كرسي الأعتراف 2 ( حاليآ الفاضلة Dreamwithme )

[عاشق الترحال]

مرحبا بك على كرسى الاعتراف :gadeed:

مرحبا بحضرتك يا أستاذنا التونسي وعلى فكره حضرتك لك عندي مقام غالي

اشمعنى ايطاليا اللى بتحبها ونفسك تهاجر لها دونا عن الدول الاخرى؟

هاقول لحضرتك على حاجه وبكل صراحه لما بدأت أحلم بالسفر وأفكر وكنت لسه عيل صغير مخلص ثانوي وداخل الجامعه لقيت معظم اللي حوليا بيقولوا إيطاليا والسفر والعيشه والفلوس هناك وكده وبقيت أشوف ماشاء الله لا قوة إلا بالله أثر نعمة ربنا على الناس اللي ربنا كرمهم وسافروا هناك وطبعا معظمهم كان من الشباب اللي راح يشجع منتخبنا في كأس العالم في 1990 ومن هنا كانت شرارة البدء وتوالى بعدها السفر لإيطاليا فلما تفتح عنيك من صغرك على الحلم ده أكيد بيعشش جواك وشويه شويه تحول لعشق للمكان نفسه وخصوصا لما تسمع أن الطلاينه عاملين زي المصريين .

السبب التاني والأهم هو أني أعرف ناس هناك ممكن تساعدني في الحصول على عمل إن شاء الله لما أدخل إيطاليا ,

وأكيد حضرتك هتقولي طيب مبيبعتوش لك ليه ؟

هأقول لحضرتك بعتولي بس كانت التكلفه غاليه أوي عليا ووقتها كنت لسه متجوز جديد ومصاريف الزواج والديون وكل ده كانت فوق طاقتي فمقدرتش أو مكنش فيه نصيب وقتها .

إنما أنا بحب برضه ( هولندا والنمسا ) بس بعد إيطاليا .

واحد صحفى بالاهرام بيسال المسئول عن المعونه الدنماركيه لمصر وبيقوله .. ايه وجه الاستفاده اللى بتجنيها الدنمارك من المعونه .. فجاوبه بعفويه ((عشان متجوش بلادنا)) يا ترى فى رايك الراجل الدنماركى ده يقصد ايه .. وايه تعليقك الشخصى ؟

حضرتك تفتكر أمريكا بتعطينا معونه ليه ؟؟

أكيد فيه نماذج كتير مصريه وعربيه مشرفه جداَ في الخارج وأكيد برضه هما بيستفيدوا جدا من الخبرات والعماله بتاعتنا اللي بتروح عندهم وبيستغلوها كويس أوي .

فى رايك ايهم اكثر خطوره على شعبه .. الحاكم العميل .. ام الحاكم الجاهل .. ام الحاكم الغبى .. وهل تعرف حاكم على مدار التاريخ تجمعت فيه تلك الصفات الثلاث؟

في رأيي ( الحاكم العميل ) أشد خطوره

وأرجوا إعفائي من الإجابه على من هو الحاكم الذي توافرت فيه جميع الصفات .

ماهى اللغات التى تتقنها او تتمنى تعلمها

الإنجليزيه وشئ بسيط من الفرنسيه

أتمنى تعلم الإيطاليه ( قريبا ) والألمانيه والأسبانيه

بتعرف طبخ .. ولأى مدى

أيون باعرف أطبخ بس بأمانه مش هاقولك محترف إنما أعرف أعمل رز ومكرونه وطبيخ ولحمه وفراخ وسلطه وما شابه وكان نفسي أوي أتعلم الطبخ مع شيف

وكمان إن لقيت فرصه في أقرب وقت إن شاء الله هأتعلم فن عمل القهوه لأني سمعت عند أكاديميه فتحت في مصر لتعليم القهوه .

وشكراااااااااا

كل الشكر والتقدير لحضرتك .

بس أسئلتك صعبه شويتين

:bsmal: :110:

[عنبو]

جايلك يا عاشق بس اروح ارمى العربيه عند مكتب التأجير لانى خلاص جبت اخر

[عاشق الترحال]

بسم الله توكلنا علي الله

استاذ عاشق الترحال

نعمين يا أستاذه رضوى

- بداية ........... أتعرفت علي المحاورات ازاي ؟

كنت بدور على جوجل على أي مواضيع تخص إيطاليا والسفر فلمحت في النتائج كلمة محاورات المصريين وقد كان بس ياستي ومن يومها بقى

- اكتر حاجة شدتك في المحاورات ؟

أنها تخص المصريين ولما الإنسان بيكون في الغربه بيتلهف على أي حاجه من ريحة بلده

- اكتر حاجة بتضايقك من المحاورات ؟

لما المشرفين بيحبوا يروشوا علينا وياسلام لستة المخالفات جاهزه :lol:

تاني حاجه لما حد يبقى عارف الحق ويحاول يتفنن في جعله باطل أو العكس

-اذكر اسماء خمس أعضاء في المحاورات بتحب تقرالهم وتتنمي تشوفهم علي الواقع ؟ ( اجباري )

خمسه بس ؟ طب ليه هتزعلى الناس مننا .

الرجاله / أباعمر وعنبو و myusername و msayed و عكاوي .

الحريم /شيكو ولماضه وضحى وأغابي ومغتربه.

ده ميمنعش أن فيه ناس كتير جدا بحبهم وأتمنى أشوفهم على الواقع ويمكن هما ميتمنوش ذلك

الله يسامحك يا رضوى هتزعلى الناس مننا :blush2:

-اكتر حاجة بتضايقك من الدنيا ؟

أنها حبه فوق وحبه تحت لا بتخلي اللي راكب راكب ولا اللي ماشي ماشي

مميزات عاشق الترحال ؟

مفيش مميزات بوتاتا

- عيوبه ؟

كلي عيوب وربنا ستار حليم

- لما بتتخنق اوي ....... بتعمل ايه وبتشكي لمين ؟

ممكن أكسر أي حاجه في إيدي أو أقعد لوحدي لحد ما أعصابي تهدأ و غالباَ مش بشتكي لحد بس أوقات بشتكي لربنا

- أمنية قديمة جداً لسة عايز تحققها؟

بعد السفر لإيطاليا وتحقيق الذات نفسي أتعلم الطيران

- فاكر اول مرة تقبض مرتبك ؟؟ عملت بيه ايه ؟

كان مرتب أونطه بس كنت مبسوط أوي وأفتكر أني إشتريت بجزء منه فاكهه لأبويا وأمي :blush2: وجبت هديه للــ ( جو :wub:) ومتبقاش حاجه بعد كده :lol:

- احلي هدية جاتلك ؟ ايه ؟ ومن مين ؟

( عمر وجومانا ) من رب العالمين

- هل تؤمن بقانون الصدف ؟

ده زي قانون المراغي ولا أيه مش واخد بالي

مفيش حاجه إسمها صدفه

ربنا بيقول ( "إنا كل شيء خلقناه بقدر" )

- لو ادامك اختيارين ........ ومحتار جداً .... لأنهم تقريباً متساويين لدرجة كبيرة اوي ........ بتعمل ايه ؟

برجح اللي قلبي ميال له أو أوقات بصلي إستخاره

- المرأة بالنسبالك ...... من تكون ؟

هي أمي وزوجتي وأختي وبنتي

- هل تؤمن بعمل المرأة ودورها في المجتمع ؟

في العموم لا أوافق على عمل المرأه إلا بالضوابط الشرعيه وفي الظروف الملحه لذلك

دور المرأه في المجتمع لا أحد ينكره وإنما دورها في البيت أهم وأخطر لأنها فعلا مدرسه ولو كل أم تنبهت لدورها في البيت صح مش هنلاقي الأجيال الخربانه دي .

- لو في يوم ابن حضرتك قالك يابابا انا بحب بنت الجيران ...... هتعمل ايه ؟

هاضربه بالقلم وأقوله أنت مش أبويا يووووووه قصدي مش إبني زي عماد حمدي وعبدالحليم في الخطايا :lol:

هاقوله يا بني إدخلوا البيوت من أبوابها

- طب لو بنتك في نفس الموقف ؟

لو فلان متقدم لها وهي عاوزاه وبتحبه وأنا مقتنع بيه بعيد عن الماده وشايفه إنسان كويس فأهلا وسهلا .

- مصر فين بالنسبالك ؟

في القلب والعقل والروح .

- لو كنت ملياردير ........ هتعمل ايه ؟

كتير أوي بس أكتر حاجه نفسي أعملها هي أني أحقق لأبويا وأمي أي شئ وكل شئ يتمنوه ويحلموه بيه

بعد كده أحقق لعيالي ومراتي كل اللي بيحلموا بيه .

بعد كده أتفرغ لأهلي وناسي وأحبابي أظبطهم أوي .

بعد كده أستثمر الفلوس الباقيه في عمل الخير ومساعدة المحتاجين وعمل مشاريع لتشغيل الشباب العاطل وفتح بيوت ناس كتير .

= كفاية بقي واسيبك تريح شوية ....... وبعدين ننزل بالاسئلة الجد وكفاية تسخين لحد هنا

كفايه بقى حرام عليكي إنتي معندكيش إخوات يا رضوى

[fatfouta]

من انت؟؟؟ :blush2:

إسمك؟؟

سنك؟؟

محل إقامتك؟؟

طبيعة عملك؟؟

لماذا تكتب فى المحاورات؟؟

كفاية كده :blush2:

[اغابي]

تصفيــــــــــق حــــــــــــاد للجميــــــــــــع :blush2:

كلـــــــــــى اذان صاغيـــــــــــــــــة

>

>

>

>

>

اكيد عاشق بيدعيلى من قلبه على قعدة كرسي الكهربا داه وعقبالك يا مكاوى انت ورضوى هع هع هع :lol: :lol:

انزلى لعاشق يا رضوى بمشروبك المفضل الموز بالبن وعلى حسابي - اى خدمة :lol:

اغابي

:blush2:

[عاشق الترحال]

انا عندي سؤال بس خايف يكون مكرر و حد سأله قبل كده :blush2:

إسأل يا عم زهير بس خلي بالك ( الضرب في الميت حرام )

[shiko]

بسم الله توكلنا علي الله

- فاكر اول مرة تقبض مرتبك ؟؟ عملت بيه ايه ؟

كان مرتب أونطه بس كنت مبسوط أوي وأفتكر أني إشتريت بجزء منه فاكهه لأبويا وأمي :blush2: وجبت هديه للــ ( جو :lol: ) ومتبقاش حاجه بعد كده :blush2:

لما قريت ردك ...موش عارفة ليه وقفت عند السؤال ده موش عارفة ليه ...؟؟

بجد ....ربنا يبارك فيك ..ويعزك ...

ويجعل ابائنا واماهاتنا ......فى حرز لطفه المصون ...

[عاشق الترحال]

يا نهار ابيض ...

يانهار يا نهار مين شيكو باشا هانم دا إحنا عشره قديمه حبيبي من أيام الجيزه :blush2:

عاشق بيه عندنا ...على الكهربا وانا ماعرفش؟؟

شوفي بقى إزاي بزمتك ده ينفع ولا دي أخلاق ولاد البلد

يانهار يازلاد ...الا مافى حد نادانى من على الامة وقالى ياض يا شيكو تعالى احضر

كهربة اخوك عاشق ...

على العموم مالحوقة ...اهبدلى بقى كام سؤال ...تسخين ..على ماقسم ..لغاية ماشرب مج الجنزبيل ...

يبدو عليك ...حبيب قديم ...سيرة الحب هى اللى جابتك ...ولا الهوا رماك ...؟؟

والله يا بني مانا شايف .

احساس الابوة ....غير فيك كتير؟؟

أكيد .

الأب بيخاف على عياله زي الأسد بالضبط وفي حنانه عليهم ( فإذا رحمت فأنت أم أو أب هاذان في الدنيا هما الرحماء )

على يد مين تتلمذت فى مدرسة الحياة ....؟؟؟الدنيا والحياه هي أكبر معلم ممكن الإنسان يتعلم منه وأمي كانت تقولي هاتفضل طول ما أنت في الدنيا تتعلم وتموت وأنت لسه متعلمتش

عمر ابنك ...شايفه يشبهك فى ايه.....؟؟

في كل شئ إلا أنه طيب أكتر مني

يوم الوداع ؟؟؟ اليوم اللى ودعت فيه مصر ...؟ فارقت فيه اهم خمس حاجات ...ايه هما...؟؟

يوم الوداع (جورج وسوف ) فارقت فيه كل عمري اللي فات وذكرياتي الجميله وكل حاجه حلوه كبرت معاها وإتربيت عليها في مصر مش خمس حاجات بس

وطنى حبيبى الوطن الاكبر....مصر بالنسبة لك ايه ....؟الدنيا وما فيها أمي بجد بحس بحنين غريب جوايا وفي دمي ليها

غلطة وندمان عليها ...كلنا بنندم ..وبنغلط ...ايه هى الغلطة اللى موش ندمان عليها...؟؟الزواج

......ليه سميت بنتك ...جومانة موش جنى ...؟؟ :lol:

والله جد مش عارف يمكن علشان الأطفال زي مبيجوا ورزقهم معاهم كمان بيجوا وإسمهم معاهم .

وبعدين تعالي هنا مين قالك أن بنتي إسمها جومانه أنا غيرته مخصوص علشان خاطرك :lol:

عزومة وسفرة ...كبيرة ..طويلة ممكن تعزم فيها مين ....؟ وياترى هاتختار اكلات ايه ...؟؟

كل المحاوراتيه بلا إستثناء وطبعا الأهل والأحباب واجيران والأقارب وأنا وأنت ورقصني يا جدع :lol:

الأكلات كلها اللي هما نفسهم فيها بس عاوزك تكتري لي المحاشي علشان خاطر مكاوي وطبعا المكرونه بالجمبري ونجيبها مخصوص من شرم الشيخ هيا وشوية الأكلات اللي نطقها صعب دي مخصوص علشان واحد صاحبي بيحبها أوي :blush2:

محطة انتظار....ترانزيت من فين ...ولفين .؟؟؟

إن شاء الله السعوديه لحد ما أظبط حالي فيها وأطلع منها على اللي بالي بالك

صايع بحر....الفيلم ده بطولة مين من اعضاء المنتدى..؟؟ واخراج مين ..؟؟وتحب مين المنتج..؟؟هاأقولك بس بيني وبينك عالخاص

دى تصبيرة لاية مارجعلوكم تانى ...والله مانتم قايمين استنونى ...

كان معكم مراسلكم من صبورتو ايجيبت شيكوزز كافيه

ماشي يا بني آدمين

[عاشق الترحال]

من انت؟؟؟ :blush2:

شوف يا عمنا أنا شاب عادي جداَ وبسيط أوي وبحب أعيش الدنيا ببساطه ومن غير تعقيد من أسره متوسطة الحال بس عندي أحلام كبيره بحاول أحقق منها اللي ربنا يقدرني عليه .

بحب الحياه والدنيا لكن مزروع جوايا من صغري حاجه إسمها الدين يمكن مش ملتزم زي كتير من حضراتكم واقل منكم في الشأن عند الله ويمكن باعمل ذنوب أكتر من أي حد فيكم لكن محبش حد يلخبط في الدين أو يتكلم فيه بضلال .

نفسي أحقق المعادله الصعبه ( إعمل لدنياك كأنك تعيش أبدا وإعمل لآخرتك كأنك تموت غداَ )

عنيد جداَ وفي نفس الوقت قلبي قلب خسايه :lol: ممكن تضحك عليا بكلمه طيبه .

وحيد معنديش أخوه صبيان وعندي أخت واحده أصغر مني كان نفسي يبقى عندي أخوه صبيان ظهرنا في ظهر بعض ونبقى عزوه ويمكن ده السبب اللي مخليني أحب أن يبقى عندي أولاد كتير .

بعشق بلد إسمها ( إيطاليا ) من صغري ونفسي أسافر وأشتغل هناك وإن شاء الله سيكون.

مش عارف أقول أيه تاني wst::

:blush2:

هازود لك عليها حاجه أني بحب الضحك والهزار والتهريج ومحبش النكد نهائي

إسمك؟؟

تقدري تقوليلي ( أبو عمر ) بحب الإسم ده أوي

سنك؟؟

(30سنه و 4شهور و 2 يوم )

محل إقامتك؟؟

(حاليا في السعوديه في جده ) وفي مصر ( محافظة المنصــــــــــــــــوره :lol: )

طبيعة عملك؟؟

( حرامي بعد الظهر ) :wub: قصدي أعمال إداريه

لماذا تكتب فى المحاورات؟؟

لعدة أسباب منها على سبيل المثال لا الحصر يمكن إدمان وتقدري تقولي عليه حب للناس المحاوراتيه وكمان تعبير عن الرأي وعرض وجهة النظر

كفاية كده wst::

ربنا يخليكي يا فتفوته :lol:

تم تعديل 3 مايو 2010 بواسطة عاشق الترحال

[fatfouta]

من انت؟؟؟ :blush2:

إسمك؟؟

تقدري تقوليلي ( أبو عمر ) بحب الإسم ده أوي

سنك؟؟

(30سنه و 4شهور و 2 يوم )

محل إقامتك؟؟

(حاليا في السعوديه في جده ) وفي مصر ( محافظة المنصــــــــــــــــوره :lol: )

طبيعة عملك؟؟

( حرامي بعد الظهر ) :lol: قصدي أعمال إداريه

لماذا تكتب فى المحاورات؟؟

لعدة أسباب منها على سبيل المثال لا الحصر يمكن إدمان وتقدري تقولي عليه حب للناس المحاوراتيه وكمان تعبير عن الرأي وعرض وجهة النظر

كفاية كده :wub:

ربنا يخليكي يا فتفوته :blush2:

شوفت انا احن واحدة فيهم اذاى؟؟

اى خدمة :lol:

تم تعديل 3 مايو 2010 بواسطة fatfouta

[عنبو]

من وجهة نظرك ما هو معنى

الانوثه ؟

الذكوره ؟

الطفوله ؟

الشباب ؟

ما هو الفرق بين الغيره والشك ؟

انت كنت مدخن قبل كده وربنا اكرمك وبطلت التدخين لو اكتشتف فى يوم من الايام ان عمر بيدخن هتتصرف معاه ازاى ؟

تعمل ايه لو

لو بتشتغل مع ناس كلهم اكبر منك ومن جيل تانى خالص وكل كلامهم على انهم جيل العظماء والكلام الكبير ده ؟

لما لم تمتهن مهنة المحاماه ؟

مراتك هى حبك الاول ولا الحب اللى قبل الزواج ؟

هل مراتك على علم بوجودك هنا ام !!!!!!!؟

لو حصل خلاف بين الحاجه ربنا يديها طول العمر والمدام ايهم سوف تكون فى صفه ؟

هل تؤمن بالمقوله اللى بتقول الزواج هم لابد منه ؟

لو قولتلك اوصف عاشف الترحال فى جمله تقول ايه ؟

لو قاعد فى مكان قهوه كوفى شوب اى مكان ولقيت واحد بيقول عاشق الترحال بتاع المحاورات ده فظيع انا مش بحبه ومش طايقه هتتصرف ازاى ؟؟

يتبع عنبو

[لماضة مصرية جدا]

السلام عليكم و رحمة الله و بركاته

استاذي عاشق الترحال

مستمتعة جدا بإجابات حضرتك اللي طالعة من قلب نضيف....و طايرة واصلالنا

عجبتني اوي اجابة حضرتك بتاعت سؤالي الرذل

"المودام بتحب فيك ايه...اذكر 3 حاجات"

روحت حدفتني ب اتنين بس.....

و ع فكرة انا مصدقاااااااااااهم جدا و مش هتصل بالكنترول.... :blush2:

و خود دول

1- اوصف كل اللي عدوا عليك و انت قاعد ع الكورسي...و رشوا عليك مية... :blush2:

اوصفهم بكلمتين...واحدة حاجة حلوة فيه......وواحدة من وجهة نظرك نفسك تتغير....

(عااااااادي ايون اتبحبح...هو يعني لما هتقول احنا هنتغير.... :lol: )

2- بتحب مديرك و لا بتكرهه؟؟؟....و ليه

3- اول مرة كنت قاعد في الصالون....و بتبص للمودام بطرف عينك (ايون شوفناك يا لئيم... :lol: )...عرفت إزاي ان هي دي....احكي بقي...

4- انا كمان عشت فترة في جدة.....ايه اكتر حاجة بتحبها فيها (غير سلطة التومية بتاعت البيك و العيش التميس... :lol: )....و ايه اكتر حاجة خنقااااااااااااك منها....؟؟؟

5- امتي تقول....خلااااااااااص مش هكتب تاني في المحاورات.؟؟؟

6- سؤال غلس رخم.....مش ممكن تجاوب عليه ابتا ابتا ابتا؟؟؟

================================

ع جنب بقي

الرفيق عنبوووووووف...بركة يا خويا انك صحيت م النوم.....بس ع فكرة انت متغير جدا

ليه بقي...

عشان حرمتنا من السؤال التاريخي بتاع

انت شايل عيل و بتطوحه في الهوا...

قووووووووم ايه رجع عليك...هتعمل ايه؟؟؟

يالا بقي يا عنبوووووووف ارجع لقواعدك...و رجع علي عاشق...قصدي.....اساله في الصميم...مترحموش

الرفيق قسط مي......مخطوف يا جماعة و بنلمله فدية.....

حد يخطف رجله لجبال تورا بورا و يطمنا عليه...

لو هو بخير خلوه بس قولوله يبعتلنا ملف الاسئلة اللي ع سطح المكتب

فوتكم بعافية

حد ياكل فتووووووووووش

[اغابي]

:lol:تصــفيق حــاد للجمـــــــيع - اهوووو

يالــــــــــــلا . . . يا شبــاب .. .. بشجــــع وبسخنكــــــــم علــــيه علشان ما تقولوش ما عملتش حاجة :wub: -

عاوزة هجـوم شرس -

والله عملــوها الرجالة -

فين الهمـــة -

وخلونا نسمع سـلام - خلى السلاح صاحي :blush2:

- فينك يا مكاااوى - انجز بقي

- لو عطلان جهازك روح استلف كمبيوتر من عند البقال :lol: او مطعم الفراااخ اللى بتتريش منه كل يوم على الغدا :lol:

اغــابي

:blush2:

[عاشق الترحال]

إه أنت جيت يا رمضااااااان

يا قهلاَ يا قهلاَ !!!!!!

من وجهة نظرك ما هو معنى

الانوثه ؟ أدب ودين وأخلاق ورقه وذوق وجمال

الذكوره ؟ رجوله من المهد إلى اللحد

الطفوله ؟ بذره تحتاج الكثير من العنايه حتى تنمو في بيئه صالحه

الشباب ؟ مفترق الطرق

ما هو الفرق بين الغيره والشك ؟ الثقه

انت كنت مدخن قبل كده وربنا اكرمك وبطلت التدخين لو اكتشتف فى يوم من الايام ان عمر بيدخن هتتصرف معاه ازاى ؟

إنت بتقول فيها أكيد هيحصل بس صدقني هاحاول معاه بكل ود أني أقنعه يبعد عنها ومن البدايه عاوز أمشيه في سكة الرياضه

تعمل ايه لو

لو بتشتغل مع ناس كلهم اكبر منك ومن جيل تانى خالص وكل كلامهم على انهم جيل العظماء والكلام الكبير ده ؟

يختلف رد فعلى إذا كان فيه عشم معاهم أم لا

لو كان فيه عشم تبقى وقعتهم سوده هاكرهم في نفسهم وعيشتهم ومش هأبطل إشتغاله فيهم.

لو كان مفيش عشم يبقى هأصبر نفسي وأخدهم على أد عقلهم مراعاة لسنهم

لما لم تمتهن مهنة المحاماه ؟

علشان متمناش أظلم حد ويدعي عليا

مراتك هى حبك الاول ولا الحب اللى قبل الزواج ؟

والله يا عنبو أنت جيت عالجرح أصل أخوك حبيب قديم وقلبه كبير :blush2: أفتكر أني أول مره حبيت كنت في حضانه وحبيت أكتر من مره في إبتدائي وحبيت مرتين تلاته في إعدادي وحبيت مره في ثانوي وبعد كده جت مراتي بقى اللي باعتبره بجد الحب الحقيقي .

معلش أصلي كنت بحب على نفسي :lol:

هل مراتك على علم بوجودك هنا ام !!!!!!!؟

أم!!!!!!! هيا أم دي شكلك عاوز تحبسنا يا عنبو

لو حصل خلاف بين الحاجه ربنا يديها طول العمر والمدام ايهم سوف تكون فى صفه ؟

في صف الحق لكن بكل أمانه مش هازعل أمي برضه ومراتي عارفه ده كويس

هل تؤمن بالمقوله اللى بتقول الزواج هم لابد منه ؟

أيون وخصوصا لما يكون تلاته أربعه يا سلاااااااااااام يبقى لابد منه ومنه ومنه :lol:

لو قولتلك اوصف عاشف الترحال فى جمله تقول ايه ؟

أنت مش عارف أنت بتكلم مين ولا أيه ياعنبو دا أنا ليا في الجبال علامات يا بني عاشق مين اللي يتوصف في جمله ده

دا أنا لسه لي كام يوم وصورتي تنزل عالريال ياعنبو عيب عليك .

عاشق الترحال ( واحد من الناس )

لو قاعد فى مكان قهوه كوفى شوب اى مكان ولقيت واحد بيقول عاشق الترحال بتاع المحاورات ده فظيع انا مش بحبه ومش طايقه هتتصرف ازاى ؟؟

هاضحك في نفسي ومش هاعرفه أنا مين وإن قدرت هاحاول أشوف ليه مش طايقني .

يتبع عنبو

انت لسه فيه يتبع يا عم عنبو !!ماشي :blush2:

تم تعديل 3 مايو 2010 بواسطة عاشق الترحال

[عاشق الترحال]

السلام عليكم و رحمة الله و بركاته

استاذي عاشق الترحال

متثبتنيش يا لمضمض

مستمتعة جدا بإجابات حضرتك اللي طالعة من قلب نضيف....و طايرة واصلالنا

عجبتني اوي اجابة حضرتك بتاعت سؤالي الرذل

"المودام بتحب فيك ايه...اذكر 3 حاجات"

روحت حدفتني ب اتنين بس.....

و ع فكرة انا مصدقاااااااااااهم جدا و مش هتصل بالكنترول.... :blush2:

و خود دول

1- اوصف كل اللي عدوا عليك و انت قاعد ع الكورسي...و رشوا عليك مية... :lol:

اوصفهم بكلمتين...واحدة حاجة حلوة فيه......وواحدة من وجهة نظرك نفسك تتغير....

(عااااااادي ايون اتبحبح...هو يعني لما هتقول احنا هنتغير.... :wub: )

اللي رشوا عليا ميه مش هاوصفهم ولا حاجه الله يسامحهم بس هاقولهم ( مسير الحي يتلاقي واللي هيقع مش هارحمه wst:: )

2- بتحب مديرك و لا بتكرهه؟؟؟....و ليه

مديري المصري بحبه علشان بيفهم في الشغل وفي نفس الوقت جدع معايا ومع ناس كتير

3- اول مرة كنت قاعد في الصالون....و بتبص للمودام بطرف عينك (ايون شوفناك يا لئيم... :lol: )...عرفت إزاي ان هي دي....احكي بقي...

هاجاوبك على أد ما فهمت السؤال أنا كنت رخم يومها أوي وأفتكر أني كنت باتصرف عندهم كأني واحد من أهل البيت ومتربي معاهم مثلا وطبعا حماتي كانت على آخرها مني بس عملت عبيط وتفاعلت مع الموقف بمزيد من الرخامه .

4- انا كمان عشت فترة في جدة.....ايه اكتر حاجة بتحبها فيها (غير سلطة التومية بتاعت البيك و العيش التميس... :lol: )....و ايه اكتر حاجة خنقااااااااااااك منها....؟؟؟

تصدقي بقى أني مبحبش التوميه دي نهائي آكل كاتشب ماشي أنما توميه ( نوووووووو )

بحب فيها البحر وخصوصا ( أبحر ) والكورنيش وقربها لمكه .

اللي خانقني منها أن معظم المحلات بتقفل الساعه 12 بالتمام والكمال وكمان أوقات الزحمه فيها بتبقى حاجه آخر طفش

5- امتي تقول....خلااااااااااص مش هكتب تاني في المحاورات.؟؟؟

مش عارف بجد ومسألتش نفسي قبل كده .

6- سؤال غلس رخم.....مش ممكن تجاوب عليه ابتا ابتا ابتا؟؟؟

بعينك يا لماضه هو أنا أهبل أقولك أني مش ممكن أجاوبك لو سألتيني وقلتيلي ........... علشان تزقي عليا أحد أفراد العصابه المحاوراتيه ويقوم يثبتني لمس أكتاف بالسؤال ده wst::

================================

ع جنب بقي

هيـــــــــس وقف هنا وجرباج ورا يا أسطي علشان الزبون نازل

الرفيق عنبوووووووف...بركة يا خويا انك صحيت م النوم.....بس ع فكرة انت متغير جدا

ليه بقي...

عشان حرمتنا من السؤال التاريخي بتاع

انت شايل عيل و بتطوحه في الهوا...

قووووووووم ايه رجع عليك...هتعمل ايه؟؟؟

دا على أساس أنك بتفكريه بالسؤال يا لماضه مش بتسأليني يعني ماشي

بصراااااااحه مش عارف بس أكيد هانزله عالأرض بالراحه وأروح الحمام أعيش هناك بقى ومقولكيش بقى أد أيه أنا موسوس وممكن أتنقع في ديتول ومنظفات علشان حاجه زي دي

يالا بقي يا عنبوووووووف ارجع لقواعدك...و رجع علي عاشق...قصدي.....اساله في الصميم...مترحموش

إوعى تسمع كلامها يا عنبو هيبقى ترجيع وكهربا حراااااااااام

الرفيق قسط مي......مخطوف يا جماعة و بنلمله فدية.....

حد يخطف رجله لجبال تورا بورا و يطمنا عليه...

لو هو بخير خلوه بس قولوله يبعتلنا ملف الاسئلة اللي ع سطح المكتب

فوتكم بعافية

حد ياكل فتووووووووووش

ألا مين فتوووووووووش ده :P

:blush2:

تم تعديل 3 مايو 2010 بواسطة عاشق الترحال

[عاشق الترحال]

:lol:تصــفيق حــاد للجمـــــــيع - اهوووو

يالــــــــــــلا . . . يا شبــاب .. .. بشجــــع وبسخنكــــــــم علــــيه علشان ما تقولوش ما عملتش حاجة :lol: -

عاوزة هجـوم شرس -

والله عملــوها الرجالة -

فين الهمـــة -

وخلونا نسمع سـلام - خلى السلاح صاحي :blush2:

اغــابي

:blush2:

صحيح زغرطي يااللي منتيش غرمانه

ماااااااااااااااااااااشي يا أغابي

:lol:

[عاشق الترحال]

يلا يلا يلا يا جدعااااااااان قبل ما يعقل يا جدعااااااااااااااااان

.

هنقفل المزاد حد قال هيزود .. :blush2:

يلا يا جدعان أنا مستني أهوه :blush2:

[doha]

متابعه من بعيد .. مش عارفه ليه بستمتع عاده بقراءة الردود باكثر من طرح الاسئلة..

بس ده ميمنعش اني ادحرج لك سؤالين تلاته على الماشي .. استنى اولع فتيل السؤال الاول واشد صمام امان التاني .. ونبدا باسم الله

لحظة حسيت فيها انك لاول مرة تفهم الدنيا ماشية ازاي .. احكي لنا عن اللحظه دي وعرفت ايه ..

قرار مصيري اخذته ( غير الزواج ) وتعتقد انه شكل علامه فارقة في حياتك وكانت هتبقى سيناريو مختلف تماما لو انك لم تتخذ هذا القرار .. ايه هو وشعورك كان ايه لحظة اتخاذه ..

ايه الي بتحس وانت بتعمله انك ممكن تكمل حياتك بس تعمله . . من الآخر بتلاقي نفسك في ايه اكتر حاجه ؟

واخيرا .. لو سالت اي واحد فينا انت في الدنيا ليه هيقولك عشان اعبد ربنا .. ده بشكل عام .. ولكن وبشكل خاص جدا فكل واحد فينا بكل مميزاته وعيوبه وبكل ماصادفه في حياته وجد في الدنيا لسبب .. كل واحد فينا مخلوق عشان حاجه محدده سواء ادرك ده او لم يدرك ..حاجه هي دي افضل مايمكن له اداؤه وهي دي الي ربنا خلقه عشان يعملها سواء عرف انه مهيء لها من البدايه او معرفش .. ياترى انت ـ ابو عمر ـ عرفت انت موجود في الدنيا ليه ؟ ياترى انكشفت لك الحقيقة ولا لسه ؟

تم تعديل 3 مايو 2010 بواسطة doha

[shiko]

...الحلقة التانية ..

اسرعت شيكو بدس السيخ المحمى فى صرصوراذن عاشق ...وبسرعة فتحت مفتاح الكهرباء على مصرعيه

ليتأفف عاشق عند الصحيان ...بهذه الطريقة اللازعة .....

ايه انت نمت ....

انا جييييييييييييييييييييييييييييت ....

اتصدقوا انا موش عاجبنى خالص الرحمة التى اخذتكم باخونا ابو جنى ...قصدى ابو عمر...

طب ...نسخن شوية تانى فى وسط النهار ...

1- تحب تسافر بالعربية ولا المركب ولا الطيارة ...وليه؟؟

2- بتحب البحر...موش شايفه كبير وغدار...؟؟ طب لو هاترمى رسالة فى البحر تفتكر هاتوصل لمين وامتى ...؟؟

3- بتعرف تلعب ايه مع عمر...؟؟يعنى ايه اللى اللعبة المفضلة مابينكم كونكم اصحاب...؟؟؟

4- جووووووووون ....ايه الحاجة اللى عملتها وجت فى الجون؟؟؟

5- فكرت مرة تخلى زوجتك ..تقرا كتاباتك على المحاورات...؟؟

6- طب بتحب تكون مع مين وفين وانت متضايق...؟؟؟

7- شوفت كتير ...فتح عنيك ...طب امتى بتغمضها ..وعن ايه تعمل كطنش؟؟

8-سلم المجد كسرت رقبتك ...ولا انت اللى هاتكسره...؟؟

9- ايه اكتر حاجة بتوجعك فى الدنيا؟؟

10- طب ايه اكتر حاجة ممكن تفرحك ..؟؟؟

تم تعديل 3 مايو 2010 بواسطة shiko

[رضوي]

بسم الله تولكلنا علي الله

ياقوي

بصراحة يا جماعة اخونا عاشق من الناس المحترمة جدا جدا جدا

ودي مش مجاملة والله يا أبو عمر

في المنتدي هنا عرفنا ناس فعلاً يستحقوا التقدير ......... وحضرتك طبعاً منهم

لكن

وعلي الرغم ان الواحد خلاص بقي محرج يسألك

الا انه

مافيش فايدة هتتسأل يعني هتتسأل

معلش برده ما عندناش واسطة

- بقي حضرتك من الدقهلية ........ منصورة يعني ........ احسن ناس ياعم وجيرانا علي الحدود الشرقاوية ........ قولي بقي ..... اكتر مكان في المنصورة بتحب تخرج فيه ( أكيد علي النيل ....... النيل في المنصورة بجد مختلف جداً يا جماعة .... غير القاهرة خالص ..)

-نفسك في ايه لعمر ابنك ؟

- جومانة الامورة كبرت ماشاء الله ........ وقالتلك يابابا انا ناوية اهاجر .... جالي فرصة عمل كويسة اوي في أوروبا ؟؟؟ هتتصرف ازاي ؟

-ايهما تفضل ......... الاقامة في المنصورة ....... أم في القاهرة ؟

-الحياه ....... مدرسة كبيرة اوي ....... لكنك تلميذ نجيب ..... خرجت منها بدرس غالي اوي ...... وعايز تعلمه لأولادك .... ايه هو ؟

-أحلي لحظة في حياه أبو عمر ...... ياتري كانت ...... ولا لسة مستنيها ؟

- ايه احساسك أول لما ربنا رزقك بعمر ؟

- ياتري اختلف الاحساس دة لما شوفت جومانة ؟؟ ولا حسيت نفس الاحساس ؟

- عمر وجومانة بيتخانقوا علي لعبة ؟؟؟ اه هي عايزة تلعب بالمسدس بتاعه ( هي البنات كدة ) هتشتريلها مسدس ؟ ولا تقول لعمر معلش اختك الصغيرة ؟

- حضرتك شايف ان المحامي ممكن يظلم حد في يوم من الأيام ؟

-فرصة للسفر للسياحة أسبوع كامل ....... عفواً الفرصة لفردين فقط ؟؟؟ تاخد مين ؟؟ ولو المدام هتسيب الاولاد ؟؟( ايه دة ماكنتش ناوي تاخد المدام ؟؟؟) ;)

- المدام عارفة المحاورات ولا ؟؟....... طيب عندك مانع تعرفها ؟؟ ولا بتعتبرها متنفسك الخاص ؟؟

- ايه رأيك في مساحة الخصوصية ........ لو حد تعدي المساحة دي عندك ....... بتعمل معاه ايه ؟؟

- صديق حياتك ....... هو صديق واحد طلعت بيه من الدنيا دي ؟؟ مين هو ؟

- ياتري شوفت حد من المحاورات فعلاً ؟

- لديك امكانية وقف عضوية بعض الأعضاء ....... فمن من اعضاء المحاورات تقوم بوقف عضويته ( ايوة عارفة انك بتشاور عقلك دلوقتي وتقول اكيد هوقف عضوية رضوي ..... عارفة عارفة )

- اخر مرة ضحكت من قلبك ....... كانت امتي ؟؟

- خاتم سليمان ....... لك ثلاث امنيات ستحقق ...... ما هي ( أوعي تقول اول امنية انه يحققلي كل امنياتي ..... عارفة انا المصريين بيفكروا ازاي )

- صف الأعضاء الآتي أسمائهم ( اجباري )

* مكاوي

*عنبو

* م زهيري

* ضحي

* أغابي

* جو

* شيكو

* رضوي

* فتفوتة

* لماضة

*سي السيد

خمسة كدة وارجع اكمل أسئلتي