الله يخرب عقلكم بتجيبوها منين بس

:lol:

[mekkawy]

مسز أغابي ... أررررررررر يو ريددددددددى ؟؟ .... سو ليتس جو

ما أكثر شئ يبكيكٍ ؟؟

ما أكثر شئ يسعدك ؟؟

فخورة بنفسك ؟؟

حتى الان .... حققتي أهدافك ؟؟ كلها ؟؟ بدرجة كام ؟؟

هل أغابي عارفة نفسها ؟؟؟ و هل راضية عن اللي عارفاه من نفسها ؟؟

لو عديتي مبلغ و طلع **** (أي كان يعني) ... بتعديه تاني ؟؟ لو اه .. كام مرة ؟؟

أين أنتي من الصوت العالي و الصراخ المنزلي ؟؟

ايه رأيك و مبدأك في ضرب الأطفال ؟؟

سعيدة ؟؟

مكاوى ... بريس