كرسي الأعتراف 2 ( حاليآ الفاضلة Dreamwithme )

[mekkawy]

يا خبر أبيض

ده كل واحدة يا عم عمالة تسأل زي ميكون بتسأل في آخر زادها .. ايه انتوا ما شفتوش مسجون قبل كدة ولا ايه ... ربنا ميحكمكوا على ولايا أبداً

لا و ايه ... هههههههههههه ... بيقولك مكاوى عليه الدور ... عند .... يا أدهم wst::

ندااااااااء إلى السادة المشرفين .. أنا بأطالب بوقف عضويتي في المنتدى إلى أجل غير مسمى ... لأني ... لساني طويل .. و متطرف .. و ارهابي ... و تييييييييت ... و مجادل ... و خنيق و هتجاوز قوانين المنتدى في يوم من الأيام ... و هخربها مداين ... بس بالله يا شيخ ... بالله يا شيخ اوقفوا عضويتي ..... أو بصوا أحسن ... :lol: ... اوقفوا عضوية كل من (رضوى - شيكو - لماضة - اغابي (عشان بتسخن الناس) ) و انذار لكل من (ضحى - عنبو - حوس عشان شكله هيرزع جامد دلوقتي - و زهيري حبيبي ) و أي واحد تسول له نفسه يسألني.

و بلاش توقفوا عضويتي أنا ... انا بحب أقعد لوحدي عادي

مكاوى ... يا قلب والدتك يا عاشق يا أخويا

تم تعديل 3 مايو 2010 بواسطة mekkawy

[رضوي]

يا خبر أبيض

ده كل واحدة يا عم عمالة تسأل زي ميكون بتسأل في آخر زادها .. ايه انتوا ما شفتوش مسجون قبل كدة ولا ايه ... ربنا ميحكمكوا على ولايا أبداً

لا و ايه ... هههههههههههه ... بيقولك مكاوى عليه الدور ... عند .... يا أدهم wst::

ندااااااااء إلى السادة المشرفين .. أنا بأطالب بوقف عضويتي في المنتدى إلى أجل غير مسمى ... لأني ... لساني طويل .. و متطرف .. و ارهابي ... و تييييييييت ... و مجادل ... و خنيق و هتجاوز قوانين المنتدى في يوم من الأيام ... و هخربها مداين ... بس بالله يا شيخ ... بالله يا شيخ اوقفوا عضويتي ..... أو بصوا أحسن ... :lol: ... اوقفوا عضوية كل من (رضوى - شيكو - لماضة - اغابي (عشان بتسخن الناس) ) و انذار لكل من (ضحى - عنبو - حوس عشان شكله هيرزع جامد دلوقتي - و زهيري حبيبي ) و أي واحد تسول له نفسه يسألني.

و بلاش توقفوا عضويتي أنا ... انا بحب أقعد لوحدي عادي

مكاوى ... يا قلب والدتك يا عاشق يا أخويا

ولو

برده هتتكهرب ........ مافيييييييييييييييييييش فايدة

اقولك

شوف منظمة حقوق الانسان واشتكيلها

ومن موقعي هذا يا أخواني

برشح الأخ مكاوي

من دلوقتي

سيبني بقي أركز مع أسئلة عاشق دلوقتي

واستني بس

[hOuSsAm]

عاشق يا هلا بالحبايب............ بلدياتى وهتوصى بيك متخفش

لو رجع بيك الزمان خمس سنين ورا كنت هتعمل ايه معملتوش ؟

لو عرفت انك بقيت رئيس الجمهورية اول 3 قرارات هتاخدهم ايه؟

ايه اكتر مطعم بتحب تاكل فيه فى المنصورة وايه اكتر مطعم بتحبه فى جدة؟

ايه الوقت اللى انت حسيت فيه انك لازم تكون موجود فى مصر ؟

ايه الدعوة اللى لما بتكلم والدتك بتطلب انها تدعيهالك؟

ايه اصعب لحظة عشتها فى الغربة؟

ايه السلوك اللى مش بيعجبك من المغتربين سواء مصريين او اجانب؟

كفاية عليك كدة

نكمل بكره

[رضوي]

يامسهل يارب

ربنا يقدرنا علي فعل الخير

معلش ....... إعتذار للأخ عاشق .... أنا بحاول أقوم بدوري الشرير في الكرسي لاني الفترة الجاية ان شاءالله هنشغل شويتين .... ومش هعرف أقوم معاك بالواجب يعني

لكن وعد بإذن الله الواحد الأحد ......... هكون موجودة ان شاءالله علشان أرشح مكاوي ........ ونقوم معاه بأحلي وااااااااااااجب

عيييييييييييييييب .......... دة شرقاوي .......... وعامل فيها زعيم المعارضة .....

وأنا العمدة يابلد .......... لازم نكرموه اخر كرم

ماعلينا

اخويا عاشق

- شربت المشروب القومي لجمهورية رضوي المستقلة ( الموز باللبن ؟؟) ولا انت اخرك حشيش ( قصدي كابوتشينو ) :lol:

- حلم حلمته من زماااااان ..... وحمدت ربنا انه ما اتحققتش ؟؟

- قرار ........... لازم تاخده؟؟

- امتي بتحب تكون لوحدك ؟؟

- ممكن تكتب مذكراتك ؟؟

- كلية الحقوق جامعة المنصورة ..........( دة لو حضرتك خريج المنصورة ) فيها مجموعة خطيرة من الأساتذة ( بجد مجموعة رائعة بدون ذكر أسماء ) ....... ماذا تعلمت منهم ؟؟

-افضل ما قرأت ؟

- رسالة اعتذار ....... لمن ....... وما فحواها ؟؟

-رحلة استكشافية لجزيرة نائية ...... لوحدك ....... اذكر خمس اشياء تاخدهم معاك ؟؟

- صف أبو عمر في كلمتين ؟؟

- سأظل احملك في قلبي ......... لمن ؟؟

- عاشق بيخاف من ايه ؟؟

- ياتري ممكن في يوم تعمل حاجة مجنونة ......... ؟؟؟

-هواياتك ؟؟

- ايه رأيك في تعدد الزوجات ؟؟

-امتي تقول تعبت ....... مش قادر اكمل ؟؟

-اكتر الصفات اللي ممكن تكرهها في بني آدم ؟؟

- بتتصرف ازاي مع الناس الحشرية ؟

- عقاب الزوجة ............ اشرح الجملة دي ؟؟

-الدنيا......... أكبر طموحاتك فيها ايه ؟؟

- زمان كنت بتعيش حياتك ببساطة ...... ولنفسك اولا .........النهاردة ....... ياتري انت فين من مخططاتك اليومية ؟؟

- أول حب في حياتك ....... بتعتبرها زوجتك ( الحب الحقيقي يعني ) ........ طيب اول حب غير حقيقي ..... فاكرة .... طيب ماتقول ؟؟

-آسف ...... كفاية لحد هنا .......... تقولها امتي ؟؟

- عاشق ممكن يخسر شخص علشان ...................؟

-عمر بسم الله ما شاء الله ...... كبر وبقي شاب وسيم ........ وله مغامرات عاطفية جامدة ...... والجيران بيشتكو ........( استاذ عاشق من فضلك ابن حضرتك مش سايب البنات في حالها ) تتصرف ازاي ؟؟

- قدمت لأولادك في مدرسة في ايطاليا ........ وشافوا نماذج حياه مختلفة تماماً ........ وعايزين يقلدوا تعمل ايه ؟؟

- صف عاشق الترحال ك :-

* اب

* أخ

* زوج

* صديق

* جار

* ابن

* زميل

* عضو في المحاورات

كفاية لحد هنا دلوقتي

ووعد علي أول فرصة بإذن الله هكمل أسئلة

ماتقلقش يامكاوي ........ ممكن آخد أجازة مخصوص علشان أجهز أسئلتك wst::

أغااااااااااااااااابي

معلش ياجميل ...... ضاعت الفرصة

رضوي قعدت واتكهربت علي الكرسي قبل كدة ....... ماينفعش تقعد تاني

الا فين جست مي ؟؟؟ والفولدر اللي علي سطح المكتب ؟؟

يااااااااااااااه كانت أيام

اتهريت أسئلة من شلة الاشرار ....... اللي انا عضوة فيها دلوقتي wst::

[عاشق الترحال]

متابعه من بعيد .. مش عارفه ليه بستمتع عاده بقراءة الردود باكثر من طرح الاسئلة..

بس ده ميمنعش اني ادحرج لك سؤالين تلاته على الماشي .. استنى اولع فتيل السؤال الاول واشد صمام امان التاني .. ونبدا باسم الله

لحظة حسيت فيها انك لاول مرة تفهم الدنيا ماشية ازاي .. احكي لنا عن اللحظه دي وعرفت ايه ..

أكتر من لحظه حسيت فيها كده لأن الدنيا كبيره ومش كلها ماشيه على وتيره واحده بمعنى مره كنت رايح أقدم في النيابه ولقيت احد زملائي عمه كان عضو مجلس شعب لقيته جايبه معاه يحضر الإختبارات وقتها حسيت بجد وتيقنت أننا رجعنا زمن الباشوات والبهوات وكله بالكوسه أو الرشوه .

ومره أول ما خطبت وبدأت أتحمل مسؤليه بجد حسيت أن أهالينا إتمرمطوا بجد علشان خاطرنا وللأسف إحنا مبنقدرش ده وديما بنهضم حقهم .

ومره وأنا مع خالي في المستشفيات في المنصوره كنت مرافق معاه وببات معاه في العنابر وشفت بعيني أد أيه المرضى الغلابه ملهمش قيمه وأد أيه الأرواح بتاعتنا رخيصه وبيتهاون معدومي الضمير في تقديم يد العون لهم .

مرات كتيره بتعلم الإنسان حاجات جديده وهاقول لحضرتك زي أمي مابتقولي ( هاتعيش في الدنيا تتعلم وهاتموت وأنت لسه ماتعلمتش )

قرار مصيري اخذته ( غير الزواج ) وتعتقد انه شكل علامه فارقة في حياتك وكانت هتبقى سيناريو مختلف تماما لو انك لم تتخذ هذا القرار .. ايه هو وشعورك كان ايه لحظة اتخاذه ..

سفري للسعوديه رغم أنه كان غصب عني إلا أنه فعلا فرق معايا وفعلا كان هيبقى سيناريو مختلف تماما لو أني لم أتخذ هذا القرار أما في لحظه إتخاذي قرارا الموافقه فكنت عامل زي العروسه اللي بيجوزوها غصب عنها :lol:

ايه الي بتحس وانت بتعمله انك ممكن تكمل حياتك بس تعمله . . من الآخر بتلاقي نفسك في ايه اكتر حاجه ؟

ممكن أكمل حياتي علشان أكرم أبويا وأمي وأنول رضاهم وأربي عيالي وأسعد زوجتي وأعمل لهم شئ يسندهم في الدنيا من بعدي

واخيرا .. لو سالت اي واحد فينا انت في الدنيا ليه هيقولك عشان اعبد ربنا .. ده بشكل عام .. ولكن وبشكل خاص جدا فكل واحد فينا بكل مميزاته وعيوبه وبكل ماصادفه في حياته وجد في الدنيا لسبب .. كل واحد فينا مخلوق عشان حاجه محدده سواء ادرك ده او لم يدرك ..حاجه هي دي افضل مايمكن له اداؤه وهي دي الي ربنا خلقه عشان يعملها سواء عرف انه مهيء لها من البدايه او معرفش .. ياترى انت ـ ابو عمر ـ عرفت انت موجود في الدنيا ليه ؟ ياترى انكشفت لك الحقيقة ولا لسه ؟

للأسف لم تنكشف لي الحقيقه بعد أو أني مغمض عيني عنها

:blink:

[عاشق الترحال]

...الحلقة التانية ..

اسرعت شيكو بدس السيخ المحمى فى صرصوراذن عاشق ...وبسرعة فتحت مفتاح الكهرباء على مصرعيه

ليتأفف عاشق عند الصحيان ...بهذه الطريقة اللازعة .....

آآآآآآآآآآآآآآآآآآآآآآآآآآآآآآآآآآآآآآآآآآآآآآآآآآه هأعترف حرام عليكي يا شيكو بلاش كهربا مبحبهاش

ايه انت نمت .... أيون نمت

انا جييييييييييييييييييييييييييييت .... يا مراحب

اتصدقوا انا موش عاجبنى خالص الرحمة التى اخذتكم باخونا ابو جنى ...قصدى ابو عمر...

ليه كده بس يا شيكو دا أنا منكم مش من الناس التانين ولا أنتوا الناس التانين :lol:

طب ...نسخن شوية تانى فى وسط النهار ...

خديلك 15 أو 20 لفه حوالين التراك وتعالي .........

ناقص تقوليلي وكمان بتنكت ماشي ....

1- تحب تسافر بالعربية ولا المركب ولا الطيارة ...وليه؟؟

والله حسب نوع السفر داخلي ولا دولي وحسب المزاج يعني أوقات تطلب عربيه وأوقات تطلب مركب وأوقات تطلب معايا طياره وساعات صواريخ كمان :wub:

2- بتحب البحر...موش شايفه كبير وغدار...؟؟ طب لو هاترمى رسالة فى البحر تفتكر هاتوصل لمين وامتى ...؟؟

أيون بحب البحر وأسيبك مع نوجه وهيا بتقول أانا بعشق البحر ........

أما بخصوص لو رميت رساله في البحر فحقيقي مش عارف بس أوعدك أني هأفكر فيها بجد واعملها وأقولك .

3- بتعرف تلعب ايه مع عمر...؟؟يعنى ايه اللى اللعبة المفضلة مابينكم كونكم اصحاب...؟؟؟

عمر بيحب يلعب معايا مصارعه وعلى فكره بيتشنج أوي وهو بيتفرج على المصارعه الحره وبيحب جون سينا ولما بيتقمص الشخصيه بتاع جون سينا يبقى لازم أنا له عالأرض ويضربني بالشلاليت والبوم قصدي البوكس ويا حبذا لما يقولى هاجيب الكرسي :blink: يبقى لازم أغطي راسي علشان بيحدفني بأي حاجه في أيده :wub: كل ده على شرط أني مضربوش لازم أقف له زي ( السندباج ) يتمرن عليا .

وأوقات بنلعب كوره وبيحب يشوف العيال اللي بتمشي بالعجله أو الموتوسيكل عالعجله اللي ورا بس ويرفعوا الأماميه ياسلام بيتمزج أوي :lol:

4- جووووووووون ....ايه الحاجة اللى عملتها وجت فى الجون؟؟؟

مش فاكر الوقتي بجد بس برضه أوعدك لما أفتكر هاقولك

5- فكرت مرة تخلى زوجتك ..تقرا كتاباتك على المحاورات...؟؟

ساعات ساعات

6- طب بتحب تكون مع مين وفين وانت متضايق...؟؟؟

لو متضايق أوي بأخلع أقعد مع نفسي ويا سلام لو كنت قريب من البحر ولو مقفول نص نص بأدور على أقرب أصدقائي وأروح أتفك معاهم

7- شوفت كتير ...فتح عنيك ...طب امتى بتغمضها ..وعن ايه تعمل كطنش؟؟

بغمض عيني عن الحاجات الصغيره اللي الواحد لو دقق فيها هتبقى مشاكل كبيره يعني أوقات لما أكون متخانق مع زوجتي أو أحد المقربين ليا ممكن يخرج عن شعوره ويقولس كلام يضايقني وقتها لو دققت معاه يبقى هانخسر بعض فبحب أني أطنش وإن قدرت أبعد عن المكان مؤقتا يبقى أفضل لحد ما نهدأ .

8-سلم المجد كسرت رقبتك ...ولا انت اللى هاتكسره...؟؟

الحمد لله لسه مكسرش رقبتي وإن شاء الله ربنا هيعطيني اللي بتمناه من غير ماأكسر ولا أتكسر

9- ايه اكتر حاجة بتوجعك فى الدنيا؟؟

الفراق

10- طب ايه اكتر حاجة ممكن تفرحك ..؟؟؟

أحلى الأمانى فيك يا زمان يا زمان لقا الأحبه فى كل أوان

تم تعديل 4 مايو 2010 بواسطة عاشق الترحال

[MZohairy]

انا عندي سؤال بس خايف يكون مكرر و حد سأله قبل كده :unsure:

إسأل يا عم زهير بس خلي بالك ( الضرب في الميت حرام )

يا عم صلي ع النبي

الموضوع ده مفتوح بقاله بتاع 5 سنين و عمري ما سألت غير من انت بس :closedeyes:

[عاشق الترحال]

بسم الله تولكلنا علي الله

ياقوي

بصراحة يا جماعة اخونا عاشق من الناس المحترمة جدا جدا جدا

ودي مش مجاملة والله يا أبو عمر

في المنتدي هنا عرفنا ناس فعلاً يستحقوا التقدير ......... وحضرتك طبعاً منهم

لكن

وعلي الرغم ان الواحد خلاص بقي محرج يسألك

الا انه

مافيش فايدة هتتسأل يعني هتتسأل

معلش برده ما عندناش واسطة

- بقي حضرتك من الدقهلية ........ منصورة يعني ........ احسن ناس ياعم وجيرانا علي الحدود الشرقاوية ........ قولي بقي ..... اكتر مكان في المنصورة بتحب تخرج فيه ( أكيد علي النيل ....... النيل في المنصورة بجد مختلف جداً يا جماعة .... غير القاهرة خالص ..)

المشايه بتاع الجامعه بالليل طبعا هي تعتبر عالنيل

-نفسك في ايه لعمر ابنك ؟

أشوفه طيار

- جومانة الامورة كبرت ماشاء الله ........ وقالتلك يابابا انا ناوية اهاجر .... جالي فرصة عمل كويسة اوي في أوروبا ؟؟؟ هتتصرف ازاي ؟

معندناش الكلام ده وااااااااااااصل حريم يسافروا لواحدهم ممنوع منعا باااااااااااااااااااااااتاَ أما لو مع زوجها فربنا يوفقهم .

-ايهما تفضل ......... الاقامة في المنصورة ....... أم في القاهرة ؟

مع أني نفسي أجرب أعيش في القاهره لكن أنا عامل زي السمك يموت لو خرج من الميه

-الحياه ....... مدرسة كبيرة اوي ....... لكنك تلميذ نجيب ..... خرجت منها بدرس غالي اوي ...... وعايز تعلمه لأولادك .... ايه هو ؟

الإعتماد على الله ثم على النفس ولن يحك جلدك مثل ظفرك

-أحلي لحظة في حياه أبو عمر ...... ياتري كانت ...... ولا لسة مستنيها ؟

الحمد لله أكيد فيه لحظات جميله بتمر على كل إنسان ومش كل الحياه أحزان بس متهيألي هافرح أوي لما أدخل إيطاليا لأول مره .

- ايه احساسك أول لما ربنا رزقك بعمر ؟

أخدته من الممرض وضميته على صدري وبصيت له وإتمنيت يكون سندي في الدنيا

- ياتري اختلف الاحساس دة لما شوفت جومانة ؟؟ ولا حسيت نفس الاحساس ؟

الحقيقه إختلف بس حسيت أنها هاتكون حنينه عليا وقلب أبوها

- عمر وجومانة بيتخانقوا علي لعبة ؟؟؟ اه هي عايزة تلعب بالمسدس بتاعه ( هي البنات كدة ) هتشتريلها مسدس ؟ ولا تقول لعمر معلش اختك الصغيرة ؟

هو لحد الوقتي لسه متخانقوش علشان هيا لسه صغيره بس الحقيقه في الحالات اللي زي دي بريح دماغي وأشتري لها لعبه وأصالحهم على بعض

- حضرتك شايف ان المحامي ممكن يظلم حد في يوم من الأيام ؟

وارد جدا جدا أنه يحصل

-فرصة للسفر للسياحة أسبوع كامل ....... عفواً الفرصة لفردين فقط ؟؟؟ تاخد مين ؟؟ ولو المدام هتسيب الاولاد ؟؟( ايه دة ماكنتش ناوي تاخد المدام ؟؟؟) :closedeyes:

أنا بافكر فعلا أني أعملها أنا والمودام حقي ( حلو حقي دي :unsure: ) علشان نجدد حياتنا ونخرج من الروتين والملل ونزحلق العيال عند جدتهم .

- المدام عارفة المحاورات ولا ؟؟....... طيب عندك مانع تعرفها ؟؟ ولا بتعتبرها متنفسك الخاص ؟؟

الحقيقه هي مش غاويه منتديات هيا كبيرها تكلم أمها عالياهو ومعنديش مانع أعرفها وعن كون المحاورات متنفس خاص فهي فعلا كذلك

- ايه رأيك في مساحة الخصوصية ........ لو حد تعدي المساحة دي عندك ....... بتعمل معاه ايه ؟؟

لو مرتاح له بفتح له قلبي ولو شخص عادي بتهرب بالذوق والأدب ولو لقيته رخم بأغلس عليه :o

- صديق حياتك ....... هو صديق واحد طلعت بيه من الدنيا دي ؟؟ مين هو ؟

عندي أكتر من صديق عاشوا معايا لحظات الفرح والحزن لكن بأرجح صديق إسمه أحمد

- ياتري شوفت حد من المحاورات فعلاً ؟

يمكن إتكلمت في التليفون مع بعضهم لكن وجها لوجه بأخطط لكده قريب أوي

- لديك امكانية وقف عضوية بعض الأعضاء ....... فمن من اعضاء المحاورات تقوم بوقف عضويته ( ايوة عارفة انك بتشاور عقلك دلوقتي وتقول اكيد هوقف عضوية رضوي ..... عارفة عارفة )

أغابي علشان هي اللي دبستني التدبيسه دي :lol:

- اخر مرة ضحكت من قلبك ....... كانت امتي ؟؟

الحمد لله بحاول على أد ما أقدر أن كل يوم من أيامي ميعديش من غير ما أضحك من قلبي

- خاتم سليمان ....... لك ثلاث امنيات ستحقق ...... ما هي ( أوعي تقول اول امنية انه يحققلي كل امنياتي ..... عارفة انا المصريين بيفكروا ازاي )

مش عارف بجد بس أكيد هاقوله عاوز تأشيره شنجن من الأصلي مش مضروب وصلحه :lol:

عاوز شنطه على بابا ويكون فيها دهب وياقوت وألماظ وزورارات ويوروهات وسرر من الدنانير والحبشتكانات والذي منه wst::

ديناصور ويكون بيطير وبيطلع نار من بقه ويبقى ملاكي قريش مش أجره :lol:

- صف الأعضاء الآتي أسمائهم ( اجباري )

* مكاوي ( المغامر )

*عنبو ( العتره أدهم الشرقاوي )

* م زهيري ( الشريك المخالف )

* ضحي ( الكلمه الطيبه )

* أغابي ( العصفوره )

* جو ( المشاكس )

* شيكو ( السندريلا )

* رضوي ( الفراشه )

* فتفوتة ( القلب الطيب )

* لماضة ( العقل والشقاوه )

*سي السيد ( المايسترو )

خمسة كدة وارجع اكمل أسئلتي

خليهم خمستين أو تلاته ولا أقولك خمس خمسات فاكراها :lol:

وسمعيني أغنيه من خمسه لخمسه ونص وأنا واقف بستناك ......

[عاشق الترحال]

عاشق يا هلا بالحبايب............ بلدياتى وهتوصى بيك متخفش

أهلا بحضرتك يا دكتره ... يا مراحب بأهل بلدي

لو رجع بيك الزمان خمس سنين ورا كنت هتعمل ايه معملتوش ؟

كنت هاصمم أني أسافر وأعمل أي حاجه بس متنازلش عن فكرة السفر اللي بحبها أو أأجلها زي ماعملت

لو عرفت انك بقيت رئيس الجمهورية اول 3 قرارات هتاخدهم ايه؟

هأطبق الشريعه الإسلاميه .

هأضرب بأيد من حديد ونار على يد كل مسئول فرط أو تهاون في حق الشعب أيا كان .

هأمم اللي إتخصخص وأرجع حق الشعب المنهوب عشان يشم نفسه ويعيش حياه آدميه .

ايه اكتر مطعم بتحب تاكل فيه فى المنصورة وايه اكتر مطعم بتحبه فى جدة؟

( كوك دوور ) وياسلام عالبيتزا اللي إسمها ( بيج بروكلين ) بتعجبني أوي مع النطاطس والبيبسي .

المطاعم التركي عموما بس علشان نشجع صناعة بلدك ( المطعم المصري اللي في حي الجامعه )

ايه الوقت اللى انت حسيت فيه انك لازم تكون موجود فى مصر ؟

عموماَ إن حسيت في أي لحظه أن أبويا وأمي محتاجين لي جنبهم

ايه الدعوة اللى لما بتكلم والدتك بتطلب انها تدعيهالك؟

أمي ديما تقولي ربنا يحبب فيك خلقه ويكفيك شر الطريق والرفيق واللي يؤذيك

أقوم أقولها أيه بقى أنا

أنت عارفه اللي بالي بالك يا أما

تقولي يارب إن شاء الله

أقوم أقولها أحودي بالدعوه كده عالبلد إياها :unsure:

تقولي يارب يا إبني إن شاء الله

ايه اصعب لحظة عشتها فى الغربة؟

أول ما جيت ولقيت اللي إتقالي في مصر من الناس اللي جابوني وعملوا لي البحر طحينه غير اللي شفته بعيني لكن الحمد لله إتحملت البهدله شويه وربنا وفقني ولقيت الشغل المناسب .

ايه السلوك اللى مش بيعجبك من المغتربين سواء مصريين او اجانب؟

المصريين لما أحس أن المصري بيعوج لسانه ويعيشها بقى على أهل بلده أو يتحامل على مصري زييه لإسترضاء جنسيه أخرى حتى ولو كان المصري على حق وكمان لما يحصل منه تصرف أيا كان من شأنه الإساءه لغيره من المصرين

الأجانب دي بقى هتختلف من جنسيه لأخري . بس عموما أي تصرف يسئ لغيره بيضايقني .

كفاية عليك كدة

نكمل بكره

حللت أهلا ونزلت سهلا يا دكتور

ومرحبا بك في كل وقت :closedeyes:

[عاشق الترحال]

يامسهل يارب

ربنا يقدرنا علي فعل الخير

معلش ....... إعتذار للأخ عاشق .... أنا بحاول أقوم بدوري الشرير في الكرسي لاني الفترة الجاية ان شاءالله هنشغل شويتين .... ومش هعرف أقوم معاك بالواجب يعني

لكن وعد بإذن الله الواحد الأحد ......... هكون موجودة ان شاءالله علشان أرشح مكاوي ........ ونقوم معاه بأحلي وااااااااااااجب

عيييييييييييييييب .......... دة شرقاوي .......... وعامل فيها زعيم المعارضة .....

وأنا العمدة يابلد .......... لازم نكرموه اخر كرم

ماعلينا

اخويا عاشق

- شربت المشروب القومي لجمهورية رضوي المستقلة ( الموز باللبن ؟؟) ولا انت اخرك حشيش ( قصدي كابوتشينو ) :unsure:

على فكره بحبه جدا الموز باللبن بس الحشيش غير زي جده كده وطبعا يختلف لو كان دبوس ولا معلقه ولا سيجاره بني ولا على الشيشه :o

- حلم حلمته من زماااااان ..... وحمدت ربنا انه ما اتحققتش ؟؟

أن أبقى ضابط شرطه وده طبعا وأنا صغير

- قرار ........... لازم تاخده؟؟

أسيب السعوديه وأسافر إيطاليا

- امتي بتحب تكون لوحدك ؟؟

لما بتطلب معايا هدوء أو أكون بفكر في شئ شاغلني أو أكون متضايق أوي

- ممكن تكتب مذكراتك ؟؟

ليه لأ

- كلية الحقوق جامعة المنصورة ..........( دة لو حضرتك خريج المنصورة ) فيها مجموعة خطيرة من الأساتذة ( بجد مجموعة رائعة بدون ذكر أسماء ) ....... ماذا تعلمت منهم ؟؟

أيون خريج المنصوره بس أنا فعلا محدش منهم معلق في دماغي غيرالدكتور ( الشافعي بشير ) لأني ببساطه مكنتش باحضر بوتاتاَ

الراجل ده تعلمت منه إزاي تبقى صاحب مبدأ وتدافع عنه مهما حصل .

-افضل ما قرأت ؟ بعد كتاب الله (القرآن ) أحب أقرأ الكتب السياسيه والعلميه وخصوصا ماوراء الطبيعه بس ما بأعتبرش نفسي قارئ بمعني الكلمه يعني لو كتاب شدني بس .

- رسالة اعتذار ....... لمن ....... وما فحواها ؟؟

لكل إنسان أسأت إليه من قريب أو بعيد وفحواها كالتالي ( أعتذر عن إسائتي فقد كنت جاهلاَ )

أما على وجه الخصوص فلأمي ( سامحيني على ما فات )

-رحلة استكشافية لجزيرة نائية ...... لوحدك ....... اذكر خمس اشياء تاخدهم معاك ؟؟

( سلاح ، طعام , ولاعه , كتاب , صابون ديتول :lol: )

- صف أبو عمر في كلمتين ؟؟

مش أنا اللي أوصف بقى أنتم تبقوا توصفوا بس بينكم وبين نفسكم

- سأظل احملك في قلبي ......... لمن ؟؟

خالي رحمة الله عليه

- عاشق بيخاف من ايه ؟؟

أني أموت وربنا غضبان عليا

- ياتري ممكن في يوم تعمل حاجة مجنونة ......... ؟؟؟

حاجه واحده بس :lol:

توقعي مني أي شئ مجنون

-هواياتك ؟؟

اللي بعملها ( السباحه وكرة القدم والنت و أوقات القراءه )

اللي نفسي أعملها ( أقود طائره ) و ( أضرب نار ) و ( أركب خيل )

- ايه رأيك في تعدد الزوجات ؟؟

ياسلاااااااااااااااااام دي حاجه حلوه أوي خالص جداَ

بس بجد رأيي لو الإنسان ربنا مقدره يبقى ليه لأ

-امتي تقول تعبت ....... مش قادر اكمل ؟؟

أعتقد إن شاء الله مش هيحصل لأني نفسي طويل وعنيد ما بضعفش بسهوله إلا إذا وقعت بقى خالص وفاضت روحي

-اكتر الصفات اللي ممكن تكرهها في بني آدم ؟؟

الغرور والخيانه

- بتتصرف ازاي مع الناس الحشرية ؟

كلا تبع معزته عندي لو كان ليه معزه عندي يبقى بلطف وأدب

لو ملوش معزه وبيتثاقل عليا بأخليه يكره اليوم اللي سألني فيه بأحرجه أوي يحرج أبو أبو اللي جااااااااابه :lol:

- عقاب الزوجة ............ اشرح الجملة دي ؟؟

العقاب على قدر الخطأ

-الدنيا......... أكبر طموحاتك فيها ايه ؟؟

أسيب أهلي من بعدي مستوريين وأخرج منها بسلام وضا الرحمن .

- زمان كنت بتعيش حياتك ببساطة ...... ولنفسك اولا .........النهاردة ....... ياتري انت فين من مخططاتك اليومية ؟؟

لا محل له من الإعراب أو ملوش مكان عالخريطه يمكن حتى اللي بفكر فيه بيصب فى الآخر لمصلحة غيري .

- أول حب في حياتك ....... بتعتبرها زوجتك ( الحب الحقيقي يعني ) ........ طيب اول حب غير حقيقي ..... فاكرة .... طيب ماتقول ؟؟

أول حب غير حقيقي كانت بنت معايا في الحضانه إسمها على ما أتذكر شيماء وقابلتها في الجامعه كانت معايا في حقوق

-آسف ...... كفاية لحد هنا .......... تقولها امتي ؟؟

لما ألاقيها هتدخل في قلة قيمه والواحد هيصغر نفسه

- عاشق ممكن يخسر شخص علشان ...................؟

أناني ومش بيفكر غير في نفسه ولو على حساب غيره أو هيجرني معاه لسكه نهايتها وحشه

-عمر بسم الله ما شاء الله ...... كبر وبقي شاب وسيم ........ وله مغامرات عاطفية جامدة ...... والجيران بيشتكو ........( استاذ عاشق من فضلك ابن حضرتك مش سايب البنات في حالها ) تتصرف ازاي ؟؟

هاقول لحضرتك أنا على أد ما أنا بحبه بس مبحبش الحال المايل والله إن كان عاوز يتجوز واحده بيحبها يبقى من باب البيت ونقصر الطرق أما بقى المعلم هيقضيها فمحبش أنه يكون كده وخصوصا مع الجيران .

- قدمت لأولادك في مدرسة في ايطاليا ........ وشافوا نماذج حياه مختلفة تماماً ........ وعايزين يقلدوا تعمل ايه ؟؟

على فكره دي من أكتر الحاجات اللي بتخلي مراتي مبتحبش تروح هناك لأننا عاوزين نبقى مع بعض ومنفترقش تاني وفي نفس الوقت الأولاد إن شاء الله يتعلموا تعليم يتناسب مع ديننا وطباعنا وأخلاقنا معادله صعبه مش كده

- صف عاشق الترحال ك :-

* اب ( مودرن آخر حاجه بس لما بقلب ببقى غتيت )

* أخ ( مهما يحصل الدم الواحد )

* زوج ( بصراحه شويه ديكتاتوري )

* صديق ( نسند بعض وعالحلوه والمره )

* جار ( الناس لبعضيها )

* ابن ( عنيد بس بار وبشتري رضاهم )

* زميل ( بحب الناس الراقيه والجو اللي دمه خفيف ونشيل بعضينا )

* عضو في المحاورات ( قولي أنتي بقى )

كفاية لحد هنا دلوقتي

ووعد علي أول فرصة بإذن الله هكمل أسئلة

ماتقلقش يامكاوي ........ ممكن آخد أجازة مخصوص علشان أجهز أسئلتك wst::

أغااااااااااااااااابي

معلش ياجميل ...... ضاعت الفرصة

رضوي قعدت واتكهربت علي الكرسي قبل كدة ....... ماينفعش تقعد تاني

الا فين جست مي ؟؟؟ والفولدر اللي علي سطح المكتب ؟؟

يااااااااااااااه كانت أيام

اتهريت أسئلة من شلة الاشرار ....... اللي انا عضوة فيها دلوقتي :lol:

مع السلاااااااااااااااااااامه

يااااااااااااااه دا عامل زي إمتحان أسئلة الكيمياء بتاع ثانويه عامه wst::

:closedeyes:

[عاشق الترحال]

انا عندي سؤال بس خايف يكون مكرر و حد سأله قبل كده :unsure:

إسأل يا عم زهير بس خلي بالك ( الضرب في الميت حرام )

يا عم صلي ع النبي

الموضوع ده مفتوح بقاله بتاع 5 سنين و عمري ما سألت غير من انت بس :closedeyes:

يا أبو إياد خد راحتك عالآخر معايا أنت أخ كبير مهما إختلفنا في وجهات النظر

إسأل ما يحلو لك واللي يخطر في بالك .

:o

[mekkawy]

شايف يا باشا أنا لامم نفسي ع الاخر إزاي و قاعد ساكت و مش راضي أسأل ولا ارخم عليك

افتكرها بس عشان الأيام دوارة

العالم دي خلاص اتكهربت و قطعوا بطايقهم و مش باكيين على حاجة يا أبا ... إنما انا .... ده أنا غلبااااااان

ألا قولي يا باشا اجابات الكام سؤال دول كدة عشان هفوا عليا

1 - الفلوس ... ماذا تعني لعاشق؟

2 - ممكن تضحي بتفسك لأنهي درجة عشان غيرك ... يعني بتنسى نفسك؟

3 - هل تغفر الخيانة؟

4 - شئ ضاع منك و ندمت عليه باقي عمرك؟

5 - لما يوقفك واحد من اللي بينصبوا بالشحاتة و انت عارف انه بينصب عليك بس قصته دخلت دماغك ... بتدفع ولا بتخلع؟

6 - تعمل ايه لو مجهودك اتنسب لغيرك؟

7 - خطك حلو ؟

8 - عاشق الترحال في كلمة واحدة بس؟

9 - امتى اتمنيت متكونش موجود في الدنيا ؟ (مش عاوز اقول الموت)

10 - غسلت سنانك بسيجنال تو النهاردة ؟؟ :closedeyes:

مكاوى ... بساطة

[اغابي]

تصفيــــق حـــــاد للجميـــــع

متابعة اهووووووت

برافووو يا شباب - ورونا الهمة كمان وكمان

خدو منى دي :closedeyes:

اغابي

[shiko]

دى اصطوباحة ... صغنونة علشان انا شايفة الموضوع سخن على الاخر ولا زم الحق موسم التخفيضات قبل ما يخلص...

1. دعاء.....فاكره كويس ...وربنا استجاب له فى وقت قريب ...اوى ؟؟؟

2. لو زعلان زعلان من مين وليه ...؟؟

3 هل رايك ان المرأه المصريه مظلومه ؟

4 ما هو رايك بين الصداقه بين الراجل والمرأه ؟

5 هل تؤمن بنظرية المؤامرة ؟؟

6 ايه اللي تحترمه في الست..... و ايه اللي يخليك ... ماتحترمهاش لا قدر الله؟

7 فيه طفل قاعد جوه ...ااهوه شايفاه .... ايوه ...امتى انت كمان بتشوف فى ابو عمر طفل؟؟

8 بتلاقي النور فين في الدنيا?

9 بتوزن الامور بعقلك....بافكارك حتي و ان كانت في اتجاه معاكس...؟؟

10 هل يوجد كرامه بين الزوج وزوجته ؟؟

11 عشق الترحال ...غية ...ليه على طول عاوز تعيش بره مصر؟...موش مصر دى امى ...حد برضه يسيب مراة ابوه؟؟؟

12 حلمك ...حلمى ...وعلمك علمى ...ياترى ايه هو حلمك انهاردة؟؟؟

13 لمن تقول :

مرفوع مؤقتا من الخدمة

لقد نفذ رصيدكم

عاود الاتصال فى وقت اخر

مالكش دعوة بيا

قبل ما اشرب النوسكافيه تكون الاسئلة خلصت ...

فاهمين ...؟؟

تم تعديل 4 مايو 2010 بواسطة shiko

[عاشق الترحال]

شايف يا باشا أنا لامم نفسي ع الاخر إزاي و قاعد ساكت و مش راضي أسأل ولا ارخم عليك

افتكرها بس عشان الأيام دوارة

كله متقيد عالحساب

العالم دي خلاص اتكهربت و قطعوا بطايقهم و مش باكيين على حاجة يا أبا ... إنما انا .... ده أنا غلبااااااان

هااااااااااااااانت كلها كام ألم على كام شلوت وعضه وأبقى مسجل خطر وأقطع البطاقه وأحصلهم وساعتها بقى يا حلو لا تقولي سيجنال تو ولا كلوس أب .

مااااااااااااشي

ألا قولي يا باشا اجابات الكام سؤال دول كدة عشان هفوا عليا

هفوا عليك بس كده من عنيه يا سي مكااااااااااااااااوي أفندي أما بلغت عنك يا ( بن لادن سابقا ) :unsure:

1 - الفلوس ... ماذا تعني لعاشق؟

وسيله وسلاح

2 - ممكن تضحي بتفسك لأنهي درجة عشان غيرك ... يعني بتنسى نفسك؟

أيوه بنسى نفسي كتير بس طالما حسيت أن ده بيلاقي تقدير عند غيري أما لو كان في مقابل ده أن غيري يظهر لي أنانيته فلا والف لا

3 - هل تغفر الخيانة؟

لأ

4 - شئ ضاع منك و ندمت عليه باقي عمرك؟

فتره في بداية شبابي ضاعت في الشقاوه

5 - لما يوقفك واحد من اللي بينصبوا بالشحاتة و انت عارف انه بينصب عليك بس قصته دخلت دماغك ... بتدفع ولا بتخلع؟

بأعطيه علشان ربنا ميسألنيش عنه

6 - تعمل ايه لو مجهودك اتنسب لغيرك؟

لو مجهود أنا فعلا مقدره ومحتاج له ممكن أزعق وأهيص وأخرج عن شعوري وأعمل مشاكل وممكن أسامح فيه لو أنا اللي أعطيته لغيري بمزاجي .

لو مجهود وأنا فعلا مش محتاجه فممكن اعطيه لغيري عن طيب خاطر أما يتاخد مني غصب فلا وألف لا

7 - خطك حلو ؟

أيـــــــــــــــــــــون

8 - عاشق الترحال في كلمة واحدة بس؟

مش عارف بجد

9 - امتى اتمنيت متكونش موجود في الدنيا ؟ (مش عاوز اقول الموت)

أوقات بتمر عالإنسان لحظات بيتمنى فيها الموت ويتضح له بعد كده أنه كان مخطئ .

10 - غسلت سنانك بسيجنال تو النهاردة ؟؟ :o

أيون الصبح أول ما صحيت .

وبعدين جالي سواك هديه ماركه منبار ( تخين ) بقيت ماسكه في ايدي في الراحه والجايه

مكاوى ... بساطة

مكاوي يسأل .. وعاشق يجيب .

:closedeyes:

[عاشق الترحال]

سالنور

في هدومي في الدنيا كده يعني

دى اصطوباحة ... صغنونة علشان انا شايفة الموضوع سخن على الاخر ولا زم الحق موسم التخفيضات قبل ما يخلص...

1. دعاء.....فاكره كويس ...وربنا استجاب له فى وقت قريب ...اوى ؟؟؟

أن ربنا يوفقني في أستقدام أسرتي للعيش معي والحمدلله قد كان

2. لو زعلان زعلان من مين وليه ...؟؟

كفايه أني زعلان من نفسي

ولأسباب كتير مش هاقدر اقولها

3 هل رايك ان المرأه المصريه مظلومه ؟

مظلومه :lol:

كل شئ جايز :lol:

5 هل تؤمن بنظرية المؤامرة ؟؟

جداَ

6 ايه اللي تحترمه في الست..... و ايه اللي يخليك ... ماتحترمهاش لا قدر الله؟

أدبها وأخلاقها ودينها وعفتها وعقلها

ومحترمش فيها بجاحتها و قلة أدبها وفراغة عينها

7 فيه طفل قاعد جوه ...ااهوه شايفاه .... ايوه ...امتى انت كمان بتشوف فى ابو عمر طفل؟؟

في حضن أمي

8 بتلاقي النور فين في الدنيا?

فى طاعة ربنا ورضاه عليا

9 بتوزن الامور بعقلك....بافكارك حتي و ان كانت في اتجاه معاكس...؟؟

أحيانا كتيره وأوقات قليله بقلبي .

10 هل يوجد كرامه بين الزوج وزوجته ؟؟

لا يوجد بينهم كرامه وإنما كرامة الزوجه جزء من كرامة زوجها والعكس .

11 عشق الترحال ...غية ...ليه على طول عاوز تعيش بره مصر؟...موش مصر دى امى ...حد برضه يسيب مراة ابوه؟؟؟

بصراحه نفسي ألف الدنيا وأرجع لها وانا حاجه كبيره أترمي في حضنها وأقولها وحشتيني

أمانه عليكي تنزلي للأستاذ بأغنية وبحبك وحشتيني بحبك وأنتي نور عيني :lol:

12 حلمك ...حلمى ...وعلمك علمى ...ياترى ايه هو حلمك انهاردة؟؟؟

حلمي النهارده أن مرحلة الترانزيت اللي عاملها في السعوديه تخلص على خير وزي ما أتمنى علشان أبدأ في تنفيذ المرحله اللي بعد كده

13 لمن تقول :

مرفوع مؤقتا من الخدمة

نفسي آخد أجازه طويله وأقول للشغل كده

لقد نفذ رصيدكم

أصدقاء السوء

عاود الاتصال فى وقت اخر

أي حد زعلان منه ولسه الجرح سخن .

مالكش دعوة بيا

أي إنسان مبيحبش الخير ليا .

قبل ما اشرب النوسكافيه تكون الاسئلة خلصت ...

فاهمين ...؟؟

وكمان بتوشربي نوسكافيه وتصطبحي يا شيكو عيب دا الريس لسه عامله المراره وماوقفش على رجليه كده برضه يقولوا علينا أيه بقى بنشرب نسكافيه شمتانين في الراجل لألألألألألألألألألألألألألألأ دا كلام مينفعش أأبداااَ

متجيبي بق نسكافيه يا شيكو

جاي

تم تعديل 4 مايو 2010 بواسطة عاشق الترحال

[mekkawy]

ايـــــــــــــــه الكسل ده

فين عاشق و اجاباته و فين الناس و اسألتهم ... لا لا مينفعش كدة .. عاشق كدة خد نفسه و ارتاح

أعمل ايه يا صاحبي بأة ... ما انا كدة كدة ميت ميت :happy:

مكاوى ... على صفيح ساخن

[shiko]

خخخخخخخخخخخخخخ

انتم نمتو ...ولا ابه ...

...ابو عمر اتخطف يارجالة ...

الو ...الووووووو...حول ..

الهدف غير موجود ...جارى البحث والانقاذ ..حول ...

برضه هاسأل ماليش دعوة ...

...

1. فينك اليومين اللى فاتوا...؟؟

2. بتشتغل كام ساعة فى اليوم..

3. عاجبك الاقامة فى السعودية ...؟؟؟

4. شايف المحاورات بعد سنة واحدة من دلوقتى عاملة ازاى ...؟؟

5. اولة مداخلة ليك فى المحاورات كانت ايه؟؟

6. اول حد قريتله فى المحاورات كان مين ..؟؟

7. قطار الحياة ...لا مخلى اللى راكب راكب ولا اللى ماشى ماشى ...راكب فين فى القطر..؟؟

8. ورقة محتفظ بيها من سنين ....اصفرت وتهالكت بس برضه محتفظ بيها ..مكتوب فيها ايه؟؟

9. الحياة مدرسة علمتك ايه ؟؟....

10. العادات السبع ...؟؟اى العادات عاوز تتخلص منها وموش عارف ...

وايه اللى نفسك تكتسبه وموش قادر؟؟

11. بتعرف الناس ..منين ...من كلامها ..ولا حركاتها ..ولا لبسها ...؟؟

12. ايه هى اكلتك المفضلة

13. مشروبك المفضل

14. كتابك المفضل

ممكن اسيبك ..دلوقتى ..اوعى تمشى راجعة تانى ..؟؟

تم تعديل 6 مايو 2010 بواسطة shiko

[عاشق الترحال]

خخخخخخخخخخخخخخ

انتم نمتو ...ولا ابه ...

...ابو عمر اتخطف يارجالة ...

الو ...الووووووو...حول ..

الهدف غير موجود ...جارى البحث والانقاذ ..حول ...

برضه هاسأل ماليش دعوة ...

...

1. فينك اليومين اللى فاتوا...؟؟

كنت تعبان وبعافيه شويتين يعني حد جابلي كيلو قشر موز وزارني ولا أي واجب

2. بتشتغل كام ساعة فى اليوم..

غالبا 8 ساعات وأحيانا بتوصل في أيام 18 ساعه باخرج من البيت 7 صباحا وارجع 12 في الليل

3. عاجبك الاقامة فى السعودية ...؟؟؟

مش أوي بس إتعودت أكيف نفسي مع المكان والظروف اللي إتحطيت فيها إلى أن تتغير للأحسن إن شاء الله

4. شايف المحاورات بعد سنة واحدة من دلوقتى عاملة ازاى ...؟؟

الله أعلم مبقاش فيه شئ مضمون في بلدنا مش يمكن يخصخصوها هيا كمان :rolleyes:

5. اولة مداخلة ليك فى المحاورات كانت ايه؟؟

كانت تقريبا عن حقوق المصريين في الخارج وبالتحديد مشكله سيدات مصريات في الرياض مع كفيلتهن

6. اول حد قريتله فى المحاورات كان مين ..؟؟

حقيقي مش فاكر

7. قطار الحياة ...لا مخلى اللى راكب راكب ولا اللى ماشى ماشى ...راكب فين فى القطر..؟؟

حاليا مسطح

8. ورقة محتفظ بيها من سنين ....اصفرت وتهالكت بس برضه محتفظ بيها ..مكتوب فيها ايه؟؟

عندي أجنده وشويه ورق كنت مسجل فيهم بعض اللحظات والأحداث اللي مرت عليا وراميهم في كرتونه مع كتب الجامعه في دولابي في مصر لما أفتحهم وأقرأهم هأقولك

9. الحياة مدرسة علمتك ايه ؟؟....

مش معقول أن الدروس اللي إتعلمناها في الدنيا طول عمرنا تتكتب في كام سطر بس فعلا فيه كام درس غاليين عليا

لا يحك جلدك مثل ظفرك

ساعة الضيق يبان الصديق

الدنيا هات وخد مش كلها هات ولا كلها خد

10. العادات السبع ...؟؟اى العادات عاوز تتخلص منها وموش عارف ...

وايه اللى نفسك تكتسبه وموش قادر؟؟

أيه يا وديع حكاية السبع خطاااااااااايا كل عيوبي نفسي أبطلها وللأسف كلي عيوب

11. بتعرف الناس ..منين ...من كلامها ..ولا حركاتها ..ولا لبسها ...؟؟

لا شئ مما سبق معادن الناس بتبان في مواقف الشده وفي الغربه أما الكلام والحركات واللبس فغالبا ماهي إلا مظاهر خداعه لا غير

12. ايه هى اكلتك المفضلة

بصراحه حاليا نفسي في صينيه عليها كل ما لذ وطاب من اللحوم والمأكولات البحريه والمحمر والمشمر والفاكهه والذي منه وكفايه بقى علشان الدكتور مانعني من حاجات كتيره مما سبق :blink:

13. مشروبك المفضل

( الحشيش وإن لم يوجد فالبانجو لا بأس به wst:: )

الشاااااااااااي الشااااااااااااااااي الشااااااااااااااااااي أوشفلك يا حبيبي الشااااااااااااااي قبل ما أحبك كنت الشااااااااااي ياحبيبي :lol: ( واحده عجوزه بتغني لأم كلثوم )

14. كتابك المفضل

( أي كتاب بيتكلم عن أحداث غامضه سواء سياسيه أو علميه أو أي شئ )

ممكن اسيبك ..دلوقتى ..اوعى تمشى راجعة تانى ..؟؟

مستنيكي متتأخريش

يا إخوانا أنا حمضت عالكرسي إن مكنش لكم نفس تسألوني أو أسألتكم خلصت خلوني أمشي ورشحوا حد تاني غيري

بدل ما أنا معطلكم ومعطل نفسي وعلشان الناس اللي قارشه ملحتي ومدخلتش وسألت أي شئ يقدروا يدخلوا ويتكلموا في الموضوع مع حد غيري

ومنحرمهمش بسببي

سعيده

هزروا بقى وقولولي بقى سعيده مباركه

ولا ناقص تقوقولي سعيده دي خالتك :blink:

:blink:

تم تعديل 8 مايو 2010 بواسطة عاشق الترحال

[mekkawy]

ويلكم باك يا عاشق و ألف سلامة يا سيدي من التعب ... بس مش اللي يتعب يقول يا جدع انت ولا ايه ؟!!

أهو أقله كنا نجيبلك 2 كيلو بتاع على 3 كيلو حاجات و نحطهملك في اسمه ايه ده عشان تخف و تبا كويس

يلا استعد و البس الخوذة بتاعتك عشان تتروق ... افتقدك و الله

مكاوى