كرسي الأعتراف 2 ( حاليآ الفاضلة Dreamwithme )

[اغابي]

مسز أغابي ... أررررررررر يو ريددددددددى ؟؟ .... سو ليتس جو

ما أكثر شئ يبكيكٍ ؟؟

ما أكثر شئ يسعدك ؟؟

فخورة بنفسك ؟؟

حتى الان .... حققتي أهدافك ؟؟ كلها ؟؟ بدرجة كام ؟؟

هل أغابي عارفة نفسها ؟؟؟ و هل راضية عن اللي عارفاه من نفسها ؟؟

لو عديتي مبلغ و طلع **** (أي كان يعني) ... بتعديه تاني ؟؟ لو اه .. كام مرة ؟؟

أين أنتي من الصوت العالي و الصراخ المنزلي ؟؟

ايه رأيك و مبدأك في ضرب الأطفال ؟؟

سعيدة ؟؟

مكاوى ... بريس

ميكاوى ازيك وميرسي على الاسئلة ( السهل الممتنع )

وخليها ميكاوى يا برنس افضل

ما أكثر شئ يبكيكٍ ؟؟

احساسي بالفشل

ما أكثر شئ يسعدك ؟؟

اولادى

فخورة بنفسك ؟؟

سؤال صعب

حتى الان .... حققتي أهدافك ؟؟ كلها ؟؟ بدرجة كام ؟؟

طبعا لاءه - مش كلها - بدرجة 60 %

هل أغابي عارفة نفسها ؟؟؟ و هل راضية عن اللي عارفاه من نفسها ؟؟

ايون - عارفه عيوبى وغير راضية عنها .

لو عديتي مبلغ و طلع **** (أي كان يعني) ... بتعديه تاني ؟؟ لو اه .. كام مرة ؟؟

لاءة - بعد الفلوس مرة واحدة بتركيز واتحدى لو كان يطلع غلط - لكن ما بعدش مرتبن - لان مش كرها فى الفلوس ولا حبا فيها ولكن لانى - بزهـق بسرعة من كل حاجة

امثلة فى حياتى للزهق

- نفس الاكلة ما تتكررش مرتين فى نفس الاسبوع مش الا يومين ورا بعضهم - نظام الشقة بيتغير على فترات متقاربة جدا - المسلسل احضر منه اول 5 حلقات بعدين احمله من النت واللخص المفيد فى قصته فى قعدة واحدة اسرع الاحداث على النت احضره كله انشالله حتى يبقي 150 حلقة فى التلفزيون انا على النت باللخصه واجيب من الاخر

فى اربع ساعات - عرفت ان الزهق هو السبب انى ما بعدش الفلوس مرتين . . .

أين أنتي من الصوت العالي و الصراخ المنزلي ؟؟

- فكرتنى بمشهد الست اللى فى فلم- ابو على - لكريم عبد العزيز ومنى ذكى - لما كتفت عيالها بحبل وماسكة عصاية وبتسال مين فيكم يا كلاب اكل الجبنة :lol:

مفيش الكلام دااه - انا بحب اصرخ فى عيالى لانى بحس انى بطلع الكبت اللى جوايا :lol: - لكن مش حاله من غضب او العنف بس داه للاسف مرة واحدة بيبقى يوم الجمعة :lol: لانه اجازة من شغلنا ومدارسنا - مش بعتقد انه فى مجال باقى ايام الاسبوع - الاسبوع بيرجعو من المدرسة وانا ارجع من الشغل هما يقعدو على الكمبيوتر - وبعدين يروحو الدروس الخصوصية لانى بطلت اذاكر معاهم بيجينى صدااع - فبوديهم مدرسة - واول ما بيرجعو من عندها بيدونى شويه عفرتة وشقاوة ما تزيدش عن نص ساعة كدا على الماشي قبل ما ينامو وخلص اليوم ما بين كمبيوتر ومدرسة ودرس خصوصى امتى بقي فيه وقت ازعق .. .. و مفيش الشكل الكوميدي اللى فى الافلام داه انى اصرخ واجرى وراهم بالمقشة :lol: لاءه مش للدرجة الجو هادى عندي فى البيت

ايه رأيك و مبدأك في ضرب الأطفال ؟؟

اوف - حرام عليك انت لو تركز فى نعومة جلد الاطفال ورقة مشاعرهم واحساسهم ودلعهم ودموعهم حتعرف انهم ملايكة على الارض وما ينفش نضربهم

انا احيانا امسك عصاية بس ما اضربش ومتفقة معاهم اول ما تشوفونى مسكت عصاية اختفو من قدامى فى السراديب بتاعتكم - وهما اساتذة ليهم اماكن مخصصة يستخبوا فيها اما ما اعرفهاش - ودلوقتى بقيت لعبة معاهم مش لازم امسك عصاية انا بمجرد ما اكشر تبص تلاقيهم استخبوا - ويطلعو بعد ما اكون نسيت المشكلة وروقت

هما Active اه بس شقاوتهم بتضحكنى احيانا - وبعدين هما حرمانهم من الالعاب على الكمبيوتر اصعب من الضرب بكتير .

انا متفقة كمان مع ابنى انى اول ما اقول كلمة حاقطعك بالعصاية يبقي كدا وكدا تمثيلية يعنى- علشان لو جيران شكولى منه - فحصل موقف السنة اللى فاتت كانو بيطلبونى للحضور فى المدرسة وبيشتكولى منه - الاخصائية شكت هو مش عنيف لكن شقي شوية فى الكلاس -رحت قدام الاخصائية قولتله ( بس نروح البيت حاقطعك بالعصاية ) راح اول حاجة غمزلى بعينه اليمين واشتغل يعمل التمثيلية اللى انا محفظاهاله وهى يدب رجله على الارض ويعيط كدا :P وكدا ويقول انا اسف يا ماما مش حاعمل كدا تانى وماتضربينيش صدقونى ابنى داه خسرته السينما كان حيبقي طفل معجزة فى التمثيل المهم وانا واقفة معاهم اعووو md2: الفك المفترس وشكلى شريرة md2: لدرجة الاخصائية صعب عليها اوى وقالتلى يا مدام انت حتخلينى اندم انى اتصلت عليكي علشان خاطرى ما تعمليش معاه حاجاة ولا تضربيه وحضنته وطبطبت عليه وقالتلى دا هو احسن من اولاد كتير ومؤدب ودرجاته ممتازة دا بس شقاوة بسيطة وانا شريرة جدا و اقول لا ممكن ابدا - وابنى يدب على الارض - ماما ماتضربنيش يا ماما - وايده يفعص بيها فى عينه ومنهار والمهم ولا يضحك ولا يغلط ولا اى حاجة ممثل عبقري - اخدته وركبنا العربية وفى الطريق قالى ايه رايك يا ماما دا انا عياطى قطع قلبها كانت حتعيط وعمزلى الاستاذ - قولتله داه انا صدقت انى بقيت بع بع ومجرمة ومفترية ومش بسيب العصاية من ايدي النهار كله دانت تهمة لوحدك - :lol:

سعيدة ؟؟

سؤال صعب

اغابي

تم تعديل 18 أبريل 2010 بواسطة اغابي

[لماضة مصرية جدا]

يا جماعة الخير....

الموضع ده ركن ليه؟؟؟

ممكن آخر حد قعد ع الكورسي يرشح لينا اسم...او 3 اسماء زي ما قانون اللعبة بيقول و نبتدي عليه الصوووووويت....قصدي التصويت

مستنية أهه

صباااااااااااااااااااحكم صويت بس صوت واااااااااااااااااطي

[رضوي]

ايون ايون

فين اغابي

يلا رشحيلنا اخت او اخ للتكتيف علي الكرسي

وهنيالك يافاعل الخير والثواب smk:

[اغابي]

ايون ايون

فين اغابي

يلا رشحيلنا اخت او اخ للتكتيف علي الكرسي

وهنيالك يافاعل الخير والثواب smk:

ميرسي يا رضوى على زوقك

وانا ناويت اعمل ثواب اكيد :blink:

انا عاوزة ارشح شخص بس مش عارفة هو قعد على الكرسي قبل كدا ولا - لاءة - بس حقيقي انا عاوزة اشوفه قاعد متذنب هنا

انا مش بعرف اسأل اسئلة زيكم - دي انا مش شاطرة فيها فانا بس حاتابع معاكم بعد ترشيح هذه الشخصية العبقرية الفولاذية

ومش حاوصيكم عليه - عاوزة هجوم شرس :sad:

انا ارشح

عاشق الترحال

تحياتى

تم تعديل 1 مايو 2010 بواسطة اغابي

[sarmar]

اغابى الفاضلة

اية هو السؤال الذى كنتى تحبى ان تتسالى فية ؟؟؟ ولم يسألك احد عنة

وانا عندى سؤال وهو ماهى تطلعاتك نحو مستقبلك ومستقبل اسرتك وهل التطلعات تتخيليها فى الغربة ام فى مصر ؟ تحياتى

[mekkawy]

مدام أغابي

بنشكرك ع الاختيار الجميل ده لسببين .. أولهم إنه ما جاش فيا smk: ثانيهم إني هالاقي حد اطلع عينه و يستحملني

عاااااااااااااااااااااشق

حبيب قلبي تعالى يلا اترزع هناهو ع الكرسي خلينا نسويك شوية

مكاوى ... و جاي بالتقيل

تم تعديل 1 مايو 2010 بواسطة mekkawy

[اغابي]

اغابى الفاضلة

اية هو السؤال الذى كنتى تحبى ان تتسالى فية ؟؟؟ ولم يسألك احد عنة

وانا عندى سؤال وهو ماهى تطلعاتك نحو مستقبلك ومستقبل اسرتك وهل التطلعات تتخيليها فى الغربة ام فى مصر ؟ تحياتى

شكرا يا sarmar على سؤالك

مع انى لو جاوبت حاحس انى باتعدى على المساحة المخصصة فى الوقت الحالى لعاشق الترحال -

لكن مفيش مشكلة انا حاجاوب سؤالك

انا كتير فى الامور الشخصية مش باعرف اسال حد عن نفسه بشكل عام - علشان كدا برضوه مش حاعرف ايه السؤال اللى ما تسالش ليا

مع ان لماضة وضحى ورضوى ومكاوى وعنبو وجووووو عملو الواجب وزيادة smk: كتر خيرهم - سالونى كتير جدا - وانا باشكرهم كلهم

نطلعاتى اكيد الوضع الحالى بمصر مش حيشجعنى اضمن فيه مستقبل اولادى زى زى كل الناس - ومش امن ليهم وليا

- يبقي مفيش غير الغربة - كندا انشالله

لكن اذا

كنت اليوم اسكن فى الكويت

وغدا اســـــــــــكن فى كنــــدا

فمصر سكنت نفسى طول العمر

واتمنى لمصــــــــــر حال افضـــــــل

واعتذر لعاشق انى استغليت المساحة الخاصة ليه

وشكرا لsarmar

خالص الود

اغابي

[اغابي]

مدام أغابي

بنشكرك ع الاختيار الجميل ده لسببين .. أولهم إنه ما جاش فيا :blink: ثانيهم إني هالاقي حد اطلع عينه و يستحملني

عاااااااااااااااااااااشق smk:

حبيب قلبي تعالى يلا اترزع هناهو ع الكرسي خلينا نسويك شوية

مكاوى ... و جاي بالتقيل

شكرا يا مكااوى

بس ما تقلقش قريبا انت برضوه يعنى ما تديناش الامان اوى :sad: wst::

اما بخصوص عاشق الترحال - فانا اكتر منك نفسى نشترك كلنا للانتقام العلنى منه mfb:

مع انى بجد مش باعرف اسال حد - الاسئلة الصعبة وحابقى مترددة فى حرية مساحة الاسئلة وما يليق او لا يليق

علشان كدا انا حافضل بس ادخل مداخلات اسخنكم عليه مع التشجيع والتصفيق الحاد bv:-

اى خدعة - بالشفا - علشان تعرف انى جدعة -

اغابي

تم تعديل 1 مايو 2010 بواسطة اغابي

[joo]

نفسى مكاوى هو اللى نقعدة على العنبوكة

[mekkawy]

نفسى مكاوى هو اللى نقعدة على العنبوكة

بعينك ههههه :D

على فكرة انت من الناس اللي بأقدرهم أوي

مكاوى

[رضوي]

السلام عليكم ورحمة الله وبركاته

اممممممممممممم

ترشيح موفق يا أغابي

وبما ان قانون اللعبة بيسمح بترشيح أكثر من شخص

فاانا عايزة ارشح الشخصيات التالية

- عاشق الترحال

- ضحي

- مكاوي

ماتخافوش

اللي مش هيتكتف المرة دي ........... هنكتفة المرة اللي بعدها

بكدة عندنا صوتين لعاشق الترحال .......... وصوتين لمكاوي ....... وصوت لضحي

اين باقي المرشحين علشان نشتغل علي الضحية الجديدة

ياقوي

قطيعة ماحدش بياكلها بالساااااااااااااهل

[mekkawy]

لا لا ما اتفقناش على كدة .. احنا قولنا عاشق خلاص :D

و من على هذا المنبر ... بأدي صوتي لأخويا عاشق

كدة عندنا حالى اكتساح ... أخونا عاشق 3 أصوات wst:: ... مبروك عليك العنبوكة يا عاشق يلا بالتوفيق

مكاوى ... فراااااار

[رضوي]

نعم !!!!!!!!!!

الي اين الفرار يا أخي ؟؟؟

استني بس ........ صبراً أخي الكريم

دلوقتي عاشق ........ بكرة مكاوي

وبعده ضحي

لا تقلق

هتتكتف يعني هتتكتف

فين باقي أعضاء مجلس ادارة العصابة ؟؟؟

شيكوز ياحياتي ....... تعالي كتفيلنا حد نكهربه ع الكرسي

لماضة ..... فين ترشيحاتك

جو ...... اجهز بقائمة الأسئلة

عنبو ..... جست ......... يلا نشوف الضحية الجديد

بسم الله توكلنا علي الله

يلا يا سوكيننة يا اختي نجهز الشرباااااااااااااااات

[لماضة مصرية جدا]

السلام عليكم و رحمة الله و بركاته

يا خراااااااااااااااااااشي انتو لسه مكتفتوش حد

اروح منكو فين

الموضوع سهل اوي جدا خالص مالص

ابتدوا بابننا عكاوي....و بعدين ابننا عاشق التنطيط...قصدي الترحال....و بعدين بقي الحلو يبقي ببنتنا ضحي

شفتوا سهلة ازاي

بقولكم ايه...عايزين نهييس بقي...قصدي نشتغل

يا جودعان حد يصحيلنا عنبو من جنب الكورسي....انا مش عارفة بيهف عليه النوم هونيك ازاي.......و يتكوم كده جنب الكورسي لا هو جاب زباين و لا علي الفولت....

و متنسوش نعمل حفلة لبنتنا اغابي.....ايون نرش ميه قدام الكورسي...و نسمع احلي زغروتة للافراج

انا هرووووح اتخمد دلوكيتي و بكرة الصبح الاقي ابننا عكاوي مشفي ع الكورسي

و هاتولنا قيمة خمشاشر سؤال ع الريق

فوتكم بعافية

[mekkawy]

طبعاً عاشق بيه فص ملح و داب و شكلي أنا اللي هأركب الريح ... الله المستعان

عامة أنا بأبلغ هروب حالياً و إلى النووووووم

بكرة بأة إن شاء الله ربنا ييحينا و يحييكم

سيو يو أول

مكاوى ... من تحت المقصلة

[MZohairy]

قبل ما عاشق يلبس في الكرسي :) كنت عايز اسأل اغابي سؤال أخير و مصيري

من انت؟ :closedeyes:

[اغابي]

قبل ما عاشق يلبس في الكرسي :) كنت عايز اسأل اغابي سؤال أخير و مصيري

من انت؟ :closedeyes:

اوك واستسمح اخونا عاشق الترحال للمرة التانية والاخيرة - واستحوذ على جزء من المساحة الخاصة ليه

واجاوب على سؤال الاخ زوهير الذى لااااااااااااااااا - و لا ااااا مفر منه - لكل من جلس فى هذا المكان . .

.......انــا .....

عنيدة

عتيدة

صلبة

افكــر

انثـى

تحياتي للجميع

اغابي

:lol:

تم تعديل 1 مايو 2010 بواسطة اغابي

[MZohairy]

خلاص كده ممتاز

نروح لعاشق بقى و نسأله سؤال جديد

من انت؟ :)

[اغابي]

خلاص كده ممتاز

نروح لعاشق بقى و نسأله سؤال جديد

من انت؟ :)

هو داه سؤال مصيريى ام سؤال اجبارى ام كلاهما

وغالبا - اما بيبقي فى بدايه مشوار الاعتراف لاى شخص

او فى نهايه المشوار - كل واحد وحظه

المهم ان كل واحد لازم يمر بيه

لانه من الاخر - اصعب سؤال - فعلا ..

اغابي

:closedeyes:

[عاشق الترحال]

خلاص كده ممتاز

نروح لعاشق بقى و نسأله سؤال جديد

من انت؟ bv:-

حبيبي زهيري باشا سؤالك ده بيفكرني بالسندريلا لما بعتت لحسين فهمي ورقه بتسأله ( من أنت ) ؟ wst::

شوف يا عمنا أنا شاب عادي جداَ وبسيط أوي وبحب أعيش الدنيا ببساطه ومن غير تعقيد من أسره متوسطة الحال بس عندي أحلام كبيره بحاول أحقق منها اللي ربنا يقدرني عليه .

بحب الحياه والدنيا لكن مزروع جوايا من صغري حاجه إسمها الدين يمكن مش ملتزم زي كتير من حضراتكم واقل منكم في الشأن عند الله ويمكن باعمل ذنوب أكتر من أي حد فيكم لكن محبش حد يلخبط في الدين أو يتكلم فيه بضلال .

نفسي أحقق المعادله الصعبه ( إعمل لدنياك كأنك تعيش أبدا وإعمل لآخرتك كأنك تموت غداَ )

عنيد جداَ وفي نفس الوقت قلبي قلب خسايه :lol: ممكن تضحك عليا بكلمه طيبه .

وحيد معنديش أخوه صبيان وعندي أخت واحده أصغر مني كان نفسي يبقى عندي أخوه صبيان ظهرنا في ظهر بعض ونبقى عزوه ويمكن ده السبب اللي مخليني أحب أن يبقى عندي أولاد كتير .

بعشق بلد إسمها ( إيطاليا ) من صغري ونفسي أسافر وأشتغل هناك وإن شاء الله سيكون.

مش عارف أقول أيه تاني wst::

:blink: